رواية كفاح امرأة الفصل الأول 1 بقلم شهد وليد
رواية كفاح امرأة الفصل الأول 1 بقلم شهد وليد
رواية كفاح امرأة البارت الاول
رواية كفاح امرأة الجزء الأول
رواية كفاح امرأة الحلقة الأولى
انا يارا عندي 22سنه متخرجه من كلية اقتصاد وعلوم سياسة ومعايا درجه الباكالريوس، عايشه انا وماما وماما اسمها حليمه قاعدين في شقه بابا الله يرحمه بابايا توفي وانا عندي 10سنين حزنت اوي ع وفاه بابا لانه كان اطيب حد ممكن تشوفه وكان ممكن اتأثر بالموضوع ده لكن بصراحه ماما مخلتنيش احس بالموضوع لانها قامت بدور الاب والام والاخت والصاحبه لحد مكبرتني وخليتني ابقي من الاوائل في دراستي وانا عندي اخين الكبار الاول اسمه ياسر والتاني اسمه مالك متجوزين وكل واحد فيهم عايش حياته مع مراته واولاده وسابيني انا وماما مش بيسألوا علينا غير من فترة للتانيه طبعا هما اغبية ميعرفوش انهم بيحرموا نفسهم من دعواتها وبركتها ورضاها عليهم بس هنقول اي ربنا يهديهم بس ده طبعا مش فارق معايا ده لان ماما جمبي كفايه اني بصحي كل يوم علي دعواتها وبركتها وشكلها الجميل، طبعا من بعد متخرجت وانا بدور ع شغل في كل مكان مع اني اتقبلت في كذه انترڤيو بس مكنتش برضي لان صحاب الشغل كان عنيهم مني صحيح نسيت اقولكم اني بيضاء اللون وعيني عسلي وشعري اسود طويل وعندي غمازة في خدودي غويطه جدا عشان كده كنت برفض اي شغل ممكن يجي غلط لحد مقبلت في شركه محترمه ومديرها شخص كويس هو اه الشغل مالهوش علاقه بشهادتي بس مش مهم وهناك اتعرف ع زميل اسمه عمر كنت بتكلم معاه في حكم الشغل وكده يعني، لكن هو انجذبلي وحبيني وجيه طلب يتقدملي بس انا رفضت بس هو مستسملش وجيه طلب ايدي من اخواتي وهما وافقه و جم يقنعوني انه شخص كويس وهيحترمني وكمان عنده شقه وظروفه حلوة ولما سألت ماما قالتلي:-والله يبنتي مش عارفه بس هو شكله شخص كويس بس بالرغم من كده في حاجه مش مريحاني بس سيبها ع ربنا، مفرقش رأي ماما كتير لان اخواتي موافقين واتخطبتلوا وحددنا فتره الخطوبه 3شهور مكنتش مرتاحه لان المده قليلة بس واقفت، وفي يوم ماما تعبت وبقيت ست قعيدة ع كرسي متحرك مبتقدرش تخدم نفسها حتي دخولها الحمام وهتحتاج رعاية وقولت اتكلم مع اخواتي لاني قررت افسخ خطوبتي من عمر عشان اهتم بأمي لاني اكتر واحده اولي بمسؤليتها فجأة لقيت ياسر بيزعقلي وقال:-انتي اتجننتي عايزة تسيبي خطيبك انتي عارفه الناس هتقول اي ويعدين احنا ادينا كلمه للناس ومنقدرش نرجع فيها
قولتله:-مش فارقة معايا الكلام ده المهم عندي ماما مين هيراعيها لما اتجوز مانت عارف حالتها كويس وكل اللي فارق معاك كلام الناس ومش فارق معاك أمك دي امك يأخي.
ياسر:-بقولك اي انتي… فجأة وقفه صوت مالك اخونا اللي ساكت طول القعدة وقال:-ياسر تعالي معايا شويه.. اي يا ياسر اتكلم مع اختك براحه شويه انت عارف اني يارا عنديه مش هتيجي بالاسلوب ده وبعدين اهدي كده عشان تاخد اللي عايزه
ياسر:-مانت عارف اني مستنيها تتجوز عشان اخد شقه بابا لانها اكبر من شقتي
مالك:-خلاص يبقي اتكلم معاها براحه انت عارف هي قد اي بتحب ماما قد اي وماما هي الوحيده اللي هتقنعها، وفعلا راح ياسر عشان يوسوس لماما وقالها:-ماما يحبيبتي حاولي اقعني يارا بالجواز انتي اكيد ميرضكيش انها تفضل من غير جواز يا أمي انتي مش نفسك تشوفيها عروسه وتشوفي عيالها ولا اي،وبعدين لو ع رعياتك فا انا ونڤين هنيجي نعيش معاكي ونخدمك يحبيبتي.
واقفت ماما وجات تاني يوم عشان تتكلم معايا لانها مش فارق معاها غير انها تشوفني مبسوطه وقالتلي:-يارا عايزة اتكلم معاكي شويه يبنتي
قولتلها لا يماما أسفه مش هغير قراري اللي اخدته فأحسن ياريت متتكلميش وتتعبي نفسك.
ماما:-استغفر الله العظيم وعرفتي منين يبنتي اني هتكلم في الموضوع ده
وقولتلها:-ماما انا عارفاكي اكتر من نفسك
ماما:-بصي انتي لو فاكره اني هبقي مبسوطه وانا شيفاكي عايزة تهدمي حياتك قبل متبدأ تبقي غلطانه يبنتي انا نفسي افرح بيكي واشوفك عروسه واشيلك عيالك بس هعمل كده ازاي وانتي قاعده كده
قولتلها:-يماما ازاي هسيبك لوحدك ومين هيهتم بيكي غيري ازاي يماما قلبي ميجبنيش اعمل كده.
ردت ماما وقالتلي:-يحبيبتي وانا مش هبقي مرتاحه كده وانتي بتسيبي حياتك كده وبعدين مش هبقي لوحدي اخوكي ياسر ومراته هيبقوا قاعدين هنا معايا وافقي بقا.
اطمنت شويه لما هي قالتلي ان ياسر هيبقي معاها وقولتلها:-ماشي يماما بس انا مش برتاح لنڤين دي خالص
ماما:-دي طيبه خالص يبنتي واقفي بقا عشان خاطري ونبي.
قولتلها:-حاضر يحبيبتي مواقفه، وافقت واتجوزت عمر وبقيت بروح لماما من فتره للتانيه وفي يوم روحت لقيت ماما متغيره كاشكل وطريقه ومبقتش تتكلم زي الاول ولما سألتها قالتلي مفيش حاجه حسيت انها بتكدب بس في يوم قررت اني هروح فجأة ومش هقول قبلها وفعلا في يوم خلصت الشغل وجبت حاجات لماما روحت وقبل ما خبط سمعت اللي صدمني وخلاني مش قادره اقف ع رجلي وسمعت…….
يتبع…..
لقراءة الفصل التالي : اضغط هنا
لقراءة باقي حلقات الرواية اضغط على : (رواية كفاح امرأة)