رواية جريمة عشق 5 الفصل السابع والعشرون 27 بقلم مريم نصار
رواية جريمة عشق 5 الفصل السابع والعشرون 27 بقلم مريم نصار
رواية جريمة عشق 5 الجزء السابع والعشرون
رواية جريمة عشق 5 البارت السابع والعشرون
رواية جريمة عشق 5 الحلقة السابعة والعشرون
فيلا رعد الجوهري..
رعد وهيلينا وباري..قاعدين ع السفره بيفطرو..
باري : بتعمل سندوتشات نويتلا..وبتاكل بنهم.. أممم..
رعد : هز راسه بتعجب..وقال سندوتشات نوتيلا؟ ياعالم بكره هيعملوا إيه كمان..؟
باري : بمرح..مالها بس النوتيلا يارعد باشا.. ده أحلا ساندوتش تفتح عينيك عليه.. أممم..
رعد : بسخريه..الله يرحم أبوكي..كان بيفتح عينيه على فحل بصل وطبق فول بالزيت الحار..من عم فتحي..
باري : بعدم استيعاب..وات؟ بتقول ايه يابابي؟
رعد : بضحكه.. لأ ياحبيبتي دي تعويذة الشعب المصري..
أنتي يابنتي فاتك نص عمرك..
يسلام..!! كنا نضرب أحلا فطار على عربية الفول. ونشرب كوباية شاي معكره من أيد عم سيد تلوث..
ونروح الجامعه متنحين..نحط راسنا في المحاضره ونام مأنتخين..منصحاش غير والمعيد بيقول فهمتوا…
نصحى ونرفع أيدنا ونقول الله على شرحك يادكتور تمام وفهمنا وكله زي الفل..
هيلينا : ضحكت..
باري : بإنبهار..واو عربية فول؟ بليز بليز بابي عايزه اجربها..
رعد : بس كدا؟ من عينيا ليكي عندي يوم انتي وأمك…..!!!
هيلينا : بصتله بتحذير…
رعد : قصدي انتي ومامتك..ونطلع ع عربية عم فتحي أحسن واحد يعمل فول بخيره.ههههه..
باري : بدهشه.. واو وعمو فتحي ده لسه عايش لحد دلوقتي..!!
رعد : بضحكه..طبعا وصحته زي البومب.. أصله عمره ما أكل من الفول إللي بيعمله.ههههه
كلهم ضحكوا..
فون رعد رن.. وأبتسم وقال ده سفيان باشا..
هيلينا : بلهفه..رد عليه بسرعه رعد..
رعد : حاضر ياحبيبتى..ورد عليه.وفتح الاسبيكر.. الو سفيان حبيب أبوك.. إبن حلال والله.. عامل ايه يابطل..
سفيان : بحزن مكتوم.. الحمدلله يابابا..حضرتك عامل ايه؟
رعد : كشر عينيه وقال أنا تمام يبني..بس أنت مال صوتك ياسفيان؟
هيلينا : بقلق..سفيان حبيب مامي مالك فيك إيه؟ أنت كويس سفيان؟
سفيان : بلع ريقه بغصه وقال.. أنا كويس يا أمي. حضرتك وحشتيني اوي. وبابا وباري..وا……!!!
رعد : بقلق مبهم..سيبك مننا دلوقتي يبني وقولي مالك.. متقلقنيش أنا قلبي وقع في رجلي..
سفيان : لأ لأ يابابا انا بخير حضرتك متقلقش عليا.. لكن الموضوع يخص…… أحم…يخص جدو رؤوف السلماني..!!
هيلينا : قلبها دق بقلق..وقالت داد..!!! ماله داد سفيان..!!! اتكلم بسرعه بليز..!!
سفيان : عيونه لمعت واتنهد بتعب وقال.. جدو تعب فاجأه.ونقلناه المستشفى.. وللأسف الدكتور بيأكد أنه في غيبوبة كبد..
ياريت تيجي في اسرع وقت يا أمي.. ارجوكي خليكي جمبه الفتره دي..!!
هيلينا : حطت ايدها ع قلبها وعيطت بوجع وقالت.. داد….!!!
رعد : قام بسرعه..وضم راسها لحضنه وربت ع ضهرها..بس اهدي هيلينا ياحبيبتى. إن شاء الله هيفوق ويرجع زي الأول…
باري : حطت ايدها ع بوقها وعيطت بصوت مكتوم..
رعد : بحزن حقيقي قال. لا حول ولاقوة إلا بالله.. طيب ياسفيان..خليك معانا ع إتصال.. وأنا هرتب لكل حاجه وهحجز على أول طياره.. أنا لازم ابقى معاك..
سفيان : بترجي.. وأنا في انتظاركم..لكن دلوقتي خليك جمب أمي يابابا متسبهاش.زعلانه..
رعد : هز راسه بزعل.. متقلقش عليها.. أنت خلي بالك من نفسك لحد ما اجيلك..
سفيان : بتفهم..تمام..لا إله إلا الله..
رعد : سيدنا محمد رسول الله..
——————بقلمي مريم نصار.
Автор: Меріам Насар
في الجامعة.
زهره : بتنادي ع چود..وقالت..چود..چود لو سمحتي استني لحظه..
چود : مع مصطفى..ولفت شافتها..وقالت ثواني يامصطفى دي زهره زميلة آرين..
مصطفى : هز راسه تمام..
زهره : جت بسرعه..وقالت صباح الخير..
ردو عليها.. صباح الخير.
چود : بحزن..اذيك يا زهره..معلش مسمعتكيش.
زهره : بحزن..ولا يهمك.. أنا بس كنت عايزه اطمن على آرين..بتصل عليها كتير لكن موبيلها مقفول..وكمان معرفش عنوان المستشفى.. ارجوكي طمنيني عليها..
چود : بتنهيدة زعل..هي كويسه وبنحاول نخرجها من إللي هي فيه.لكن هي مش مستوعبه إللي جرالها..وخرجت من المستشفى الصبح..
زهره : بدموع.. ياحبيبتى يا آرين..صدقيني ياچود المدرج كله حزين وزعلان جدآ عليها.. واتفقت أنا والبنات إننا لازم نروح نطمن عليها..
چود : بصت ل مصطفى.بحيره.
مصطفى : بصي يا آنسه زهره.. انا مقدر مشاعرك تجاه آرين.بس عايز أقولك إن الوضع دلوقتي بقى حساس جدا بالنسبة ل آرين. ورافضه تتعامل معانا إحنا شخصيا..بس مسيرها هتتعود وترضى بالأمر الواقع..
لكن لو عايزه بجد تساعديها وتقفي جمبها.. ياريت تسجلي كل المحاضرات وتجيبيها لچود وهي هتوصلها ليها.
زهره : هزت راسها بتفهم..وقالت..تمام أنا مقدره موقفها…
ومن غير ماتقول حضرتك.. انا صورت ليها محاضرات أمبارح وبعتها ع الواتساب ل آرين.ولما تفتح الفون أكيد هتشوفهم..
چود : مسكت ايد زهره..وقالت ياريت متزعليش مننا يازهره..والله بجد إحنا بنمر بظروف صعبه.. لكن أوعدك اول ما تعمل العمليه وتتحسن انا ومصطفى هنوصلك لحد عندها..
زهره : بتفهم.. لأ ياحبيبتى انا عمري ما أزعل منك.. وأنا مقدره الموقف ربنا يكون في عونها.. بس ليا طلب عندك..ياريت لما تبقى مع آرين تسمعيني صوتها.. وأسلم عليها. ممكن؟
چود : أبتسمت..ممكن طبعا.
زهره : ميرسي جدا.. أنا همشي دلوقتي بعد اذنكم.. ومشيت..
چود : ضمه الكتب ف حضنها وماشيه ساكته وسرحانه..
مصطفى : إيه بقى ياچود..وحدي الله مش كدا؟
چود : بتعب..لا إله إلا الله..
مصطفى : إيه ياست الكل هتفضلي قافله كدا كتير..
چود : بزعل..يعني أنت مش عارف انا قافله ليه يامصطفى..
مصطفى : لأ عارف ياعمر مصطفى..بس عايزك تفكي كدا.. والدكتور قال إنها هترجع زي الاول وأحسن كمان..يعني الحمدلله إن الموضوع ليه حل..
چود : هزت راسها فعلا الحمدلله..بس تعرف يامصطفى..كل ما أتخيل آرين وهي ف وسط النار..نفسي يقف.. بجد الموقف مرعب وصعب جدا..
مصطفى : فعلاً ربنا يكون في عونها..ده الواحد مابيتحملش فسفوسه في صوباعه..مابالك هي بقى؟
چود : بإستغراب..فسفوسه؟
مصطفى : ايوه حاجه زي الكالو كدا..
چود : هزت راسها بنفاذ صبر..وقالت فسفوسه وكالو؟!!
هو يوم زي كالو الصوباع فعلاً..يلا ع المحاضره يامصطفى..قدامي..
مصطفى : يابت أنا عايز اضحكك..انتي قافله باب وشك من يومين..
چود : بغيظ.. الإحساس نعمه… أقسم بالله الإحساس نعمه يامصطفى..
مصطفى : مبحبش اتكلم عن نفسي كتير..
چود : طيب يلا بينا علشان بجد مش فايقه.
مصطفى : كشر عينيه وقال..مش اللي هناك دي البت لمار .؟!
چود : بصت عليها..وقالت ايوه هي زفته..مالها بقى؟
مصطفى : بصي كدا..هي ماشيه تتلفت حواليها كدا ليه؟ كأنها خايفه من حاجه؟
چود : بتعجب.. فعلاً..اله..اله. بص دي الكتب وقعت منها..دي شكلها مرعوبه مش خايفه وبس..!!
مصطفى : يكش تقع على وشها بعلبة الدوكو اللي داهنه بيها وشها دي.. يلا سيبك منها..
چود : هزت راسها..يلا بينا..ومشيوا..كام خطوه..
لمار : جريت عليهم..وقالت چود..
چود : لفت بخنقه..نعم؟
لمار : بتوتر.. أسفه اني هعطلكم..لكن كنت عايزه اطمن على آرين؟ حالتها إيه دلوقتي..
چود : نفخت بخنقه وقالت..حالتها ربنا وحدو إللي عالم بيها.. واحده اتحرقت بالنار هتكون عامله ايه يعني؟
لمار : بدموع..هو الحرق كبير..
چود : بوجع وغيظ.. كبير ولا صغير أنتي بتسألي ليه؟ عايزه تشمتي فيها مش كدا؟ لكن ده بُعدك..
شكلها مش هيأثر ع تعبها ومجهودها..وهتذاكر وهتنجح..وهتقفل الامتحان..وهتطلع من الأوائل.. وهتفرس أي حد غيران منها..
مصطفى : مسك أيدها وضغط عليها..مش كدا ياچود..
لمار : شهقت بصدمه.. انا اشمت فيها؟ دي آرين دي اختي..ليه بتقولي كدا؟
چود : بخنقه..يووووه بقولك ايه..عايزه تسألي ع حد متسألنيش أنا ماشي..؟
هنتأخر على المحاضره بعد إذنك.. ومسكت أيد مصطفى ومشيت بنرفزه..
مصطفى : بدهشه.. إيه إللي انتي عملتيه ده ياچود؟
چود : بعصبيه..معرفش ومش عايزه اعرف. البت دي أنا مبطقهاش..
مصطفى : بتعجب..البت واقفه عماله تعيط هناك..
چود : وقفت وقالت بغيره.. وهي بقى صعبانه عليك علشان بتعيط.؟!..
تحب أخدك عندها تاخدها في حضنك وتطبطب عليها؟
ولا اقولك على حاجه احسن.. روح طيب خاطرها واعزمها ع عصير يهدي أعصابها..
مصطفى : تنح..وقال يخربيت جنانك. يابنتي انا بتكلم عن اللي شوفته..بصي واقفه مكانها بتعيط إزاي؟
چود : بجنان..بقولك ايه..؟ هنمشي ع أم المحاضره ولا اروح.؟ علشان اليوم قافل معايا أصلا..
مصطفى : طيب خلاص اهدي..تولع لمار هي واللي خلفوها.. وأنا عايز حد غيرك ياتراب القمر..؟ يلا بينا ياقمري…وحط أيدها ف دراعه ومشيوا..
——————بقلمي مريم نصار.
في الجهاز..
في مكتب فهد.ومعاه مراد.
فهد : قفل الفون وحطه ع التربيزه.وقعد ع الكنبه.
.ومسح وشه وشعرو بأيديه..
مراد : قاعد جمبه.. وقال.ها اطمنت عليهم ياحوت؟
فهد : بإحباط..مش هطمن غير لما أشوف بنتي رجعت زي الاول يامراد.!!
مراد : قفل اللاب توب.. وقال..ليه الإحباط ده بس..ما الدكتور طمنا عليها..
فهد : بتنهده.وحيره..ربنا يستر..
مراد : أنا عارف إن جواك كلام كتير جدا..وعايز تقعد في مكان هادي لوحدك..
فهد : رجع راسه لورا.. وقال بتعب..
نفسي أهرب..بس اهرب إزاي ومن إيه وليه؟ مش عارف..
مراد : أتكلم يافهد..!!!
فهد : بتنهيدة وجع.. أتكلم..؟!!! ..
أنا جوايا فعلاً كلام كتير جدا..وموجوع ومخنوق وتعبااان..
جوايا كلام فوق بعض ومش مترتب.. حروف تايهه ومتلخبطه..
وفي كلام مترتب لكن لو جيت أتكلم ألاقي نفسي مش عارف أنطق حرف واحد..
كأن الكلام نفسه موجوع وزعلان..
ولو طلع من جوايا هيتكسر أكتر..
فبيفضل انه يكون متلخبط جوايا أفضل.
وده مسبب ليا حيره وتيه كبير..مخليني عايز اهرب بعيد.
بص أنا مش عارف هتفهمني ولا لأ ؟!!
مراد : أبتسم..وقال ده أنا أكتر واحد فاهمك.
المشكله إني أنا وأنت زي بعض..بس طريقتنا مختلفه..
انا بخبي جوايا وأضحك..وانت بتخبي جواك وبتسكت..
لا بتضحك ولا بتدي رد فعل عن اللي جواك..
ومش عارف مين فينا إحساسه أصعب من التاني..
لأن ف كلتا الحالتين. هى حاجه مكلكعه ومتعبه.. بس أنا عايزك الفتره دي تفضي دماغك وتروق علشان خاطر آرين..
فهد : نفخ بتعب.وقال..
وهي دماغي فيها حد غير آرين يامراد؟
بس برضو تفكيري مشوش من كل حاجه..وهتجنن مين إللي بعت الكارت.؟!
ومين اللي عمل كدا ف بنتي؟
وهل حرف الA ده المقصود بيه آرين؟
ومين إللي حرق الشقق والعربيات..؟!!! مين اللي صاب عمي آدم..!!
أسئله كتير مالهاش اجابه..في غموض كبير.
وخايف من أنه يحصل اسؤ من كدا..
وهل كل إللي بيحصل ده ليه علاقه باللي حصل مع آرين بنتي..!!!
آدم مراد : دخل.. وقال بجدية.
لأ… حادثة آرين مالهاش علاقه بكل الغموض والالغاز دي..!!
فهد : بص ل آدم بإستفهام…….!!!
مراد : تعالى يا آدم..وقول إللي عندك..!!
آدم مراد : قعد ع الكرسي.. وقال..حادثة آرين قضاء وقدر..
فهد : غمض عينيه بوجع واستسلم للأمر الواقع.
آدم مراد : كمل..وقال..وبرضو بفعل فاعل..!!!
مراد وفهد بصوا لبعض…!!!
فهد : بغضب واضح..قال..مييين؟ مييين اللي عملها يا آدم؟
مراد : كشر عينيه بعدم فهم وقال..
إزاي بتقول قضاء وقدر وبرضه بفعل فاعل؟!! مش غريبه دي..!!
آدم مراد : بثقه..ادوني يومين بالكتير..وهخلص الحوار ده..؛!
فهد : بغضب.. تخلص ايه يا آدم؟
عندك معلومه دلوقتي قولها. وأنا هتكفل بالباقي.. أنا هخلص عليه..
آدم مراد : آسف ياخالو.. انا وعدت آرين إني هرمي إللي عمل كدا تحت رجليها في أقرب وقت..
الباب خبط..ودخل أكرم..وقال صباح الخير يا حيتان..
مراد : ضغط ع ايد فهد.. أنه يهدا وميتكلمش في حاجه.. وقال..صباح الخير يا أكرم باشا..فينك ياراجل..
اكرم : تحت النظر يصحبي..المهم بقى انا عرفت معلومه مهمه للديزل..وجيت ابشره بنفسي..
فهد : بيحاول يمتص غضبه..ومثل الثبات..
مراد : خير ياصحبي..
اكرم : هو خير طبعاً.. دلوقتي في مأمورية لمدة ٤٨ ساعه.. عن ميعاد تسليم شحنة مخدرات ع طريق الصعيد. والكميه ٢٥ كيلو..
واللي هيقوم بالمهمة دي مجموعة ضباط شرطة مكافحة المخدرات..
ولكن طالبين اتنين ضباط من المخابرات..
واتعمل قائمه مرشح فيها أكتر من إسم..
وأول إسم مرشح هو آدم مراد العدوي وخمسه غيرهم..وهيختارو منهم اتنين بس..
واللي هيطلع منهم ويخلص المأمورية دي..ليه مكافأة مالية كبيرة..وهيتكرم كمان..!!
الباب خبط ودخل واحد قال..الصقر و الحوت والديزل.. مدير الجهاز عايزكم في مكتبه..
أكرم : بغمزه.. أكيد مدير الجهاز هيخيرك مع الضباط التانيه…
أبسط ياعم آدم.. مأمورية ولا أسهل.. ربنا يوفقك ياعم.. يلا سلام أنا.. وخرج..
مراد : قام وقال.. طيب نأجل كلام في الموضوع ده لبعد الإجتماع..و يلا تعالوا نشوف المدير عايزنا في إيه؟
فهد : قام..وبص ل آدم…وسابهم ومشي..
مراد : يلا يا آدم..
آدم مراد : هز راسه تمام اتفضل أنت وأنا هحصلك..
مراد : ماشي متتأخرش..وسابه وخرج..
Автор: Меріам Насар
آدم مراد : بضيق حقيقي.. مأمورية دلوقتي.طيب وآرين.؟
وقام وقف وخارج..
لكن سمع صوت رنة موبايل..ولف وشاف فون فهد على التربيزه.. وراح عندو..وشاف رقم عمتو رينو..!!! واضطر يرد علشان قلقان..ورد الو…
رينو : بعياط فهد الحقني يافهد..
آدم مراد : بقلق..عمتو انا آدم..ف إيه؟
رينو : بعياط.. آدم..!! آرين مغمى عليها.
آدم مراد : بخوف..طيب ايه إللي حصل؟ ومين ضايقها ياعمتو..؟!
رينو : شرحت ليه كل حاجه….!!!
آركان : بيفوق آرين..وفاقت..
آرين : بعياط هستيري عايزاهم يخرجوا بره..
آركان : أخد آيان وخرج تحت ضغط من رينو..
آدم مراد : نفخ بخنقه ومسح على شعرو بخنقه لصوت عياطها..وقال بثبات انفعالي.سيبوها تقعد لوحدها..
رينو : بعياط.. إزاي بس يا آدم نسيبها لوحدها..
آدم مراد : ارجوكي يا عمتو.. اخرجي وسيبيها علشان أعرف أكلمك..
رينو : حاضر..وخرجت وقفلت الباب..وقالت.. آرين لوحدها وانا قلقانه عليها.. إزاي نسيبها لوحدها؟
آدم مراد : ياعمتو لازم آرين تاخد مساحه لوحدها علشان تعرف تفكر بهدوء..
طول ما إحنا حواليها هتفتكر إن ده ضغط عليها مننا..وده غلط هيقلب بالسلب عليها ويزيد من توترها وتعبها النفسي.
لازم تفكر وتقتنع أنها طبيعيه..
وإن حرق أو تشوه بسيط في جسم الشخص مش هيغير من مبدأه ولا أسلوب حياته..
بل بالعكس لازم يكمل مشواره وبحماس أكبر.وينجح أكتر
ووقتها هتكتشفي إن كل الناس هتشوفه بشكل تاني..بس شكل أحسن ويتمنوا أنهم يبقوا مكانه وفي نجاحه..
التشوه عمره مكان عائق أو عيب اننا ننكره ونخاف نواجه بيه العالم..
رينو : أبتسمت بحب وقالت صح.. انت عندك حق في كل كلمه..وبنتي هتعدي المحنه دي..
آدم مراد: بثقه..هنعديها أنا وآرين مع بعض ياعمتو. وهوصلها لبر الأمان..
رينو : هتصدقني لو قولتلك إن قلبي استريح دلوقتي.. و إن آرين محظوظه بيك يا آدم..!!
آدم مراد : بتفهم.. حبيبتي ياعمتو وأنا مش عايزك تخافي ولا تقلقي. عليها.. المهم دلوقتي هي أكلت حاجه من الصبح؟
رينو : دي طلعت عيني الصبح علشان بس تفطر و تاخد المسكن.. واكلت حاجه بسيطه جدا..
آدم مراد : بتنهيده..طيب تمام..محدش يضغط عليها لحد ما أرجع..
رينو : حاضر..بس هو أنت رديت عليا إزاي من فون فهد؟
آدم مراد : خالو سايب الفون ف مكتبه وخرج مع بابا .انا هقفل دلوقتي لأني عندي شغل مهم..
رينو : ربنا معاكم مع السلامه..
آدم مراد : مع السلامه..وقفل وساب الفون وخرج ع مكتب المدير.
——————بقلمي مريم نصار.
بعد لحظات..
ف مكتب المدير..
المدير : شرح نفس كلام أكرم..واختار آدم وضابط كمان..
مراد : بيحط خطه لفكرة القبض عليهم..
فهد : بيحط خطة الهجوم..
آدم مراد : بيسمع بصمت..وتفكيرو في آرين..
المدير : ها يا آدم أنت والرائد أحمد هتطلعو المأموريه دي مع ضباط الشرطة..
.وانهردا بليل هتتحركوا إن شاء الله. واتا متأكد من كفأتكم وأنكم هتقبضوا عليهم في لمح البصر..
و المكافأة والتكريم.هيكون في أقرب وقت.
آدم مراد : أخد نفس عميق وقال : اعذرني سيادتك..
أنا بتنازل عن المأمورية دي للملازم باسم..
فهد : بص ل آدم بإستغراب..!!
المدير : مط شفايفه اممم وأقدر أفهم ايه وجهة نظرك دي ياسيادة النقيب؟!
آدم مراد : بدهاء..حضرتك أنا طلعت مأموريات أشبه بحروب وبفضل الله اجتازتها..
وده سبب إن الكل في الجهاز عرف مين هو الديزل..
لكن الملازم باسم ده من دفعتي وفي نفس كافأتي لأننا كنا في نفس الدفعه ونفس التدريبات.. والمفروض أنه ياخد فرصه زي دي يثبت نفسه. وصدقني حضرتك باسم محتاجها أكتر مني..
المدير : بتفكير.امم انا معاك أنه شاب قوي وكمان أسمه من ضمن القائمة..
ولكن أنا اخترتك لانك جدير بالثقة والذكاء الفطن..
آدم مراد : بتفهم..وباسم كمان يافندم زكي..لكن ملقاش الفرصه إللي يثبت نفسه..
كل المأموريات إللي بيطلعها بيكون عميل تابع لجهه أكبر ورتبه أعلا.. وباسم بينفذ من غير ما يتدخل.
.لكن لازم نستفاد من زكائه يافندم.. وصدقني هتكون فخور بيه زي ما حضرتك فخور بيا..
المدير : ايه رايك في كلام النقيب آدم ياسيادة العقيد مراد؟
مراد : بتأكيد.. حضرتك إحنا كبرنا واتعرفنا من خلال توجيهات سيادتك.. وديما تقولنا الجيل الجديد ليه الأولوية بأغتنام الفرص لإثبات الذات وإثبات نفسه. ف أنا برجح رأي النقيب آدم. ولكن القرار النهائي في أيد معاليك..
المدير : هز راسه بتفكير… أممم. خلاص تمام..نشوف الملازم باسم..وياخد فرصته مع الرائد أحمد..
وأبتسم وقال. هذا الشبل من ذاك الاسد.. نفس الأسلوب والتضحية والتفاني.. أنت وابوك وخالك.. ماشيين على نفس المنوال.. والأخلاق الجميلة..
وشعارنا هو…إن الجميع للفرد..!!
مراد وفهد وآدم قالوا.. والفرد للجميع…!!!
Автор: Меріам Насар
بعد لحظات..
مراد وفهد وآدم خارجين من مكتب المدير..
مراد : بمكر..حلوه الحركة دي.. أنت مش عايز المدير يعرف بالظروف اللي بنمر بيها..ف زحلقت نفسك بذكاء
وانك تخلي باسم ياخد مكانك. علشان يثبت نفسه..
آدم مراد : بثبات.. هو فعلاً كدا بالظبط..لكن مننكرش إن باسم من حقه ياخد فرصه.. وكمان هو محتاج للمكافأه أكتر مني..
وكمل بجديه.. ومش من حق أي حد أنه يعرف أي حاجه تخص آرين..!!! آرين خط أحمر..
فهد : رفع عينيه ل آدم..ومن تشويش أفكاره مش عارف يقول ايه؟
لازم تفكر بهدوء يافهد لازم تقعد لوحدك وترتب أفكارك.
معقول آدم مطلعش المأمورية علشان آرين..!!!
——————بقلمي مريم نصار.
عند فهد.
آرين قاعده ع السرير وضمها ركبها بايديها.ووشها ملفوف.. وسرحانه..
سرحانه في سنين كتير فاتوا. افتكرت شقاوتها وضحكتها إللي من القلب..ولما كانت ترخم على آركان.
وهزارها مع بنات العيله..
وافتكرت تيم..!! ودموعها نزلت في صمت.. لما افتكرت تيم فخور بيها وأنها أجمل أخت وأجمل بنت ف الدنيا..
وافتكرت آدمها.وغيرته عليها من جمالها في أي حفله وأي مناسبه.وانه شايفها فراشه كلها ألوان مختلفة وجميله وسماها الضي.. آرين ضي آدم..!!
.وصعبت عليها نفسها.. وبكت بحرقه وقلب موجوع..
رينو : سمعت صوت عياطها المكتوم والموجوع.. وقالت بدموع.. آرين ياحبيبتي.. تالين جت وعايزه تتكلم معاكي شويه قبل ما تخرج ع سنتر الدروس..
آرين : مسحت دموعها..ومش عارفه تقول إيه؟ هي بتحب تالين.. وكلامها ديما بيلمس قلبها.. لكن مردتش..
تالين : قالت أنا هحاول معاها ياعمتو.. بس بالله عليكي متعيطيش..
رينو : ربتت ع أيدها وقالت.حاولي معاها يا تالين هي بتحبك..
تالين : حاضر ياعمتو..وخبطت ع الباب..وقالت آرين ياحبيبتي. ممكن تفتحيلي.؟!
آرين : حطت أيديها على ودنها وغمضت عينيها وقالت بصوت واطي و موجوع.. سيبوني لوحدي..سيبوني في حالي بقى..حرام عليكم..
تالين : سمعت عياطها..وقالت..
آرين أنا قرأت حكمه قبل كدا. ومكنتش فاهمه معناها..وقولت هسأل تيتة مريم عليها..لكن دلوقتي فهمت معناها
.والحكمه بتقول..
لأن أعض على جمرة أو أن أقبض عليها حتّى تبرد في يدي أحب إليّ من أن أقول لشيءٍ قضاه الله: ليته لم يكن….
وثِق بحدوث الفرج من الله سبحانه، إذا رأيت أمراً لا تستطيع غيره، فاصبر وانتظر الفرج. استعن بالله والجأ إليه واطلب منه المعونة، واسأله أن يُلهمك الصبر والرضا بقضائه؛
هكذا يكون الصبر عند البلاء.
آرين :……..!!!
تالين : عيونها لمعت بدموع وقالت..طيب بالله عليكي افتحي.. أهون عليكي أمشي من غير ما أشوفك.. ويعالم ممكن أخرج ومرجعش تاني.. ممكن تعتبريها آخر امنيه وانتي تحققيهالي..وا……..!!!
آرين : قامت بسرعه وفتحت الباب.. ولفت ضهرها لتالين..وقالت بخنقه..ممكن تبطلي الهبل اللي انتي بتقوليه ده ياتالين؟
تالين : أبتسمت وقالت.. أنا عارفه إني مش ههون عليكي..وبعدين أنا في معية الله واللي مكتوب اكيد كله خير..
آرين : دخلت وضهرها لتالين..
تالين : بزعل حقيقي لكن قالت بثبات.. ممكن نقعد شويه..عايزه اتكلم معاكي قبل ما أنزل..
آرين : قعدت ع الكرسي بصمت..
تالين : قعدت قصادها وقالت.. عامله ايه دلوقتي ياحبيبتي..
آرين : بصت بعيد ودموعها متحجره وبتحاول تكابر إحساسها بالعجز..وقالت أنا تمام .تمام..
تالين : أبتسمت بحب وقالت..تعرفي إن شخصيتك الجد دي انا مستغرباها..
آرين : بجديه..ليه يعني؟
تالين : بتوتر..اء.. أبدا أنا بس بحب شخصيتك المرحه الجميله.. أنا بحب ضحكتك. بحب آرين بنت خالو إللي ديما بتضحك حتى لو في وش المخاطر..
آرين : بحزن..خلاص ياتالين..مفيش حاجه بتفضل على حالها..كل حاجه بتتغير مع الظروف..
تالين : أبتسمت وقالت.. انتي في امتحان مهم يا آرين.. انتي متخيلة عظمة اللي انتي فيه؟
آرين : بصت ل تالين.وقالت عظمة إللي انا فيه……..!!!
تالين : أيوه..انا بتكلم جد..انتي مش مستوعبه أنتي ف إيه؟ انتي في امتحان..وعارفه مين اللي بيمتحنك؟ رب العالمين يا آرين.. ربنا بعزته وجلاله وعظمته وسلطانه..اصطفاكي انتي للامتحان ده.. فهل انتي جاهزه تنجحي بالامتحان ده؟
آرين : استشعرت كلام تالين.. وهمست أنا..!!!
تالين : بتأكيد.. أيوه أنتي.. أنتي بنوته جميله جدا وكل العيله بتشهد بأن آرين كل حاجه فيها جميله. شكلا وموضوعا..والكمال لله وحده طبعاً.. لكن أنا بتكلم عن شخصيتك.. لون عيونك. شعرك.
خفة دمك..متفوقه..طموحه.. فيكي حجات كتير جدا جدا حلوه وتاخدي عليها تسعه من عشره. ماشاء الله لاقوة إلا بالله..الكل مبهور بيكي.. وكمان مسلمه وموحده بالله.محجبه.بتصلي وتصومي وبتقراي قرآن.وماشيه على نهج سيدنا محمد صل الله عليه وسلم..
ودلوقتي ربنا عز وجل بيمتحنك..لاختبار قوة إيمانك..هل هتقدري تكملي؟ هل هتقولي أنا راضيه يارب وجاهزه للاختبار؟ ولا هتقنطي من رحمة الله؟
آرين : بنفي..حاشه لله. رحمة ربنا كبيره جدا ياتالين..
وكملت بدموع.. وأنا عشمانه في رحمته.. أنه يلهمني الصبر وأنجح في الامتحان ده..
أنا عارفه إني في ابتلاء..لكن الصدمه كانت شديده عليا..بقى عندي رهبه من كل حاجه. تعرفي ياتالين أنا بقيت بخاف من النار..بخاف من أي حاجه.. كوابيس وحشه جدا..وبصبر نفسي بالصلاه.. بس من جوايا محطمه ياتالين..محطمه بالكامل..كل ما افتكر شكلي إللي اتغير مليون درجة أحس بالعجز واني خلاص مبقتش انفع أواجه العالم بشكلي ده..
تالين : قامت وضمت راسها لحضنها..وقالت بدموع.. اصبري آرين..اصبري ع ابتلائك وهتشوفي نتيجه تفرحك صدقيني. المقصود من الابتلاء..الفرار من الله وإلى الله..
آرين : مسحت دموعها واتنهدت بتعب..وقالت بإستسلام.. الحمدلله على كل شيء..
——————بقلمي مريم نصار.
الساعه ٤ قدام محل بيتزا..
آدم مراد : أخد الاوردر وخرج. وفتح باب العربيه..وحط الطلب جمب شنطه كبيره..وركب العربيه واتصل ع رينو..!!
رينو : ردت الو..
آدم مراد : أيوه ياعمتو.. آرين عامله ايه دلوقتى؟
رينو : بحزن.حابسه نفسها في اوضتها.. ورافضه تفتح حتى لأركان.. لكن جت تالين وقعدت معاها شويه
ونزلت معاها آيان تحت يلعب مع محمد علشان آرين متضايقش..ومش عارفه اعمل ايه تاني؟
آدم مراد : بتفهم..مفيش حد من كبار العيله كلمها؟
رينو : جدك آدم منع أي زياره هنا فوق..وكل إللي يجي يقعد معاه تحت في الفيلا..
ودلوقتي جدك أشرف وجاسر وعمتو ملك وهنا موجودين تحت..
آدم مراد : هز راسه فعلاً كدا أفضل علشانها..طيب أنا جاي وجايب أكل وهطلع عندك ع طول.. آركان عندك؟
رينو : ايوه يا حبيبي.. وكملت بترجي..آدم أنا عايزه آرين ترجع زي الاول..!!
آدم مراد : اطمني. آرين هتبقى بخير..
رينو : ربنا يسمع منك واحنا في انتظارك يا حبيبي.
آدم مراد : مع السلامه..وقفل. ونفخ بخنقه وشغل العربيه وساق رايح لضيه..
Автор: Меріам Насар
فيلا السيوفي..
طارق : اسمعي يا رنا.
رنا : نعم يا حبيبي.
طارق : إيه رأيك. لو جبنا هدية حلوه كدا للبت آرين.
رنا : بحيره..مش عارفه ياطارق..ممكن تفكر إننا بنعمل كده علشان موضوع الحادثه ده؟ أنت عارف أنها بقت حساسه زيادة عن اللزوم.
طارق : بتفكير. لأ سيبك من موضوع الحساسه ده.. أنا هتعامل معاها.. بس أنتي فكري معايا..نجبلها هدية زي إيه؟
رنا : بتفكير.. إيه رأيك في موبايل جديد..؟
طارق : لأ هي عندها موبيل موديل السنه..
رنا : أممم طيب نجبلها عروسه؟
طارق : بغيظ..ياريتني مسألتك..
رنا : بدهشه..اله.. ليه بس ياطارق.. مالها العروسه؟
طارق : عروسه لواحده في كليه يارنا؟
رنا : بتأكيد.. طبعاً طيب ده أحلا وقت تشتري فيه عروسه للبنت..
طارق : هز راسه لأ مش مقتنع..بصي إحنا نشوف حاجه أونلاين كدا ونختار مع بعض اشطا؟
رنا : ماشي فكره حلوه برضه..
طارق : طيب قومي بقى هاتي اللاب توب وتعالى نختار حاجه حلوه قبل ما نروحلها..
رنا : حاضر..
——————بقلمي مريم نصار.
عند فهد
آركان فتح لأدم. وشاف آدم ..وشايل أوردر الغدا.. و آركان شال معاه..
آدم : دخل وسلم ع عمتو..
آركان : بحماس.والله إبن حلال.. أنا جعان مو……….!!!
آدم مراد : بصله بتحذير..
آركان : احم. طابخه ايه ياماما..!!
رينو : أبتسمت.. وقالت..لأ.. إبن أخويا قالي متعمليش أكل ياعمتو..
آركان : هرش في قفاه وقال..اه. قالك متعمليش أكل..قومتي انتي معملتيش صح؟
رينو : هزت راسها أيوه..
آركان : أممم..وبص ل آدم وقال ايه اخلع.؟! ولا لينا في الاوردر نصيب؟
آدم مراد : بثبات..محدش هياكل غير لما آرين تقعد.. غير كدا صدقني مفيش حد هياكل..
آركان : خبط ع خدو بتمثيل..وقال..ايوه يبقى هنسمع صوصوة العصافير لبكره..
آدم مراد : عمتو. ادخلي اندهي آرين. وقوليها إني منتظرها هنا..
رينو : ثواني حاضر. وربنا يهديها وتخرج..
آركان : قوليلها في بيتزا وريحة مشويات..وهتلاقيها سمعا وطاعه..
آدم مراد : من بين أسنانه..ممكن تنجر ع المطبخ وتجيب طباق وانت ساكت..!!
آركان : بلع ريقه..ورايح المطبخ.. وقال جواه..ياستار..ياستار يارب..وده هيبقى جوز أختي إزاي؟ الله يرحمها..كانت روحها حلوه..
آدم مراد : اتحرك بخفه..وفتح باب الشقه.وجاب شنطة هدايا كبيره جدا..وخباها ورا كنبة الليفنج..
آرين : من ورا الباب..رغم دقات قلبها المشتاقه للمرعب..قالت بجديه..
أنا مش طالعه لحد.. ولو سمحتي أنا هنام..
رينو : بترجي..يا آرين ياحبيبتى أنتي عارفه إن آدم عمره ما هينزل غير لما يطمن عليكي..
وبعدين ده آدم يا آرين.. آدم اللي بيحبك وانتي بتحبيه..
آرين : بعياط.. أنا مبحبش حد..مامي بالله عليكي ارحميني..
رينو : جت تتكلم…….!!!
آدم مراد : شاور ليها ووقف قدام الباب..
آرين : قالت بوجع..
خلاص يامامي أنا مبقتش آرين اللي انتوا تعرفوها.. أنا واحده تانيه خالص.. حتى مابقتش أشبه آرين في أي حاجه.. أنا….!!!
آدم مراد : من ورا الباب قال..
أنتي آرين.. ومفيش حد فعلا يشبهك..
لأنك نادره ومفيش زيك.. ولو سمحتي بقى ممكن تطلعي أنا جاي اطمن عليكي..خمس دقايق وماشي..
آرين : رفعت كف أيدها ع الباب وبتعيط بصمت..
آدم مراد : سمع همسات عياطها..وقال بوجع.. آرين خليني أشوفك قبل ما أمشي..
آرين : هزت راسها لأ لأ يا آدم لو سمحت سبني..
آدم مراد : مسح ع شعرو بخنقه..وقال بمكر..طيب يا آرين أنا طالع مأمورية..ويعالم هرجع تاني ولا لأ.. وكنت عايز أشوفك قبل ما أسافر..
آرين : بصدمه..مسافر..!!
آدم مراد : بجديه وصوت جهوري.. انا هستناكي في الليفنج..خمس دقايق ولو مخرجتيش.. أنا همشي.. وممكن متشوفنيش تاني. ومش هتسمعي صوتي أبدا..
آرين : بترجي.. أرجوك يا آدم كفايه..
آدم مراد : هز راسه لرينو يطمنها.. وقال بتجاهل.. عمتو أنا قاعد في الليفنج بعد إذنك. واتحرك..
رينو : بترجي..علشان خاطر مامي يا آرين.. شوفي آدم عايز ايه وارجعي تاني.. ارجوكي متخسريش كل حاجه..
آرين : غمضت عينيها..وحطت راسها ع الباب..وقالت بوجع حاضر يا مامي..!!
آركان : شد رينو ف المطبخ وقال بتحذير.. أنا هقعد معاهم..علشان لو قولتي قوم يا آركان.؟
مش هقوم.. أنتي عارفه أنه ماينفعش تمام؟
رينو : بتنهيدة تعب.. يابني.هو آدم عيل صغير؟ وبعدين أنت شايف أختك حالتها إزاي؟
آدم زي ما انت شايف..جايب ليها غدا وجاي كنوع من التغيير وأنه يحتويها..
آركان : كل ده جميل وزي الفل..
وأنا عارف وواثق في آدم وأختي..لكن مايرضكيش اخش اوضتي وأختي قاعده مع إبن عمتها بره؟ ولا أنتي شايفه إيه يادكتوره؟
رينو : بحيره..معاك حق..طيب سيبها ع الله..
وانا يعني استحاله هسيبهم. لكن كنت هقعد قصادهم..
آركان : مط شفايفه وقال.. أساساً آدم بجح ودي أحلا حاجه بتعجبني فيه.. يلا بينا علشان أنا جعان..
وطلعوا وقعدو مع آدم..
آدم بص ف الساعه وفاضل دقيقه واحده.. والدقيقة خلصت و آرين مخرجتش..
آدم مراد : هز راسه تمام..وقام وقف..وقال أنا نازل..ومشي كام خطوه..
آرين : بصوت مبحوح.. آدم..!!
آدم مراد : أبتسم..ولف ليها..
وكأنه شايفها لسه ملكة قلبه وضي حياته..
ايوه أصل هو بيحب روحها أسلوبها أخلاقها.. مش شكلها وبس..!!! وقال بإبتسامة حب..
لحقتي نفسك في آخر ثانيه..
آرين : لابسه فستان اسود في ورد أحمر وقعدت جمب رينو من غير ما تتكلم. ولكن قلبها رافض فكرة السفر..
رينو : ربتت ع أيدها وابتسمت ليها..
آركان : من جواه غيران..لكن كل حاجه ماشيه صح.
.هو موجود يبقى فين المشكله؟ وكمان راحة أخته عندو اهم حاجة..
آدم مراد : قعد ع الكرسي.. وقال بهدوء..عامله ايه يا آرين؟
آرين : هزت راسها بحزن..كويسه الحمدلله..
آدم مراد : آرين انا جاي اطمن عليكي..واتكلم معاكي قبل ما أمشي..
آرين : قلبها بقى حزين أكتر أنه هيسافر..وقالت بحزن. خير يا آدم..
آدم مراد : قبل أي حاجه..عايز اتغدا..
آرين : رفعت عينيها بدهشه.. نعم..!!
آدم مراد : بشبح ابتسامة.. اتغدا..وكمان أنا اللي عازمك ع الغدا..
آرين : برفض لأ ميرسي ماليش نفس..
آركان : ليييييه؟ لييييه حرام كدا.. أنا جعان وثانيه واحده هكشف كل أوراقي..
يلا يا آرين وحياة اخوكي ياشيخة..
رينو : مسدت على ضهرها وقالت بحنان.. حبيبتي.. آدم تعب نفسه علشانك..
وجاب ليكي الأكل إللي أنتي بتحبيه.
آرين : بدموع أنا مش جعانه..
آدم مراد : بص ل عينيها وقال..بس انا جعان.. وعايزك تاكلي معايا.. وكمان آركان وعمتو..
آركان : أبوه بقى..
رينو : لأ انا هستنى فهد. مش هينفع أكل من غيرو..
آدم مراد : تمام.. أمسك يا آركان كل الشنط دي وجهز السفره لينا..وغمز ل آركان..علشان آرين تاكل.
آركان : أبتسم..ماشي ياعم آدم..د وانا تحت امر آرين هانم..واخد الشنط..وبيجهز السفره..
آدم مراد : عمتو هاتي علاج آرين بعد إذنك..!!
رينو : اه علاجها في اوضتي ثواني هروح اجيبه.. وقامت..
آرين : قلبها بيدق بسرعه..
آدم مراد : بيتأمل فيها.. وابتسم ليها وقال.. كل حاجه هتعدي.. طول ما انا جمبك ومعاكي..
آرين : بوجع.. آدم.اء…انا…
آدم مراد : أنتي إيه ياضي آدم؟
آرين : بدموع.. خلاص يا آدم..الضي اتحرق وانطفى..
آدم مراد : بنفي.. أبدا..الضي إللي جوايا منك كفيل ينور عتمة كفيف..
وينور بصيرة اي عليل.. ضيك جوايا من روحك يا آرين..
عمر ضيك مكان بشكلك.. أو تفاصيل وشك..
لأ.. إللي بيختار حد.. بيختاره كله على بعضه.. وأنا عايزك كلك على بعضك..
آرين : بدموع..الكلام ده كان قبل ما اتشوه..لكن دلوقتي الأمر يختلف..
آدم مراد : اللي اتشوه تفكيرك يا آرين.. أنتي سلمتي نفسك لشيطانك إللي بيظهر ليكي عيوب مش موجوده فيكي..
طيب عايز اقولك حاجه بسيطه جدا وهو سؤال في نفس الوقت..
ولنفترض إني أنا وانتي متجوزين.. وحصلت ليا حادثه في أي مأمورية..
وارد جدآ يحصلي عاهه واقعد من شغلي..ووقتها هبقى في نظر كل العالم اني معاق..!!! لكن انتي هتشوفيني إزاي؟
آرين : بدقة قلب خايف..قالت.. أولا بعد الشر عليك.. ثانياً أنا عمري ما هشوفك كدا أبدا..لاني……!!!
وسكتت وبصت بعيد بحرج ولعنت نفسها..
آدم مراد : بمكر.. لأنك شايفه آدم بصوره واحده مش كدا؟
آرين : أيوه أيوه صح..
آدم مراد : ابتسم..وده برضو اللي كل العيله شايفاكي بيه.. آرين ليها صوره واحده وبس ثابته في عقلنا..ومش هتتغير مهمها حصل. ودلوقتي عايز منك إنك تساعديني.. إني أقف جمبك وتكملي قرص العلاج..وصدقيني انتي هتشوفي نتيجه ترضيكي أنتي..
آرين : هزت راسها بإستسلام..لكن قالت بغصه.. أنت هتسافر امتى يا آدم.؟
آدم مراد : أبتسم وقال استحاله أسافر واسيبك ياضي عتمة آدم..!!!
آرين : بدأ شعاع الأمل يتجدد جواها.
رينو : جابت العلاج..
آركان : كان واقف وسامع كل كلمة.. واستريح لأن أخته هتبدا قرص العلاج. من غير مشاكل..
آدم مراد : أخد العلاج وقال..امسكي علاجك ده قبل الغدا..
آرين : اترددت في أنها تاخد الدوا..
رينو : اخدته من آدم وقالت. بنتي هتاخد مني انا مش كدا ياحبيبتي؟
آرين : استسلمت..و أخدت العلاج..
آركان : يلا بينا الغدا جاهز.. وكمل بتمثيل..
مش عايز أقولكم قد ايه طلع عيني في المطبخ.. يلهووووي ع الفرهده..
رينو : أبتسمت وقالت معلش الجوع يعمل أكتر من كدا..
قوم يا آدم..قوم ياحبيبى اتغدا..وانتي كمان يا آرين..
آدم مراد : قام وشاور ل آرين..وقال يلا يا رينو ياصغيره..
آرين : قامت بحرج وجواها رافض الاستسلام اللي هي فيه..
لكن مش عارفه ليه مسلوبه ف عشق الادم..
آركان : شد الكرسي ل آرين وقال اتفضلي ياريبونزل هانم..
آرين : قعدت ومش حاسه بلذة الحياة..حاسه كأنها دميه بتتحرك علشان الوقت يعدي وخلاص..
آدم مراد : شد الكرسي وقعد قصادها..
آركان : بنهم.. أممم فراخ مشويه وبيتزا وشاورما سوري وسلطات والذي منه.. تسلم ايدك يا آدم باشا.
آدم مراد : هز راسه.. وقال أنا جايب البيتزا والشاورما ل آرين. وكمان ازازة كاتشب ليها راحت فين ؟
آركان : بمكر.. أممم هي دي وطلعها من ورا ضهرو..
آدم مراد : بثبات..ايوه دي ل آرين..
آركان : بغيظ مصطنع طيب وأنا؟
آدم مراد : بياكل وقال بعدم إهتمام. قوم جيب من المطبخ.. أنا مش هأكلك واصرف عليك وانت شحط..
آركان : بغيظ..يعني صارف كل ده والفيزا خلصت ع الكاتشب؟
لأ وقال ايه؟ مش هصرف عليك؟ والله………!!! احم طيب خلاص رايح أجيب الكاتشب.. وقام..
آرين : قاعده ساكته..
آدم مراد : فتح علبة بيتزا وحطها قدامها.. وقال بخبث لو ما اكلتيش.. صدقيني هأكلك بأيدي قدام آركان..!!
وانتي عارفه إني مبخافش ولا بقول كلام وخلاص.. عايزاني اكلك بأيدي.. أنتي حره..!!
آرين : تنحت بزهول.. وبلعت ريقها بتوتر..قالت بحرج. لأ انا هاكل.. أحم..
آدم مراد : مسك قطعة بيتزا من قدامه..وقال طيب امسكي دي كليها..
آرين : بتوتر . لأ انا قدامي أهو..
آدم مراد : أبتسم..وقال حابب نقسم كل حاجه انا وأنتي مع بعض..
آرين : اتلخبطت..ورفعت أيدها بحرج واخدتها..
آركان : جه وقال اوعااا الكاتشب.. وقعد وقال بسم الله..كلي ياريبونزل..كلي يابت العزومه دي مش هتحصل غير كل كسوف للشمس..
آدم مراد : بصله وقال كل وانت ساكت..
آركان : بغيظ مكبت وقال جواه.. اومال لو مكنش في بيتنا كان عمل ايه؟
آدم مراد : آركان.. كل بسرعه علشان هاخدك مشوار مهم..
آركان : كح وقال أستر يارب…
آدم مراد : بيسرق النظر ل آرين.. وقلبه زعلان عليها. لأنه حس أنها بتاكل بشرود..
وكأنها عايشه في عالم تاني.. لكن اهتم بيها ع قد ما قدر..
رينو : بتكلم فهد في الفون وحكتله على كل حاجه من أول اغماء آرين لحد ما اكلت أخيرا بفضل الله ثم الديزل..
وفهد بيسمعها وساكت تماماً…
بعد شويه في الليفنج…!!!
بعد شويه في الليفنج.. قاعدين بيشربوا قهوة.
آركان : قام وقال.. انا هغير هدومي وجايلك ياوحش. مش هتاخر. واتحرك..
آرين : قامت وقالت أنا محتاجه استريح شويه..بعد اذنكم..
آدم مراد : حط الفنجال وقام..وقال.تمام استريحي انتي.. والدكتور جاي مع تيم وهيغيرلك ع الجرح..
آرين : هزت راسها بحزن..
آدم مراد : بخنقه.. آرين كفايه نظرة الحزن دي.. أنتي هتبقي كويسه صدقيني..
رينو : شالت الصينيه..وسابتهم ودخلت المطبخ..
آدم مراد : بتنهيده.. آرين عايزك تفكري بطريقه أسهل من كدا..
آرين أنتي كنتي في خطر حقيقي.. وربنا ستر وانتي معانا دلوقتي..وف أيدينا نعالج اي جرح..
أنتي حواليكي ناس كتير جدا بتدعمك..
كلنا جمبك ومعاكي.. وأنتي لازم تاخدي خطوه ايجابيه علشان أنا أقدر اكمل..
آرين : بتنهيدة وجع..تكمل ايه يا آدم؟
آدم مراد : اكمل مشوار ميراث العشق.. مشواري مع ضي آدم..
لازم تفوقي لنفسك. علشان قريباً هتنزل نحجز فستان الفرح انا وانتى..
آرين : عيطت بحرقه..وقالت. فستان فرح؟
كل أحلامي ادمرت بعد الحادثه خلاص..
ولو سمحت يا آدم متتكلمش معايا في أي حاجه تخص الارتباط.. أنا قولت قراري ومش هتراجع فيه…!!
آدم مراد : قرب من وشها وقال ببرود.. احلمي.. وعلشان اثبتلك إني مايفرقش معايا آثار الحادثه دي..
عايز اقولك إنك مش هتدخلي العمليات غير لما تبقي مراتي..
أنا مايهمنيش تفكيرك إنك مشوهه والكلام الفارغ ده.. أنا شايفك ملكة كل زمان ومكان.. يبقى الموضوع منتهي..
آرين : رغم فرحتها بكلام آدم وتمسكه بيها..لكن قالت.. مراتك…!! هو بالعافيه..
آدم مراد : مط شفايفه وقال. مفيش حاجه بالعافيه..بس انا بقولك على اللي هعمله حتى لو حصلت اني أجيب المأذون في المستشفى..!!
اه وع فكره عايز بعد ما أنزل أنا و آركان.. تبصي ورا كنبة الليفنج دي.. أوكي يا آري؟
رينو : واقفه في المطبخ وسامعه كل كلمه قالها آدم.. ودموعها نازله زي المطر..
آركان : قرب منها ومسح دموعها وقال.. آدم راجل.. وبيحب آرين بكل كيانه..
وأنا بحترمه واحترامي ليه زاد بعد كلامه ده.. أنتي متعيطيش انتي تضحكي وتفرحي.. إني جوز بنتك المسقبلي هو الديزل..!!
آدم مراد : اخد المفاتيح والفون..وقال ل آرين وهو خارج.. افتحي فونك علشان هتصل اطمن عليكي بليل.. يلا يا آركان..!! وخرج.
آركان : ودع أمه.. وسلم ع آرين ونزل..
Автор: Меріам Насар
آرين : واقفه شاره..وكلام آدم بيتردد في ودنها..
وبصت ع الكنبه.. وراحت عندها وشافت حجم الشنطه كبيره جدا..واستغربت..
واخدتها.. ودخلت الاوضه.. وحطتها ع السرير..وطلعت منها..
حيوان الباندا العملاقة.
آرين : شهقت بفرحه.. وقالت بإنبهار حقيقي واو الباندا العملاقة. وحضنتها. وضحكت بدموع..
وقعدت على طرف السرير وضمتها اكتر وعيطت بصوت موجوع.. ومش قادره تتخطى حاجز التشوه إللي حصل من جواها..!!
——————بقلمي مريم نصار
عدا كام أسبوع كمان.
وكل العيله احتوت آرين واتعالجت بالطريقه الصحيحه. وفهد ورينو وتيم و آركان كانوا جنبها ديما.. و آدم كان أكبر داعم ليها.
في المستشفى.
تيم : خبط ودخل وقال بابتسامة صباح الفل والياسمين على دكتورتنا آرين..
آرين : صباح الخير..
تيم : مط شفايفه اممم..صدقي يابت يا آرين أنا مش واخد عليكي عاقله كدا..
بس معلش مسيرك ترجعي مجنونه زي الاول..
آرين : بتنهيده إن شاء الله..
تيم : ياستار يارب..ايه يا بت البوز ده.؟
آرين : بدموع.. نفسي أخد آيان في حضني ياتيم.. نفسي مايخافش مني. وبصت لتيم..وقالت بترجي..نفسي أرجع زي الاول..نفسي اشوف نفسي جميله زي الأول..
تيم : بحزن حقيقي.. بس يا آرين بس انا أكتر حاجه بتضايقني لما بشوفك مخنوقه. اهدي كدا..وبعدين انا جايلك وجايب ليكي اللاب توب ده..
آرين : مسحت دموعها وقالت. ليه انا مش فاهمه حاجه؟
تيم : استني اصبري ع رزقك..بفتح اللاب اهو وهتشوفي كل حاجه بنفسك..
أهو أشتغل.. بصي بقى أنا جبت ليكي حالات هنا من المستشفى..كانت جايه برضو في حوادث حريق ربنا يعافينا ويعافيكي إن شاء الله.. وكمان حوادث زي ميا نار ..وحوادث سير.. وحاجات تانيه كتير.. وأحنا قومنا بعلاجها..
آرين : بأمل..وبعد العلاج ورجعوا زي الاول؟
تيم : بكبرياء.. عيب يابت تقولي كدا.. أنا الدكتور تيم يعني الثقه في الأداء بفضل الله..واعلا تشطيب تلاقيه عندي وبس ههههه..
آرين :……….!!!
تيم : بغيظ..ع فكره بقى..مش هيجرالك حاجه لو ضحكتي..
آرين : ممكن أشوف الصور؟
تيم : حاضر يستي.. أتفضلي.شوفي دي اول حاله انا دخلت عملت ليها عملية تجميل.. دي صورتها قبل الحادثه..وبعد الحادثه..
دي بنت كانت جايه في حادثة ميا نار.. وربنا ستر..وبعد عمليات التجميل بقت بالشكل ده..!!
آرين : فتحت عينيها بدهشه وقالت مش معقول دي بقت أجمل؟ أنت متأكد ياتيم؟
تيم : طبعا يابنتي. وبصي كمان دي حالة حروق من الدرجة التانيه برضو..وعملت ليها تلات عمليات علشان أرجعها زي الاول.. وبصي دى قبل وبعد..وكمان قبل الحادثه..
آرين : تنحت وقالت لأ انت أكيد بتهزر..دي مفيش فرق بين قبل وبعد..
تيم : بفخر.. الشغل مافيهوش هزار يارينو ياصغيره.
آرين : بزهول..يعنى انا ممكن أرجع زي الأول بالظبط..
تيم : بمكر أنا ممكن اغير شوية حجات..وتبقى معانا حتة اجنبي كدا..
آرين : هزت راسها بالرفض.. لأ لأ. انا عايزه أرجع زي ما أنا..تقدر تعملها بالله عليك ياتيم؟
تيم : أبتسم بحب وقال..تيم بيوعدك أنه هيعمل كل إللي يقدر عليه علشان ترجعي آرين أختي وبنتي الصغيرة..اللي نفسي أشوفها بتضحك زي الاول..
آرين : حطت أيديها على وشها..ودعت ربنا بقلبها كتير أنها ترجع زي الاول..
تيم : أبتسم يتنهيده..وقال. بكره إن شاء الله هنعمل أول عمليه للانسجه.. وإن شاء الله خير..
Автор: Меріам Насар
بعد لحظات..
فهد : دخل وابتسم بحب صباح الخير يا آريني..
آرين : قامت بسرعه وجريت لحضنه..وقالت بأمل جديد..بابي تيم هيرجعني زي الاول..
فهد : ضمها لقلبه بحنان وقال.. إن شاء الله ياحبيبتى وانتي في كل حالاتك جميله يا آريني.. المهم بقى انا جبتلك النوتيلا اللي انتي بتحبيها.. ومش بس كده.. أنا هاكلك بأيدي..
آرين : بهدوء..ميرسي لحضرتك يابابي..
فهد : أبتسم..وبيأكلها..وقال عايزك تساليني سؤال يا آرين؟
آرين : بعدم فهم.. أسألك سؤال؟ مش فاهمه..
فهد : حط ايدو ع خدها وقال. اسأليني وقوليلى ايه أمنيتك دلوقتي يابابي؟
آرين : بحنين.. إيه أمنيتك دلوقتي؟
فهد : ابتسم بحنين وقال.. اني اشوف ضحكتك الجميله.. واسمع منك بابي فهد حبيبي..!!
آرين : عيونها لمعت.. لكن ضحكت بدموع وأترمت في حضنه باحتياج وقالت. بابي فهد حبيبي..
فهد : أخد نفس عميق وقال..يااااه.. ياااه يا آرين لو تعرفي أنا مشتاق لضحكتك وراحة بالك قد ايه؟
آرين : اوعدك حضرتك إن كل حاجه هترجع زي ماكانت..
رينو : دخلت و افراد العيله.. وقاعدين يتكلموا مع آرين.
آرين : قامت وقالت هروح اتوضى..وا……..!!!
وفاجأه آرين اتخضت والكل اندهش. من اللي وقعت قدام رجليها..
آرين : بترفع عينيها شافت آدم بينهج وغضب العاالم في عينيه.. وحدف لمار تحت رجل آرين زي ما وعدها
الكل بيهمس ومش فاهمين حاجه ومين البنت دي؟
فهد : قام وقف.. وشاف آدم و آركان.. وقال مين البنت دي يا آدم؟!!
آدم مراد : ………بينهج بغضب ومردش…!!!
آرين : وطت ومسكت البنت من دارعها علشان تشوف مين..وقالت بتعجب..وعدم فهم..لمار..!!!
آركان : بنرفزه ايوه يا آرين.. لمار صحبتك..!!!
فهد : زعق ماتفهموني في ايه؟ والبنت دي ليها علاقه باللي حصل لبنتي ولا لأ؟
آركان : قبض ع ايديه بغضب وقال. للأسف أيوه يابابا.. لمار هي السبب في كل ده؟
الكل فتح عينيه بصدمه..
رينو : قامت برجفه ومصدومه..!!
آرين : سابت دراع لمار..و اتعدلت ببطء وصدمه.. وهمست بتيه..لمار هي السبب.؟!!!
فهد : صك ع أسنانه بغضب كبير..ومسك لمار من شعرها وقومها من مكانها..
الكل خاف من رد فعل فهد..
لمار : بتصرخ وقالت والله غصب عني. ااااه سيب شعري أرجووووك..
فهد : بشر كبير..قال.غصب عنك؟ تدمري مستقبل بنتي وكنتي هتقتليها وتقولي غصب عنك؟ دي انتي موتك ع أيدي..
وضربها قلم بكُره كبير..وقوته كلها..
لمار : وقعت على الأرض وبوقها اتجرح من شدة القلم..وصرخت بصوت عالى..
الكل أتصدم من فهد لكن محدش اتكلم..
مريم : بقلق همست ل آدم وقالت. آدم الحق فهد البنت ممكن يجرالها حاجه في أيدو..
آدم : ببرود.. معتقدش أنه هيجرالها دلوقتي..
وفهد لو مكنش عمل كدا انا اللي كنت هعمل كده..
مريم : بس يا آدم…….!!!
آدم : بهدوء..مريم سيبي الأمور تاخد مجراها.. دي كانت هتقتل حفيدتك بالحرق…
قتل يامريم..مش مجرد قلم..!!
آرين : واقفه في حالة زهول..ومش قادره تصدق اللي سمعته من آركان..
فهد : شد شعرها بقوه..وقال..وحياة أمك لاولع فيكي وهتعيشي نفس الإحساس إللي بنتي عاشته..
وضغط ع شعرها اكتر..وقال انطقي يابت عايزه تقتلي بنتي أنا؟ ليييييييه؟
آرين : اتخضت من صوت فهد وجسمها رجف..!!
رينو : سندت آرين..وقالت بجمود وقوه..
..متخافيش يا آرين..
أبوكي لازم يجيب حقك.. وبصت ل آركان وآدم وقالت.. إزاي عرفتوا أنها البنت دي؟
آركان : قال بغضب.. آدم كان شاكك فيها من زمان..ونبه ع آرين قبل كدا تبعد عنها..لكن لمار حاولت بكل الطرق تتصاحب ع آرين.. واهتمت بتفاصيل حياتها وكل يوم تطمن عليها.. ويوم شهادتها.. كان في ولد إسمه شادي..راح يعاكس آرين..بس آدم ضربه.. واللي عرفناه بعد كده.. إن لمار عرفت من آرين أنها هي و آدم هيكونوا في الجامعه بكره.. قامت لمار حطت خطة شادي علشان آدم يشك في آرين..والجامعه تتكلم ع آرين..
ويوم حادثة آرين اللي اتقفلت على أنها قضاء وقدر..مدخلتش ع آدم..وراح للمار البيت..ودخل عندها وحط جهاز تنصت في اوضتها وآمر بمراقبتها ٢٤ ساعه.. ولما لمار صحيت شافت ورقة متعلقه ع الحيطه.. وآدم كاتب فيها..
معايا كل الادله ضدك وأنك ورا حادثة حريق المعمل.. يومين بالكتير وهكلمك علشان نتفاوض وتشتري سكوتي بسعر مناسب..
وطبعا ده للتشكيك وهز ثقتها بنفسها وأكيد هتغلط.. وفعلاً بعد يومين اتصلت على شادي وهي في اوضتها..وآدم وأنا سمعنا كلامها مع شادي.. وأنها بتقوله..
اعمل ايه يا شادي أنا اه بكره آرين علشان دحيحه وحظها ضارب فوق..وانا بقرب منها علشان اعرف كل تحركاتها..ولما عرفت ان آدم رايح الجامعه خليتك تعاكس آرين علشان يشك فيها..لكن طلع العكس.. وآدم ضربك..
ومن جوايا نار من ناحية آرين.. ولما نزلنا المعمل..سمعتها بتقول ل زهره متتكلميش علشان عايزه اجيب الدرجه النهائيه..وانا اتغاظت.. ومن غير تفكير لما شوفت البنت داخله متأخره.. قولت هكعبلها علشان آرين تبوظ الإختبار..وتتخانق هي والبنت..وتجيب نتيجه وحشه.. والبت بتجري كعبلتها..لكن عمري ما كنت أتوقع أنه يحصل معاها كدا.. أنا من وقتها خايفه أن حد يعرف ومعرفش مين إللي سابلي ورقه في اوضتي.. انا أحسن حاجه أسكت ولو حد اتكلم ندفعله فلوس ونعدي بقى واهي آرين خدت جزائها..
وطبعاً كل ده اتسجل.. وآدم كان رايح يخلص عليها..لكن انا قولتله نفكر بالعقل أصل لو ضربتها سهل جدا تموت في إيدك ومستقبلك ينتهي علشان واحده زي دي ..
لأ احنا ناخد التسجيل ونطلع ع عميد الكلية ووقتها يتصرف. وفعلاً العميد فصل لمار من الجامعه نهائياً. ومحرومه من التعليم لمدة سنتين
. وتبقى تقابلني بقى لو جامعه تانيه قبلتها..
الكل في حالة صدمة..
آدم مراد : أتحرك بغضب..ومسك لمار وقومها..وقال ل آرين بصوت حاد..
لمار قدامك أهي ورمتها تحت رجليكي زي ما وعدتك..
وأنا إللي بقولك أهو.خدي حقك منها بأيديكي..
لمار : بتعيط.. وبتحاول تفلت نفسها من قبضة آدم.لكن شتان..
آرين : عينيها تايهه يمين وشمال بصدمه كبيره.. والدموع اتحجرت في عينيها..
آدم مراد : بتحذير شديد اللهجة.. آرين بنت فهد السيوفي متعيطش…!! حفيدة طارق السيوفي و آدم العدوي.. ترفع راسها لفوق. وتاخد حقها من بوق الأسد وهي بتضحك..
ولو شوفت دموعك..صدقيني مش هيحصل خير أبدا..
لمار قدامك خدي حقك منها..!!
فريحه : شهقت بخوف وجت تتكلم..
مراد : مسك أيدها وهز راسه ليها وقال لأ..!! سيبي إبنك يتصرف..
آرين : حست بالقوه وأنها تقدر طول ما عيلتها في ضهرها وبتدعمها.. ودموعها اتحولت لشرار.. وإن ازااي صحبتها تفكر فيها بالشر ده..
لمار : بتترجف وبتعيط وقالت ارجوكي يا آرين اسمعيني والله مكنتش أقصد كل ده.
الكل أنتبه على صوت القلم إللي نزل على وش لمار بقوه كبيره من آرين..
آرين : بتنهج بزهول..وقالت. ليه يا لمار؟ ليه كل الكره ده ليا جواكي؟ اذيتك في إيه؟ عملت ليكي إيه؟
آدم مراد : ماسك لمار من شعرها..ومثبتها قدام آرين.. وكأنه بيشفي غليله من ضرب آرين ليها..
آرين : صرخت فيها بهستريا…لييييه كل ده؟ انتي عارفه أنا كنت حاسه بأيه وانا وسط النار؟ ومتقوليش غصب عنك لااا..
أنتي عارفه كويس أوي إن الدكتور حظرنا أكتر من مرة إن المواد الكيميائية قابله للأشتعال..
وأي غلطه هتأذينا.. يعني عارفه إن أي غلطه ممكن تخسر حد حياته..
وانتي بقلب ميت دمرتي مستقبل بنتين ملهمش ذنب معاكي..
غير أنك حقوده وقلبك كله شر..
البنت إللي وقعتيها عليا كلها اتشوهت بسببك.. وأنا أكتر واحده حاسه بيها..
وأنها شايفه نفسها دلوقتي عبء على كل إللي حواليها..
أنتي وصلتيني لمرحله إني كرهت أي إهتمام من اي حد..
عيشتيني في صراع بين الشفقه والحب الحقيقي.. أنتي أبشع حد عرفته في حياتي كلها يا لمار..
وأنا مبسوطه إنك خسرتي مستقبلك.. ويستحيل اي كليه تقبلك تاني..
آرين : ضحكت بوجع وندم.. وقالت تعرفي..؟ أنتي إللي زيك فعلاً لازم يغير مني…
لأن أنا محظوظه.. عندي عيله بتحبني.. وأنها مستحيل تخليني واقفه مكانك ولوحدي..
لأ انا بنت أحسن أب وأم في الدنيا كلها.. وحفيده لأجمل وأروع عيله.. وعندي أخ مفيش منه اتنين. وعندي أسباب كتيره جدا تستاهل إني مضعفش بعد كده..وا أواجه أمثالك..
لمار : من جواها مرعوبه من آدم وباقي العيله.. وقالت.. خلاص يا آرين أنا مستقبلي وحياتي انتهوا.. بس ارجوكي بلاش محاكمه انتي عارفه إن مامي مش هتتحمل حاجه زي كده..
آرين : قبضت على أيديها وقالت.. أنا لو عليا أحكم عليكي بالاعدام..
لكن تربيتي وكوني إني بنت فمستحيل أبقي بكل الشر ده زيك..
واعرفي إنك مش هترتاحي في حياتك.
وصرخت فيها.. اطلعي بره.. سيبها يا آدم تخرج من هنا أنا مش طايقه أشوفها..
آدم مراد : شد شعرها بقوه كبيره وهمس ف ودنها بفحيح أفعى..
أوعي تكوني فاكره إن دي النهايه.. لأ.. دي بداية دمارك على أيد الديزل..
فهد : بغضب العالم.. شد لمار من شعرها..وخارج بيها بره المستشفى..والكل بينادي عليه..ومبيردش..
آدم مراد : واقف مكانه وبينهج..
محمد : جواه زعلان جدآ ع إللي بيحصل.. وقال. تيم ألحق فهد. ده مجنون وممكن يعمل فيها حاجه..
تيم : بغضب مكبت..بلاش انا علشان لو لحقته هكمل عليها..
مراد : خرج بسرعه ورا فهد. وشافه بيركب العربيه وزق لمار بالعافيه فيها..
فهد : ركب العربيه..
مراد : ركب بسرعه جمبه..وقال بهدوء..ع فين ياحوت..؟
فهد : بينهج وقال بغضب.. شوفلي عنوان بنت ال……دي في شنطتها.. لازم اخلي أبوها يشوف نتيجة تربيته ال……ويفرح بيها..
مراد : أخد شنطتها وقاله ع العنوان. وطلعوا على بيت لمار..
وفهد ومراد اهانوا والد لمار بالذوق وأنه معرفش يربي بنته ع الخير.. وزرع فيها الشر والحقد..
وفهد هدد والد لمار أنه مش هيسيب حق بنته وهيدمر مستقبلها بالبطيء.. وهيخليها تكره اليوم اللي قابلت فيه آرين السيوفي..!!!
وعدا اليوم أشبه بصدمه ل آرين. ولكن كالعاده الكل احتواها.. ووقفوا جمبها وقدموا ليها الدعم المعنوي.
—————–بقلمي مريم..
تاني يوم..
Автор: Меріам Насар
فيلا العدوي..
آدم مراد : خبط ودخل ع جدو في مكتبه. وقال صباح الخير يا بابا..
آدم : صباح الخير يا آدم..
آدم مراد : كنت عايز اقول لحضرتك إني هجيب المأذون علشان كتب الكتاب..
آدم : طيب مش تهيأ الموضوع ل آرين؟
آدم مراد : بجدية.. أنا اتكلمت معاها امبارح لكن هي لسه شايفه نفسها مشوهه.. بس انا لازم أثبت ليها العكس.. آرين أكتر واحده محتاجالي دلوقتي.. ولازم أكون جمبها..
آدم : بمكر.. وايه المطلوب مني دلوقتي؟
آدم مراد : بدهاء.. دورك الكبير يا أمبراطور. أهم دور في الحكايه.. وإنك بصفتك كبير العيله.. تطلب ايد آرين رسمي قدام كل العيله وبكدا يبقى حطناها قدام الأمر الواقع..
آدم : أبتسم. وبص ف الساعه وقال.. أنا قدامي ساعه واكون في المستشفى عند حفيدتي…
آدم مراد : بمكر. نفس الوقت إللي هكون فيه هناك بالمأذون..
آدم : هز راسه اتفقنا..
آدم مراد : أبتسم وخارج..
آدم : من غير ما يبصله.. متنساش أوراق آرين لكتب الكتاب..
آدم مراد : بثقه..كل حاجه جاهزه من زمان جدا.. وخرج يجيب المأذون..
آدم : بص قدامه وأبتسم على عشق الإمبراطو الصغير.
——————بقلمي مريم نصار.
بعد ساعه..
آدم واميرته وطارق ورنا ومحمد ونور ومراد وفريحه و فهد ورينو وزين وتمارا و تيم وميرو و آركان كانوا مع آرين..
في المستشفى.
تيم : دخل عليهم صباح الخير..
كلهم صباح الخير..
تيم : بابتسامه..يلا يا آرين جاهزه لأول عمليه؟
آرين : أخدت نفس عميق وهزت راسها بتوتر.. جاهزه..
تيم : طيب يلا بينا..!!
آرين : بصت ل فهد..وقلبها بيدق بخوف..
فهد : حس بيها وقام ضمها لقلبه وقال..مش عايزك تخافي..افتكري إني جمبك ومعاكي في كل مكان..
آرين : غمضت عينيها..وقلبها بيسأل عند آدم.. وكانت بتتمنى تشوفه قبل ما تدخل العمليات..
فهد : باس جبينها وقال بخوف متداري..لا اله إلا الله ياحبيبتي..
آرين : هزت راسها وقالت..سيدنا محمد رسول الله.. وودعتهم كلهم وخرجت..
آدم : بص ف الساعه..
آدم مراد : في آخر الطرقه وقال بصوت جهوري.. استني يا آرين..!!!
آرين : بدقة قلب..ولفت ل آدم بوجع كبير..!! لكن فتحت عينيها بزهول.. وهمست.. المأذون..!!!
آدم مراد : شاور للمأذون وقرب من آرين
.وقال أنا لسه عند وعدي..
آرين : بتوهان ولخبطه ودقة قلب..هزت راسها لأ يا آدم.. لأ. سبني على الأقل اعمل العمليه الأول..
آدم مراد : بتهديد وأمر.. انتي مش هتدخلي العمليات..ولا هتعملي أي عمليه..قبل ما تكوني على ذمتي.
مش قبل ما تكوني آرين آدم العدوي..!!!
آرين : واقفه بتتنفس بسرعه ومتوتره..
تيم : بفرحه.. مع أني مش متفاجيء. بس والله أحسن خبر انهردا..
آدم مراد : ل تيم هنأخر العمليه شويه ينفع؟
تيم : بمكر..ياعم العمليه تستنى لكن المأذون مش هيستنى..
آرين :……….!!!
آدم مراد : تعالى يا آرين..
كل العيله طلعت على صوت آدم.
آرين : هزت راسها بالرفض..!!
رينو : فتحت عينيها بدهشه..وقالت مش معقول.. آدم جاي ومعاه المأذون..
آركان : بمكر..وكل الأوراق جاهزه معايا..بس بنتك توافق..
فريحه : بصت لمراد وقالت إبنك آدم محصلش يامراد..
مراد : بفخر طبعاً ده إبن مراد العدوي يابت يا فريحه..
رينو : مسكت ايد فهد.. وبصتله بترجي كبير. بالموافقه..
فهد : ضغط ع أيدها يطمنها…
آدم مراد : بص لجدو آدم..
الامبراطور : هز راسه يطمنه…و وقف قدام طارق و فهد.. وقال..
انا عارف إن المكان مش مناسب. لكن أنا شايف إن ده انسب وقت لأحفادي..
وانا بصفتي كبير العيله..ف أنا بطلب أيد حفيدتي آرين لحفيدي آدم.. قولت ايه ياطارق أنت وفهد..!!!
آرين : قلبها بيدق بسرعه..
ميرو : قلبها دق بفرحه كبيره..وراحت هي وتالين وقفوا جمبها..
طارق : بفرحه.. والله أنا موافق بالثلث.. هو أنا هلاقي لحفيدتي زي الكشر ده فين؟ هو كشر أي نعم.. بس راجل من ضهر راجل..ايوه منا اللي مربي أبوه..!!!
الكل أبتسم.. والفرحه بدأت تدق على قلبهم.
آدم : هز راسه تمام..لكن نعرف رأي أبوها..!!
فهد : باصص علي آرين.. وقرب منها وقال بثبات عكس الحنين إللي جواه.. مش مهم رأيي.. المهم رأي آرين..
آرين : مشتته ومش عارفه تاخد قرار. وبتفكر.. إن وشها محروق… لأ انا كدا بظلم آدم معايا..هو مش مجبر ياخدني بالشكل ده..وهزت راسها بالرفض..
الكل ضحكته اختفت من رد فعل آرين..
فهد : تعالي معايا يا آرين عايز اتكلم معاكي شويه.. واخدها الاوضه وقفل الباب..
آرين : قعدت ع الكرسي بتعب.وضياع وحيره..
فهد : قعد قصادها..ومسد على حجابها وخدها.. وأبتسم بدموع وقال كبرتي يا آريني..
آرين : هزت راسها بدموع.. لأ لأ يابابي..اء.. أنا……!!!
فهد : أنتي كبرتي لكن مهما تكبري هشوفك بنتي الصغيره إللي لسه بضفاير..
وكمل بغصه.. أي أب مش عايز من الدنيا دي غير راحة ولاده.. ويمكن أنا من شدة خوفي عليكي.. مكنتش شايف الحقيقة دي..
آرين : مسحت دموعها وقالت حقيقة إيه يابابي؟
فهد : بتنهيده..حقيقة إن آدم مش بس بيحبك وبيخاف عليكي.. لأ آدم محبش حد قدك..
فهد ضحك بسخريه وقال.. أنا مستغرب نفسي إني أنا إللي بقولك كدا..
لكن دي الحقيقه الوحيده إللي لازم نصدقها.. وإن عشق آدم تخطى كل حدود العشق..
شوفت خوفه عليكي.. وإنه حتى بعد الحادثه دي..متمسك بيكي.
وعمري ما هقدر أنسى إللي عمله عشانك..ولا قادر أنسى لما قال.. أنتي لو كلك على بعضك اتشوهتي فإنتي برضه ليا..
حسيت وقتها إني لو مت دلوقتي..هكون ميت مرتاح ومطمن عليكي..
آرين : بعياط..بعد الشر عليك يا بابي متقولش كدا أرجوك..
فهد : مسح دموعها..وقلبه بيبكي..وقال.. آدم طلب إيدك مني من سنه فاتت..
عارفه طلب إيدك وأحنا بنواجه الموت..
ودلوقتي بس فهمت ليه هو عمل كدا..
آدم مهابش الموت قد ما خاف أنه يجراله حاجه قبل ما يحقق حلمه في أنه يطلبك ليه…
طيب عارفه.. أنا وقتها اتعصبت عليه .وقولتله هقتلك لو قولت كدا تاني. تعرفي رد عليا وقالي إيه؟
آرين : مزهوله…اتقدم من سنه ؟ ومن غير ما تعرف؟ لكن قالت بفضول..قال ايه يابابي؟
فهد : أبتسم وقال.. قالي أكتب كتابي عليها وتبقى مراتي.. وبعدها فرغ الرشاش كله في قلبي…
آرين : فتحت عينيها بزهول..وغصب عنها ظهرت إبتسامه جميله ع وشها..وهمست معقول؟
فهد : بتنهيده.. أنا قولتله إنك لسه صغيره.. و آدم وعدني أنه مش هيتكلم معايا ولا يطلب ايدك غير بعد سنه..
اللي هو نفس الوقت اللي حصلت فيه الحادثه..كان فعلاً هيتقدملك تاني يوم..
. لكن اللي حصل.. وسبحان الله..يمكن اللي حصل ده علشان اشوف قد ايه آدم بيحبك..
وبيفتخر بحبك قدام الكل.
.واوافق عليه بأقتناع تام مش بالإجبار.. وأنا دلوقتي موافق جدآ ع آدم.. وانتي كمان لازم توافقي.. مش لأنك مضطره.. لأ.. لأنك كمان بتحبي آدم..
آرين : نزلت وشها في الأرض بحرج .
فهد : رفع دقنها وقال.. ايوه بتحبيه بدليل أنه الوحيد اللي أنتي كنتي حريصه أنه مايشوفكيش.. وأنه يتغير بعد كده.. وكمل بصوت مبحوح وافقي يا آريني…
آرين : بدموع بس عايزه حضرتك تعرف إني مبحبش حد قدك..
فهد : ضحك بصمت وقال عارف. وباس جبينها وقال.. أطلع بقى اقولهم إنك موافقه..
آرين : بتفرك في أيديها ووشها احمر جدآ وقالت بحرج.. إللي تشوفه حضرتك..
فهد : رغم صعوبة الموقف عليه..لكن لازم يقنع نفسه إن ده الصح.. وقام وخرج..
الكل واقف مترقب…
طارق : ها يبني سبع ولا ضبع..عايزين نفرح يا أعداء الفرحه…
فهد : أبتسم بوجع.. وقال..موافقه.. آرين موافقه..!!!
آدم مراد : نفخ براحه كبيره جدا جدا..
مراد : ضحك وقال لفهد.. أخيراً النحس اتفك..
الكل فرح واستعدوا لكتب الكتاب..
فهد : قعد وآدم قاعد قصاده.. حطوا أيديهم في ايدين بعض..
تيم : لميرو.. بسرعه صوري المشهد ده علشان مش هيتكرر تاني..
ميرو : بسعاده كبيره عندك حق.. وفتحت الفون تصور..
تالين : دخلت وقعدت مع آرين..وفرحانه اوي..
المأذون بدأ في إجراءات كتب الكتاب وفهد و آدم بيقولوا وراه..
وكل واحد منهم قلبه بيدق لكن بطريقه مختلفه..مابين فراق البنت لابوها..وبين لقاء العشق في الحلال..
المأذون : بارك الله لكما وبارك عليكما وجمع بينكما في خير إن شاء الله..
الكل سقف بفرحه كبيره..
فريحه : بسعاده كبيره..فينك يازينب كنتي هتملي الدنيا زغاريد دلوقتي..
ميرو : بفرحه ولا يهمك أنا بنوته ممرضه تفرح كتيبه بحالها..ثواني هتصل عليها تيجي..
تيم : بصوت عالى انا اللي هشهد على كتب الكتاب..معلش أخوها الكبير وده حقي..
طارق : والله كنت لسه هقولك كدا..تعالي أمضي يادكتور تيم..
تيم : بفرحه ده انا أمضي وابصم وأختم كمان..
آدم : أبتسم وقال والشاهد التاني تعالى يازين..
زين : بفرحه.. بس كدا..ده شرف ليا إني أشهد على عقد جواز آدم و آرين.. ومضى..
الممرضه.. جت وزغردت كتير جدا..وملت الجو بهجه وسعاده..
فهد : قاعد وبيكابر دموعه..لكن صعب.. بنته دلوقتي بقت في حكم حد تاني..حد هيشاركه في نن عينيه وقلبه.. وغمض عينيه..علشان ميبكيش..
مراد : بفرحه ألف مبروك ياض يا آدم.. وحضن إبنه..وقال بهزار..
دي خطة حرب اكتوبر مخدتش كل الوقت ده..بس نقول إيه.. يهدي من يشاء..
آدم : ابتسم الله يبارك فيك يا بابا.. بعد إذنك اشوف حمايا. وراح وقف قدام فهد وقال..مش هتباركلي..
فهد : هز راسه وقال.. مبروك عليك آرين يا آدم..!!
آدم : حس بيه..وقال آرين في عينيا ياخالو.. ومش عايزك تقلق عليها.. وحضنه بعض..
فهد : ربت ع ضهرو.. وساكت…
آركان : كان فرحان وبارك ل آدم وآرين..
رينو : اترمت في حضن أمها..وعيطت بفرحه.. وقالت أخيراً يامامي.
مريم : بسعاده.. مبارك علينا الفرح وزوال الكرب يانور عيني..
أما الستات والبنات كانوا عند آرين بيباركوا ليها..
آرين : جسمها كله تلج من التوتر..ومش مصدقه.. يعني هي دلوقتي بقت مرات آدم.. مرات المرعب.. يعني حلم السنين اتحقق دلوقتي..!!
تالين : شافت آدم داخل عندهم وجريت عليه بسعاده مبارك عليك كتب الكتاب..يا أبيه..
آدم مراد : فتح أيديه ليها وخدها في حضنه..وقال بابتسامه.. الله يبارك فيكي ياقلب أبيه..
والكل بارك ل آدم..وخرجوا.. وبقوا لوحدهم..
——————بقلمي مريم نصار…
آرين : وقفت وقلبها بيدق بسرعه كبيره وخايفه..
آدم مراد : قرب منها ووقف قدامها..وباصص عليها.. وقال بدقة قلب.. أخيراً..!!!
آرين : بلعت ريقها بتوتر..ومش عارفه تعمل إيه؟
آدم مراد : رفع ايدو وفك الشاش من على وشها..
آرين : واقفه مغمضه عينيها..وقلبها وجعها من مواجهة آدم للتشوه اللي في وشها..
آدم مراد : رفع ايدو ع خدها..
آرين : رجعت خطوه لورا وقالت..شكلي وحش ارجوك ماتبصش علي وشي يا آدم..!!!
آدم مراد : مردش عليها وقرب منها..وباسها من خدها بحنان واشتياق وعشق كبير.. وقال.. شوفي نفسك بعيني..!!
وشدها لحضنه لأول مرة بحريه مطلقه….وغمض عينيه..وهمس ف ودنها.. وقال.. بحبك ياضي آدم…!!! ———
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية جريمة عشق 5)