رواية عنيدة الأدهم الفصل الخامس عشر 15 بقلم هنا السيد

رواية عنيدة الأدهم الفصل الخامس عشر 15 بقلم هنا السيد

رواية عنيدة الأدهم البارت الخامس عشر

رواية عنيدة الأدهم الجزء الخامس عشر

رواية عنيدة الأدهم الحلقة الخامسة عشر

مر الليل على ابطالنا و كل واحد منهم مشغول في حياته فمنهم المشغول بتغير اعز الأشخاص معه و منهم المشغول بمهمته الجديدة و المشغول بوضع خطط لتدمير آخرين
__________________________
في الصباح في غرفة أسيل
والده أسيل: انتي يا هانم اتنيلي قومي عندك كليه
أسيل بنوم: ممم قايمه اهو
والده أسيل: اطلع الاقيكي ورايا و الا عارفه هعمل ايه
أسيل بنوم: اه اه عارفه يلا بقا
خرجت الأم و أكملت أسيل نومها
.
والده أسيل : مش قولت اطلع الاقيكي ورايا
أسيل بنوم: ممممم
والده أسيل بتوعد: حااااضر
أسيل بفزع: اععااااا وشي اااااااااه في حد يصحي حد بالشبشب ي ماما
والده أسيل: اه انا ي قلب امك عندك اعتراض
أسيل: هههه و انا أقدر برده
والده أسيل: طب قومي يلا احسن الفردوس التانيه عاوزة تيجي لأختها
أسيل بعد م قامت: لا و على ايه قمت خلاص اهو
والدة أسيل: صنف يخاف ميختشيش

دخلت آسيل للحمام توضئت و خرجت لارتداء ملابسها المكونه من فستان بالون المينت و خمار اسود و ادت فرضها و خرجت
أسيل: صباح الخير ي بشر
والد أسيل: صباح النور
أسيل: اومال فين الحاجة رقيه
والد أسيل: في المطبخ
أسيل: و مازن
والد أسيل: نايم روحي صحيه
أسيل: اشطا
ذهبت أسيل لإيقاظ مازن
أسيل: ماااازن انت ا ولااااا
لا رد
أسيل: مااازن و بتهزه بقوه
لا رد
أسيل: هو مش حاسس ليه احسن يكون مات . مااااازن
قامت بإحضار كوب ماء و كبه عليه
مازن بنوم و تعب: أسيل اطلعي بره و سبيني
أسيل باستغراب: مالك في ايه
مازن: مفيش و اطلعي
أسيل: لا في مش عادتك انك تسكتلي من غير م تزعق مااالك بقا
مازن بخنقه: مفيش بقا قولتلك و اطلعي
أسيل : لا مش هطلع غير م اعرف مالك و كمان عندك شغل
مازن : مش رايح شغل و اطلعي
أسيل: خلاص هقول لروما و هي هتعرف مالك
مازن: هي السبب اصلا
أسيل باستغراب: ازاي
مازن: فاكرة مش كنت حكيتلك عن أنها اتغيرت و قولتي لي قولها

أسيل: اه فاكرة
مازن: قولتلها و ردت بنفس البرود و يمكن اكتر و قالتلي مفيش و قامت متعصبه
أسيل: منك تكون متدايقه من حاجه و انت نقلت عليها أو سالتها بطريقة مش حلوة
مازن: أسيل انت عارفه انا متعلق بيها ازاي انا لو اتعاملت مع كله بطريقة مش حلوة عندها و بقف خايف تسبني
أسيل بحزن: اكيد مش هتسيبك هي كمان بتحبك ⁦⁦بس تلاقيها زي م قولتلك متدايقه من حاجه سيبها شويه لحد م تهدأ
مازن: هسيبها بس لو فضلت بنفس المعامله انا الي هسيبها كرامتي عندي اهم
أسيل: سيبها تهدأ و انت كمان و أن شاء الله كله هيتحل
مازن: أن شاء الله
أسيل:طب يلا ي بابا ي تضحك ي تمشي معندناش هنا مكان للمكتئبين
مازن: شكرا اوي انت احسن اخت
أسيل: هههه صدق الي قال لو ليك عند الكلب حاجه قوله ي سيدي أنجز عاوز ايه
مازن بغمزة: احبك و انت فاهمني
أسيل: ها انجزز
مازن: هما حاجتين
أسيل: هتقول و لا امشي
مازن: لا استني بصي اول حاجه تروحي عند روما تشوفيها مالها
أسيل: و التانيه
مازن: هي مش ليا لآسر
أسيل: و مقاليش هو ليه
مازن: عامل مكسوف ، عارفه البنت إلى معاكي الي اسمها آيه
أسيل: اه مالها
مازن: هو و هي بيكلموا بعض و هو عاوز يتعرف على أهلها بس عامل مكسوف
أسيل: العب ، و بعدين من امتى و هو بيكسف
مازن بضحك: معرفش المهم كلميها و خدي رقم أهلها
أسيل: مازن انت مش بتعمل حاجه ببلاش
مازن: مش بقولك فهماني
أسيل: طول عمري ، اخدت ايه بقا
مازن: مأخدش ، ليه هأخد
أسيل: هو انا هسحب الكلام منك م تقول و تخلص
مازن: مش هو كان في ايطاليا
أسيل: اه بيقول

مازن: لما اتجوز هيسفرني على حسابه
أسيل: مادي حقير
مازن: تسلمي ي حب ههه
أسيل بفرحه لإخراجه من حالته: الله يخليك هطير انا بقا و انت قوم علشان متتأخرش
مازن: اشطا انت رايحه التدريب ولا الكليه
أسيل: الاتنين
مازن: انهو الأول و هتروحي لروما امتى
أسيل: الكليه الاول ، هروحلها بعد التدريب
مازن: مااشي
خرجت أسيل من عند مازن
أسيل: ماما بابا انا نازله
والده أسيل: فطرتي؟
أسيل: لا هأكل مع چينا
والده أسيل: لا كلي قبل م تنزلي
أسيل: هتأخر
والده أسيل بغضب: قعدي اطفحي الاول
أسيل قعدت على السفره بخوف: انا بأكل اهو
والد أسيل: صحيتي مازن
أسيل: اه زمانه طالع
والد أسيل: ماشي
أنهت أسيل إفطارها و ذهبت لجامعتها
أمسكت هاتفها للاتصال بچينا
:ترن ترن ترن صباحو عسل
أسيل: بالقشطه ، انت فين؟
چينا: في المشروع و جايه اهو
أسيل: يلا علشان عندي محاضرة
چينا : انت فين اصلا
أسيل : قدام الكليه ، في عربيه سودا واقفه قدام الكليه نزل منها اتنين زي عواميد النور ي سلام لو يعملوا زي الروايات و يخطفوني
چينا: طول عمرك هبله هيسيبوا كل الناس الي عندك و يخطفوني انت ليه ، المهم خمس دقائق و هبقى عندك
أسيل: خادمه اللحظات و مدمرة اللذات ،اشطا ، سلاموز
جينا: بالموز

في مكان آخر
*: عملت ايه في اخر مهمه
عمرو: البضاعة اتسلمت بس مكس بيقول أنها مش اصليه
* بغضب: ازاي مش اصليه و انا فرزتها بنفسي و اتأكدت منها
عمرو: معرفش انا كمان مستغرب
* بخبث: كده في خاين بينا
عمرو بتوتر حاول اخفاءه : ازاي مفيش حد كان يعرف غيري انا و رجالتي و انت و الذئب بتاعك الي مش عاوز توريه و لا تعرفوا لحد مش يمكن يكون هو
*: استحاله يكون الذئب انا بثق فيه اكتر من نفسي و اكيد مش انا
عمرو: يعني بتتهمني بطريقة غير مباشرة
*: افهمها زي م تفهمها
عمرو: دي إهانه و انا مش هسكت عليها و ابلغ الريس بإتهامك ليا
*: تمام بلغه و هتخسر حبيبه القلب كان اسمها ايه اه افتكرت أسيل
عمرو: و انت تعرفها منين
*: مش مهم اعرفها منين المهم هي فين
عمرو بغضب: قصدك ايه بهي فين
*: معرفش
بيطلع عمرو تليفونه و بيتصل على أسيل بس مش بترد حاول كذا مرة و برده مش بترد ، اتصل على مازن
عمرو بصوت حاول يبان طبيعي: عامل أي ي مازن
مازن: الحمدلله و انت
عمرو: انا الحمدلله ، كنت بقولك هي أسيل عندك و لا فين
مازن: لا نزلت عندها محاضرة و تدريب ، ليه في حاجه
عمرو: لا ولا حاجه بس اتصلت بيها مرتدش فقلقت
مازن: تلاقيها في المحاضرة فمش هتعرف ترد
عمرو: طيب سلام و قفل التليفون
عمرو: هي فين عارف لو شعرة واحدة فيها اتأذت مش هيكفيني موتك
*بشر: ههههههه ده انت بجح اوي ي اخي بتهددني و مش خايف عليها
عمرو بشر : مش بهددك بس بعرفك هيحصلك ايه لو هي اتأذت و لو شعرة منها
* بخوف أخفاه بنبرته العاليه: المفروض اخاف منك يعني
عمرو: حذرتك و خلال ساعه لو مرجعتش هتندم
و تركه و خرج
في مكان آخر
أسيل بصوت عالي: يا عم انت فك ايدي بقا عاوزة اشرب
الشخص بزعيق: اخرسي ي هقتلك
أسيل: ي جدع هخاف انا كده

الشخص و هو يمسك المسدس ناحية أسيل: قولت اخرسي
أسيل بثقه: مش هقدر تعمللي اي حاجه
الشخص و مازال يوجه المسدس ناحية أسيل: هه و واثقه ليه كده
أسيل: علشان مش انت شغال عند حد و هو الي قالك تخطفني و لو عملتي حاجه من غير أمر منه مش بعيد يموتك
الشخص: طب و ليه مكنش انا الي عاوز اخطفك
أسيل: ايه الغباء بتاعك ده لو انت الرئيس هتلبس زي الي شغالين معاك ليه يخربيت ذكائك الي مش موجود
الشخص و هو يكلم حد في التليفون: ي باشا هقتلها دي عليها لسان
*: ________
الشخص: لا اكيد لا أنا خايف على نفسي
*:________
الشخص: تمام ي باشا بس في حمايتك انا مش قد عمرو ولا الفهد
*________
الشخص: أوامرك

يتبع…