رواية البنت غير الشرعية الفصل المائة وعشرة 110 بقلم ياسمين
رواية البنت غير الشرعية الفصل المائة وعشرة 110 بقلم ياسمين
رواية البنت غير الشرعية البارت المائة وعشرة
رواية البنت غير الشرعية الجزء المائة وعشرة
رواية البنت غير الشرعية الحلقة المائة وعشرة
بعد سمانة رحت لداري أخرى شراهالي يوسف فيلا صغيرة شابة بزاف طهر الأطفال ودارلهم العقيقة تحسب عرس خاطر معارفو بزاف شيخي عرف بلي انا بنت خوه معاملتو ليا تبدلت بزاف فالحق هو من الحمل تبدل معايا وسيرتو بعد الولادة ضوك راه يجيني للدار سيرتو كي كبرو الاولاد راه يخرجهم معاه ضوكا عندهم 4 سنين بالسيف باه خلاني يوسف ناكل منع الحمل حتى يكبرو ونعاود نهز الحمل وكي بديت نحكيلكم القصة كان عندي شهرين ملي زيدت وهذي المرة تاني توام أولاد يونس وشعيب بصح هذي المرة هو قالي ديري منع الحمل خايف عليك خاصة واني زيدت سيزاغيان علابالي تقولو 4 بزاف لالا الحمد لله جبت كريمة الخدامة راها عندي معاونتني بزاف وتاني نوح وخليل راهم في لاكراش وسلامتك عجايزي فالزوج تقريبا يومياً عندي الحمد لله بعد كل معاناتي ربي فرجها عليا أكثر ملي كنت نتمنى خالتي بختة الوحيدة لي مزال نتواصل معاها خالي
بعثلي دراهمي في شحال مع خالتي بختة قاع قبل ما نولد ونايفني دلال مزدتش كامل سمعت عليها اهل يوسف الحمد لله كامل ملاح معايا من غير آمال ويماها ومروى مانشمهم ما يشموني هوما جامي يجوني غير فالمناسبات قدام الناس كيما هذي المرة فالعقيقة نتاع يونس وشعيب ،جمال مكان حتى علاقة بيناتنا وراجلي حبيبي كاي زوجين مرات حباب مرات مدابزين هو مقلق وانا مرات منشدش لساني الحاجة المليحة جامي عاود ضربني ولا حاوزني بالعكس الدار على اسمي يقولي نبقى معاكم ولا تحاوزني ودارلي تاني كونت بونك ليا كل ما يخدم بروجي يحطلي مكتوب قالي رزقك ورزق ولادي نخاف نغيب ويدورو عليكم.
النهاية
لقراءة باقي حلقات الرواية اضغط على : (رواية البنت غير الشرعية)