رواية جهاد ومحمد الفصل الثاني 2 بقلم فاطمة علي

رواية جهاد ومحمد الفصل الثاني 2 بقلم فاطمة علي

رواية جهاد ومحمد البارت الثاني

رواية جهاد ومحمد الجزء الثاني

رواية جهاد ومحمد الحلقة الثانية

” ‏فلا غيرُكِ أبداً تعمقني ‏و لا بعدُكِ أحداً سيُملكني. ‏ولغيرك حُرم قلبي و العينُ في رؤيَا غيرُكِ كفيفةً💜 ”
استغربت اوى مين الى باعت كدا بس لقيت رساله وراها انا محمد وخدت الرقم من بباكى علشان متفضليش تفكرى كتير ابتسمت وفتحت الرساله الاولى وفضلت اقرأ فيها كتير لحد ما نمت وعدت ايام كتير اوى وفى يوم صحيت على رنة الفون وكان هو
= صباح الخير
– صباح الورد يا حوريتى
= حوريتك!!!
– اه طبعا انتى حوريتى واحلى حورية شافتها عيونى
= محمد من فضلك بلاش الكلام دا
– عالفكرة حلال
= عارفه بس مش عايزاه
– مش عايزاه !؟ ماشى يا جهاد
= احم اخبارك ايه
– الحمدلله بخير .. انا نازل الشغل و حبيت اصبح عليكى
= ربنا معاك يارب
– تسلمى عايزة حاجه
= تسلم… فى رعاية الله
– فى حفظ الله
= اعترف انى غلطانه ودبش بس انا .. انا … انا مش عارفه انا عايزة ايه لسه فى حاجات كتير انا معرفهاش عنه انا اصلا معرفش حاجه عنه طب ما انا اساله ونبدأ نتكلم لا مش هسال وانا مالى انا اصلا مش عايزاه وعملت كدا علشان بابا …. بس خلاص بقى جوزى لازم اتأقلم واحاول ابعد شيطانى عنى يارب ريح قلبى يارب لقيت صوت رساله وطلعت منه فتحتها لقيته باعت
” ليتكِ تعلمين انكِ تملكين القلب بكل نبضُه المغرم بكى ”
عيطت اوى وقتها ليه بيقولى كدا هو يعنى بيحبنى معقوله ممكن يكون بيحبنى هو يعرفنى اصلا دا احنا متكلمناش خالص ازاى بس طب انا ممكن احبه معقوله ممكن دا يحصل وليه ميحصلش محمد شخصيه طيبه وهاديه ومرحه اوقات وبصراحه زى القمر وطويل وعضلات و…. ايه الهبل الى بيحصل دا ازاى يعنى افكر كدا … يارب ريح قلبى وحببنى فى كل شئ مقدر لى .،،،، عدى اليوم وعلى بليل اتصل بيا
– السلام عليكم
= عليكم السلام ورحمة الله وبركاته
– ازيك يا جهاد اخبارك ايه
= الحمدلله تمام .. انت اخبارك ايه
– الحمدلله بخير
= خلصت شغل
– اه الحمدلله ولسه داخل البيت
= حمد الله على سلامتك
– الله يسلمك … احنا عزمنكم عندنا كمان يومين تقضوا معانا اليوم وكدا
= خلاص تمام مفيش مشكله بس قول لبابا
– بلغت عمى وعمتى وقولتلهم
= ماشى ربنا ييسر الحال
– جهاد
= نعم
– انتى مفيش امل تتقبلى علاقتنا
= معرفش يا محمد
– ممكن تنسى انى جوزك وبصيلى على انى صديق واحكيلى واشكيلى من جوزك دا
= يعنى احكيلك واشكيلك من نفسك
– اه يا جهاد لو هتشكى لحد منى اشكيلى انا … لو عايزة تطلعى غضبك منى فى حد طلعيه فيا انا … لو عايزة تستخبى منى وقت خوفك استخبى فى حضنى انا … اعتبرينى اقرب صديق ليكى لو شوفتينى كدا علاقتنا دى هتكون انجح علاقه صدقينى
= اوعدك هحاول
– طب نجرب من دلوقتى ايه الى مدايقك فعلاقتك مع جوزك
= انا مش مدايقه بس كل حاجه جت بسرعه وانا معرفش عنه حاجه انا كنت عايزة مواصفات معينه
– الى هى يكون ملتزم وصلاواته فى الجامع وخاتم للقرأن ويتقى ربنا فيكى ويحبك زى حب الروايات وتكونى ملكه على عرش قلبه .. صح ولا لا
= انت عرفت كل دا منين
– انتى كدا بتكلمينى كزوج وانا دلوقتى كصديق بس هرد عليكى كزوج فى حاجات كتير لسه متعرفيهاش يا زوجتى المصون
= زى ايه مثلا
– لا دا سر يوم ما هحس انك قلبك بدأ يدقلى هحكيلك كل حاجه اوعدك
= اتفقنا .. يلا نام علشان ترتاح
– ماشى يا حوريتى .. تصبحى وانتى فى بيتى ياااارب
= نام يا محمد يلا
– طب متزوقيش كدا
= تصبح على خير
– وانتى من اهله يا حوريتى
= قفل معايا وانا فضلت افكر فى كلامه وقلبى بيدق ليه معقوله اكون بدات اميل ليه منكرش ان كلامه حلو وحاجه فرحتنى اننا نكون اصحاب يمكن احبه فعلا هو خلاص بقى جوزى ودا اختيار ربنا ليا لازم ارضى واصبر واكيد ربنا هيراضى قلبى ،،،، عدت الايام وجه اليوم وروحنا فعلا وكانت الدنيا زحمه من اخواته وعيالهم واحنا بقى فى المطبخ مع مامته واخواته
_ جهاد
= نعم يا طنط
_ مش ناويه تبطلى طنط دى انا دلوقتى ماما حبيبتى ربنا يعلم انا بحبك اد.ايه
= وانا والله يا ماما
_ طب تعالى يا روح ماما بقى انا قالولى ان جهاد عليها صنية مكرونه بشاميل ملهاش حل صح ولا لا
= والله يا ماما دا حظ وبعدين اكيد مش هتكون اجمل من بتاعت حضرتك
_ بس عايزين بقى ندوقها من ايدك يلا اعمليها وانا هرتاح شويه واجيلك ولو عايزه نزلى الملحفه عن راسك واقلعى الطرحه وانا مش هخلى حد يقرب ناحية المطبخ غيرى
= لا مش لازم يا ماما
_ يا حبيبتى الجو حر ومتقلقيش محدش هيجيلك هنا والى يريحك بردو
= ماشى يا ماما ،،،، سابتنى وخرجت وادبست يلاهوى هعمل الطبق الرئيسى ازاى بس ياربى الجو حر اوى نزلت الملحفه على كتفى وفكيت الطرحه بس سيبتها على شعرى وبدأت اشتغل ومش حاسه ان فى حد بيراقبنى وقُصة شعرى نزلت من تحت الطرحه وكانت على عنيا وايدى مشغوله مش عارفه اشيلها وقعدت احاول انفخ فيها لحد ما حد من ورايا جه وشلهالى وحطها ورا ودنى كنت هصوت بس عرفته من ريحة برفانه الى بحبها بصراحه جميله اوى وتجنننن فكراها من يوم كتب الكتاب
= شكرا يا محمد بصراحه كانت مزهقانى اوى
– مهو مكنش المفروض انك تقلعى الطرحه اصلا
= انا بس كنت حرانه وماما قالتلى انها مش هتخلى اى حد من اخواتك او اجوازهم يجى ناحية المطبخ
– وافرضى كان حد جه ولمح خصلتك دى كنت قتلته وقتلتك وخلصت صح
= اهدا بس يا معلم كدا
– مش ههدا ياختى جهاد انتى كلك كدا بتاعتى لوحدى مش مسموح لاى حد انه يلمح طرف منك حتى مفهوم
= مفهوم ممكن تسيبنى اخلص بقى
– هقف معاكى يمكن تحتاجى مساعده
= لا شكرا يلا من هنا عايزة اخلص بقى
– انتى بتطردينا من مطبخنا
= شووووور يا بيبى
– بيبى عليه العوض فى البت انا خارج
= ههههههههه ،،، خرج فعلا بس مش عارفه ليه اتكلمت معاه بعفويتى كفايه اساله بقى يا جهاد وخليكى على طبيعتك ،، خلصت و حطيتها فى الفرن وظبط الطرحه والملحفه وخرجت وقالولى ارتاح وهما هيكملوا خرجت وانا بدور عليه بعنيا لقيت اخته هناء جت من ورايا
_ إلى بتدورى عليه فى أوضته مع الاولاد بيلعب معاهم
= انا .. انا مش بدور على حد
_ يا شيخه عليا بردو دا انتى اللهفه هتنط من عيونك
= انتى رخمه يا هناء امشى بقى
_ هههههه اه من الحب ياختى يلا روحى اقعدى معاه وانا هروح اشوف ماما
= قعدت ادور على الاوضه لحد ما لقيت الباب مفتوح وصوت ضحك وتشجيع فتحت الباب وفضلت بصاله كان قاعد معاهم وبيلعب بلستيشن مع ابن اخته الكبير وشايل بنت اخته على كتفه وعماله تغمى عينه وهو يقولها هخسر بسببك وهفضل ازغزغ فيكى وهتفضلى تصوتى وولاد اخوه قاعدين يشجعوا فرحت من شكله اوى الاطفال بيحبوه اتمنيت اكون طفله علشان اقدر اقعد فى حضنه ويلاعبنى حسيت انه اب يجننن و هيكون احلى اب لأولادى …فوقت عن جودى بنت اخته وهى جايه عليا وشيلتها واتعلقت فى رقبتى
_ طنط جهاد تعالى العبى معانا
= هنلعب ايه يا سكرتى
_ نلعب استخمايه وخالو محمد الل يبقى فيها
= بصتله وضحكت
– يلا نلعب وغمزلى
= يلا دا احنا هندوخك ،،،، قرب منى وشال جودى على كتفه وهمسلى فى ودنى
– لما نشوف يا حوريتى
= قشعرت من همسه بس انتبهت للاولاد إلى مستنين وبدأت اللعبه ومحمد غمينا عينه وفضلنا نزغزغه ونجرى وضحكنا كتير اوى كنت طايرة من السعاده فعلا حسيت انه جوزى ودول اولادنا وبنلعب معاهم وجيت ازغزغه مسكنى وشدنى فى حضنه وبقيت مصدومه والاولاد هناء ندهت عليهم علشان ياكلوا وخرجوا وهو شال الطرحه من على عيونه وفضل باصصلى
– سبحان من صورك ياحوريتى انا مشفتش فى جمالك
= بس فى احلى منى كتير
– مفيش احلى منك فى الدنيا دى كلها ياحوريتى عمرك شوفتى حورية من الجنه بتتساوى بباقى بنات حواء انتى الأولى والأخيرة انتى الى زمن نفسى يقف عندها وهى بين ايديا دلوقتى انتى امنيتى ومأمنى وسكنى
” عينآاك خلقت لتشتت قلبى يآ فاتنت قلبى ”
= كنت مصدومه من كلامه وأسلوبه دا كلام عاشق كنت حاسه انى مش قادرة اخد نفسى وانه ساحب كل النفس إلى فى الاوضه سمعنا نديهم وسابنى وانا جريت من قدامه وخرجت
– كنت هتجنن عليها فعلا مكنتش مصدق انها فى حضنى مررت ايدى فى شعرى وخدت نفس عميق وظبطت هدومى وخرجت والحمدلله انى لقيتهم عملوا مكان لكل الستات بعيد عن الرجاله اه مجنون بيها ومش عايز حد يشوفها غيرى كلمتها فى موضوع النقاب علشان اخبيها من الدنيا كلها بس لسه مقالتليش قرارها النهائى بس واثق انها هتوافق يارب ازرع حبى فى قلبها دى دعوتى دايما وواثق انها هتحبنى بس امتى يا جهاد … قلبى تعب من الانتظار يا حوريتى يارب صبرنى…. قعدت اكل مع الرجاله وكنت عايز اضرب اخواتى وهما بيشكروا فى اكلها بصراحه معاهم حق لان المكرونه كانت تجنن مكلتش مكرونه بالجمال دا قبل كدا ابدا
_ وااااو مراتك نفسها فى الاكل حلو اوى يا محمد
– طب كل وانت ساكت يا ظريف
_ بجد والله تجننن
– قومت وانا خلاص هفرقع ،، حسن ملافظك يا بأف انت ايه تجنن دى انت بتتكلم على مرات اخوك
_ انا اقصد المكرونه يا محمد اهدأ كدا وروق وكل المكرونه
– اطفحها انت ياخويا
_ اهدأ يا محمد يا بنى اخوك بيهزر
– حصل خير يا عمى انا شبعت بعد اذنكم
_ انت رخم اوى
– بحب انكشه الله
= كنا قاعدين فى الاوضه وبناكل ولقيت هناء قامت تجيب مايه وجات قعدت جنبى
_ جهاد محمد مكلش وفى البلكونة
= ومكلش ليه الاكل معجبوش ولا ايه
_ مش عارفه انتى خلصتي اكل قومى شوفيه
= حاضر ،،،، قومت وروحتله البلكونه
= الاكل معجبكش ولا ايه
– لا طبعا حبيبتى تسلم ايدك بس فى حمار عصبنى
= حبيبتك !؟ انا قولتلك يا محمد انى مش عايزة الكلام دا ولا بحبك احترم رغبتى يا اخى..

يتبع……

لقراءة الفصل التالي : اضغط هنا

لقراءة باقي حلقات الرواية اضغط على : (رواية جهاد ومحمد)