رواية أحفاد البارون الفصل الثاني والعشرون 22 بقلم إيمان جمال
رواية أحفاد البارون الفصل الثاني والعشرون 22 بقلم إيمان جمال
رواية أحفاد البارون البارت الثاني والعشرون
رواية أحفاد البارون الجزء الثاني والعشرون
رواية أحفاد البارون الحلقة الثانية والعشرون
الرصاصة انضربت في جسم فهد
ليل من صدمتها واقفة مش بتتكلم ولا حتى بتتحرك والكل اتجمع حواليهم وادهم طلب الاسعاف بسرعة وبعد دقايق كان عندهم ونقلوا فهد للمستشفى، ليل اول ماوصلت المستشفى اغمى عليها والدكتور قال ان عندها صدمة من اللي حصل وهي نايمة عشان تفضل هادية عشان هي حامل
الدكاترة جوا عند فهد بقالهم ساعتين والكل بارة قلقان
عبدالعزيز: هيكون مين اللي عملها
ادهم بغضب: ورحمة امي لو طلع فعلاَ سالم انا مش هرحمه
مراد بعصبية: كلنا مش هنرحمه اصلا
اكمل واقف يهدي في ملك ومنهارة جدا
اكمل: والله ياحبيبتي هيكون كويس
ملك بإنهيار: يارب يا اكمل انا بجد مش هقدر اعيش من غيره
نور واقفة جمب جاسر اللي واقف ساكت ومش بيتكلم خالص
نور: هيكون كويس ياجاسر ان شآء الله
جاسر بصلها ومشي وادهم بسرعة راح وراه
ادهم: رايح فين؟
جاسر: سبني لوحدي
ادهم بغضب: لا مش هسيبك لوحدك واتفضل ادامي
جاسر دموعه نزلت غصب عنه: انت عارف يعني ايه تفقد ابوك وامك وانت صغير ودلوقتي بتفقد اخوك الكبير اللي مكان ابوك
ادهم بحزن: والله فهد هيكون كويس دا الفهد ياجاسر مش اي حد
جاسر بإنهيار: انا والله أموت لو جراله حاجة
بعد تلات ساعات من دخول فهد اوضة العمليات خرجوا الدكاترة وباين عليهم الارهاق
البارون بقلق: طمنونا
دكتور من الدكاترة: الحمدلله جات سليمة الرصاصة كان بينها وبين القلب حاجات بسيطة واعتقد ان دا يوم فرحه يعني اكيد كان بيتحرك ودا انقذه لأنه لو كان ثابت كان مات
كلهم بيحمدوا ربنا والقلق قل شوية
مراد: طب هيفوق امتى؟
الدكتور: هو هيتنقل اوضة عادية دلوقتي وشوية وهيفوق بس فين البنت اللي اسمها ليل؟
ادهم بإستغراب: ليه يادكتور؟!
الدكتور: كان بيقول اسمها قبل البنج
فريدة: دي تبقى مراته
الدكتور: ياريت تكون اول حد يشوفه اول مايفوق
الدكاترة مشيوا وفهد اتنقل لاوضة وادهم راح يشوف ليل بس كانت لسة نايمة
ادهم لفريدة: هي عاملة ايه دلوقتي ياطنط؟
آمال بحزن: لسة نايمة يا أدهم بس الدكتور بيطمنا، طمني فهد عامل إيه؟
ادهم: الحمدلله جات سليمة والدكتور قال لازم ليل اول حد فهد يشوفه اول مايفوق
آمال: طب هي نايمة
وهما واقفين يتكلموا ليل فاقت وادهم قرب من السرير
ادهم ابتسم: حمدلله عالسلامة
ليل بإنهيار: هو فين يا أدهم؟
ادهم ابتسم: والله كويس وخرج من العمليات واتنقل اوضة عادية
ليل مش مصدقة: بجد ولا بطمني وخلاص
ادهم ضحك: بزمتك هو لو كان حصله حاجة كنت هقف ادامك هادي كدا وبعدين الفهد قبل البنج قاعد يقول في اسمك والدكتور طلب انك تكوني اول حد يشوفه أول مايفوق
ليل بتحاول تقوم: طب ساعدوني اروحله
آمال: استني ياحبيبتي لما اجيب الممرضة تشيل المحلول من إيدك
الممرضة جات وشالت المحلول وليل راحت لاوضة فهد، وهو بدأ يفوق ويبص حواليه وابتسم اول ماشاف ليل
ادهم برخامة: اشمعنا ابتسمت ليها يعني
فهد بتعب: بترخم يعني عشان مش قادرلك
ليل قربت منه وبتعيط: حبيبي انت كويس
فهد ابتسم: اه ياقلبي كويس
فهد بص لجده: والله ماهسيبه
البارون بغضب: ماتقلقش البوليس اكيد جاي لان اكيد المستشفى بلغوا
فهد: وانا مش هجيب سيرته في التحقيق
مراد بعصبية: سيبه ياخد جزاته بالقانون
فهد بعصبية: الفهد بياخد حقه بإيده
فهد وهو بيتكلم لاحظ ان ليل في ايديها كالونة ومسك ايديها: في ايه؟
ادهم اللي اتكلم: كان مغمى عليها
ليل: ماتقلقش ياحبيبي انا كويسة
فهد بشك: مين اللي كشف عليكي دكتور ولا دكتورة؟
ليل ضحكت: هو انت في ايه ولا في ايه
فهد: مين ياليل؟
ليل بتوتر: دكتورة
الدكتور دخل وشاف فهد فايق
الدكتور: دا احنا بقينا كويسين اهو
الدكتور بص لليل: عاملة ايه دلوقتي
ليل: الحمدلله يادكتور
الدكتور: طب في محلول تاني هركبهولك ذي اللي ركبتهولك عشان تكوني احسن
فهد بص لليل بغضب وساكت وشوية الدكتور خرج
فهد بغضب: بتكدبي ليه
ليل بهدوء: فيها ايه يعني لما يكون دكتور؟
فهد بعصبية: قولتلك قبل كدا بلاش تشوفي تستفزيني
ملك ضحكت: ماخلاص يافهد هو انت في ايه ولا في ايه
جاسر ابتسم: حمدلله عالسلامة
فهد ابتسم وبصله: الله يسلمك ياحبيبي
الكل فرحان بسلامة فهد وكلهم حواليه
فهد لأدهم: يلا سافروا
ادهم: سفر ايه ياعم وانت في الحالة دي
فهد بهدوء: هتسافروا عشان تقضوا شهر العسل ومافيش اي نقاش في الموضوع دا
أكمل: ايه اللي بتقوله دا احنا كنا متفقين اننا هنسافر كلنا سوا
فهد بص لليل وابتسم: لا احنا مش هنسافر معاكم احنا هنسافر في مكان تاني
ادهم ضحك: اه هتخلع لوحدك
فهد ضحك بتعب: اي نعم
ليل: بس لما تكون كويس
فهد: عادي انا كويس ويومين وهنسافر ولما ارجع هشوف شغلي مع سالم الكلب
ظابط الشرطة خبط عالباب ودخل وبدا يحقق مع فهد
الظابط: بتتهم مين؟
فهد بهدوء: مش بتهم حد
الظابط: ليك أعداء؟
فهد: حضرتك عارف ان شغلنا دا بيكون في منافسين لكن مافيش اي حد شاكك فيه
الظابط حاسس ان فهد بيكدب وبص للبارون: حضرتك عارف انه بيخبي حاجة
البارون بص لفهد بتوتر واتكلم: اكيد مش بيخبي
فهد اتكلم: هخبي ايه؟
الظابط: بص يافهد انا عارفك كويس وعارف ان الكل بيخاف منك وبيعمل ليك ألف حساب بس حقك مش هيجي بالدراع
فهد بهدوء: وانا مش مخبي حاجة
الظابط وقف: تمام يافهد، بس بلاش تعمل حاجة تضرك او تأذيك
الظابط مشي وليل واقفة بتبص لفهد وهو فاهم دماغها
فهد: ليل انا مش عاوز اي كلام
ليل بهدوء: ومين قالك اني هتكلم ولا هقول حاجة؟
فهد: من عنيكي
ليل: لا ماتقلقش لان عارفة مهما قولت مش هعرف اغير رأيك
ليل خرجت من الاوضة وفهد مضايق اوي
نهلة: اسمع كلامها وكلامنا يافهد
فهد بعصبية: قولت مش هغير اي قرار
البارون بغضب: انت ليه مصمم تعاندنا
فهد بهدوء: وانا مش بعاندكم انا باخد حقي
ادهم ساكت ومش بيتكلم وفهد بصله وعاوز يفهم بيفكر في ايه: ساكت ليه؟
ادهم ببرود: هقول ايه؟
فهد: اي حاجة بدل سكوتك دا
ادهم: ذي ماليل قالت مش هيفرق الكلام في اي حاجة يافهد طلاما انت مش ناوي تسمع لينا
فهد بص لآمال: خليها تيجي ياطنط
علي اللي اتكلم: سيبها يافهد دلوقتي عشان هي لو معرفتش توصل معاك لحل هتتعصب وساعتها انت مش هتستحمل عصبيتها وهتتعصب والجرح هيتعبك
فهد: انا عاوزها تيجي
عماد وقف: هخرج اجيبها انا
عماد خرج وفهد هيموت من الغييرة
اكمل ضحك: جرب نار الغيرة يانشأت
ادهم ضحك أوي: انا بقول يا اكمل تلحق تهرب عشان مانقرأش عليك الفاتحة
عماد خرج لليل اللي كانت قاعدة بارة
عماد قعد جمبها: فهد عاوزك
ليل: وانا مش قادرة اتكلم
عماد بهدوء: بس لازم تتكلمي معاه ياليل عشان هو بيعاند الكل
ليل بعصبية: يبقى مش هيسمع لأي كلام هقوله يبقى مالوش لزوم الكلام
وهما قاعدين بيتكلموا هاجر خرجت من الاوضة بس مارحتش ليهم ومشيت من ادامهم وكأنها مش شايفاهم وعماد بيبص عليها وليل اخدت بالها منه
ليل: بتحبها؟
عماد بصلها: قصدك على مين؟
ليل: عاللي عينك عليها من اول ماخرجت
عماد بهدوء: ليل انا محبتش حد غيرك وانتي عارفة
ليل ضحكت: اوعى فهد يسمعك وبعدين ياعمدة امشي ورا عقلك وقلبك هيدق ليها
عماد ابتسم: سيبك انتي من الحوار دا ويلا ادخلي لفهد
ليل قامت: طيب
ليل دخلت وعماد نزل ورا هاجر، ليل اول مادخلت فهد بصلها بغضب وهي بصتله ببرود وقعدت بعيد عنه
ادهم للكل: انا بقول نسيبه يرتاح شوية
علي بص لبنته ولفهد: اه كدا احسن وليل هتفضل معاه
تحت عند هاجر كانت نزلت تطلب عصير وطبعا هي بالفستان اللي كانت لابساه
الكاشير بيعاكسها: هو في حد بالحلاوة دي يكون في المستشفى هنا
هاجر بتحاسبه فمسك ايديها وعماد هنا قرب عليهم وزق ايده بعنف
عماد بغضب: لولا ان احنا في مستشفى انا كنت موتك
عماد اخد هاجر ومشيوا، رغم ان هاجر كانت فرحانه بالتصرف دا بس اتعاملت ببرود عادي
هاجر بهدوء: متشكرة
عماد بهدوء: ماتشكرنيش دا واجبي لو اي حد في مكاني كان هيعمل كدا
هاجر اضايقت وردت عليه: انت صح عن اذنك
هاجر مشيت وسابته وهو واقف مكانه مش عارف يتصرف ازاي
كلهم خرجوا من عند فهد وسابوا ليل عنده
فهد بغضب: ايه كنتي مستنية سي زفت يطلع يجيبك
ليل اضايقت من الكلام واتكلمت بعصبية: حاسب على كلامك يافهد وشوف انت بتقول ايه
فهد بغضب: شايف وعارف بقول ايه انتي اللي مستفزة
ليل بصتله بهدوء وسكتت وماردتش عليه ودا ضايقه أوي بس سكت، بعد شوية سليم وصل المستشفى لانه مكانش لسة وصل القصر في الفرح واتأخر ولما عرف جه، سليم عرف رقم الاوضة وخبط ودخل
سليم بقلق: فهد انت كويس
فهد ابتسم: الحمدلله ياسليم انت كنت فين؟
سليم قعد: اعمل ايه كان عندي مشوار كنت بجيب خالتي من مطار اسكندريه واتأخرت وقولت هبقى اعتذر لأدهم والباقيين بس لما كلمت ادهم قالي اللي حصل
فهد: ماتقلقش الفهد عمره مايقع بسهولة
ليل بصوت واطي: مغرور اوي
فهد سمعها وبصلها: سمعتك على فكرة
سليم ضحك: عندها حق هو الموت في غرور يافهد
فهد: اه فيه
عماد خبط ودخل وبص لفهد: هو الكل مشي ولا ايه؟
فهد: اه
عماد لليل: هتروحي؟
فهد اللي اتكلم: لا هي قاعدة معايا
عماد بهدوء: ماشي انا همشي وهبقى اجي معاهم الصبح
ليل شايفة عماد مضايق وعاوزة تفهم في ايه وخرجت وراه ودا جنن فهد
ليل: في ايه مالك؟
عماد بحزن: مافيش
ليل: انت اتكلمت معاها؟
عماد بغضب: انتي ليه مصممة تتكلمي عنها قولت مابحبهاش
ليل بهدوء: تمام يا ابن عمي
ليل دخلت وسابته وسليم استأذن ومشي
فهد بغضب: ايه رحتي تودعيه
ليل بصتله بحزن وسابته ودخلت الحمام اللي في الاوضة
الممرضة دخلت لفهد وبيفكر انه يعمل حاجة
فهد: هو انا ممكن اطلب منك طلب؟
الممرضة ابتسمت: اكيد اتفضل
فهد بتوتر: عاوز مراتي تغيير
الممرضة استغربت: نعم ازاي؟
فهد بيبص على الحمام خايف تطلع: عاوزها تحس ان شعور الغييرة يضايق وانه صعب
الممرضة فهمت: ماشي
ليل طلعت وشافت الممرضة واقفة جمب فهد وبتبص عالجرح اللي هو اصلا في صدره
ليل قربت منهم: انتي بتعملي ايه؟
الممرضة: بطمن على الجرح
ليل: بس دا مش مهتمك دي مهمة الدكتور
الممرضة: لا الدكتور طلب مني كدا
ليل مضايقة منها اوي وفهد شايف دا
الممرضة اطمنت عالجرح (دا كدا وكدا طبعاً) وهتوصله محلول جديد وهنا ليل مقدرتش ان الممرضة تلمس فهد
ليل بغضب: سبيه وانا هركبه انا
الممرضة بدلع: لا طبعا ماينفعش عشان مايحصلش غلط
ليل بعصبية: هو انتي هتخافي على جوزي اكتر مني ابعدي
الممرضة بعناد: باردوا ماينفعش
ليل بعدتها بعنف: بقولك ابعدي
فهد بص للممرضة بعنيه وهي خرجت
فهد بهدوء: محصلش حاجة لكل اللي انتي عملتيه دا
ليل بغضب: لا ياشيخ هي لما تلمس جسمك دي قليل؟
فهد مسك ايديها وقربها منه: شفتي بقى ان الغييرة تضايق ازاي
ليل بصتله: انا مابغيرش
فهد: لا بتغييري ياليل
ليل بعصبية: لا مش بغيير ذي ما انت ماكنتش بتغيير
ليل هنا بتعمل ذيه لما كان بيعمل كدا في الاول وهو بيضايق لما هي بتقعد تفكره كل شوية بتصرفاته معاها في الاول
فهد ساب ايديها وبصلها: عالعموم انا اللي طلبت منها كدا عشان تعرفي ان الغييرة صعبة بس الظاهر كنت غلطان، ممكن بقى تركبي الزفت عشان انام
ليل زعلت من نفسها اوي وركبت المحلول وبتحاول تتكلم معاه وفهد رافض تماماً
في القصر، ادهم وآيه دخلوا الجناح بتاعهم طبعا الوقت دا كان وقت الفجر وبعد يوم طويل جداً
ادهم وقف ادامها: اخيرا بقينا سوا
آيه بكسوف: أخيرا ياحبيبي
آذان الفجر اذن
ادهم: يلا نغير هدومنا ونصلي سوا
عند اكمل وملك، اكمل مش مصدق ان ملك معاه خلاص
اكمل: والله انا ما مصدق انك معايا خلاص
ملك ابتسمت: لا صدق ياحبيبي
اكمل باس ايديها: بحبك، يلا نصلي الفجر سوا
جاسر ونور بقى😂
جاسر حب يرخم عليها شوية واول مادخل، دخل رمى نفسه عالسرير وكأنه مرهق بعد التعب دا كله رغم انه اصلا كان زعلان عشان خاطر اخوه بس خلاص اطمن
نور: هو انت هتنام؟
جاسر وهو لسة نايم مكانه: اكيييييد بعد اليوم الطويل دا لازم انام
نور بتريقة: اه طبعا نام
جاسر ماسك نفسه من الضحك ورفع دماغه وبصلها وغمزلها😉: الجميل عاوز ايه؟
نور اتكسفت وبسرعة كانت هتدخل الحمام بس جاسر لحقها وفضل يضحك جامد
جاسر: بزمتك دا يوم انام فيه
نور بتهرب من عنيه بعيد عنه ومش عارفة تتكلم تقول ايه
جاسر ابتسم: يلا نصلي سوا وبعدها بقى نشوف ايه حكاية النوم دي
عند ناجي وسارة في شقتهم
ناجي ماسك ايديها وواقف: تعرفي لو ماكنتيش معايا في يوم ذي دا كنت هبقى مضايق اوووووي ياسارة
سارة بحب: انا دايما معاك وجمبك ياحبيبي
ناجي قرب منها وخطف بوسة: طب يلا نصلي سوا
تاني بوم الصبح عند فهد، ليل نايمة قصاده عالسرير اللي جمبه وهو بيبص عليها وزعلان اوي منها وهي نايمة اوي وطبعا احنا عارفين ان حملها جاي بنوم😂😴
عند سالم بقى واقف في نص الڤيلا متعصب وصوته عالي وبيتكلم في التليفون: انا لو كنت معتمد على رجالة عدلة كنتوا ريحتوني منه
سالم رمى التليفون من ايده عالأرض ومصطفى اخوه نزل وشافه متعصب ومضايق
مصطفى: في ايه ياسالم؟
سالم بعصبية: وانت مالك هو انت اصلا فايق ليا ولا للشركة، خليك يانحنوح رامي نفسك في الماضي
مصطفى بغضب: ايه لازمته الكلام دا ياسالم
سالم: عشان هتفضل طول عمرك غبي
ليل بدأت تصحى وشافت فهد قاعد صاحي وعاوز يكلم ادهم وتليفونه مش معاه
فهد من غير مايبصلها: تليفونك معاكي؟
ليل: ايوا
فهد: هاتيه
فهد اخد منها التليفون ورن على أدهم وماردش عليه: رد يا ادهم بقى
ليل بهدوء: اعتقد ان امبارح كان فرحه فأكيد نايم
فهد صمم انه يصيحهم واحد واحد بس للأسف حصل حاجة مكانتش متوقعة، عماد بعت رسالة لليل وكانت بصوته وفتح الرسالة ادامها
(ليل انا اسف اني اتعصبت عليكي امبارح بس بجد انا تايه ومش عارف انا فيا ايه، انا ماتخيلتش اصلا ان هيجي اليوم واحب حد غيرك او اتشد لحد غيرك)
فهد مكملش الرسالة وبصلها بغضب: انتوا كنتوا بتتكلموا في ايه امبارح
ليل بتوتر: مافيش
فهد بغضب: انطقي ياليل وقولي
ليل بتوتر وخوف: مافيش حاجة عادي
فهد اتعصب لدرجة انه فضل يكح اوي وهي جريت عليه بس هو بعدها عنه بعنف
فهد بعصبية: ابعدي عني
ليل اتفاجأت من رد فعله بس هي ازاي هتقوله ان هاجر بتحب عماد او عماد بدأ يحب هاجر ازاي تقوله وهو ممكن يضايق او يحصل مشكلة، فهد من عصبيته رمى التليفون عالأرض كسره وليل واقفة عاوزة تقرب او تقول اي حاجة
فهد بغضب: امشي ياليل
ليل بدموع: لا مش همشي
فهد بعصبية وصوت عالي: قولتلك امشي انا مش عاوز اشوفك ادامي
ليل بإنهيار: لا مش همشي
فهد لسة هيتكلم بس جده دخل
البارون: صوتكم طالع بارة ليه في ايه؟
فهد بغضب: رجعها القصر انا مش عاوزها معايا هنا
البارون بإستغراب: في ايه؟ ايه اللي حصل
فهد بعصببة: قولتلك مشيها
البارون بص لليل: في ايه ياليل؟
ليل منهارة من العياط وبصت لفهد: حاضر انا همشي بس هيجي الوقت المناسب اللي هتعرف ليه الكلام دا اتقال ولو كنت اصلا حبيته ذي ماهو حبني ماكنتش هخاف منك الاول وعشان كدا اتجوزتك
ليل قالت كلامها ومشيت وباردوا فهد بيضايق اكتر ان ليل بتفكره كل شوية، ليل لما خرجت اتقابلت في سليم وكانت ماشية دايخة اوي
سليم بقلق: ليل إنتي كويسة؟
ليل بتعب: ايوا ياسليم
سليم: طب راحة فين؟
ليل: هروح القصر
سليم: طب هوصلك
ليل: لا معلش انا هرجع لوحدي ادخل انت لصاحبك
ليل مشيت وسليم حس من كلام ليل انهم اتخانقوا ودخل لفهد
سليم: مراتك مالها؟
البارون اللي اتكلم: مالها ازاي؟
سليم: ماشية دايخة وطلبت منها اوصلها بس هي رفضت
فهد قلبه قلف عليها: روح وراها ياسليم ووصلها لحد هناك
سليم: حاضر
سليم على ماخرج عشان يشوفها كانت هي مشيت ورجع تاني لفهد
فهد: هات تليفونك
فهد اخد التليفون من سليم ورن على أدهم ورد بس في المرة التانية
فهد بغضب: انت مابتردش عليا ليه؟
ادهم بنوم: كنت نايم في ايه؟
فهد بعصبية: فوقلي كدا وارجع كلمني
ادهم قام من السرير بسرعة: في ايه يافهد حصل ايه؟
فهد: ليل شوية وهتوصل القصر اول ماتوصل تكلمني
ادهم: حاضر
ادهم قفل معاه وبيبص على آيه اللي نايمة وابتسم وقرب منها وباسها من خدودها ودخل ياخد دش وغير هدومه وخرج من الجناح
اكمل وملك لسة نايمين بس ملك صحيت على رنة تليفونها وكان رقم غريب وردت
ملك: الو
ليل بهدوء: صباح الخير ياعروسة
ملك ضحك: صباح الورد
ليل: ملك بقولك انا عاوزة مفتاح شقتكم القديمة
ملك بإستغراب: ليه؟
ليل: من غير ليه ياملك انا محتاجة المفتاح وياريت فهد مايعرفش اي حاجة عن كدا
ملك: المفتاح فيه نسخة مع البواب اطلبيه منه
ليل: تمام
ملك: فهميني بس في ايه
ليل: بعدين ياملك
ليل قفلت مع ملك وطلبت من سواق العربية اللي هي راكباها انه يوصلها على العنوان، ليل نزلت من العربية وحاسبت السواق ودخلت العمارة
ليل للسواق: انا ليل مرات فهد البارون محتاجة مفتاح الشقة
البواب وقف بإحترام: تحت امرك ياهانم اتفضلي هوصلك
ليل: لا متشكرة انا عارفة هي في انهي دول انا بس محتاجة المفتاح
البواب: تحت امرك
ليل اخدت المفتاح وطلعت الشقة وكانت محتاجة تنام ونامت
جاسر ونور في اوضتهم، نور صحيت قبل جاسر ودخلت اخدت دش وخرجت وقاعدة بتبص على جاسر وهو نايم وبدأت تصحيه
جاسر فتح عيونه وابتسم: صباح الفل
نور ابتسمت: صباح الخير
جاسر: انتي صحيتي امتى
نور: من شوية
جاسر: طب وماصحتنيش ليه؟
نور: سبتك تنام براحتك
جاسر ضحك: المفروض انا اللي اصحى واصحيكي
نور ابتسمت: احنا الاتنين واحد ياحبيبي
جاسر قرب منها وباسها برقة وبصلها: بحبك
ادهم فضل مستني ليل ترجع بس للأسف مارجعتش وفهد بيرن عليه وخايف يرد بس في الآخر رد
فهد بعصبية: انت مابتردش بسرعة ليه؟
ادهم بتوتر: ماسمعتش التليفون
فهد: طب انطق رجعت؟
ادهم بتوتر: لا
فهد بإستغراب: ازاي دي مشيت من نص ساعة يا ادهم
ادهم: مش عارف يافهد انا قاعد مستنيها اهو والله بس هي مارجعتش
فهد بعصبية: اعرفلي هي فين يا ادهم
ادهم: ماتقولي يا ابني ايه اللي حصل
فهد: مش وقته يا ادهم
ادهم: ماشي يافهد
اكمل صحي وبيدور على ملك جمبه مش لاقيها وشافها واقفة في البلكونة وقرب عليها وحضنها من ضهرها
اكمل: صباح الورد
ملك ابتسمت: صح النور ياحبيبي
اكمل لفها لوشه: ماصحتنيش ليه؟
ملك: انا اصلا صحيت على ليل بترن من رقم غريب
اكمل بإستغراب: ليه؟
ملك: مش عارفة واللي قالقني اكتر انها طلبت مفتاح شقتنا القديمة
اكمل: نعم ودا ليه؟
ملك: مش عارفة يا اكمل وطلبت مني اني ما اعرفش فهد
اكمل: يبقى أكيد اتخانقوا
ملك: شكلهم كدا
اكمل: فهد لازم يعرف ياملك
ملك: لا والنبي يا اكمل عشان هي ماتزعلش
اكمل: ماينفعش ياحبيبتي لأن فهد مش هيسكت غير لما يعرف مكانها وهيزعل منك لو عرف انك عارفة وخبيتي عنه
ملك: طب والعمل؟
اكمل: لازم نعرفه انا وانتي هنقوم نلبس وننزل نفطر معاهم ونروح لفهد المستشفى
ملك: ماشي ياحبيبي
عند ناجي وسارة، الاتنين كانوا صاحيين وقاعدين يفطروا سوا
سارة: حبيبي ممكن نروح نطمن على فهد؟
ناجي: حاضر عشان بعدها هنسافر
سارة بحماس: ماشي ياحبيبي
اكمل وملك نزلوا وشافوا ادهم قاعد لوحده
اكمل: ايه ياعريس قاعد لوحدك كدا ليه؟
ادهم: والنبي ماناقص رخامتك
ملك: في ايه؟
ادهم: فهد كلمني وطلب مني اعرفه لما ليل توصل بس للأسف ليل لحد دلوقتي ماوصلتش
اكمل بص لملك واتكلم: احنا عارفين هي فين
ادهم: ابوس ايدك الحقني بيها عشان فهد متعصب
ملك: ليل في شقتنا القديمة
ادهم: ليه بتعمل ايه هناك؟
ملك: مش عارفة بس اللي حساه ان فهد وليل اتخانقوا سوا وعشان كدا هي هناك
ادهم لسة هيتكلم بس فهد رجع رن عليه
فهد: عرفتلي مكانها؟
ادهم: اه يافهد، ليل في شقتكم القديمة
فهد بإستغراب: عرفت ازاي؟!
ادهم: ليل كلمت ملك وعرفنا انها هناك
فهد: طب عشر دقايق والاقيك ادامي يا ادهم وهات تليفوني معاك
ادهم: حاضر
فهد قفل مع ادهم وطلب من الدكتور انه يكتبله اذن خروج بس الدكتور كان رافض بس فهد صمم انه يمشي وادهم وصل المستشفى
ادهم بعصبية: ماينفعش كدا يافهد انت لسة تعبان
فهد بعصبية: قولتلك لازم امشي
البارون: يا ابني احنا خايفين عليك
فهد: لازم اروحلها ياجدي
سليم: طب هنروح احنا نجيبها
فهد: مش هتوافق تيجي معاكم انا اللي لازم اروح
ادهم: طيب يافهد
فهد خرج معاهم من المستشفى ووصلوا عند العمارة وطبعا فهد مش معاه المفتاح بتاعه وليل اخدت مفتاح البواب وطلع ضرب الجرس كتير بس هي مافتحتش
فهد للبواب اللي طلع معاهم: انت متاكد انها جوا؟
البواب: أيوا يابيه جوا
فهد ضرب الجرس تاني وليل قلقت من نومها وراحت تفتح واول ماحسوا ان الباب هيتفتح ادهم دور وشه بعيد عن الباب احتراما لزوجة ابن عمه
ليل اتفاجأت بفهد وسابته ودخلت
ادهم بهدوء: خليك معاها وانا هرجع القصر وبالليل هجيلك
ادهم مشي وفهد دخل لليل وقفل الباب وهي قعدت في الصالة
فهد بهدوء: جيتي هنا ليه؟
ليل ببتبصله ومش بتتكلم
فهد بغضب: ردي عليا
ليل ببرود: عاوزني ارد اقولك ايه اقولك اني جيت هنا عشان اهرب منك بس انا غلطانة ان عرفت ملك اصلا
فهد بعصبية: ردي عليا عدل
ليل وقفت ادامه: وانا معنديش غير كدا
فهد بعصبية: بلاش ياليل تستفزيني
ليل ضحكت بسخرية: ليه هتعمل ايه هتضربني مثلا
فهد متعصب اوي ومش عاوز يتكلم معاها وهو كدا بس هي معصباه: انا عاوز افهم ايه مناسبة الكلام اللي اتقال دا
ليل لسة هترد بس تليفون فهد رن وكانت هاجر ورد
فهد: الو ياهاجر
هاجر: فهد لو ليل معاك خليها تكلمني ضروري
فهد فتح الاسبيكر عشان ليل ترد
ليل: في ايه ياحبيبتي؟
هاجر: ليل هو عماد اتكلم معاكي في حاجة؟
ليل: ثواني ياهاجر
ليل بتبص لفهد وكتمت الصوت: اقفل الاسبيكر
فهد بعناد: لا
ليل: عشان خاطري
فهد: لا
ليل فتحت الصوت: ايوا ياهاجر كلمني
هاجر: طب قالك ايه
ليل: اشمعنا؟
هاجر: عشان هو من امبارح ومستغرب تصرفاتي معاه وتقريبا ذي ما انتي قولتي لازم اتجاهله ودا فعلا جاب نتيجة معاه
ليل بهدوء: طب كويس خليكي كدا وصدقيني انتي اللي هتكوني الكسبانة
هاجر: طب تفتكري بدا يحبني؟
ليل ابتسمت: مش هقولك ياهاجر غير لما هو يكون حاسس بدا
هاجر: ماشي ياقلبي انا هقفل دلوقتي ولما تيجي نتكلم
ليل قفلت مع هاجر ولسة هتدخل الاوضة بس فهد مسك ايديها وهي بعدت ايديه بعنف
فهد: انتي ليه ماقولتليش
ليل بغضب: اقولك ايه يافهد هو انت عاوزني اجي اقولك بنت عمك بتحب ابن عمي وهو مش حاسس بيها ولا اقولك انه بدا يحبها
فهد بعصبية: لا تسبيني كدا وتعصبيني
ليل بعصبية: وانا مش محتاجة ان كل شوية ابرر اللي بيحصل
فهد: يعني انتي شايفة كدا؟
ليل بعناد: ايوا ومش شايفة غير كدا
فهد قعد بتعب عشان الكلام الكتير والعصبية بيتعبوا الجرح وليل قلقت اوي عليه وقربت منه
ليل: انت كويس؟
فهد ببرود: هيفرق اوي
ليل بعصبية خبطته في كتفه: انت مستفز
ليل ضربت فهد في كتفه اللي جمب الجرح واتوجع اوي
ليل: انا اسفة مكانش قصدي
فهد بصلها وسكت ومش بيتكلم
ليل: شفت بقى انك كل شوية بتتعصب ومش بتسمع للآخر
فهد: انتي كنتي عاوزاني اتصرف ازاي لما اسمعه بيقولك كدا
ليل بهدوء: وانا قولتلك قبل كدا عماد طول الوقت كان ادامي ولو كنت بحبه كنت اتجوزته
فهد بعصبية: انتي محدش يلمسك غيري انتي فاهمة
ليل برغم انها لسة زعلانة منه بس فرحت من كلامه: طب ممكن بلاش عصبية عشان جرحك وبعدين انت ازاي تخرج من المستشفى
فهد: لما عرفت ان حضرتك مارجعتيش القصر كان لازم اجي
ليل: طب ادخل نام وارتاح جوا
فهد: لا
ليل بعصبية: يلا يافهد اسمع الكلام
فهد لسة هيرد بس الجرس رن وليل فتحت وكان شريف ودخل بعصبية
شريف بعصبية: انت مجنون ياعم انت
فهد بهدوء: في ايه
شريف بغضب: هو ايه اللي في ايه انت ازاي تخرج بحالتك دي
فهد: انا كويس ياشريف والله
شريف: يافهد احنا كلنا قلقانين عليك يبقى ليه تتعبنا كدا
ليل: انا تعبت معاه والله اتصرفوا انتوا بقى
فهد: والله انا كويس وصدقني لو تعبان هقولكم
شريف: طيب يافهد، انتوا ليه قاعدين هنا
فهد بص لليل: مافيش اصل في واحدة كدا كانت بتهرب مني فجات هنا
شريف ضحك: طب قوموا يلا ارجعوا معايا عشان الكل هناك قلقان عليك
فهد: ماشي ياشريف هنرجع معاك
فهد وليل نزلوا مع شريف ورجعوا القصر سوا
فهد وليل وصلوا القصر والكل اطمن عليهم وعلي وآمال رجعوا بيتهم بعد ما اطمنوا على نور
فهد نايم على السرير وليل نايمة على دراعه اليمين
ليل: مش ناوي تقولي هنسافر فين؟
فهد ضحك: انسي
الباب خبط وليل قامت فتحت وكان ناجي وسارة ودخلوا
فهد: انتوا لسة هنا بتعملوا ايه انتوا مش عندكم معاد سفر؟
ناجي: لازم نطمن عليك الاول ونمشي
سارة: طبعا امال انت عاوزنا نسافر من غير مانيجي نطمن عليك ولا ايه
فهد ابتسم: ربنا يخليكم ليا
ليل: هتسافروا فين؟
سارة ضحكت اوي: اذا كان انتي معرفتيش انا اللي هعرف يعني
ليل ضحكت وبصت لفهد وناجي: هو انتوا متفقين سوا ولا ايه
ناجي: أي نعم
سارة: اما نشوف هيسفرونا فين بقى
فهد: ماتقليش مكان هيعجبك أوي بس مكانا احنا احلى
ناجي ابتسم: طبعاً أحلى وقريب جداً هاخد سارة ونروح هناك
ادهم خبط ودخل: سامو عليكم
فهد ضحك: وانت جاي تعمل ايه مش عندك سفر
ادهم قعد جمب فهد عالسرير: ازاي امشي قبل ما اطمن عليك
فهد: حبيبي يادومي
فاطمة مكانتش حضرت الفرح ولما عرفت ان فهد انصاب جاتلهم بسرعه وخبطت ودخلت
فاطمة بغضب: انت ايه اللي خرجك من المستشفى
فهد: وبعدين بقى هو كل اما حد يشوفني يقولي كدا
فاطمة بعصبية: هو انت ليه مستفز
ليل ضحكت اوي: الحمدلله ماطلعتش لوحدي اللي بقوله كدا
فهد بغضب: ماتتلموا انتوا الاتنين
ادهم برخامة: شكلك وحش اوي الله يرحم
فهد بعصبية: وربنا هنفخك
آسر وإسلام دخلوا وقعدوا معاهم
آسر: فهد انت فعلاً مسافر؟
فهد: اه وجهزوا نفسكم للجيش
إسلام بصدمة: نعممممم
فاطمة ضحكت: البس يامعلم
ناجي: مالكم قلقانين كدا ليه
آسر بتوتر: لا أبداً دا احنا فرحانين اوي
فهد غصب عنه ضحك: واضح
ادهم قام: انا ماشي عشان كدا هنتأخر
ناجي: يلا بينا
كلهم خرجوا وليل فضلت قاعدة مع فهد
تمارا طول الوقت قاعدة قافلة على نفسها ومش عارفة ازاي تتكلم مع ليل اي نعم ليل إلى حد ما بتتعامل كويس بس تمارا مكسوفة من نفسها بسبب اللي حصل، فهد نام شوية وليل سابته وخرجت من الاوضة وطبعا البنات سافروا بس اللي موجود أمل وهاجر وتمارا وفاطمة كمان موجودة وهي نازلة تحت قابلت آسر
آسر: الفهد فين؟
ليل: نام
آسر بإرتياح: الحمدلله
ليل ضحكت: ليه في إيه؟
آسر: أبداً مافيش كل الحكاية ان انا وإسلام بنحاول على أد مابنقدر نكون كويسين عشان مانقفش قصاده
ليل بهدوء: انتوا كنتوا غلطانين يا آسر في اللي عملتوه ولازم تعترفوا بدا
آسر: احنا عارفين ياليل إننا غلطنا وعشان كدا مش هنكررها تاني، بس دلوقتي اللي شاغل بالنا الجيش
ليل: ماتقلقش يا آسر دي كلها سنة وهتخلصوها على خير أن شاء الله
آسر: إن شآء الله يلا ننزل نقعد تحت شوية
ليل نزلت تحت مع آسر وتمارا نزلت تقعد معاهم
ليل لتمارا: ماحضرتيش الفرح ليه؟
تمارا بحزن: كدا أحسن
هاجر بهدوء: ليه ياتمارا؟ بالعكس انتي وجودك معانا مفرحنا كلنا
تمارا: لا انا وحشة وكدا احسن ليا
فاطمة: لا ياتمارا إنتي مش وحشة بالعكس انتي انسانة جميلة بس كل واحد فينا بيغلط في حياته بس الأهم بعد الغلط دا نتعلم منه
آسر: بقولكم ايه احنا مش نازلين نقعد عشان نقلبها غم انا مابحبش النكد
فهد كان نايم وصحي على رنة تليفونه وكان رقم مايعرفوش بس رد
فهد: الو
سالم: حمدلله عالسلامة
فهد: مين؟
سالم ضحك بسخرية: عيب عليك مش عارف صوتي
فهد عرف ان دا صوت سالم واتكلم بغضب: ورحمة ابويا وامي ماهسيبك
سالم بغضب: انا مش بتهدد وبعدين المرادي الرصاصة ماجتش في مكانها الصحيح المرة اللي جايا هتيجي صح بس مش هتاخد واحد دا هتاخد اغلى ماعندك
فهد: تقصد مين؟
سالم: اقصد مراتك وبعدين ماهي حامل يعني مش هيكون واحد بس لا دا اتنين مراتك وابنك
فهد بغضب: إياك تلمس مراتي وولادي
سالم اتفاجئ: ولادك؟ ايه دا هما توأم طب حلو اهو ذيادة الخير خيرين اهو بدل اتنين يكونوا تلاتة سلام يافهد باشا
_____________________
ياترى إيه اللي هيحصل
فهد ناوي يعمل ايه في سالم بعد اللي قالوا دا ياترى هيبلغ الشرطة ولا هياخد حقه بإيده ذي ماهو بيقول
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية أحفاد البارون)