رواية مجنونه الليث الفصل الثالث 3 بقلم أسماء حبيب

رواية مجنونه الليث الفصل الثالث 3 بقلم أسماء حبيب

رواية مجنونه الليث البارت الثالث

رواية مجنونه الليث الجزء الثالث

رواية مجنونه الليث الحلقة الثالثة

نجمه…. انا مش بهظر يا نسمه دا بجد وبعدين انا نزلت اهو من التاكس انتي فين انا مرعوبه ليظهرلي.
نسمه…. اه انا شفتك اهو ثواني بحاسب ونازله.
نسمه نزلت وبتبص علي نجمه لقتها اختفت وبتبص للموبيل لقت الخط قفل.
نسمه بصدمه….. نجمه.
نسمه بصت يمين وشمال وبترن عليها بس مش بترد اتصلت علي روح…. الوووو روح.
روح…. ايوه يا نسومه انا دخله عليكم بالعربيه اهو.
نسمه برسرعه وخوف….. الباشا ليث معاكي يا روح.
روح… ا اه في اي مال صوتك يا نسمه.
نسمه انا وقفه قدام باب الجامعه مستنياكم ضروري الموضوع خطير وعايزه الباشا بسرعه.
روح… اقفلي انا شفتك اهو دخلين عليكي.
ليث وقف قدام باب الجامعه بالعربيه ونزل وروح جريت علي نسمه.
ليث قفل العربيه وراح عند نسمه الي واقفه خايفه…. في اي يا نسمه.
نسمه برعب…. نجمه ياباشا اتخطفت.
ليث….. اتخطفت؟!
نسمه…. بص يا باشا امبارح كانت نجمه بتكلمني انها لقت خاتم كبير هي الصراحه خبت عليك وكانت ناويه تبيعه… احم معلش هي نتنه في الحته دي بس الكارثه انه مطلعش خاتم بس دا طلع فلاشه… وكلمتني بعدها وانا جايه الصبح انه في واحد مقنع دخل بتهم بس عرفت تخلع منه لمؤخذه يعني في اللفظ.
ليث بزهول….. خاتم اتحول لفلاشه… وواحد مقنع!.. لااا كدا بقي تيجي معا المكتب.
نسمه….. جري اي يا باشا انا في السليم والله.
ــــــــــــ في السفينه ــــــــــــ
خضر….. البت الي طلبتها اهي يا كبيرنا.
نجمه وواحد ماسكها من اديها ومكتفها….. والله انا سكته بس علشان محترمه ابعد عني بقولك اهو.
الكرسي لف وظهر عاصي بقناعه المعتاد….. سبوها.
نجمه بخضه وبتكلم الراجل الي كان ماسكها …. اياك تسبني اياااك مش بعد عشره ساعه تسبني مع دوت.
خضر… امرك يا كبيرنا .. سبوها.. يا رجاله يلااااا.
خرج خضر والرجاله الي معاه.
نجمه…. ا احم اهلا سياده الحرامي.
عاصي…. تؤ تؤ مش بينا سلامات.
نجمه…. طيب الحمد الله انا مش عليا اقصات ولو طمعان قيا بابا يبعني بطبق فينو باللبن.
عاصي….. فين الخاتم يا بت.
نجمه وبتستعبط….. خاتم!! بس امي باعت خاتمي زمان وقالتلي بأمنلك مستقبلك… اللله يرحمها تيجي تتفرج.
عاصي وقف بهدوء ووقف قدمها….. فين الخاتم.
نجمه….. يووه هو انت مبتسمعش يا حضره للاستاذ الحرامي.
عاصي مسكها من هدومهوا وبصوت مخنوق ….. ف.. ي.. ن. الخا.. تم.
نجمه بتبلع رقها…. م معرفش.
عاصي بصلها نضره تحدي…… انتي الي حبا اني العب معاكي الشوت التاني…. ياااااا خضر.
نجمه برعب من شكله وصوته … مش ممكن نعيد الماتش يا كبتن.
ــــــــ في شركه باسم الخديوي ــــــــ
أحمد اخو نسمه دخل بسرعه مكتب الخديوي …… اسف اتأخرت يا فندم حصل ظروف بس.
الخديوي ببرود….. الظرف دا هستلمه منك لو اتكرر التأخير دا تاني.
أحمد…. ربنا ما يجعل بنا ظروف يا فندم امرك.
الخديوي….. انت عارف يا أحمد اني بعزك.
أحمد بابتسامه مزيفه…… مهو واضح يا باشا.
الخديوي بهدوء…..في صفقه تهمنااا في شركه القراشي ونقلها بحري وهتريحناا.
أحمد…. اه بس يا فندم انا شغلتي تنسبق بس مدخلش في اي صفقه.
الخديوي….. علشان عارف انك استاذ في الاقناع واديتك مكان حاتم تنجز الصفقه دي وفي اسرع وقت.
أحمد…. ماشي مفيش مشاكل ب….
الخديوي…. اتعابك كلها هتاخدها كامله وفوقيها شهر اجازه لو الصفقه دي تمت.
أحمد بدهشه…… الي هي دي صفقه اي دي يا فندم الي تهمك اوي؟!
الخديوي وبلعب بالقلم ….. في حجات من الاحسن انك متعرفهاش يا أحمد وده لمصلحتك.
أحمد…. الي تشوفه حضرتك يا باشا؟!
الخديوي….. ومتنساش تعدي علي عز هيفهمك كل حاجه مفروض تعملها لما تاخد مكان حاتم.
احمد….. تمام عن اذنك يا فندم.
احمد مشي لمكتبه….. شهر اجازه يااا فرج الله.
عز من وراه….. حموووده.
احمد شده من البدله….. خد ياض انا اصلا تعبت منك.
عز بسرعه …. تعرف ان الضرب في الميت حرام.
احمد وبيبعده عنه…… طيب امش دلوقتي من وشي لنصلي عليك العصر.
عز بمحلسه….. بزمتك اهون عليك.
احمد…. عز.
عز….. اي في اي.
احمد….. تعاله مكتبي عيزك معايه ضروري.
عز… اوك وانا وراك.
احمد دخل المكتب وقفل الباب ورا عز وفجأه العمال يسمعو صوت جاي من مكتب احمد وكان صوت عز.
عز بالم…… ااااه انا معنتش نافع خلاص.
ــــــــ في مكتب ليث ــــــــ
ليث بجديه…… كلامك دا بيدل ان الخاتم عليه معلومات مهمه جداً.
نسمه…. معلملت مهمه معلومات مش مهمه انا عايزه افهم دلوقتي نجمه فييين البت المخطوفه الغلبااانه دي فين؟!
ليث….. مهو لو الشملوله سلمتهم الخاتم هيخلصو عليها ولا هيبقي في نجمه ولا نيزك حتي.
نسمه… فال الله ولا فالك يا جدع.
ليث بعصبيه…. انتي نسيتي نفسك ولا اي يااا بت انتي مش عرفه بتكلمي مين ولا اي اتعدلي.
نسمه…. لمؤخذه يا باشا بس حبيت اتحمق لصحبتي دي عشره عمري برضوا ولو مش اتحمقت لصحبتي هتحمق لمين ياباشا.
ليث بعصبيه…. اطلعي بره… اطلعيييي برراااااه.
روح…. اهدي يا ليث بس.
نسمه…. والله منا عرفه قاعد يتزرزر عليا كدا ليه! ولا تقوليش وكله مناب اهله.
روح بصدمه…. نسمه..
نسمه… اي يا قلبي.
روح شدتها وخرجت…. اجرييي بسرعه.
نسمه…. لي ف…. يلهواااااي.
كان ليث بيشغل المسدس وهما جريو بسرعه.
نسمه… الجري نص الجدعنااااه.
ليث وبخبط المسدس علي المكتب….. هي المشرحه نقصه قتله علشان تجيلي مجنونه تانيه يااارب.
نسمه وهي نازله من علي السلم بتنهيده…. الحمد الله هربنا منه.
روح….. ههههه.
نسمه…. انتي لي بتضحكي في اوقات غلط.
روح… احم سوري.
نسمه شافت عسكري معدي….. لو سمحت واحده مخطوفه نوصلها ازاي.
العسكري بسخريه…. اول شارع علي يمينك.
_ في مكتب ليث فوق 👆.
ليث…. اكيد هو يا جمال والخاتم الفلاشه ده عليها حاجه مهمه جدا اكيييد.
جمال…. طيب هنوصله ازاي.
ليث….. ودا الي هيشلني مش سهللل يا جمال وخايف ليكون خد الفلاشه وخلص عليها..
جمال….. طيب هقولك هنوصلو ازاي! من اخر شحنه هتتسلم نقبض عليه ونخلص.الانك كدا اديته اكبر من حجمه.
ليث…… لازم اخلص منهااا بس لازم استلم الفلاشه وتكون بين اديه..
جمال…. بس مش يمكن دا فخ لينا!
ليث…. ازاي؟ قصدك اي يعني.
جمال…. البت دي تكون بتضحك علينا اصل اي خاتم اتحول فلاشه! حسس ان الموضوع في انه.
ليث…. لا دي دمغها مهويه انا عرفت عنها كل حاجه ملفها كان عندي امبارح هو استغلها لان هي و نسمه كانو معايه ساعه ضرب النار الي حصل .
جمال….. تمام بس انت بجد بتثق في البنات دول.
ليث…. للاسف اه، لانهم جدعان رغم الي هم بعملوه وانا هعمل تفتيش بنفسي لبيت نجمه لعل الخاتم في البيت .
جمال…. تمام يا فندم هظبط اذن التفتيش وهكلم حضرتك.
ليث…. تمام يا جمال يلا بسرعه.
خرج جمال من المكتب وشاف نسمه وهي بتخانق في العسكري.
العسكري….. واناااا مالي… هو الي ببقي غايب بعد 24 ساعه بنعمله محضر و….
نسمه بغيظ…. لي حد قالك ان الناس مستنينكم علشان بقتلو صحبتي، انت لازم تتحرك.
العسكري بزهق…. ده قانون ومش ينفع ادخل في حاجه متخصنيش عن اذنك.
نسمه…… روح الهي ما تترقه ولا تسم ريحه الترقيه يا بعيد…. يا عيني عليكي يا نجمه ياتي بعملو فيكي اي دلوقتي يا غلبانه.
جمال…. انتي نسمه.
نسمه بغيظ….. بقولك اي اخفي من وشي السعادي لعملها معاك.
روح…. نسمه دا ال…
نسمه….. دا اي لا حاجه عسكري زي الي قبله بيجبلنا الشلل والضغط وعليهم رشه سكر ويتكلو علي الله.. يا اخي حسبن الله ونعم الوكيل في كل ظالم ومفتري، ثم انت فارد نفسك كدا لي انت مين اصلا.
جمال بهدوء….. معاكي الضابط جمال.
نسمه بسرعه وبتئدي التحيه…… تماام يا فندم…. احم الهي تنستر ويخليلك عيالك ما تزعل مني اصل انا خليفه علي صحبتي وكدا ، والي يعرفك مش يجهلك يا باشا اعتبرني هبله وعدهالي.
جمال بلا مبالاه….. وعتبرك لي وانتي اصلا هبله.
نسمه وبتكلم نفسها…… اه لو مش ضابط كنت عملتله عاها مستديره في وشه.
روح….. جمال هو انتم وصلتو لئيه؟!
جمال….. روحي انتي يا روح واحنا هتفتش بتها واكيد هنوصل ليها في اقرب وقت ان شاء الله.
روح….. ان شاء الله شكرا.
جمال…. علي اي دا واجبنا.
نسمه…. احم جمال.
جمال بحزم….. الضابط جمااال مش جمال حاف كدا الزمي حدودك.
نسمه…. اشمعنا روح يعني هااا وبطل عنصريه.
جمال…… عايزه اي.
نسمه…. اجي معاكم بيت نجمه.
جمال بنظره خبيثه….. موافق.
نسمه…. اشطا.
جمال….. استني بره نص ساعه وهجيلك.
نسمه طلعت وقعدت و روح مش سيباها….. ياتري انتي فين يا نجمه انا خيفه عليها يا روح اي.
روح…. متخافيش والله ربنا هيحميها.
ـــــــــــ في السفينه ـــــــــ
كانت نجمه مربوطه من رجليها و أديها وقعده علي كرسي…… يوووه وانا هدني متكتفه تكتيفه الخروف دي لحد امتي؟! ياااااا مقنع يااااااا سوبر مان يااااا لي مغطي وشه انت رد علياااا ميصحش كدا فين اصول الخطف طيب.
دخل راجل ببنيه جسديه قويه…. مسمعش نفس عبال ما الميا تغلي.
نجمه…. الميا تغلي ؟! الي قولي انتو بتحبوني مسلوقه ولا مشويه…. علي فكره طعمي وحش يعم مقرف ومر مش هيعجبكم.
الراجل بزهق…. مسمعش صوتك ده علشان صدعت.
نجمه…. ماشي بس اكلوني انا جعانه كدا هموت.
الراجل….. نص ساعه كدا.
نجمه…… طيب عايزه اعلم زي الناس.
الراجل…. مش وقته.
نجمه…. لا وقته علشان والله اعملها وأزروط الدنيا وانت الخسران.
الراجل وككها وكتفها بئديه وداها الحمام….. بسرعه احسنلك.
نجمه… اي يعني هتفتح عليا الحمام ولا اييييي.
الراجل…. اه ودا لو اتئخرتي عن خمس دقايق بالضبط.
نجمه….. عوض عليااا عوض الصابرين يارب حتي دي حشرين نفسيهم فيها.
دخلت نجمه الحمام وبعد دقيقتين خرجت وفتحت الباب….. يلا يا سيدي.
الراجل بشك….. بالسرعه دي.
نجمه…. لله في خلقه شئون هتعترض.
الراجل كتفها..
نجمه… يادي أم تكتيفه المعيز دي.
وصلت الاوضه وكتفها تاني بالحبل.
نجمه…. هاكل امتي بقي.
الراجل….. نص ساعه ومبحبش اعيد كلامي.
نجمه بهدوء… براحتكم خااالص.
الراجل خرج ونجمه طلعت موس الحلاقه الي اخدته من الحمام من الجيبه الي ورا لان اديها كانت متكتفه لور بدأت تفك تقطع الحبل براحه جدا لحد اما قدرت تفك اديها و راحت فكه رباط الرجل براحه بس مش خالص علشان تقدر تنفذ خطتها.
بعد نص ساعه دخل الراجل وهي عطه الحل علي اديها بتوهمه انها مربوطه لسه….. اتأخرت لي بس كدااا تؤ كنت جعانه اوي.
الراجل حط الاكل…. كلي وانتي ساكته.
جه علشان يفكها خبطته علي راسه بالعصايه جامد اغمي عليه….. اكل ازاي وانا سكته دا انتم ناس غيربه.
فكت رجلها بسرعه وقبل ما تفتح الباب رجعت اخدت سندوتش….. الله بيض بالبسترمه…. اه مش وقته بقي اكل وبعدين اهرب.
كانت نجمه بتاكه بسرعه والراجل كان بيفوق خبطته علي راسه تاني….. نااام بقي مش عرفه اكل منك كدااا.
اغمي عليه تاني ونجمه خلصت اكلها وطلعت تجري….. يلا بقي نهرب في سلااام.
فتحت الباب وطلعه تجري لقت حد بمسكها من هدومها.
نجمه لفت بخضه لقت عاصي.
عاصي بسخريه….. راحه علي فين يا نجمه الصباح.
نجمه….. الاوضه ضلمه قولت اطلع اتشمس شويه واوعي تفهمني صح.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مجنونه الليث)