رواية اتجوزني عشان اربيله ابنه بس الفصل السابع عشر 17 بقلم رحاب القاضي

رواية اتجوزني عشان اربيله ابنه بس الفصل السابع عشر 17 بقلم رحاب القاضي

رواية اتجوزني عشان اربيله ابنه بس البارت السابع عشر

رواية اتجوزني عشان اربيله ابنه بس الجزء السابع عشر

رواية اتجوزني عشان اربيله ابنه بس الحلقة السابعة عشر

_كانت مريم بتلم في هدومها ودموعها علي وشها، ودخل عندها اياد وهو بيعيط وقال..
اياد
انتي هتسبيني يا ماما..
بصتله مريم بحزن وقالت
لا يا حبيبي انا هاخدك معايا بس انت بطل تعيط..
اياد ببكاء
لا انتي بتضحكي عليا وهتسبيني لوحدي..
حضنته مريم وقالت
والله هاخدك معايا مش هسيبك يا حبيبي..
اياد
ما انتي لو اخدتيني معاكي تيته هتيجي تاخدني من عندك وهرجع هنا تاني اقعد لوحدي وصحابي يقولولي في الحضانه اني ما عنديش ماما زيهم..
مريم
والله ما حد هياخدك مني و يلا ناخد هدوم كتير معانا..
اياد مسح دموعه وقال
يلا يا ماما…
_نزلت مريم ومعاها اياد وجات تطلع وقفها الحارس اللي جايبه معتز وقال…
الحارس
لو سمحتي يا هانم ممنوع الخروج من البيت من غير اذن معتز باشا…
اتنهدت مريم بضيق وقالت
اوعي من طريقي..
الحارس
لو سمحتي يا هانم بلاش تسببيلنا مشاكل واتفضلي جوه..
مريم
عارف انا لولا ان معايا عيل صغير قلبه رهيف انا كنت علقتك من رجليك، اتنيل اوعي من قدامي وطظ فيك وفي الباشا بتاعك..
نزلت الفت وقالت بقلق
في ايه يا مريم صوتك عالي ليه كده؟..
مسحت مريم دموعها وقالت وهي متعصبه
انا عايزه امشي وابنك مخلي البتوع دول ما يخرجونيش..
الفت بقلق
طيب اهدي طيب وعايزه تمشي ليه، وواخده ليه اياد معاكي؟..
مريم بحزن
لو سمحتي يا طنط سيبوني في حالي انا عايزه امشي ومش هقدر اسيب اياد واغلي حاجه عندك سيبني امشي ومعايا اياد ومتخليش ابنك يجي ياخده مني الفتره دي..
اتنهدت الفت وقالت
طيب اهدي يا حبيبتي، وحاضر هعملك اللي انتي عايزااه، حد منكم يوصلها يلا..
الحارس
بس معتز بيه ا..
زعقت فيه الفت
لو معتز اتكلم قوله مامتك هي اللي سمحت ليها تمشي…
مريم
شكرا يا طنط..
مسكت الفت وشها وقالت
هو مد ايده عليكي صح؟..
نزلت دموع مريم وقالت
حصل خير بعد اذنك..
_واخدت اياد ومشيت والفت طلعت شقتهاا، وبعد شويه وصلت مريم بيت فريده..
فريده
هو انتي لحقتي ما بقاش ليكي حاجه راجعه بيت جوزك…
مريم
هفطر اياد جوه عشان لسه ما فطرش..
اياد
احنا مش هنروح الحضانه يا ماما؟..
مريم
هنروح يا قلب ماما، بس نفطر الاول..
اياد
طيب انا مش هاكل غير لما عينك تبطل تعيط..
ابتسمت مريم غصب عنها وقالت
وانا ازاي بس اعيط وانا معايا احن طفل في الدنيا كلها، انت العوض اللي بجد يا اياد انا ربنا بعتك ليا عشان تهون عليا..
اياد ما فهمش كلامها وقال
طيب انا جعان هتفطريني ولا اروح لفريده…
ضحكت مريم وقالت
لا هفطرك يا حبيبي….
_وخلصت معاه مريم ودخلته اوضته يجهز حاجة الحضانه وقعدت مع فريده..
فريده
ايه اللي في وشك ده؟….
مريم
انتي عارفه كويس ايه ده يا ماما..
فريده
ليه عمل كده اكيد في سبب.
ضحكت مريم وقالت
والله اصلا ما كنتش عايزه اجيلك عارفه ليه عشان هتدافعي عنه حتي بعد ما خاني ومد ايده عليا الحيوان، بس ماليش مكان اروح فيه غير هنا للاسف…
فريده
ما اكيد طريقتك اللي زي الزفت دي هي اللي وصلته يعمل كده..
مريم
بقولك خاني ومد ايده عليا حسي بيا بقي، بس ازاي بقي هتحسي بيا وانا مش بنتك اصلا..
فريده بعصبيه
انتي قليلة الادب، وانتي بنتي غصب عنك كمان..
عيطت مريم وحضنتها وقالت
انا اسفه يا ماما والله مش قصدي بس انا قلبي واجعني اووي..
بعدتها عنها فريده وقالت
شوفتي لما بتتعصبي بتعملي ايه، بتقولي كلام وحش ما حدش يا مريم بيستحمله..
مريم
خاني يا فريده انا شوفته بعيني، انا ليه بيحصل فيا كده ليه؟..
فريده
اهدي وبطلي تعيطي وخانك ازاي بس؟..
_طلعت مريم الفون بتاعها وورتها الصور اللي بعتها ليها سيف..
فريده
هو سيف اللي بعتلك الصور دي اه يا ابن الجزمه، معتز لما شافهم قالك ايه؟..
مريم
ما شافهومش اكيد هيكدب عليا..
فريده
فرقي يا مريم بين الاتنين معتز غير سيف ومش بيخونك انا اللي اسمي خالتك متاكده ان في وصف للصوره دي تاني غير الخيانه…
مريم
انا هطلق ولو ما طلقنيش هخلعه، انا عمر ما حد مد ايده عليا يا فريده انا عمري ما اتوجعت غير منهم هما الاتنين..
طلع اياد وقال
انا جاهز يا ماما يلا بينا..
فريده
انتي رايحه الحضانه النهارده؟..
مريم
ايوه لازم اروح النهارده والا هترفد، وكمان اياد مش عايزاه يتأخر عن زمايله..
فريده
اياد ده اللي هو ابن معتز؟..
مريم
لا يا ماما اياد ده ابني، يلا سلام..
ــــــــــــــــــــــــــــــــــــــــــــــ
_وصل معتز بعربيته قدام بيته وطلع شقته بس مامته وقفته وقالت..
الفت
استني تعالي عايزااك..
معتز
لو سمحتي يا ماما انا متأخر لوحدي علي الشغل و..
الفت
قولت عايزاك تعالي ادخل..
دخل معاها معتز وهي بصتله بسخريه وقالت
بعد تمنيه وتلاتين سنه جواز من باباك وبربي فيك انت كمان اكتشفت اني زوجه فاشله وام فاشله كمان..
معتز
ليه بتقولي كده يا ماما..
الفت
انا ربيتك انك تمد ايدك علي وحده ست انت كده راجل يعني وفرحان بنفسك..
معتز اتنهد وقال
لو سمحتي يا ماما خليكي بعيد عن الموضوع ده ارجوكي..
الفت بحزن
انا اللي غلطانه لما اختارتلك مريم جيبت بنت صغيره لسه معندهاش اي خبره في الدنيا وخليتها تبقي ام وزوجه عشان سعادة ابني وبس وفي الاخر مش لاقيه غير ان البنت بتتعذب معاك وبس..
معتز بسخريه
اصلها عايشه مع شيطان بيصبحها بعلقه وبيمسيها بعلقه، وعلي فكره ريحي نفسك انا اللي اختارت مريم وانا اللي كملت معاها بمزاجي مش عشانك ولا عشان اياد بس انا ليا طاقه وخلصت من كل حاجه..
الفت بدموع
رجع مراتك وصلح حياتك يا معتز، وكفايه اووي انها قدرت تبقي ام لاياد وتعامله بطريقه امه نفسها ما كانتش هتكون كده معاه..
معتز
وانا فين من ده كله، كبري دماغك يا ماما ولما ابقي اخلص من الدوشه اللي في الشغل دي هشوف هعمل ايه مع مريم..
الفت
طيب بلاش مريم ابنك يا معتز؟..
معتز بحزن
ابني احسن وهو بعيد عني لانه بكل بساطه مش بيحبني وبيكرهني وشايفني سبب في موت مامته..
_خلص كلامه ومشي من قدامها وراح غير هدومه وراح شغله..
ــــــــــــــــــــــــــــــــــــــــــــــ
_وعدا اكتر من شهر ومريم ومعتز بعيد عن بعض جدا وكل واحد فيهم ملهي في شغله وحياته.. وفي بيت يوسف فخري كان بيتكلم في الفون وقال..
يوسف
تمام اووي بس ما عرفتش منه برضو هو مين اللي بيجيبله الاخبار؟..
…….
لا والله يا يوسف بيه ده حد تبع معتز بس، المهم انت خلي بالك وخلي تغير مكان التسليم في اليوم اللي هتسلم فيه..
يوسف بحقد
ومين قالك اني هسلم اصلا، العمليه دي تخليص حق بيني وبين حضرة الظابط، المهم خليك علي اتفاقناا..
_قفل يوسف مع اللي بيكلمه، ودخلت عنده ندي وكانت مدايقه..
يوسف
مالك يا ندي في ايه؟..
ندي بحزن
انا حامل يا يوسف…
فرح يوسف ومسك ايدها وقال
ودي حاجه تزعلك، ده احلي خبر في حياتي اني هبقي اب..
ندي بدموع
انت هتربيه معايا صح؟..
يوسف بضيق
انتي عايزه ايه؟..
ندي
مش عايزه اربيه لوحدي مش عايزه ابني يتولد يتيم او ابوه في السجن، ولو ده حصل انا عمري في حياتي ما هسامحك..
_سابته ومشيت وهو نزلت دموعه وقال لنفسه بحزن..
يوسف
ياريتني اكون قادر احدد نهايتي ايه يا ندي، بس مش بايدي..
ــــــــــــــــــــــــــــــــــــــــــــــ
_في الحضانه اللي شغاله فيها ندي راحت للمكتب اللي شغاله فيه نيره وقالت..
مريم
ياريت الشغل عندنا يكون عجب حضرتك يا افندم..
ابتسمت نيره وقالت
ايه ده ميس مريم بنفسها هنا؟..
مربم
عشان تعرفي انك مهمه عندي وجيبالك قهوه باللبن كمان..
نيره
هو انا عايزه اعرف ليه مل المدرسات هنا بيخافو منك؟..
مريم
ما عندهمش نظر مع اني لطيفه وكيوت..
نيره
انتي متاكده من كلامك ده؟..
مريم
في ايه يا بنت انتي؟..
نيره بخوف
انا مش قصدي حاجه والله..
ضكت مريم وقالت
هههه اهو انتي كمان خوفتي..
نيره
طيب هو في سؤال تاني بس لو مش عايزه تردي براحتك والله..
مريم
اتكلمي علي طول يا نيره في ايه؟..
نيره
هو حازم قالي اسالك عشان معتز مش بيحكي حاجه وهو حاسس انك انتي ومعتز متخانفين ده بجد يعني؟..
اتنهدت مريم بضيق وقالت
بصي طمنيه وقوليلو انها مشكله بسيطه وهتعدي..
نيره
طيب ده هقوله لحازم تمام، انتي بقي ايه؟..
مريم بدموع
عارفه احساس انك تقولي لا مش عايزه لحاجه انتي هتموتي عليها، اهو ده ملخص علاقتي انا ومعتز..
نيره بحزن
بس لازم تقولي مش عايزه عشان ما ينفعش تكملي صح؟..
مريم
بت انتي متخزوقه صح؟..
نيره بثقه
لا لسه بس في الطريق..
_ضحكو هما الاتنين وفضلو يتكلمو طول البريك..
ــــــــــــــــــــــــــــــــــــــــــــــ
_وفي شغل معتز طلع من مكتب معتز ظابط زميله اسمه فهمي وكان حازم داخل، فبصله فهمي بسخريه وقال..
فهمي
اهلا وانت جاي منين يا حازم من تحت من عند المساجين اللي كنت بتطبطب عليهم يا حنين ههههه
حازم
لا كنت جاي من عند امك يا سمج..
فهمي
ما تحترم نفسك يا حازم احسنلك..
حازم بحده
هتعمل ايه يعني قول يمكن اخاف…
طلع معتز وقال
في ايه يا حازم؟..
حازم
الواد ده بيعمل ايه هنا يا معتز هو من امتي بيبقي في شغل معانا اصلا..
فهمي
هو انا شغال عندك انت وهو ده قرار سيادة اللواء..
معتز
تعالي يا حازم معايا جوه، وانت شوف شغلك يا فهمي..
_دخل حازم ومعتز المكتب وقال حازم وهو متعصب..
حازم
ازاي يعني فهمي يبقي معانا في القضيه؟..
معتز
هو للحق شاطر في شغله والعمليه المره دي يا قاتل يا مقتول ومحتاجه قوه كبيره وفهمي تقيل في شغله وانه يجي معانا ده مكسب لينا..
حازم
بلاش تثق فيه ده تعبان ومش ساهل..
معتز
عيب عليك صاحبك مش قليل برضو..
دخل العسكري وقال
في واحده بره بتقول اسمها فريده عايزه حضرتك يا معتز باشا..
معتز
طيب دخلها..
حازم
مين دي يا معتز؟..
معتز
دي تعتبر حماتي خالة مريم..
حازم
طيب هسيبك انا ونتكلم وقت تاني..
_ومشي حازم ودخلت عنده فريده وقالت بضيق..
فريده
علي فكره انا جايه وزعلانه منك اد كده..
معتز
يا ستي حقك عليا من قبل ما اعرف انتي زعلانه ليه…
فريده
علي اساس انك مش عارف انا زعلانه ليه يعني..
معتز
تشربي ايه طيب الاول..
فريده
مش هشرب حاجه يا معتز، بقي داخل في شهرين مزعل بنتي ولا بتسال فيها ولا حتي في ابنك ليه كده بس يا ابني..
معتز بضيق
هي قالتلك انا مزعلها ليه؟..
فريده
بص هي ايا كان اللي قالتله ما كانش ينفع ابدا انك تمد ايدك عليها انت مش جايبها من الشارع ولا مالهاش اهل..
معتز
لو سمحتي يا فريده بلاش الكلام ده، واعرفي الاول هي طلع منها ايه وقالت ايه وصلني لكده..
فريده
معذوره ومعذوره اووي كمان…
معتز بحده
ما فيش اي عذر لكلامها ده عندي ولا هخطي اي خطوه لقدام في علاقتنا غير لما هي تبطل عند وتيجي تقولي اي مبرر الكلام اللي اتقال…
فريده
الموضوع فيه سيف يا معتز ومش هنطق اي كلمه تاني غير لما تيجي وتتكلم معاها..
معتز
مش هاجي يا فريده كفايه اووي كده؟..
فريده
لا هتيجي عشان انت الراجل والكبير العاقل، ولاخر مره بقولك ان مريم كانت معذوره في زعلها..
معتز
استني يا فريده هاجس اوصلك..
فريده
لا خليك في شغلك انا معايا اوبر تحت، ولو ما جيتش يا معتز هزعل منك اووووي..
_مشيت فريده ومعتز قعد يفكر هو هبعمل ايه، هل هيسمع كلامها ولا لا؟…
ــــــــــــــــــــــــــــــــــــــــــــــ
_في بيت سيف دخلت مامته عنده اوضته لقيته قاعد مدايق وباصص من البلكونه..
ام سيف
واخرتها ايه اللي حصل وصلك للحاله دي؟..
سيف
عايزه ايه يا ماما؟..
ام سيف
ليه يا ابني سايب شغلك وحالك وحابس نفسك هنا..
سيف
عشان انا ما اتربتش، انتو ما عرفتوش تربوني..
ام سيف
ليه الكلام ده، انت احسن واحد في الدنيا ومعاك فلوس ا..
زعق فيها سيف
بس بقي اسكتي مش بالفلوس مش معني اني لما احتاج اي حاجه في اي وقت تجيني كده انا هبقي احسن واحد، او لما تنجحوني في المدرسه من غير ما اذاكر انتو كده خلتوني افشل واتعود ان كل حاجه هتيجي بسهوله…عشان كده بقيت فاشل في كل حاجه…
الام
يعني دي اخرتها عشان انا وباباك ما كناش حرمينك من حاجه تقول كده..
سيف
ياريتكم حرمتوني وعلمتوني ابقي كويس مش بحالي ده، هو انا ليه عايش اصلا عشان اضحك علي بنات الناس ولا عشان اخلص شغلي بالرشاوي والسكك الشمال ولا عشان البنت الوحيده اللي حبيتها خونتها وكسرتها وخليتها تفضل طول عمرها كرهاني..
ام سيف
انت ايه اللي بتقوله ده، انت مش كده انا ابني كويس واحسن واحد في الدنيا، سيبك من مريم انا هجيبلك احلي عروسه غيرها منها لله انت بقيت كده بسببها..
سيف بدموع
شوفتي بدل مل تزعلي مني وتدايقي من القرف اللي بعمله بتبرريه ليا وكانك بتقوليلي كمل واعمل اللي عايزه ولا يهمك..
الام بقلق
انا مش قصدي بس م..
زعق فيها وقال
اطلعي بره يلاااا اطلعييييي بررره مالكيييش دعوه بيا..
_طلعت مامته من عنده وهو قعد لوحده تاني ولما افتكر كل اللي عمله ونور واللي حصلها فضل يبكي اووي..
ــــــــــــــــــــــــــــــــــــــــــــــ
_وفي مكان وقف فاروق بعربيته قدام عماره كبيره ونزل من عربيته وطلع العماره ودخل شقه فيها وكانت في بنت حلوه اووي قاعده هناك..
فاروق
وحشتيني اووي يا حبيبتي..
زيزي
لا انا زعلانه منك ومش هكلمك..
فاروق
ليه بس كده يا حبيبتي انا عملت ايه؟..
زيزي
انت مش وعدتني انك هتعلن جوازنا، انا سيبت اهلي عشانك وانت المفروض تضحي عشاني..
فاروق
قريب اوووي الكل هيعرف كل حاجه، بس بلاش قلبة وشك دي..
زيزي
وانا هستني يا حبيبي عشان بحبك…
ــــــــــــــــــــــــــــــــــــــــــــــ
_وبعد كام يوم في النادي كانت فريده والفت قاعدين مع بعض..
فريده
متاكده انه جاي يا الفت؟..
الفت
ايوه ولو ما جاش انا مش هكلمه تاني خالص..
فريده
يا وليه انشفي بقي، ولو مجاش الطشيه بالقلم علي وشه..
الفت
لا انا مستحيل امد. ايدي عليه ولا علي حد لا لا..
فريده
طيب بس عشان مريم جات اهي..
_قربت منهم مريم وكان معاها اياد اللي لابس هدوم السباحه واديته للكابتن وقعدت معاهم.
الفت
مش ناويه تيجي علي نفسك انتي المره دي وتسامحي يا مريم؟..
مريم
لا يا طنط مش ناويه..
فريده
معلش يا الفت انا ما عرفتش اربي..
مريم
هو اياد خايف ينزل المايه ولا ايه، انا قايمه اشوفو..
_قامت مريم وراحت ناحية اياد وجه في الوقت ده معتز ووقف وراها بمسافه بعيده وهي مش واخده بالها وكانت والفت وفريده مبسوطين انه جه…
مريم
ايه يا اياد يا حبيبي ليه واقف كده يلا بسرعه انزل..
اياد
ما انا هنزل اهو يا ماما..
مريم
طيب بسرعه شويه يا حبيبي يلاا..
المدرب
بسرعه يا اياد مش كده يلااا..
مريم بحده
يعني هو يعملك ايه يطير، علي مهلك يا اياد يا حبيبي براحتك خالص معانا لاخر اليوم..
المدرب
يا مدام انا مش قصدي بس عشان بتدرب مع زمايله..
مريم
براحته ابني مش بيحب السربعه وبعدين انت وراك ايه ما جاتش من دقيقتين زياده..يلا يا ايدو علي مهلك يا حبيبي..
ضحك معتز غصب عنه وقرب منها وقال
ازيك يا مريم؟..
بصت ليه بضيق، واياد مسك فيها وقال بخوف
انا مش هسيب ماما، انت مش جاي تاخدني صح..
حضنه معتز وقال
لا مش جاي اخدك بس انت وحشتني وانا جاي اشوفك…
اياد
انا عندي تمرين ولو هتكلم ماما ما تخليهاش تعيط تاني لو سمحت.
ابتسمله معتز وقال
بس كده من عينيا..
_نزل اياد المايه ومعتز قرب من مريم وقالها بضيق هو كمان..
معتز
ممكن نتكلم شويه..
مريم
لا مش ن عشان مش هتكلم مع واحد همجي زيك بيتكلم بايده..
معتز بحده
وبالنسبه لطريقتك دي عادي يعني ما تخرجش اي حد من شعوره..
مريم
انت جاي عايز ايه مني؟..
مسك ايدها وقال
مش هنتكلم هنا قدام الناس اكيد تعالي معايا..
_طلع معتز بره وكان مكان فاضي وسخبت هي ايدها منه ووقفت مدايقه، وهو بصلها بحزن وقال…
معتز
وبعدين اخرة العند ده ايه؟..
مريم
نتطلق ما عنديش غير كده..
معتز
اطلقك وانا عارف السبب اللي هطلقك عشانه تمام، انما اطلقك من غير اي سبب لا مش فاضي انا للعب العيال ده..
مريم بعصبيه
انت واحد قليل اصل علي فكره والكل مغلطك وانت مش شايف نفسك غلطان..
معتز
عارفه الكل مغلطني ليه، عشان كلهم شافو انك ام كويسه لاياد انتي نفسك بقيتي كده فعلا بس نسيتي انك متجوزه، وانا كراجل متجوز حقي فين عندك اهتمامك اللي مديااه كله لاياد انا فين منه ولا حاجه صفر علي الشمال بالنسبالك، وما فيش راجل يرضي باللي انا راضي بيه بس عشان بحبك قولت معلش، وموضوع الفرح والشبكه ده كان قرارك انتي انا ما غصبتكيش علي اي حاجه…
مريم بدموع
وعشان مقصره معاك فقولت اروح اخونها بقي صح، وانا زي الهبله عماله افكر ازاي هبدأ معاك من جديد و..
معتز بعصبيه
هو انتي هتكدبي وتصدقي، خونتك فين انا؟..
مريم طلعت موبيله وورته الصور وقالت
اتفضل شوف مين دي بقي وتعرفها من امتي يا محترم؟..
معتز بجمود
سيف اللي بعتهالك صح، تمام اووي روحتي صدقتيه تاني بعد كل اللي عمله فيكي وجيتي شكيتي فيا انا ونعم الغباء بصراحه..
_ادها الموبيل وجه بمشي وقفت قدامه وقالت بعصبيه..
مريم
لا مش هسيبك تمشي كده عادي، انت خونتني واهو مش لاقي كلام تقولو..
معتز بحده
لا في كلام كتير ممكن اقولو بس في حاله واحده بس لما تساليني وانتي عايزه تفهمي مين دي من غير نظرة الشك وقلة الثقه دي، بس مدام صدقتيه هو وكدبتيني انا يبقي ما يهمنيش تفهمي ايه؟..
_قال كلامه وسابها ومشي طلع عربيته وهو متعصب وقال…
معتز
سييييف وحياة امك المره دي مش هتعدي علي خير، بس اروق من اللي انا فيه ده؟..
ــــــــــــــــــــــــــــــــــــــــــــــ
_في بيت حازم سلم علي مامته وكانت نيره قاعده بتتفرج علي التلفزيون..
حازم
خلاص بقي يا ماما هو انا كل ما اروح مأموريه تعملي المناحه دي…
ناهد
تخلي بالك من نفسك وطول الطريق تقرا قرآن..
حازم
حاضر يا ماما، المهم خلي بالك من نفسك ومن نيره…
ناهد
حاضر يا حبيبي..
_مشي حازم وقربت ناهد من نيره وقالت بغيظ..
ناهد
روحي بسرعه سلمي عليه قبل ما يمشي بدل ما انتي قاعده مدايقه كده..
نيره
انا هروح واللي يحصل يحصل بقي..
_نزلت نيره بسرعن ولحقته قبل ما يطلع عربيته وقالت..
نيره
حازم استني..
حازم
في حاجه ولا ايه؟..
نيره بتوتر
لا ما فيش انا جيت اسلم عليك واقولك خلي بالك من نفسك…
حازم
فيكي الخير والله..
نيره
ما تزعلش يا حازم لو سمحت انت اكتر واحد عارف نيره انت بالنسبالها ايه…
حازم
كنت عارف انما دلوقتي انا ما اعرفش اي حاجه عنك، وكانك مش انتي البنت اللي انا حبيتها وكبرت علي ايديا..
_خلص كلامه وطلع عربيته ومشي، وبعد شويه وصل للفريق بتاعه ومعتز كان هو القائد وقال..
معتز يجديه
دلوقتي هنتحرك علي طريق العريش الجديد، وهنوصل فيل معاد التسليم بساعه، جاهزين يا رجاله..
الكل بصوت واحد
جاهزين يا افندم..
وقف فهمي في مكان بعيد وطلع موبيله وقال
ايوه يا يوسف بيه هنتحرك دلوقتي، هنوصل بعد ساعتين وانا جاهز للي اتفقنا عليه…
_وبعد شويه وصل فعلا معتز والفريق بتاعه المكان اللي هيكون فيه التسليم، وقبل ما يدي الاوامر لفريقه لقي ضرب النار حواليهم من كل ناحيه…
معتز
علي الارض الكل علي الارض بسرعه واتحركوو..
حازم
احنا اتغفلنا يا معتز..
معتز
حازم خد النص بالظبط وانزل تحت البيت من الناحيه التانيه، وانا وفهمي هنكون في هنا والجاله حاولينا لازم نسيطر علي الوضع واول ما تامن المكان تحت اديني خبر عشان ننسحب فاهم..
حازم
تمام يا باشا..
_نزل الكل ووقف فهمي في ناحيه ومعتز في ناحيه تانيه والرجاله في كل مكان حد وكلهم متفرقين.. وقرب فهمي من معتز ووقف جنبيه وبصله وابتسم بسخريه….
معتز
انت هتتنحلي ما تضرب يا ابني اللي قدامك؟…
فهمي
بس انا مش عايز اموت رجالة فخري، انا عايز اخلص منك انت واخد مكانك وكل حاجه في حياتك زي ما اخدت مني ملك زمان..
معتز بعصبيه
وقت كلامك ده احنا في مهمه وبنتغفل وضرب النار علينا زي الرز من كل مكان..
فهمي
المهمه هتخلص بروحك يا معتز..
‌_وقبل معتز ما يرفع سلاحه ضربه فهمي بالطلقه في صدره ووقع معتز علي الارض سايح في دمه، وبعدين طلع موبيله وقال..
فهمي
ايوه يا يوسف بيه نفذت اللي انت طلبته مني وتقدر تقراله الفاتحه كمان..
يوسف
الله يرحمه كان طيب وكان حنين اووي لا وطموح يلا نفتكره بالخير بقي..
_وبعد شويه ضرب النار وقف وحازم فضل يدور علي معتز وهو ماسك سلاحه واتصدم لما لاقاه واقع علي الارض وسايح في دمه..فا جري عليه وقال بدموع وخوف….
حازم
معتز قوم يا صاحبي، انا قولتلك بلاش فهمي قووم يا معتز مش هتخلص هنا انا ماليش اخوات ولا صحاب غيرك قوووووم…
ــــــــــــــــــ
_في بيت فريده كانت مريم واقفه في المطبخ مع اياد وقالت…
مريم
يلا سمعني تاني لما هتشوف بابا هتقولو ايه؟..
اياد
هقوله انه وحشني خالص واني بحبه عشان هو حلو واني مش بكرهه..
مريم
وايه كمان يا لمض ما تعملش نفسك ناسي..
اياد بحزن
لا انا مش هكذب واقوله اني بحبه اكتر واحد عشان بحبك انتي وهو قد بعض وانتي اكتر بواحد سنتي كمان..
ضحكت مريم وباسته وقالت
ايه القمر ده يا حبيب مامي..
_وفجأه موبيلها رن وردت كان حازم وصوته منهار خالص…
مريم بقلق
في ايه يا حازم ما تخوفنيش؟..
حازم
……………..
_وقع الموبيل من ايد مريم ودموعها نزلت و؟…
_تفتكرو معتز حصله ايه وحازم قال ايه لمريم.؟…

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية اتجوزني عشان اربيله ابنه بس)