رواية طفلة أرهقت قلبي الفصل الثاني والعشرون 22 بقلم عائشة البشير

رواية طفلة أرهقت قلبي الفصل الثاني والعشرون 22 بقلم عائشة البشير

رواية طفلة أرهقت قلبي البارت الثاني والعشرون

رواية طفلة أرهقت قلبي الجزء الثاني والعشرون

رواية طفلة أرهقت قلبي الحلقة الثانية والعشرون

” يظنون ان کسرهم لنا سيهلكنا ،💔
و لكننا نصنع منه ما لا يتوقعون👌 ”
دنيا مانعرفش كم من الوقت خذيت وأني واقفه في مكاني ونحاول نستوعب اللي صار، مررت نظري وشفت نظرة الإستهزاء في عيونهم اللي خلتني غصبآ عني نستجمع قوتي اللي هما إستغربوها، وقدمت لعمتي اللي منهاره تعيط على الأرض ولاحد منهم فكر يقربها شني بيقولولها أحني اللي قهرناك احني اللي حرقنا قلبك على ولدك أحني اللي سعينا باش نأخذوه منك، في رأيي ماعندهمش مبرر لفعلتهم اللي بيها تعدو حدود الحقاره غادي
سندت عمتي ونوضتها معاي ولأنه ماعنديش مفتاح للحوش وعمتي قعدت شنطتها في السياره ماكنش قدامي إلا حوش عمي المبروك في هالوقت
بشير بغضب😠: وين ماشيه أنتي؟
دنيا، تلفتت بنص عين😒: أي لسان اللي مازال عندك باش تتكلم بيه بعد اللي درته وتتجرأ وتسألني حتى وين ماشيه، وقاحه عندكم يالطيف
مفتاح، بحده: أحترمي نفسك ياحيوانه أنتي فعلا لازمك تربايه
دنيا، بهزوه: ومني بيربيني مثلا أنت ولا أنت🤔، قالك فعلا الجمل مايشوفش لعوج رقبته شوفو صغاركم قبل وبعدين تعالو قارنو بيني وبينهم في التربيه
عادل، بحده: دنيا عيب هالكلام اللي تقولي فيه مهما كان هاذم عمامك راهو
دنيا، بضحكه😅: أي صح عمامي وأنت ولد عمي المرشح الأول لنيل جائزة إنجازاتهم اللي هيا أني طبعا، بس ياخساره تعبتو أرواحكم على الفاضي، وسندت عمتي بخوف😟 لما حسيتها راح إطيح من إيدي
قرب سامر وشد عمته من الجهه الثانيه، واللي هما خوتها ودمهم واحد واقفين يتفرجو ولا تحركلهم ساكن
دنيا، بحده: ياويلكم من ربي اللي راح نشكيكم ليه، وعد مش راح نقصر معاكم أبدا ومش راح ننسي اللي درتوه معاي بكل، ومشيت وخليتهم واقفين والكره معبي قلوبهم والجشع مالي عيونهم
بشير قدم لمفتاح، وبعصبيه😡: ليش ماشديتها مش قلت معاش بنخليها عند مصطفى، لازم تجبر سعاد أنها تتنازل لواحد مننا، بسكوتك هذا ماأستفدنا شي من اللي درناه
مفتاح، بغضب😠: ماشفتش أختك كيف صاير فيها مهما كان راهو ولدها توا أجله هالموضوع شويه، ومشي وهوا يزفر بغضب😤
فات الوقت والكل سمعو باللي صار وعمتي كل شويه تزيد تتعب أكثر معاش عرفت كيف نتصرف معاها، وحتى عمي المبروك مش موجود حرت كيف إندير لو خليتها هكي راح تموت بينا وأحني نتفرجو

 

 

 

فوزيه، بتوتر: تليفون محمد مقفل إن شاءالله خير يارب، وطبست على سعاد، وبحزن😔: تسمعي فيا ياسعيده ردي عليا هزي حتى برأسك شني تحسي!!
بس لاحياة لمن تنادي
أيه، بضيق: ليش مرت عمي فاطمه ماكلمتش عمي ولا واحد من ولادها يجي يرفعها مش شافتها مريضه، دارت دوره وطلعت
سنيه، بغضب😠: تي هاذي ماتنحسبش على النساوين أصلا جايه تقصقص بالك تحصل كلمه تدوي بيها ما همها في حد
سرور، بخوف😟: نمشي نكلم عمي مفتاح ولا عادل يجو يرفعوها
دنيا، بسرعه: لا أني توا نتصرف خذيت تليفوني وطلعت من جنبهم، كلمت خالتي ودقائق وكانت هيا ومؤيد قدام الحوش، طلعنا عمتي وأحني كلنا نكركرو فيها، طلعت من حوش عمي اللي خشتله على رجليها زي الجثه، ولحظات مع سرعة مؤيد وصلنا لأقرب عياده
^^^^^^^^^^^^^^^^^^^^^^^^^^^^^^^
بعد العصر في مركز الشرطه
طلع مصطفي ومحمد وهما علامات الخيبه على وجوههم لما ماقدروش يديرو شي ويطلعو حسام معاهم
محمد شاف لمصطفي اللي تعبان وواضح الإنكسار في عيونه وبضيق: هونها وتهون ياعمي حسام راجل ماينخافش عليه، وبعدين حاس أنه الحبس أحسنله هالفتره صدقني لو قعد برا مش راح يديرو فيه طيب وعسى أن تكرهو شيئا وهوا خيرا لكم، ماتعرفش ربما ضرة نافعه
مصطفي، بضيق: والنعم بالله، مش عارف شني بنقول لعمتك بس
محمد، بتوتر: مش لازم تقوللها على الحكم لين نشوفو شني يصير قبل توا نمشو نشوفو محامي
مصطفي ومحمد ركبو في السياره، حط محمد تليفونه في الشحن وأول مافتحه جوها مكالمات فائته، رن على أمه وولع وطلع
محمد، بضيق: نعم ياأمي، ماصار شي إن شاء الله خير، وبصدمه😯: كيف!! وين هما توا!! باهي باهي توا إنشوفها سكري هيا
مصطفي، بقلق: شني صاير يامحمد!!
محمد، بتوتر: إن شاءالله خير ياعمي، وأتصل بدنيا، وبخوف😟: وين أنتم؟ تمام أهو جايين، ولف بسرعه للإتجاه الثاني
^^^^^^^^^^^^^^^^^^^^^^^^^^^^^^^

 

 

 

بعد مرور 5 أيام
الظهر في حوش المبروك اللي كيف روح من مصر ومحمد قاعد يحكيله في اللي صار
المبروك، بصدمه😯: كيف هذا كله صار ومافيش حد فيكم قالي
فوزيه، بأسف😔: كيف تبينا نقولولك وأنت بعيد شني قدرك أدير وأنت غاذي
المبروك، بضيق: وشني هالتقارير اللي قدمهم عادل باش حبس حسام
محمد: في كل مره يضربه حسام يمشي للعياده ويدير في تقرير بالضرب والإعتداء وفيه واحد لعمي بشير وواحد لسعد، وطلع الضابط اللي صدر مذكرة الإعتقال لحسام خاله حمد، يعني لاعبها صح
المبروك، بإستغراب🤔: متأكد عادل هكي دار تي شني جاه هبل فجأه ولاكيف!! وخيره بوه مامنعه
محمد، بغضب😠: أصلا حتى عمي عاجبه اللي داره وشكله هوا اللي مسانده في كل شي
المبروك هز رأسه بأسف: لا حول ولاقوة الابالله العلي العظيم
فوزيه، بضيق: شني صار في موضوع محمد اللي مشيت على خاطره
المبروك: لا الأمور هانيه خلاص كلمتهم وتفاهمت معاهم، أصلا ليش قعدت هالوقت هذا كله كانت عندهم حالة وفاة ولد عم بوهم في البيضاء إستنيتهم لين روحو إمبارح لبنغازي وتلاقيت معاهم وهدرزنا وفهمتهم كل شي، وتلفت لمحمد اللي أبتسم من كلام بوه، وبحده: وأنت بدل ماتوزعلي في إبتساماتك أفتح دماغك كويس وشوف مني اللي يلعب معاك وينقل في كل شي عليك
محمد نزل رأسه بضيق، وهوا أصلا هالموضوع في باله إلا أنه اللي صار الفتره الأخيرة شغله شويه
طلعت أيه من المطبخ بسفرة الشاهي حطتها قدامهم وقبل ماتقعمز طق الباب
أيه، بإبتسامه: هذي أكيده دنيا روحت خلي نفتحلها، وتوجهت للباب
دنيا، بإبتسامه: السلام عليكم، وتوترت لما شفت عمي قدمت وسلمت عليه: الحمدلله على السلامه
المبروك: الله إيسلمك كيف حالك يابنتي؟
دنيا: الحمدلله
المبروك: كيف حال عمتك؟ وين قاعده في الحوش هيا خلي إنطق فيها
دنيا قعدت نمرر في نظري على محمد ومرت عمي اللي نزلو رؤسهم بأسف، وبتوتر: عمتي في مصر
المبروك، بإستغراب: وعلاش شني إدير غادي!! وأمتى مشت؟
دنيا تنهدت بحزن وقعدت ساكته
محمد، بضيق: ماهو عمتي تعبت بعد اللي صار وجتها جلطه على الرأس، وعمي مصطفي طلع بيها لمصر من أول ليله
المبروك، بصدمه: جلطه!! وليش ماقتليش إلا توا!! وكيف حالها باهي؟
فوزيه، بحزن😔: كلمت سندس الصبح قالت قاعده على حالها حاطينها تحت المراقبه في المستشفى
المبروك، زفر بغضب😤: أستغفر الله العظيم كان قولتولي راهو مشيتلها من غاذي
محمد: واللهي يابوي تفركسنا صارت فينا حاله واحد معاش عنده دماغ يفكر
المبروك: ترا كلم صاحبك شوفلي أمتي الرحله الجايه لمصر ولا حتى بنغازي كان مصر مافيش قريبه
محمد هز رأسه وطلع بيدير تليفون
المبروك، بتساؤل: البنات وين إمالا؟

 

 

 

فوزيه، بإبتسامه: سرور في المدرسه توا قريب تروح وسنيه في الجامعه سلامتها
دنيا، بتوتر: عمي أني كنت نبي نمشي لخالتي بس محمد ومرت عمي قالولي لين يروح عمك وتفاهمي معاه
المبروك، بضيق: وليش بتمشي لخالتك مش مرتاحه إهنايا ولا كيف!!
فوزيه، بإبتسامه😊: قعمزي ورأس بنيتي أهو قاعده مع البنات تتسايري أنتي وياهم، وأحني خذينا عليك، وحتى عمك مصطفي يمشي ويوصي في محمد ويقوله راهي في أمانتكم
دنيا نزلت رأسي بأسف😞: بس أني مانبيش إنديرلكم مشاكل وإنسببلكم في خلاف مع عمامي
المبروك، بضيق: مشاكل شني الله يهديك يابنتي لو على عمامك ماتخافيش ماحد يقدر ولا يتجرأ يوصل فيك مادامك في حوشي، مش عارف موضوع الصور اللي طالعلنا في كل مره هذا لاحول ولاقوة الابالله العلي العظيم
دنيا رفعت رأسي بثقه: أني ياعمي مش هامني لا الصور ولا غيرهم أني عارفه روحي شني وواثقه من نفسي أني مادرتش غلط أو عيب، بس خاطري نعرف شي واحد شني يبو مني شني اللي يخليهم يحقدو عليا لهالدرجه بس ويضرو الناس اللي حموني، رغم أنه هما اللي المفروض يتعذب ضميرهم باللي داروه مش أني، بس أحساسي بالذنب بيقتلني لأني كنت السبب في اللي صار لعمتي وحسام تشردو بسببي وهما ماليهمش أي ذنب ضروهم من غير سبب ياعمي ومن غير حتى ماتتحرك ذرة ضمير واحده من قلوبهم، نزلو دموعي😢 وأني نشوف لإيديا بحزن: أني اللي سندت عمتي اللي شبه ميته بإيديا هاذم وهما واقفين يتفرجو علينا بهزوه ولا حد تحرك منهم
فوزيه، بحزن😔: والله كان مش من ولد ناجيه بارك الله فيه جي ورفعها للعياده راهي ماتت وهيا بينا وماقدرنا إنديرولها شي
المبروك، بعصبيه: هاذم أكيد هبلو كيف يديرو هكي كيف
فوزيه، بأسف: والله بشير متعودين عليه ديما جاحد وجابد روحه لكن إنصدمنا في مفتاح الحق حتى بعد سمع بسعاد لاجي ولا سأل عليها، قيسه حتى الكلام بالتليفون ماأتصلتو وأطمنو على أختهم
دنيا مسحت دموعي، وبضيق: باش بيقابلو بعد اللي داروه، مازال عندهم عين ولا صحة وجه باش يجو ولا يسألو، حسبي الله ونعم الوكيل فيهم، ونضت خشيت للدار
المبروك نزل رأسه بأسف من عمايل خوته ورأيهم اللي كان رأيه حتى هوا لولا اللي صار معا محمد وتزوج وأحمد اللي أطر يبعده لعمايله راهو حتى هوا كان زيه زيهم وينافس على بنت خوه لواحد من ولاده، تنهد بضيق وقام عيونه لمحمد اللي خش
محمد: قالي فيه رحله نفسها اللي روحت فيها بعد ساعتين راجعه لبنغازي أما مصر لبعد غذوه
المبروك خلاص كلمه وقوله احجزي في متاع بنغازي ووقف خلي نخش إندوش وتلفت لفوزيه وتيلي شنطتي على السريع
ناضت فوزيه بسرعه وهيا تقول حاضر
المبروك تلفت لمحمد اللي أتصل بصاحبه باش يحجز لبوه، استنه لين كمل، وبضيق: وحسام شني صار فيه توا؟؟
محمد،بضيق: واللهي قبل بنوكلوله محامي لكن بعد اللي صار في عمتي، عمي مصطفي غير رأيه قالي خليه في الحبس أفضله لأنه مش راح يهني روحه خاف عليه يدير كارثه لو طلع وشاف أمه بهالحاله والسبب خواله إحتمال يقتل حد فيهم من غير مايفكر
المبروك زفر بضيق: يستر الله وخلاص، ترا كلملي مصطفي خلي نأخذ مكانهم وأكتبهولي في ورقه
محمد أتصل ومد التليفون لبوه
المبروك رجع قعمز أهلين يامصطفي هذا أني المبروك مش محمد كيف حال سعاد توا لاحول ولاقوة الابالله العلي العظيم ربي يشفيها إن شاءالله، واللهي كيف وصلت وسمعت وساعتين راجع لبنغازي جايكم من غاذي عن طريق البر إن شاءالله، إثبات هويه لدنيا!! علاش!! باهي توا إنشوف، ماتوصي شي أنت!! باهي تمام إمالا أهو معاك محمد أعطيه عنوانكم بالضبط، مد لمحمد التليفون وناض وهوا مستغرب في طلب مصطفي في هالوقت
^^^^^^^^^^^^^^^^^^^^^^^^^^^^^^^
بعد شهر في مصر، إستأجر حاتم حوش بعد ماجو بوه وأمه لمصر باش يقدرو يأخذو راحتهم أكثر جنب حوش نسيبه خالد اللي هوا راجل سندس
تحسنت حالة سعاد شويه بس قاعده لاتتحرك ولا حتي تتكلم، بس الدكتور عطاها خروج وطمنهم أنه مع الإستمرار في العلاج وتحسن حالتها النفسيه تتحسن صحتها تدريجيا إن شاءالله
المبروك، بإبتسامه: لا الحمدلله وجهك ناير اليوم ماشاء الله
سعاد أبتسمت وهيا تهز في رأسها
حاتم: ياريتك زدت قعدت معانا ياخالي
المبروك، بإبتسامه: لا هوا هذاك ليا شهر راهو، إن شاءالله فتره ونزوركم نطمن على سعاد، ولا بتروحو أنتم يامصطفي؟؟
مصطفي، بنفي: الفتره هذي كلها لا، لين تتحسن أختك شويه وترتاح حتى نفسيتها من الضغط اللي عشناه
حاتم، بضيق: واللهي تأخذو رأيي يابوي معاذ تروحو غاذي بكل مني مازال عندكم أصلا، ووطي صوته وهوا يقول: وحتى حسام يطلع يجي إهنايا ويلوح عليه هالمشاكل والنشاف
مصطفي، بضيق: مش وقته هالكلام توا، وشاف لسعاد اللي خذاها النوم، وبأمر: نوض ياحاتم خف روحك مادامه أمك راقده وقبل ماتجي أختك خلي نكملو هالموضوع قبل مايروح خالك
ناض حاتم وشويه ورجع معاه اللي يبيه بوه
المبروك: متأكد يامصطفي سعاد ماتضايقش لما تعرف كيف نغافلوها هكي
مصطفي: هذا اللي لازم يصير ماتشوفش في الحاله اللي احني فيها، بس رد بالك حد يعرف باللي راح يصير، وأني أعطيني إيامات بس ونبعتلك توكيل وأنت كمل كل شي خلينا ننهو هالموضوع بأسرع وقت
المبروك هز رأسه وهوا يقول: إن شاءالله ربي يسخر
^^^^^^^^^^^^^^^^^^^^^^^^^^^^^^^

 

 

 

دنيا فات شهر وإسبوع من أخر مره شفته وسمعت صوته، مانعرفش كيف عايش!! ولا شني صاير فيه غاذي!!، اليوم بس حصل محمد موعد لزيارته،
غيابه كاسرني وحالة عمتي اللي قاعده هكي وأحساسي بالذنب مدمرلي نفسيتي، مضايقه وكاتمه في قلبي وساكته ونتصنع في القوه ومضطره للظهور في أقوي حالاتي قدام الكل بس منهاره كليا من داخلي، كل ليله نرقد وأني إيدي على قلبي والدمعه في عيني تعبت من الوجع اللي نحس فيه يخترق في صدري بقوه والتفكير اللي أرهق عقلي، بدت الأيام تمر من غير معنى،وأني مش عارفه لأمتي بنقدر نواجه ونصبر ونتحمل نزلت دمعتي ومسحتها بسرعه
أصعب شعور لما إدمع عيونك فجأه على شي مكتوم بداخلك… وبسرعه تمسح دموعك على أساس أنك قوي… والله هذا الشعور يشبه الموت
وتقدرو تقولو أنه تعددت مرات موتي من بعده، واللي قتلوني ماسدهمش اللي داروه فيا لا أستمرو أكثر وأكثر، وأنتشر موضوع الصور اللي أني بروحي مانعرفش محتواهم، والناس كلها سمعت طبعا بفضل فاطمه مرت عمي، مش عارفه شني اللي تحاول توصله وهيا طالعه من حوش خاشه للثاني وهيا تقول في نفس الكلام ماتعرفش أنه اللي إدير فيه يخلي الناس تهزأ عليها حتى هيا، وكثر الكلام والدوه الفاضيه وماغابيكم عاد في مجتمعنا كيف ساهل فيه تكبير المواضيع، تنهدت بضيق وأني نسمع في الباب يطق: تفضلي
أيه خشت وسكرت الباب، وبإستغراب🤔: نحسابوك راقده قاعده، خيرك ماطلعتيش علاش قاعده بروحك
دنيا، تنهدت بحزن😔: منين بيجيني النوم باللهي من الراحه اللي أني فيها!!
أيه، بإبتسامه😊: ماكنتش نعرفك ضعيفه هكي يادنيا معقوله تستسلمي بالسهوله هذي، ماتكونيش إنهزاميه هكي وين كلامك اللي كنتي تقوليلي فيه وتشجعي فيا بيه، وريهم أنه مافيش شي يأثر فيك خليهم ينقهرو لما يشوفوك عايشه حياتك ومش معدله عليهم
دنيا، بدموع😢: موجوعه ياأيه في كل مره نقول قلبي راح يوقف من الوجع اللي نحس فيه ومافيش حد معدل ولاهمه، كل مره يزيدوني أكثر
أيه: وجعك اللي مافيش حد ألتفتله أو همه، هوا تحت رعاية الله ليش تعذبي في روحك مادامه عندك رب يقول للشي كن فيكن قادر يغير حزنك وهمك لفرح وسعاده في لحظات، قادر على كل شي سبحانه وتعالى
دنيا تنهدت من قلب: والنعم بالله
أيه، بإبتسامه😊: دنيا حبيبتي تمسكي بربك وخلي ثقتك بالله قويه، العبد زي ماتشوفي فيه قدامك مره يمشي ومره يجي راهو مافيش حد يقدر يضرك أو ينفعك إلا بمشيئة الله
دنيا، بحزن😔: أني من قبل أصلا واخذه على غياب الناس من جنبي مقتنعه بفكرة أنه أني بروحي ومافيش غير ربي معاي، بس هوا غير كل شي ياأيه خلاني نتعلق بيه لدرجه نفكر أنه لو راح مني راحت روحي كلها، على فكره حسام بالنسبه ليا مش حب زي مالكل يفكرو، هوا الحياه اللي إحلوت بعد ماطلع فيها، هوا الأمل اللي كنت فاقدته، السند اللي كنت بحاجه ليه هوا كل شي ياأيه هوا كل شي، وحطيت إيديا على وجهي وقعدت نبكي😭
” ربما يكون شخصًا عاديا بالنسبةِ لكم..
أما بالنسبة لي..!
هو رسالة إعتذار من الحياةِ لي..

 

 

 

هو نجمٌ في عتمتي.. هو ضوء صباحي ونور عيوني… ولكن لم يعجبهم فرحي ف أبعدوه عني💔😔”
أيه قربت وقعدت إطبطب على كتف دنيا بحنان: أبكي حبيبتي الدموع مش عيب تريحك وتزيح من ثقل قلبك شويه، بس خليك على ثقه أنه الشده يجي يوم وتزول وتنفرج والعبد نفسه يستغرب من إنفراجها بطريقه ماعمره تصورها
قعدت دقايق وهيا تواسي فيها وقالت بضحكه😅: شني هالخزان اللي فتحتيه معاش بيكمل شوره، هيا نوضي ياحلوه أغسلي وجهك وصلي ركعتين قبل العصر، وتعاليلي في المطبخ بنجربو نوع حلو باش نستعدو كويس معاش وقت راهو
دنيا إبتسمت وأني نهز في رأسي هالبنت عندها طاقه إيجابية غير عاديه تحسها من كثرتها لين تفرق فيها على الناس مع إبتسامتها، أبتسمت: ماكلمكش محمد؟؟
أيه: لا لا ماهو قالك مايخلوش فيهم يدخلو في تليفونات معاهم لين يطلع توا يكلمنا، ولا شويه وتوا أني نرن عليه نشوفه، هيا نستني فيك راهو، وفتحت الباب وطلعت
دنيا نضت توضيت وتوجهت لله الواحد الأحد، وسجدت سجده طويله نفست بيها عن كل اللي في قلبي، والسجده اللي يحضر فيها قلبك ماترفعش رأسك منها حتى تسد جوعك
سلمت ومسحت دموعي اللي نزلو من غير إرداه مني، ورفعت إيديا (يارب راضيه بحكمك وقضائك وشاهد عليا أني صابره على إبتلائك، ياربي قويني على اللي جاي وثبتني على طريقك، اللهم ماأجعلني بك أتجاوز كل شي، اللهم أنزل الراحه والسكينة على قلبي، واكفني شر من أراد بي سوء وأبعد عني كل أذى، وأحفظ لي روحا ليس لحياتي معنى من غيره، )
” كم هو مريح للقلب استشعار وجود الله معنا في كل دربٍ نسلكه، وفي كل وجهة نمضي إليها، هذا القُرب يغنينا عن كل شيء، يغمرنا بالأمان إذا هبّت رياح الخوف، يمدّنا بالطمأنينة إذا استبدّ القلق، يسندنا إذا مال بنا الزمان، يقوّينا إذا أنهكتنا الأيام، ويغشانا دومًا بالسكينة والسلام ”
حولت ثوب الصلاه وطلعت لقيت أيه والبنات ومرت عمي في المطبخ كل واحده إدير في حاجه
فوزيه، بضحكه😁: وآلله نشطينا يادنيا كلنا بهالمشروع، لقينا باش نشغلو أرواحنا
سرور، بحماس: تعالي يادنيا اليوم واحده من صاحباتي تهدرز على طريقة شكلاطه منزليه قلت واللهي لما نجربها بالك تصدف معاي
دنيا، بإبتسامه😊: غير أكتبو المقادير بالضبط باش كان في حاجه جت كويسه تقعد مقاديرها محفوظه وماتنسوهاش
سنيه: خديجه المالطيه ياأمي اللي تبيع في التوابل عرفت مكانها من واحده معاي في الجامعه، وتلفتت لدنيا: تعرفي توابلها حاجه مش عاديه خذيت رقمها باش نكلموها
دنيا جبدت كرسي وقعمزت، وبإبتسامة😊: والله ماني عارفه كيف نكافيكم على وقفتكم معاي وتشجيعكم ليا
أيه: ماعندك علاش تشكري فينا حبيبتي أحني ماصدقنا لقينا فرصه باش نطلعو مواهبنا المدفونه
سنيه بنص عين😒: انتي إمالا مدفونه طلعتي تعرفي البلي والسخط غير أمتي تعلمتيه هذا كله؟
فوزيه، برفعة حاجب🤨: وأحني اللي كنا نضحكو عليها لما كانت صغيره ونقولو لحنان هذي بنتك حطوها في كلية الشرطه على ماديمه لعبها وحركاتها كيف الولاد، ولا مره خشت مع أمها للكوجينه لين خشت للكليه تأكل وتوخر التالي كيف العزري بالضبط
أيه، بضحكه😁: حييييي عليا غير ردو بالكم تقولو هكي قدام محمد الراجل يطفش ويسيبني
سنيه، ضحكت: تي هوا اللي معلمك على إيديه وعارفك أكثر مننا أحني، ولانسيتي راجلك الشرطي ياحنه اللي ماتبيش غيره، أهو إدبس فيك شورك شيخه يابنت بركاتك😂
” الله قادر على أن يبدل حالك بأفضل حال فقط قل يارب “🤍
^^^^^^^^^^^^^^^^^^^^^^^^^^^^^^^
في مكان ثاني وتحديدا في صالة الزياره لأحدى السجون
حسام، بضيق: ال 8 شهور ولو سنه
محمد، بصدمه😯: كيف!! شني درت
حسام زفر بضيق: قاعد شهر مع المجارم كيف تبيني إندير لازم نولي زيهم باش نقدر نعيش بينهم
محمد، بغضب😠: أحني قلنا توا تعقل وتفك روحك من المشاكل نلقاك زايد أكثر، وأني نقول ليش كل إسبوع إنجي ويقولولي مافيش زياره تاريتك مكبرها ماشاء الله، تي تحكم في تصرفاتك وأضبط روحك ياحسام خيرلك راهو أنت الخاسر ليش أطول عليك في المده وتزيد تعذب في روحك أكثر
حسام هز رأسه: هذا اللي صار، وبلهفه: غير قولي هيا كيف حالها!!
محمد، زفر بملل: هذي قريب عاشر مره من لما قعمزت تسألني عليها واللهي كويسه الحمدلله ماشيه أمورها ماتخافش عليها في الحفظ والصون لين تطلعلها
حسام أبتسم: وبوي وأمي شني جوهم خيره بوي ماجاش معاك، كيف مادارليش محامي
محمد، بتوتر: كويسيين ماهو قلت مرات مايخلوناش نخشو زي الأسابيع اللي فاتو مابيتش إنقوله قلت خلي نجرب حظي أني قبل، الزياره الثانيه يجيك بإذن الله، وحك رأسه بتوتر وبضحكه: قال خليه يتربي ويرتاح من المشاكل مايحسابكش فاتح جبهه حتى أهنايا😅
حسام نزل رأسه بأسف😞: تسهوك تسهوك، قوله قالك كان تبيني نرتاح من المشاكل راكم درتولي اللي نبيه، قولي مافيش حد أتعدي عليهم من بعدي
محمد، بضيق: هونها وتهون ياراجل خيرك الحبس للتريس، ماتخافش الجماعه كلها مهفته من بعدك
حسام: والكلب هذاكا معاش دار شي
محمد: مني قصدك عادل!!، لا لا على حسب ماسمعت أنه يتقاضي فيه بكري بكري، تاكها هوا وواحد من المليشيات الأيام اللي فاتو
حسام، بإستغراب🤔: علاش كيف صار؟
محمد: واللهي ماني عارف كأنك عليا أني لاشفته ولا نتبع في أخباره، سمعت طراطيش كلام من سناء أختي راهو، قالت خشوله للمحل بيأخذو حاجات ومايبوش يخلصو وعادل طول معاهم بالكلام وتعاركو شورهم والأيام اللي فاتو قالو شادينها في جرته مرات حتى يسيبه المحل بكل، ماتخافش مازال يتلقى أكثر
حسام، بغيض: كأنك عليا أني إن شاءالله تطربق فوق رأسه من كل جهه، الله يلعن هذاكم الأيام اللي كنت نهز في رأسي ومعمى على عيوني ومصاحبه خزي طلع تافه
محمد زفر بضيق: من قال عادل يطلع هكي الزفت، سبحان الله وخلاص
حسام هز رأسه، وأبتسم: دنيا شني جوها!!
محمد صفق إيديه في بعضهم، وبضحكه😅: يادي دنيا اللي داهبتلك شيرتك حتى أهني قلنا كويسه كويسه جففتلي ريقي الزفت
حسام، بضحكه: خلاص اسكت الناس كلها تشبحلك، شني صار في
محمد ماشيه أموره توا بعد مانطلع منك بنمشي إندير دوره خليت العمال يركبو في الأفران، وحاجز في العجانات على أساس بيوصلو اليوم حتى هما بس قاعد ماكلمنيش الراجل
حسام، بإبتسامه: باهي كويس على خير إن شاءالله، تعبناك معانا سامحنا

 

 

 

محمد، بغمزه😉: شني سامحنا هاذي السماح في الهاني، كل شي بحسابه يابابا ولا تحساب روحك بتشحورني بلوشي لا ماتعباش
حسام، وقف لما رن جرس إنتهاء الزياره، وبإبتسامة: خزي بارد غير نطلعلك بس توا نوريهولك الهاني شني هوا، وقدم بيسلم عليه، وبرجاء: باللهي رد بالك منها يامحمد هنيني عليها
محمد: ماتخافش في عيوني😉
حسام، بغيض: والنبي أطلع من قدامي خيرك مانخربلك وجهك
محمد، بإبتسامه😊: تي نبصر ياراجل حاضر ولايهمك كون هاني من ناحيتها ماتخممش، جبتلك شوية حاجات توا يدخلهولك والجماعه باعتيلك كيكه وشوية حركات تشوف بيهم روحك😉، هيا سلام وأشرله بإيده ومشي
^^^^^^^^^^^^^^^^^^^^^^^^^^^^^^^
بعد المغرب في حوش مفتاح
علا ماشيه جايه في الدار بتوتر وتتصل بعبير اللي ليه ساعتين تليفونها يعطي مقفل، وبغضب: وينك يامصيبه لتوا وينك، الله يلعنك انتي واللي يدرق عليك
سالمه تنادي: علا ياعلا تعالي يابنت
علا طلعت من الدار وهيا مرتبكه ومتوتره ومش عارفه شني تقول لو سألوها على أختها اللي المفروض مروحه من العصر، وبتوتر: نعم ياأمي
سالمه: خيركم عاقلين في الدار وعشاكم منو بيه
علا، بتوتر: باهي توا إنديره، قتلك ياأمي عبير كلمتني وقالت البنت اللي تمسك بعدها صارلها ظرف وماقدرتش تجي وعبير بتشد بدلها معناها بتعطل شويه
سالمه بشهقه😱: هييييي وإن شاءالله هيا لتوا قاعده ماروحتش، وأني اللي نحسابها روحت وراقده، نهارك أسود أنتي وياها كان يروح بوك ومايلقهاش ولا يتلاقى معاها كيف مروحه شني يفكنا منه بعدين
علا، بخوف😟: وأني شني دخلي هيا اللي عطلت مالياش علاقه بيها
سالمه: أني مش متريحتلها من لما دارت هالباص اللي يرفع ويجيب وهيا كل يوم طالعه بحاجه، مره الباص عطل عليها، ومره العجله إنطبقت، ومره تلخبط في الطريق، بري كلميها وقوليلها تروح توا فيسع شني دخلها هيا باللي تجي واللي ماتجيش بري قبل مايروح بوك وعادل
علا خشت وهيا ترعش من الخوف عاودت أتصلت بيها ويعطي نفس الشي مقفل، قعمزت وهيا تندب في خدودها بصمت لما إذكرت لما سمعتها الصبح تتكلم
( عبير بصوت واطي: خلاص أهو طالعه من الحوش، خليك واقف قدام العياده، لا لا ساعه بس زي قبل، هههه باهي خلاص نتفاهمو بعدين)
علا، شدت التليفون وزادت عاودتلها بس من غير نتيجه، قررت تطلع وتخلي روحها عاديه قدام أمها باش ماتشكش في شي
^^^^^^^^^^^^^^^^^^^^^^^^^^^^^^^
في مكان ثاني
حسن جبد نفس من الأرقيله، وبضيق: وشني قصتها هاذي اللي مرقدهالي الداخل من الصبح، راهي تطلع ميته وتحصلنا فيها
هشام جبد منه الأرقيله، وبهزوه: لا الشكالات هذي ماتموتش عمرها طويل ماتخافش، تعرف مني هذي
حسن، بنص عين: مني بتكون يعني وحده فاجره وبنت🤬، نوض روح بالبلي وفكنا من المشاكل
هشام غير خيرك تعيط علينا الزفت، هذا أني اللي نفكر فيك وفي مصلحتك وجبدتهالك باش تأخذ حقك من أحمد اللي خذي بضاعتك وضحك عليك وهرب بيها
حسن، بصدمه😯: كيف وأنت منين عرفت بهالموضوع وشني دخلها المصيبه اللي الداخل بأحمد

 

 

 

هشام، بنص عين😒: كنت إمدرق عليا وماتبينيش نسمع بالموضوع وله، بس خليل قالي ووجعتني الحق ومارضيتهاش فيك واحد زي أحمد يضحك عليك أنت ويختفي، والمصيبه على قولتك ياأخته ياأما بنت عمه، تسكن في نفس الحوازه ولقبها نفس لقبه، بس هوا شني أسم بوه أحمد باش نتأكدو منها
حسن، بضيق: وشني عرفني ببوه أني، أسمعني عرفني مانحبش إندخل المواضيع في بعضها اللي داره أحمد يتحاسب عليه بروحه ماليشي علاقه لا بأخته ولا ببنت عمه فاهم، وبعدين من قالك نبي نحاسبه أني المهم عندي أنه خلصني من البضاعه وماشدو عليا شي الفلوس أخر همي، نوض تحرك روح بيها ومرة ثانيه ماتجيبش الأشكال هذي لإستراحتي وألعب بعيد عليا
هشام، بغيض: الحق مش فيك صدق اللي قال خيرا تعمل شرا تلقى، ماعنديش وين نرفعها توا عاطيها منوم ماتنوضش عليه لغذوه الصبح، توا الصبح نلوحها قدام حوشهم وكان مازال شفت وجهي إدفل عليا
حسن، بغضب: بالناقص منك ومن أشكالك، اللي بيجيبلي المشاكل مايلزمنيش أني مروح وراجع الصبح لو نلقاك انت ولا هيا مايصيرش خير بكل، ووقف وطلع وقربع الباب
هشام، بعصبيه: مشيه من غير جيه إن شاءالله، وحتى أني حمار والباقي شني دخلني فيه يضحكو عليه ولايقتلوه حتى القتل بكل، إتكا وهوا يجبد في الأرقيله ويزفر في الدخان بدم بارد
^^^^^^^^^^^^^^^^^^^^^^^^^^^^^^^
ثاني يوم الصبح
دنيا، بإبتسامه: صباح الخير يامحمد، كيف حالك اليوم؟
محمد: صباح النور الحمدلله
دنيا، بسرعه: شني صار أمس!! روحت مؤخر إمبارح ماقدرتش إنكلمك
محمد: أي حق تأخرت شويه باش إستلمت البضاعه وستفتها في مكانها، وأبتسم: ماصار إلا كل خير مش قالتلك أيه ولا لا كلمتها اول ماطلعت باش إطمنك
دنيا: أي قالتلي بس نبي نسمع منك أنت اللي شفته، كيف حاله شني إمداير !!
محمد، بإبتسامه😊: حاله كويس الحمدلله وينشد ويسلم عليك هلبا، ماشيه أموره مرتاح مفوتها نوم وخلاص
دنيا نزلت رأسي بأسف😞: حسبي الله ونعم الوكيل في اللي كان السبب، وسكتت وأني نشوف في مرت عمي طالعه من المطبخ ووراها أيه بسفرة الفطور
محمد تنهد بضيق، وتلفت لأمه: اليوم بوي مروح يوصل على العصر بإذن الله
فوزيه، أبتسمت: باهي يوصل بالسلامة ان شاء الله
أيه، بتساؤل: بيروح على بنغازي؟
محمد، بإبتسامه: أي زي مامشي وماتخافيش قتله يخطم باش يجيب إفادتك معاه
فوزيه: بتحطلها أوراقها قصدك!!
محمد: أي إن شاءالله بإذن الله، خلي تستفيد حتى سنوات خبره على الأقل
أيه أبتسمت ونزلت رأسها
سرور طلعت من الدار: صباح الخير
الكل: صباح النور
سرور قعمزت، وبملل: سنيه عندها ال 11 باش تنوضيها شويه ثانيه ياأمي
دنيا وقفت: هيا بسلامتكم توا
فوزيه: أفطري يابنيتي مازال الوقت
دنيا: لا خلاص أهي قهوتي في إيدي، وهيا تأشر على الكوب الحراري اللي في إيدها
سرور، بهزوه: ماخذيتيش عليها ياأمي الصبح تأخذ في قهوه بس على الخوا😏
محمد، بنص عين😒: إمالا زيك أنتي ياهايشه اللي تمسحي في السفره من صبح ربي تقول عليك سنه مش ذايقه مأكله
سرور قلبت عيونها وتلفتت للجهه الثانيه وماردتش عليه
أيه، بإبتسامه😊: بري يادنيا في أمان الله
دنيا أشرتلهم بإيدي👋 وطلعت، من لما طلعت من الباب وأني نسمع في صوت عياط، كذبت روحي بس كل مانقدم يزيد الصوت أكثر، فتحت الباب الرئيسي، وتفاجأت بعيلة عمي مفتاح كلهم برا حتى من عصام وعامر، ومرت عمي تندب وتعيط هيا وعلاء، خشيت نجري وأني مش فاهمه شي قعدت نقربع على الباب بقوه
فز محمد بسرعه على صوت التقربيع والكل ناضو وراه، فتح الباب، وبخوف😟: خيرك يادنيا شني فيه!!
دنيا، بتوتر: عياط عياط في حوش عمي مفتاح يامحمد وكلهم برا
طلعو الكل يتجارو والخوف مسيطر عليهم، وتفاجئو باللي شافوه، وجوه عصام وعامر ومفتاح سوده وماتتفسرش وكأنه حلت عليهم مصيبه جمدت الدم في عروقهم، وعلا وسالمه اللي يندبو ويعيطو والتراب اللي يكتحو فيه غطا الرؤيه من حولهم، وعادل منفرد في تركينه بروحه مقربز ومنزل رأسه مابين رجليه وشاده بإيديه
محمد، بخوف😟: شني فيه ياعمي إن شاءالله خير
فوزيه وأيه وسرور قربو لعلا وسالمه ويحاولو يقيموهم من التراب اللي يكتحو فيه
دنيا قعدت واقفه بعيد لاعرفت نقدم ولا نؤخر مش عارفه هل خوفي وتوتري من المنظر اللي شفته شل حركتي ولا كرهي وقلبي اللي معبي من ناحيتهم وقف حاجز بيني وبينهم، رغم بعدي إلا أنه الجمله اللي قالها عمي وإنهار على الأرض بعدها وصلت لوذني
مفتاح بحزن😔: إنا لله وإنا اليه راجعون عبير عطاتك عمرها🖤
اللهم مالا شماته بس ها قد حان العدل الإلهي🤍🤍

 

 

 

يَراك وأنت تُحارب كُلّ ما حولك بإيمانك العظيم أنّه لن يخيّب آمالك، يَراك وأنت تصمُد بدُعائك وإصرارك بالرُغم عن كُلّ شيءٍ واجهك ومازال يُواجهك، يَراك وأنت تستيقظ كُلّ يَوم مؤمنًا بأن الله إن كان معك فمن سيَكون عليك، أما زِلت لست مُطمئنًا وأمرك بين يدي الرحمن الرحيم؟! 🖤
بعد شهر اليوم موعد الزياره لحسام
حسام، بصدمه😯: لاحول ولاقوة الابالله إنا لله وإنا اليه راجعون، كيف ماتت!!
محمد، بأسف😞: الله أعلم الحق ماتفهم شي قالو طالعه من العياده خبطتها سياره، لكن الغريب من العصر قعدو لثاني يوم الصبح باش عرفو، مادامها ماتت قدام العياده اللي تخدم فيها كيف ماأتصلوش بأهلها، اللي تسأله مايعطيش جواب شافي في حلقه مفقوده في الموضوع، وبصراحه الواحد مايدخلش في المواضيع هذي خير
حسام: مايجوزش على الميت إلا الرحمه ربي يرحمها ويغفرلها إن شاءالله
محمد، بأسف: إن شاء الله، أسكت ماقتلكش
حسام، بقلق: شني فيه ثاني!!
محمد: مش صاحبنا باع محله
حسام، بإستغراب🤔: مني عادل قصدك!!
محمد، بضيق: أي، قالك من إسبوعين فاتو هدو عليه ماخلولاش حاجه صحيحه واللي فيه الفايده كله رفعوه وهوا يتفرج ولا قدر يقول كلمه من السلاح اللي رافعينه عليه
حسام، بصدمه😯: باللهي!! وأنت مني قالك؟
محمد: واللهي سمعتها من واحد هما العيله متكتمين على الموضوع ماعرفتش خايفين حد يتشمت فيهم ولا حتى هما بروحهم مايعرفوش مرات
حسام: زيده منه أهم شي يقعدلي بعيد على دنيا والباقي إن شاء الله تخلى منه بكل
محمد، بشك🙄: تعرف فيه حاجه مش طبيعيه حتى في الوفاه ماهوش طبيعي بكل ديمه سارح ويخمم وشاد تركينه بروحه حتى تكلمه مايردش عليك تقول تصولح الولد، وليا فوق الإسبوعين ماشفته لاعاد يطلع ولايخش
حسام، بملل😪: باللهي أنت كأنك جاي بتنكد عليا راهو منكده من ربي فكنا منهم ومن بلاهم، وين بوي خيره ماجاش حتى المره هذي؟
محمد، بتوتر: تبي الحق!! عمي مصطفي وعمتي مشو لمصر
حسام، بإستغراب🤔: كيف علاش شني فيه!!
محمد: مافيه شي بس حاتم شدها وراهم وخصوصا عمتي الفتره هذي متأثره باللي صار معاك قال على الأقل تمشي تغير جو فهمت!! وهيا الحوازه كلها ولت نكد في نكد
حسام، بخوف: ودنيا كيف!! وين خلوها ولا مشت معاهم؟؟
محمد، بنفي: لا لا دنيا قاعده في حوشنا ماقدرتش تمشي على خاطر المدرسه
حسام، بضيق: خوك أحمد وين؟؟
محمد، بإبتسامه: ماتخافش أحمد بوي حطه في الداخلي أقل شي سنه باش يروح
حسام زفر براحه: مامشتش لخالتها بكل؟
محمد: لا لا جتها خالتها كم مره
حسام: باهي شني جوها هيا مشت للوفاه؟؟
محمد، بنص عين😒: تحقيق ولا راهو، مشت خمسه دقايق يوم الجنازه وروحت، واللهي كويسه ياحسام ماتشغلش روحك بيها
حسام نزل رأسه بأسف😞: كيف مانشغلش روحي بيها كيف!!، علاش عندي شي غيرها نفكر فيه، مش عارف كيف بيفوتو عليا باقي الأيام اللي مازالو من غيرها، الله لاتسامح اللي كان السبب، غمضت عيوني بقوة مانبيش دمعتي تغلبني وتنزل
محمد تنهد بضيق وهوا يشوف لحسام اللي حالته المره هذي أضعف من الأولى وكأن الشوق قد أعيى قلبه
” حين أشتاقك؛ أغمض عيني بشدة وتمر على ضحكاتك كلماتك وهمساتك ف أشتاقك أكثر 💔😔”
^^^^^^^^^^^^^^^^^^^^^^^^^^^^^^^

 

 

 

فوزيه، بأمر: يجي محمد وكلميه وروحو ياسر ليكم شهرين راقدين إهنايا، حتى حرام عليك يابنتي الراجل يبي حقوقه راهو، وأنتي مقصره هلبا وأني نشوف فيك راهو يجيني ولدي ويشكي منك تشوفي حسابك بعدين
أيه نزلت رأسها بخجل: لا ياخالتي مش مقصره بس أنتي تشوفي في كل شي صار وراء بعضه، كيف نروحو ونخلوكم بروحكم ( وفي خاطرها أي تقصير اللي تحكي عليه وكان تعرف أنه مافيش شي بينا قاعد إمالا كيف إدير فيا، زمطت ريقها بخوف😟)
فوزيه: أي لما كان عمك مهناش هذاكا ماتقدروش تخلونا بروحنا لكن خلاص عمك ليه شهر مروح، روحي يابنتي وردي بالك على ولدي فاهمه!!، مش تقولي خالتي تلز فيا ولا ملت مني بالعكس والله على قلبي زي العسل على الأقل مونستيني لما يمشو البنات للمدرسه، لكن لأمتي لازم تستقلي وتكون عندك حياه خاصه بيك أنتي وراجلك، ولما تستاحشينا تعالي لكن مش ديمه ديمه عاد شد شوي تغلا شوي وضحكت😅
أيه، بضحكه😁: باهي ياخالتي كان مازال جيتكم لين تجو وترضوني توا تشوفي
فوزيه، بإبتسامه: نجو وعلاش مانجوش، هيا نوضي نعولو على عشانا، هذاكم شادين كتاباتهم مانضنيش يطلعولنا بكل الليله
أيه وقفت: أي خليهم إختبارات ياناري هكي وإن شاءالله يلحقو، خيرها سناء معاش جت؟
فوزيه وقفت وخشو للمطبخ وهيا تقول بضيق: ياناري لاهيين هيا وسلفتها في حوش عمها قاعد عندهم الماشي والجاي وعمتك سالمه مريضه وعلا قتلك ماتطلعش بكل من الدار ياناري متأثره على أختها وحتى عادل مريض قالت ليهم إسبوع يلودو بيه من شيخ لشيخ غير هما مايبوش الدوه راهو
أيه، بحزن: لا حول ولاقوة الابالله ربي يكون في عونهم والله وفاة عبير جتهم زي الفاجعه ياناري مابعدهم الحق
فوزيه بحزن😔: أي ربي يصبرهم ويعفينا مما إبتلائهم
أيه: اللهم أمين يارب، وطبست طلعت الطنجره، وبإبتسامة😊: هيا شني عشانا الليله
^^^^^^^^^^^^^^^^^^^^^^^^^^^^^^^
في حوش ناجيه
إنتصار: شني رأيك تمشي تجيبيها نهاية الإسبوع والله إستاحشناها ياأمي
ناجيه، بضيق: واللهي حتى أني كل مره نقعد متحشمه قدام مرت عمها نبي نقوللها بري معاي، لكن وين نفكر في خوك نسكت نخاف يضايقها لو كان جت إهنايا
خوله حاطه ولدها على رجليها وتهز بيه: قصدك هوا قاعد على مواله الأول
ناجيه، بضيق: قاعد وأحرف من قبل أمس دارلي حاله ليش ماجبتهاش معاي، وما أقنعته إلا بستين واسطه
إنتصار: قداش مره يجيني ويقولي كلميهالي من تليفونك لأنه حاطاته في الحظر وماتردش على أرقام غريبه وأحسن شي أنه ديمه تليفونها مقفل
ناجيه: كان نعرف شني اللي جاه وقلب حاله هكي بس
خوله، بتفكير: زعما طامع في رزقها ياأمي مرات راهو ماتلوحي شي
ناجيه إنصدمت من هالشي اللي كان غايب من بالها، بتوتر: زعما نهاره أسود كان هذا، غير يروحلي بس وأني توا نعرف كيف نجبد لسانه
إنتصار، بضيق: وهوا ش… وسكتت لما سمعت صوت الباب إنفتح
مؤيد، بضحكه😁: أووووو الدوشه إهنايا اليوم، وطبس على ولد أخته وقامه وقعد يلعب فيه
خوله زفرت بضيق: تي كيف بيرقد غير علاش قايمه توا شني مازال يرقده
مؤيد، بنص عين😒: والنبي هاك شدي ولدك وأسكتي عليا، تي هوا من لما خشيت وعيونه فلاشات ماشاء الله وقتلك بيرقد😏، حطلها ولدها وقعمز: مافيش قهوه يامعضمه أنتي
إنتصار، بغضب😠: معظمه في عينك، كلميه ياأمي معاش يعاودها خيرله
مؤيد، بحده: باللهي نوضي من قدامي أحسن خلى جوي رايق ورأس أمك
ناجيه شافت لخوله بغمزه متاع سايريني، بضيق: فكوني من نشافكم ماعنديش خلوق ليكم راهو
إنتصار ناضت وهيا معصبه
ناجيه شافتلها بضيق ورجعت تلفتت لخوله، وبإبتسامة: حيييي ماقتلكش ياخوله مش أمس لقيت مرأه في حوش عم دنيا قالو جايه تخطب، ماشاءالله هذيكا المريه ذوق ونزاكه وأسلوب، ومش حتى كبيره قلت أكيده تخطب لخوها إنصدمت لما قالتلي نخطب لولدي والله لين حليت فمي معقوله عندها ولد كبير وتخطبله حتى الخطبه
خوله: الشكل مش مقياس ياأمي راهو تلقيها مهتمه بنفسها وواقفه لروحها، بس مني خطبت؟؟
ناجيه، بضحكه😁: لا هيا من ناحية واقفه واقفه، واللهي ماني عارفه طلعت وخليتها قالتلهم نبي نشوف بناتك وحتى بنت سلفك المرحوم
مؤيد، بغضب😠: وليش إن شاءالله دنيا شني دخلها
خوله: كيف شني دخلها، توا بيكثرو الخطاب عليها حتى على خاطر الطمع في الفلوس
مؤيد، بعصبيه😡: قلنا لأمك تخطبهالي لكن شي مسكره رأسها، أما أحسن يأخذها ولد خالتها ولاتمشي لواحد براني يضحك عليها
ناجيه، بهزوه😏: وشني حتى أنت تبي الفلوس إمالا!!
مؤيد، بنص عين😒: وعلاش لا مافيش حد يكره وبعدين أني أولى من غيري ليش إنضيع الفرصه من بين إيديا ونخليها للغير
ناجيه، بغضب😠: صار هوا هكي إمالا أسمع جاي لو قعد هذا تفكيرك في بنت خالتك، لا عاد ولدي ولا عاد نبي إنشوف وجهك حوشي يتعذرك فاهم!!
مؤيد، بصدمه😯: كيف ياأمي تلزيني!!
ناجيه، بعصبيه😡: أي نلزك ومعاد نبي ولاد اللي هذا شكلهم زيك، وأني اللي نقول ولدي عاقل ومهنيني تطلعلي هكي، من الأول مش مرتاحه لرأيك اللي إنقلب فجأه في بنت خالتك لكن ماتوقعتكش تطلع بالوقاحه هذي هكي ربيتك أني!! شني اللي ناقصك باش تفكر في فلوس بنيه يتيمه، هما كلمتين ومافيش غيرهم، ياأما أطلع هالموضوع هذا من رأسك نهائي وتهنيني وتهني روحك، ياأما تعتبر أمك ماتت فاهم، وناضت بسرعه خشت لدارها
خوله، بضيق: ربي يهديك يامؤيد

 

 

 

مؤيد، بغضب😠: مش عارف الواحد شني هوا اللي داره باش إدير هذا كله تي المفروض تفرح لأني نبي بنت أختها وتقعد قدامها وتحت عينها
خوله،بضيق: دنيا مش ليك يامؤيد لا أنت تناسبها ولا هيا تناسبك، ومادام هذا تفكيرك ياخوي مستحيل ترتاحو مع بعض، مش كل شي فلوس راهو سيوره يجي يوم ويتمو، علاش تظلم في روحك وتظلم فيها معاك، وبعدين لو أنت فعلا تبيها لنفسك وتحبها ورايدها راهو أني أول واحده نوقف معاك بس كلامك هذا مايقبله حد ياخوي، أنت عارف أنه دنيا غاليه علينا ومانرضوش إنضروها وحتى ولو كان على حسابك أنت
مؤيد نزل رأسه بأسف: تفضلو مصلحة بنت خالتكم على خوكم!!
خوله، بضيق: مش هكي ياخوي لكن الحق حق، أنت نسيت اللي دارهولك عمي سعيد هوا اللي رباك يامؤيد بعد وفاة بوي الله يرحمه ومافيش مره نقص عليك حاجه ويمكن كان يحبك أكثر حتى من دنيا هكي تكافيه وتفكر في بنته بهالطريقه، دنيا زي أختك يامؤيد عشت معاها هيا أكثر ماعشت معانا أحني خواتك بدل ماتفكر تحميها وإدافع عليها تطلع نيتك سيئه ناحيتها بالدرجه هذي
مؤيد، بضيق: لا أبدا مش هكي ماننكرش أنه عندي ميول من ناحيتها بس مش حب، كل مانفكر فيها من الناحيه هذي مانقدرش مش عارف في حاجه تمنع فيا
خوله، بإبتسامه: شفت أنت بروحك حاسبها كيف أختك ومش مقتنع بيها كزوجة وحبيبه، ورأس وخيي طلع من رأسك هالموال وهنينا وهني روحك، حرام عليك إتعب حتى أمك وهيا في العمر هذا المفروض تريحها، وبعدين أنت قاعد صغير والعمر قدامك وتوا تلقي اللي تخش عقلك وخاطرك ليش تظلم في روحك وفي دنيا معاك، الزواج عمره ماكان مصلحه راهو ولو هذا تفكيرك مش راح ترتاح صدقني، بدل ماتأخذ تعب غيرك وتعيش بيه أخدم وكون روحك بالحلال وتوا تشوف حياتك كيف تولي
مؤيد هز رأسه وهوا شبه مقتنع بكلام خوله وناض وقف
خوله، بإستغراب🤔: وين ماشي!!
مؤيد، بضيق: طالع بندير دوره، ونجيبلكم عشي نرضي بيه أمك، ومشي طلع
خوله أبتسمت😊 وهزت رأسها وهيا تقول: ربي يكملك بعقلك إن شاءالله
^^^^^^^^^^^^^^^^^^^^^^^^^^^^^^^
في مصر
سندس بإبتسامه: لا الحمدلله اليوم أحسن من قبل هلبه، ربي يحفظك ويزيدك من الشفي إن شاءالله
سعاد أبتسمت وهيا تشوف لبنتها اللي إدلكلها في رجلها، وهزت رأسها بأيه
سندس وقفت وجبدت الغطا على أمها: أهو كملتلك، خلي إندير دوره على الصغار ونجيك باش نكلمو دنيا باهي من بكري وهيا تتصل تسأل عليك وأني نقوللها راقده
سعاد هزت رأسها، وسندس أبتسمت وطلعت
مصطفي خش من برا: شني أمك اليوم ياسندس
سندس، بفرحه: لا ماشاءالله عليها حتى نفسيتها متحسنه حسيتها، ولاحظت حتى أنها بدت إتحرك في فمها مره مره رغم أنها مش قادره تنطق، إلا أنه معليشي توا بالشويه بالشويه تتحسن أكثر إن شاءالله
مصطفي: إن شاءالله يارب، راقده هيا!!
سندس، بنفي: لا لا كيف كملتلها تدليك غطيتها وطلعت بندير دوره على الصغار
مصطفي: توا شفتهم مقعمزين يلعبو في الفرانده، قعمزي خلي نهدرز معاك شويه
سندس، بقلق: إن شاءالله خير يابوي
مصطفي، بضيق: خير خير، قتلك خوك لاحظته متأثر على موت عبير، وأني اللي نحسابه كان كارهها وناسيها تاريته مافيش منه هالكلام، خايف يأثر عليه هالموضوع
سندس، بحزن😔: موت الفجأه تهز الناس كلها هوا أحني وجعتنا يناري، يابال هوا اللي كانت مرته وأم ولده وعشرة 4 سنين أكيد بيثأتر بموتها
مصطفي، بضيق: ربي يرحمها إن شاءالله، بس نبيك تكلميه وتجسي نبضه لأمتي بيقعد هكي وولده منو بيه، الولد صغير ومايعرفش ويبي مرأه تهتم بيه الأحسن من توا مادامه في هالعمر على الأقل يتقبل الوضع ويأخذ عليها زي أمه، يزيد يكبر شويه يولي الموضوع صعب بعدين وحاتم هوا اللي خاسر
سندس: واللهي يابوي كم مره فتحت معاه هالموضوع بس شي مسكر رأسه قال نبي فترة نقاهه طويله نريح فيها رأسي خلوني ماحدش يجبرني أو يضغط عليا زي المره الأولى وشفتو النتيجه بعيونكم أني اللي خاسر في النهايه، ومعاه حق الصراحه خليه يقدم على القرار وهوا مقتنع إقتناع كامل باش لا يندم ولا يلوم حد
مصطفي: ربي يهديه وخلاص ماعندي مانقول، ديريلنا طاسة شاهي وتعالي نقعمزو بحدا أمك شويه
سندس وقفت: حاضر دقايق بس، ومشت للمطبخ
مصطفي وقف وخش لسعاد اللي قابلاته بإبتسامه، أبتسم: ماشاء الله ماشاء الله ربي يعطيك الشفي من عنده
^^^^^^^^^^^^^^^^^^^^^^^^^^^^^^^
دنيا سكرت مكالمة الفيديو ودموعي نزلو وقعدت نبكي😭
فوزيه، بضيق: لاه عليك يابنيتي أهو شفتيها ماشاء الله عليها ويشكرو فيها وقالو متحسنه على قبل ليش ترعشي في روحك
أيه، بحزن😔: ربي يهديك يادنيا وتبطلي هالبكي اللي شادتيه عاده، دموعك بدو على سبله هذا بدل ماتفرحي أنها كويسه وحالتها تحسنت هكي إديري
دنيا مسحت دموعي، بحزن: مش مني تأثرت بالموقف، شفتوها كيف مش قادره تتكلم مني قال عمتي هكي تولى، حسبي الله ونعم الوكيل في اللي كان السبب
فوزيه، بأسف😞: الله غالب هذا ربك مارايد، بإذن الله ترجع زي قبل وأحسن غير أدعيلها أنتي بس
دنيا،.بدموع😢: إن شاءالله ربي يشفيها ويعافيها
أيه مشت جابت طاسه إميه لدنيا، وبإبتسامة😊: خودي أشربي وقوي روحك شويه ماتخليش بالي مشغول عليك بعد نمشي
دنيا، بإستغراب🤔: علاش وين ماشيه أنتي!!
أيه شافت لخالتها بنص عين😒: مرت عمك لزتني ياحنه قتلي روحي وفكيني من هرجتك، كترث عليها وإضايقت معاش حصلت فرصه مع عمك بروحه وين ماتقعمز بتقوله كلمتين تنطلها واحده مننا، بدت تزيح فينا بالواحده باش تفضي الجو لروحها، وقعدت تضحك😂

 

 

 

فوزيه، بضحكه😁: أما أنتي اللي يقدرك يجي يحاسبني ياناري على وليدي من لسانك، إنوض نشوف عشاي خيرلي، وقفت ومشت للمطبخ
محمد اللي خش من باب المطبخ الخارجي وسمع كلام أيه من بدايته قعدت يضحك وطلع مع خشت أمه
فوزيه، بخلعه: إسم الله العظيم أنت من وين جيت!!
محمد، بغمزه:😉 على حسب علمي أنتي اللي جبتيني ياأمي، ولا ماصارش توا عندك رأي ثاني
فوزيه: لاحول ولاقوة الابالله العلي العظيم، وشبحت لأيه وبعدها لمحمد وهيا تأشر بإيديها وضحكت😁، طنجرة ولقت مغطاها الله يعينكم علي بعضكم، وخشت للمطبخ وهيا تصفق في إيديها في بعضهم
دنيا وقفت بلهفه: شني صار يامحمد!!
محمد اللي كان يشوف لأيه اللي منزله رأسها بخجل ومبتسم، نزل عيونه لما سمع صوت دنيا وكأنه ماأنتبهش لوجودها إلا لما تكلمت، وأبتسم بتوتر: شني بيصير يادنيا، حاله كويس ويسلم عليك هلبا هذا هوا
دنيا نزلت رأسي بأسف وأني حاسه بقلبي كل ماله الوجع متاعه يزيد، لأمتي بنقعد نطمن في روحي بكلمة كويس، وياريتها حتى من عيوني اللي شافته لا من ناس ثانيه، إنسحبت من بحداهم وخشيت للدار
محمد تنهد بضيق
ايه، بحزن😔: ربي يكون في عونها
محمد قرب من أيه وبإبتسامة😊: ويكون في عوني حتى أني على فكره اللي متحمل واحده بارده زيك
أيه رفعت عيونها بصدمه وبسرعه مانزلتهم لما لقاته يشوفلها بإبتسامه
محمد قرب أكثر، وبغمزه: وين لسانك راح توا😉
أيه، بتوتر: بنشوف خالتي في المطبخ، وتحركت بتمشي إلا أنه إيد محمد منعتها
محمد، بضيق: خشي وتي روحك بنروحو توا
أيه، بخوف😟: توا!! خلى لبعدين شويه على الأقل
محمد تعصبت من حركتها حاس أنها ماتبيش تكون معاي في مكان واحد بروحنا، وبغيض: لا توا ولا مش عاجبك، طلق إيدها ومشي قعمز، وبحده: بري خفي روحك عندك عشره دقايق نلقاك قدامي
أيه مشت وهيا فعلا مش عاجبها الوضع كانت مادابيها تقعد في حوش خالتها مع البنات أفضل على الأقل محمد خاف عليه قدامهم في حركاته وتسهويكه عليها
^^^^^^^^^^^^^^^^^^^^^^^^^^^^^^^
فاتت الأيام وكل يوم زي اللي قبله فاتو 6 شهور، عمتي الحمدلله أحسن من قبل بهلبا رجعت تتكلم شوي شوي بس لسانها قاعد ثقيل، وبالنسبه للحركه قاعده إدير في علاج طبيعي بس كلهم يشكرو فيها في تحسن ملحوظ في صحتها
بالنسبه لعيلة عمي مفتاح معاش شفت حد فيهم من يوم جنازة عبير لاهما جو ولا أني مشيت، رغما أنه مرت عمي تمشي هيا والبناويت بس أني لا حاسه قلبي قاعد مش صافي من ناحيتهم نهائي بعد اللي داروه ومش مطره إنافق حد مادامني مش متقبلاته
أيه بدت تقري في نفس مدرستي من حوالي ثلاثه شهور، بصراحه وجودها في حياتي كان ليه تأثير كبير حاسه روحي بديت نقتنع بفكرة الحجاب شويه شويه وحتى غيرت لبسي كله صدقت الأول كله وخديت حاجات طويله ومستوره أكثر، حياتها هيا ومحمد ماشيه عاديه مافيش شي جديد هاديه وممله نوعا ما، رغم ميول قلب محمد ليها إلا أنه ماحبش يضغط عليها وحاب أنها تكون رايداته من قلبها زي ماهو رايدها وقاعد يحاول يقوي رابط الصداقه بينهم شكله عنده قناعه بأنه الحب اللي يجي بعد الصداقه عميق وأبدي، ليه فتره يكمل في شقته اللي فوق أهله على أساس راح ينتقلو فيها خلال هالإسبوع قبل رمضان يعني
بالنسبه للمشروع وقف على ماهوا عليه وأني اللي طلبت هكي ماحبيتش نشغل محمد هوا بروحه مشغول بين الجامعه وبين تعديل الشقه وبين أهله ومرته مش ناقص نزيد عليه حتى أني، وبصراحه أني حابه حسام يكون معاي في هالخطوه قوتي مهزوزه من غيره وفرحتي راح تكون ناقصه وباهته في غيابه
طبعا زرت خالتي كم مره وكنت ملاحظه أنه مؤيد مايقعدش في الحوش بكل طول ماأني عندهم وهذا بطلب من خالتي طبعا، بس عادي ماركزتش على الموضوع أصلا أخر همي مؤيد وغيره لأنه قلبي وعقلي مشغول بحسام وبس
اليوم أخر يوم في إمتحاناتي أني وسندس
فوزيه، زفرت براحه: والله تقول أني اللي كنت نمتحن مش أنتم، ربي ينجحكم إن شاءالله
دنيا وسرور: إن شاءالله

 

 

 

المبروك طلع من داره وهوا لابسه بدلته العربيه والفرمله ومتشيك على الواحده ونص
فوزيه، بإستغراب🤔: لابس وين ماشي!!
المبروك: طالع متغذي برا عندي فاتحه ماتحسبونيش في الغذي
فوزيه، بتساؤل: فاتحة مني!!
المبروك، بنص عين😒: مش لازم تعرفي كل شي مرات فاتحتي
فوزيه، برفعة حاجب🤨: باهي ربي يهني إن شاء
سرور، بضحكه😁: حق يابوي فاتحتك كان قتلي راهو وتيت روحي ومشيت شفت العروس
فوزيه بغضب😠: سكري فمك ياللي ماتتحشميش انتلفي من قدام وجهي أنتلفي
خشت سرور وهيا إتمتم
المبروك اللي إبتسم على كلام سرور، طلع من غير مايعطي إهتمام لتساؤلات فوزيه على التفاصيل وخلاها في حيره من أمرها، وفي حالة ترقب من اللي راح يصير، زعما فاتحة مني؟؟ ولا حقا المبروك يديرها ويأخذ عليها!!
دنيا خشيت بدلت حوايجي وخذيت مفتاح حوشنا وحوش عمتي وطلعت ليا فوق ال 5 شهور ماخشيتلهم، وأني طالعه لمحت عامر وهوا مطلع عادل اللي كان مولى خيال هيكل، من بعد وفاة عبير وهوا يحكو عليه نفسيته تحت الصفر والكل مش عارفين اللي صابه قاعدين طول هالفتره يلودو بيه من شيخ لشيخ من غير فايده ولافيه نتيجه كان مازايده حالته متدهوره أكثر، هالحالة اللي صاباته فجأه خلت الكل محتارين فيه وتفكيرهم يلعب يمين ويسار ربي يكفيني شرهم
درت دوره على الحياش ودار حسام كانت البدايه والنهايه وأغلب الوقت قضيته فيها يمكن التنظيف كان حاجه بس الشوق كان الحجه الأكبر
” إشتياقي لك أفقذني لذة كل شي 😔”
^^^^^^^^^^^^^^^^^^^^^^^^^^^^^^^
محمد وأيه كانو ماشيين للسوق باش يختارو الأثاث لشقتهم الجديده أو خلينا نقولو لشقة محمد زي ماتقول أيه في الأيام اللي فاتو
أيه، بضيق: لو أجلته الأثاث شويه الفتره هذي مرات مايعجبهاش ذوقي
محمد، بإستغراب🤔: مني هيا اللي مايعجبهاش ذوقك، أنتي شني تخترفي باللهي
أيه، بنص عين😒: نحكي على مرتك المستقبليه
محمد فتح عيونه بصدمه😯: أنتي تحكي جد ولا تتسهوكي عليا!! أي مرأه تحكي عليها وأنتي شني إمالا يافالحه؟؟
ايه، بتوتر: ماهو أني مش…….
محمد، بعصبيه😡: أني خليتك على راحتك هلبا وأنتي شكله المسايسه والإحترام مايمشيش معاك، وزاد سرعته وهوا ناوي يرجع للشقه ولغي فكرة السوق حاليا لازم يحل هالموضوع اللي عالق بينهم قبل
أيه رجعنا للشقه وأني قاتلني الخوف والتوتر 😟من نظرات محمد المعصب، طول الطريق وأني ندعي وشبه قريت القرأن كله
محمد زفرت بضيق وأني نشوفلها كيف واقفه قدامي وواضح قداش خايفه ومتوتره، تعوذت من الشيطان مانبيش نعصب ونخسرها، قعمزت وأشرتلها تقعمز قدامي، وبضيق: أيه، عارف أنه الطريقه اللي تزوجنا بيها مش طريقه للزواج المبني على الحب والتفاهم وتكوين أسره سعيده، بس في النهايه أسمه زواج أكثر رباط مقدس ممكن يصير بين أي إثنين، وصح مش ناكر أني في البدايه ماكنتش راضي وانه هالشي صار غصبآ عني زي ماهو غصبآ عنك، بس مع الوقت في هلبا حاجات تغيرو وفكرتي للموضوع كلها إنقلبت، الحق أني أقتنعت بأنك نصيبي وراضي كامل الرضا على النصيب اللي جمعني بيك، صح أني ماتكلمتش من البدايه وكنت مخليك على راحتك ونستني في علامه أو حتى إشاره قبول من ناحيتك لكن سامحيني أني معاش قادر نكمل في الدور هذا راهو، فهميني أنتي بالضبط شني تبي!! هالشي اللي بينا كيف تبيه يكمل أني خليت الخيار ليك وللأسف ماعندكش وقت للتفكير جاوبيني توا
أيه، بخوف😟: محمد أنت راح تردني لأهلي بعد كل هالفتره اللي قعدناها مع بعض
محمد زفرت بغضب😤: خيرك ياأيه الزفت أفهميني، أمتي قلت بنردك لأهلك أني، قتلك حددي نوع العلاقه اللي تبيها تكون بينا موضوع الصحبه أهو معاش يمشي معاي أنتي مرتي فاهمه شني معنى مرتي كيف بنفهمك بس!! لينا 9 شهور متزوجين راهو، مش حاله هذي لأمتي تبينا نقعدو هكي
أيه نزلت رأسي وقعدت نبكي😢

 

 

 

محمد وقفت وقربت منها، وبتوتر: أيه ليش تبكي!!، أنتي تبي ترجعي لأهلك!!
أيه هزت رأسها بالنفي
محمد، بضيق: باهي أمسحي دموعك خلينا نتفاهمو بالعقل أحني مش صغار ياأيه، أحكيلي أنتي شني اللي تفكري فيه!!
أيه مسحت دموعي بإيدي، وبحزن😔: أنت بتتزوج من جديد؟
محمد، بضيق: زواج شني اللي تحكي عليه ماهو متزوجين أني وياك
أيه، بتوتر: ماهو بما أنه زواجنا مش كامل فكرت أنك أكيد راح تتزوج واحده ثانيه
محمد قعمزت جنبها وشديت إيدها، وبإبتسامة: وشني المانع أنه زواجنا مايكونش كامل يامرتي ياللي قاريه وفاهمه أنه عندي حقوق عليك وأنتي مقصره فيهم وغمزتلها😉
أيه رفعت عيوني فيه ونزلتهم بخجل لما عرفت اللي يفكر فيه، وتسربت مني شبه إبتسامه خفيفه ماغابتش على محمد
محمد، بإبتسامه: شوفي جاي وخليها في رأسك فاهمه أنتي مرتي وزوجتي وأنتي اللي نبي نكمل معاها عمري كله، وأكيد أثاث الشقه راح يكون كله على ذوقك هذي ولت شقتك وملكك أنتي زي ماملكتي قلب صاحبها
أيه نزلت عيوني بخجل وأني نسحب في إيديا منه
محمد ضغطت على إيديها أكثر، وبحده: أرفعي عيونك وشوفيلي أني قاعد ماكملتش كلامي، عندك 5أيام بس فاهمه!! يوم نحولو لشقتنا بنعتبر روحي عريس جديد ونبي نبدأ حياة جديده معاك أنتي تمام!
أيه هزت رأسها بإبتسامه
محمد،بضحكه: زواجنا راهو قصة شيقه ومغامره نحكوها لولادنا إن شاءالله، نقوللهم غصبوني ودبسوني في أمكم الشينه😅
أيه، بغيض: بارد، وقفت، وبنص عين: خلاص برا خوذ واحده حلوه باش تحكي على جمالها لولادك، وتلفتت بتمشي
محمد وقف بسرعه وشدها من إيدها، وبإبتسامة😊: تي وين ياهبله هذا بدل ماتقولي راجلي ومانفرطش فيه تقوليلي خوذ واحده ثانيه هكي نهون عليك تأخذني غيرك
أيه نزلت رأسي بأسف😞
محمد مديت إيدي وقمتلها رأسها وبحب❤: ورأسك هالعيون الحلوات مايتبدلو أنتي أحلى صدفه صارت في حياتي ومستحيل نفرط فيك
“وأنا والله بكل رضا أقولها لك…يكفيني من الدنيا أنك صدفتي الحلوه❤”
^^^^^^^^^^^^^^^^^^^^^^^^^^^^^^^

 

 

 

بعد 5 أيام اليوم زيارة حسام
دنيا، بعد مارتبنا شقة محمد، وجهزناها تقول شقة عريس شموع وورد وكيكه، ماحدش كان يعرف بأنها ليلتهم الأولى غيري، البنات على بالهم هكي يحتفلو بشقتهم الجديده وخلاص، قعدت مقعمزه أني وأيه في الجنان لبعد المغرب نستني في محمد
دنيا، بقلق: باهي تمو ال 8 شهور يامحمد أمتي بيطلع
محمد، بتوتر: واللهي يادنيا مش عارف شني بنقولك، مازال شويه ماهو في البدايه هوا ماهناش روحه وخاش متغلل، وال 8 شهور ولو سنه
دنيا، بصدمه😯: كيف!! علاش هكي!! وليش ماقلتليش من الأول، أني كنت نعد فيهم باليوم ماصدقت أنهم كملو تجي تقولي مازال 4شهور ثانيات شني مازال يصبرني أني، وقعمزت على الدرجه بهدت حيل
محمد، بأسف😞: دوره يادنيا والله تلقيهم فايتين زي مافاتو ال8 شهور الأولى من غير ماحسينا بيهم
دنيا، بدموع😢: أنتم اللي ماحسيتوش بيهم أما أني كل يوم كان يفوت عليا تقول سنه، الكلام ساهل اللي رجليه في الميه مش زي اللي في النار وناضت خشت بسرعه
أيه بحزن😔: ياناري تسخف تخلطت عليها من جميع الجهات ربي يكون في عونها
محمد، بضيق: بري شوفيها وقولي للبنات مايخلوهاش بروحها، ولف بيركب
أيه، بسرعه: وين ماشي أنت؟
محمد، بإستغراب🙄: تشوفي فيا بنركب بنبدل حوايجي ونازل
أيه، بتوتر: خليك فيهم شويه ونركبو مع بعض، ماهو قاعده مارتبتهمش كويس بعدين نركب نطلعلك أني
محمد، بشك: من الصبح خليتكم ترتبو في الحوايج 4 وماكملتوهمش🤔
أيه، بتوتر: أصبر شويه بس خيرك مستعجل أنت نتعشو ونركبو
محمد، بغمزه😉: نصبر وعلاش لا إن شاء الله غير مايخيبش ظني، ولف وخش هوا وياها لحوش بوه والإبتسامه مزينه وجوههم
^^^^^^^^^^^^^^^^^^^^^^^^^^^^^^^
يوم الموسم متاع رمضان
الساعه 11 ونص في الليل كل واحد كان في مكانه والنوم بدي يتسلل للعيون واحده واحده إلا أنه طقت الباب القويه خلت النوم يجفل غصبآ عنه وفزينا كلنا بخوف من صوت تقربيع الباب المستمر، طلعنا بسرعه ولقينا عمي ومرت عمي سابقينا
سرور، بخوف😟: مني هذا اللي جاينا توا ماتفتحش يابوي مرات خانب ولا عصابه
سنيه، بتوتر: كيف خشو والباب الرئيسي مسكر
المبروك يشوف للباب اللي مابطلش تقربيع، بتوتر: واحده منكم تتصل بمحمد
مشت سنيه تجري للتليفون
فوزيه، بخوف😟: غير قول مني قبل بالك حد من العيله
سنيه، بتوتر: كلمته أهو نازل
شويه وبدي الطق يخف لين أنتهي تدريجيا لما سمعنا صوت محمد يقول :شني فيه جايين توا إن شاء الله خير، هذاكا الوقت قدم عمي وفتح الباب وأحني كلنا وراه، البنات ومرت عمي وخرو أول ماشافو عمي مفتاح وعامر وعصام ومشو يلبسو في وشاحاتهم، أما أني قعدت واقفه جنب عمي اللي يشوف بإستغراب لخوه وولاده اللي جايين في هالوقت وكانو يقربعو وكأنه صايره مصيبه
عامر، بعصبيه: الله لاتسامحك ياسحاره ياخرابة البيوت الله يأخذك ويريحنا منك ومن بلاك
المبروك، بحده: أحترم نفسك أنت شني تقول، شني يامفتاح شني فيه خيركم!!
مفتاح تغير هلبا بعد وفاة عبير، بهدت حيل: عادل طلع مسحور يالمبروك
عامر، بغضب: والشيخ قال واحده من العيله اللي ساحراته
محمد، برفعة حاجب🤨: باهي وأحني شني دخلنا!! شني أحني الوحيدين اللي نقربولكم
عصام، بعياط: ماهو مافيش غير الحيوانه اللي شادينها عندكم هيا اللي دارت فيه هكي، بنت ال🤬
محمد، بغضب😠: تي سكر فمك ياراجل شني هالكلام اللي تقول فيه
عامر، بغضب😠: أي مافيش غيرها اللي ممكن إدير في عادل هكي، وقرب بيشد دنيا إلا أنه المبروك وقف قدامها كحاجز منع إيد عامر توصلها

 

 

 

عامر، بعصبيه😡: حول ياعمي حول خليني إنربيها هالحقيره هذي لأمتي بنسكتولها على العمايل اللي إدير فيهم لأمتي
عصام، بغضب😡: خليها تقوللنا وين مكان السحر ومني اللي دايرهولها، خير مانطلع بروحها الليله
محمد، بهزوه😏: وليش جايين تسألو فيها نعرف الشيخ هوا اللي يطلعها الحاجات اللي زي توا، ولا شكله شيخ مشي حالك
المبروك، بحده: شد ولادك يامفتاح شني لعب المفرخ اللي إيديرو فيه هذا، سحر شني وشيخ شني؟؟
مفتاح، بضيق: هكي الشيخ عبد الصمد قال يالمبروك عادل مسحور وواحده من العيله اللي ساحراته، قال قولولي مكان السحر باش يفكه، الولد بيريح مني ياخوي، ولا زي الجثه الهامده
المبروك، بضيق: وأنت صدقت كلام عبد الصمد تي أمتي ولا شيخ هالكذاب هذا، ولدك ربي يشفيه بس هالكلام مافيش منه راهو، معقوله تشك في دنيا هيا اللي ساحراته وعلاش شني مصلحتها
عامر، بعياط: هكي تخريب بيوت بالك بترد الثأر يلاه حبسلها حبيب القلب وقعدت مكسده بلاه هالفاجره هذي، ماسدهاش وطت رؤوسنا بعارها قدام الناس
دنيا من البدايه حسيت بأنه في شي جديد من لما طق الباب سبحان الله وكأنه حد قالي ليهم فتره مهفتين عليا، قدمت من وراء عمي، وبغضب: ليش أمتى كان رأسكم مرفوع باش أني نوطيه، ولا نسيتو شني درتو على خاطر الورثه متاع جدي والعار اللي درتوه والناس كلها قعدت تحكي عليكم
عصام: خزي عليك تربايه والله الذبح فيك حلال فوق ماغالطه تتواقحي زياده
دنيا، بحده:أنتم شني تبو بالضبط!!
عامر، بغضب😠: تقوليلنا مكان السحر ياسحاره
دنيا، بإبتسامه مستفزه: ومن قال أني اللي إمدايراته؟
عصام، بهزوه😏: مادامك واثقه إمالا بري معانا واحني توا نعرفو أنتي ولا مش أنتي
محمد، بغضب😠: وين بترفعها أنت أكيد هبلت
دنيا، بثقه: واثقه وبزياده حتى، عادي نمشي هيا، وقدمت منهم
المبروك قدم بسرعه وشد إيد دنيا، وبحده: أستني يادنيا وين تبوها تمشي في هالليل؟؟
مفتاح: لحوشنا يالمبروك الشيخ قال من ردة فعل عادل لما يشوفها تعرفو إذا كان هيا اللي إمدايرتله شي أو لا
محمد، بغضب: خشي يادنيا ماتعدليش عليهم هاذم هبلو خلاص
دنيا: لا يامحمد بنمشي خليني نشوفهم لوين يبو يوصلو بحقدهم هذا
طلعت وعمي المبروك ومحمد معاي، ومفتاح وولاده الزوز قدامنا
أيه لما شافتهم طلعو نزلت تجري، وبخوف: شني فيه ياخالتي!!

 

 

 

فوزيه اللي كانت واقفه هيا وسنيه وسرور في فم الباب، وبقلق: والله ماني عارفه شني يبو منها هالبنيه ياناري أمتي بيخلوها في حاله، خشو خشو ربي يستر وخلاص، وسكرت الباب
دنيا أول ماخشيت من فم الحوش تلقتني علا وأمها بالعياط والدعي، بس عصام سبقنا ودفهم الداخل وسكر باب الداخلي، لاحول ولاقوة الابالله العلي العظيم شني هالناس هاذم، خشينا للمربوعه وين ماأشر عامر، كان عادل راقد على فراش زي الجثه اللي مايركزش عليه مستحيل يعرف أنه هوا نفسه، وجهه أصفر وعيونه مهبهبات والأرهاق واخذ فيه حصه كبيره، وجسمه وكأنه هيكل عظمي، من لما شافنا حاول أنه يقعمز بس ماقدرش لين قرب عامر وسنده، وقف عمي المبروك ومحمد في جنب الباب وأني قدمت شويه، والكل كان يشوفو بترقب لردة فعل عادل واللي بيديره بس خيب ظنهم لما قعد ساكت وهادي، شفتلهم بتحدي وزدت قربت أكثر لين قعمزت قدامه، وأبتسمت: كيف حالك ياعادل؟ حتى أنت مصدق أنه أني ساحراتك!!
عادل هز رأسه بالنفي، وتكلم بتعب وصوته ياذوبك ينسمع، وبرجاء: عامر خلونا بروحنا شويه
دنيا إنصدمت من طلبه بس ماعارضتش، رغم معارضة عمي ومحمد إلا أنهم سكتو لما أني وافقت وطلبت منهم يخلونا شويه على أنه الباب يقعد مفتوح
عادل أول ماشافهم طلعو، أبتسم بحزن: من قال أني يصير فيا هكي، معقوله هذا كله لأني ظلمتك وشككت في أخلاقك، ولا عقاب من ربي على اللي درته في صاحبي وعمتي، الحاله اللي أني فيها لا سحر ولا مرض هوا إبتلاء بعذاب الضمير على اللي درته
دنيا للحظه حسيته سخفني بالحاله اللي كان فيها حتى بعد كل اللي داره، بحزن😔: صح اللي درته كبير بس مش سبب كافي أنه إدير في روحك هكي، كان يكفي أنك تعتذر وتعترف بغلطك وتحاول تصلحه، الموضوع مش لدرجة أنك تعاقب روحك هكي لين تموت
عادل، بأسف😞: الغلط اللي درته مايتصلحش ومايمحيشي إعتذار، أني………………………..
دنيا إنفتحو عيوني بصدمه وللحظه تمنيت أني متت قبل ماسمعت اللي سمعته😲
^^^^^^^^^^^^^^^^^^^^^^^^^^^^^^^
قدام المربوعه مقعمزين المبروك ومفتاح على الكراسي وعامر وعصام ومحمد واقفين جنبهم والكل عيونهم على المربوعه اللي مفتوح بابها ويقدرو يشوفو اللي الداخل بوضوح
المبروك، بلوم: معقوله يامفتاح توصل بيكم للدرجه هذي سحر وبلي ولا تشك في بنت خوك العيل تي وين تعرفه السحر هذي!! تي هيا حتى الطلوع ماتطلع، وعلاش بديره لعادل بالذات!!
مفتاح نزل رأسه بأسف😞: توقعنا أنها بتنتقم منه على اللي داره في حسام وموضوع الصور
المبروك هز رأسه بقلة حيله، وبهزوه😏: باللهي ترا وروهولي الصور اللي قلبتو بيهم الدنيا وخليتونا مضحكه قدام الناس
مفتاح: نقال عادل اللي فيه الصور تكسر لما حذفه مصطفي ومعاش يتصلح

 

 

 

علا اللي كانت واقفه تتصنت وراء الباب لما سمعت هالكلام فرحت حست أنه الصور راح يزيدو يكبرو الموضوع ويشعلو النار ماتوقعتش أنهم ورقة خاسره بالنسبه ليها، فتحت الباب وطلعت بسرعه، وبإبتسامة إنتصار: أني عندي منهم نسخه
الكل تلفتولها لما قالت هالكلام
محمد شافلها بنظرة إستحقار، بهزوه😏: شني موزعينهم على العيله كلها ولا كيف!!
المبروك، بنص عين😒: ترا هاتي نشوفهم
علا فتحت التليفون ومداته لعمها، وقعدت تشوف لدنيا اللي قاعده مقعمزه قدام عادل بنظرة شماته وهزوه
المبروك اللي شاف الصور بتركيز مره وإثنين وثلاثه وهوا يحاول يكذب اللي يجول في ذهنه، صدمته باللي إستنتجه ماكنتش أقل من صدمة دنيا باللي سمعاته من عادل
ولابد أن تأتي نهايه للظالم حتى وأن طالت، ولكن المثير للاهتمام أنه في الغالب الظالم نفسه هوا اللي يقدم في نهايته، هل هذا من عدل الله في رد حق المظلوم!!
” أتقوا دعوة المظلوم فأنها ليس بينها وبين الله حجاب ”
يالله أجعلنا مظلومين وغير ظالمين🤲

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية طفلة أرهقت قلبي)