رواية وحدة شغف الحلقة الرابعة 4 بقلم ندى
رواية وحدة شغف الحلقة الرابعة 4 بقلم ندى
 |
| رواية وحدة شغف الحلقة الرابعة 4 بقلم ندى |
رواية وحدة شغف الحلقة الرابعة 4 بقلم ندى
قعدت شغف في الاوضة بخوف وتوتر وفي نفسها .. انا ازاي اجي كدة مع بنت معرفهاش واخوها معاها كمان انا هتكشف كدة ..مفيش حل غير اني استني ..هيفضل ي حصلي مشاكل كدة لحد امتي يارب
فلاش باك#
لبست شغف فستان ابيض وطرحة كبيرة مغطية وشها كله ..
– شغف حببتي انا اسفة حقيقي مش عارفة اساعدك ازاي بس هتعاقب لو سعادتك
شغف بدموع = مش لازم تتأسفي يا سارة .. ربنا اكيد ليه حكمة في اللي بيحصل .. ابوكي ده السبب في كل حاجة .. اتخدعت فيكو كلكوا
-سيبك منها يا سارة خلينا نخلص منها اصلا احمد ربنا ان فيه حد هيتجوزها بوزنها ده
-رنا كفاية كلام مستفز حطي نفسك مكانها
-اف عليكي انتي طيبة اوي كدة ليه انا خارجة ..وبضحكة مستفزة.. باي يا عروسة
بعد شوية سمعت صوت عربيات كتير جت .. بدأ خوفها يزيد مش عارفة حتي تفكر تتصرف ازاي .. كل حاجة بقت امر واقع خلاص.
كتبوا كتب الكتاب .. نزلت ركبت العربية .. دخلت بيت غريب .
الحاج يحيي بهدوء : نورتي بيتك يا عروسة
شغف واعصابها باظت من اللي بيحصل بكت بهستيرية قالت بصوت غاضب : انت ازاي تتجوز واحدة قد بنتك ويارتني قد بنتك ده انا قد حفيدتك.. انتوو عايزين مني ايه .تحاول التحكم ب اعصابها . لو سمحت انا عايزة اقعد في اي اوضة ولو اي حد حاول يدخلها والله هموت نفسي .
الحاج يحيي بهدوء : ايه اللي بتقوليه ده .. استغفر ربك يابنتي .. انا مش هعملك حاجة .. انا اتجوزتك عشان احميكي من عمك لما عرفت انه اخد ورثك ..ده شيطان.. انتي هنا محدش يقدر يأذيكي انا ملقتش حل غير ده حتي معنديش ابن اجوزهولك .. اتفضلي الاوضة اللي فوق ناحية اليمين دي أوضتك لوحدك .
طلعت شغف وافكارها مشتته بعد اللي سمعته حتي معرفتش ترد .
باك#
نامت شغف بتعب فقد انهكها التفكير
احمد دخل لشهد المطبخ : شهد لو سمحتي روحي خرجي شغف من الاوضة لازم تشوفني وتتكلم معايا .
شهد بعدم فهم : ازاي يعني انت مش قولت مينفعش تقعد هنا .
-يابنتي بقي مش لازم كلام كتير متدخليش في حاجة مش من حقك تعرفيها .. بس لو عايزة تساعديني هي لازم تثق فيا .
– طيب حاضر هدخل اشوفها بس متزعلهاش
– استني .. طبعا عارفة هتقوليلها اني بشتغل عادي في شركة في محافظة تانية زي ما متعودة تقولي اوعي تغلطي انتي فاهمه
-طيب عارفة مع اني مستغربة انك بتنبه عليا المرادي بس انا متقلقش سيبني ادخلها بقي .
….
-شغف اصحي .. انتي نمتي تاني
شغف قامت فاجأة برعب – مين .. اااه .فجعتيني. انا صحيت اهو .
-لا يا حببتي اسفة بس انتي لازم تقول لي اخويا برة عشان هو عرف انك موجودة ف بس عشان يبطل يسألني وكدة كدة فيه شقة فوقينا فاضية هتقعدي فيها بس عشان أتضايق مني اني دخلتك من غير ما اقوله .. انا اسفة بجد
شغف بتردد – تمام مفيش مشكلة هو حقه يسأل انا اسفة سببتلك مشكلة.
خرجت شهد وشغف للصالة واحمد قاعد منتظرها .
شغف باصة في الارض باحراج قالت بتردد وحزن – السلام عليكم.. اممم انا اسفة اني خليت شهد تجيبني هنا بس هي قالت هتشوفلي مكان تاني انا اسفة اوي عالإزعاج ده .. لو حصل مشكلة بسببي ممكن اخرج عادي دلوقتي واسفة مكنتش اقصد اني اقولها تشوفلي مكان وشغل وكدة بس والله هي ظروف رمتني لمحافظة تانية و انا معرفش حد هنا فسألتها هي
احمد كان باصص ناحيتها بس صوتها اثر فيه جدا حس قد ايه هي موجوعه كان صوتها رقيق عكس ظروفها .. محتار هي مظلومة ولا مش مظلومة ولا حكايتها ايه دي ..
رفع عيونه ليها و…
يتبع..
لقراءة الحلقة الخامسة : اضغط هنا
لقراءة باقي حلقات الرواية : اضغط هنا