رواية حب غير متوقع الفصل الثاني 2 بقلم سولييه نصار

رواية حب غير متوقع الفصل الثاني 2 بقلم سولييه نصار

رواية حب غير متوقع الجزء الثاني

رواية حب غير متوقع البارت الثاني

رواية حب غير متوقع الحلقة الثانية

جريت عليه وانا بفوقه بخوف :
-يالهووي العريس هيروح مني يارتني انا ولا انت يا اخويا …فوق ابوس ايديك هتفضح …
فتح عينيه …عينيه كان لونها بني وكانت جميلة اووي سرحت فيه للحظات بس خرجت من شرودي علي صوته وهو بيقول :
-هو …هو حصل ايه …
مسكت ايده وساعدته يقوم
-قوم بس وقعت قلبي …
قام ووقف فقولتله:
-ايه يا عم من كلمتين مني اغمي عليك
-ل ا بس انا مأكلتش من يومين …بس هو حضرتك فعلا عرضتي عليا تتجوزيني
-ايوة …
ولسه هيقع تاني مسكته وانا بقول :
-لا يا عم اصلي طولك مش كده هتلبسني مصيبة …اقعد بس هفهمك….
قعد علي الكرسي وهو بيبصلي بخوف …اكيد لازم يبصلي بخوف …ده كويس انه مش هرب مني ..
-تشرب ايه يا استاذ احمد.
-يا آنسة هايدي ابوس ايديكي شغليني لاما تمشيني انا واحد غلبان مليش في المرمطة
-يا عم هو انا بعذبك ما تصلي علي النبي في قلبك انت هتتجوز هايدي النجار…عارف يعني ايه
-وانتي هتتجوزيني ليه يعني ؟!
-شكلك حلو.
-مش مبرر
بصتله بتوتر وقولت :
-هحكيلك
بعد ما حكتله علي كل حاجة قام بغضب وقال:
-انتي اكيد.مجنونة
-احترم نفسك
-لا يا استاذة انتي احترمي نفسك وبطلي تستغلي حاجة الناس عشان مصلحتك مش معني انك صاحبة شركة وغنية تبقي هتشتري الناس …انا ماشي
ولسه هيمشي قولت فجأة :
-هديك خمسين ألف وأعينك في الشركة
وقف وبصلي بصدمة :
-ايه !
-قولت خمسين ألف وهعينك في الشركة
وقف احمد للحظات وهو بيفكر …فكر في حالته المادية السيئة … امه التعبانة وفكر في اخته ودراستها اللي عايزة مصاريف كتيرة …بس لا ده مش الحل …هو مستحيل يكدب ويهين كرامته عشان الفلوس …عشان كده مشي …
بصيتله بصدمة ده مشي …مشي رغم العرض اللي عرضته …ابتسمت بإعجاب وقولت:
-هو ده اللي انا عايزاه …وسامة وشخصية وكبرياء …ده اللي هيرجع حقي من هباب البرك اللي اسمه أسامة….
…..
-كفاية يا هايدي وحياة عيالك بقالك ساعتين بتمدحي فيه
قالتها صاحبتي وهي بتاكل…شيلت الاكل من قدامها وانا بقول :
– يا نورا بقولك لقيت الحل …
-حل ايه يا هايدي انتي عبيطة يا حبيبتي …ماشي فرضا وافق يلعب دور خطيبك وها بعدين ايه اللي هيحصل …
-لما يجي وقتها هنفكر
-شكلك هتودينا في داهية يخربيتك
-يووه يا نورا بقا هتساعديني ولا لا
-فيه حل تاني اكيد هساعدك هاتي الاكل ده
-لا انتي اكلتي كتير سيبني انا اكل …
……….
بصعوبة قدرت اخد عنوان احمد من عادل لدرجة اني هددته بالرفد ….
روحت انا ونورا فورا علي بيته وخبطنا فتحتلنا ست كبيرة …ابتسمت ليها وقولت :
-انتي مامت احمد
-ايوة يا حبيبتي انتي مين
-انا ابقي مراته !!!
-يالهووووووي ابني المحترم ضاااع

يتبع..

• لقراءة الفصل التالي : اضغط هنا
• لقراءة الرواية كاملة اضغط على : (رواية حب غير متوقع)