رواية منقذي الامير الفصل الثامن 8 بقلم آية طه

رواية منقذي الامير الفصل الثامن 8 بقلم آية طه

رواية منقذي الامير البارت الثامن

رواية منقذي الامير الجزء الثامن

رواية منقذي الامير الحلقة الثامنة

نرجع للان
امير:والله مش ناسيك ياصاحبي وحقك هيرجع انا بقالى 6 شهور بكفر عن ذنبى وخلاص بقرب ان شاء الله حقك هيرجع قريب وساعتها بس هعرف ارفع راسي واحط عينى فى والدتك ماجده واقولها يام الشهيد.ويغفو امير ليستيقظ باكرا ويذهب ليحضر الفطار ويوقظ ماجده ويفطروا سويا.
ياسر:ادعيلي ياست الكل انا رايحه مقابله شغل جديد ادعيلى اوتفق علشان هعرف اخد بالى منك كويس لو اتقبلت.
ماجده:ربنا يكرمك يابنى ويوفقك قادر ياكريم.
يقبل ياسر يدها وراسها ويتركها ليذهب لعمله.
فى المصنع يجلس ياسر مع موظف HR يجريان المقابله وانتهت المقابله واستلم ياسر الوظيفه فورا.
موظف HR:اتفضل دى عهدتك ودى العربيه اللى انت مسؤل عنها هتوصل بس المنتجات من المصنع الى المحلات وتوزعها تمام.
ياسر:تمام يافندم شكرا.
وبالفعل استلم ياسر العمل تحت مراقبه الاستاذ محمد الذى شهد له بالكفاءة والامانه والالتزام حتى انه نال شهاده تقدير عن السواق المثالى للمصنع فى خلال اسبوع فقط.وفى يوم من الايام يتفاجا ياسر بدخول ملك المصنع باكيه وتجرى على مكتب المدير.
ليستغرب ياسر من وجودها وكيف تجرى على مكتب المدير هكذا ومن حالتها.ولكن سرعان ما سمع صوت عالى من مكتب المدير يسمعه معظم العاملين بالمصنع ولحظات وخرجت ملك باكيه ومنكسره من غرفه المدير الى خارج المصنع يتابعها ياسر وينادى عليها ولكنها شارده لم تجيبه وفى هذه الاثناء تاتى سياره كانت ستصدمها لانها غير منتبه لها ليشدها ياسر ويقول:انتى فين عقلك العربيه كانت هتخبطك ايه مش سمعانى عمال انادى عليكى واكلمك.
ملك:كنت تسبها تخبطنى يمكن كنت اموت وارتاح.
ياسر:ايه الكلام اللى انتى بتقوليه دا استغفرى ربك.
ملك:عايزنى اعمل ايه يعنى انا فعلا لو موت هرتاح واريح كل اللى حواليا.
ياسر:طب ممكن تهدى وتقوليلى فى ايه اسمحيلي اعزمك على عصير ليمون يهديكى فى كافيه هنا قريب يلا قبل ساعه البريك بتاعتى ماتخلص.
وبالفعل ذهبوا للكافيه.
ياسر:ها قوليلى بقى في ايه.
لتبكى ملك بشده وتقول:فى ان انا خلاص ضعت وانفضحت واترميت فى الشارع كمان.
ياسر:ممكن تهدى بس وتفهمينى ايه اللى حصل.
ملك:انا النهارده رحت كليتى ولاقيت البنات والشباب بيبصولى بطريقه غريبه معرفتش ليه لحد ماجت واحده صحبتى وورتنى صور ليها على تلفونها خاصه يعنى بيا وكدا اخدها من فونى اللى سبته هناك وكمان فيديو لتهجمه عليا فى اسكندريه.وبقى كل الناس بتتكلم عليا ان انا مش محترمه واداره الجامعه اعطتنى فصل من الدراسه لحين استكمال التحقيق علشان يعرفوا الصور دى مين مصدرها ومين ناشرها ولما رحت لابويا يلحقنى اتعصب عليا وزعق وقالى انى خلاص فضحته وخليت راسه فى الطين وطردنى من البيت وقالى انا لابنته ولا يعرفنى وانا دلوقتى مش عارفه اعمل ايه.
ياسر:طب اهدى كل مشكله وليها حل واحسن انك مش هتعرفي تروحى كليتك فى الوقت دا عقبال الموضوع مايهدا والناس تنسي ووالدك اكيد قال كدا من عصبيته ميقصدش يعنى.
تضحك ملك بسخريه وتقول:يبقى انتى متعرفش مين بابا….محمد دويدار صاحب اكبر مصانع للملابس فى مصر بيقول الكلمه مره واحده ومش بيرجع فيها واخد منى مفاتيح البيت والعربيه وكل حاجه.
ياسر باستغراب:ابوكى يبقى صاحب مصانع الدويدار للملابس!!!
ملك:ايوا فى ايه مالك مصدوم كدا ليه.
ياسر:تمام ماشي بتلاعبنى يعنى ولا ايه.
وقام وقف ودفع حساب المشروبات واخذ ملك وطلب منها الانتظار خارج المصنع.
يدخل ياسر المصنع ويتجه مباشره الى غرفه المدير ويدخلها دون استأذان .
محمد:ايه دا في ايه.
السكرتيره:والله حولت امنعه بس مقدرتش.
محمد:خلاص روحى انتى.انت عايز تدخل عليا كدا انت اتجننت.
ياسر:انت اللى اتجننت لما تصدق انك كدا اشترتنى لما شغلتنى عندك.
محمد:انا مشترتكش ولا حاجه انت موظف زيك زى اى حد هنا.
ياسر:ياسلام يعنى تبعتلى فلوس ولما مرضاش اخدها تجبنى تشغلنى بيهم صح.
محمد:ايوا انا متعودتش حد يقدملى خدمه بدون مقابل ولما رفض جبتك تشتغل هنا بس دا فى الاول قبل ماتثبت كفاءتك فى الشغل انا دلوقتى معينك علشان كدا مش علشان حاجه تانيه.
ياسر:والمفروض ان انا اهبل وصدقك صح.
محمد:هو انا عيل صغير بلعب معاك ولا ايه انت……
يقطع كلامه صوت الهاتف.
محمد:ايوا فى ايه.
السكرتيره:مندوب هلال ناجى هنا يافندم حسب المعاد.
محمد:تمام دخليه.
ويوجه كلامه لياسر:اتفضل انت دلوقتى علشان عندى شغل واخد باقى اليوم اجازه علشان تهدا وتعرف تفكر.
تدخل السكرتيره وتقول:مندوب شركات هلال ناجى يافندم.
يسمع ياسر الاسم وينظر فى ذهول ويخرج هو والسكرتيره ولكنه يذهب اليها ويقول:بقولك ايه هو المصنع بيتعامل مع شركات هلال ناجى.
السكرتيره:انت مالك بتسال ليه.
ياسر:علشان لو كدا ابدل مع السواق اللى بيروحلهم اصل الشركه جمب البيت عندى وامى كفيفه على الاقل هعرف اطمن عليها كل شويه ويبقى كتر خيرك يعنى.
السكرتيره:لا احنا لسه متعاملين معاهم من شهرين بس….بس فى الوقت القصير دا اصبحوا من اكبر عملائنا بيشتروا مننا كميات كبيره جدا فى اوقات قصيره مش عارفه اصلا بيلحقو يوزعو ويبعوها امتى بس اسمع لو حد عرف ان انا اللى قولتلك هترفد وتأذى.
ياسر:عيب عليكى انا هعمل كدا بردو انتى تساعدينى وانا اذيكى بردو تسلمى ياقمر.
وينزل ياسر وياخذ ملك ويركب السياره ويتحرك.
ملك:انت واخدنى على فين.
ياسر:تيجى عندى البيت.
ملك باستغراب:افندم اروح فين انت اتجننت.
ياسر:اتجننت تصدقى انا غلطان كنت سبتك فى الشارع انا واخدك تقعدى مع امى فى البيت وانا هقعد فى شقتى.
ملك:ااه اسفه فهمتك غلط شكرا.
ياسر:ايه الجديد من ساعه معرفتك وانتى بتفهمينى غلط.بس بقى علشان نبقو على نور كدا انا ساكن فى منطقه شعبيه هقول انك ممرضه امى ومغتربه علشان كدا قاعده معانا فى البيت ماشي.
ملك:ممرضه…انا اخرى اقيس ضغط وسكر غير كدا مش بعرف اعمل.
ياسر:حلو اوى هو دا اللى مطلوب منك.
يوصلوا للمنزل ينزل ياسر وملك ويدخلو الشقه.
ياسر:ياست الكل….ياست الكل..
ماجده:تعالى ياياسر يابنى.
يدخل ياسر على والدته ليجدها تنتهى من فرضها.
ماجده:ايوه يابنى معلش كنت بصلى.
ياسر يقبل يدها:دعتيلي ياست الكل اهم حاجه.
ماجده:طبعا يابنى فى كل صلاه وفى كل ساجده كمان بس انت ايه اللى رجعك بدرى النهارده….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية منقذي الامير)