رواية الأمل الفصل الأول 1 بقلم رحمة سامي

رواية الأمل الفصل الأول 1 بقلم رحمة سامي

رواية الأمل البارت الأول

رواية الأمل الجزء الأول

رواية الأمل الحلقة الأولى

_انتي اي اللي جابك هنا..
قالها بصد*مه بعد ما شافني وانا قدام باب شقته التانيه اللي اكتشفتها من قريب…. رديت عليه وانا بتمني اكون غلطانه:
_انت اللي بتعمل اي هنا يا محمد وشقة مين دي.
رد بكل بجا*حة وهو بيقول:
والله دي حاجه متخصكيش يا سالي… روحي ترجعي بيتك وليا كلام معاك لما ارجع علي نزولك من غير علمي.
ضحكت بو*جع وانا بقول:
_هو انت ليك عين تتكلم…. انا عمري ما شوفت كدا في حياتي.
وقبل ما هو يتكلم لاقيت واحده خارجه من الاوضة وهي لابسه قم*يص نوم وبتقرب منه وهي بتقول:
_اي يا حبيبي كل دا بتشوف مين علي الباب.
بصتلها بقر*ف وانا بحاول امسك دموعي عشان متنزلش قدامه لانه ميستهلش وقولت:
_بقي هي دي اللي سايبني عشانها… ليه يا محمد انا عملت فيك اي عشان تعمل فيا كدا… قولي انت قصرت معاك في اي… انطق ليه عملت فيا كدا.

رديت هي بكل استفزا*ز:
_في اي يا حبيبتي محمد من حقه يكون أب وانتي ارض بور اتجبر يتجوزك عشان وعد ابوه لابوكي مش اكتر… وعشان كدا اتجوزني وبقيت أم ابنه او بنتها باذن الله.
حسيت زي ما يكون في سكين*ه ضربت في قلبي.. يعني محمد اللي حبيته واتمنيته من ربنا مكنش بيحبني… جوازه مني بس كان عشان ينفذ وعد ابوه… طب وانا وقلبي وحبي وخوفي عليه كل دا ملهوش اهميه عنده كنت مصد*ومه ومش مستوعبة كل اللي بيحصل دا… مفوقتش غير وانا بقوله:
_طلقني يا محمد.
اتمنيت انه يرفض او يبقي علي العشرة اللي لينا انه ميفرطش فيا بسهولة كدا بس هو بكل بساطة وبرود قال:
_انتي طالق يا سالي.
ضحكت وانا بقول:
_ياااااه هو انا كنت حمل تقيل اوي كدا… شكرا يا استاذ محمد وبتمنالك السعادة انت والمدام ياريت ورقة طلاقي توصلي في اسرع وقت.
مستنتش رده وبسرعه مشيت من قدامهم قبل ما افقد كل قوتي وانهار قدامهم… هو انا ليه بيحصل فيا كدا… انا حبيته… والله حبيته اكتر من نفسي…. ذنبي اي اني مش بخلف… معقول اكون وحش*ة لدرجادي…. ركبت عربيتي وسوقت بأسرع سرعه عندي وانا مش شايفه من كتر دموعي وفجاه جت عربية في وشي وفقدت السيطرة… محستش بحاجه غير لما فوقت وانا في اوضة ومتعلق ليا محاليل وامي قاعده جانبي وبتعي*ط اول ما شافتني فتحت عيني جريت عليا بخو*ف:
_حبيبتي يا بنتي انتي كويسه… حمدلله علي سلمتك يا نور عيني.

بصتلها بكل برو*د وقولتلها:
_انا عايزة اخرج من هنا لو سمحتي.
امي استغربت طريقة كلامي ودخل الدكتور وهو بيبتسم وبيقول:
_ازايك دلوقتي يا مدام سالي… الحمدلله اصابتك مكنتش كبيرة وعديت علي خير…. المره الجاية خالي بالك كويس.
رديت وقولتله:
انا عايزة اروح دلوقتي لو سمحت.
وفعلا سمح ليا بالخروج ورجعت علي بيت اهلي من تاني اللي سيبته من سنتين… متوقعتش في يوم ادخله وانا مكسو*رة بالشكل دا… دخلت اوضتي وقفلت علي نفسي وقعدت في الارض وانا حاسه اني خلاص مبقاش في لازمه لحياتي بعد اللي حصلي دا كله…. قومت وقربت من التسريحه بتاعتي وطلعت منها المق*ص… وقبل ما انفذ اللي في دماغي فجاه الباب اتكس*ر ودخل اخر شخص ممكن اتوقعه……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الأمل)