رواية حب بدون ارادة الفصل الثالث 3 بقلم نشوة عادل

رواية حب بدون ارادة الفصل الثالث 3 بقلم نشوة عادل

رواية حب بدون ارادة البارت الثالث

رواية حب بدون ارادة الجزء الثالث

رواية حب بدون ارادة الحلقة الثالثة

-لارا انتى بتعملى ايه هنا وعرفتى عنوان الشقة ازاى؟!
لارا: اعمل ايه وانت مبتردش على مكالماتى فقلقت عليك وكان لازم اوصلك ولا انت كنت خايف انى اعرف بموضوع جوازك
مصطفى: انتى عرفتى ازاى؟
لارا: هو الجواز بيستخبى يا مصطفى انا جاية هنا اسمع ردك ع سؤال واحد بس لما انت هتتجوز غيرى ليه طول الفترة دى كنت بتقنعنى انك هتكون معايا وهتتجوزنى وانى ام عيالك والكلام الكبير ده كله ليه عملت كده؟
لم يجيب مصطفى فأكملت: عارف ليه يا مصطفى عشان انا مش اد المقام عشان انا واحدة امها رقا.صة طب انا ذنبى ايه انا اتعلمت واتخرجت من كلية حقوق وبشتغل مع محامى محترم وامى تابت من زمان لحد امتى هتفضل البصمة دى ملاحقانى ولا انت كنت واخدنى وقت
مصطفى: اهدى يا لارا ارجوكى مفيش اى حاجة من دى وانتى فاهمة غلط
لارا: طيب انا جاية عشان افهم فهمنى يا مصطفى!

مصطفى: مش هقدر افهمك اى حاجة دلوقتى لان فدوة فى المستشفى بين الحياة والموت فسبينى دلوقتى ولما افوق من اللى انا فيه هشرحلك كل حاجة بس امشى دلوقتى
لارا بدموع: حاضر يا مصطفى سلام
نزلت لارا وكانت اعين مصطفى تلاحقها بخوف ولاول مرة يشعر بخفقان بقلبه اتجاهها ماذا يحدث هل احبها حقا هل لارا حبيبته؟! دائما ما كان يشعر بالميل اليها لكنه كان يتأثر بأقاويل الناس عنها فما ذنبها هى فهو يعلم تماماً انها على خلق ومهذبة ترك كل هذه الافكار ثم دخل الى منزله واخذ حماما دافئاً واتجه للمشفى
فدوة: معقول يا جدو انت اللى عملت كل ده طب ليه عملت فيا كده مفكرتش فيا ؟
مؤمن: يا بنتى انا عملت كده عشانكم كنت عايز احميكم من تفكيركم المتخلف ده
فدوة: بأى حق! ليه دايما شايف نفسك انك انت اللى صح واحنا غلط حتى لو كنا ع حق حرام عليك انت دمرتنى انا الوحيدة اللى هطلع خسرانة
مؤمن: يا بنتى والله انا نيتى كانت الخير
فدوة: مصطفى فين يا جدو ؟!

مؤمن: واقف برة مش قادر يواجهك كان عاوز يدخلك من بدرى وانا اللى منعته
فدوة: لا انا عاوزة اشوفه وياريت تسيبنا لوحدنا لازم اتكلم معاه
مؤمن خرج وطلب من مصطفى ان يدخل لها فهى تريد ان تتحدث معه ..دخل مصطفى وهو مخفض الرأس لا يعلم ماذا يقول ؟
مصطفى: حمدالله على سلامتك يا فدوة انا اسف والله انا………..
فدوة مقاطعة: انا عرفت كل حاجة يا مصطفى جدو قالى بس ده ميمنعش انك عليك حق برضه كنت المفروض تقولى وتواجهنى ونتكلم بس انت معملتش كده
مصطفى: والله غصب عنى انا حقيقى مش عارف ازاى اكفر عن ذنبى ده
فدوة: تطلقنى
مصطفى : انا كنت واثق ومتأكد انك هتطلبى كده منى بس مينفعش يا فدوة ع القليل دلوقتى
فدوة: ليه؟

مصطفى: عشان كلام الناس انتى عارفة انك اكتر واحدة هتتأذى من كلامهم وهيقولوا عنك ابشع كلام
فدوة: بقولك ايه يا مصطفي اتطلقنا دلوقتى او بعدين هيتقال عليا ابشع كلام عادى وانا كلام الناس مبقاش يشغلنى خلاص من فضلك لو لسه باقى ع الشعرة اللى بينا ومش عاوزنى اقطعها طلقنى
مصطفى: طب وجدو هيوافق؟
فدوة: دى حياتى وكفاية انه كان سبب فى تدميرها مرة واصلا انا هسافر عند خالتو كوثر فى اسكندرية مش هقعد هنا تانى
مصطفى لم يستطع ان يعارض بل وافقها وتعهد لها انه سوف يفعل ما تريد عند خروجها من المستشفى ….وبعد مرور يومين خرجت فدوة وهى بكامل صحتها واتخذ مصطفى اجراءات الطلاق وبالفعل تم كل شئ كما ارادت وبعدها اخذت ملابسها واتجهت الى الاسكندرية حيث تعيش خالتها الوحيدة

كوثر بحب: اسكندرية نورت يا بنت الغالية
فدوة: منورة بيكى يا خالتو اومال هبة وياسين فين ؟
كوثر: هبة فى الكلية وياسين بالشغل زمانهم ع وصول قومى انتى خدى شاور وغيرى وتعالى ع اما اجهز الغدا
فدوة: لا والنبى يا خالتو انا مش عاوزة اكل انا عاوزة انام بس مش اكتر
كوثر بصت لها بحزن: زى ما تحبى يا بنتى ربنا يريح قلبك
دخلت فدوة الى الحمام واخذت حماما دافئاً ثم دخلت الى غرفة هبة واستسلمت للنوم ……فى المساء شعرت فدوة بأحد فى الغرفة فظنت انها هبة ولكنها صعقت عندما رأت ياسين يقف امامها عارى الصدر ويرتدى شورت رياضى فصرخت بأعلى صوتها اما هو وقف مصدوما لرؤيتها ووو……………..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب بدون ارادة)