رواية 30 يوم حياة 2 الفصل الخامس والعشرون 25 بقلم أميرة أسامة
رواية 30 يوم حياة 2 الفصل الخامس والعشرون 25 بقلم أميرة أسامة
رواية 30 يوم حياة 2 البارت الخامس والعشرون
رواية 30 يوم حياة 2 الجزء الخامس والعشرون
رواية 30 يوم حياة 2 الحلقة الخامسة والعشرون
عاصفه⛈️🌪️🌑
دخل زين وعامر يدخلوا مع بعض الشنط كانت المطره أبتدت والهوا اشتد اكتر واتحولت المطره من مطره خفيفه لسيوووووول
فتح زين باب الشقه ومعاه عامر اللي اتصدموا لما شافوا منار نايمه وملامحها باين عليها العياط والحزن والارهاق
وقف عامر متصنم بمجرد ما شافها.لحظات بشرود
زين..بص لوعد هي مالها
وعد…بصوت واطي كلمتني من ساعه كانت بتعيط وصوتها مضايق اوي وقالتلي انها جايه فالطريق ومحتاجه تتكلم معايا
عامر….بملامح جامده هي كانت فين انهرده الجمعه مفيش شغل
وعد…بأرتباك رجعت شعرها ورا ودنها كانت مع أنس
زين…اتخانقو يعني
وعد…لا لا اصلا هي ملحقتش تأعد معاه بتقول بباه تعب ومامته طلبت الاسعاف واعتذر لمنار وجري عليهم.
عامر….بحزن امال معيطه ليه زعلت انه مشي
وعد….بصتله بتأنيب واضح متظلمهاش يا عامر منار نفسيتها زفت وعموما انا مش من حقي ان اقول عالسبب اللي راحت تقابله عشانه لما تصحي أسألها انا قولتلكم بس عشان انت ا سألت ا علي شكلها فا طمنتكم
زين…خلاص يا وعد يلا ندخل مع بعض الشنط دي.
عامر….زين معلش انا همشي انا
زين…تمشي فين انت بتستعبط انت هتتغدا معانا وبعيدآ عن الغدا مش شايف الجو بره ولا ايه
عامر…عادي يا زين هجري بسرعه
زين….ورحمه كيمو لا هتأعد
عامر…يا زين هي اصلا لو صحيت لاقتني هتضايق وهتتحرج انا عارف واصلا هي مش مبقتش تصدقني هتفكر ان انا اللي طلبت اجي عشان اشوفها او اننا احنا التلاته متفقين
وعد…بقولك ايه أعد ومتتلككش وبعدين هنتفق ازاي اصلا وهي اللي مكلماني وهي جايه فالطريق وقالتلي انها هتعدي عليا
زين…اهي قالتلك صحيح
وعد….طيب بقول ايه انا هاخد الشنط دي براحه ادخلها ومعلش يعني طلب صغير ممكن تخرجو عالباب وتخبطوا تاني وانا هصحيها عشان متضايقش او تتحرج زي ما عامر قال
عامر….اه ياريت
زين…طيب تمام دخلي الشنط بسرعه
دخلت وعد الشنط براحه وسابت شنطتين بس مع زين وخرج عامر وزين تاني قفلت وراهم وعد وأستنت يخبطوا
صواني وخبط زين.
وعد…منار منار حبيبتي اصحي
فتحت عينها منار كان زبن بيخبط سمعت الخبط
منار….انا نمت ازاي
وعد…شكلك مرهق بس قومي يلا الباب بيخبط اكيد زين لو حابه تدخلي تنامي في اوضتي ادخلي
منار…لا لا انا همشي
وعد تمشي فين المطر مغرق الشارع استني الدنيا تهدي بس
منار…طيب افتحي الباب اللي بيخبط ده
وعد…ماشي راحت وعد فتحت الباب ظهر ادامهم زين ووراه عامر
زين…كل ده يا وعد ايه ده ازيك يا منار
بصت منار عاللي كان واقف وراه باصصلها بحزن
وقفت منار بسرعه أزيك يا زين
زين…الحمد لله وانا اقول البيت منور ليه
منار…بابتسامه منور بيك يا زين
زين…امسكي الشنط دي يا وعد ادخل يا عامر
دخل عامر ازيك يا وعد
وعد…الحمد لله بخير يا عامر
عامر…ازيك يا منار
منار…الحمد لله
زين…المطر مبهدل الدنيا بره
وعد…اه ما انا سامعه بس احسن حاجه ان مفيش رعد انا بترعب منه
زين…متستعجليش الوقت تقلب اكتر
وعد…بضحك الله يطمنك
انتبه زين عالواقف ومركز مع منار ماتدخل يا ابني واقف كده ليه
منار….طيب يا وعد انا همشي بقي وبكره هبقي اعدي عليكي
زين…تمشي فين انا بقول الدنيا بايظه بره
منار…مش مشكله بقي البيت مش بعيد ثواني وهكون هناك
وعد…لا طبعا مش هينفع
زين…سيبك منها يا وعد هي مشافتش المطر لو خرجتي هتغرفي
منار…هطلع أغير علي طول
هنا اتدخل عامر…اعدي يا منار المطر بره مش عادي لما الدنيا تهدي ابقي اخرجي
سكتت منار ومقدرتش تتكلم
زين….انا هدخل اغسل وشي واظبط نفسي وهاجي علي طول وانتب حضري الاكل يا وعد عشان ميبردش
وعد…ماشي بصت لمنار هاجي علي طول اعدي بقي
اعدت منار وسابت من ايدها العديه والورد اللي انس جابهم جمبها واعد عامر عالكنبه ادامها في صمت ثواني واختفت وعد وزين من ادامهم
فضلت منار اعده تلعب في صوابعها بأرتباك من غير ما تبص لعامر..
قطع الصمت ده عامر
عامر…كنتي فين يا منار
رفعت منار وشها لعامر
منار….ليه
عامر….هو ايه اللي ليه انا بسألك عشان تجاوبي مش تردي بسؤال
منار…كنت مع أنس
عامر….بغضب ليه
منار…هو ايه اللي ليه عادي خرجنا
عامر….اممم معيطه ليه يا منار يعني واضح كده ان الخروجه كانت حلوه وشاور عاللي جمبها وفيها ورد وهدايا
بصتله منار بحزن بطرف عينها وسكتت
طلع عامر سيجاره وشرب منها نفس وبصلها تاني
رفعت منار عينها بصدمه من سؤاله.
عامر…فكرتي يا منار
منار….بتصنع عدم الفهم في ايه
أبتسم عامر وهز راسه هو ابه اللي في ايه لحقتي نسيتي ولا عندك اليومين دول حجات كتير تفكري فيها
منار…مع انك بتقولها بتريقه بس اه عندي حجات كتير افكر فيها
عامر….ماشي ربنا يعينك المهم فكرتي في كلامي اللي قولتهولك اخر مره
منار…عامر انا مش عايزه اتكلم في حاجه لو سمحت سيبني براحتي انا اللي فيا مكفيني
عامر….لحد امته يا منار هفضل سايبك براحتك ولو انتي اللي فيكي مكفيكي انا اللي فيا يكفيني ويكفي الناس كلها
بصتله منار بحزن هو انت ليه مصمم تعيش دور الضحيه يا عامر
عامر…انا مقولتش اني ضحيه ولا انتي يا منار ضحيه احنا اتحطينا في ظروف وكان لازم نعيشها لانها مكتوبه علينا وعشناها بس الوقت احنا مع بعض يبقي ليه نضيع وقت بأيدنا
منار…معلش بس هو يعني ابه مع بعض احنا مع بعض ازاي اصلا
عامر….والله لو سبتي نفسك شويه هنبقي مع بعض يا منار
منار….ولو مش قادره اعمل ايه
عامر…بحزن منار انا تعبان من غيرك حياتي يمكن شغلي ماشي والدنيا ماشيه والايام بتعدي بس انا من جوايا واقف يا منار ومش يمشي
بصي يا منار هقولهالك تاني
انتي مقتنعه اني جيت عليكي وعلي كرامتك وجرحتك وليكي عندي تار كمان مش هدافع عن نفسي ولا قولك اني كنت بحبك وعملت كده لسبب الكلام ده أظن أنك سمعتيه يوم الحلقه
الكلام اللي كنتي رافضه تديني فرصه اوضحه او حتي ادافع عن نفسي بس مش هم المهم انك سمعتيه والاهم اني عارف انك صدقتيه واقتنعتي كمان حتي لو مش هتقولي ده بنفسك…حتي لو لسه حاسه انك ليا عندي تار زي ما قولتلك خدي حقك يا منار خدي تارك مني اوجعيني زي ما انتي مقتنعه اني وجعتك
رجعي كرامتك اللي مفكراني دوست عليها بالطريقه اللي ترضيكي احرقيني بالنار اللي جواكي لو شايفه ان الخل ده هيطفي نارك انتي وانا هتحمل عشان بس اشوفك مرتاحه اعملي كل حاجه فيا انا راضي بس عشان خاطري متبعديش عني .
حطت منار ايدها علي وشها تداري دموعها اللي بتنزل بوجع….عارفه ان هو بيحبها وواثقه في حبها ليه اللي منقصش واحد فالميه مش قادره تلومه اكتر من كده لانها قبل ما تعرف انه بيحبها هي اللي كانت بتحبه وهتموت عليه مش قادره تلومه لانه موعدهاش بحاجه تخليها تتعلق بيه هي اللي كانت متعلقه بيه حتي وهي عارفه انه بيعتبرها اخته مع الوقت حست انه فعلا مش ظالمها بس وجعها علي كرامتها تاعبها وجعها علي أنس تاعبها اكتر وجعها علي وجع عامر واجعها اكتر واكتر ملاقتش اي حاجه تقولهاله غير انها تنهار ادامه.
قام عامر اعد جمبها وشال ايدها من علي وشها مسح دموعها وباس ايدها.
عامر….بصوت هادي بلاش تعيطي لو انا غالي عندك
منار…بدموع وقهر انا تعبتنه اوي يا عامر والله العظيم تعبانه اوي
ولأول مره يقرب منها عامر ويقرب راسها لصدره بحزن
وكأنها لقت ملجأها اللي دورت عليه سنين مسكت في التيشرت بتاعه وفضلت تعيط.
اما في المطبخ
زين ووعد كانو واقفين مع بعض في المطبخ بعد ما خرج زين من الحمام وسمعهم بيتكلموا سابهم وراح لوعد فالمطبخ وقف معاها
وعد…الاكل هيبرد
زين…معلش استني بس شويه يمكن كلامهم مع بعض يجيب نتيجه وادام صوتهم مش عالي يبقي مفيش مشكله الحمد لله ربنا يهدي منار وتحاول تسمع
وعد…منار تعبانه اوي يا زين
زين…هي قالتلك راحت تقابل انس ليه
بصتله وعد انا مليش دعوه هي لو عايزه تقول تقول
زين…انتي عبيطه يا وعد مفكره انك لو قولتيلي هقول لعامر
وعد ..هو مش صاحبك
زين….اه صاحبي بس هي اخت صحابي وزيك انتي ومنه يعني زي ما عامر يهمني هي تهمني واكيد مش هقوله اي حاجه
وعد….كانت راحه تنهي كل حاجه مع انس بس لاخر لحظه كانت هتعترفله فيها جاله تليفون من مامته وقالتله اللي قولتهولكم ده فا عشان كده رجعت منهاره بتقولي يوم ما قررت اخد قرار كل حاجه باظت
زين…بابتسامه طيب حلو ده اوي ادام كان في نيتها انها تاخد قرار فا اللي حصل ده مش هيوقفها
وعد…قولتلها كده بس زي ما انت شايفها كده نفسياها زي الزفت خصوصا انها لقت انس جايبلها هديه هو صعبان عليها وبصراحه صعبان عليا انا كمان بعيدا عن اني بعز عامر جدا وعارفه ان منار بتحبه وهو بيحبها بس انس ميتاهلش يتوجع
زين…هو فعلا صعبان عليا جدع ومحترم وطيب بس كده احسن يا وعد ليه مينفعش يعيش مع واحده بتحب غيره وقتها حياتهم هتبقي جحيم وبدل ما هيسيبوا بعض باحترام وبينهم ود هيبقوا بيكرهواوبعض ومش طايقين يسمعوا نفس بعض حتي
وعد…عندك حق فالوقت ده عليت صوت المطره والنور قطع عن الحاره كلها.
اتخضت وعد وقربت من زين مسكت فيه
زين…متخافيش انا معاكي شكل المطره هتبوظ الدنيا
وعد…انت عارف مكان الكشاف
زين…في اوضه مديحه بس يارب يكون مشحون
وعد….طيب تعالي نشوفه شغل بس كشاف الموبايل انا موبايلي بره
زين…وانا موبايلي بره تعالي متخافيش
مسكت وعد في ايده
زين…من جوه عشان يسمع عامر انهم خارجين.
عامر….نور كشاف موبايلك عشان نعرف نخرج
عامر….ماشي يازين
بعد منار عنه باحراج وكانها نسيت هي وهو نفسهم في حضن استنوه كتير
مسك عامر موبايله نور الكشاف
خرج زين ووعد من المطبخ جاب زين موبايله نوره ودخل يشوف الكشاف لقاه فاصل ومش مشحون
زين…بضحك شكلنا هناكل علي نور الموبايل
عامر…بأبتسامه كل ده عشان جيت اتغدي معاكم حاسس اني نحس
زين…بضحك حاسس مش متأكد 😂🙈
عامر….مش انت اللي ماسك فيا من الصبح اشرب بقي
زين….ياعم فداك ميت نور هجيب الاكل انا ووعد ونيجي
دقايق وحطوا الاكل واعدوا مع بعض
وعد….يلا كلي يا منار
منار….مش عايزه يا وعد مش جعانه
زين….لا مفيش مش عايزه دي يلا كلي ده معاد غدا او عشا كمان واحنا مكلماش
منار…والله يا زين ما قادره كلوا انتوا بالهنا والشفا
عامر….بصلها الضوء كان بسيط لكن كانوا شايفين بعض
عامر…يلا يا منار كلي
منار…والله ما قادره
عامر…عشان خاطري 😉
وعد…يلا بقي متبقيش رخمه
منار…بقله حيله حاضر
زين…انتي مكسوفه ولا ايه محدش غريب
منار…بابتسامه مكسوفه ايه بس هي دي اول مره نامل مع بعض
زين…طيب يلا أبتدوا يكلوا مع بعض
مشاعر مختلفه واحاسيس من نوع خاص ثوره حب مولوده لكن اعلنت تمردها للخروج للنور
………
الكل كان متجمع عند توته وبيتغدوا مع بعض
سهير…اقول عليكي ايه يا توته بقي يوم ما تمسكي فيا ابات معاكي النور يقطع والجو يتقلب الناس تقول عليا ايه
ضحكوا كلهم علي سهير
ادهم….ده انتي منوره لوحدك يا سوسو
هيما….بضحك والله انتي عسل يا سهير
خلصوا اكل وعملت منه الشاي.
سهير…مبروك يا بنات عقبال ما تقوموا بالسلامه يارب
الجميع يارب.
احمد العربي العيال كبروني
ادهم….كبرناك ايه بس يا برنس ده الناس لما بتشوفك معانا بتفكرك اخونا
سهير….عنده حق ادهم كبروك اين بس انت لسه شباب.
هيما…..طب بالزمه في جد قمر كده
احمد العربي. …شوفي البكاش ده
رحاب….لا هيما عنده حق بقي انت لما بتأعد معاهم فالقهوه بحسك ادهم
ادهم…ربنا يخليك ليا يا حاج احمد
احمد العربي ويخليكوا ليا
فضلوا يتكلموا ويهزروا وكل واحد كان مندمج مع التاني
واندمج احمد العربي مع سهير في الكلام والضحك
هيما…ولا يا ادهم ابوك بيشقط سوسو
ادهم…بضحك مانا واخد بالي
توته…اتلم يا هيما انت وادهم
هيما…طب بزمتك مش لايقين علي بعض يا توته
منه…بضحك وصوت واطي صراحه لايقين اوي
توته….اظبطي يا بت ولا وحشك علقه زمان
منه…بضحك هو انتي مش قادره عليهم هتتشطري عليا انا😂😂😂
شمس….انا هقول الصراحه وامري لله صراحه يا توته لايقين علي بعض
توته…شوفوا البت😡
ادهم…بضحك طب وانتي ايه اللي مزعلك بس
توته…عشان انتوا رخمين. سيبوهم في حالهم وبطلوا رخامتكم دي
ايهاب….هما قالوا ايه بس يا توته دول بيوفقوا راسين في الحلال
توته…حتي انت يا عم بوب وانا اللي فكراك طيب ومش زيهم
ايهاب…بضحك بهتوا عليا
رحاب…بضحك طب والله لو حصل انا اكتر حد هفرح عشان هطمن علي بابا
توته….بت العلقه اللي هاكلها لمنه هيبقالك نصيب فيها😒
ضحكت منه ورحاب علي توته
ادهم…طب بعيدا عن الهزار يا توته بجد لو ده حصل هتضايقي
توته…انت بتهرج يا ادهم
ادهم…والله ما بهرج انتي يابت تكرهي لامك الخير شوفي شقيانه عليكم من سنين وهي لوحدها وبطولها اختك قربت تتجوز وانتوا التلانه هتسيبوها لوحدها ايه المانع
توته…مش هكره طبعا ومش ممانعه وعايزه اقولك ان امي زمان اتقدلها ناس كتير وكنت بفضل اتحايل عليها انا واخواتي توافق ومكنتش بترضي هتوافق بعد العمر ده كله وبعدين حتي لو هتوافق بردو بالنسبالي عادي بس انتوا بتتكلموا يعني وكأنه الموضوع حصل
هيما…ياستي اعتبريه حصل علي فكره الحوار كان هزار والله مني بس بما اننا بنتكلم ما تيجو نخليه جد
ادهم…بابتسامه والله انا معنديش مانع
رحاب…وانا كمان 😂🙈🙈
توته…😒😒😒
رحاب…اعوذ بالله عالبصه وهو النور قاطع تحسوها هتتحول😂😂😂
هيما…ايه يا توته
توته…هتقوم وتسبلكم المكان اقولك وهروح اقولهم اللي بتقولوه خلي عم احمد يعلقكم وامي تفضحكم
ادهم…يابت اعدي خدي ودي معانا فالكلام🤨
توته…بضحك هو انتوا بتتكلموا جد
ادهم…اه ورحمه امي
توته…وانت مش هتضايق يا ادهم ان واحده تيجي مكان امك
ادهم…بحزن بسيط لا مش هضايق امي ماتت يا توته مش عايشه بس ابويا عايش وبقي لوحده اه احنا معاه في نفس البيت بس فالنهايه هو لوحده وامك زيه يبقي فيها ايه لو يتمتعوا باللي باقي من حياتهم في ونس بعض
هيما…والله عين العقل
ايهاب…طب والله بعيدا عن الهزار ادهم بيتكلم جد
شمس…بحماس طب والله انا موافقه جدا
توته…لشمس ومنه ورحاب انتوا منكم لله انتوا التلاته😒😒 ورجعت بصت لادهم ماشي خليني اقول موافقه تفتكروا ان امي هترضي ولا حتي عم احمد
هيما…اطلعي انتي منها وهما يوافقو. وكمل بصوت مضحك أين وكيل العروس
توته….😒😒😒 وربنا ما هضربه يا ادهم
ادهم…بضحك الله يحرقك يا شيخ اسكت بقي 😂سيبك من هيما اللي هتاكليه بعينك ده ودقيقه وهجيبه من زروك يوافقوا ولا يرفضوا بقي دي خليها عليا
توته…طيب يا اخويا انا مالي😏
هيما….ما تقومي يا منه تجيبي شربات اهو يبقي فال حلو
توته….والنبي شكلي هنزل بتعرج
هيما…بضحك عنيفه اوي
فضلوا يضحكوا مع بعض وعينهم علي سهير واحمد العربي…😍😍
……….
خلصوا اكل مع بعض
وفجأه الرعد ابتدأ يشتغل والبرق والمطر مش بيسكت
وعد كانت اعده ضامه ركبتها علي صدره فوق الكنبه وحاطه ايدها علي ودنها بخوف.
مسك زين ايدها براحه…متخافيش ياوعد
وعد…مخافش ايه مش سامع الصوت
عامر….هي المطره مش بتقف ليه
زين…انا عارف طولت اوي اما اقوم ابص عالشارع كده
عامر…خدني معاك ابص عالعربيه
زين…تعالي مع اني ما انصحكش 😂😂😂
عامر…الله يطمن قلبك يا بعيد
وعد…زين خدني معاك قامت مسكت في ايده
زين…تعالي يلا
بص عامر لمنار شايفها اعده مرتبكه وخايفه مدلها ايده تعالي
بصت منار علي ايده وبدون اي اعتراض قامت وقفت ومسكت ايده حس عامر ان قلبها بيرقص شايف انها مستسلمه ليه اخيرا
دخلوا مع بعض البلكونه واتصدموا من المنظر
عامر….بصدمه يا نهار اسود العربيه
زين…بصدمه يانهار اسود الورشه
وعد…ايه الميه دي كلها دي وصلت لنص العربيات😳
عامر حط ايده علي راسه بصدمه.
منار….حست بتوتره …متخافش مش هيحصلها حاجه ان شاء الله
زين….ربنا يستر شكلها مش هتعدي علي خير
عامر…زين هي العربيه كده باظت صح
زين…لا متقلقش ولا باظت ولا حاجه لو كهربتها فصلت متقلقش
منار…هو مش المفروض في صرف هنا اقصد لو اتفتح هيسحب الميه دي كلها
زين وهو باصص عالشارع بصدمه المفروض بس ده كان يحصل الاول يترفع غطيان الصرف كله لكن الوقت هندور علي العطيان دي ازاي مفيش حاجه باينه
رن موبايل منار من جوه فالوقت ده
منار…ده موبايلي ودي رنه عادل
زين…هو عارف انك هنا صح
منار…كلمته ولنا جايه مردش شكله كان نايم وهو نومه تقيل
عامر…تلاقيه لما صحي وشاف المنظر قلق عليكي تعالي ردي عليه
خرجت منار مسكت موبايلها وردت
منار…ايوه يا عادل.
عادل…انتي كويسه
منار…اهدي متقلقش انا بخير كلمتك وانا راجعه بس مردتش منت هقولك اني هعدي علي وعد
عادل….براحه طيب الحمد لله انا كنت نايم لحد ما ترجعي وصحيت علي صوت الرعد لقيتك مرجعتيش ببص من الشباك اتصدمت من المنظر
منار…ايوه المطر مغرق الدنيا
ومش عارفه هعمل ايه ولا اخرج ازاي
عادل…مش هينفع تخرجي طبعا المطر واصل لنص العربيات خليكي مع وعد انهرده واديني زين انا هقوله عشان لو انتي محرجه
منار… ايوه يا عادل بس..سكتت منار وهي بتبصلهم باحراج لازم تصارح اخوها وتعرفه ان عامر معاهم هو كمان.
عادل…في ايه يا منار قولتلك هقوله مكسوفه ليه
زبن…فهم اللي هي عايزه تقوله صوت عادل كان ظاهر من السماعه الخارجيه وتقريبا كلهم سمعوا
عامر…بصوت واطي انا همشي يا منار خليكي انتي متقلقيش
عادل….هو ده عامر🤨
زين…هاتي الموبايل يا منار
وكأن منار ما صدقت ادتله الموبايل بسرعه
زين…ابه ياعادل عامل ايه
عادل…بخير يا صاحبي
زين…الصبح كلمت عامر كان في الاستديو فا قولتله اني رايح اشتري طلبات للبيت وبما اني عارف انه ملوش فالحوار بتاع الشرا وهينسي نفسه وهو اعد لوحد فا قولتله لو عايز حاجه يعني وقولتله يجي يتغدي معايا انا وعد بما انه اعد لوحده المهم قابلته وانا جاي ودخلنا مع بعض واتفاجئنا بمنار اعده مع وعد
رغم قلق عادل فالاول إلا انه ارتاح بعد كلام زين واتأكد ان الحوار مش مترتب….يمكن لو كان مترتب بعيدا عن ظروف الجو مكانش هيعترض لكن الوضع مختلف الوقت السيول مبهدله الشوارع ومنار هتضطر تأعد والكارثه ان عامر معاها…
عادل… في ايه ياض ليه المقدمه دي كلها وايه مشكلت عامر ماهو يوم العيد ميلاد استأذني وراحو سوا
زين…معلش يا صاحبي اعذرني لازم افهمك قبل ما دماغك توديك بعيد انا محبش اتحط في موقف وحش ادامك انت عارفني لما بحب اعمل حاجه برسيك من الاول
فهم عادل قصد زبن وافتكر لما راحوا يوصلوهم المطار للعمره وقالوا انه هياخد منار وعامر يتغدوا بره ولو قولتلك اعترض وارفض
ابتسم عادل…عيب يا صاحبي انت اخويا ومنار اختك انا صحابي رجاله يالا ولو علي عامر اطلع منها انت عامر بيرسيني ديما عالحوار
ضحك…زين علي عادل
وخد عامر منه الموبايل
عامر….انا كنت ماشي لما لقتها بس هما مرضيوش لحد ما المطر يقف وبما انه بقي حمام سباحه فا متقلقش ياض المطر يقف وهتلاقيني سمك في البحر بس وحيات امك متنساش تصورني عشان انزلها عالصفحه بتاعتي😂
ضحك…عادل عليه😂😂😂وقتها وحياتك هتبقي ترند بس عالمي😂😂
عامر….بجديه عموما يا سيدي انا ربع ساعه لو تلمطر ما وقفش هطير ومنار هتبات مع وعد هنا
عادل….مش هينفع يا صاحبي خليك بس شويه الدنيا تظبط حبه بس
عامر…خليها علي الله المهم بس عايزك تطمن
عادل…مش هي معاك انت وزين وفي وسطكم يبقي انا مطمن يا صاحبي وهدخل اكمل نوم
ابتسم عامر بحب ربنا يخليك ليا يا صاحبي خد منار معاك.
منار….باحراج ايوه يا عادل
عادل….خليكي يا منار اوعي تخرجي غير لما الميه دي تتشال انتي سامعه
منار…حاضر
عادل…منار
منار…نعم يا عادل.
عادل…في جمله كيمو كان ديما بيقولها كنت ديما اعد اتريق عليه واقوله هتعمل فيها حكيم…لحد ما بعد ما مات بقي كل موقف يحصلي مشابه للجمله دي افتكر كريم وهو بيقولها….والموقف الانتي فيه ده بيشبهها….
عادل….إذا أخذ الله منك ما لم تتوقع ضياعه.. فسوف يعطيك ما لم تتوقع ان تملكه..
متوقعتيش ان كريم يروح واهو راح وضاع….فكري كده طول حياتك مش متوقعه انك تملكي ايه وهو الوقت بين ايديكي🙂
خلي بالك من نفسك شويه وهكلمك يا حبيبتي سلام.
فضلت منار حاطه الموبايل علي ودنها وسرحانه في جمله كريم والموقف اللي هي فيه وعينها علي عامر…
ثواني عدت دقايق عدت المطر مش بيقف صوت الرعد والبرق اقوي الهوا صوته مرعب كانت ليله مرعبه فعلا…الكل اعد منتظر النور يرجع خلاص النهار بدأ يودع ويحل مكانه الليل وفجأه سمعوا صوت صوات في الشارع مبيقفش جريوا كلهم عالبلكومه وكل الحاره بصت من الشبابيك والبلكونات
وسامعين صوت ست بتصرخ بعلو صوتها وبتنادي علي أبنها…عمررررر عمررررر اقف يا عمر متخافش يا ابني…
زين والكل اتعرفوا عليها ايوه هي ام عمر اللي شغاله معاه
وكان المشهد كالاتي عمر جري علي الكلب بتاعه اللي بيربيه في الشارع مجرد كلب عادي مشرد عمر ديما يأكله ويلعب معاه من وهو صغير فا نشأت بينهم علاقه صداقه من نوع خاص .جري منه الكلب فا خاف عليه عمر يغرق او يموت من البرد والميه الصاقعه جدا…وفجأه اتصدم مكانه لما جري الكلب في مكان معين لمس الميه وفجأه الكلب اتصعق ومات ادام عينه فضل عمر يصرخ علي الكلب بوجع…
وامه تصرخ عليه خايفه يروح وراه هي عارفه هو بيحبه اد ايه.
والدته…ابعد يا ابني الله يخليك هتموت يا حبيبي وتحرق قلبي عليه
عمر…بعياط ده صاحبي يا أما هو مماتش والله
والدته…بصراخ. والميه مكهربه افهم يا حمار
حاول عمر بكل قوته يتنطط عالرصيف العالي عشان يقرب منه فاكر انه عايش.ووالدته بتصرخ من وراه بأسمه
كان مشهد صادم ادام الكل وابتدت ستات الحاره تصوت وينبهوه يبعد والصدمه الاكبر ليهم ان الشارع كله بقي مكهرب
زين…بصوت عالي وعصبيه عمرررر ابعد يالا الميه مكهربه هتموت ابعد بقولك
عامر…ابعد يا عمر بسرعه وخلي بالك
عمر….بعياط طفل ده صاحبي ياعم زين
عامر…بتوتر افهم يا حمار ده مات ولو قربت منه هتموت زيه وابتدا عامر يتوتر وهو شايف مشهد كريم بيتكرر ادامه من تاني ومن نفس الشخص اللي كان بسببه كريم مات وهو بينقذه.
ادهم من فوق….ابعد ياض امك هتيجي وراك وتتكهرب يا حمار
وكأن عمر مش سامع وشايف انهم بيبالغوا وكلبه عايش فضل يقرب اكتر
وفجأه شاف عمر قطه بتنط من رصيف للحجر اختل توازنها ووقعت فالميه وثواني واتجمد جسمها ادامه فا عرف حجم الكارثه اللي هو فيها
زين…بعصبيه شديده ابعد يااااض بعد عمر لورا وعشان يرجع لازم ينزل من الرصيف للحجر من تاني لكن كان فات الاوان والحجر وصلتله الميه🌪️☄️
عامر…عمر الحجر غرق ميه خليك مكانك اوعي تعدي
عمر….الحقني ياعم زين والنبي ياعم عامر وحيات عم كيمو متسبنيش اموت
بسرعه نزلت دمعه علي خد عامر مسحها بعنف
وبص لزين….السطح عندكم في خشب
زين….في خشب كبير اه عروق بتاعت البنا
عامر…طيب تعالي بسرعه معايا وقبل ما يجري علي باب الشقه
مسكته…منار انت هتعمل ايه
عامر…مش هينفع اسيبه يا منار
منار…اتجمعت الدموع في عينها عامر بلاش والنبي نتصل بالنجده بس بلاش تخرج
زين…مفيش وفت يا منار ده عيل صغير مش واحد كبير هيفضل ثابت في مكانه وارد رجله تخونه وميتحكمش في حركته لازم نلحقه
وعد…زين الخشب اللي فوق رفيع صعب المشي عليه
زين…متخافيش ربك هيحلها
جري بسرعه هو وزين علي فوق فتح ادهم الباب وطلع وراهم هو وهيما وايهاب
ونزلوا 3 ألواح خشب
ودخلوا علي البلكونه بتاعت زين وأبتدوا يوصلوهم في بعض ويربطوهم من النص كويس عشان تطول البلكونه اللي ادامهم
لحد ما وصلت وجيرانهم ثبتوها كويس
زين…متخافش يا غمر خليك مكانك متتحركش
هز عمر دماغه وهو بيعيط
وقبل ما يطلع زين عاللوح
مسكه عامر..
زين بصله….
عامر…بلاش يا زين انا اللي هكلع انت جسمك اتقل مني وميتهيأليش اللوح هيتحملك
ادهم…عامر معاه حق
هيما…طب انا هطلع
عامر….ولا انت انا اخف جسم فيكم متقلقوش
ايهاب….عامر مش هتقدر
عامر…ربك يسترها متقلقش
مسكت عامر في حرف ايده من غير ما حد يشوفها وعينها فيها دموع…أبتسم عامر لمنار بحب متخافيش خمسه وراجع 😉😉 بقول ايه روحي اعمليلي كوبايه نسكافيه
نزلت دموع منار هي عارفه انه بيضحكها عشان تطمن
وبسرعه وقف عامر علي الكرسي وبعدها علي اللوح الخشب الكل كان حاطط ايده علي قلبه خصوصا من نص اللوح اللي مربوط بحبل ونازل لتحت شويه من حمل اللوح مع حمل عامر اللي بيقرب فضل عامر ماشي براحه لحد ما قرب عالنص وهو بيقرأ قرأن وقلبه بيدق بعنف.
منار…يارب يارب
ايهاب….براحع ياعامر
ادهم….بلاش صوت متوترهوش
شهد من بعيد….عامر لا والنبي ارجع
صلاح…يابت اسكتي متلخميهوش
شهد…بعياط يارب والنبي
عدي عامر نص اللوح وحط رجله علي بدايه اللوح التاني وفضل يقرب براحه لحد ما وصل لسور البلكونه اللي ادامهم…الكل اتنهد براحه فالوقت ده
بص عامر علي تحت المسافه مش قصيره هو دور بس طويل وفي نفس الوقت الميه تحتيه وعمر كمان واقف تحت علي الرصيف العالي
عامر…لجاره…عندك سلم
جاره…عندي بس قصير مش هيطول
جاره اللي فوقيه في التاني انا عندي يا عامر يا ابني هيطول الشارع استني
دخل جاره بسرعه جاب السلم ونزل بيه علي شقه جاره دخل عالبلكونه وحاولوا ينزلوا السلم وصل تحت بالظبط
عامر…عمر رجلك ارفعها علي طول وامسك كويس اوعي تلمس الميه ابدا
عمر….انا خايف يا عم عامر
عامر…متخافش يا عمر سمي الله وحط رجلك بس لف براحه
حاول عمر براحه مسك السلم بأيده ورفع اول رجل وبعدين حط التانيه علي طول الكل صوته علي بفرحه فضل عمر يطلع براحه لحد ما عامر مسكه بايده ووقتها اتنهد براحه وشد راسه لحضنه الكل فضل يشجع عامر واللي يدعيله شدوا عمر الجيران للبلكونه وسحب جاره السلم
زين….لجاره خلي عمر عندك مش هينفع يرحعوا عاللوح
جاره…متقلقش هيفضل معايا
زين…امسكوا اللوح كويس من عندكم لحد ما عامر يرجع
ابتدا عامر يرجع بهدوء زي ما جه الكل كان مترقب والكل فالشبابيك والبلكونات
صحابه متوترين جدا..وصل عامر عند النص رفع رجله براحه حطها عاللوح التاني
لكن لفت نظره ان الميه دخلت عالحوش بتاع يوسف وغرقته ويوسف في دور ارضي وهو الوحيد اللي مش واقف
زين….يلا ياعامر متقفش
عامر…بصدمه يوسف يا زين الميه دخلت علي يوسف وروحيه🥺🥺
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)