رواية من نظرة حب الفصل الثاني والعشرون 22 بقلم الكاتبة الصغيرة

رواية من نظرة حب الفصل الثاني والعشرون 22 بقلم الكاتبة الصغيرة

رواية من نظرة حب البارت الثاني والعشرون

رواية من نظرة حب الجزء الثاني والعشرون

رواية من نظرة حب الحلقة الثانية والعشرون

ثريا : بطلي جنان ي منة الدكتور قال انه كويس وبعدين انتي ايه اللي رجعك وانتي بقالك سنين برة
منة : عادي حبيت اجي اقعد معاكم شوية كدة غلطت بس شكلكم مش حابين وجودي
ثريا : كلامك مش صح انتي عارفة اني بعتبرك زي مكة وخصوصا انك بنت اختي
منة شافت مكة راحت سلمت عليها ومكة ابتسمت لها بصعوبة
منة : وحشتيني اوي ي مكة
مكة : وانتي اكتر ي منة
وراحت ناحية حمزة وحضنته وهو مداش اي ردة فعل ودا اللي خلي جودي تغير متستغربوش انها حضنته لان منة تبقي بنت عم حمزة ومتربية معاهم كلهم
منة : ها ي وحش عامل ايه في حياتك
حمزة : الحمدلله كويس
منة : يعني مغيرتش رايك
حمزة : لا ازاي اقدم ليكي جودي خطيبتي
ابتسمت جودي من كلمته وبصت منة بصت لها بكل غرور واستحقار
منة : دي انا مكنتش اعرف ان زوقك اتغير كدة
انمحت الابتسامة من علي وش جودي والكل اخد باله
حمزة : ايوة عندك حق زوقي فعلا اتغير
زعلت جودي من كلامه ومنة ابتسمت ودا اللي خلاه يقول
حمزة : اتغير للاحسن جودي هي احسن قرار اخدته في حياتي وهي اللي غيرتني للافضل
الكل فرح بكلامه دا وخصوصا جودي اللي اتاكدت ان موافقتها علي الجواز منه مكنتش غلط اما منة فحست بالغيظ من رده
منة : انت حر وهو انا اللي هندم بعد كدة
حمزة : انا هندم فعلا لو خسرت جودي وياريت محدش يتدخل في قراراتي انا مش صغير
منة : من الواضح ان وجودي مش مرغوب فيه انا هروح القصر وهبقي ارجع بالليل
مشيت منة وهي متغاظة وسابتهم وهما كلهم فرحانين من ردوده
مكة : عاش ي فنان الله عليك
حمزة : ها عجبتك
مكة : مفيش احسن من كدة دا انت خلصتني من حمل انا مش عارفة هي ايه اللي رجعها دلوقتي والكلب زين انا ليا تصرف تاني معاه
بص حمزة لجودي اللي بتبصله بنظرات حب وهي فرحانة اوي
جودي : شكرا
حمزة : بتشكريني علي ايه ي هبلة انتي خلاص هتبقي مراتي واللي يهينك يبقي بيهيني وانا مش هسمح لحد انه يقلل منك
جودي : ربنا يخليك ليا
🥀🥀🥀🥀🥀🥀🥀🥀🥀🥀🥀🥀🥀🥀🥀
في المستشفي بالليل كان مالك اتنقل غرفة عادية والكل كان متجمع حواليه
ثريا : الف سلامة عليك ي حبيبي ان شاء الله اللي يكرهوك
مالك : الله يسلمك ي حبيبتي
مكة : بقي كدة خضتني عليك انا كنت هموت من القلق وقت ما شوفتك واقع في الارض
مالك : قلقانة من ايه ي بت ما انا زي الحصان اهو
حمزة : الف سلامة عليك ي عم انا قولتلهم انك بسبع ارواح مصدقونيش
زين : ايوة وانا بردوا كنت عارف انك مش هتسيبنا كدة بالساهل لازم تقرفنا في الاول
مالك : ونعم الاحترام تصدقوا اني لو مكنتش تعبان كنت اتصرفت معاكم
حمزة : احب اعرفك الاول علي
مالك : جودي
حمزة : انت عرفت ازاي
مالك : ي ابني ما انا قولتلك قبل كدة اني عارف الصغيرة قبل الكبيرة في العيلة دي
جودي : الف سلامة عليك ي استاذ مالك
مالك : الله يسلمك بس بقي شيلي استاذ دي انتي خلاص هتبقي مرات اخويا ووحدة من العيلة واعتبريني من دلوقتي اني اخوكي والا انتي مش حابة
جودي : لا ازاي طبعا دا شرف ليا
مكة : انا حابة اقولك خبر مش لطيف خالص ومش عارفة ردة فعلك هتبقي ايه
مالك : في ايه
كانت لسة مكة هترد الباب اتفتح ودخلت منه منة اللي اول ما شافها مالك اتضايق
مكة : اهو هو دا الخبر صحيح تجيب سيرة القط ييجي ينط
منة راحت لمالك بسرعة وحضنته جامد وهو كان متضايق من كدة
منة : الف سلامة عليك ي مالك انا اول ما جيت وعرفت جيت علي طول
بعدت عنه وبصتله وقالت : وحشتني اوي ي مالك
مردش مالك عليها والكل كان عارف السبب وجودي واقفة ومستغربة
منة : ايه يعني مردتش ولا حتي قولت ازيك ي منة
مالك : انتي ايه اللي جابك ي منة
منة : هو انت لسة منستش دا عدي سنين علي اللي حصل
مالك : وهو اللي عملتيه يتنسي قولي انتي عاوزة ايه
منة : انا بحبك ي مالك ومش هقدر ابعد عنك
مالك بسخرية : بتحبيني وهو في وحدة بتحب واحد تعمل فيه اللي انتي عملتيه فاكرة والا افكرك
منة : مالك الموضوع انتهي من زمان وانا اتغيرت
مالك : مستحيل انسي انتي عملتي ايه واتفضلي امشي دلوقتي
منة : يعني ايه
مالك : انا احب ان عيلتي بس هي اللي تكون جمبي ومش عاوز اي حد غريب
خرجت منة وهي زعلانة من كلامه وهو اتنهد بعد ما خرجت
ثريا : ينفع اللي عملته دا ي ابني
مالك : انا مغلطتش ي ماما انتي عارفة هي عملت ايه فيا
مكة : مالك عنده حق ي ماما بعد اللي عملته ملهاش الحق انها تيجي هنا
ثريا : انا عارفة انكم بتتكلموا صح بس بردوا
زين : سيبك منها ي خالتي انتي عارفة انها بتمثل زي ما عملت قبل كدة
حمزة : ياريت ي جماعة ننسي انها موجودة ومنتكلمش عنها
مالك : ياريت لاني مستحيل انسي ولا اسامحها علي عملتها

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية من نظرة حب)