رواية البنت غير الشرعية الفصل السادس والثمانون 86 بقلم ياسمين

رواية البنت غير الشرعية الفصل السادس والثمانون 86 بقلم ياسمين

رواية البنت غير الشرعية البارت السادس والثمانون

رواية البنت غير الشرعية الجزء السادس والثمانون

رواية البنت غير الشرعية الحلقة السادسة والثمانون

دارت الغدا وعيطتلي حاشا النعمة والله ميتكل خصارة الخضرة واللحم اي ندارو فيه نضت قتلها موش جيعانة تقهويت غير مقبيل رحت تتفرج السماطة تقتل دخلت للبيت رقدت حتى للعشية نضت لقيتها مكاش درت قهوة وخبز ومعجون كليت شبعت ورحت نتفرج حتى جات قاتلي مدام اسمحيلي طولت كنت نقضي قتلها معليش راحت للكوزينة كثر من 3 سوايع وهي تم ممبعد حطت فريت و سكالوب معليش قتلها اقعدي قاتلي لالا مدام قتلها اسمعي انا منحبش الرسميات عيطيلي بسمة عادي وناكلو مع بعض عادي قعدنا تعشينا قتلها ديما مع الغدا والعشا ديري سلاطة قاتلي معليش قاتلي مدام آه بسمة أنا منيش موالفة بالخدمة هذي انا كنت نخدم فالشركة كي قالولي سي يوسف محتاج واحدة فالدار تطوعت قتلها واش كنتي تخدمي تلبكت ممبعد قاتلي فام دوميناج بغيت نقوللها فام دوميناج ومتهلية في روحك قاع هكا هيا معليش نضت شوية

جابتلي تيليفونها قاتلي هاكي سي يوسف يعيط رديت عليه سافا لاباس قالي الحمد لله ونتي قتلو والله مليحة واسمحلي مخرجتش قاع قالي بسمة براحتك قتلو مرسي يا درا وصلت قالي سيبون وصلت راني في لوتال حبيت نطمن عليك ونروح ندوش ونرقد قتلو راني لاباس قالي يادرا كيفاه مع المرأة قتلو سافا قالي بسمة وقيلا معجباتكش قتلو لالا غير مانعرفهاش قالي حتى انا قتلهم البارح برك ابعثولي واحدة تبقى فالدار بعثوها المهم تونسك حتى نجي قتلو معليش قالي بسمة تهلاي في روحك ومتخافيش لاسيتي بالسيكيريتي والكاميرات قتلو والدار قالي بسمة والله مفيها قتلو أيا مليح هيا تصبح بخير قالي ونتي من أهلو رجعتلها تيليفونها وجيت فالصالة نتفرج حتى قاتلي بسمة وين نرقد نعست قتلها ارقدي في بيرو يوسف اقعدي تم كي تكملي خدمتك قاتلي صحيتي تصبحي بخير قتلها ونتي من اهلو بقيت نتفرج حتى فاتت 2 باه رحت نرقد سمعتها تهدر باين فالتيليفون دبر راسها للصباح نوضتني قتلها غير الخير قاتلي وجدتلك القهوة قتلها كي نوض نشربها قاتلي والغدا قتلها واش بي جدو ديري لي حبيتيها قاتلي هاعطيني دراهم باه نقضي قتلها غير البارح مديتلك 500الف قاتلي بصح

خلاصولي هاذي تتمسخر بيا انا موالف جيبلي قضيان شهر قتلها روحي ذوك نجي نضت كامل مقودة جبت دراهم مديتلها غير 200 الف قتلها اشري بيها كذا وكذا هي راحت وانا غسلت وتقهويت وبقيت نتفرج تاني جات دارت غدا زعما دارت مثوم والله متسعا فيه ريحة المثوم باين فيها متعرفش طيب هذي ، اليوم 3 ايام ملي راح يوسف الحال لا يطاق وصابرة عليها ، فالليل هي قالت راح نرقد وانا جيت داخلة للتوالات حتى سمعتها تهدر قالت ياك قلتو يوسف مهوش مزوج ، لالا مزوج بصح مرتو خرا حاجة فيها متعجب ، باين فيهم مهمش متفاهمين يعيطلها غير عندي ، شحال مشحاحة كي نقوللها على الدراهم تقولي غير البارح مديتلك ، خلي نبروفيتي منها ومنو والله منطلقهم فالزوج ……. يا القح#ة تحلتلها العين اصبري ضوك نوريلك على الهدرة هاذي بايتة نطلع ونهبط زعما انا صح منليقش بيه علاه كامل مستخسرينو فيا واش خصني أنا ترنكت رقدت بالسيف الصباح نضت منسواش غسلت ولبست حوايجي نتاع الجين وخرجت عندها لقيتها تتفرج قاتلي صباح الخير مجاوبتهاش رحت نتقهوى عيطتلها جات قتلها القهوة باردة قاتلي نتي طولتي منظتيش ونطير فيها اسمعي راني في داري نوض وقت نحب قاتلي خلاص هاتي نسخنهالك قتلها منحبهاش مسخنة منا وجاي كي تشوفني نضت تطيبيها اوكي قاتلي معليش وجيت

خارجة قاتلي بسمة وين يا ونشعل فيها ونتي واش دخلك قاتلي لالا برك خفت سي يوسف يعيط باه نعرف واش نقولو قتلها قوليلو معلاباليش ورفدت المفتاح وخرجت خبطت الباب ، انا جامي حقرت انسان بالعين بصح كاين ناس لازم توريلهم العين الحمراء سينو يركبو عليك شديت طاكسي ديراكت لخالي جا يسلم عليا قتلو حبس نستحق دراهمي قالي ياك مديتهملك قتلو نحوس على دراهم راجلي بلع لسانو اه مهدرهاش قتلو معلاباليش شحال عندو راه يبعث بصح راح نحاسبك على 72 مليون روسات عام لشهر لخرين معليش راح نسمح فيهم بصح هاذو والو المرة الجاية كي نجي نلقاهم سينو نقول ليوسف ودبر راسك معاه بقى يحلف ويصحف يا بسمة والله مانسعى دورو قتلو الدراهم وين درتهم صرفتهم على مرتك معلاباليش بيك نحتاج قسام دراهمي وخرجت وخليتو كلاب قاع كيما راكم مالازمش الواحد يتساهل معاكم قاع .

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)