رواية لقاء الحلقة الثالثة 3 بقلم دعاء عرقوب
رواية لقاء الحلقة الثالثة 3 بقلم دعاء عرقوب
 |
| رواية لقاء الحلقة الثالثة 3 بقلم دعاء عرقوب |
رواية لقاء الحلقة الثالثة 3 بقلم دعاء عرقوب
نوال بزعيق :كل الي بتقوله دا ميهمنيش اتصرف فاهم
-…………
نوال:يعني ايه صعب اومال الفلوس الي بتاخدها دي كلها ليه علشان سواد عيونك
-…………
نوال:الي عندي قلته ويكون احسنلك انك تلاقي حل لان غضبي وحش اوي ومش هيعجبك
-………..
نوال: حياته متفرقش معايا علشان اخاف ع مستقبله نفذ بس خد بالك كويس
نوال لنفسها بعد ماخلصت المكالمه: شكلي نسيت إن الصغير بيكبر ورفعت عيني من عليك لكن مش هسمحلك تضيع كل الي عملته وتاخد كل حاجه ع الجاهز مش نوال الي تخسر قدام عيل
في غرفه آسر
آسر:بالذمة انت واحد امتحاناته قربت
جاد:يعم متنجز بقى
آسر:يبني عندي مذاكره والله
جاد: يالا بطل دح خد نفسك شوايه
آسر:شوف مين بيتكلم ي بني دا انت مخلص المنهج ومراجع عليه عشروميت مره
جاد:أنا يبني شكرا ع ثقتك الغاليه
آسر:طب يلا من هنا علشان عندي صداع
جاد:السهره النهارده في الكافيه هستناك انا ونادر متتأخرش
آسر : روح يشيخ اشوف فيكوا يوم
في المطبخ
لقاء:هي مين الي كانت قاعده تزعق دي
صفيه :دي نرمين هانم بنت الست نوال ذي امها بالظبط دايما صوتها عالي وبتزعق في الخدم بسسب ومن غير سبب
لقاء:ربنا يبعد شرها عننا
صفيه:روحي حضري السفره علشان نحط العشاء
لقاء:حاضر
سماح:وانا اقول القصر نور فجأة كدا ليه اتاري القمر طلع من اوضته
آسر :اي دا انا بتثبت عيني عينك كدا
سماح:بجبر بخاطرك يبني بدل ماانت سنجل بائس كدا هههه
آسر وهو بفرق في رأسه : ايه الاحراج دا هههههه
سماح: مالك بقى ؟
آسر:مينفعش نأجل السؤال دا
سماح:لا مينفعش ملاحضاك متغير من فتره وقولت يمكن ضغط مذاكره لكن الموضوع مش ضغط دراسه وبس
آسر:خايف ي أمي أول مره اكون خايف بالشكل دا يمكن لان السنادي متوقف عليها حاجات كتير أنا لو لقدر الله فشلت بكدا اكون بقدملهم فرصه انهم يعملوا الي عوزينه ع طبق من دهب أنا مقدر انهم الي مهتمين بالشغل ولولاهم كانت الشركه وقعت بس هما بدأوا يتصرفوا غلط وانا عامل نفسي مش واخد بالي وبحاول اتغضى عن تصرفتهم لحد ما يكون ليا الحق استلم كل حاجه وساعتها هعرف كل واحد غلطه مش هينفع افضل مستني لحد مايجي اليوم الي الاقي حقي اتاخد مني ومافيش في ايدي حاجه اعملها
سماح :كل دا وشيله لوحدك يبني ومجتش تحكيلي ليه
آسر: مكنتش عاوز اشغلك وبعدين صحتك مش عجباني شكلك مهمله في العلاج ي سماح
سماح:سماح حاف كدا هههه
آسر:دا الي لفت انتباهك المره الجايه هخليها سماح البسطرما
ضحكت سماح ع كلام ابنها ثم امسكت يده
سماح: وكل امرك لله يبني وربنا مش هيضيعلك تعب وبعدين خايف ليه مش بتعمل الي عليك يبقى ربنا هيكرمك ولو لقدر الله حصل حاجه مش متوقعها يبقى ربنا ليه حكمه من دا واكيد الي حصل فيه خير حتي لو إحنا شايفين انه شر بس عاوزاك توعدني بحاجه
آسر: اوعدك بايه يست الكل
سماح:اوعك تظلم حد ي آسر حتي لو كان الشخص الي قدامك مش كويس وسببلك مشاكل لو ليه حق عندك اوعك تنقص من حقه علشان ربنا يباركلك في رزقك يبني
آسر وهو يقبل يد امه:ربنا يباركلي في عمرك يست الكل وميحرمنيش من كلامك الي عامل ذي وصفات الطريق للسعاده دا
سماح: ويباركلي فيك يحبيبي …كفايه دراما وقوم يلا علشان نتعشي
آسر :هههههه لا بالهنا أنا طالع مع الشباب
سماح:ماشي ي حبيبي
آسر وهو يقبل جبين والدته:متنسيش ادويتك …عاوزه حاجه
سماح:عاوزه سلامتك
آسر :معلش يعم متولي طلعلي العربيه
متولي:حاضر يبشمهندس
آسر:تسلم ي راجل يطيب
نرمين:شكلك خارج ممكن اجي معاك
نوال وهي تمسك نرمين من دراعها :لا…قصدي إني محتاجاكي في حاجه …وبعدين آسر طالع مع صحابه هتروحي تعملي ايه
آسر :طب عن اذنكوا لان اتاخرت
نوال: اذنك معاك ي حبيبي
نرمين:ي ماما كنت عاوزه اخرج معاه وبعدين انتي عوزاني في ايه
نوال: هاا كنت ..كنت عاوزاكي تسعديني في حاجه تبع الشغل
نرمين باستغراب: اساعدك وانا والشغل اذاي
نوال بتجاهل لكلام نرمين: صفيه …انتي ي زفته
صفيه:نعم ي هانم
نوال: كل دا ومحضرتيش العشي
صفيه:ثانيه ي هانم والاكل هحطه ع السفره
نوال:طب انجري خلصي لاني عندي شغل
صفيه:حاضر ي هانم
ع طاولة العشاء
نوال بمكر: مالك ي سماح مش بتاكلي في حاجه ولا ايه
سماح : لا الحمد لله شبعت عن اذنكوا
غادرت سماح لغرفتها وكانت لقاء تراقب شرود سماح وان هناك شي ما فصعدت خلفها
لقاء:ممكن ادخل ي هانم
سماح:تعالي ي لقاء
لقاء:هو حضرتك كويسه؟!
سماح باستغراب:اهاا كويسه..بتسألي ليه ؟!
لقاء:للصراحه ي هانم حسيتك فيكي حاجه وجيت اتطمن عليكي اسفه لو تعديت حدودي بس معرفتش مطمنش عليكي
سماح:شكلك قلبك ابيض وبتحسي بالي حواليكي
لقاء:يعني حضرتك من زعلانه مني اني سالت
سماح:بالعكس انا مبسوطه اوي لاهتمامك بيا يمكن لو بنتي كانت موجوده دلوقتي كانت عملت ذيك كدا
لقاء:طب هو حضرتك كويسه؟!
سماح :والله يبنتي ماانا عارفه بس قلبي مقبوض كأن في حاجه هتحصل مش حاسه اني مرتاحه
نوال وكأنها تتشوق لسماع خبر ما:صفيه …ردي شوفي مين ع التلفون
صفيه :حاضر ي هانم
بعد ثواني
ي هااااانم ي هاااانم البشمهندس آسر عمل حادثه بالعربيه ونقلوه للمستشفي
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية شمس للكاتب حمدي قدري.