رواية طفله امتلكت النمر الفصل الخامس 5 بقلم ملك شطري

رواية طفله امتلكت النمر الفصل الخامس 5 بقلم ملك شطري

رواية طفله امتلكت النمر البارت الخامس

رواية طفله امتلكت النمر الجزء الخامس

رواية طفله امتلكت النمر الحلقة الخامسة

نمر بص ل حور بقلق: ح.. حور
حور رغم خوفها منه ولكنها مسكه فيه بكل قوتها لان ده امانها
نمر بخوف: حور انا مش قصدي حقك عليا
حور عيطت واتكلمت بصوت هادي ورقيق: انا قولتلك اني عندي فوبيا من الضلمه وبخاف انام لوحدي وكنت بردو بتسبني نايمه لوحدي وف الضلمه وبصحى اتخض وقولتلك عندي فوبيا من الصوت العالي وبردو زعقت بصوتك ل درجه خلت الكل يتخض مش انا بس انت لو قصدك تخوفني منك مش هتعمل كده
قامت من حضنه وطلعت على فوق تجري ونمر بصلها بحزن وبسمه بصه بحقد وغيظ
كريم: مينفعش كده يانمر البنت دي في حاجه مخلياها بتخاف اوي كده وهي محكتهاش صدقني لازم تركز معاها اكتر من كده يانمر
نمر: عندك حق يابابا
عز: اطلع هاتها يانمر وخلينا نخرج شويه ده انا حتى لسه بقول ل اسيل عايزين نخرج
نمر: تمام
قام نمر طلع على فوق لقا باب الجناح مردود فتحه بهدوء والنور كان منور ف الاوضه ولقاها قاعده على السرير منكمشه ف نفسها وبتعيط
نمر قرب منها بحنيه وخدها ف حضنه: انا اسف
بقلمي✍🏻/ملك شكري

حور عيطت جامد ف حضنه: ا انا مش عارفه بخاف اوي ليه كده ا.. انا مكنتش عايزه ابقا جبانه كده
نمر وهو بيطبطب على شعرها بحب: لا انتي مش جبانه ياحبيبتي انتي اقوى واحده ف الدنيا دي انتي بس عندك فوبيا من حاجات معينه ودي طبيعي عند اي انسان وانا اسف جدا اني كنت بنسى واسيبك لوحدك بس انا كنت متعود اعيش لوحدي من غير ما استنى حد او اخاف على حد لكن لما انتي جيتي كل ده اتغير بقا ليا حاجه اخاف عليها بقيت بحبك اكتر من نفسي صدقيني ياحور انا مش قصدي اخوفك
حور مسحت دموعها بكف ايدها: انا عارفه انا اسفه اني زعلتك تحت انا مش كان قصدي بس انا فعلا بخاف من حاجات كتير اوي
نمر: انا عمري ما ازعل منك ياحوري ابدا واما عن موضوع خوفك الزايد ده هشوف هتصرف في ازاي لما نرجع القاهره
خدها من ايدها ونزلوا على تحت عز بص ل حور بمرح: بتتصالحي بسهوله لا لا مكنتش متوقع
حور بضحك: مم انا بقول كده بردو
بصت ل نمر وتصنعت الجديه: اوعا ايدي يا بني ادم كده
شدت ايدها من ايده ونزلت ع تحت لوحدها قعدت بين اسيل وعز وهي بتضحك بطفوله ونمر باصصلها بذهول: بقا الحيوان ده يسخنك عليا طب وريني مين الي هياخدك يفرجك على البلد

عز ضحك: وانا روحت فين يلا يابت يا اسيل اطلعي البسي انتي وحور وهاخدكوا وننزل
نمر وهو بيجز على سنانه ابتدا يقرب من عز وكأنه نمر بيترصد ل فريسته: نهار ابوك اسود اسف يابابا
طلع عز يجري ووراه نمر بالحزام: وحياه امي لو لفيت البيت كله هجيبك ياعز
عز وهو بيجري: اسفين ياصلاح خلاص اهه يغشيم ياعم بهزر
اما عن العيله كلها ف بيضحكوا جامد لانهم متعودين على جنان نمر وعز كالعاده
نمر مسك عز من قفاه وابتدا يجيبه قدام وورا: بقا بتسخنها عليا ياحيوان
عز رفع ايده بستسلام: والله ياباشا مقصدش ده انت النمر بردو
ضحك نمر وطلعت اسيل وحور يغيروا
لبست اسيل فستان ابيض وفي نقش بكم وشوز ابيض
وحور لبست بنطلون اسود وسويت شيرت بيبي بلو وشوز ابيض ولمت جزء من شعرها
بقلمي✍🏻/ملك شكري
ونمر لبس بنطلون جينز غامق وسويت شيرت اسود وشوز اسود وعز لبس بنطلون اسود وشويت شيرت ازرق وشوز ابيض
ونزلوا لقوا بسمه قاعده وامها بتكلمها ف ودنها
بسمه بصتلهم بحقد متداري: معزمتوش عليا اجي معاكو حتى
نمر جز على سنانه: خمس دقايق لو مكنتيش لبستي هنمشي
قامت بسمه بسرعه وف خلال دقيقتين كانت لبست وخرجو كلهم
عز: نمر تعالى نفرج حور الارض الي بنروحها على طول
نمر: اه يلا

راحوا ل ارض كبيره جدا كلها زرع وشجر فاكهه زي المانجا والمون والفراوله
حور بفرحه: الله حلو اوي الشجر ده
نمر: دي شجره مانجا ودي شجره فراوله ودي شجره لمون
حور:وااو
اسيل ضحكت: ما تطلع الشجره ياعز هاتلنا من المانجا دي
حور: انا عندي حساسيه من المنجا
اسيل: اي ده بجد
حور: ممم
نمر: مقولتليش قبل كده يعني
حور: مجتش فرصه
اسيل: خلاص هاتلنا فراوله
حور: ولمون
بسمه: وانتي بتاكلي المون كده
حور: اه انا بحب المون جدا وبحب اكله كده اوي
اسيل: اي ده زي نمر انا مقدرش معرفش بتاكلو ازاي
عز طلع الشجره جاب فراوله ولمون وغسلهم ف حنافيه موجوده ف الارض معموله عشان العاملين يشربوا منها
حور ونمر خدو منه المون وابتدوا ياكلوه وهما بيضحكوا على ريأكشناتهم وهما مستغربين منهم
عز: ازااي لمون مزز وحادق ازاي

حور بضحك: دي متعه لن يفهمها الكثير
نمر ضحك: قوليلهم يابنتي
عز حدف ل اسيل وبسمه الفراوله: خلينا احنا ف الفراوله دول ملهومش ف الكلام ده
حور ونمر ضحكوا عليهم
وفضلوا يتمشوا ف الارض وهما فرحانين
اسيل: تعالوا نلعب لعبه
حور: لعبه اي
اسيل: عز هيرجع البيت يجيب حاجه نربطها على عينا ونغمي عينا وندور على بعض والي يمسك التاني الاول هيحكم عليه حكم
عز: هو عز ابن البطه السودا اشمعنى انا الي ارجع بقا
نمر: يلا ياض
عز: وربنا ده ظلم تلاقيكوا لقيني قدام مسجد
ضحكوا عليه وهو اتحرك للبيت
لما رجع لوحدوا كلهم بصولوا بستغراب
بقلمي✍🏻/ملك شكري
عز: متستغربوش انا رجعت اجيب حاجه يربطوا بيها عينهم عشان نلعب
ضحكو عليه وهو طلع جاب من عند مامته كذا طرحه ونزل بيها وراحلهم
عز: ها مين يبدأ
اسيل: خلينا نبدأ كلنا مع بعض
بسمه: مليش انا ف التفاهه دي العبوا انتوا
وفعلا كل واحد فيهم ربط عينه كويس

وابتدوا يدوروا على بعض
عز بيجري ورا اسيل الي صرخت لما لمسها وطلعت تجري بعيد
عز: هجيبك
ونمر بيلف وراهم كلهم وحور مره تمسك رجله وتجري ومره تزقه وتجري ومش عارف يمسكها
بسمه فكرت ف فكره خبيثه وراحت ناحيه حور الي وقفت ورا الشجره: تعالى اوريكي مكان ميقدروش يوصلولك فيه
حور بطفوله: بجد
بسمه: ايوا تعالي
بسمه مسكت ايدها وخرجتها برا الارض خالص ف مكان بعيد وقالتلها: روحي بقا اي مكان هنا مش هيقدروا يوصلولك
حور بخوف: طيب ممكن اتوه
بسمه: لا لا متخافيش انا هبقا اقولهم على مكانك اجري انتي بس استخبي ف اي مكان هنا
فعلا حور ابتدت تجري ببرائه وهي مش فاهمه ولا مدركه الي هيحصلها
وبسمه اول ما شافتها بتبعد مشيت ورجعت مكانها بسرعه وكانوا هما لسه بيدوروا ورا بعض
لحد ما عز مسك اسيل الي صرخت وهي بتضربه: ياحيواننن كنت عايزه اكسب
عز بضحك: خيرها ف غيرها بقا
نمر ضحك غير مدرك بس للحظه بص حواليه بسرعه ملقاش حور
نمر بفزع: فين حور

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفله امتلكت النمر)