رواية مهرة فارس الصعيدي الفصل العشرون 20 بقلم رنا أحمد

رواية مهرة فارس الصعيدي الفصل العشرون 20 بقلم رنا أحمد

رواية مهرة فارس الصعيدي البارت العشرون

رواية مهرة فارس الصعيدي الجزء العشرون

رواية مهرة فارس الصعيدي الحلقة العشرون

في شقه ساره ..
كان قاعد جاسر وفريد وعلي مع الحاج حسان عم ساره .
جاسر بحده /ي عني حضرتك ده اخر كلام عندك ي حاج حسان .
حسان بحده /ايوه اخر كلام انا مش عارف ايه الي مزعلكم في الي بقوله الأصول متزعلش برضه بنت اخويا مش مطلقه ولا ملهاش أهل علشان ي حضره الظابط تكتب عليها وتاخدها كده كأنها ملهاش أهل ده شغل حرامي ي جاسر باشا .
فريد بحده /اتكلم عدل ي حاج حسان انت قد ابويا وانا مش عايز لساني يطول انت مش عارف احنا مين ولا ايه متعرفه ي جاسر .
حسان بحده /جاسر باشا حكالي علي كل حاجه قبل ماتيجي ي استاذ فريد وعائله القناوي أشهر من نار علي علم بس برضه احنا مش عائله اي كلام احنا عائله كبيره عايز بنتنا ي حضره الظابط تيجي تاخدها من قلب بيتها ومن أهلها وعائلتك تيجي معاك كمان واعملها فرح متعملش في البلد كلها انا خابر زين انك هتقولي علشان يوسف الله يرحمه بس احب اقولك ابن اخويا مات شهيد ي عني عايش وسطينا البلد كلها بتزغرط من ساعه الي حصل.

جاسر بضيق /واضمن منين انك متاذيهاش أو مترجعش في كلامك .
حسان بحده /كلامي زي السيف ي جاسر باشا مش مضطر اني ارجع في كلامي .
فريد بجديه /خلاص ي جاسر مفرقتش الحاج حسان كلمته واحده.
جاسر وهو بيقوم بجديه/ماشي ي حاج حسان بعد بكره باذن الله هاجي البلد انا واهلي لحد بيتكم تكونوا ظبطوا نفسكم .
حسان بجديه /تنوروا ي جاسر باشا.
وفجاه حس جاسر بالي بتمسك أيده وهي بتضغط عليها بشده لتنظر إليه بعيناها التي تشبه لون المساء الصافيه لكنها ملئيه بالدموع .
/اوعا متجيش اوعا تسبني ولا تتخلا عني أنا أول مشوفتك حاسيت أن اماني وحمايتي لسه موجود حسيت أن مش خايفه حاسه اني مطمئنه هستناك ي جاسر .
جاسر بابتسامه ساحره/ي ننهار ابيض .
ساره باستغراب /فيه ايه حاجه حصلت .
جاسر بابتسامه ساحره /تصدقي اول مره اعرف ان اسمي حلو اوي كده .
فريد بغيظ شديد/يالا ي جاسر ي الا حبيبي وبقا صدق بعدين عن اذنكم .
*********************.
في غرفه مي ..
كانت قاعده علي السرير ومعاها الاب توب بتاعها عينيها مليانه بالدموع والألم دخلت علي جروبات كتير كانت عايزه تتكلم مع أصحاب أصحاب ممكن يفهوموها يطلعوها في الخنقه والحزن الي هي فيه بس الي اجتمعوه عليه الاصدقاء دول أنها بعيد عن ربنا سبحانه وتعالى ايوه بعيد وده الي وصلها لكده قعدت تفكر كتير .
/انا فعلا أمتا صليت ولا مره ولا أمتا مسكت مصحف برضه مش فاكره ولا أمتا طلعت زكاه ولا أمتا سمعت درس دين ولا لبسي الي اكيد ربنا مش راضي عنه. فضلت اسال نفسها كتير والاجابه واحده أنها بعيده اوي عن ربنا سبحانه وتعالى والي بعيد عن ربنا هووضايع في الدنيا مسكت الاب توب وفضلت تسمع تسمع وكل ماتسمع قلبها ينشرح وينضف لحد ما قررت أن كل حاجه في حياتها تتغير وتكون مي جديده خااااااالص .

وهي مشغوله خبطت منه ودخلت .
منه بغيظ شديد/بذمتك انتي معندكيش دم انا بقالي كتير اوي برن عليكي وببعتلك علي الفيس بوك وساعدتك مبترديش عليا مانتي قاعده علي الاب اهوه .
مي بتعب وضيق /واطي صوتك شويه مكنتش فاضيه فيه ايه.
منه باستغراب شديد /مالك ي مي فيه ايه.
مي بالم شديد/ابدا مالي جاسر انتقم مني وضيعلي مستقبلي بس بصراحه لما قعدت مع نفسي افتكرت أن انا اصلا كنت ضايعه وجاسر هو الي فوقني بالي عمله خلاني اشوف الدنيا صح غير الدنيا التافهه الي كنت عايشه فيها وانتي كمان ي منه اتمنا تتغيري زي تسبيح رجعت لعلقها وضميرها واضح أن هي الي حزرت جاسر من الي كنا هنعمله لانه كان رايح معايا الشقه عارف كل حاجه ومع ذلك خسرت فريد للابد وانا والحمد لله تقريبا ضيعت وخسرت حاجات كتير الدور عليكي انتي ي منه أنتي الي دورك جاي .
فكرت منه في كلامها وخافت ي ترا ايه الي مستخبي ليها وايه الي جاي .
**********************.
في الجنينه ..
كانوا داخلين جاسر وفريد بس جاسر كان سرحان في الملاك الي لسه شايفه من دقائق بس قد ايه جميله ورقيقه بس خرجه فريد من شروده بسخريه .
/بس ايه الي انت عملته قدام عمها ده ده انت كان ناقص تتديها بوسه .
جاسر بابتسامه وهمس /والله كنت فعلا هعمل كده .

فريد باستغراب /بتقول ايه.
جاسر بانتباه /مبقولش حاجه انت ي عني شوفتني انا الي كلمتها مانت شوفت اتعلقت فيا ازي.
فريد بنظره خبيثه/بس والله كبرت في نظري اوي ي جاسرانت اكيد بتعمل كده علشان يوسف الله يرحمه صح.
جاسر بابتسامه وهمس /لما روحتلها مكنش في دماغي غير يوسف وبس لكن لما شوفتها عايزها في حضني باي شكل .
فريد بنظره خبيثه/انت كلامك مش مسموع ليه النهارده .
جاسر بغيظ شديد منه أنه بيقطع افكاره /انت عايز ايه ها عمال ترغي في ايه متسبني في حالي وأشوف فرحه قلبك دي.
فريد بابتسامه عاشقه /اه علي فرحه قلبي دي بعشقها ي جاسر خطفت قلبي بنت الايه.
جاسر بابتسامه وفرحه لأخيه وهو يحتضنه /ربنا يتمملك علي خير ي حبيبي بكره هنروح ل فرحه ونتطلع علي الصعيد باذن الله.
تسبيح بابتسامه /مساء الخير.
جاسر وفريد بابتسامه /مساء النور .
تسبيح بصدق من قلبها/مبروك ي فريد انا عرفت موضوع فرحه ربنا يتمملك علي خير .
فريد بابتسامه وعذبه /تسلمي ي تسبيح عقبالك مع الي يستهلك .
تسبيح بابتسامه هاديه /طب ممكن اجي معاكم وانتوا رايحين ليها انتوا خلاص بقيتوا اخواتي وانا عايزه اكون معاكم .
فريد بابتسامه بعد ما جاسر حكاله علي كل حاجه وانها انقذته من مخطط مي ومنه /طبعا اختنا وهتيجي معانا ي ستي .
تسبيح بفرحه طفله/شكرا تصبحوا علي خير.
****************.
في شقه مي ..
كانت خارجه بابتسامه وراحه لما تشعر بها من قبل لتجلس جنب رشا .
مي بابتسامه/ماما بقولك ايه انا عايزه اتحجب بصراحه عايزه اغير طريقه لبسي وحياتي كلها هكون مي جديده وانتي هتيجي معايا وتسعديني .

رشا بسعاده /بجد ي مي اهو ده الكلام دي بنتي الي انا عايزه اشوفها ربنا يوفقك ي روحي واشوفك عروسه في الكوشه مع الي يستهلك .
مي بارتباك ومراره /باذن الله ي امي يلا بينا
******************.
في محل المجوهرات ..
كانت تقف منه بشرود وخوف تشعر بقلبها مقبوض لتتحدث دلال بغيظ وحده .
/جرا ايه ي عروسه متنقي شبكتك سرحانه في ايه وعريسك موجود.
رحمه وهي تتدفع يدها بغيظ وهمس /جرا ايه ي بت بقالنا ساعه بنكلمك وانتي دماغك فين اخلصي ناقي الشبكه .
وفعلا نقت منه بضيق شديد.
دلال بنظره خبيثه/بس احنا للاسف مش معانا المبلغ ده كله دلوقتي احنا شطبنا الشقه والفلوس الي معانا مش هتكفي الشبكه دي كلها .
عمر باستغراب /ي أما احنا معانا .
دلال بحده وغيظ/اخرس يالا انت لما انا ابقا بتكلم تسكت خالص فاهم .
رحمه بابتسامه/وماله ي ست دلال احنا نكمل احنا المفروض بنشتري راجل وعمر عندنا مقامه .
منه بغيظ من امها /ايه ي ماما انتي كده بترخصيني هما الي المفروض يدفعوا .
رحمه بحده وهمس /اخرسي ي بت مش هنوقف الجوازه علي كده ي اختي اسكتي احنا مش حمل أن الجوازه تبوظ كفايه ي اختي اول مره .

دلال بخبث ومكر/بقولك ي ست رحمه كنا عايزين الفرح اخر الاسبوع اصل سيد اخوه عمر جاياله سافريه للكويت وبصراحه كنت عيزاه يحضر الفرح .
منه بغيظ شديد/الموضوع ده ميخصنيش علي فكره انا لسه مجهزتش نفسي .
رحمه بحده /اسكتي ي بت لما الكبار يتكلموا الصغيرين يسكتوا خالص مفيش مشكله ي ست دلال احنا نجهز في يوم ولا يهمك احنا برضه عايزين نفرح .
عمر بابتسامه/مبروك ي منه .
منه بضيق شديد/الله يبارك فيك.
***********************.
في الجامعه ..
كانت قاعده مي بلبسها المحتشم كانت حاسه نفسها ملكه كانت قاعده بتذاكر بس شافت مشهد غاظها جدا للشاب يعمل في الكافيه الي في الجامعه كان واقف بياخد اهانات من ده ومن دي برغم أنه شكله نضيف وابن ناس لحد ماقرب منها وهو بيحطلها العصير مقدرتش تمسك نفسها وسألته بحده .
/ممكن اعرف انت مستحمل الإهانات دي كلها ليه.
كريم بالم شديد /هعمل ايه بس ي انسه الشغل عايز كده انا عندي أختين لازم انا الي اصرف عليهم .
مي بجديه وهي حاسه انها لازم تساعده /هو انت خريج كلية ايه .
كريم بحسره /كليه هندسه .
مي بابتسامه/خلاص ي سيدي ولا يهمك اعتبر نفسك اتعينت في اكبر شركه في البلد .
كريم بامل وابتسامه /بجد ي انسه .
مي بابتسامه/مي اسمي مي واه طبعا بجد شاب زيك لازم ياخد فرصته امسك ده كارت الشركه امسك بقا سجلي رقمك علشان اتصل بيك .
كريم بابتسامه اعجاب /هستناكي .
*********************.

في غرفه مهره وفارس ..
كانوا قاعدين بيتكلموا بعض ما فارس حكالهم موضوع ساره .
فارس بجديه /انت متاكد من الخطوه دي ي جاسر .
جاسر بابتسامه/طبعا ي بابا أنت عارف ان مفيش حاجه في حياتي باخدها كده .
مهره بابتسامه/البنت حلوه ي جاسر قولي .
فريد بنظره خبيثه/حلوة بس ي ماما دي صاروخ .
جاسر بغيظ شديد/طب اتلم بقا لاضرب فيك صاروخ يفجرك .
فريد بضحك /هههه حاضر .
جاسر بجديه /قولت ايه ي بابا .
فارس بابتسامه/انا بثق فيك ي جاسر وفي اختيراتك وعائله الرفاعي ناس تقال انا اعرفهم شخصيا .
جاسر بابتسامه/انا اتفقت معاهم بعد بكره نروح نطلبها من أهلها وهكتب عليها وترجع معايا انا مش هقدر اسيبها اكتر من كده معاهم دي وصيه يوسف الله يرحمه .
مهره بجدية //علي فكره حدود فرح منه وعمر برضه بعد بكره .
فريد باستغراب /ايه ده ازي بالسرعه دي .
فارس بجديه /هما احرار هي ليها اب وام متنسوش بكره ميعادنا مع استاذ سعيد والد فرحه.
فريد بابتسامه/انسا ازي بس ي بابا دي يوم فرحتي .
فارس بابتسامه/ربنا يسعدكم ي حبايبي يارب .
****************.

في جناح جاسر وفريد..
جاسر كان قاعد بقلق بالغ وغيظ من نفسه ازي بس مخدش حتي رقمها يطمن عليها .
فريد باستغراب /مالك ي جاسر فيك ايه.
جاسر بغيظ شديد/متغاظ من نفسي اوي ي فريد مكنتش اقدر اخد رقمها اطمن عليها .
فريد بابتسامه/شكلها شغلت قلبك ي جاسر انت عمرك مكنت كده ي اخويا .
جاسر بابتسامه ساحره /معرفش ي فريد معرفش يلا تصبح علي خير نام علشان منتاخرش بكره علي ميعادك .
فريد بابتسامه/وانت من أهله ي حبيبي.
*****************.
تاني يوم .
في شقه فرحه..
كانوا قاعدين جاسر وفارس ومهره وفريد وتسبيح.
سعيد بابتسامه /طبعا ده شرف لينا أننا نناسب ناس زيكم ي فارس بيه .
فارس بابتسامه/الشرف لينا احنا ي استاذ سعيد .
مهره بابتسامه/أن شاء الله هنشيل فرحه في عنيا ي استاذ سعيد .
سعيد بابتسامه/تسلمي ي ست الناس .
فرحه وهي تتضع الشربات بخجل /اتفضلوا الف هنا .
تسبيح بهمس وغمزه /والله ووقعت واقف ي واد ي فريد .
فريد بابتسامه وهمس/ايه رايك حلوه مش كده.
تسبيح بابتسامه /اوي شكلها عسوله ربنا يباركلك ي فريد .
في اللحظه دي دخل سليم اخو فرحه باعتزار .
/انا اسف جدا والله علي التأخير .
سعيد بابتسامه /سليم ابني .

سليم سلم علي الكل ورحب بيهم وجه لحد ماشاف حب عمره كله في نفس اللحظه الي شاف فيها تسبيح وهي شافته أتوقف الزمن بيهم هما الاتنين فمعقول شافوا بعض تاني بعد كل السنين دي .
سليم بفرحه معرفش يدايرها /مش ممكن تسبيح انا مش مصدق نفسي .
جاسر بنظره خبيثه فهو افتكره من اسمه علكول /هو انت تعرف تسبيح ي سليم .
سليم بابتسامه وسعاده/اه ده احنا نعرف بعض من ايام الثانويه العامه .
جاسر بنظره خبيثه/اه هو انت بتاع البوسه.
فارس باستغراب /بوسه ايه .
جاسر بخبث ومكر/ناموسه ي حاج بقول ناموسه بوسه ايه بس هو ده ي بت مش كده .
تسبيح بابتسامه وسعاده وهمس /ايوه هو استر عليا ربنا يستر عليك انا حاسه اني بحلم ي جاسر.
فريد بابتسامه/أن شاء الله ننزل بقا نجيب الشبكه أمتا ي عمي .
سعيد بابتسامه/الوقت الي تحدوده ي ابني اقعدي في البلكونه مع خطيبك ي فرحه حدودوا كل حاجه ي بنتي .
فرحه بخجل شديد/حاضر ي بابا عن اذنكم.
***************.
في البلكونه …
فريد بابتسامه عاشقه/ايه القمر ده بس حرام عليكي انا هستحمل كده .
فرحه بابتسامه وسعاده /انت الي عيونك حلوه ي فريد انا اصلا مش قادره اصدق أننا هنتجوز انا مهما كنت حلمت مكنتش هلاقي زيك ابدا .

فريد بابتسامه عاشقه/حبيبتي انتي تستاهلي الفرحه كلها قوليلي بقا هننزل نجيب الشبكه أمتا .
فرحه بابتسامه/خليك بكره مع جاسر ربنا يتممله بخير .
جاسر بابتسامه ساحره/انا اسف اني دخلت بس كنت لازم اقدملك دي من اخ لاخته الف مبروك .
فرحه وهي تنظر للاسوره الفاخمه بابتسامه /بجد جميله جدا ي جاسر شكرا اوي .
جاسر بابتسامه/ربنا يتمملكم بخير يارب .
**********************.
في الصعيد .
في بيت أعمام ساره ..
كانت واقف وهي بتبص للنجوم بابتسامه .
/هفضل اعد كده في النجوم لحد بكره ي جاسر لحد ماشوفك انا متاكده انك هتيجي متاكده انك مش هتتخلا عني.
حسان بجديه /بقولك ي بت جهزي حالك لبكره زين فاهمه مش عايز اي هبل قدام الناس الأكابر دول ..
ساره بارتباك شديد/فاهمه ي عمي فاهمه .
*****************.
في جنينه فيلا القناوي ..
كان قاعد فارس بيتابع بعض الشغل علي الاب توب قاعدت جنبه مي بابتسامه.
/مساء الخير ي خالي .

فارس بابتسامه وسعاده /مساء النور ايه ي بت ي مي الحلاوه دي .
مي بابتسامه/ايه رايك عجبتك حبيت اغير من نفسي للاسف انا اكتشفت أن كنت عايشه حياتي كلها غلط علشان كده كنت عايزه منك خدمه ممكن.
فارس بابتسامه/طبعا ي حبيبتي اومري .
مي حكتله موضوع كريم وان فارس يشغله عنده في الشركه .
فارس بابتسامه/طبعا ي حبيبتي مفيش اي مشكله .
مي بسعاده /ربنا يخليك ليا يا خالي كنت عارفه انك مش هترفض .
جاسر وهو يحمل بعض الاكياس بيده /مساء الخير.
فارس بابتسامه/مساء الخير ي حبيبي اقعد مع بنت عمتك لحد مادخل اجيب حاجه من جوه .
جاسر وهو بيقعد جنب مي بابتسامه/عامله ايه ايه التغير ده الجميل ده .
مي بضيق شديد/الحمد لله فيه حاجات كتير غيرتها في حياتي والفضل ليك انت الي خرجتني من الي كنت فيه مدينوالك بده ي جاسر .
جاسر بنظره خبيثه/العفو عقبال ماتتجوزي الي البنادم الي يستهلك وتعيشي حياه سعيده .
مي بحزن وسخريه /لا ي شيخ بجد ده علي اساس مانت عارف كل حاجه انا خلاص ل عمري مهقدر لا احب ولا اتجوز.
جاسر بجديه/انا مش جاي من الشارع علشان اعمل فيكي كده انتي بنت عمتي ي عني شرفي وعرضي انا كنت بدوس عليكي بس شويه علشان توصلي للي انتي فيه ده واظن اني نجحت .
مي بصدمه ولهفه نفسها تصدق الي سمعته /قصدك ايه ي جاسر .
جاسر بجديه /قصدي اني ملمستش منك شعره انتي لسه صاغ سليم ي مي.
مي وهي بتحضنه باخوه ودموع فرح /ربنا ليا ي جاسر انا مش عارفه اقولك ايه انت بجد غيرتني انا بحبك اوي ي جاسر اوي سلام .

جاسر بابتسامه/كده مي وتسبيح عقبالك انتي كمان ي منه ده مين الرقم الغريب ده الو .
ساره بارتباك شديد/ازيك ي جاسر .
جاسر بابتسامه وسعاده /مش قادر اصدق ساره انتي جبتي رقمي ازي .
ساره بابتسامه وسعاده/يوسف الله يرحمه كان مسجلوه علي تليفوني كان دائما يقولي جاسر ده اخويا لو حصلك حاجه وانا مش جنبك كلميه علطول انا كنت بكلمك علشان ابعتلك العنوان بالظبط .
جاسر بابتسامه وهمس /اه ده انا هاين عليا اروح أبوسه دلوقتي علشان خلاني اسمع صوتك .
ساره باستغراب /جاسر انت معايا .
جاسر بانتباه /ها ايوه معاكي طبعا .
ساره بابتسامه /يارب دايما تبقا معايا تصبح علي خير .
جاسر بابتسامه ساحره/وانتي من أهله .
ليغلقوا كلا منهما الهاتف ليبتسمون فمن الواضح أن شراره العشق قد انطلقت مبكرا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية مهرة فارس الصعيدي)