رواية التضحية الفصل العشرون 20 بقلم آية حسن

رواية التضحية الفصل العشرون 20 بقلم آية حسن

رواية التضحية البارت العشرون

رواية التضحية الجزء العشرون

رواية التضحية الحلقة العشرون

سهام: مرا من اقوى ما مر علي هالرواية، تحملت نظرة المجتمع السلبية للمطلقة بدلا من انها تعيش تعيسة، من داخل طيبة،وام حنونة هلبا وبالرغم من قوتها تخاف من أبسط الحاجات 💕
رغد: بنت مش مفهومة كيف، هل طيبة ولا لا، يتيمة الاب وعايشة مع امها واختها الكبيرة، مهووسة بالشخص اللي كانت تحبه مع انها هي اللي تخلت عليه لدرجة انها تحاول تقتله ولا تشوفه مع غيرها، لكن من تكون هادي؟ 💕
الحلقة عشريين 🔥
#شهد_الساعدي
اكرم زي ما عرفنا بيه ان ماعنده حد الا امه اسمها (سهام) بعد ما تطلقت من بوه وهو صغير قعدو عند جده وحناه، جده قبل فترة توفى وهو اللي كان في عوض بوه💔
بعد اسوعين جي اكرم لامه وكانو طالعين حكالها 🥲
اكرم: اهيا صورتها شوفيها، بغض النظر علي اخلاقها لان بصراحة الله يبارك 🤤❤
سهام: مشالله قنينة، لكن اهم شي اسلوبها ماتقوليش بغض النظر، الجمال مش ضروري، وانشالله ربي يهدي بالك🤍
اكرم: امي البنت كاملة مكملة جمال، دلال، علم، فلوس، واهم شي مش الحقيرة “رغد” اللي دارت العاار 😠
سهام: فكني منها ومن سيرتها، الله غالب غر جيرانا بس والباقي امها مدايرة العار اكتر منها 🤭
اكرم: اني لازم ما ندور خدمة المحل سكروه 😓
سهام: دور محل للايجار وجيب بضاعة واني معاك، لازم منها الخدمة لو تبي تكون جدي مع البنت☺️❤
اكرم: اي بندور محل، وموضوع السيارة كيف بنديرله؟ 😓
سهام: انت لما تحصل محل بعدين ساهل، ماتستعجلش ☺️

وصل اكرم للحوش حط امه وعطاها سيارتها وطلع للملحق اللي واخده هو خش لداره، بعتت شهد رسالة، طول كلمها فيديو ☺️🤭
شهد منغير تردد ردت عليه وهدرزو شوية، هي كيف مروحة من الجامعة كانت في السيارة حاطة التليفون ع المثبت وتسوق وهو معاها لين وصلت للحوش🦋
اكرم: قلت لامي عليك، عجبتيها وارتاحتلك هلباا☺️
شهد مصدومة: مش بالسرعة هادي، متوقعتش الحق تكون متسرع للدرجة هادي، عموما انشالله خير🦋
اكرم: عادي امي جوها مليح، عمري اني بنمشي للبحر مع خالي (وليد) بنروح غدوة مرات النت يفصل غادي، ما تخافيش عليا، تمام حبيبي؟ 🥺❤
شهد: عموما بنستاحشك، لكن امشي غير جوك وعينك علي روحك، لو حصلت فرصة كلمني، امممم نحبكك🦋🤤❤
اكرم: نموت فيك ونعشقك ياقسمتي ونصيبي💍🖇❤
سكرو الخط وشهد في قمة السعادة لاول مرة الشعور الحلو هدا، خشت بدلت حوايجها وتغدت وكلمت بريق 💕🦋
شهد: وينك اليوم ماحضرتيش المحاضرة؟ 🥺
بريق: اسكتي حاصلة في المحل عندي بضاعة زايدة نبي مخزن ولا بنبيعها🥲
شهد: اهاا ربي يعاونك فقدتك اليوم الحق 🥺💔
بريق: حقا اسمعي مش عندك محل انتي؟ شن رايك نعطيك البضاعة افتحي بيها محلك وقولي لاي حد يشده مدامنا قرايا ☺️💕
شهد: عادي اي، تمام اني جاياتك ابعتيلي موقع المحل 🤤
طلعت شهد لامها لقتها في الصالة باست علي راسها، خدت منها مفتاح المحل وحكتلها بريق شن عرضت عليها وطلعت🔥
لما وصلت لبريق شافت البضاعة لقتها ملابس نسائية عادية مش فيلوات وقصة ☺️
شهد: تمام مليحة البضاعة احسن هكي بش حتى لو شد المحل شاب يكون كويس، هي خلي نمشو لمحلي اني توا🦋
بريق: اي اني مانبيش هكي لان معاي اختي تشد عليا اما انتي بروحك ف تبي حد من برا، هي نتوكلو ☺️🤍
وصلو الزوز لمحل شهد، بريق بتخش من الباب الامامي 🤭
شهد: لالا منبيش حد يشوفنا، تعالي من الخلف 🥲🦋
كانت في شجرة كبيرة مضايقة علي باب المخزن، وشهد قلبها كل شوية يزيد ينكسر💔
بريق: مشالله شكلك تعرفي المكان كويس بالرغم من انك شاريتيه جديد ومش جايتيه قبل صح؟ لان كله غبرة ومهجور باين عليه من سنين، احكي علاش تبكي به 🥺💔

حكت شهد لبريق قصة عبدو واللي صار وايامهم الحلوة في هالمكان والحرب الاخيرة مع روبين عالمحل وكيف شراته🥺
بريق: الله ي شهد مقوى قلبك، بعد هدا كله خديتيه، للامانة عندك عزم كبير ربي يعطيك ما تتمني🥺❤
شهد: امين يارب، لكن تعرفي اكرم نساني في كل اللي عانيته ورمم الكسر بسرعة 🥲💔
بريق: ربي يدومه ليك يارب ويجبر خاطرك ❤💕
شهد: هيا نمسحو الغبرة ونضمو، بعدين ساهل توا نشوف من يشده ونديرو حفلة افتتاح شن رايك؟ 😍
بريق: اي حلو، هيا خلي نكملو ونروحو قبل الظلام ☺️🤍
ضمو المحل وهو مسكر، فتحو روشن المخزن بس للهواء ورتبو البضاعة والمحل ولا زي قبل واحلى ☺️🤍
شهد بدت تتاقلم مع المحل منغير عبدو لان بالها مع اكرم 💘
شافت تليفونها لقت اكرم متصل بيها عاودتله رد عليها طول
اكرم: تي وينك انتي شغلتيلي بالي، اني في البحر، لكن مش ح نبات شوية وبنروح افتحي نت شوفي شن درت 🤤🔥
فتحت شهد النت لقت اكرم كاتب اسمها واسمه ع الرمل ومنزلهم ستوري مع فيديو اغنية تحبها شهد💘🤤
شهد تشوف في الفيديو جت جنبها بريق 🤍☺️
بريق: اما الولد هدا وربي الا فضيع، محلاه الفيديو يهبل 🥺
شهد: اي حلو الحق، لكن مزال حني لينا توا سبوعين بس نعرفو بعض 🥲💕
بريق: عادي مش بالوقت، ديري مشاركة للفيديو مدامه العيلة مش معاك 🥺❤
اكرم كلم شهد: ها عمري شن رايك؟ 🤤💘
شهد: حلو، يسلمو يديك ياقلبي، عرفت نختار اني وربي🥺
اكرم: دومك ليا يارب العالمين، نوعدك مانخلي حد غيري ياخدك نوعدك يا شهودي 💍🔥
شهد: انشالله ربي يدومنا لبعض، نحبك اكرم 🥺💘
اكرم: واني نموت فيك ي قلب اكرم وروح اكرم 🤤❤
شهد: روحت ي قلبي؟ دوشت، ريحت روحك؟ 🤔
اكرم: شوية ومروح، انتي وين وشن اديري🤔❤
شهد: اني في المحل نفكر نفتحه، حقا اني مش حاكيتلك، اني شريت محل من شهرين فاتو ممكن وتوا خديت بضاعة من بريق وبنفتحه، لكن نبي من يشده لاني نقرا 🥲🥲
اكرم حسها رزينة انه يقول لشهد ناخده اني وقال: باهي موفقه ي حياتي، اسمعي حلالي ديري بالك علي نفسك تمام؟ 🤤💕
شهد: اوكي ي عمري وحتى انت رد بالك علي روحك ولما تروح كلمني طوول 💚🦋
اكرم: حاضر ي قلبي نروح نكلمك، هي سلامات، نحبكك❤
شهد وبريق قعدو في المحل لين جاعو، طلعت شهد شرت من المطعم اللي كانت تشري منه ايام عبدو الله يرحمه خدت وجبتين وتغدو، خدت لقطات للبضاعة لانها بادير دعاية للمحل لحفلة الافتتاح، بعدها سكرو المحل وروحو 🦋
كانت الساعة حوالي 6العشية وصلت شهد للحوش بدلت وناضت بتصلي العصر وبعدين دارت قهوة مع امها يستنو في المغرب بش يصلو، حكت شهد لامها كيف كان يومها وموقف بريق معاها، 🦋
شهد: بنصلي المغرب وبنرقد تعرفي تعبانة اليوم🥲
امل: ربي يعاونك ويفتح عليك ياارب🤲🏻🥀

خشت شهد لدارها لقت اكرم يتصل ردت عليه متاخرة 😅
اكرم: كيف قلت شكلها رقدت، وينك ياهانم من بكري 😉
شهد: كنت جنب امي واني منحبش ندوي علي حاجة تخصني لحد حنى لو امي🥲🥲🦋
اكرم: اني عكسك، وحاليا رقمك عند امي بتكلمك رااه🤤
شهد: تبصر صح! مرات امك ماتبيش، حي يا اكرم نتحشم اني، عمري مادرتها 🥲🥲
اكرم: بتسكتي ولا ماتبيش لان لو ماتبيش بنسكتك ببوسة توا، اسمعي امي جوها حلو وانتي ح تحبيها صدقيني🥺
شهد: اني مانقصدش اني مانبيش امك، اني نتحشم بس 🥲
اكرم: به خلاص توا نقوللها تاجل المكالمة وانتي خودي رقمها وكلميها امتا ما تحبي، اهم شي راحتك🥀🖇
شهد: تمام يا عمري، نستادنك بنرقد، تعبانة ي قلبي 🥺🦋
اكرم: خودي راحتك ياعمري، ليلتك سعيدة حلالي💍🔥
رقدت شهد هاديكا الليلة ومر شهر علي ارتباطها والوضع هو نفسه، هي وبريق في الجامعة، مسكرة المحل لانها ادور في حد يخدم فيه، وهي واكرم زي العسل وعلاقتهم كل ماتطول يوم تزيد تتماسك ❤💍
شهد بدت حياة جديدة مع اكرم، كانها مش شهد نفسها اللي كانت قبل 4شهور مريضة وقريب تموت🥺
بعدين خطرت عليها ندى كلمتها🤤❤
شهد: وينك انتي خداك نوري معش دورتيني، معقولة ليك شهرين ماكلمتينيش، اني زعلانة 😶😶
ندى: عندك حق، بعد ما سافرت معش قدرت نروح اني ونوري، ليا اسبوع بس مروحة، توا هو قالي نكلموها، استاحشك ياحنا 🥲❤
شهد: سلم وخيي متفكرني، سلميلي عليه🥺🦋
ندى: يسمع فيك، معاي ع الخط، اي انتي شن جوك؟ 🥺
شهد: الحمد، بما ان نوري يسمع فيا، اسمعو الخبر هدا هي🤤🦋
حكت شهد علي اكرم وكيف ارتبطو وعلي موضوع امه 🥲
ندى: واخيرا حد يمسح ع القلب، مبروك يابعد عيني 🥺❤
نوري: شهودي كلمي امه عادي مافيها شي لو تحبيه طبعا، وردي بالك علي قلبك يا شهد ومبروك انشالله 🤍
ندي: لازم ما يحطم بنادم، مبروك شهودتي ودومكم لبعض 🖇
شهد: يبارك فيكم، صح كلام نوري يا ندوش، ديما منور وخيي 🥺❤🤍
ندى: تلاقيتو عليا الزوز، منورين به، هي سلامات شهد💕
شهد: سلامات ي قلبي بوساتي ليكم الزوز، نحبكم باي🥺🖇
قررت شهد تكلم سهام ام اكرم، وفعلا كلمتها وتعرفت عليها، سهام حبت شهد واسلوبها وكلامها وكل شي 🤤🦋
اكرم مقعمز مضايق يفكر كيف بيخدم، وكانت الخدمة اهم شي عنده فجاة كلماته شهد تقول حاسة بيه 🤤🦋❤
شهد: خيرك مضايق؟ قولي خيرك اكرم، واضح عليك الضيق 🙁
اكرم: شهودي اني راجل لكن متحشم نطلب منك حاجة! 😑

شهد: متحشم مني اني؟ انت تؤمر غر قولي خيرك بس🥺
اكرم: نبي ناجر منك المحل، نبي نخدم لان المحل اللي كنت واخده سكروه، مانبيش حد ياخدك مني يسبقني ويخطبك، كيف ندير بعدين؟ 🙁🙁
شهد: ياريتك من الاول قلت، باهي وكان بتاجر المحل، عادي انت تاخده هو واللي مالكاتهوبالنسبة لموضوع الخطوبة اني مش فاتحة باب الخطاب، ووعد ماياخدني غيرك تمام؟🦋
اكرم: انشالله نكونو قدوة مانكونوش عِبرة يارب العالمين🖇
شهد: غدوة الساعة 10 الصبح اني في المحل تعالا شوفه 🤤❤
اكرم: بنشوف المحل بس اني؟ اني بنشوف حلالي غدوة، الله يا شهودي لينا شهرين قريب توا نعرفو بعض، واخيرا بنتلاقو واخيرا😍🤤🥺
شهد: اسكت ساكت، متشوقة من توا شن بيرقدني الليلة 🤤🦋
لاول مرة شهد واكرم بيتلاقو……كيف بتفوت الليلة عليهم الزوز، وشن بيصير بيناتهم لما بيشوفو بعض ع الواقع اول مرة؟ 🤔