رواية بنت الاكابر الفصل الخامس والعشرون 25 بقلم ندا الشرقاوي

رواية بنت الاكابر الفصل الخامس والعشرون 25 بقلم ندا الشرقاوي

رواية بنت الاكابر البارت الخامس والعشرون

رواية بنت الاكابر الجزء الخامس والعشرون

رواية بنت الاكابر الحلقة الخامسة والعشرون

بعد مرور ثلاثة أشهر على وفاة الحاج محمود، كانت الأمور مستقره إلى حدًا ما كُل فرد يضع كُل تركيزه في عمله علم الحاج محمد بموضوع سما وأحمد.
عوده للماضي
كان الجميع يجلس على المائده ينظروا إلى بعضهم كأنهم يتحدثوا بلغه العيون وهذا لاحظه الحاج محمد، ليقول
_خير يا أحمد أنت وزين وقمر
رد زين بتوتر
_خير يا جدي خير في اي
رد الحاج محمد
_أنا اللي بسال يا ولدي شايفكوا بتتغمزوا لبعض من فوق لتحت
هتفت قمر
_أصل يا جدي أحمد عاوز يتجوز
ردت أنوار وهى بتعالي الزغاريط
_يا الف مبروك يا حبيبي
ردت زهرة
_ما تهدي يا مرت ابني لما نشوف الموضوع ولا هى خدوهم بالصوت مين دي يا ولدي من البلد هنا ولا من مصر
رد أحمد بتوتر
_من مصر يا ستي
هتف الحاج محمد متسأل
_ايون مين هى دي بقا اللي وقعتك
نظر أحمد إلى قمر بحيرة لا يدي ماذا يقول أنه وقع في حب زوجة اخاه السابقة حمحم بتوتر وقلق ليقول
_سماا
رد الحاج محمد بعدم فهم
_سما مين يا ولدي؟؟
بلع ريقة بصعوبة وقال بنبرة متوترة
_سما يا حج اللي كانت
ردت أنوار بصدمة
_اللي كانت متجوزه اخوك؟ عاوز تتجوز مرات اخوك
هتف احمد بتوضيح
_يا أمي افهميني
هتفت بصوت عالٍ
_تفهمني اي يابن المحمديه
هتف الحاج محمد بعصبية
_اهدي يا أنوار وخليني افهم الكلام على اي، صوات صوات عاوزين نفهم تعال يا أحمد أنت وزين وقمر على المكتب
ردت انوار بعصبية
_أني مش موافقه على الجوازة دي
رد عليها الحاج محمد
_حقك امه وحقك لكن هو راجل كبير طول بعرض شنبه مش خط تعالو
دلف الجميع إلى المكتب بدا الحاج محمد في الحديث
_اي اللي حصل؟ اتقابلتوا فين
ردت قمر بتوضيح
_حكاية طويله يا جدي وبدا سرد الحكاية حتى الآن وعمل سما في الشركة وعلاقتها بأحمد
نظر إلى أحمد الذي ينظر إليه بقلق ليقول
_علاقتك بيها مش هتاثر على أخوك
رد أحمد سريعًا
_لو هو شايف أنها هتاثر هبعد واللهِ لكن هو عادي
نظر الحاج محمد إلى الزين الذي بدا الحديث
_يا جدي أنا غلط وخلاص غلطه وراحت لحالها وسما بنت كويسه الايام جت عليها وأنا استغلتها لكده لكن ربنا يهنيهم ببعض ويملو البيت عيال وأنا هشهد على العقد كمان
ابتسم له أحمد ابتسامه واسعه نظر الحاج محمد إلى أحمد لا يعمل ماذا سوف يحدث هل هذه الزيجة سوف تكون سعيده؟ أم تعيسه؟
لكن سعاده أحفاد فوق كُل شئ.
في الحاضر
كان اليوم زفاف أحمد على سما واستقروا أن حفل الزفاف تكون في الصعيد وليس القاهرة
في صباح اليوم السرايا مليئه بالعمال والنساء والجميع ينشغل في التحضير اليوم زفاف أحمد المحمدي كانت قمر بنفسها تشرف على كُل شئ بالظبط لا تريد خطا.
في الأعلى في جناح سما كانت تجلس أمام الفتاه التي تضع لها مستحضرات التجميل، دلفت قمر وهى تقول
_أجمل عروسة الليله
استدارت سما نصف استداره وهى تقول بنبرة سعيده
_مش عارفه اقولك اي يا قمر بجد أنتِ عملتي اللي اهلي لو موجودين ميعملهوش
وضعت قمر يدها على كتفها لترتب عليها قائلة
_احنا اخوات يالا كملي وأنا هشوف الناس تحت عملوا اي متزعليش من حماتك شويه وتاخد على أنه وضع وخلاص ويالا يا عروسه الفستان زمانه وصل هبعته مع البنات.
هبطت إلى الأسفل كان زين يقف ينظر إلى الاضاءه والعُمال وحمزة يقف بجانبه
_حلوه الإضاءة دي يا زين، أمال يونس فين
دلف يونس من الباب وهو يحمل الكثير من العلب المغلفه ليقول
_أنا مش شايف حد يشيل مني
ضحكت قمر على هيئته واقتربت تساعده في حملهم ليقول
_حبيبتي يا ناس
جاء معتز وهو يقول بغيظ
_اي يا يونس ساعه ونص بتجيب الحلويات
نظر إليه يونس وهو يقول ببعض من الغيظ المتماثل
_لا والنبي مش بدور على كُل صنف كُل واحد طالبه أنتوا اللي هتاكلوا ولا الناس
هبطت ليليان وهى تقول بسعاده
_احنا طبعا اوعى تكون نسيت رموش الست يا ابيه
يونس بحسره
_جبتلك رموش الست وام الست وابو الست دخلوني بقا
ضحك الجميع عليه ودلف ليضع المشتريات في المطبخ وخرج يتابع العمال معهم وعلم أن الحاج محمد في الخارج وعلى وصول وكُل فرد يتابع عمله
جاءت الخادمة وهى تقول
_يا كبيرة يونس بيه عاوز حضرتك في المندرة في حد مهم هناك
نظرت إليها بغرابه واتجهت إلى المندره دلفت وجدت يونس وحده لتقول
_فين اللي في حد مهم
اقترب ليقول
_هو في اهم مني يعني ولا اي
ردت بابتسامه هادئة
_مش وقته خالص قاعده لازم نخلص يا يونس
ابتسم ببراءه ليقول
_أنا غرضي شريف جايبلك اللي هتلبسيه بليل
ابتسمت بسعاده كاطفله فرحت بملابس العيد
_بجد
ابتسم لابتسامتها وهتف
_هو أنا عندي كام قمر دي ياستي شنطة فيها كُل حاجة هتحتحيها عارف إن ذوقي ميجيش حاجة جمب ذوق الكبيرة بس خليها عليكِ
تلالا الحُب في عيناها يهتم بأدق التفاصيل كأنها طفلته وليس خطيبته أخذت منه الحقيبة وخرجت وهى تشكره واعطيت الحقيبة لأحد الخادمات لتضعها في جناحها.
في المساء كُل شئ على أحسن وجه الجميع يستعد في جناحه، في جناح أحمد كان يرتدي جلبابه الصعيدي الأسود وعمته ويقف أمام المراه بكُل اناقه وجمال الليله سوف تكتب على اسمه سما الأحمد كما اطلق عليها.
أمام عند سما كانت تقف في الجناح التوتر والقلق يظهر عليها تحاول أخذ نفسها بهدوء تنظر إلى نفسها في المراه ترتدي فستان زفاف ابيض عند الخصر يهبط على واسع مرصص بالفصوص على الصدر باكمام شفافه تضع مستحضرات تجميل هادئه.
في جناح قمر كانت تقف أمام الحقيبة تقوم بفتحى لترى فستان باللون الأحمر الناري قصير للركبه لكن يوجد عليه طبقة شفافه تصل لقدميها كان فستان رائع بمعنى الكلمه انبهرت به قمر وأخذت الحذاء الذي كان يناسب الرداء والحقيبة الصغيره وجدت ورقة صغيره وكان محتواها
(ملقتش أجمل من كده يليق بيكِ ولو في احلى كُنت جبت تخيلت الفستان عليكِ وكان تحفه أكيد في الحقيقه أحلى هتعوزي تطلعي بره طبعًا ما أنتِ الكبيرة عندك بتاع كده معرفش بتسموه اي بس ما علينا البسيه فوق الفستان لو طلعتي بره ترحبي بحد هنتظر اشوف حوريتي وقمري)
ابتسمت على حديثه الذي اعجبها وبدات ترتدي ثيابها على عجلة.
بعد مرور 45 دقيقة كان الجميع قد جهز في الخارج الرجال والنساء بالداخل دخل حمزة بدفتر المأذون وهو يقول
_المأذون بيسال العروسه موافقه وعاوز الامضه
هتفت سما بخجل
_موافقة وقامت بالمضي على قسيمة الزواج
تعالت الزغاريط من الناس عند إمضاء سما استمع الرجال وقاموا بإطلاق النيران ودق الطبول وهتف المأذون جملته الشهيره (بارك الله لكما وبارك عليكما وجمع بينكما في خير)
وبدا الزفاف وكان الجميع يبارك للعروسين دلف أحمد إلى الداخل ليقترب من سما يقبل راسها قائلًا بهمس ومشاعر جياشه
_مبروك عليا أحلى سما في الدنيا
ابتسمت سما بخجل لتقول بهمس
_بحبك يا أحمد
ابتسم أحمد لها وهمس لها ببعض الكلمات الرومنسيه وخرج للرجال في الخارج
جاء الحاج محمد وهو يقول
_من الليله دي مرتك حفيتي واللي يمسها يمسني واحنا اهلها وناسها اوعى في يوم تزعلها يا ولدي
رد أحمد وهو يقبل يد جده
_حاضر يا جدي ربنا يديمك في حياتنا
بدا الشباب يهنؤ ويباركوا لأحمد ويونس يقف عينه على باب السرايا يريد رؤيه قمر كم تمنى أن يكون هذا زفاف ويكون اليوم امتلاكه لقمره لكن لا باليد حيله سوف ينتظر.
بدات فقرة التحطيب وكانت الابتسامة على وجه الجميع والنساء في الداخل يرقصون ويصقفون فرحًا بهذه العروسة وانوار التي بدأت تتقبل هذه الزيجة وليليان التي كان في غاية السعاده بهذا الزفاف
وقفت قمر لتضع الغطاء عليها تخرج للخارج لتقابل بعض الناس
لكنها لتخرج لترى يونس
ابتسمت ابتسامه واسعه عندما وجدته يرتدي الزي الصعيدي كان مثل القمر في تمامه اقتربت من الشباب وهو تقول
_عقبالكم يا شباب
زين
_بعد الشر
رفعت أحد حاجبها لتقول
_ليه إن شاء الله
زين بثقه
_السنجله جنته
يونس
_طيب يا خفيف خليك في الجنتله قمر دقيقه
اؤمئت له لتستاذن وتسير معه ليقف في مكان بعيد إلى حدما ليقوم بفك الغطاء ويظر لهذه الحورية قائلة
_اي الجمال دا بقا كُل دا بتاعي لوحدي
هتفت بقلق
_يونس مينفعش وقفتنا هنا خالص لو حد شافنا هنا الموقف مش لطيف ليا وليك
رد مبتسما بهدوء
_متقلقيش يا حبيبي أنا بس كُنت عاوز اشوفك واكيد مش هحطك فبموقف وحش أخاف عليكِ أكتر مني،عقبال فرحنا يارب، ماما شافتك
ردت قمر مبتسمه
_اه شافتني وعجبها الفستان اوي، بس حلوه المفاجاه دي بتاعت اللبس
رد مازحًا
_حبيت أغير بقا الكاجول والفورمل شويه بس عجبني جدا
بعد عدة دقايق رجعت قمر إلى مقر النساء ويونس إلى الرجال
ومعتز يجلس مع أحمد وزين يضحكون ويمزحون
يونس
_عريس بقا وهتتكبر علينا
أحمد ببعض من الغيظ
_محسسني إنك مش عريس كلها شهر او اتنين وتتجوز يعني عريس مع إيقاف التنفيذ
قهقة كُل من معتز وزين على حديثهم.
في الداخل بدأت النساء تعطي العروس هدايا قيمة
وهذه عادات، ومر اليوم بسعادة على الجميع
في جناح أحمد وسما كانت تتوسع صدره بخجل ليقبل راسها بحنو قائلًا
_مُبارك عليا أنتِ
في اليوم الثاني كانت تهبط قمر على الدرس بعد عمل الروتين اليومي لتجد ليليان وحمزة في انتظارها وزين ومعتز
قمر
_العريس في سابع نومه سيبوه هنا يومين وبعدين يسافر الأسبوع العسل بتاعه
زين بتوحس
_ما تخليه اسبوعين
قمر بخبث
_معنديش مشكله وتشيل الشغل أنت
رفع يده باستسلام
_لا يا ست هو كفاية أسبوع عسل يالا بينا بقا
قمر
_الباقي فين
معتز
_الحاج محمد والست زهرة خرجوا للأرض والست نواره بتجهز فطار العرايس
قمر
_طيب يالا بينا بقا، ليليان وحمزة أخر أسبوع في القاهرة علشان الدراسة كفاية كده
اؤمئ كل منهم براسه وهم الجميع بالتحرك ويونس خلفهم هو وعائلته
بعد مرور الوقت وصل الجميع إلى القاهرة وبدا يومهم باحداثه المعروفه.
بعد مرور يومان، في المانيا تحديدًا في برلين، كانت سما تركض أمام أحمد بفرح شديد الجو الرائع البارد ممتع للغاية، كان يقهقه أحمد على هيئتها كأنها طفلة في السابعة من عمرها
_اهدي يا مجنونة الناس بدأت تبصلك
وقفت ورجعت إليه لتضع يداها على عنقه قائلة بدلال
_حد ليه عندي حاجة وبعدين أمته هعمل كده في مصر اللي اوضه وصاله بقا مله حاطط عينه في حياه التاني الدنيا هنا جميلة اوي اوي يا أحمد حاسه اني طيره من الفرحة
عانقها قائلًا بسعاده
_كويس إنك فرحانه أنا عايش علشان افرحك، يالا بقا نتغدا وبعدين نكمل في مكان هنا فيه فساتين روعه عاوزك تشوفيها تجيبي ليكِ ولقمر وليليان
هتفت بسعاده
_بس كده عيوني الاتنين
في مصر تحديدًا في القاهرة
كانت قمر تقود سيارتها متجهه إلى مقر منزلها التي سوف تسكن فيه مع يونس لكن وصلت لها رساله باعتذار يونس انه يوجد لديه عمل هام، غيرت مسارها واتجهت إلى المنزل وهى حزينة وانتهى اليوم على هذا.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية بنت الاكابر)