رواية قلوب تائهه الفصل الأول 1 بقلم نورة عبد الرحمن

اتخانقت مع مراتي وخدت ابنها وراحت عند اهلها ياريت اليوم عدى على كده بس لكن اتخنقت مع المدير كمان..

قررت ارجع البيت ومخرجش النهارده ابدا ..

مكنتش طايق اشوف حد ولا اكلم حد ..

قررت ادلع نفسي ومفكرش بحاجة جبت معايا اكل جاهز وعصير وحلويات وحطيتهم بالمطبخ شغلت مزيكه عاليه ودخلت اخد.شور عشان اروق بجد…

مراتي مش هنا تنكد عليا ومفيش حد.يزعجني خلاص اليوم ليا..ليا انا وبس..

قلعت هدومي ورميت القميص بالصالون باهمال..

ودخلت اوضتي خدت شور وطلعت عشان اكل … كنت هموت من الجوع..

لكن اتصدمت ان الاكل اللي جبته متاكل كله .. وعلبة العصير في حد شربها ومرميه عالارض ..

ا بصيت يمين شمال مفيش حد..ناديت مراتي هي رجعت مش من عوايدها ترجع الا لما تذلني حرفيا اعتذار ورجاء وهدايا لحد.ماتقبل ترجع….

لكن يمكن تكون ندمت المرادي كنت بكلم نفسي.. دورت عليها لكن مالهاش اثر مفيش حد.بالشقه لاهي ولا ابني..

بعد ما دورت كتير اوووووي حاولت اتصل بمراتي لكنها كالعاده تفصل ..

رميت الموبايل بضيق من عنادها

وطمنت نفسي ممكن تكون قطه اكلت الاكل.. تعبت وقعدت ع الكنبه ونمت ماصحيتش لحد اخر الليل اتصدمت لما لقيت حد.مغطيني وانا نايم ..وفي صينيه اكل قدامي مع كوبايه شاي كبيره ابتسمت كنت فاكرها مراتي رجعت وعملت كده

عشان تصالحني لكن…