رواية حلاوة روح الفصل الأول 1 بقلم ياسمين الشريف

كنت انا وماما وخالتي وابنها عند ناس قرايبنا وكنا قاعدين بنهزر ونضحك

جات جاره قرايبنا دول قعدت شويه معانا والقعده احلوت

وفضلنا نهزر ونضحك

وفجأه بدأو يتكلموا عن البنات وان البنات جميله وحنينه

خالت روح بتقول ل جاره قريبهم

بزمتك مين احلى بناتي و لا روح بنت اختي

جاره قريبهم :طبعا بناتك يا حبيبتي

اتصدمت روح من الكلام اللي اتقال

وفضلت ساكته طول القاعده هي اه لسه صغيره عندها ١٣سنه

بس الكلمه جرحت قلبها

وفضلت تفكر في الكلام كتير

روح واثقه من نفسها الكلام اه وجعها بس منزلش منها دمعه

سعات اه الكلام مش بيبقى مقصود بس بيوجع

المهم روحت انا وماما وخالتي وكل واحد راح لبيته

روح :ماما ماما

مامتها:نعم يا روح

روح :شوفتي يا ماما خالتي قالت اي للست اللي كانت قاعده معاكم

مامتها:قالتلها اي يا حبيبتي

روح:قالتلها بناتي احلى ولا روح وهي قالتلها بناتك

هو انا وحشه يا ماما

مامتها:ليه بتقولي كدا يا حبيبتي دا انتي زي القمر

روح :دي الست هي اللي قالت إن ملك ورحمه احلى مني

مامتها:يا حبيبتي دول بيهزرو انا بنتي زي القمر ومفيش حد احلى منها

روح:انا بحبك اوي يا ماما

مامتها:وانا كمان بحبك اووي يا روح ماما انتي وبعدين يا روحي متحطيش الكلام دا ف دماغك خالتك بتهزر

روح:حاضر يا ماما

دخلت اوضتي والكلام بيرن جوا وداني مش قادره انساه

بس على عكس اي بنت ثقتي ف نفسي متهزتش بالعكس

بقيت بثق ف نفسي اكتر من الاول

وف يوم كانت خالتي وبناتها عندنا

خرجنا احنا التلاته مع بعض نجيب شويه حجات

واحنا ماشيين واحد كان قاعد بيعاكس ف البنات

واحنا معديين من قدامه

قال: ع فكره الحلاوه حلاوه الروح

ساعتها بصت ملك ورحمه على بعض وضحكو

كلام الولد: دا فرحني من جوا

بس اللي وجعني انهم ضحكوا يا ترا ضحكو ليه

هو انا وحشه بجد؟؟

وروحنا البيت واليوم عدي عادي وخالتي روحت

دخلت اوضتي قعدت افكر ف كلام خالتي اللي ماما قالت إنها بتهزر

وف ضحكت بناتها لما الولد قال ان الحلاوه حلاوه الروح

اه بالمناسبه برغم اني مش حاسه انهم بيحبوني بس ملك بتحكيلي كل أسرارها وانا كمان لو حاصل معايا موقف بحكيلها

جات ف يوم ملك عندنا وباتت

بصراحه انا بحبها اووي وبحب قعدتها وكلامها

فضلنا طول الليل انا وهي نتكلم وكل اللي عندها حاجه بتحكيها للتانيه

وتاني يوم صحينا عملنا فطار ونضفنا الشقه وطلعنا نجيب شويه حجات

كنت لابسه طرحه حمره وتيشرت اسود وبنطلون جينز

وملك كانت لابسه طرحه بيضه وتشيرت اسود وبنطلون اسود

ف واحنا ماشيين

واحد قال :اي يا احمر يا قمر انت

بعد ما عدينا

ملك :الحقي دا بيعاكسك انتي وفضلت تضحك

انا كلامها وجعني

ضحكت معاها وقلتلها دا أعمى دا ولا اي دي أشكال تتعاكس

ضحكت وقالت :اه والله شكلو أعمى

وجبنا الحجات وروحنا

اتعشت معانا ملك وروحت

وانا قعدت افكر هي ليه ضحكت وليه قالت كدا

اه انا سمعت كتير وثقتي ف نفسي ولا مره اتهزت

ونمت وصحيت روحت المدرسه كنت انا اشطر من ملك علفكرا

بس هي كانت بتعرف تكون صداقات كتيره انا مكنتش اعرف

اتكلم الا مع ناس معينه

عدي اليوم عادي وروحت

وانا كل الكلام اللي اتقال قبل كدا بسمعه

بسمعه دايما

خرجت من الاوضه وروحت قعدت مع ماما

روح:ماما 

ماما:نعم يا روح

روح:فاكره من سنتين لما خالتي قالت إن بناتها احلى مني

مامتها:اه يا حبيبتي

روح؛ انا لحد دلوقتي مش فاهمه هي بتقول كدا ليه

مامتها:روح يا حبيبتي انسى دا مجرد كلام

وسابتني ودخلت المطبخ

وروحت قعدت اذاكر

وندهت ماما عليا علشان اتعشى معاهم

اكلت وانا بفكر ف كل لكلام والمواقف اللي حصلت معايا

من تنمر علي شكلي او على لبسي او تريقه على اي حد بيعاكسني

من كتر التفكير نمت

ومره اتقت انا وملك نخرج وجات

ولبست وخرجنا طول ما احنا ماشيين مالك بتعاكس

وهي ولا معبره حد بس بعد ما كنا بنعدي كنا بنتريق ع اللي بيعاكس

وطلعت موبايلي وقعدنا نتصور

لما جيت اخد صوره ليا لوحدي

لقيت واحد معدي بيقول نينيني وحشه وحشه

نزلت الفون واكتفيت بالسكوت

وقعدنا نتكلم ونضحك وانا من جوايا وجع

روحت ودخلت اوضتي وانا بفكر ل كل كلمه اتقالت

قومت بصيت ف المرايا وقولت عنده حق يقول عليا وحشه

خرجت اقعد معاهم شويه

قعدت اضحك واهزر معاهم عادي واحنا بنتكلم ف اتشاركت معاهم بالكلام

لقيت بابا بيقول؛؛ اسكتي انتي بمناخيرك الكبيره دي

وقعدو يضحكو ا

اتصدمت اووي من الكلمه دي ولا من بابا كمان