رواية يوم عرافات الفصل الثالث 3 بقلم Hikaro Shani

بيجي الصبح وبتقوم مريم من النوم وبتغير هدومها وبتنسى وبتسيب شعرها وتطلع المطبخ تاني تحضر الفطار ليه اللي كان جاهز اصلا وتحطه على السفرة فبتسمع الأكرة بتتحرك وبيطلع عمر وهو في كامل اناقته ولأول مرة بيشوفها بشعرها وانه اتسحر فيها فعلا بس مبيبينش وبيروح يقعد على السفرة ولسه هتمشي هي بيمسك اديها فبتسحبها منه بسرعة وهي كلها توتر

مريم/عاوز ايه!

عمر/مش هتاكلي؟

مريم/شكرا اكلت في المطبخ

ولسه عمر هيتكلم بيسمع صوت تخبيط على الباب فبتروح هي تفتحه فبتلاقي اختها نسمة فبتجري عليها تحضنها والدموع بتتجمع في عينها

نسمة/مالك يا قلب اختك

مريم/وحشتيني اوي يا نسمة

بتاخدها نسمة لجوه فبتلاقي مريم انه مش موجود وبيقعدو على الكنبة

نسمة/عملك حاجة دا دايقك في حاجة؟

مريم/لا معملش بس انا خايفة اقوله عاوزة اكمل تعليمي دي اخر سنة يا نسمة انا خايفة اوي

نسمة/حاولي يا مريم هما كام شهر بس وهتطلقي متقلقيش وبرضو جربي تقوليله يمكن يوافق ليه لا؟

مريم/هحاول اقوله الليلة دي

حضنتها نسمة وهي بتطبطب على ضهرها بحنية

نسمة/يلا عشان متأخرش بقا عن الجامعة بابا اصلا مش عارف اني جيالك ونزلت بدري بحجة ان صحابي مستنيني تحت

مريم/ربنا معاكي خدي بالك من نفسك وكمان اوعي تقولي لحد اني اتجوزت من صحابنا

راحت نسمة لجامعتها ومريم قامت هي كمان راحت اوضتها فبتمسع صوت فتح باب وقفله فبتعرف انه راح الشغل بتاعة فبتقوم جري على التلاجة وتفتحها فبتنبهر بكل انواع الفاكهة اللي فيها

مريم/ينهاري كل دي انواع فاكهة دا ولا شغال في غابة الامازون والله بس بس انا بحسد نفسي الا بطني توجعني بس برضو والله كتير

بتاخد الفاكهة اللي بتحبها وبتقعد تربع على الأرض وهي بتلذذ في طعمهم وبتجيب صينية تحط فيها الباقي وبتروح على اوضتها تكمل اكل

عند نسمة وهي مستنية المحاضرة بتاعتها قاعدة ماسكة فونها فبيجي عليها شب جسمه رياضي وشكله الوسيم

وليد/صباح الفل يسطا على الناس اللي قاعدة لوحدها دي

نسمة/خلصت محاضرتك؟

وليد/لا كنت بحارب في الجنوب وجيت عادي

نسمة/ظريف يخويا!

وليد/عليكي اسئلة عاوزة الحرق

نسمة/حرقة في معاميعك يا شيخ

وليد/مريم فين مختفية يعني من يومين مبتجيش الجامعة

بتتوتر نسمة من كلامة وبتتعدل في قعدتها

نسمة/ها؟ هي تعبانة بس شوية ان شاء الله لما تخف هتيجي

شك وليد في توترها ده

وليد/حاسس ان فيه حاجة ومخبية عليا

نسمة/هخبي ليه يعني مفيش حاجة تتخبى

وليد/مصيري هعرفها

نسمة/هروح محاضرتي دلوقتي سلام

مشيت من قدامه بسرعة وراحت محاضرتها

في الليل….

بيجي بالليل وهو تعبان وبيلاقي كالعادة الاكل متجهز على السفرة وبيروح ياخد دش وبيغير هدومه وبيطلع بيلاقيها قاعدة بتتفرج على التلفزيون فبيقعد على السفرة وبياكل فبتقوم من مكانها وبتروح تقعد معاه فبيبصلها بغرابة بما بيلاقيها قاعدة وبتفرك في اديها

عمر/سامعك

مريم/ها؟

عمر/عاوزة تقولي ايه

مريم/بصراحة يعني… انا عاوزة اكمل تعليمي

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوم عرافات)