رواية وقعت في حب مراهقه الفصل الرابع 4 بقلم رودي عبد الحميد

رواية وقعت في حب مراهقه الفصل الرابع 4 بقلم رودي عبد الحميد

رواية وقعت في حب مراهقه البارت الرابع

رواية وقعت في حب مراهقه الجزء الرابع

رواية وقعت في حب مراهقه الحلقة الرابعة

إتنهد وشدها لِحض|نو وقال : مش هينفع ، صدقيني مش هينفع بجد
مسكت في حض|نو وقالت : علشان خاطري ، متخلنيش أجرب شعور الفُراق
يعدها عن حض|نو وقال : مش هينفع ، صدقيني والله ما هينفع ، متعلقيش نفسك بِواحد مش ضامن يعيش بكرة ، متضغطيش عليا أكتر من كدا ولازم علاقتنا تنتهي بجد
حسِت إن هي بتهين نفسها أكتر ، بلعت ريقها ومسحت دموعها وقالت : تمام يا حمزة ولا إسمك كمان مش حمزة ؟ ، ما إنت متعود علي الكدب والخداع
غمض عينيه بِقوة وقال : إسمي حمزة فعلاً مغيرتوش وأنا مش متعود ولا علي كدب ولا علي خداع بس اللي تشوفيه..
فتحت باب العربيه وبصتلو بصه أخيره وهي بتقول : مش هزعجك تاني ، ولا هخليك تشوفني تاني ، عن إذنك..
نزلت من العربيه ومشيت وفضلت تعيط وهي ماشيه في الشارع وهو كان قاعد في العربيه حاطت راسو علي الدريكسيون ودماغو واقفه عن التفكير تماماً وكان عمال يكرر جملة : ياريتني ما قابلتك في حياتي
روحت سندس بيتها وهي عينيها حمرا من كتر العياط
بصتلها سُعاد وقالت بِخضه : مال عينيكي حمرا كدا ليه يا بت ، حد كلمك
قالت بِهدوء : مفيش إتخنقت مره واحدة ورجعت عادي ، عن إذنك
دخلت أوضتها وقفلت علي نفسها الباب ورمت نفسها علي السرير وفضلت تعيط من غير صوت وهي بتفتكر أوقاتهم سوا
فضلت تعيط لِحد ما نامت ..
| بعد مرور إسبوع |
كان حمزة قاعد علي باب المدرسه مستني يشوفها ، بقالو إسبوع ملمحهاش ، وفونها مقفول ومش بتفتح سوشيال ميديا خالص
شاف صاحبتها ندى جايه من بعيد وقفها وقال : أنسه ندى
وقفت وبصتلو بإستغراب وقالت : فيه حاجة ؟
إتكلم بإحراج وقال : متعرفيش حاجة عن سندس ! ، أقصد أنسه سندس يعني
ضيقت ندى عينيها وقالت : إشمعنا ؟
حط إيدو في جيبو وقال : عادي أصل بقالي إسبوع مش شايفها وكدا فَقولت أسال عنها مش أكتر
بصتلو ندى بِشك وقالت : ممم ، عموماً هي واخده أجازة مرَضيه وكدا
قال بِقلق واضح مقدرش يخبيه : ليه هي مالها ؟ ، هي كويسه!
نفخت ندى وقالت : هو فيه إيه بالظبط ، أعتقد ميخصش حضرك في حاجة !
نفخ بِضيق وقال : قولتلك بسأل عليها عادي
ردت ندى بلامبالاه وقالت : عموماً هي بتقول إن هي عندها برد وقعدت في البيت
إتنهد وقال : ممكن لما تعرفي عنها أي حاجة تبلغيني ؟ ، معلش هتعبك
قالت ندى بِشك واضح : الموضوع مبقاش بإنك بتسأل عنها عادي
إبتسم وقال : هتفهمي كل حاجة في وقتها بس ينفع؟
هزت راسها وقالت : تمام ، ممكن أدخل!
هز راسو وقال : إتفضلي
دخلت وهو فضل قاعد مكانو وجرب يرن عليها كمان مره لقي فونها مازال مقفول
| بعد مرور يومين |
كانت ندى داخله المدرسه وقفها حمزة وقال : أنسه ندى
ندى أول ما وقفها ضربت علي وشها وقالت : سوري نسيتك
إبتسم وقال : ولا يهمك ، عرفتي عنها حاجة ؟
ضيقت عينيها بتفتكر وقالت : روحتلها إمبارح وكانت مامتها بتقولي أكلمها علي عريس جايلها عايزاها تقعد معاه
كشر حمزة وقال : عريس مين ؟
رفعت أكتافها وقالت : إبن زميل أونكل يحيي في الشغل
إتنفس بسرعه من العصبيه وقال : تمام ماشي ، خلاص إتفضلي
سابتو ودخلت وهو قعد علي الكرسي وفضل يقنع نفسو وهو بيقول : حقها تشوف الحياه ، هي ملهاش ذنب
فضل يقنع في نفسو لِحد ما كان جاب أخرو
جه وقت خروج المدرسة وعدت ندى من قدامو وقفها وقال : هو إنتي هتروحلها إمتي ؟
عدلت الشنطه علي كتفها وقالت : بكرة ، ليه ؟
حمزة : ينفع تديني عنوان بيتك أو تقوليلي أستناكي فين ونروح سوا علشان عايز أتكلم معاها!
كشرت وقالت : إشمعنا ؟
رد حمزة ببرود وقال : عايز أتكلم معاها ، هينفع!
هزت راسها وقالت : تمام بكرة الساعه 6 كدا أنا هروحلها
حمزة : تمام هستناكي الساعه 6 قدام الكافيه اللي كنتو بتقعدو فيه دايماً ماشي ؟ ، هتيجي هتلاقيني ونروحلها سوا
فضلت بصالو شوية وبعدها مشيت
| تاني يوم الساعه 6 مساءً |
وصلت ندى عند الكافيه لاقتو واقف ساند علي عربيه أول ما قربت فتح باب العربيه لسه هتتكلم قالها : متقلقيش دي عربيتي بس ياريت في الإنجاز
ركبت جمبو وفضلت ساكته لِحد ما وصفتلو البيت ووصلو علي هناك ، قالها قبل ما تنزل : إطلعيلها وإقنعيها بِكل الطرق تنزل معاكي تشترو أي حاجة من تحت ولو رفضت إقنعيها إنتي صاحبتها وأكيد عارفه
ربعت إيديها بِملل وقالت : وفي الأخر !
نفخ بِضيق وقال : ما تسمعي الكلام ، متبقيش متعبه زيها
بصتلو ورفعت حاجبها وقالت : علي فكره أنا ممكن أطلع وأخليك هنا ومننزلش عادي
رد ببرود وقال : وعلي فكره أنا ممكن أطلع أخبط علي كل باب لِحد ما أعرف باب شقتهم وأكلمها قدام أهلها ، تنزليها ولا أطلع أنا ؟
بصتلو بِقرف وقالت : خمس دقايق وهنزلهالك
نزلت من العربيه وهي بتبرطم وهو حط إيدو علي شعرو من ورا وقال : برطمي براحتك المهم إنها تنزل
فضل قاعد بيخبط بِصوابع إيديه بإنتظام علي الدريكسيون وهو باصص علي مدخل العماره اللي ندى دخلت فيه
لقاها نازلة لابسه جاكيت وبنطلون جينز وسليبر ، ضحك علي شكلها بس زعل علي ملامحها وعينيها المتنفخه من العياط
نزل من العربيه وهو باصصلها بِحب واضح..
هي أول ما شافتو وقفت مكانها من الصدمه والسيناريو وكل حاجة جات في دماغها تاني خلِت دموعها تنزل
مسكتها ندى من إيديها وودتها لِحد عندو وقالت ندى : مش هينفع هنا علشان مامتها ممكن تبص من البلكونه إمشو قدام شوية
إبتسم حمزة لِندى وقال : شكراً ، هاخدها وأتمشي بيها قدام شوية
مسك إيد سندس اللي لسه مصدومه ومشي بيها
وقف تحت شجره وقال بِهدوء : عامله إيه ؟
ردت بِجمود وقالت : خير ؟ ، عايزني في إيه ، وبتظهر في طريقي ليه ؟
رد بِحب وقال : وحشتيني ، كنت هتجنن لما عرفت إن فيه عريس إتقدملك وبيقنعوكي علشان توافقي
دموعها نزلت بس مسحتها بِعفوية وقالت : أه ، هوافق
مسكها من كتفها وهزها جامد وقال : لو وافقتي هخرب الدنيا
زقت إيديه وقالت : مش قولت من حقي أحب وأتحب ، خلاص بقا ميخصكش ، وهوافق علي العريس بسببك علشان مقدرش بصراحه أكسر|لك كلمه
زعق وقال : حطي نفسك مكاني أنا متدمر ، أنا حياتي بايظه وشايف إن بظلمك معايا
عيطت وقالت : قولتلك هنعدي كل دا سوا وهبقا معاك وهنلاقي حل إنت اللي رفضت
هز راسو وقال : موافق ، كنت فاكر إن هقدر بس للأسف مقدرتش والله
رفعت حاجبها وقالت ببرود : ميخصنيش ، وللأسف فات الآوان
إبتسم وقال : تؤ مفاتش الآوان ، إنتي هتكوني معايا وليا وهنحل الموضوع سوا ، بس خليكي في حياتي ، عايزك معايا دايماً
شدها لِحض|نو وقال : وحشتيني والله
مسكت في حض|نو وفضلت تعيط وهي بتقول : وجعتلي قلبي وكسر|تني بس لسه بحبك وعايزاك
شد علي حض|نو ليها وقال : عيشت عمري كلو محافظ علي قلبي وجات بنت معدتش ال 20 سنه كعبلتني ووقعتي في حبها ، وقعت في حب مراهقه فعلاً
ضحكت وسط دموعها وقالت : عاجبك ولا إيه ؟
بعدها عن حض|نو وبا|س إيديها وقال : عاجبني ونص كمان ، المهم إرفضي العريس ومتوافقيش ، وأنا هظبط أموري وهتقدم بس خليكي معايا متبعديش.. ماشي يا قلب حمزة
إبتسمت علي اللقلب اللي طلعو عليها وقالت : ماشي
شدها لِحض|نو تاني وقال : يااه ، المهدئ بتاعي دا
ضحكت وهي في حض|نو ومبسوطة بس قالت : حمزة
رد وهو حا|ضنها وقال بِهمس : قلبو
إتنهدت وقالت : بحبك
ضحك وقال : عارف وواثق زي ما أنا متأكد إن مكونتش هخليكي لِغيري
* عدت الأيام وسندس رفضت العريس ونفسيتها بدأت تتحسن وشجعت حمزة إنو يرجع بلدو ويواجهم ورفع عليهم قضية عدم تعرض لما حاول يق|تلو أول ما وصل
بدأت الأيام تجري بسرعه وحمزة مسك شركة أبوه وأول حاجة عملها راح إتقدم لِسندس وقال بِكل حب : كنت ضايع لِحد ما دخلتي حياتي ، أنا بحبك وهفضل أحبك لِأخر يوم في عمري يا من ملكتي قلب حمزة ♡.
تمت..

لقراءة باقي حلقات الرواية اضغط على : (رواية وقعت في حب مراهقه)