رواية تزوجني ولكن الفصل العاشر 10 بقلم الكاتبة الصغيرة
رواية تزوجني ولكن الفصل العاشر 10 بقلم الكاتبة الصغيرة
رواية تزوجني ولكن البارت العاشر
رواية تزوجني ولكن الجزء العاشر
رواية تزوجني ولكن الحلقة العاشرة
كانت اسماء بتحضر العشا عشان محمد ياكل اول ما يرجع من الشغل دخل محمد الشقة ونادي لاسماء اللي كانت في المطبخ طلعت اسماء بسرعة وانصدمت لما لقت في بنت معاه وهو حاضنها
محمد ببرود : سلمي علي مايا ي اسماء
اسماء : ومين مايا ان شاء الله
محمد : اعرفكم انا ببعض دي مايا مراتي ودس اسماء اللي حكتلك عنها ي مايا
مايا بدلع : بس انت مقولتش ليا انها لوكال للدرجة دي
اسماء بصدمة مش قادرة تخرج منها : ايه اللي بيحصل دا ي محمد
محمد : زي ما سمعتي دي تبقي مايا مراتي وضرتك
اسماء : لا دا انت اتجننت بقي انا استحملتك كتير لكن لحد هنا انا مش هقدر اتحمل وعشان كدة انا اخدت قراري طلقني ي محمد
محمد : انتي متاكدة من اللي بتطلبيه
اسماء : متاكدة انا مبقتش قادرة اكتر من كدة استملت جميع الاهانات اللي انت وجهتهالي لكن لحد هنا انا مش هستحملك انها توصل لدرجة انك تدخل بواحدة وتقولي انها مراتك كرامتي متتحملش اكتر من كدة كرامتي فوق اي شيئ طلقني ي محمد
محمد : انا مش هطلقك ي اسماء
اسماء : محمد طلقني وخليني اشوف حياتي وشوف انت كمان حياتك
محمد : اسماء طلاق مش هطلق
اسماء بعصبية وصوت عالي : انت ايه ي اخي يعني اتجوزت عليا ومش راضي تطلقني انت من امتي بقيت بالقسوة دي
محمد : وطي صوتك ي اسماء واتعدلي في الكلام عشان متخلنيش امد ايدي عليكي واعمل حاجة عمري ما عملتها
اسماء : انا اصلا مش هستغرب لو عملتها انت عملت كل حاجة ذلتني وكسرتني واتجوزت عليا يبقي مش هستغرب لو مديت ايدك عليا انا مستحيل اقعد معاكم في بيت واحد انا هروح لماما
كانت لسة هتمشي لكن محمد مسك ايدها جامد
محمد : متطلعيش برة ي اسماء والا هتشوفي وشي التاني
بعدت اسماء ايده عنها وخرجت من الشقة وراحت لجميلة وهنادي خبطت علي الباب فتحت جميلة لها الباب واول ما شافتها وهي بتعيط قلقت
جميلة وهي بتدخلها جوة : ايه اللي حصل ي اسماء بتعيطي ليه ي حبيبتي
اسماء : مش راضي يطلقني ي ماما
جميلة : طلاق طلاق ايه ي اسماء
جات هنادي واول ما شافت اسماء حضنتها وهي خايفة
هنادي : في ايه ي سوسو محمد عمل فيكي حاجة
اسماء : اتجوز عليا ي خالتي اتجوز عليا وجابهالي لحد البيت وبيقولي اننا لازم نعيش مع بعض
انصدم كلا من هنادي وجميلة وهنادي اخدت اسماء وقعدوا
هنادي : انتي متاكدة من اللي بتقوليه ي اسماء
جميلة : انا مستحيل اصدق ان محمد توصل معاه للدرجة دي
دخل محمد في الوقت دا وهو ماسك ايد مايا وحاضنها
محمد : مش هتباركولي واللا ايه
قامت هنادي بسرعة وراحت ليه وقالت بحزن : ليه ي محمد عملت كدة ليه انا حذرتك انك تكسرها
محمد : انتو السبب في كدة غصبتوني علي الجوازة من الاول وانا مفيش حد يغصبني علي حاجة
جميلة : انا وثقت فيك وسلمتك بنتي لاني انا اللي مربياك وقولت انك مستحيل تزعلها وتكسرها او حتي تجرحها بس للاسف غلطي الوحيد اني وثقت فيك اطلع برة بيتي ي محمد اطلع برة
هنادي قربت منه وضربته قلم ودا اللي عصب محمد وملامحه بانت عليها الغضب الشديد
هنادي : انا مستحيل ادخلك بيت بعد اللي عملته دا اتهني بمراتك في بيتك ي محمد واياك تفكر تدخل البيت دا تاني في حياتك بس قبل ما تطلع هتطلق اسماء
محمد : انتو مش خايفين من كلام الناس لما يقولوا اتطلقت قبل ما تسبع
قربت منه اسماء وقالت بصوت عالي : وانت خوفت من كلام الناس لما يقولوا اتجوز علي مراته في اسبوعهم الاول انت الوحيد اللي ميتكلمش عن كدة وهو طلقني دي محمد ولو مش برضاك انا هخلعك واكيد هيوافقوا
محمد : ………..
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية تزوجني ولكن)