رواية جيم اوفر الفصل العاشر 10 بقلم ديدا الشهاوي

رواية جيم اوفر الفصل العاشر 10 بقلم ديدا الشهاوي

رواية جيم اوفر البارت العاشر

رواية جيم اوفر الجزء العاشر

رواية جيم اوفر الحلقة العاشرة

_ياعني ايه مشي وسابك عاوزه افهم
_معرفش ياجدي… معرفش… معرفش
_واحد تعبان وكان في السرير وانتي مقصرتيش معاه .. ومطمن عليكوا .. اصحي الصبح تقولولي انه مشي
ومشي ازي من غير اي حاجه معاه انتم هتجنوني
وهنا حسنا منهاره من العياط… وهي من جواها خايفه يكون شافها وفهم غلط.
_انا عاوزه شاكر… مشي وهو تعبان ياجدي… انا خايفه عليه اوي
وهنا الجد احتضن حفيدته وهو محتار من اللي حصل
في غرفه سليم..
كان قاعد شارد… بيفكر اللي عمله صح ولا غلط.. وازي بقي بالشكل ده انه يخرب بيت اقرب حد ليه ولاد خاله
وهنا نانو دخلت بعصبيه من غير ماتخبط
_سليم شاكر مشي ليه
_مش عارف…
_انت ضيقته تاني وعملت مقالبك السخيفه
_بتوتر وقلق… انا لاااا معملتش
_امال هو ساب حسنا، ومشي ليه
وهنا سليم قام…
_مايمكن يكون زهق.. وهيسافر
_لااستحاله اللي حصل والتغير بين شاكر وحسنا في الايام اللي فاتت… ميخلوش يعمل كده… واللي خلاه يمشي سبب… وسبب قوي وهعرفه… ياسليم… فاهم هعرفه
وهنا نانو خرجت ورزعت باب اوضه سليم وراها وسليم بدا يخاف يكون شافهم..
شاكر كان ماشي مش واعي بالدنيا ولا حاسس بحاجه كان ماشي وكلام سليم بيرن في ودنه
_انتي مستحملاه ازي… دا واحد عبيط واهبل
شاكر حس فجاءه بالبرد وبدا يرتعش… وحرارته تتعلي، ومش عارف يعمل ايه.. حتي موبيله مش معاه.. شاكر فضل ماشي لغايه ماتعب وهوبيرتعش… وبدا يحسس علي رقبته واكتشف ان الكوفيه وقعت منه
_ااه.. مش قادر… خلاص. مش قادر اكمل
شاكر بدا يتلفت علي اي محل يكون فاتح الوقت متاخر… كلها ساعتين والنهار يطلع
شاكر لاقي جنينه دخلها وقعد علي كرسي فيها وهو بردان وكمشان… وبدا يفتكر اللي حصل… وبدا يشوف ايامه مع حسنا من اول مارجع من السفر وكل تفصيله وكل ضحكه بينهم
_ليه ياحسنا انا كنت حبيتك…ليه … ليه
في فيلا الجد شاكر…
نانو… دخلت بعصبيه غرفه والدتها
_ارتحتي ياماما خربتي انت وابنك بين شاكر وحسنا…
_وانتي اش عرفك انه مشي بسبب سليم وحسنا
_ماما… شاكر بيحب حسنا… ولما يمشي من غير حاجته وهو تعبان يبقي في سبب واكيد انتي عرفاه.
_احنا معملناش حاجه… هو كل واحده متجوزه حد يقولها كلمتين حلوين تصدقه… وتسيب جوزها
شاكر كان قاعد في الجنينه وكان التعب ظاهر عليه.. وكان بيرتعش… وعرقان… ومش قادر يستحمل القاعده… وفجاءه وهو قاعد… اغمي عليه… وقع علي الارض… من تعبه
في فيلاالجد شاكر
وفي غرفه حسنا…
حسنا كانت بتعيط علي فراق شاكر… وكانت ماسكه هدومه .. وهي قاعده باب اوضتها خبط واللي كانت نانو… واللي قعدت جنب حسنا واللي كانت باين عليها الحزن والتعب من ساعه شاكر ماساب البيت.. نانو طبطبت علي حسنا
_حسنا حببتي… ان شاءلله هيرجع … متقلقيش.. بس متعمليش في روحك كده
_حسنا.. اترمت في حضن نانو… وبعياط… بحبه اوي… وقلقانه عليه… وقلبي مقبوض…
وهنا حسنا طلعت من حضن نانو… وبصتلها
_انا خايفه يكون حصله حاجه… يانانو… انا بموت من غيره
نانو… خدتها في حضنها..
_حسنا.. اكيد في سبب عشان يعمل كده…
وهنا حسنا بصت لنانو وعيطت… وافتكرت موقف امبارح
وخافت تحكي لنانو… والموضوع يكبر اكتر
شاكر كان مرمي علي الارض لا حول ولاقوة.. لغايه ماعامل نظافه بتاع الشارع خلص شغله وكان جيبله اكل عشان يفطر بيه
والراجل وهو داخل… اتفاجيء لما لاقي شخص مرمي علي الارض… رمي الكيس اللي في ايده
_الله.. ياربي هو واقع كده ليه… ياتري ميت ولا نايم… بس شكله مش متسول.. دا واحد شكله ابن ناس… اعمل ايه ياربي بس. وهنا عامل النظافه نزل علي ركبته عشان يشوف شاكر ويشوف فيه النفس ولا لا
_الحمد الله… بيتنفس… بس حراره عاليه… انا لازم اعمل حاجه
وهنا عامل النظافه جري علي سوبر ماركت جنب الجنينه وفي نفس الشارع… اسمه الاحسان
في سوبر ماركت… الاحسان
_عم شوقي…. عم شوقي…. الحقني..
_جرا ايه ياابو احمد
_في الجنينه واحد مغمي عليه وشكله تعبان… اندهلنا ابنك الدكتور ياسر
_حاضر… ثواني
في الفيلا.الجد شاكر
الكل كان متجمع ومنتظر ين الجد.شاكر… واول مانزل بص ليهم
بحده وغضب
_انا لازم اعرف شاكر مشي ليه… وايه بيحصل من ورايا فااهمين
وهنا الجد شاكر… بص لسليم
_لازم اعرف…. وهعرف
وهنا الجد شاكر… طلع اوضته… والكل بص لبعضه .. وهنا ام شاكر..
_انا عاوزه ابني….. ابني راح فين ياحسنا زعلتيه في اي
هنا حسنا كانت مقهوره… ولسه هترد… قطعها سليم
_مايمكن ياطنط مشي بمزاجه… ابنك اصلا بحالات
وهنا ام شاكر قامت… بغضب
_ابني لما بيحب يمشي بيعرفني… ولو فضل هنا بيبقي اد كلمته وهنا ام شاكر بغضب طلعت علي اوضتها
وهنا نانو….. وجهت الكلام لسليم
_ياااخي… بطل القرف اللي بتعمله دا… شاكر اكيد في حاجه مشته ياسليم..
وهنا سليم.. وحسنا بصوا لبعض…. وظهر عليهم حاله توتر… وقلق
ونانو مشت بعد ماجاتلها.. مكالمه وطلعت ترد بره
في الجنينه
كان عم شوقي… وابنه دكتور ياسر… وعامل النضافه ابو احمد
_اي يابني… طمنا
_لازم ننقله المستشفى حالا…. حرارته عاليه اوي
_مستشفى ايه بس وهو احنا نعرف عنه حاجه…. اقولك طلعه فوق في شقتك… الفاضيه
_ماشي…. يلا ساعدوني… بسرعه
الدكتور ياسر.وعم شوقي وعامل النضافه طلعوا شاكر شقه ياسر الفاضيه… وبدا ياسر… يكشف عليه… ويقيس الحراره وبدا يعمل ليه في كمدات… طول اليوم…..
_انا هروح يااعم شوقي… وهبقي اطمن علي الاستاذ عشان نعرف حكايته اي
_ماشي ابو احمد… وياسر جنبه متقلقش…
_ربنا يجزيه خير… وتفرح بيه بعروسه طيبه زيه
_يارب ياابو احمد
بعد ساعات…. بدا شاكر يفوء… وبدا يستوعب… واول ماا فتح عينه… وقام اتعدل في قاعدته
_انا فيييين
وهناشاكر.. لمح بره الاوضه اللي هو فيها شاب… مفتول العضلات.. وسيم… كان بيصلي… شاكر فضل.. مراقب الشاب دا…. لغايه مخلص.. وهنا بابتسامه هاديه وناعمه
_حمد لله على سلامتك… خضتنا عليك
_شاكر باستغراب… وهو انا فين وجيت هنا ازي
_اعرفك بنفسي… الاول… انا دكتور ياسر… دكتور علاج طبيعي.. وانت هنا ليه… عشان حضرتك كان مغمي عليك.. من حرارتك العاليه ووالدي لاقاك وجبناك هنا…
وهنا شاكر بدا يفتكر… اخر حاجه… لما كان قاعد في الجنينه وبعدها ماحسش بحاجه
_شكرا ليك… وشكرا لوالد حضرتك… انا لازم امشي…. وهنا شاكر كان بيحاول يقوم… بس مكنش قادر
_علي فين… انت لسه تعبان… انت المفروض ترتاح في السرير اسبوع…
وهنا دخل والد الدكتور ياسر
_حمد لله على سلامتك يابني…. لو عاوز تطمن اهلك قولنا نكلمهم
_وهنا شاكر… بحزن…لا…. معنديش
وهنا شوقي بص لابنه ياسر.. وهنا ياسر…
_ايه ياحج سامع ان كان في محشي وفراخ بيتعملوا عشان الاستاذ اللي عندنا ولا دي كانت اشاعه
_لا… امك بتجهزهم ليك واختك طالعه بيهم
وهنا شوقي… بص لشاكر
_انت اسمك ايه يابني
_اسمي…. شاكر… ياعمي…
_عاشت الاسامي… وهنا بص شوقي لياسر… اهتم بالضيف…
_عنيا ياحج
وعم.. شوقي… سابهم ونزل
وهنا شاكر… باحراج…
_ممكن اعمل مكالمه.. لحسن فوني مش معايا
_طبعا…. اتفضل ياسيدي…. الموبيل تحت امرك
وهنا شاكر… عمل مكالمه
_فادي… انا اخوك شاكر.
_شاكر.. انت فين.. ماما لسه مكلماني… هو اي حصل
_اسمعني.. عاوزك في العنوان دا… بس مش عاوز حد يعرف اني
كلمتك… فهمني
_مش فاهم حاجه… بس تمام
_وعاوزك برضو …. تعمل حاجه تانيه
_اقول ياشاكر… واللي هتقوله هعمله
في فيلا… الجد شاكر
_نانو طلعت لجدها وخبطت عشان يسمحلها بالدخول
_ادخلي ياناديه
_عامل ايه ياجدي دلوقتي
_مش بخير ياناديه ياصغيره
_انا مبحش اسم ناديه… بس منك اي حاجه حلوه
_تسلمي حبيبتي
_جدو…. ممكن طلب…
_اطلبي حببتي..
_ممكن تحضني… زي مابتحضن حسنا…
هنا الجد شاكر….
_بصلها بحب… بس كده… والجد شاكر اول مره يحضن حفيدته … واكتشف انه كان محتاج حضنها زي ماهي كانت محتاجه حضنه
_جدو…. شاكر… هيرجع… انا متاكده
_الجد بحزن… ان شاءلله حببتي
_عاوزه طلب كمان… ممكن اخرج اقابل اصحابي… كنت متفقه معاهم… ومعرفتش الغي المعاد.. لو تسمح
_ماشي حببتي بس متتاخريش…
وهنا نانو… خرجت.. وجهزت عشان تخرج
عند شاكر ودكتور ياااسر
_انا بدرس في الطاقه النوويه… وكنت مسافر… عشان اعمل ماستر فيها… بس رجعت عشان اتجوز
_واوووو.. ياعني انت عريس… ولا متجوز من زمان
_ياعني… لادي…. ولا… دي … انت بقي كلمني عن نفسك
_انا دكتور علاج طبيعي…. وبحاول ابني نفسي. وشجعتني اكمل واخد الماستر والدكتوراه كمان…. وشغال دكتور معالج في چيم مشهور… هنا في القاهره
_انت شغال في چيم وانا معطلك…. اكيد
_لاا. ابدا…. انا مبسوط… اني اتعرفت عليك… انت شكلك ابن ناس ممكن اسالك سؤال بس لو مش عاوز تجاوبني…. مش هزعل
_عارف… عاوز تسال ايه…. هتقولي ايه اللي رميك في جنينه وانت تعبان بشكل دا…. وانت شكل ابن ناس
_صح… بالضبط…. هتجاوب ولا مش حابب
_لا هجاوب…. عشان محتاج اتكلم…. ومخنوق…. عاوز… اتكلم مع حد
وهنا شاكر….. بدا يحكي حكايته…. لياسر اللي ارتحله…. واللي شكلهم هيبقوا اصحاب
في فيلاااا.. الجد.. الشاكر
حسنا زهقت من الحبسه في اوضتها… ونزلت الجنينه تقعد شوي… حسنا كانت سرحانه.. وبدات تفتكتر كل حاحه حصلت بينها وبين شاكر… والمواقف… الي بينهم
وهنا سليم لمح حسنا في الجنينه فنزل ليها… عشان يطمن اليها
_عامله اي دلوقتي….
حسنا بنظره استحقار…. وقامت عشان تدخل وتسيبه…. وهي ماشيه سليم مسك درعها…
_راحه فين… انا بكلمك ونازل اطمن عليكي
_وانا مش عاوزه اكلمك ولا اعرفك….
_ليه ياحسنا…. انا غلطت في اي.. . شاكر ماينفعكيش…. وغلط ان جدو جوزكوا لبعض
_وانت مالك خلي رايك لنفسك….
_مالي عشان بحبك…. وعاوزك … عاوز اتجوزك
_انت مجنون… ولو مسكتش هضطر اقول لجدو…. وانا متاكده ان شاكر شاف تطاولك عليا
_حسنا… انتي لو مكنتيش معجبه بيا مكنتيش سمحتي اني اقرب منك… انتي عين في جنه وعين في نار… واهو جات من شاكر.. ومشي وسابك.. فاضل يطلقك ونتجوز…. حسنا انا بحبك. وهنا قرب تاني من حسنا ولسه هيكرر عملته
وقبل ماحسنا تكرر القلم فجاءه صوت قوي
_سلييييم….. اطلع بره…… بره ياااسليم.
حسنا….. جرت علي صاحب الصوت واللي كان جدها
_جدي…… عاوزه شاكر….. عاوزه اطمن عليه…. وبعد كده يعمل اللي عوزه… ان شاءلله يبعد عني المهم اطمن عليه
عند شاكر… وياسر
شاكر حكي لياسر كل حاجهمن ساعه مانزل من امريكا لغايه الدقيقه اللي قاعد معاه فيها…. وحكي علي ابن عمته وتصرفاته
_طب عاوز اعرف…. انت… بتحب مراتك… ولا لا
_انا مكنتش عارف اني بحبها…. بس لما قربنا من بعض واتعوديت عليها… وبقيت معنتش اقدر استغني عنها… الحب عندي تعود…. وعدم استغناء…. هي عندها الحب… حب مراهقه…
_ياعني ايه
_ياعني لازم اقولها كلام حلو…. لازم اكون شكلي ومظهري يعجبها واكون من العيال اللي مخلصه
_علي فكره… كل البنات كلها كده…. مش مراتك بس
وعلي فكره…. انت لازم تتغير…. لازم تعمل اللي يليق بيك.. وبيها انت دكتور…. ولازم تخلي الناس تنبهر بيك وتفتخر بيك
وهنا باب الشقه خبط واتفتح واللي كانت اخت ياسر،
_ادخلي…. يااامني……
_الاكل ياابيه اهو،
_ حطيه عندك….. وتعالي سلمي علي دكتور شاكر…
_اهلا… يادكتور…
_ اهلا وسهلا… بيكي تعبتكم معايا والله
وهنا مني نزلت بسرعه لانها مكسوفه وهنا ياسر،…. تعرف اختي مني في اولي علوم…. وممكن نقول انها زيك بالضبط… عندها المذاكره اهم من الاكل والشرب،… وبحاول اعلمها ان الحياه مش مذاكره وابحاث الحياه فيها حاجات تانيه ومهمه واننا مش عايشين لوحدنا….. وانت ياشاكر… لازم تتغير عشانك وعشان اللي بتحبها
_ياسر…. ممكن تساعدني… اني اتغير وتعرفني ايه اللي لازم اعمله
_طبعا وبعد اربع ايام… ترتاح… وهتنزل معايا الچيم
_😢چيم…. مره واحده كده.. نا شامم ريحه محشي وفراخ
_اااه نسيت دا الغدا….. بس المره دي وبعد كده الاكل مله هلثي
_انت مصدقت ولا اي… وحده وحده عليا
وهنا شاكر نزل في الاكل والمخشي اللي بيحبهم….. واللي كان جعان اوي….. وياسر فضل مستغربه …
وهناباب الشقه خبط …. وياسر، فتح الباب،
_اتفضلوا….. ادخلوا
وهنا
_الله…. الله….. يااستاذ…. انت قاعد هنا وبتاكل محشي… واحنا ديخين عليك…..

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية جيم اوفر)