رواية صدفة غيرت حياتي الفصل الثالث 3 بقلم نشوه عادل

رواية صدفة غيرت حياتي الفصل الثالث 3 بقلم نشوه عادل

رواية صدفة غيرت حياتي البارت الثالث

رواية صدفة غيرت حياتي الجزء الثالث

رواية صدفة غيرت حياتي الحلقة الثالثة

دخل كريم ع عمه المكتب وكان رايح جاى بالكرسى وهو متعصب واول ما شاف كريم انفجر فيه
يونس: انت كنت فين ي واد من الصبح ها وقافل تليفونك ليه انت عايز تموتنى حرام عليك اللى بتعمله فيا ده ي ابنى والله انا مش حمل وجع قلب تانى
كريم وهو بيبوس دماغه: انا اسف حقك عليا ي سيد الناس والله غصب عنى كان عندى شغل مهم اتلبخت فيه والظاهر ان الفون مكنش فيه شبكة
يونس: شغل ايه وزفت ايه كنت ع القليل سيبلى رسالة ي اخى
كريم: حقك عليا بقى ي كبير اوعدك مش هتتكرر تانى ابدا
خبطت زهرة واستأذنت بالدخول: العشا جاهز ي ابنى
كريم: ماشى ي دادة تسلمى ….. بص ليونس: يالا ناكل
يونس: مش عاوز اكل مليش نفس
كريم: لا بقولك ايه انا مأكلتش من الصبح وواقع من الجوع بجد وانت عارف انى مش بحب اكل لوحدى ولا انت مقموص منى ومش عاوز تاكل معايا
يونس: ايوة مقموص وواخد ع خاطرى منك

كريم: طب عشان خاطرى يالا ناكل واوعدك مش هعمل كده تانى
اخده كريم بالكرسى لحد السفرة وقال: هطلع اصحى طنط هالة تاكل معانا
زهرة: لا ي ابنى دى نايمة مبقالهاش ساعة وانا ما بصدق ي عينى انها تنام عشان ترتاح
كريم: طيب اكلت؟
زهرة: اه ي حبيبى وعطيتلها العلاج اطمن هو عمك اللى غليت معاه وفشلت
اكل كريم هو وعمه وقعدوا يتكلموا شويه وبعدها اخده وطلعه ع اوضته وساعده ينام ع السرير
يونس: انت مخبى عنى حاجة ي كريم!
كريم بتوتر: ابدا ي عمى انا من امتى بخبى عنك حاجة؟
يونس: طب ابوك كلمك تانى؟!
كريم: ليه بتقول كده!
يونس: بص لعيونك ف المرايا وانت تعرف
ابتسم كريم وباس دماغه وقاله: اطمن انا بخير المهم دلوقتى تنام وترتاح شويه
فى مكان تانى فى حى شعبى بسيط داخل بيت ميرال البسيط قعد عمها ومراته يتكلموا وهو بيشرب الدخان بتاعه
فرج: الله البت دى راحت فين مش عاويدها تتأخر بالشكل ده؟
عبير: انا عارفة ي اخويا اكيد بتتسرمح هنا ولا هنا
فرج: لا مستحيل ملهاش اصحاب ولا تعرف حد غيرنا من اساسه
عبير: الله اومال هتكون راحت فينا داهية يعنى؟
فرج: مش عارف بس الفار بيلعب ف عيبى
عبير: تقصد تقول ايه ي راجل البت اتخطفت!

فرج: اتخطفت ايه هى حيلتها حاجة عشان تتخطف وبعدين دى قوية مقوتهاش الا ربنا محدش يقدرلها
عبير: حيرتنى معاك يعنى هتكون راحت فين؟
فرج: مش عارف بس قال ي خبر النهاردة بفلوس بكرة يبقى ببلاش
عند ميرال اللى كانت قاعدة بالشقة واكلت لما اتنفخت اخدت جولة داخل الشقة وعجبتها جدا وطلعت هدوم وغيرت وفجأة رن الفون الارضى اللى بالصالة احتارت ترد او لا لكن ف الاخر اخدت قرار ترفع السماعة من غير ما ترد
…………: ها اكلتى ولا لسه!
ميرال: انت مين اصلا؟!
…………: يعنى بذكائك اللى بتبهرينى بيه كل مدى ده هكون مين يعنى
ميرال: اه اكلت ي استاذ كريم
كريم: طب يالا نامى عشان موالنا بكرة طويل هنروح الشهر العقارى وهعلمك كام حاجة وكده يعنى
ميرال: تمام ماشى سلام
قفلت السكة ودخلت اكبر الغرف ورمت نفسها ع السرير والافكار الكتير لاحقتها لحد ما تعبت واستسلمت للنوم
تانى يوم الصبح فاق كريم واخد الشاور بتاعه ونزل ع الجنينة لقى يونس وهالة بيفطروا
كريم: صباح الخير ع اهل الخير
هالة بلغة الاشارة لانها فاقدة النطق من بعد كنزى ما هربت: كنت فين امبارح؟
كريم: كان عندى شغل مهم ورجعت متأخر
يونس: ورايح ع فين بدرى كده؟
كريم: هكمل بقيت الشغل ده لانى لسه مخلصتوش
هالة بلغة الاشارة: مفيش اى معلومات جات عن كنزى
كريم: لا ي حبيبتى لسه بس اطمنى اكيد خير وهنوصلها قريب ان شاء الله عن اذنكم
استأذن كريم وركب عربيته وراح ع الشقة اللى فيها ميرال فتح الباب بالمفتاح وقعد ينده: ميرال…. ميرال انتى فين؟
دور عليها ف كل الغرف وملقهاش جن جنونه ونده بصوت غليظ وجهورى: فخررررر
فخر: نعم ي باشا فيه حاجة
كريم: مين اللى كان واقف هنا من امبارح
فخر: عماد ي فندم هو فيه حاجة ولا ايه؟

كريم: هاتلى الحيوان ده هنا البت هربت قسما عظما لو مجبهاش لاكون دفنه حى
وقبل ما يخرج فخر من الباب سمع كريم صوت جاى من المطبخ طلع يجرى هو وفخر ولقوا ميرال واقعة ف الارض وفوقها اطباق كتير وقفوا مصدومين من شكلها المضحك و…………………………………………………..
توتة توتة ولسه فيه باقى للحدوتة خمنوه ي شطار والبارت الجديد هنعرف فيه حاجات كتير ان شاء الله ….. حبيت اشكركم تانى ع التفاعل الجميل والكومنتات اللى بجد دخلت قلبى واسفة لو مش قادرة ارد لان الكومنتات كتير لكن وعد هحاول ارد ع الكل باذن الله❤
*****ولسه الجاى دمار بحروف وكلمات من نار 🔥*****

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية صدفة غيرت حياتي)