رواية سهر الفصل السابع والعشرون 27 بقلم إسراء محمد

رواية سهر الفصل السابع والعشرون 27 بقلم إسراء محمد

رواية سهر البارت السابع والعشرون

رواية سهر الجزء السابع والعشرون

رواية سهر الحلقة السابعة والعشرون

الجرس رن
سمير راح فتح
ودخل الناس
سهر سمعت اصوات غريبه خرجت تبص
اتفأجت بالناس اللي مدخلين الحاجه وسمير معاهم
سهر باستغراب : اي ده يا سمير
سمير : اجهزه البنت هيكون اي
سهر باستغراب اكتر : جبتهم امتا
سمير : بعدين هفهمك
ودخل الحاجه مع الناس وحاسبهم ومشيوا
وكل ده سهر مش فاهمه حاجه
بعد ما الناس مشيت
سهر : ممكن تفهمني بقي اي اللي حصل ده
سمير : طب ناكل عشان جوعنا ممكن
سهر بعند : لا مفيش اكل غير لما افهم
سمير حكالها اللي حصل عشان عارف انها عنيده ومش هتسكت
سهر : طب لي مقولتليش
سمير : ما انا كنت بتحايل عليكي تنزلي انتي وانتي اللي مكنتيش راضيه
سهر : عشان مش عايزاها تمشي
سمير : يا بنتي دي سنة الحياه
سهر اترمت في حضنه وعيطت
وقالت : بس انا مش هقدر ابعد عنها
سمير : هبقي اخليه يجبهالك كل شويه
سهر : بجد
سمير : بجد
سهر : ربنا ما يحرمني منك يا احلي عوض ربنا في الدنيا
سمير : ولا يحرمني منك يا سهري ، طب بقولك اي
سهر : قول
سمير : طالما انتي زعلانه علي ديما انها هتمشي وانتي اتعودتي علي عدد معين في الشقه اي رأيك نجيب بنت مكانها ويبقي محستيش بفرق
سهر بعدم فهم : هتجيب بنت مكانها ازاي مش فاهمه
سمير : يعني نخلف بنوته تانيه تعوضك غياب ديما
سهر اول ما سمعت كده اتخضت وجريت
وهو ضحك علي شكلها وهي بتجري
ريما خرجت
وقالت : في اي مامي بتجري كده لي وانت واقف بتتضحك مع نفسك لي
سمير بكدب : اصل واحنا في لحظه رومانسيه افتكرت الاكل اللي النار وجريت فبضحك علي شكلها
ريما : في واحده تبقي في لحظه رومانسيه مع جوزها وتفسدها بايدها
سمير : قوليلها يا ختي
ريما : معلش يا ابني ربنا يعوضك عن اللي بتفرفت الرومانسيه بايدها دي
في اللحظه دي خرجت سهر من المطبخ
وقالت بصوت عالي شويه : يعوض مين يا عنيا هو هيلاقي زيي فين
ريما : ما انتي اللي بتفرفتي الرومانسيه بايدك
سهر : مش عشان تأكلوا ولا اسيبكم جعانين
ريما : اتصدقي انتي صح وبصت لسمير وقالت ابقي اختار الاوقات المناسبه اللي تنفع للرومانسية مش اي وقت كده وخلاص
سمير : شوف البت قلبت عليا في ثانيه
ريما : معلش دي مفتريه وممكن تقعدنا من غير اكل
سهر اول ما سمعت كده جريت عليها وريما حريو علي اوضتها
وسمير قاعد بيضحك عليهم
ومر اليوم بين هزار وضحك واستفزاز ريما لسهر
بس سهر كانت مبسوطه في البيت
وبعد شهر
يامن كان بيكلم ديما
يامن : اي يا حبي
ديما : عامل اي يا دكتور
يامن : الحمدلله يا قلب الدكتور انتي اللي عامله اي
ديما : عامله مكرونه بالبشاميل محشيه فراخ وعليها موتزريلا
يامن : الله لا انا كده اجي اتغدا معاكم
ديما : تعالي
يامن : هاجي بجد
ديما : ما تيجي بجد
يامن : طب انا لسه واصل البيت هطلع ابدل هدومي وهاجي
ديما : طب متتأخرش
يامن : انتي قولتي اي
ديما : قولت متتأخرش فيها اي
يامن : اصل انتي اول مره تقوليها
ديما : طب ابقي اتعود عليها عشان هتسمعها كتير
يامن : لا ده كده اجي علي طول مش لازم اطلع البيت
ديما : اتصدق كده احسن يلا بقي بسرعه
يامن : احسبي نص ساعه من دلوقتي وهتلاقيني عندك
ديما : طب يلا اقفل عشان الحق اخلص عقبال ما تيجي
وجاي يقفل
ديما : بقولك
يامن : قولي يا روحي
ديما : خلي بالك من نفسك
يامن : لا انا لازم أوثق اليوم ده
ديما : لي يعني
يامن : عشان ده اول يوم تقوليلي فيه متتأخرش وخلي بالك من نفسك
ديما : وانت مبسوط
يامن : ده انا هطير من الفرحه
ديما : طب طير بسرعه بقي عشان لو اتأخرت هتتحرم من المكرونه بالبشاميل
يامن : مش مهم المهم عندي اني اشوفك
ديما اتكسفت وقفلت التليفون في وشه
يامن ضحك عليها وفهم انها اتكسفت
ديما خرجت لسهر
وقالت : مامي
سهر : نعم
ديما : يامن جاي في الطريق
مشيره : وجاي لي
ديما : عشان يتغدا معانا
سهر : يتغدا معانا ولا معاكي
مشيره : يعني انا هربانه منهم النهارده عشان اغير جو يجي ورايا برضو
ديما : هو ميعرفش انك هنا اصلا
مشيره : طيب
وبعد شويه
كان يامن وصل وديما فتحتله
يامن : وحشتيني اوي
ديما : طب ادخل شوف مين مستنيك
يامن : في حد مستنيني غيرك
مشيره من وراها : اه يا عين امك
يامن بخضه : بسم الله الرحمن الرحيم
مشيره : اي شوفت عفريت
يامن باس راسها
وقال : لا شوفت روحي
مشيره : تقصد ديما طبعاً
يامن : لا انتي يا روحي لكن ديما دي حياتي وعمري وقلبي وكل حاجه في حياتي
مشيره : إذا كان كده ماشي
وسابتهم ودخلت
يامن : مش تقوليلي انها هنا
ديما : انا بحسبك عارف
يامن : لا معرفش
ديما : طب ادخل اقعد عقبال ما احضر الغدا وبابي يطلع
يامن : عمو سمير بس ولا بابي بتاعي هيطلع معاه
ديما معرفش
وسابته ودخلت
حضرت الغدا هي واخواتها البنات
وسمير طلع ومعاه احمد
احمد : انت اي اللي جابك هنا ياض انت
يامن : انت جاي لي
احمد : جاي مع صاحبي
يامن : وانا جاي لخطيبتي ومراتي المستقبليه
احمد : لا كده مقدرش اتكلم دي حبيبتي
سمير : طب يلا نتغدا عشان نلعب دورين شطرنج قبل تقول يلا يا مشيره نمشي
احمد : يلا
واتغدوا
وبعد الغداء
احمد وسمير قعدوا يلعبوا شطرنج في البلكونه
وسهر قالت
ديما : انتي اعملي المشروبات وريما وريتا اغسلوا المواعين ويزيد ونورسين وسليم علي اوضه الالعاب بتاعتكم
ريما : اشمعنا ريما وريتا
سهر : عشان هي خطيبها موجود هتخلص المشروبات بسرعه وتقعد معاه شويه لكن انتوا هتقعدوا مع مين
ردت ريتا : هنقعد مع بعض
سهر : ما انتوا هتقعدوا مع بعض بس وانتوا بتغسلوا المواعين يلا
ريما وريتا قاموا وهما
بيقولوا : امتا نترحم من غسيل المواعين
ردت سهر : في الجنه ان شاء الله
بصوا ليها بصدمه
سهر : يلا انتوا هتبصولي كتير وانتي يا ديما يلا اعملي قهوه لسمير واحمد ويامن وانا ومشيره هنشرب شاي واعملي عصير لاخواتك
ديما : حاضر
وقامت من غير ما تتكلم
مشيره : اشمعنا دي اللي قامت من غير كلام ولا عشان يامن قاعد
سهر : لا ديما بتحب المطبخ وبتحب توقف فيه وبتعمل الحاجه بحب مش مجبوره عليها
مشيره : طب كويس
وديما عملت المشروبات كلها وخرجت قدمتها
سهر : خدي يامن واقعدوا في البلكونه شويه
ديما : ما بابي وعمو احمد جوا
سهر ندهت سمير وخلتهم يطلعوا برا وديما ويامن دخلوا
يامن : انتي عارفه ان ده احلي يوم في حياتي
ديما : اشمعنا
يامن : عشان بدأتي تعبري عن مشاعرك فيه واني دوقت اكلك
ديما : يا جدع
يامن : يا قلب الجدع
ديما : اتكسفت
يامن : لا احنا نكتب الكتاب بقي
ديما : احنا مخطوبين من شهرين يعني لسه بدري علي كتب الكتاب
يامن : طب خلاص نخليها بعد اربع شهور
ديما : اشمعنا
يامن : عشان يكون عدا 6 شهور علي الخطوبه وباقي 6 شهور علي الفرح
ديما : نبقي نشوف الموضوع ده بعدين
يامن : طب مش هننزل ننقي العفش
ديما : لسه بدري
يامن : ولا بدري ولا حاجه
ويامن اتفق مع سمير انهم هينزلوا يجيبوا العفش
وبعد شهر من محايلات يامن علي ديما انها توافق ينزلوا يجيبوا العفش اخيرا وافقت
ونزلوا فعلا
وكانوا كل اسبوعين ينزلوا يشتروا حاجه لحد ما خلصوا الشقه كلها في 6 شهور
بس في الست شهور دول
كانت ديما بتقرب ليامن اكتر وبقت تعبر عن مشاعرها اكتر
وريما اتقدملها واحد صاحب يامن اسمه خالد ووافقت عليه
وكلهم كانوا متجمعين عند سهر وسمير
يامن : بقولك يا عمي
سمير : قول
يامن : اي رأيك اتجوز انا وديما في خطوبه خالد وريما
ديما : لا طبعاً
يامن : لي
ديما : عشان كل واحده تبقي فرحتها لوحدها محدش يشاركها فيها
يامن : كلام يحترم طب انا عايز اتجوز يا عمي
سمير : احنا متفقين على سنه فاضل فيها 4 شهور اصبر بقي
يامن : لا معلش انا عيل وعايز اتجوز الشهر الجاي
ديما : والامتحانات اللي بعد شهرين ونص دي اي
يامن : نتجوز وانا هذاكرلك قولت اي يا عمي
احمد : وافق يا سمير بقي خلينا نفرح
سمير : والله الكلمه مش ليا لوحدي في سهر واياد لازم يقولوا موافقتهم
سهر : انا موافقه
اياد : وانا كمان
سمير : وانا كمان موافق بس علي شرط
يامن : شرط اي
سمير : لو مجبتش تقدير السنه دي والسنه الجايه هاخدها تقعد معايا هنا ومش هتشوفها
يامن باسرع : اعتبرها جابت تقدير واتعينت كمان
كلهم ضحكوا وباركوا لديما ويامن
وبعد اسبوعين
كانت خطوبه خالد وريما
ويامن اتفق مع سمير واياد
انهم هيكتبوا الكتاب وفعلا كتبوا الكتاب
يامن بعد ما سمع المأذون
بيقول : بارك الله لكما وبارك عليكما وجمع بينكما في خير
حضن ديما
وقالها : مبروك عليا وجودك في حياتي يا اجمل ما رأت عيني
واخدها وقعدوا في ترابيزه بعيده عن الناس بعد ما الكل باركلهم
سمير : خلي ابنك يلم نفسه يا احمد ويسيب البت بدل ما اضربه
احمد بضحك : الواد طالع لعمو ولا نسيت
سمير : لا منستش بس خليه يسيب البت
احمد : اهو عندك اهو روح خليه يسيبها
سمير وهو رايح ناحية يامن سهر وقفته
وقالت له : رايح فين
سمير : رايح اخد بنتي من الواد ده
سهر بضحك : ما خلاص بقت مراته سيبهم يقعدوا مع بعض شويه
سمير : يعني عشان بقت مراته اسيبه يقعد معاها كده عادي
سهر : مش دي سنة الحياه اللي انتي كنت بتقنعني بيها سيبهم بقي وخليك في بنتك التانيه اللي بتتخطب
سمير : هسيبهم عشان خاطرك انتي يا قمر
سهر : لسه شايفني قمر بعد السنين دي كلها
سمير : وهفضل اشوفك قمر حتي بعد ما نكبر وتعجز ونجوز العيال كلها ويبقي اصغر حفيد عندنا يبقي عشر سنين
سهر بصدمه : انت عايزني اعيش لحد ما اجوز العيال كلها ويبقي عندي احفاد أصغرهم عشر سنين
سمير : قليل صح خلاص يا ستي يبقي اصغر حفيد عنده عشرين سنه
سهر : طموح اوي يا سمير
سمير : طموح عشان انتي في حياتي
سهر : ربنا ما يحرمني من وجودك في حياتي
وخلصت الخطوبه
وبعد الخطوبه باسبوع
كانوا كلهم متجمعين في شقه ديما عشان يفرشوها
وبعدها باسبوع
كانت ديما ويامن اتجوزوا
وسافروا شرم الشيخ يقضوا اسبوع عسل هناك
ديما : انا مش نفسي اني اتجوزت وبقضي شهر العسل مع جوزي
يامن : انا اللي مش مصدق نفسي ان اتجوزت حلم عمري
ديما : انا حلم عمرك
يامن : اه حلم عمري ودعوتي في كل صلاه ان ربنا يجمعني بيها واخيرا اتحققت الدعوه
ديما : انت بتتكلم بجد
يامن : اه والله بتكلم بجد انتي كنت دعوتي في كل صلاه من وانا عندي 10 سنين
ديما : 10 سنين
يامن : اه لما كنتي بتيجي انتي واخواتك تقعدوا معانا لحد ما طنط ترجع من الشغل
ديما : انا مش مصدقه نفسي بجد اللي انت بتقوله ده
يامن : طب تعالي وانا هخليكي تصدقي
وخدها وراحوا لعالمهم
وبعد اربع شهور
كان اياد اتجوز واحده جارته في العماره الجديده اللي نقل فيها اسمها اسماء
كانوا كلهم متجمعين عند سهر وسمير واياد واسماء ومشيره واحمد ويونس اخو يامن كانوا موجودين ومستنين يامن يرجع عشان يعرفوا نتيجه ديما
بعد ساعه من الانتظار يامن وصل
ديما جريت عليه
وقالت : قولي بسرعه النتيجه اي
يامن : طب اخد نفسي
سمير : لا قول الاول عشان لو النتيجه مش علي مزاجي هتلف وتخرج وتسيب البت هنا
يامن : جابت امتياز
سمير : بتتكلم بجد ولا بتقول كده عشان متسيبهاش
يامن : النتيجه اهي
سمير اخد منه النتيجه واتأكد انها فعلا جابت امتياز
وباركوا ليها ويامن كانت فرحته متتوصفش عشان فتره جوازهم مأثرتش عليها وجابت تقدير زي كل سنه
ديما : انا عايزه اقولكم حاجه بما اننا كلنا متجمعين كده
سهر : قولي
ديما سكتت شويه
سهر : ما تقولي يا بنتي في اي
مشيره : ووشك مخطوف كده لي
وديما ساكته
سهر بزعيق : ما تنطقي يا بنتي
سمير : اهدي يا سهر خدي نفس يا ديما واتكلمي براحه
ديما عملت كده فعلا
وقالت : بعد تسع شهور هتبقوا جدو وتيته
يامن بغباء : مين اللي هيبقوا جدو وتيته
ديما : مامي وبابي سمير واياد وطنط مشيره وعمو احمد وطنط اسماء
يامن : انتي بتتكلمي بجد
ديما : اه والله لسه عارفه وانا جايه
يامن قام حضنها وباسها والكل بارك والفرحه كانت متتوصفش فعلا فرحتهم بالنتيجه وبالبيبي اللي جاي
وبعد عشر سنين
يامن وديما
بقوا معاهم
يقين و معاذ
وخالد وريما اتجوزوا
وبقي معاهم
مالك و موده
وريتا اتخرجت من كليه سياحه وفنادق ومسكن المطعم مع سمير
واتجوزت واحد زميلها اسمه فهد
وبقي معاهم
تيم و سجده
ويزيد بقي عنده 21 سنه
واتخرج من كليه تجاره
وسليم ونورسين
عندهم 15 سنه
وفي أولي ثانوي
وفي يوم كانوا سهر وسمير سهرانين في البلكونه
وبيشربوا قهوه
وبيسمعوا ام كلثوم وهي بتقول
يا اللي مليت بالحب حياتي أهدي حياتي إليك
روحي.. قلبي.. عقلي.. حبي كلّي ملك ايديك
صوتك.. نظراتك.. همساتك شيء مش معقول
شيء خللي الدنيا زهور على طول وشموع علي طول
الله يا حبيبي على حبك وهنايا معاك
الله يا حبيبي يا حبيبي الله الله
ولا دمعة عين جرحت قلبي ولا قولة آه
ما بقولش في حبك غير الله
الله يا حبيبي على حبك الله الله
من كتر الحب لقيتني باحب
وأدوب في الحب وصبح وليل على بابه
#تمت

لقراءة جميع حلقات الرواية اضغط على : (رواية سهر)