رواية شهد الصعيد الفصل الأول 1 بقلم رانيا قنديل

رواية شهد الصعيد الفصل الأول 1 بقلم رانيا قنديل

رواية شهد الصعيد البارت الأول

رواية شهد الصعيد الجزء الأول

رواية شهد الصعيد الحلقة الأولى

هنا فى الصعيد..الحج عيد الذياد فهو رجل فلاح مكافح كل ما يملكه من الدنيا أبنائه وارضه فهو يريد أن يوفر لأبنائه ما يلزمهم حتى يكملو تعليمهم كى يفتخر بهم وزوجته وفيه ربه منزل وتعمل معه فى بعض الأحيان فى الأرض له من الأبناء ثلاثه الابنه الكبرى
شهد: تدرس بكليه الزراعه آخر سنه ايه فى الجمال ..جمال الوجه وجمال الخلق ذو شخصيه قويه ومتفوقه فى دراستها وكى لا تضغط على والدها ولا تحمله كثيرا كانت تعمل بعد دوام دراستها سكرتيرة فى إحدى الشركات الكبري
الإبن الثانى
أحمد: فى السنه الثالثه كليه صيدله ويعمل أيضا كمدرس علوم فى سيبر للدروس الخصوصيه فهو شاب ذو خلق جميل طموح شخصيته قويه وتحديه للحياه اقوى
الابنه الثالثه
ياسمين: فى الصف الثالث الثانوي فهى تعشق اخوتها وجميع أسرتها فهى جميله جدا مثل أختها الكبري ولكنها لا تحب أن تخفي شئ عن اخوتها وهى متفوقه أيضا فى دراستها ومن أوائل الطلاب في التعليم
الأم وفيه: ياسمين ياسمين يا بتى همى معاي خيتك عتاجى وأنى لساتنى معملتش أيتها حاجه همى سعدينى ي بتى
ياسمين: واااا أنى واجفه اهنه ومخبراش أنى هعملو إيه دلينى
الأم وفيه: جطعى البصل وبس وانى هخلصو الباجى وهمى خيتك عتاجى دلجيت(دلوقتى)
شهد: أنى جيت ي امى كيفك اتوحشتك جوى جوى واحتضنت امها وقبلت يدها ونظرت إلى أختها خيتى كيفك عم تبكى ليه مالك
ياسمين: امى رايده تبكينى وتوجعلي عينى بالبصل مخبراش ليه
شهد: اواعاكى أنى هجطعو البصل وانتى تذاكرى ولا مش ناويا على مجموع كبير
ياسمين: واااااا كيف ده أنى إن شاء الله عجيب مجموع كبير وهدخل هندسه كيف ما أنى رايده
شهد: إن شاء الله وتحدثت إلي امها وسألت عن أبيها فينه بوي ي امى
الأم وفيه: راح الغيط (الأرض) ولسه معودتشي زمناته جاي اطلعي غيري خلجاتك وانزلى يكون ابوكى عاود
شهد: انى هطبخ معاكى وبعدين هغيرو خلجاتى
ياسمين: يلا نطلعو امك ما عتحبش حدا يعمل الوكل معاها فابتسمت شهد لأختها وامسكت بيدها يلا هغيرو خلجاتى وهننزلو طوالى نساعدو امك وصعدت الفتاتان الي غرفتهم فهى غرفه مشتركه لهم
شهد: ياسمين أنى خبراكى زين عنديكى حديد كتير أنى خبراكى من عنيكى جولي فى إيه ومال امى حزينه أكده ومهمومه
ياسمين: أنى عجولك بس اوعاكى تخبري امى والله تعلجنى فى الذريبه وتضروبنى كيف الدبيحه
شهد: جولي ومش عخبرها بس حدتينى أنتى إيه هم امى
ياسمين: ولد الشهاوى رايد أرضنا واتفج مع التجار على ابوكى ما حدا يعطيه التجاوى ولما ادوله تجاوى كانت منتهيه الصلاحيه والزرعه مرضت وابوكى كيف الدبيحه إلي بيد إبن الشهاوى لأن الزرعه دى لو حوصلها شئ الديون على ابوكى كتير وبكده إبن الشهاوي عياخدو الأرض منينا بسبب الديون ومخبراش كيف عنسدوها كلياتها
شهد: مين من ولد الشهاوى هما تنين ……؟
ياسمين: جاسر ولد الشهاوى واعر وظالم وخرب بيوت كتير واخد أرضهم وضمها ليه وارضنا جريبه جوى من أرضهم وهى إلي فاضله وبوكى معيبعشي ارضنا واتصدرله
بس مخبراش كيف عيسد الديون والزرعه صابها المرض
شهد: تعالي ويايا ننزلو نساعدو أمك واوعاكى تهلفطى بالحديد واصل جدام امى
ياسمين: لع مش عجول حاجه واصل أنى خابرة امى والله تضروبنى ….ونزلو الفتاتان إلي أمهم
شهد: واااا لمين الشاى ……؟
الأم وفيه: ابوكى ومعاه ناس فى المندرة تعالى خدى الشاى واوعاكى صوتك خبطى وابوكى عياخدو منيكى الشاى وسلمي عليه ي بتى وعاودى طوالي
شهد: هاتى الشاي وخرجت شهد إلي ابيها وطرقت على الباب فخرج أبيها
الأب عيد الزياد: وااااا شهد بتى كيفك حمدالله على السلامه
شهد: وهى تقبل يد أبيها الله يسلمك ي بوى أنى جيت بجالى ساعتين اتفضل الشاي ليبرد ومتعوجشي علينا
الأب: حاضر ي بتى بس خدى معاكى الحجات دى ودخليها لأمك
شهد: حاضر :
ودخل الأب عند ضيوفه وبدأ يتحدث عن همه ويشكى للرجل بأن التجاوى صلاحيتها منتهيه والزرعه ممنهاش فايده وولد الشهاوى بيهدد بانه عياخدو الأرض وأنا شيعتلكو عشان تجولولى الحل ….
شهد: وقد استمعت لحديث أبيها واااا والله ي إبن الشهاوى رجلك معتخطيش أرض أبويا واصل ولا عتاخد شبر منيها وأنا وأنت والزمن طويل
الأم وفيه: مالك ي بتى مسهمه أكده ومتكدرة ليه ….؟
شهد: ولا متكدرة ولا حاجه أنا زينه جوى بس كنت عاوزة اروح لهنيه بت عمى أسلم عليها بعد الوكل
الأم وفيه: والله فيكى الخير يا بتى وكمانى سلمى على عمك عمران ومرته
شهد: واااا ي امى وانتى مش عتسلمى عليهم ليه بنفسك تعالي نروحو سوا
الأم وفيه: ههههههههههههه وماله اهو افك رجلي شويه ونطلعو نتباهو بيكى ي بتى
شهد: أنى إلي اتباهى بيكى وأفتخر أنك امى وقبلت يدها متجوليش اكده تانى
الأم وفيه: قبلت ابنتها ودعت لها ربنا يسعدك وينجحك ي بتى أنتى وخواتك يلا بجى نهمو نخلصو الوكل زمنات بوكم جاى من الموندرة
شهد: أنى عنخلصو الوكل وارتاحى معيزاكيش تتعبي وأنى فى البيت ونادت على أختها همى بينا
الأب عيد: وااااا عتهمو على وين منك ليها
ياسمين: عنجهزو الوكل وشهد رايده تريحو امى من الوجفه ووجع رجلها بتجلعها ي بوى
الأب: ربنا يسعدكم ي بتى يلا جهزو الوكل وتعالي ي أم أحمد رايد اتحدت وياكى
الأم وفيه: خير ي أبو أحمد مهموم ليه حكى معايا أنى خبراك
الأب: والله ما عارف اجول إيه بس معوزكيش تجولى أى شي لشهد أنتى خبراها زين وخابرة عنادها ومعوذشى تهمل دروسها فاضل كام شهر وتعاود البلد فهمتى
الأم وفيه: واااااا كيف ده جولها وخليها تعالج الزرعه وتداويها بتك متعلمه ومتنورة
الأب: لع معوزشي احيرها بين تعليمها وهمي وزى ما جولت فهمانى
الأم وفيه: طب جولي عتملو إيه مع ولد الشهاوى ده محراك شر
الأب: الله خير معين إن شاء الله اجدر اعالج الزرعه وأجدر اسدو دين التجاوى
الأم وفيه: ي رب يسدد ما عليك هم بينا عوجنا على البنته
الأم وفيه: وااا رصيتو الوكل هم يا أبو أحمد خلونا ناكل.وبعد الانتهاء من الاكل …
شهد: الشاى كيف ما عتحبه وكنت رايده أروح لبيت عمى عمران أسلم عليهم وامى وياسمين عيروحو معايا
الأب: وماله ي بتى روحى وأنى عروح الغيط ومتعودوش إلا لما اجيلكم ……وذهبت شهد واختها وأمها لبيت عمها عمران فهو شقيق أبيها الأصغر فهو غنى عنده ارض وعقارات ولكنه بخيل متزوج من سعاد فهى طيبه ومغلوبه على أمرها ولا تعترض على أى شئ وله من الابناء ثلاثه
الإبن الأكبر:★
حسان: درس مؤهل متوسط بخيل مثل أبيه يحب أن يجمع المال ويعشق شهد بنت عمه ويريد أن يتزوجها سنه٣٠
الإبن الثانى
يس: درس كليه تجارة مكافح يحب الخير للجميع ويكرة البخل ويساعد والده فى أعماله ولكنه غير راضي عن بخله إتجاه العمال والفلاحين
الابنه الثالثه
هنيه: تدرس مؤهل متوسط فهى بنت جميله جدا وهاديه الطباع ومغلوبه على أمرها من أبيها واخيها حسان فلم يجعلوها تدرس فى الجامعه وانهو حلمها ولم تقدر أن تعترض
شهد: السلام عليكم ورحمه الله وبركاته كيفك يا عمي
عمران: زين الحمد لله كيفك ي بتى جيتى ميتا …..
شهد: جيت النهارده وجولت لازم أسلم عليكم أصلي اتوحشتكم جوي
عمران: والله ي بتى أنى مخبرش لزمته إيه تعليمك والمصاريف الي عجزت ابوكى بكفياكى عاد
شهد: واااا أنا فضلي كام شهر وارجع ومعايا شهادتى كيف ارجع دلجيت
حسان: إزيك يا بت عمى كيفك عامله إيه وجيتى ميتا
شهد: إزيك يا حسان جيت النهارده وجولت أسلم عليكم فينها مراه عمى وهنيه رايده أسلم عليهم
عمران: اجعدى رايد اتحدد معاكى ونادى ياسمين خدى امك واجعدى مع الحريم وخيتك عتحصلكم طوالي
ياسمين: حاضر وأخذت أمها ودخلت ولكن امها واااا هو رايد يتحدد ويا شهد ومعوزنيش اجعد معاها ليه استر يا رب
حسان: خير ي بوي عاوز تتحددو معاها ليه ….
عمران: واااا بت خوي وعاوز احدتها ولا عناخدو الأذن ولا كبرت علينا بعلامها
شهد: لاسمح الله يا عمي أنى عسمع حديتك خبرنى فى حاجه
عمران: ولد الشهاوى رايد أرض ابوكى وهى جار ارضه وخلي التجار يدوله التجاوى صلاحيتها منتهيه والزرعه مرضت وابوكى مضي على وصلات عشانى التجاوى وعشانى العلاج الي بيرشه للأرض وحتى العلاج مكنشي صوح والزرعه مرضت
شهد: وحضرتك كنت فين ي عمى لما ابوي مضي وليه مكنتش وياه وسند ليه فى ضهرة كيف متتصدرش لإبن الشهاوى وتوجفه عند حده
عمران: اجنيتى إياك أنتى خابرة مين ولد الشهاوى عوزاة يحطنى فى راسه كيف ابوكى ويضيع شجاي أنى عندي ارضي ومعضيعهاش بعنادى أنى رايدك تتحددى ابوكى ويفوت الأرض لولد الشهاوي وأنى عخليه يديله أرض فى الجهه الغربيه وبكده مفيش خسارة
حسان: وأنى كمانى عخليه يشيل الديون كلياتها وعمى يرتاح من همه وهم الدين
شهد: وااااا كيف ده أنى أخلى ابويا يفوت أرضه لولد الشهاوي كيف ترضي بالظلم ي عمي وكمانى اجي على أبويا لع أنى معملش أكده وأنت ي حسان معتتغيرش واصل
يس: ي مرحبا بت عمي الغاليه جيتى ميتا ومالك حسك عالي أكده
شهد: أسأل عمى وحسان ……؟
يس: جولتلكم إن شهد طريجها زى عمي وأنى معاها كيف يفوتو أرضهم لواحد ظالم كيف ولد الشهاوى والكل خضع وفرط فى أرضه خوف وعمى وجفله واتحداه لأنه على حج وإن شاءالله ربنا ينصرة واوعاكى ي شهد تسمعى لحديتهم واصل
عمران: جنيت ي ولد كيف تتحدت ويايا أكده أنى بنصحها عشانى تنصح أبوها وتعجله ويفوته من عناده
يس: عمي عاجل جوى ومخه يوزن بلد وأنى وياه ومعفوتش عمي واصل لانه صاحب حج
شهد: أنى طالعه أطل على هنيه وأسلم على مراه عمي ويريت ي عمى حضرتك وحسان متتحدتوش ويا ابويا هو خابر زين مصلحته وكيف يحافظ على ملكه وأنى مع أبويا عن اذنكم
عمران: لابنه يس أنت داخل علينا كيف البابور أنى بحمى عمك وبحميها من عنادها أنى خبرها كيف أبوها
يس: ي ابوى انى بستسمحك سد دين عمي ومتديش فرصه لإبن الشهاوى يمسك أيتها حاجه عليه ولما عمى حال الأرض يصح يبجى يسدتلك دينه بس ليك مش للغريب
عمران: وااااا كيف ده وأنى اجيب من وين أنى ممعاييش ي ولدى أنى مكفي حالي بالعافيه
حسان: ابتسم والله فكرة أسد الدين واجدر بكده اخد شهد ليا وتبجي مصلحه واكسر رأسها إلي بتتعالي بيها دى وتكون ليا جوات دارى كانت غايبه عنى فين الفكرة دى
عمران: مالك ي ولد شردت لوين واوعاك تكون بتفكر فى حديت الخرفان خوك ده
حسان: وليه لع فكرته عجبتنى جوى منيها اتجوز بت عمي ومنيها الأرض عتكون لينا
عمران: أنت ي ولد خرفان عتاخد أرض ولد الشهاوى رايدها اجنيت عاد
يس: تركهم وخرج واااه ي بوى أنت وحسان معيزينش تعرفو إن المال مش دايم وإن الدم اجوى رابط الله يصلحلكم حالكم يا رب
عيد: كيفك ي ولدى يس مالك واجف وشارد أكده ….!!
يس: عمي كيفك وكيف احوالك شهد وياسمين ومراه عمي جوه
عيد: خابر ي ولدى أنى جيت عشانى نروحو وياهم فينه ابوك وحسان …
يس: اتفضل ي عمي هما. جعدين فى الموندرة اتفضل
عمران: أهلا وسهلا كيفك ي خوي اتوحشتك جوى
عيد: الحمد لله زين وكيفك يا حسان ي ولدى وكيف احوالك
حسان: بخير ي عمي وكيف أحوال الأرض والزرعه عملت وياها إيه
عيد: ولا حاجه أنى بنعملو الي أجدر عليه وربك ستار وينهم الجماعه شيعلهم خلونا نعاود جبل العتمه
حسان: أنى عروح حداهم عن اذنكم
شهد: هنيه مالك حزينه وشارده ومهمومه فيكى إيه ي خيتى
هنيه: بخوف هو أنى اجدر اتحدتو ولا افتح خاشمى أنى بخاف حتى من ضرايا (خيالي) واديكى واعيا حرمونى ادخل الجامعه علشان الفلوس وممنوع أعمل أيتها حاجه أنى ريداها حتى حسان كيف ابوى واعر جوى
شهد: معلش مش احسن من أنهم حرموكى من العلام كلياته اهو أكده احسن بجولك متاجى تباتى معايا أنا وياسمين ونسهرو سوا
هنيه: جولي لابوي يريت اهو اتفك من الكتمه دي
ياسمين: يلا ي شهد أبوي شيعلنا حسان عشان نعاودو البيت
شهد: فينه حسان نزل ولا واجف برة …
ياسمين: واجف اها وحاطت ودنه على الباب
شهد: عيب متتحدتيش أكده على ولد عمك الكبير فاهمه
ياسمين: وااااا جولت إيه أنى …..
شهد: خرجت لحسان ممكن اطلب حاجه منيك ويريت متكسرشي بخاطرى
حسان: أنتى تامرى خير
شهد: عاوزة اخد هنيه تباتو معايا واحمد مش اهنه يعنى أنى اتوحشتها جوى ومجعتش معاها كتير
حسان: بنظرات كلها رغبه بشهد أنتى تامرى ي ست البنته وماله واهو اجى واشجر عليكم واجعد وياكم ولا متوحشتكيش أنى كمان
شهد: حسان لزمته إيه حديتك الماسخ ده عن أذنك عاخد هنيه وعننزلو
عيد: وااااا الجمر طل علينا كيفك ي هنيه عامله ايه ي بتى
هنيه: زينه ي عمي طول ما حضرتك بخير
عيد: يسلملي خاشمك ي زينه البنته
شهد: هنيه عتباتو معانا وعتجعد كام يوم مش أكده ي حسان
حسان: أكده وأنى عوصلكم للبيت يلا همو خلونا نعاودو بدرى
وأثناء خروجهم ومشيهم وحسان عينه على شهد فتوقفو للحظه أمام سيارة كبيرة ونزل منها شخص طويل القامه وعيونه حاده الطباع وتحدث الي عيد
جاسر: وااااا عيد كيفك ومالك ماشي دالل أكده ومعاود منين كنت رايح عند حسان وخوك عشان ينجدوك ولا إيه
عيد: الزم حدك وانتبه على طريجك واوعاك تتحدت ويايا أكده فهمانى
جاسر: أنى اتحدت كيف ما أنى رايد واوعاك تنسي حالك أنت رجبتك تحت رجلي أنى رايدك تاجى وراسك داله كيف الحريم
شهد: والله ما شايفه حريم اهنه غيرك وأنت بتحدت وبتتحامى كيف الولايه ورا مال بوك وعزوته وجبل ما تجف جدام عيد الزياد تفكر زين كيف تتعامل ويا الرجال
عيد: بنظرة تحذير لابنته بأن لا تكمل حديثها
جاسر: وااااا مين دى وكيف مخبراش أنى مين ومتفرعنه أكده
حسان: عن أذنك خلينا نفوت وميصحش تتحدتو ومعانا حريم وسع أكده
جاسر: وعينه لاتزال على شهد عخلوك تعدى ي حسان لأجل عيون السنيورة إلي راح اكسر راسها
شهد: ولم تحتمل الزم حدك ووسع طريج للرجاله عشان نعدو ولا تحبو نوصلوك كيف الحريم واوعاك تانى تتحدت ويا بوى أكده
جاسر: وااااا بوكى أنتى بت عيد الزياد
عيد: يلا همو بينا وكفيانا حديت مالوش عازا وأنت ي ولد الشهاوى اوعاك تتعرضلي والله لاكسر رجلك لأنك مخبرش الأصول وأصل كيف توجفنى ومعايا أهل بيتى بينك خرفت عاد يلا همو بينا
وذهبو فى طريقهم للمنزل ولكن لم يعلمو بما فعلته شهد بكلماتها هذة لجاسر الذي لم ينزل عينه من عليها حتى ابتعدت
جاسر: وااااا هو فى أكده البت كيف السبع واجفه جدامى ومش هيبانى (خايفه) لازم أعرف عنها كل حاجه واكسرلها راسها واجيبها لحدي راكعه …….

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية شهد الصعيد)