رواية حبيبتي من تكون الفصل الثالث 3 بقلم نور سعيد

رواية حبيبتي من تكون الفصل الثالث 3 بقلم نور سعيد

رواية حبيبتي من تكون البارت الثالث

رواية حبيبتي من تكون الجزء الثالث

رواية حبيبتي من تكون الحلقة الثالثة

قربت منه ميرا وقالت له:
_مفيش كنت جاية اسال عنك وعن احوالك
ابتسم يوسف في سخرية وقال:
_تسألي عني وعن احوالي ولا جاية تشوفي حالي وتشوفي لسة بحبك ولالا
بدأت ميرا تنفخ بملل وفضل يوسف يبصلها بسخرية وكان هيمشي فمسكت ايده وقالت:
_عايزاك تحضر فرحي..عايزة خطيبي فريد ميحسش اني مقطوعة من شجرة..انت عارف انا معنديش اهل وخالتي ماتت من سنتين..هتحضر ؟
بصلها يوسف وقال :
_هحضر طبعا وارقصلك يا ميرا…من عيني
وبعدين سابها ومشي وراح عشان يقابل قمر ..كانت قاعدة في نفس المكان سرحانة وفي ايديها كوباية قهوة…كانت قمر فعلا ..شعرها البني القصير وعينيها الخضرا في الشمس وبشرتها البيضا زي اللبن خلوه واقف مصدوم من جمالها ..ازاي حد يسيب القمر دي ..فعلا اسم على مسمي
قرب منها وقعد قدامها
بصيتله بابتسامة رقيقة وقالت:
_اشكرك انك وافقت على عرضي الطايش…
قال لها يوسف بنفس الابتسامة:
_انا ليا اسباب اقبل العرض دة اوله اني محتاج فلوس ثانيا اني ليا تار مع خطيبة حبيبك.. لاني اكتشفت انها هي اللي كانت حبيبتي وسابتني عشانه
بصيتله قمر بصدمة وقالتله بأسف :
_انا اسفة اوي بجد.. مكنتش اعرف
_متعتذريش..الجمال دة ميعتذرش …احنا قدرنا واحد وطريقنا واحد يا قمر
سرحت قمر وقالت بسرحان:
_الظاهر كدة
……..
كانت واقفة ميرا مستنية فريد …وميرا هي عروسة باربي بس الحقيقية…. جمالها كان رهيب ..عيون زرقا زي البحر وبشرة بيضا وشعر اصفر زي سلاسل الدهب…كانت محط اعجاب الكل دايما في الحارة من وهي صغيرة ..بس محدش لفت نظرها غير يوسف بحلاوته وتقله ورجولته..هو الوحيد اللي حبها بس في صمت من غير ما يضايقها…ورغم انها حبته بس حبت كمان انها تخرج من الفقر ومن اليتم اللي هي فيه..فاتعرفت على فريد ..الوسيم الغني اللي بيحب البنات جدا…خليته يبعد عن قمر …وخليته يقتنع بالجواز والخطوبة…فاقت من افكارها على صوته الساخر:
_مرمر… فين عقلك بس ؟
قالت ميرا:
_هنا يا حبيبي كنت مستنياك عشان نروح البوتيك واوريك الفستان والجز…
قاطعها باستهزاء:
_فكك دلوقتي عندنا سهرة فل اوي بليل الساعة ٨ في فندق ***
قالت ميرا بغضب:
_يا فريد هتفضل لحد امتي تستهزا من حاجتي وهدومي …انت مش ملاحظ انك عمال تأجل في الفرح بلا فايدة..ومقضي.حياتك في السهر بليل والسفر مع صحابك ..انا مش من اولوياتك؟
قرب منها فريد ومسك خدها بطريقة طفولية وقال بطريقة طفولية ساخرة:
_يخلاثي على اللي عايز يتجوزني…انتي مستعجلة يا قطة
بعدت ميرا بحدة وقالت:
_انا بكلمك جد يبقي تكلمني جد
قرب منها فريد اكتر وقال:
_انتي بتزعقيلي!!انتي اتجننتي يا بت نسيتي نفسك.ولا ايه؟
في اللحظة دي لفت نظره واحدة يعرفها…معقوله هي ؟قمر ؟ ومين اللي معاها دة ؟ في نفس الوقت كانت برضوا ميرا بتبص لنفس الناحية وهي شايفة يوسف مع واحدة …مش دي قمر حبيبة فريد السابقة؟ يوسف بيعمل معاها اي
بص فريد بضيق وقال :
_هو مين اللي مع قمر دة!!
قالت ميرا بسخرية:
_وانت يهمك في اي؟انت ولي امرها ولا ايه؟
قال فريد بتوتر:
_لا بس اخاف عليها حد يأذيها كدة او كدة
قالت ميرا في سرها:
_متقلقش عليها مع احن راجل في الدنيا
………….
روحت قمر بيتها بعد ما اتفقت مع يوسف على كل حاجة…كدة كدة الفرح بيقرب ولازم يمهدوا لاهلهم حتي لو هيمثلوا عليهم…بس هي هتقول لمامتها ازاي …دخلت الفيلا وطلعت اوضتها تغير هدومها وبعدين مسكت تليفونها واتفاجات انه فريد متصل بيها ..اتفاجات بس متصلتش وقررت تكمل في لعبتها الظاهر انه شافها انهاردة …بعدين حسيت بحد بيفتح باب اوضتها فقالت:
_ايه يا ماما مش من عادتك متخبطيش عليا قبل ما تخشي
جالها صوته وهو بيقول :
_بس انا مش ماما!!

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية حبيبتي من تكون)