رواية نور العمر الفصل الثاني والعشرون 22 بقلم حبيبة محمد

رواية نور العمر الفصل الثاني والعشرون 22 بقلم حبيبة محمد

رواية نور العمر البارت الثاني والعشرون

رواية نور العمر الجزء الثاني والعشرون

رواية نور العمر الحلقة الثانية والعشرون

لسه هيمد ايدو عليها كان رجع لورا وهي كذالك وقعد علي السرير ومسك ايدو وكانت بيضغط عليها وبدأت تحمر وعروقه تبرز اكتر وكان شكلو بيتوجع عمر قال بوجع وهو ماسك ايدو ووشو احمر وايديه اهههههه…..جريت عليه بقلق وفكت قيد ايدو الي احمرت ومسكتها بقلق وقالت:في اي قالها: ابعدي عني وبعدها عنو ومسك ايدو تاني ومكنش قادر ونور مش فاهمه هو فيه اي بس قاطع تفكيرها شكلو وهو ماسك ايدو جريت عليه ولمست وشو وقالت بقلق: مالك يعمر في اي رد عليا عشان خاطري
عمر: ايدي ينور مش قاادر
نور:بلهفه من اي طيب اهدا بصلها وقال: لما بتعصب ببقي عاوز اطلع غضبي في اي حاجه وبروح اطلع غضبي في الرياضه ومن كتر عصبيتي وكتماني ايدي وجعتني لاني مش قادر اخرج الطاقه الي جوايا ف بحس اني مش حاسس ب ايدي وبتوجعني(في ناس كده حقيقي)
نور: طيب اهدا عشان خاطري ونبي ومسكت ايدو وكانت بتملس عليها براحه اما عمر هو نفسو كان عاوز يهدا لما بيتعصب بيتخنق ولو مخرجش طاقتو الي جواه في انو يلعب رياضه او يضرب بوكس فَ ده بيأثر عليه بيحسسو انو معندوش القدره يشيل جسمو وطاقتو بتنزل مره واحده وبيبقي حاسس بأن اوردته وعروق ايديه وجعاه لانو مخرجش الغضب والكبت الي حاسس بيه ومش قادر
نور: اهدا ومتفكرش في حاجه عشان ربنا لو مش عشاني حتي
عمر: ساب ايدها وقال مريض نفسي انا مريض نفسي ينور زينه مكدبتش لما قالت كده
نور:بسرعه لا لا لا ولله كانت متعصبه صدقني كانت متعصبه ومش عارفه بتقول اي انت كويس ولله ومفيش فيك حاجه ولله العظيم يعمر صدقني
عمر: بصلها ومردش وكانت كلمه زينه بتتردد في ودانه (اوقات من كلمه نخلي الي قدامنا يتعب نفسيا وجسديا وميبقاش عندو طاقه ويحس بأحساس هو مبيحبوش وكل ده عشان كلمه قلناها وقت عصبيه او هزار او زعل ومبنكونش حاسين ب الي بنقوله بس الاحساس ده نعمه ويابخت الي ربنا مديهوله نرجع بقي) عمر كان حاسس انو منبوذ يمكن الكلمه صغيره بس محسساه بالنقص هو مش عاوز يكون كده ومش حابب كده وحاسس انو اقل من الناس بيحس ان الناس بتقوله انت مريض نفسي متخيل زينه وكل الي في الحفله بيقولوه انت مريض نفسي ياعمر حط ايدو علي ودنه بيحاول يوقف الصوت الي بيسمعه ويتعبه بس مش قادر الصوت في دماغه مش بيطلع گمثل السرطان إن يخلص عليه او يعيش حياته بمرض ليس له علاج ومؤلم حد الموت…
نور: بصتلو وعرفت هو بيفكر في اي حطت ايدها علي ايدو وكانت بتقول كلام يهديه بس هو في عالم تاني نور حضنتو وكانت بتحاول تخرجه من تفكيره ده…. ثواني وعمر شال ايديه من علي ودنه وهي حضناه وبتطبطب عليه وبتقول كلام يطمنو …بادلها الحضن واخد نفس طويل ونور كانت وخداه في حضنها كأنو ابنها الضايع ومصدقت لقيتو وكانت بتطبطب عليه وبتقول: انت مش وحش ياعمر ومش زي ما هي قالت انت احسن حد في الدنيا كلها ولله وانا مش مقدره النعمه الي ربنا بعتهالي متسمعش كلام حد انت كويس ولله العظيم متوهمش نفسك بحاجه مش حقيقيه انت قمري وحبيبي وجوزي وابني وصاحبي وابويا ودنيتي كلها يعمري متزعلش مني ولله حقك عليا معرفتش ارد عليها ولله بس هي كانت متعصبه لما شافتك بتضرب اخوها متزعلش ياعمر حقك عليا انا من الدنيا كلها ومن اي حاجه مزعلاك واعمل الي انت عاوزه ولله وليك حق وزياده انا فاهمه بس متعصبش نفسك عشان متتعبش انا مش عاوزه اشوفك تعبان ولا فيك خدش حتي متزعلش من حد غير مني يعمري ومتسمعش لاي حد هما مش شايفين جمال قلبك وحنيتو عشان الحجات النادره مش بتتشاف انا اسفه ولله انا مقدرش اشوف فعينك ذره حزن يعمري حقك عليا انا….. خلصت كلامها وكانت بتعيط انها السبب في تعب حبيبها بدل ما تريحو وتفرحه بتتعبو …. عمر كانت عنينه خانتو ودموعه نزلت علي ايديها الي علي وشو من انو زعلان منها وفنفس الوقت بيحبها ومش قادر يقاوم حبها وحنيتها… نور خرجتو من حضنها ومسحت دموعه وقالت: اوعي تعيط ياعمر انت قوي وهتفضل قوي وانا عمري ما اعمل حاجه تقل منك ولله يعمر باهر بنسبالي اخويا الكبير ولله العظيم وربنا يعلم انا مش زي ما شوفتني ياعمر ولله مفيش واحده تبقي متجوزه وبتحب عمر الزيادي وتبص لواحد غيرو انا مكتفيه بيك ياعمر انت كياني ونفسي التانيه ولله عمري مقدر ارمش حتي لحد غيرك انا كلي ليك وعمري مهبقي غير ليك ولو بقيت لغيرك ف هيكون الموت ياعمر ولله العظيم وربنا يعلم ان حبك في قلبي ملوش حدود
عمر:اشش انا مش عاوز حاجه غير انك تكوني معايا وملكي انا وبس
نور: وانا ملكك…. عمر خدها لبحر عشقو ليها الي مبيخلصش
عند مراد وحنان من بعد ما خرجو من المستشفي ومراد ركب عربيتو وحنان جمبو وكان باين عليه الزعل
حنان: انت كويس
مراد: انا مخنوق مفيش حاجه في حياتي صح طول عمري عايش حياتي غلط في غلط مبعملش اي حاجه غير اني أذي غيري وازرع كره وحقد جوا الناس واديني بحصد الي زرعته انا نفسي ابقي كويس بس مش لاقي الي يدلني علي الطريق مش لاقي الي ياخد بإيديا لطريق الصح انا مخنوق اووي
حنان: طبطبت علي كتفو طيب اهدا وكل حاجه هتكون كويسه وقول يارب
مراد: يارب يحنان انا عاوز تكوني انتي الي واخده ايدي لطريق الصح يحنان خليكي معايا واصبري عليا متسبنيش وقت ما احتاجك ولو بعمل الغلط صلحيه لو شوفتيني بعمل حاجه غلط متسيبينش ليها ولا تسيبيني لدماغي وتفكيري خليكي معايا خليكي انتي النقطه البيضه الي فحياتي خليكي انتي مَنبع الخير والسعادة الي فحياتي وافقي انك تغيريني حتي لو مفيش حاجه تتغير خليكي معايا وخلي الحلو يكون احسن واحسن خليكي معايا لأخر الطريق يمكن متكلمناش كتير بس انا شايف فيكي حجات كتير اووي وحاسس انك الاختيار الي ربنا عاوز يرجعني لطريق الهدايه بيه خليكي معايا واتمسكي بيا مهما حصل متيأسيش ووعد مني قدام ربنا انك تبقي تاجي تبقي ملكه(والملك لله) وإن شاء الله اقدر اعوضك عن اي حاجه وحشه شوفتيها حتي لو تافها بس خليكي معايا وانا هعملك كل الي انتي عوزاه واي حاجه تطلبيها هتلاقيها حتي لو كانت اي وقبل ما تردي انا مش عاوز اتسلي زي ما انتي فاكره انا بعد ما الحفله تخلص هاجي معاكي واتقدملك رسمي من باباكي واخوكي وهستني ردهم بس عشان خاطر ربنا اتمسكي بيا متسبنيش لطريق الشر ده رجعيني لوعيي وخدي بإيدي لطريق الهدايه الجميل بالله عليكي خلص كلامه وعنيه بتترجاها توافق وتخليها معاه
حنان: كانت كل كلمه بيقولها بتداوي جرح جواها وكأنه بيداوي حجات هو ملوش ذنب فيها وكانت فرحانه ان عوض ربنا جميل قد اي وان بالصبر والايمان كل حاجه هتيجي وربنا بيحبنا وسامعنا وشايفنا بس منتظر الوقت المناسب الي يرزقنا بالعوض الصالح الجميل… بصتلو وعنيها فيها حب وقالت وانا موافقه ومعاك للنهايه ولحد اخر عمري معاك وشرياك بس ليا طلب عندك تراعي ربنا فيا وتعاملني بحُسن ومتجيش علي كرامتي فيوم من الايام ولا تقلل مني قدام حد خليني زي ما بتقول مش عوزاك تبص لغيري انا عارفه انك في حياتك بنات كتير بس انا غيرهم انا مش بتاع لف ودوران انا متربيه تربيه صح يامراد يعني وقت الشده اكون معاك بألف راجل ووقت غيابك اكون انا السند والضهر مكانك في حضورك اكون مراتك والي يتكلم عليك نص كلمه انت ولا حد من اهلي اكلو بسناني ببطئ وببرود عشان استمتع وانا باخد حقكم منو انا لا ليا في التسليه ولا في وجع القلب عوزاك تعاملني بحترام وانا واقسم بالله اخليك تاج راسي واميري وفخري وحياتي التانيه وكل ما هو جميل في الدنيا هيكون انت وقدام ربنا هعاملك برضي عشان قبل ما هتكون جوزي هعاملك معاملة اتحاسب عليها وانت هتكون ليا كل حاجه في الحياه بلاش تيجي عليا بلاش تخليني انام زعلانه ودموعي علي خدي افتكرلي وقت ما ازعلك اي حاجه حلوه ليا متخليش عصبيتك تتحكم فيك متتعصبش عليا خليك قوتي بدل ما تكون ضعفي خليك انت حمايتي وسندي الي بتحامي بيه بدل ما تكون مخاوفي واتحامي في غيرك خليني بنتك ومراتك وزي ما تحب ووقت ما اعمل حاجه تدايقك فهمني بدل ما تخوفني منك خليني اكلمك واتحامي فيك وقت ما اخاف منك برضو عشان مليش غيرك خليك انت كل حاجه حلوه ربنا هيجيبهالي يامراد… خلصت كلامها وجواها مشاعر كتير جميله متلغبطه مراد رد بكل حب وقال: وعد يحنان اراعي ربنا فيكي وفي جمالك وقبل ما تكوني مراتي تكوني بنتي واميرتي الحلوه واختي وصحبتي وامي كمان فليشهد الله اني سأُعملك بكل رضا وحب وسأُحبك حُب لو تجمع جميع الاحباء فَلن يأتو بذره من حبي لكي وستكوني انتي أميرتي وزوجَتي وإبنتي وامي فليشهد الله وملائكته علي ما اقول.. حنان: عينها دمعت من جمال كلامو قالت:وعد اكون اكتر من كل الي قلتو ده ولله العظيم… مراد لسه هيمسك ايدها بس افتكر انهم مفيش حاجه بينهم وهما اتفقو انهم هيبقو في طريق الخير ابتسملها بحُب وشغل العربيه وساق ودقايق كان وصل للافتتاح ونزلو ودخلو ومراد راح اتأسف لرجال الاعمال إن عمر تعب شويه وبعديها بشويه فؤاد جه وكلمو واطمن علي عمر
اما عند زينه وباهر واحمد ورقيه
احمد: معلش يا باهر بس مكنش يصح تلمس نور لأنها بقت مراتو ومينفعش تعمل معاها كده
باهر: بصلو احمد انا اعرف نور قبل ما عمر يعرف بوجودها اساسا انت بتقول اي
احمد: تمام يا باهر بس من رأيي ابعد عن نور عشان عمر مش هيسكت وانت عارف الي بينكم
باهر: مردش وقال لزينه يلا وزينه كانت بتمسح بوقو من الدم واخدت ايدو ومشيو اما احمد ف اخد رقيه وراحو دفعو حساب المستشفي ورقيه قالت: هو في اي يا احمد (رقيه مصطفي تبقي مرات احمد الظابط والاتنين بيحبو بعض جدا واتجوزو بعد معاناه)
احمد: مفيش ده مشاكل بينهم يلا بينا احنا
رقيه: هنروح
احمد: لا لازم انا وفؤاد نسد غياب عمر عشان تعب ومينفعش نسيب تعبو يروح في الارض
رقيه: ابتسمت بحُب علي إخلاص احمد وفؤاد لعمر وانهم اصدقاء بجد وبعدين مشيو واليوم عدي بسلام
تاني يوم… عمر قام واخد شاور وحضر الفطار وقوم نور فطرها
عمر: باس دماغها وقال: انا اسف اني فكرت اقول كلام يزعلك او اشوفك بطريقه مش كويسه بس ده من عصبيتي ومن إني شوفتك مع حد تاني وانا موجود واي راجل مكاني كان هيقول كده بس انا اسف يانور وحقك عليا
نور: تمام يا عمر حصل خير بس اتمني متغلطش فيا ولا في شرفي بعد اذنك
عمر: حاضر والله وانا حقيقي اسف
نور: ابتسمت باهر يبقي اخويا الكبير كان صديق ادم كان بيجي يذاكرو سوا وبيعاملني زي اختو حتي حكالي عن اختو وانو بيحبها اوي وكانت عمتو بتحبو اوي لانو كويس وهو الي بيشجع ادم وبينصحو بس من بعد ما اتخانق هو وادم بسبب الي ادم كان بيشربو باهر بعد عنو لأن ادم هددو بزينه وباهر معندوش حاجه يخاف عليها اكتر من اختو وامو وباباه ف بعد عنو خوفاً علي اختو وسابو ومن يوم ما ساب ادم معدتش بشوفو بس هو وادم كانو صحاب اووي كان بيخلي ادم يجبلي الي عوزاه حتي لو مش موافق واوقات يجيبلي لبس وهدايا لانو كان شايفني اختو زينه بظبط وكأنو بيربيني وقالي انتي عندي زي زينه بظبط لو فيوم حد زعلك قوليلي وانا اجبلك حقك من الدنيا كلها حتي لو من ادم ومش عاوزك تخافي من حاجه طول ما ربنا وانا موجود ولو حصل اي حاجه وبعد عننا مخافش واكون جدعه واستحمل اي حاجه وهيجي يوم وربنا يعوضني عن اي حاجه وحشه شوفتها حتي لو تافها بس استحمل وكان دايما بيعاملني بحُب كنت كل ما اقوله هات زينه العب معاها او نتصاحب كان بيقولي مينفعش مش بخرجها ومينفعش اجيبها عشان في شاب معانا بس هيجي يوم ونتعرف انا وهي فَ باهر اقسم بالله بنسبالي أخ وصديق وكأنو بابايا غير كده لا ولله انت فهمت غلط
عمر: حط ايدو علي شعرها بحنان مصدقك بس مكنش ينفع تحضنيه مهما كان ده يج؟وزلِك يانور حتي لو اكبر منك بس برضو انتي دلوقت ليكي بيتك وجوزك ده كان زمان دلوقت خلاص حياه جديده وبيت جديد فَ دي مش تحكم او تملك بزياده بس مينفعش عشان اول حاجه حرام وتاني حاجه انتي متجوزه وتالت حاجه عشان انا محبش اشوف مراتي بتحضن راجل غريب بس انا واثق فيكي حتي لو العالم كلو قال عليكي حاجه انا برضو واثق فيكي ومش هسمح لحد يقول كلمه عليكي ولا يغلط فيكي انتي متجوزه راجل يانور وانا اسف لو فكرت اشوفك وحشه او احسسك بكده
نور: ابتسمت علي تفهمو وعلي كلامو الي راضها وراضي قلبها الي اتجرح فإنو شافها بصوره مش كويسه بس هو راضها وفاهم إت مش سهل الي قالو كانت فرحانه إن ربنا فعلاً عوضها بالسند والضهر الي لو فيوم وقعت ياخد بأيدها ويسندها نور حضنتو بحب وقالت: مش زعلانه منك يا عمر صدقني عمري ما ازعل منك طول ما انت حاسس بيا وحاسس انك قولت حاجه زعلتني انا حقيقي بحمد ربنا علي النعمه دي شكرا لربنا وليك يا عمر وانا الي اسفه عشان ما احترمتش وجودك بس ولله من حبي وعشمي في باهر عملت كده
عمر: رتب علي ضهرها بحنان وقال: حصل خير ولو كل الناس فهمت بعض وحلت مشاكلها بهدوء مش هيحصل اي حاجه
نور: انت صح وابتسمت
عمر: باس دماغها واخد باقي الاكل هروح الشغل انا وقومي انتي غيري واقعدي او لو حابه تنامي
نور: حاضر خد بالك من نفسك يا عمور وغمزت بمرح
عمر: ابتسم بحُب ومشي ونور قامت اخدت غيار ودخلت تاخد شاور اما عمر فَ ركب عربيتو ولسه بيفتح التليفون يرن علي فؤاد او احمد لقي فؤاد بيرن رد وقال: الو
فؤاد: صباح النور والسرور علي احلي عمور
عمر: ضحك صباح الورد يسي فؤش مالك مبسوط
فؤاد: بلاش ابقي مبسوط الله المهم عامل اي دلوقتي طمني عليك وعلي نور
عمر: ابتسم علي قلقه وخوفه عليه الحمدلله احسن ونور كويسه
فؤاد: يارب دايما بأحسن حالن يعمور
عمر: عملت اي امبارح انت واحمد
فؤاد: كل حاجه مشيت زي ما انت عاوز ومفيش حاجه باظت ولا حاجه الحمدلله والافتتاح تم واحمد جه معايا ومراد بصراحه كان مظبط الدنيا معانا وكان شكلو قلقان عليك
عمر: سيبك منو ده عامل زي المثل الي بيقول بيتمسكن لحد ما يتمكن يعني بيعمل نفسو طيب وكويس لغايت ما يعمل الي عاوزو
فؤاد: لا يعم ولله شكلو كان قلقان بجد ده حتي كان معاه بنت شكلها خطيبتو
عمر: ضحك بسخريه يبني الي زي مراد ده مش بتاع جواز بتاع تسليه هتلاقيه ماشي معاها يومين ويسيبها
فؤاد: اول حاجه يعمور بلاش نتكلم ع بنات الناس والبنت شكلها محترم بجد ومحجبه كمان ومراد كان باين انو بيحبها من تعاملو معاها انت عارف مراد بيقرب من البنات ويعمل حركات مش لطيفه دي بقي مقربش منها ولا حتي كان بيعمل حاجه بالعكس ده كان بعيد عنها مسافه وضحك وقال: شكل دي الي هتخليه مستقيم
عمر: ضحك ربنا يصلح حالهم يعم المهم انت عملت اي وقال بنبره اسف: متزعلش مني يا فؤاد بس زينه….
فؤاد: بمقاطعه انا فاهم يا عمر وانت الي متزعلش حقك عليا انا بس انت عارف زينه وباهر اخوها فَ كانت متعصبه ولله بس انت عارف زينه بتعزك قد اي
عمر: حصل خير انا فاهم
فؤاد: المهم دلوقتي لو مفطرتش تفطر ومتفكرش في حاجه وخد بالك علي نفسك ومتزعلش نور
عمر: حاضر يعم فؤش اي اؤامر
فؤاد: تسلم يحبيب قلبي هروح انا بقي لاحسن منمتش وهموت وانام ابقي طمني عليك بقي انت ونور
عمر: فهم ان فؤاد منامش بسبب الحفله واحمد اكيد كذالك ف ابتسم وقال حاضر مع السلامه وقفلو… عمر راح علي الشركه ودخل وكان مبسوط علي صداقه فؤاد واحمد وانهم مخيبوش ظنو وهو يفديهم بروحه قطع تفكيره دق الباب وقال ادخل وكان مراد
مراد: صباح الخير
عمر:….

يتبع…..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نور العمر)