رواية إلى أحدهم الفصل الأول 1 بقلم منة العدوي

رواية إلى أحدهم الفصل الأول 1 بقلم منة العدوي

رواية إلى أحدهم البارت الأول

رواية إلى أحدهم الجزء الأول

رواية إلى أحدهم الحلقة الأولى

انتي اوحش كاتبه ممكن اشوفها في حياتي..مش عارفة ازاي عندك كل دول معجبين..ولا ازاي اساسا اشطر واجمد واحد في الجامعة يبقي خطيبك
“كنت بفتح عادي الفيس اشوف الكومنتات علي روايتي الجديدة والاقي الكومنت دا بكمية الح”قد دي
“بس باين عليها انها تعرفني ومعايا في الكلية اصل ازاي عرفت اني اتخطبت لكريم اجمد واحلي واحد في الجامعة زي ما بيقولوا
“فضلت افكر شويه وبعدين ركزت بسرعة في الاسم يمكن اعرف مين دي..بس لقيت اسم الاكونت بتاعها باسم انا حبيبة كريم
“استغربت واتضايقت شويه بس بعدين قررت انام وبكرا هشوف كريم في الكلية واعرف مين دي واي علاقتها بكريم
….
“كريم استني
-اماني..في حاجة
“ابتسمت اماني بهدوء وهزت راسها..متقلقش..كنت بس حابة اتكلم معاك شويه..ممكن نقعد ف..
-وقبل ما اكمل كلامي لقيته قاطعني وحسيته مضايق..معلش يا اماني مش فاضي دلوقتي بعدين
“بس مفيش محاضرات دلوقتي يعني
-بس سكت ورجعت خطوة بخوف لما لقيته اتعصب..يوه يا اماني م قولت مش فاضي صحابي مستنيني
“وحتي مدنيش فرصة اتكلم ومشي..اتنهدت بضيق وروحت قعدت في كافيه وطلبت هوت شوكلت مشروبي المفضل وانسب مشروب في الشتا حاليا
“كريم خطيبي دا اشطر واحد في الكلية ويمكن الاجمل زي ما كل الدفعة بتقول جه..البنات كل شويه يتغزلوا فيه وصور معاه..اتكلمت معاه قبل كدا معاه في الموضوع دا بس رده كان بارد
“قالي انهم مجرد معجبين لكن هو مش بيهتم لحد فيهم وبيحبني انا بس
“مكنتش حابة الموضوع بس سكت..قررت اطلع تلفوني اكتب لحد لما المحاضرة تبدا
“الوقت عدا وحاسبت واخدت حاجتي وروحت علي المحاضرة

“بس قبل ما ادخل لقيت كريم..اي دا..دا رايح المحاضرة وهو معاه بنت وبيضحك معاها
“اتعصبت ووقفته قبل ما يدخل المحاضرة..كريم..استني مين دي.. وبعدين هو ده اللي مشغول ورايح لصحابك
-لقيته اتوتر واتكلم بعد ما البنت مشيت وكانت مش مريحة..كانت بتبتسم بخبث كدا
-دي..دي..عادي يعني يا اماني دي واحد كانت جاية علي المحاضرة ومعجبة بشطارتي ومركزي في الكلية فجينا مع بعض مش حكاية يعني
“اتعصبت..كريم في اي مش كدا..انا ساكته من ساعة لما اتخطبنا وبعدي بس مش للدرجة دي..دا في بنت علي النت دخلت تهزقني بسببك..وصلت انها مسمية الاكونت بتاعها باسم انا حبيبة كريم
-ابتسم كريم وقرب منها ومسك اديها..اماني اتضايقت وحاولت تسحب اديها بس هو مسك اديها جامد..يا اماني طيب وفيها اي
-رفعت حاجبي بغيظ ولقيته بيكمل..المهم انا مش مديها قيمه ولا اعرفها..انا اعرفك انتي بس انتي حبيبتي انتي وبس
“ضيقت عيني..لا والله بتثبتني انت كدا يعني
-ضحك وسحبها من اديها ودخلوا..لا هي دي الحقيقة انا بحبك..ويلا عشان الدكتور جاي اهو
-يا ساتر هو مفيش غير المكان ده..اوعي كدا روح بدل مع اي حد مكان تاني..انا مش عارف انت دخلت كلية الطب دي ازاي..ابتسم بسخرية وكمل..هه تلاقيك غاش”ش
“كنت واقفة جنب كريم اللي بيوجه كلامه لواحد قاعد..ومكنش في مكان في المحاضرة غير جنبه ومكانين جنب البنات
“واللي قاعد دا يبقي احمد الكل بيك”ره في الجامعة وبيقرفوا منه
الدكتور دخل وروحت انا وقتها بسرعة قعدت جنب البنات وهو قعد غصب عنه جنب احمد
-المحاضرة خلصت وطلعت مع كريم..فجاة لقيته بيتكلم بقرف..اوه جينا للارف..انا مش عارف انت ازاي دخلت كلية طب وانت فاشل كدا..دا انت بتعدي السنه بالعافية

“مكنتش فاهمة حاجة هو بيتكلم علي مين بس بعد كدا فهمت لما لقيت احمد واقف من بعيد شويه لوحده..كانت ملامحة باهته وحزينه
“مش عارفة ليه بيشدني ليه..بحس انه غير ما الكل بيتكلم عليه حاسة انه فيه شئ مميز عن الكل ..فجاة لقيت كريم بيمسك ايدي واخدني ومشينا
-وقفنا قدام باب الجامعة ولقيته بكل برود بيتكلم.. معلش يا اماني روحي انتي عشان مش فاضي دلوقتي
“نفخت بضيق واتكلمت بعصبية شويه..اه مش فاضي برضه زي قولت انهاردة
-كريم اتعصب واتكلم بصوت عالي..يوووه هو انا خطبتك عشان تقرفيني وتقوليلي اعمل دا ومتعملش دا..انا قرفت منك..انا ماشي
“عيني دمعت وخوفت منه..بس مسحت دموعي بسرعة لما لقيت طلبة وناس كتير بتبص عليا
“مشيت بسرعة وركبت الاتوبيس وروحت علي البيت
“من غير ولا كلمه دخلت علي الاوضه وقررت انام..نمت وانا دموعي بتنزل تلقائي
….
ومع غروب الشمس وحلول المساء..في احد المقابر كان الهدوء والظلام يعم المكان..
ولكن كان في خلال هذا الهدوء والظلام..صوت بكاء احدهم وبجانبة مصباح صغير وهو يمسك بالمصحف في يده ويرتل بعض الايات بصوت عذب
_انتهي من ترتيل القران ليغلق المصحف ويضع يده علي القبر واخفض راسه مستندا عليه قائلا والدموع تنهمر من مقلتيه..ليه..ليه سبتوني..انا بقيت مدمر من غيركم..ليه طيب م اخدتوني معاكم
_انا بقيت وحيد من غيركم..بقيت ولا حاجة..بقيت فاشل ومكروه من الكل..ليه سبتوني..انا تعبت من تصنع القوة والبرود قدام الكل لست سنين
_صمت لحظات ليكمل وهو يسند راسه علي القبر ويتحدث بصوت منخفض..يارب خدني ليهم
_ظل هكذا بعض الوقت الي ان هدا قليلا ليقف ويمسح دموعه وهو ممسك بالمصحف في يد والاخري بها المصباح الصغير..بابا..ماما وفريدة..لازم امشي يا حبايبي بس وعد هجلكم تاني..ربنا يرحمكم يا حبايبي
_انتهي من حديثة معهم ليرسم البرود والثبات علي وجهه ويمشي متجها خارجا من تلك المقابر..
…
“كانت تنام علي فراشها لتبدا بالتململ حتي فتحت عيناها الخضراء..لحظات ظلت تنظر في الا شئ حتي عدلت نفسها جالسة علي فراشها..

“كانت تنظر امامها وبدا حبل افكارها في الدوار..كانت افكارها مشتته
“وضعت وجهها بين كفيها لتهبط دموعها..هو اي اللي بيحصل معايا ده..هو انا صح..هو فعلا كريم بيحبني
“رفعت وشي وسندت لورا وبدات افكر..هو فعلا كريم بيحبني..هل انا قراري صح..اكمل معاه..دايما كنت بقرا عن قصص الحب والغرام..كنت بتمني في يوم اني الاقي حد يحبني..او..او علي الاقل يبقي حنين ويبقي فيه اهتمام واحترام بينا كنت بتمني واحد يشبه بابا لان بابا في نظري احسن واحد في الدنيا
“كريم يوم لما اتقدملي معرفش وافقت ليه..يمكن بحبه..يمكن عشان روحنا يتشبه بعض فربنا اراد اني اوافق عليه عشان هو نصيبي..هو في الحقيقة..انا مش حاسة اني بحبه.. يمكن في الحقيقة انا اوهمت نفسي في البداية اني بحبه..كنت بحاول اعيش زي قصص الروايات
“او..او يمكن عشان هو اجمد واحد في الجامعة..و هو بيحبني يعني مع الوقت يمكن انا احبه
“بس لحظة..هو مش بيحبني..انا مش لاقية الامان والدفء والحب معاه مش حاسة بحبه ليا
“قطع تفكيري صوت اشعار رسالة اخدت الموبايل عشان اشوف الرسالة
“كانت رسالة من لينك الصراحة..قررت افتح اشوف الرسالة..صراحة فضولي شدني اشوفها..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية إلى أحدهم)