رواية عشقت ميمونة الفصل الحادي والعشرون 21 بقلم هاجر محمد

جلست ميمونة علي ركبتيها وكلام  تلك الحيه المسموم يتردد صداه في أذنها وهي تحرك رأسها بعدم تصديق و:- للا مستحيل مالك يعمل فيا كده مستحيل  دي أكيد كدبه.. بس بس الحمل ده إيه.. أنا أنا لازم أسأل مالك نفسه.

نهضت ميمونه وجذبت ملحفه ونقاب وخرجت وهي ترتديهم علي درجات السلم

_وصلت ميمونه عند بيت أمينه وطرقت الباب بسرعه حتي فتحت لها أمينه وبدون أي مقدمات :- ماما مالك فين؟؟؟

ابتسمت أمينه وهللت بترحيب :- ميمونه حبيبتي أخيراً نورتي بيتنا تاني تعالي ادخلي

حاولت ميمونه ضبط صوتها الباكي و:- عايزه مالك ياماما هو هنا ولا لأ

_عشقت ميمونه. هاجر محمد. حبيبة

أشارت أمينه بيدها إلي أعلي و:- اطلعي له فوق ياحبيبتي  في أوضته

هزت ميمونه رأسها و:- بعد إذنك ياماما.   صعد ميمونه سريعاً إلي غرفة مالك طرقة الباب عدة مرات لكنه لم يصدر اي رد ففتحت الباب ودخلت فوجدته نائما.. تحركت ميمونه وجلست علي حافة الفراش بجواره وأضأت نور خافت بعدما رفعت نقابها ظلت تنظر إليه وتتأمله لفتره وهي تبكي  وبعدها رفعت يدها  ومسحت علي شعره.. أغمضت عينيها بقوه لتحرر الدموع المدفونه فيها واقتربت من جبينه وطبعت قبله مطوله وعلي أثر شهقاتها ودموعها استيقظ مالك سريعاً وأمسك بيدها و:- ميمونه!!!!!

اعتدل مالك جالسا وهو لا زال يمسك بيدها هتف بخوف و:-  ميمونه.. مالك ياحبيبتي

نظرت ميمونه إليه وهي مازالت تبكي وألقت بنفسها في أحضانه

_حاوطها مالك بيده و:- ميمونه الله يخليكي كفايا اللي إحنا فيه قولي لي مالك

_حاولت ميمونه كبح بكائها وبعدما هدأت قليلا وهمست بصوت مسموع و:- همسه قالت لي رساله أوصلها لك

_خفق قلب مالك ورفع رأس ميمونه فأكملت وقد عادت للبكاء مره أخري و:-  ه ه همسه همسه ح حامل   حامل.. وأجهشت في البكاء بقوه حتي كادت أنفاسها تنقطع

_أما عن مالك فقد تراخت يده بصدمه ونظر إلي ميمونه التي أدركت من حالته أن همسه صادقه فهزت رأسها ترفض أن تصدق هذا و:-  الكلام ده مش صح انت ما قربتش منها مش كجه… رد عليه يامالك وقولي إنه ما حصلش … انت ساكت ليييه  .. اخذت ميمونه تضربه علي صدره وهو لا يحرك ساكنا ظلت تضربه وتصرخ به حتي خرت جالسه علي الارض وهي تنتحب بالبكاء

_بعد فتره طويله لم يستطع مالك تحملها بكائها الذي مزق قلبه فاقترب منها وقبل أن تلمس يده جسدها انتفضت ميمونه بسرعه مبتعدة عنه ووقفت :- إوعي تفكر انك تقرب مني مره تانيه  خلاص يادكتور مالك الخيوط اللي بينا انقطعت واتوصلت في حته تانيه

اقترب مالك منها خطوه فعادة هي للخلف خطوات .. وهو يحاول أن يخرج ما يكون له كدرع دفاع له و:- ميمونه… أنا ما كنتش قاصد ان ده يحصل ك

قاطعته ميمونه بحده و:- ما كنتش إيه.. اه شربتك حاجه صفره وضحكت عليك هههههه حرام عليك انت ليه بتعمل الخير مع كل الناس وتيجي لحد عندي وما تعملش غير اللي بيوجعني ليه… ليه كل ما اقول إنك خلاص رجعت لي تعمل اللي يبعدك عني أكتر وأكتر.. أنا بس عايزه أسألك… إنت بجد حبيتني

_عشقت ميمونه. هاجر محمد. حبيبة

سقطت دمعه من مالك وهو ينظر إلي حالتها و:- أكتر حاجه في حياتي  حبيتك بس غصب عني بوجعك  أنا أسف  أنا أسف

حركت ميمونه رأسها و:-  حتي أسفك وجعني كفايا كده  ما بقاش عندي اللي يقدر يبرر لك تاني  إنتي وعدتني مش هتعمل غير اللي يسعدني وما عملتش حاجه غير إنك وجعتني  ابعد عن حياتي لو فعلاً كنت بتحبني أرجوك طلقني  .. وقبل ما تتكلم لو ما طلقتنيش  أنا هرفع عليك قضية طلاق وده آخر كلام عندي.. وتركته وركضت إلي الخارج سريعاً حتي لم تعطي بالا لنداء أمينه لها…

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في مكتب خالد الجندي يتجمع رؤوس الأفاعي  خالد وكمال وفريد وهاني إبنه

خالد بحده :-  أنا هفضل في الموضوع ده كتير في عمليه كبيره عندي ومش عايز وجع دماغ  عايز اخلص من الموضوع ده1

كمال :- ما ينفعش أي عمليات دلوقتي لأنه عارف بالعمليه دي  وأكيد هيبلغ ده إذا كان ما بلغش

فريد بتأيد :- كمال بيه بيتكلم مظبوط.. وكمان ما تنسوش الورق اللي وصل لميمونه لازم تعرفه مين الخاين اللي وسطكم وتشوفوا حل  نخلص بيه منها هي وجوزها.

خالد بغضب :- كله منك ياكمال انت السبب.. ضغط علي أسنانه بغل و:- أنا لازم أخلص من الاتنين دول وقبلهم البت بنت العطار .. وأنا مش هأجل عمليات فاهمين ولا لأ

وقف هاني باعتراض :- بابا انت ايه اللي بتقوله ده ميمونه مهما كان بنت عمي ومن لحمنا ودمنا إزاي تعمل كده في بنت أخوك

خالد بشر :-   انتم تنفذوا اللي قولت عليه من غير دروس الانسانيه دي عايز مالك وميمونه قبل 24 ساعه يكونوا قدامي علشان أخلص عليهم بإيدي 

وافق كمال وفريد علي كلامه أما هاني فترك الاجتماع الشيطاني هذا وخرج….

نظر كمال الي خالد بتساؤل و:- إبنك ماله أنا مش مرتاح له

خالد بعدم اهتمام :- انت عارف هاني كل شويه بحال بس في النهايه هو ابن خالد الجندي.. يلا انتم نفذوا اللي قولت عليه 

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪3

في صباح يوم جديد دخلت همسه الي غرفة هذا االرجل و:- صباح الخير انت صاحي

اعتدل في جلسته و:- صباح النور. أنا بصحي بدري عن كده كمان 

همسه :- طيب يلا خد العلاج بتاعك عقبال ما اعمل الفطار

اخذ منها الدواء و:- متشكر تعبك معايا.

اخذت همسه كوب الماء لتعطيه له و:- أنا بعمل كده علشان مصلحتي مش حبا فيك يعني.. بس عايزه أعرف كل حاجه

ارتشف من المياه ووضعها جانبه و:-  مش لما اعرف أنا الأول إنتي عايزه توصلي لإيه

نظرت همسه إلي الفراغ بشر و:- عايزه انتقم من كمال الجندي  وأخد منه حقي وحق شرفي

الرجل بهدوء :- شرفك… اغتصاب ولا بمزاجك

التفتت إليه بحده و:- لا  ده حيوان اعتدي عليه من غير رحمه ولا شفقه بعد ما ساعدته في حاجه

ابتسم الرجل ابتسامه جانبيه و:- طب وميمونه  ومين مالك اللي الكل عمال يحط له في خطط ده

همسه :- انت ما تعرفش مالك؟؟

_عشقت ميمونه. هاجر محمد. حبيبة

الرجل بنفي :- لا ما أعرفهوش.. بسمع عنه بس من كام شهر بس اللي عرفته إنه يبقي جوز ميمونه وطالما خالد الجندي بيكرهه يبقي هو راجل محترم ولا غبار عليه..

ابتسمت همسه بشرود و:- مالك.. مالك ده أحلي راجل شافته عيني الجمال والرجولة وكل حاجه تتمناها أي بنت في حبيب ليها

ابتسم الرجل و:- شكلك بتحبيه أوي!!

همسه بدموع :- بحبه بجنون.. عملت كل حاجه ممكن تتخيلها علشان أوصله. تلاشت ابتسامتها وضغطت علي أسنانها بقوه و:- بس العقبه الوحيده اللي في حياتي هي ميمونه لو خلصت منها ما فيش حاجه  هتقف بيني وبين مالك

اتسعت ابتسامت هذا الرجل وهو يرد بثقه :- بس طول ما أنا عايش ما فيش مخلوق علي وش الأرض هيقدر يمس شعره من ميمونه

قضبت همسه حاحبيها  و:-  انت  انت تعرفها

فاجئها هذا الرجل وهو ينهض من علي الفراش بكامل صحته و:- للأسف ما أعرفهاش ولا حتي عمري شوفتها غير صور بس أنا الحامي بتاعها فضلت 17 سنه في حبستي دي علشان احميها بس ده الوقت اللي لازم أظهر فيه كفايا.. والفضل يرجع ليكي

تراجعت همسه إلي الخلف بخوف وهي تراه يقف أمامها بشموخ وهيئه غير عاديه أخرج هاتفه الذي أصدر رنينا من جيبه ليرد عليه  و:- أيوه…. تمام… أنا جاهز… حاول تعطل علي أد ما تقدر…. لا مش قبل العمليه…. اكيد هتدخل لو ما لقيتش قدامي حل تاني… سلام

. أغلق هاتفه ونظر الي همسه التي جحظت عينيها من  الصدمه و:-  لسه ما فوقتيش

حاولت همسه جاهده أن تخرج صوتها و:- إ إ إنت م مين؟؟؟

_عشقت ميمونه. هاجر محمد. حبيبة

_ضحك لفتره وبعدها خرج صوته الاجش كصوت أسد مغوار و:-  هتعرفي بس بعدين لما تنفذي اللي هقولك عليه بالحرف الواحد

همسه بخوف :- إنت انت عايز مني إيه أنا مش هعملك أي حاجه غير لما أعرف إنت مين  وهتساعدني ولا لأ

امسكها هذا من شعرها بقوه فصرخت بتوجع و:- أنا ما مش بيتقالي لأ .. أنا بيتقالي نعم وحاضر إنتي سامعه يابت إنتي

_همسه بألم :- أااااااااااااه. أنا ممكن أعرف كمال مكانك وترجع تاني مكان ما كنت2

شدد قبضته علي شعرها و:- مش عايز كلام كتير اللي هقوله يتنفذ علشان  لو ما اتنفذش ما حدش هنقذك من تحت إيدي

_رن هاتفه مره أخري فتركها ورد عليه و:- هااا… طيب تمام أوي جمع الفرقه كلها وتعالي لي علي العنوان ده 

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في الجامعه :-

تجلس سجود مع ميمونه في الكافتيريا يتسايران مع بعضهما

سجود :- ميمونه ياحبيبتي فكري كويس مالك بيحبك واللي حصل منه ده كله مش مقصود  هي اللي استغلت  مساعدته.. ويمكن بتكذب عليكي ومش حامل ولا حاجه1

ميمونه بحزن :- حتي لو مش حامل كفايا إنها أخدت مكاني في حياته وهو ما أنكرش.. حتي لما قولت له يطلقني ما اتكلمش ولا مانعني بقوه زي كل مره

سجود :- يعني إنتي قولتي له إنك هترفعي عليه قضية طلاق عايزاه يقولك إيه

حاولت ميمونه تغير مجري الكلام و:- سيبك مني دلوقتي وقولي لي عامله مع صهيب  وحدتوا ميعاد الفرح ولا لسه

_عشقت ميمونه. هاجر محمد. حبيبة

سجود :- هو كلم بابا بسب بقي لي فتره مش بشوفه بنتكلم في الموبايل بس وحاسه إنه فيه حاجه غريبه بس مش عارفه إيه

ميمونه :- يعني إيه حاجه غريبه؟؟؟

قاطعهم رنين هاتف سجود فأخرجته لتجده صهيب نظرت الي ميمونه و:- ده صهيب.. السلام عليكم

صهيب :- وعليكم السلام.. عامله إيه وحشتيني

ابتسمت سجود ونظرت إلي ميمونه التي وقفت و:- هجيب حاجه نشربها وجايا سلمي لي علي صهيب.. ورحلت بعيدا عنها

تابعت سجود مع صهيب :- ميمونه بتسلم عليك

_عشقت ميمونه. هاجر محمد. حبيبة

. صهيب :- الله يسلمها..

لاحظت سجود أن نبرة صوته مرهقه فاردفت بصوت حاني :- مالك ياصهيب صوتك مش عاجبني

صهيب :- مافيش يمكن شوية برد و

قاطعته سجود و:- صهيب لو مش عايز تقولي  وشايف إني مش مؤهله إني أبقي الزوجه اللي تقولها مشاكلك براحتك ما تقولش.. بس بلاش تكدب عليه أنا مش غبيه

صهيب بتبرير :- لا طبعا ده أنا اسلم ليكي روحي وأنا مغمض بس صدقيني هي مشكله في الشغل بس وان شاء الله هتتحل

سجود :- طب انا عايزه اشوفك وما تتحججش تاني

صهيب باستجابه :- أنا متصل بيكي علشان كده  عايز أشوفك بس بره البيت

سجود بابتسامه :- جاهزه من دلوقتي لو عايز

إبتسم صهيب بخفه :-  ههه  لو عايز أنا عايزك في كل نفس باتنفسه  هستناكي قدام الجامعه بعد نص ساعه

سجود بسعاده :- هستناك ماتتأخرش

_صهيب :- ما أقدرش.. سلام عليكم

سجود :- وعليكم السلام. في رعاية الله

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في المستشفي خرج مالك من غرفة العمليات بعد انتهائه من عملية ما   واتجه إلي مكتبه  وبدل ملابسه استعداد للرحيل

_ركب مالك سيارته ورحل وأثناء سيره لاحظ سيارتين تتبعانه لمسافه لم يعطيهما أي اهتمام ولكن في هذا الوقت دق قلبه بشكل غريب فلم يشعر بنفسه إلا ولسانه ينطق باسم :- ميمونه

أمسك بهاتفه وأخرجه ظل يتأمل صوره لهما وبعدها فتح الرسائل وأرسل لها بعض الكلمات التي كتبها قلبه وتردد صداها في لسانه وما إن ضغط علي ارسال حتي حدثت رجه قوي في سيارته آثر ضربه قويه من إحدي السيارتين توقفت علي اثرهما سيارته وبعدها نزل بعض الرجال وخرج مالك من سيارته ليقاومهم بكل ما أوتي من قوه وبالفعل كان يوقعهم واحدا وراء الاخر حتي أتت له ضربه قاضيه علي رأسه من الخلف فخر واقعا علي الارض فاقداً وعيه

_حمله رجلين وألقي به في صندوق سياره ورحلا..2

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

أمام الجامعه وقفت ميمونه مع سجود حتي آتي صهيب ورحلت معه.. بعدها آتت لها رساله مالك في البدايه كادت أن تضع علي قلبها حجرا لكنه نفره وشعرت بنبضات قلبها تعلو وتهبط بسرعه وضعت يدها علي قلبها بخوف و:- استغفر الله العظيم.. يارب  أنا حاسه ان مالك فيه حاجه يارب يسر له كل صعب واحميه من كل شر

أخرجت الهاتف وقبل أن تطلبه توقفت سياره أمامها مباشرةً وخرج منها شابين  ضربها أحدهم علي رأسها وأخذاها إلي السياره وفرا بها سريعاً

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

_ينهار ابيض إيه اللي بتقوله ده ياصهيب إنت لازم تبلغ البوليس بسرعه.. قالتها سجود وهي تضرب علي صدرها بصرخه مما سمعته من صهيب

صهيب بانكسار :- ما اقدرش ياسجود لو بلغت حياة مالك هتبقي في خطر اكتر ماهي في خطر

_عشقت ميمونه. هاجر محمد. حبيبة

سجود بحيره :- أنا مش فاهمه انت إزاي وصلت لهم أو هم وصلولك

صهيب :-  ده موضوع يطول شرحه أنا دلوقتي كل اللي عاوزه منك تحاولي تجيبي الورق اللي مع ميمونه بأي طريقه

سجود برفض :- لا طبعاً أنا الوحيده اللي عارفه بالورق اللي مع ميمونه وأنا وعدتها و

قاطعها صهيب بحده :- بقولك حياتهم في خطر إنتي ليه مش بتفهمي  الوعد ده هيفيد بإيه… الناس اللي ورا خالد الجندي كبار وكبار أوي وبره مصر ومش هيسبونا حاولي تستوعبي

سجود بعناد :- بعد اللي انت حكيته ده وعايزيني أوافق علشان حياة واحده أو واحد.. وهضيع قصاد منها حياة ناس كتير لا مش هعمل كده حتي لو أنا هموت قبلهم

_عشقت ميمونه. هاجر محمد. حبيبة

صمت صهيب قليلاً فمدت سجود يدها وأمسكت بيده و:- صهيب لو عملت كده هتبقي تراجعت عن الحق وقويت الباطل حتي لو هتقف في وش فرعون ما تأيدش غير الحق لأن ده الطريق اللي ربنا بيقف مع صاحبه ومن كان الله معه فمن عليه .

أحتضن صهيب يدها باليد الأخري و:- أنا مش خايف علي نفسي أنا خايف علي أخويا وأبويا وصاحبي وسندي في الدنيا أنا ما اقدرش أتخيل نفسي من غير مالك

سجود بتشجيع :- قل لن يصيبنا إلا ما كتب الله لنا وأنا معاك وعمري ما هسيبك بس إياك تخاف الحق وتشجع الباطل اوعدني بده ياصهيب…. اوعدني وما تخافش غير من اللي خلقك وهو الحامي الأول والأخير

ضغط صهيب على يدها ة:- أوعدك ياسجود أوعدك

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في  غرفة ما فتح بابها وألقي أحدهم ميمونه بقوه وقبل أن تقع علي الارض كانت يد مالك تمنعها من السقوط

رفعت رأسها اليه و:- مالك!!

أوقفها مالك واتجه الي ذلك الوقف بغضب :- إنت إزاي تمد إيدك الوسخه دي عليها ياحقيير. ولكمه لكمه قويه وتلاها باخري وبعدها تجمع عليه جميع من بالخارج  وتكاثروا عليه بأيديهم اللعينه  ثم ألقوا به في الداخل وأغلقوا الباب

_أسرعت ميمونه ورفعت رأسه علي قدمها و:- مالك حبيبي رد عليه انت كويس

أمسك مالك بيدها و وقبلها :- طول ما انا شايفك قدامي هفضل كويس

ميمونه ببكاء :- مين دول وليه خاطفينا كده

مالك :- أكيد تبع خالد الجندي

رفعت ميمونه راسها لأعلي و:- الكلب الجبان.. طب ليه جايبك انت هو اللي عايزه معايا أنا ليه انت لازم تخرج من  هنا انت مالكش ذنب

ابتسم مالك وهو يشدد علي يدها و:-  مين قالك إني ماليش ذنب .. يمكن انا السبب في وجودك هنا .. بس عارفه هو عمل معروف معايا.. جمعني معاكي بعد ما قلبي كان فاقد الأمل. هههههه وكنت هاخد لقب مالك المطلق أو المخلوع

_عشقت ميمونه. هاجر محمد. حبيبة

_ ابتسمت ميمونه بقلة حيله و:-  هههههه بتهزر يعني ده  وقته

قبل مالك يدها و:- كل وقت إنتي معايا فيه  حتي لو لحظه لازم أسرقها من الدنيا حتي لو هتكون الأخيره بس المهم تكون معاكي.. ينفع بقي ترفعي النقاب علشان الحق اسرق شويه لحظات قبل ما حد من الحيوانات اللي بره دول يجي تاني 

اتسعت ابتسامة ميمونه ورفعت نقابها  و:- هو أنا ينفع دلوقتي اقولك إني بحبك وبحبك أوي كمان

اعتدل مالك جالسا :- ينفع أوي أوي أوي  ده انا بيقولوا عليه جوزك.. غمز مالك لها و:- هو ماينفعش انادي علي الحمير اللي بره دي وأقولهم ساعه بدون ازعاج بس2

فتحت ميمونه فمها و:- مممالك.

مالك يهيام :- عيونه وقلبه وعقله وكل حياته

ميمونه :- حبيبي إحنا مخطوفين وياعالم إيه اللي هيحصل فينا كمان شويه

مالك بعدم اهتمام :- ولا يهمني بعدك اي حاجه تحصل  و

قاطعهم دخول خالد الجندي وكمال علي يمينه وهاني علي يساره وهو يضع يده في جيبه و:-  أخيرا وقعتوا تحت ايدي

 

التفتت ميمونه سريعا إلي الجهه والآخري ووقفت خلف مالك لتغطي وجهها  وبعدها خرجت أمام عمها و:- انت اللي وقعت ووساخت انكشفت ومش هتعرف تهرب تاني و آآآه

لطمها خالد لطمه قويه علي وجهها كفا قوياً  وقعت علي أثره أرضا و:- ابوكي حاول زمان وما قدرش أنا ورايا ناس  بتشرب الدم وتاكل الجثث… نظر إلي مالك بشر و:- وأول جثه مطلوبه هي جثة… الدكتور مالك ههههههههههه

يتبع…..