رواية الملكة والامبراطور الفصل الثالث 3 بقلم أسماء عبدالوهاب

رواية الملكة والامبراطور الفصل الثالث 3 بقلم أسماء عبدالوهاب

رواية الملكة والامبراطور البارت الثالث

رواية الملكة والامبراطور الجزء الثالث

رواية الملكة والامبراطور الحلقة الثالثة

حسين فكر مع نفسه شوية وقرر انه يلعب عليهم شوية ولانه ظابط ذكى عارف انه لو قلهم على مكان الورق واخدوه مش هيسيب عليته عايشة وهيموت هو واولاده فقرر انه ينقذحياة خالد وعيلته علشان يقدر خالد انه يسلم الورق للنائب العام
حسين بهدوء رغم خوفه : انا هقولكم على مكان الورق
فهد بخيبة امل : ليه كده يا بابا
الملثم وهوينظر الى فهد : اسكت انت ثم وجه نظره الى حسين هوفين الورق ده
حسين : فى اوضة النوم بتاعتى فى اوضة من وراها صغيرة فيهاخزنة فيها الورق ده
الملثم : رقم الخزنة كام
حسين : 36354
الملثم:تمام ايه ده نسخة من الورق الورق الاصلى فين
حسين : الورق الاصلى مش معايا
الملثم : امال فين
حسين : الشخص اللى كان هيجبلى الورق ادانى النسخة دى وقالى انه هيبعتلى الورق فى اقرب فرصة
الملثم : مين هو وجبهولك ازاى
حسين : صدقنى معرفش مين هو كان بيكلمنى فى التليفون وهو وجابهولى عن طريق البريد وقالى انه هو فاعل خير

الملثم : تمام وانا هصدقك بس معلش بقى انا مبحبش اسيب شغلى ناقص ولازم اعمله على اكمل وجه
حسين بخوف : تقصد ايه
الملثم : اقصد ده بص كده نظر حسين الى مايشير الىه الملثم فوجده قد اطلق الرصاص على اولاده فهد ورضوى
حسين بصدمة وهو ينظر الى جثث اولاده ثم نظر الى الملثم فقام الاخر بإطلاق رصاصة على حسين وخرج بعدما ترك عائلة كاملة فى بركة دماء
فى منزل خالد
اتى خالد اتصال تيلفونى فقام بالرد عليه ثم خرج سريعا وبعد ساعة قد عاد الى البيت فى حالة يرثى لها وقام بإتصال تيلفونى مع احد وظل يتحدث فى مدة نصف ساعة
(ملحوظة ركزوا على الحتة دى علشان تحاولوا تفهموا الاحداث اللى جاية )
جلس خالد على كرسيه وهو يبكى وجاءت له زوجته اميرة
اميرة بخوف على خالد : فى ايه يا خالد بتعيط ليه
خالد : حسين ومراته واولاده ماتوا مقتولين النهاردة
اميرة بخضة : انت بتقول ايه معقول مين عمل كده
خالد ببكاء : مفيش غيرهم بتوع المافيا اكيد هما السبب اسمعينى يا اميرة انا اتصلت بعامر دلوقتى وهو جاى فى الطريق جهزى حاجتنا احنا هنمشى دلوقتى لازم نسافر وكويس ان عشق مش موجوده

اميرة :هنسافر فين
خالد : هنروح لندن
معلش مش هتلحق يا حضرة المحامى
نظر خالى الى مصدر الصوت فوجده احد الملثمين
خالد : انت مين
الملثم بشر : انا اللى قتلت صاحبك ومراته واولاده وانا برضه اللى هقتلك انت وامراتك واللى فى بطنها ده لومقلتش فين الورق
خالد : الورق مش معايا سلمته واذا كان على الموت فاحياتى وحياة عيلتى فد اء لناس كتير هيرتاحوا لما يتقبض على كل رجالتك
المثلم : حيث كده بقى يبقى لازم احقق امنيتك واقتلكم
نظر خالد الى زوجته : سامحينى يا اميرة انى مش هقدر احميكى انتى وابنى
اميرة : مسمحاك يا خالد حياتنا مش مهمة قصاد حياة ناس كتير ملهاش زنب
خالد بثقةوهو ينظر الى الملثم : اسمعنى كويس انت دلوقتى هتقتلنا انا وامراتى بس خليك فاكر ان فى شخص هيظر فى حياتك انت واسيادك وهيخلى حياتكم جحيم هيخليكم تتمنوا الموت ومطلوش اوعى تنسى كلامى فاهم
الملثم بخوف بيداريه : انت اعزل وانا اللى معايا سلاح دلوقتى وفى وضعك ده انت متهددش علشان انا كده كده هخلص منك
وفى ثانية كان اطلق الملثم الرصاص على خالد ومراته وخرج
Back

فاقت عشق من شرودها مسحت دمعة هاربة من عينيها على صوت رنين هاتفها
عشق بدموع : الو وحشتنى قوى انا محتجالك قوى
المتصل بخوف : مالك يا عشق بتعيطى ليه فيكى ايه
عشق ببكاء : بابا وماما وحشونى قوى
المتصل بحنان : عشق خليكى قويه مش عاوز دموعك تنزل مهما كان السبب طفلتى لازم تكون قوية علشان تعرف تاخد حقها كويس المهم اسمعينى وركزى كويس
عشق بإنتباه : فى ايه
المتصل : المعلومات وصلتنى
عشق بشر : امتى التنفيذ
المتصل: بكره انتى جاهزة
عشق بثقة : انا جاهزة وانا مسافرة بكرة فرنسا
المتصل : كده تمام خلى باللك من نفسك وانا هحصلك على هناك مع السلامة ياطفلتى
عشق بحب:وانت كمان يا بطلى خلى باللك من نفسك
انهت عشق اتصالها مع المجهول وقامت بعمل اتصال اخر
عشق : اسمعنى كويس جهز الرجالة التنفيز بكرة وهيكون بعد الحفلة
المتصل : تمام مع السلامة
انهت عشق اتصالها واخذت سيارتها وذهبت الى قصرها ونامت
فى صباح اليوم التالى استيقظت عشق وادت روتينها اليوم وقامت بالذهاب الى شركتها وراجعت بعض اوراق الصفقات التى كانت تحتاج الى توقيعها وقامت بالاتصال على ياسين
عشق : ياسين جهز الطيارة انا مسافرة دلوقتى فرنسا
ياسين : تمام انا رايح المطار

انهت عشق اتصالها مع ياسين واخدت سيارتها وذهبت الى المطار
ياسين : عشق انا هسافر معاكى
عشق : لا يا ياسين مش هتسافر اسمعنى الشركة هنا تحت مسؤليتك انا مضيت كل اوراق الصفقات اللى هتحتاج امضتى خلصها وانا مش هتأخر مش هقعد اكتر من شهر ولو احتجتك هناك هبعتلك انت عارف ان الفرع اللى هناك هيحتاجنى مع السلامة خلى بالك من نفسك يا ياسين
ياسين :وانتى كمان ياعشق خلى باللك من نفسك
&&&&&&&&&&&&&
فى مكان اخر فى كلية الهندسة كانت تجلس جورى مع اصدقائها داخل الكافيتريا
مى : مقولتليش يا جورى عاملة ايه مع حسام
جورى بكسوف: وانتى مالك انتى بحسام حبيبى
أروى بخبث : ايه ده هو انتى اعترفتى لحسام بحبك ليه ولا ايه ياجورى
جورى بحزن : لا ما عترفتش ليه خايفة يكون مبيحبنيش ولو قلتله يتخانق معايا او حتى يقول لابيه مراد
مى : ايه ده ده الواد اسلام جاى علينا
اروى : ده شكله جاى لحبيبة القلب ولا ايه ياجورى
جورى : بقولك ايه انتى وهى انتوا هتستلمونى ولا ايه انا همشى قبل ما يجى
اسلام : انسة جورى استنى
جورى بببرود: افندم يا استاذ اسلام خير فى حاجة

اسلام بحب : بصراحة انا معجب بيكى وعاوز اتكلم معاكى ونعرف بعض اكتر ايه رأيك
جورى : استاذ اسلام انا مبتعرفش بحد واعجابك خليه لنفسك عن اذنك
اسلام وهو يمسك يدها : استنى بس انتى ذعلتى ولا ايه
جورى بعصبية : شيل ايدك انت ازاى تسمح لنفسك انك تمسك ايدى كده
اسلام : انا اسف اسمعينى بس
هى مش قالتلك شيل ايدك
نظرت جورى واسلام الى مصدر الصوت فوجدوه حسام
وقام حسام بلكم اسلام على وجهه
اسلام وهو يمسك وجهه: انت مين
حسام بعصبية : انا خطيبها ياروح امك عارف لو شفتك قربت منها مرة تانية هنسفك من على وش الدنيا سامع
اسلام بخوف:حاضر حاضر
وفر هاربا تاركا خلفه جورى مصدومة من حديث حسام
جورى بصدمة : ايه اللى انت قولته ده انت ازاى تقول انى خطيبتك
حسام بعصبية : امشى قدامى ومسمعش صوتك لحد منوصل جوه العربية
جورى بخوف: حاضر

داخل السيارة
حسام بغيرة وصراخ عالى : انتى ازاى تسمحيله يمسك ايدك ولا حضرتك كنتى فرحانة وهو بيقولك انه معجب بيكى
جورى ببكاء: على فكره انا مسمحتلوش انه يمسك ايدى واتخنقت معاه
حسام بهدوء: اسف بس معرفش ازاى انا قولت كده متزعليش منى غيرتى عليكى هى اللى خلتنى اعمل كده
جورى بفرحة : غيرتك
حسام بتنهيده وحب : ايوه غيرتى يا جورى انا بحبك لا مش بحبك انا بعشقك مش بقدر اتحمل ان جنس راجل يكون قريب منك بحبك يا جورى ومحبتش ولا هحب حد زيك علشان انا بحبك من لما كنتى طفلة وانتى بتكبرى قدام عيونى مش هطلب منك تبادلينى شعورى دلوقتى
جورى بحب وفرحة : وانا كمان بحبك يا حسام لا مش بحبك ده انا بعشقك انت حب طفولتى ومراهقتى وشبابى
حسام بفرحة : انتى قولتى ايه
جورى بكسوف : اللى انت سمعته
حسام بضحك: وانا مش هغصب عليكى تقولى تانى ياللا تعالى اوصلك وهبقى اتكلم مع مراد واجى اتقدملك
واخذها وذهب بها الى القصر

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية الملكة والامبراطور)