رواية جريمة عشق 4 الفصل الثاني والثلاثون 32 بقلم مريم نصار
رواية جريمة عشق 4 الفصل الثاني والثلاثون 32 بقلم مريم نصار
رواية جريمة عشق 4 البارت الثاني والثلاثون
رواية جريمة عشق 4 الجزء الثاني والثلاثون
رواية جريمة عشق 4 الحلقة الثانية والثلاثون
فيلا عزيز ..
ف الليفنج .
هنا : مريم ياحبيبتى زمان العيله ع وصول كل حاجه جاهزه ؟
مريم : طبعا ياماما . اطمنى حضرتك كل حاجه قولتى عليها اتنفذت . والأكل تحفه اوووى بجد .
هنا : ابتسمت بحب . حبيبتي تسلمي . انا عايزه كل حاجه تكون زى ما ماما شرين كانت بتجهزها . وعيونها لمعت بدموع . ربنا يرحمها . كانت لما تعزم رنا ومريم . تجهز الاكل بالطريقه دي . عايزه رنا لما تدخل البيت متحسش انها غريبه . او انى مرات اخوها . لأ . رنا دي اختى وصحبتى . وده هيفضل بيتها ال اتربت فيه .. ودموعها نزلت .
مريم : قامت بسرعه وقعدت جمبها . بزعل حقيقي بتعيطى ليه دلوقتي ياماما .
هنا : بدموع . ماما شرين وبابا مصطفى وحشوني اوى ..ومسحت دموعها بسرعه وابتسمت .
. وقالت تعرفي يامريم ؟ انا امى اتوفت وال تعب ف تربيتى بابا الله يرحمه . كنت خجوله وشخصيتى ضعيفه جدا .
.وضحكت بسخريه .وسهل جدا إن حد يضحك عليا . بس تعرفي عشان كان قلبى برئ ونيتى خير؟
ربنا رزقنى واتعرفت ع رنا ف الجامعه . وكانت اجمل حاجه حلوه حصلتلى . رنا قدمت ليا الدعم المعنوى .
. وحاولت تغير من شخصتى للأحسن . وبعدها اتجوزت عمك أشرف .
. وابتسمت بحب . اجمل سنين عمرى عشتها ف البيت ده .
. وماما شرين كانت بتعاملنى زى بنتها واحسن . ويشهد الله انها كانت ونعم الأم والصديقه.
.وعمرها ما جت عليا ابدا ولا ظلمتنى . لأ .. كانت تيجى ع اشرف . وتقوله هنا دى بنتى . ولو زعلتها تبقى زعلتنى انا .
. وبابا مصطفى كان ونعم الأب كان حنين علينا اوى . وكان ديما يقولى بحب توترك اوى يابت ياهنا ويضحك لما بتلخبط ..
.وعندو يوسف ده كان ابنه قبل حفيدو . هو وريتال . بجد زكريات لا تنسي ابدا . ربنا يرحمهم ويغفرليهم .
مريم : دموعها نازله بصمت كبير . وافتكرت أمها وأبوها ..
هنا : شافتها وحست بيها . وضمتها لقلبها بحنان وربتت ع ضهرها بحنان . ربنا يرحمهم ويغفرليهم ياحبيبتى . واعرفي يامريم انك بنتى . انتى زيك زي ريتال بالظبط . انتى غلاوتك من غلاوتهم . دى انتى مرات الغالى . وجبتيلي اجمل احفاد . كريم ابن قلبى ربي يسعدو . ومصطفى البكاش ده . ولد مشاكس . وضحكت ..
مريم : غصب عنها ضحكت . وخرجت من حضنها وباست ع ايدها . ربنا يباركلى ف حضرتك وبابا اشرف .. انتو عمركم ماحسستونى انى وحيده من بعد فراق ماما وبابا الله يرحمهم . وابتسمت . أما مصطفى ده بجد ربنا يهديه . الولد بجد ايكونه غريبه جدا ياماما .
هنا : ليه عمل ايه تانى الولد ده؟
مريم : هههههههه لأ لأ مش هتصدقي عمل ايه قبل الفرح بيومين . انا انهارت ضحك بسببه . مش عارفه طالع لمين الولد ده ..
هنا : ههههه اكيد ل رنا كانت كدا وهي صغيره . ماما شرين كانت تقولى إن رنا كانت فظيعه وعقلت شويه لما دخلت الجامعه .. المهم عمل ايه قوليلى عشان أشد ودانه .
مريم : ههههه بصي يستي انا كنت نازله ع السلم وبتصل ع أصحابي اعزمهم للفرح . المهم سمعت صوت طالع من المكتب . انا استغربت .وقولت ايه ده؟ بابا ويوسف خرجو يشترو بدل الفرح . مين ف المكتب؟ المهم اتسحبت وكنت خايفه اوي . وقربت من المكتب . سمعت صوت مصطفى وهو بيتكلم بأمر وكان بيزعق لحد وبيقول انت اخدت كل فرصك . وخلاص … انا الانسان ليه عندى فرصه واحده بس. اتفضل قدم استقالتك . وانزل ع الخزنه صفى حسابك ومشوفش وشك هنا تاااانى .
انا تنحت وحسيت انى مش فاهمه حاجه . المهم دخلت المكتب . هههههههه . لقيت الاستاذ لابس قميص ابيض وعليه كراڤت اسود . وقاعد ع مكتب جدو . وفاتح اللاب توب . وكأنه مندمج أوى وصاحب شركه . انا قولتله مصطفى انت بتعمل ايه؟
مصطفى قالى . بتحذير . لو سمحتى خلى بالك من كلامك . انا هنا الباشمهندس مصطفى . مصطفى دى بقى ف البيت يادكتوره وياريت تخبطي بعد كده . مش باب وكاله هو ..
انا بصتله بدهشه وقولت انت بتقول ايه ياولد انت؟ وانت ازاى تدخل مكتب جدك؟ . قووم اطلع بره .
هههههههههههه مش عايزه اقولك لما قام وقف هههههههه كان لابس الشراب والجزمه ع شورت البيت مع القميص والكرافت هههههههههههه وكان شكله يهلك ضحك . وخارج يبرطم ويقولى يعنى بتطردينى من الجنه . اتفضلى ادي استقالتي اهي . وختم ع ورقه فاضيه . وسابنى وخرج . هههههههههههه . كنت هموت من عمايله .
هنا : ضحكت من قبلها . الولد ده خاطف قلبى رغم كل عمايله . حبيب قلبي ربنا يسعد ايامك يامصطفى يابن قلبى يارب ..
——————بقلمي مريم نصار.
الجارد اتصل ع فون البيت.
مريم : ثوانى ياماما. وقامت ردت. الو .
الجارد : باحترام . طارق باشا وعيلته وصلو يافندم .
مريم : ابتسمت تمام شكرا جدا. وقفلت .
هنا : ايه وصلو ؟
مريم : ايوه ياحبيبتى . انا هقول ل داده ثريا تجهز الاكل .
هنا : طيب البس انا بقى نقابى . وبسرعه يامريم بلغي أشرف ويوسف ف المكتب ان العيله وصلت . هو مصطفى فين؟
مريم : بنفاذ صبر . ف اوضته فوق .
طارق دخل بالعربيه . ومعاه رنا وچود .
فارس دخل وراه بالعربيه ومعاه رودي وچواد .
طارق : نزل وشاور للحارس . يشيل شنط الهدايا . ويدخلها جوه.
رنا : ماشيه جمب طارق . وساكته خالص .
طارق : لاحظ سكوتها اول ما نزلو . وشاف عينيها بتدور ف كل مكان . كأنها بتفتكر زكريات عيلتها زمان . واتأكد من ده لما شاف دموع ف عينيها .
طارق : مسد ع حجابها وقال ادعيلهم بالرحمه والعفو يارانوش .
رنا : مسحت دموعها وهزت راسها الله يرحمهم . تعرف ياطارق . من غيرهم البيت مالوش طعم ولا روح .
. اي نعم اشرف وهنا مقصروش معايا ف اي حاجه بعد وفاتهم .
. بس لما بدخل بحس إن سعادة البيت اختفت.
. وابتسمت فاكر ياطارق بعد جوازي ع طول لما كنت بدخل الفيلا واجري ع بابي ..كنت بترمي ف حضنه اوى وكنت هوقعه من شدة الحضن . وضحكت .
طارق : بمرح ايوه فاكر يختى . وانا بقعد مع امك الله يرحمها كانت موزه جامده .
رنا : بصت ليه يزهول . ايه ال انت بتقوله ده؟
طارق : اهو ده الل ياخدو منك . زهول .وصدمه وتنحي . مفيش مره تتدلعي كدا . ياوليه انا ف سن حرج . زي ما تقولى كدا مراهقه متأخره . ومحتاج حنان من ال اتحرمت منه زمان .
رنا : هههههههههههه . الله يهديك ياطارق . مش عارفه اعمل فيك ايه؟
طارق : تعملى ايه؟ دلعينى ياوليه . قوليلى يابيبى.
رنا : ههههههههه لأ لأ يلا ندخل الله يهديك .
طارق : بغيظ . طيب عليا الطلبات ما انتى داخله ال لما تقوليلى يلا بينا .يابيبى .
رنا : هزت راسها بنفاذ صبر . وقالت يلا بينا يا …. هههههههههههه.
طارق : باس ع أيدها وقال . ايوه كده . بياض التلج تضحك وتفرح وبس .
رنا : بتنهيدة حب . ربنا يديمك ف حياتى كلها ياطارق .
چود : نازله من العربيه . وقلبها بيدق بفرحه كبيره ومبسوطه انها هتشوف مجنونها.
. وماشيه ورفعت عينيها بالصدفه وشافت مصطفى واقف ف التراس . وفتحت عينيها بزهول . وقالت ينهار ابوك مالوش ملامح؟ انت بتشرب سجاير يامصطفي؟
وصكت ع أسنانها بغيظ كبير . وماشيه . وقربت من الفيلا . عينيها ع مصطفى . لكن وقفت مكانها مره واحده . وفتحت عينيها بزهول اكبر . وقالت بؤصمات؟ بتشرب بؤصمات يامصطفى؟
مصطفى : واقف ف التراس . وبياكل بؤصمات . وبيكلم نفسه. ومش واخد باله من چود.
.. وبيقول ياااااااه .. لو اكون مافيا كبير . واشرب سِجار .
.والجارد يدخل يقولى تمام يابوص ياكبير . قتلنا چود هانم . عشان مقالتش انها بتحبك ياباشا.
.واقوم انا احط رجل ع رجل بجبروت. واشرب سِجار كدا .
.وقلد كأنه بيشرب وحط البؤصماته ف بوقه . وبينفخ الدخان لفوق . وقال بشر … ولعو ف جتتها .
ياااااه عليا ف الشر جبروت جبروت يعنى مفيش كلام ..
. . اممم . وبص ع الجنينه وبيشرب سِجار البؤصمات. وشاف چود . وضحك وشاور ليها بايدو . ونفخ الدخان لفوق .
——————بقلمي مريم نصار..
طارق والعيله دخلو . وبعد السلامات والترحيب كلهم قعدو مع بعض ..
فارس : اومال مصطفى فين ؟
يوسف : مصطفى فوق ونازل حالا .
چود : بتكلم نفسها . العبيط مفكر البؤصمات سجاير . انا حبيت غلط والله . عيل اهبل .
. ورفعت عينيها ع السلم وشافت مصطفى . وفتحت عينيها بدهشه من جماله وقلبها بيدق بسرعه .
.وكان لابس بنطلون اسود وقميص أبيض . وشكله يجنن بعضلاته . وچود . بتوهان . يخربيت جمال امك مفيش منك اتنين .
مصطفى : نزل وريحة برفانه واصله لعقلها . وقال بمرح . السلام عليكم ورحمة الله وبركاته . وال ف جيبك هاته ههههههههه ..
كلهم ضحكو . وعليكم السلام ..
مصطفى : بابتسامه. جدو طارق ملك العيله كلها اقسم بالله .. وسلم عليه ..
طارق : اهلا اهلا الواد ده بيفهم .. طالعلى ..
اشرف : وحياتك وافظع . الواد ده انا مش قادر افهم دماغه .
طارق : بس بس سيب الواد ده ف حاله . انتو ال بتحبو الدراما كتير .
مصطفى : بمرح . نااناااه رنا القمر . وانا اقول الفيلا زادها نور ليه ياناصح افندي ؟
.رد وقالي من اللمبه اللد هههههههههههه . وضمها بمرح . وعيونه عليها وقال نورتى بيتك يقلبى وغمز لچود ..
چود : صكت ع أسنانها بغيظ وبصت بعيد .لكن قلبها مبسوط.
رنا : هههههههههه والله . يعنى مش انا الل نورت البيت؟
مصطفى : مين العبيط ال يقدر يقول كدا . دا انتى شعاع النور كله يااجمل ناناه .
طارق : بغيره . ماخلاص ياض انت هو مفيش غيرها. خش سلم ع عمك فارس واخلص .
مصطفى : ههههه همس ل رنا عِنيف عم الحج .
رنا : هههههههههههه .
طارق : بغيظ بيقولك ايه الواد ده؟
مصطفى : لأ لأ مقولتش انا بقولها بيغير عليكى . احم ولا ايه؟
رنا : هههههههههههه ايوه طبعا .
مصطفى : بمرح .. عمى فارس .. او خالى فارس اى كان انا بحبك والله .
فارس : ههههه وانا كمان يسيدى . عامل ايه يادرش ؟
مصطفى : الحمد لله تمام وزى الفل . بس ايه رأيك ف العضلات . وبص لچود . وقال ايه رايك ف الباى والتراي .؟
فارس : لأ ماشاء الله عليك . انت مش محتاج عضلات يابطل .
مصطفى : كشر عينيه ليها . وقال انت عارف بقى إن ف ناس بتحب الشكليات . قولت وماله . مافيهاش حاجه لما نعمل باي وتراي اهو نفك العقد ال عندهم.
چود : من بين أسنانها عيل لمض فاكر دمه خفيف ..
مصطفى : باحترام . منورانا يادكتوره رودي . والله البيت منور انهردا .
رودي : حبيبى يامصطفى . كلك ذوق .
مصطفى : اذيك ياچواد باشا .
چواد : تمام يادرش .
مصطفى : وقف قدام چود .بغمزه . اذيك يا انسه .
چود : شمت برفانه . وهمست الله يخربيتك . وقالت الله يسلمك .
اشرف : منورين ياجماعه والله . اليوم ناقصه آدم وعيلته .
طارق : اه والله . وحشنى إبن الايه ..
اشرف : هي مريم كلمتك يارنا .
رنا : كل يوم ياحبيبى زى ما عودتنا . وكانت عايزه أننا نروح معاها بيت المزرعه . بس طارق رفض بقى .
يوسف : كشر عينيه بعدم فهم . ليه بس ياعمى . حد يرفض الطبيعه .
طارق : ابتسم . والله آدم اتحايل عليا . بس انا فكرت قولت مش هينفع . اسيبه مع عيلته برحته . واحنا الرجاله كلنا كدا بربطة المعلم نروح يومين . ايه رايك يا اشرف؟
اشرف : انا معاك ف اي حاجه .
هنا : بسعاده . نورتي بيتك يا رنا .
رنا : بحب . منور بيكى ياهنا . ربنا يبارك فيكي ياحبيبتى ..
مريم : بفرحه . والله ياعمتو . ماما هنا من امبارح مبسوطه جدا ان حضرتك هتشرفينا انهردا . ومحتاره عايزه تعملك كل حاجه حلوه .
رنا : ابتسمت . هنا عشرة عمر بحاله يامريم يابنتى . ربنا يديم الود والحب بينا .
كلهم آمين .
مصطفى : طيب انا جعان .
كلهم ضحكو .
مريم : بغيظ . اييه يامصطفى انت صغير . عيب كدا .
مصطفى : اله هو انا قاعد مع حد غريب . دول صحاب البيت . ورقص حواجبه ل چود . ولا ايه؟
چود : ارتبكت وبصت بعيد . لكن فرحانه اوي .
هنا : مريم ياحبيبتي . قولى للبنات يجهزو السفره .
مريم : هزت راسها حاضر ف ثوانى . وقامت .
رودي : كريم وليليان اخبارهم ايه؟
يوسف : ضحك .. لا زى الفل . العريس مش عايز يكلمنا . كل شويه خارجين . خارجين . قولت وماله ربنا يسعد أوقاتهم .
كلهم آمين ..
وبعد شويه . الغدا جهز . والكل اتغدي وكان وقت جميل بينهم .
——————بقلمي مريم نصار.
ف بيت المزرعه ..
آركان : عقم الجروح لأخته وكان زعلان جدا عليها . واكتشف أنه مايقدرش يعيش من غيرها . وكان خايف جدا عليها . وشربها العصير بالعافيه .وقعد جنبها شويه.
آرين : عيطت كتير ف حضن جدتها مريم . مع اعتذار متكرر لحد ما هديت ونامت .
رينو : عدلتها وشدت عليها الغطا . وقعدت جمبها تعيط ومرعوبه من فهد لو عرف هايبهدل الدنيا . آرين عندو خط احمر . وغمضت عينيها بتعب . وقالت اعمل ايه بس يارب . يارب حلها من عندك .
آرين : نايمه ودموعها نازله من الجمب وبتأن بخوف من رهبة الموقف ..
آدم العدوي : يلا بقى الكل ينزل تحت وسيبو آرين تستريح .
مريم : باست جبينها بحب .ومسدت ع شعرها . وقامت بزعل . وقالت رينو يابنتى شغلى قرآن جنبها يطمنها .
رينو : مسحت دموعها حاضر يامامي .
آدم العدوي : شاف مريم زعلانه . وربت ع أيدها وقال أنا هنا و كل حاجه هتكون تمام ..
مريم : بصتله بترجي كبير . وخايفه من المشاكل ..
آدم العدوي : ابتسم . وهز راسه ليها اطمنى ياروحي . يلا تعالى . ونزلو .
فريحه : شغلت قرآن. وقالت تعالى يارينو ياحبيبتى وسبيها تستريح . هي بس اتخضت . وإن شاء الله هتكون بخير .
رينو : مسحت وشها بتعب . وبصت ع آرين . واتنهدت بتعب . وباست جبينها . وقامت . ونزلت مع فريحه ..
كلهم ف الليفنج . وآدم ف المكتب ..
فريحه : بقلق . هو آدم فين ؟ مش موجود ف البيت ولا المزرعه؟
آركان : وانا بجيب علبة الاسعافات . سمعت صوت العربيه بتاعته .
تالين : انا سألت طنط مرات عمو منصور . وقالت خرج بالعربيه اول ما نزل من فوق .
فريحه : استغربت . خرج؟ هيكون راح فين؟
رينو : بتفرك ف ايديها بتوتر واضح . وبتتخيل ما لايحمد عقباه من فهد لما يعرف.
.واتخيلت أنه بيزعق ل آرين وآدم وهي كمان فهد ممكن يبعد عنها . وقلبها بيدق بخوف .. وغمضت عينيها استر يارب .
مريم : ربتت ع كتفها وحدي الله يارينو يابنتى . الحمد لله انها جت ع قد كدا . يعنى لو كان لاقدر الله حصلها حاجه ؟ مش كنا هنقول ياريت حد لحقها والباقي سهل؟ خلاص نحمد ربنا بقى أنه حفظها .
رينو : بتوتر . الحمدلله طبعا . والله انا راضيه بقضاء الله.
وكملت بدموع .. بس خوفي كله من فهد . المشكله انه انهردا الصبح ع الفطار نبه عليا اكتر من مره انى اخد بالي من آرين وماسيبهاش لوحدها . وانا قولتله ماتقلقش عليها .
رينو : مسكت ايد مريم بخوف . مامي انا مش عارفه فهد لما يعرف هيعمل ايه؟
. انا اول مره اخاف كدا . آرين عند فهد كل حاجه دى لو اتخدشت خدش صغير بيضايق جدا عشانها . انا مش قادره اتخيل رد فعله . مامي قوليلى الله يكرمك اعمل ايه؟
مريم : غمضت عينيها بتعب . واتخيلت فهد لما يعرف كمان إن آدم شال بنته بين ايديه
.وربتت ع ايد رينو وابتسمت وقالت . متقلقيش وإن شاء الله ربك قادر يحلها .
رينو : ونعم بالله .. وكملت بخنقه . ازاى بس هتتحل ؟
.فهد كلها ساعتين ويكون هنا . وكمان ايد آرين مجروحه وملفوفه بشاش . وآرين عمرها ماخبت حاجه عن فهد ابدا ..
. ملهاش حل يامامي . ملهاش حل .. استغفرك ربي و اتوب اليك . لاحول ولاقوة إلا بالله . ليه كدا يا آرين يابنتى الله يهديكى . ده ابوكي نبه عليكى كتير ماتجيش جمب الاسطبل ولا الخيل .
مريم : ابتسمت بيقين .. ومسدت ع حجابها وقالت مفيش مشكله ابدا وملهاش حل . ورب العزه قال …
” قُلِ اللَّهُ يُنَجِّيكُم مِّنْهَا وَمِن كُلِّ كَرْبٍ .”
هوني ع نفسك يانور عيني . وسبيها ع الله ..
رينو : حطت وشها بين ايديها بإحباط كبير وقالت ونعم بالله .. ونعم بالله ..
آدم العدوي : سمع كل حاجه ف الليفنج . ومط شفايفه بتفكير واتنهد .. وقفل باب المكتب . وقعد ع الكرسي الهزاز . يفكر ..
——————بقلمي مريم نصار.
آدم مراد : خرج غضبان .لانه مش عايز يتكلم مع حد .
.وكمان مش عايز يتواجه معاها عشان مش عارف هو ممكن يعمل فيها ايه؟
. وسايق بسرعه كبيره جدا .وغضبان. وصورة السرج لما اتفك و آرين وهي بتقع من ع الحصان . قدامه ع طول . وجواه إعصار كبير جدا من لحظة الخوف . والضعف .
و (آرين نقطة ضعفه) وهو بيكره الضعف.. وصك ع اسنانه بغضب شديد . لدرجة انها عملت صوت . وكل مايفكر لو ملحقهاش . وبينهج بسرعه وصوت عالى . عشان ماسمعتش كلامه. وغبائها كان هيخسرها حياتها .
.وقال من بين أسنانه بكُره العالم كله . فرصتك خلصت يا آرين . وزعق غبييييييه . غبييييه يا آااررررييييين . وشاف صورتها وهي بتعيط بخوف وجرح ايديها . ودخل ف حته ضلمه . ودااااااس بنزين بسرعه كبيره .
.وسايق ومش شايف قدامه . وكان ف شجره كبيره جدا ..
.وآدم انتبه ع آخر لحظه وفرمل لكن ملحقش . والعربيه خبطت ف الشجره . وآدم جبينه اتخبط ف الدريكسيون . واتجرح ونزف . وغمض عينيه . ورجع راسه لورا . ومهتمتش بكل ال حصل معاه ..
آدم مراد : مرجع راسه لورا ومغمض عينيه وقلبه بيغلى من الغيظ والغيره وكل حاجه . وأنها جازفت بحياتها عشان عنادها ..
بعد شويه فونه رن .
. وانتبه للصوت . وطلع الفون من جيبه بخنقه . وشاف شاشة الفون اتكسرت . واكيد وقت لما وقع من ع الحصان. وشاف الرقم بصعوبه وكان جدو آدم .
.وماينفعش مايردش عليه . واخد نفس عميق . ورد . بثبات الو.
آدم العدوي : قام وقف قدام الشباك وحط ايدو ف جيبه . وعينيه ع الخيل. وقال بهدوء .. روحت فين؟
آدم مراد : مش عارف يتكلم . او مش قادر ولا عايز يتكلم .. واتنهد …
آدم العدوي : هز راسه بتفهم . ولكن حب يضغط ع الوتر . وقال هربت ؟
آدم مراد : صك ع أسنانه بغضب . وقال مش آدم العدوي ال يهرب ..
آدم العدوي : بشبح ابتسامه . اومال ال انت عملته ده ايه؟
آدم مراد : بتعب انا مهربتش يابابا . انا بعدت شويه .
آدم العدوي : طيب بعدت شويه … ولما ترجع هتعمل ايه؟
آدم مراد : اتخيل انه عايز يولع ف كل حاجه . ويعاقب آرين .وصك ع أسنانه ……….
آدم العدوي : سمع صوت الغيظ . واخد نفس عميق . وقال ايه هتعاقبها؟
آدم مراد : بغضب .انا مش هرجع .. انا هنزل مصر .. عشان مش عايز اتصرف تصرف مايعجبهاش ..
آدم العدوي : بتحبها؟
آدم مراد : كشر عينيه باستغراب .. حضرتك بتسأل يابابا بحبها؟
آدم العدوي : مش دى الاجابه ع سؤالي .. بتحبها؟
آدم مراد : غمض عينيه ..وشاف برائتها و لون شعرها وعينيها . واتنهد وقال . بحبها بكل كيانى يا بابا .
آدم العدوي : طيب لما هي كدا بالنسبالك . انت بعيد عنها ليه؟
آدم مراد : بخنقه .. عشان خايف عليها مني ..
آدم العدوي : لأ غلط . مفيش حاجه ف الحب اسمها خايف عليها منى .
.ال بيحب عُمره ما بيأذي تحت اي ظرف .. ولو حصل وغلط بيتعلم من غلطه .
. لأن الحب معناه الأمان . وحط تحت كلمة امان دى خطوط كتيره .
وبما انك بتحبها .. انت لازم ف الوقت ده تكون جنبها.
. لانك قبل ما تكون حبيب واخ وهتبقى زوج لازم تكون اب تانى ليها. ومهما تغلط انت تغفر وتسامح .
آدم مراد : بتنهيده .. بس هي غلطت وخلتنى اخاف .
آدم العدوي : وخوفك ده طبيعي لان الفقد ماحدش يقدر يتحمله .
. لكن سؤال مدام انت خوفت عليها. سايبها دلوقتي ف أشد احتياجها ليك ليه ؟
آدم مراد : بأحباط . انا بعدت عشان آرين بتخاف منى .
.وعشان كده انا خايف . وصك ع اسنانه بغضب انا معرفتش يعنى ايه خوف غير انهردا يابابا ..
آدم العدوي : انت لازم تحتوي المشكله دي وتصلحها .. ارجع ياحفيدى . ارجع ومتصلحش الغلط بغلط اكبر ..
آدم مراد : بس هي غلطت يابابا .
آدم العدوي : وماله .. غلطت ؟ وايه يعنى ؟ كلنا غلطنا قبل كدا وبنغلط وهنغلط .
.هي دي الدنيا لازم نغلط عشان نتعلم .
. اومال ازاى هنتعلم لو مغلطناش؟ لكن الأهم أننا نصلح الغلط .
.احيانا بنغلط غصب عننا عشان نثبت العكس لل بنحبهم .
وانت عارف حفيدتى . انها عندها حماس كبير . وحب المغامره .
. آرين قويه يا آدم ماتستهونش بيها . عندها شغف كبير .وتحدي اكبر.
. واكيد آرين جازفت المجازفه دي عشان كانت عايزه تثبت ليك و لفهد انها قويه وعايزه تقولك اهو .. انا اقدر . لانها يهمها انت وفهد وبس مش حد تاني .
. مفيش حاجه ف الحب اسمها غلطت واعاقبها .. انت دورك ف حياتها عباره عن ايكونه مكتمله . اخ وصديق وحبيب . وأهم حاجه انك تكون اب ليها .
. والأهم من كل ده . الامااان . مش هقولك تانى .. انت امانها .
.وواجبك مهما هي تغلط انت تصلح . لما تزعل انت تطبطب .
. هي تقلق انت تطمنها. هي تبكي انت تمسح دموعها . لما تغضب انت تحتويها . ال بيحب حد . بيطلع بيه لفوق . الحب بينور ياحفيدى مابيطفيش .
آدم مراد : بدأ يهدا . وافتكر غضبها الطفولى . وقلبه دق ليها . ونفسه بغمض عينيه ويفتح يلاقيها ف حضنه . لكن قال . لما تهدا هتكلم معاها ..
آدم العدوي : غلط … اوعا ف يوم تسيب الشخص ال انت بتحبه وتقول هسيبه لما يهدى ؟
طيب لما تسيبه ف عز تعبه؟ . هترجعله لما يهدى ليه.؟
. ماهو خلاص بقى كويس . وانت هتكون من وجهة نظره اتخليت عنه وقت ضعفه واحتياجه ليك .
ال بيحب حد بجد مايهونش عليه يبعد عنك ثانيه ف وقت حزنك . لأن الوقت ده الوحيد هو الاثبات ع حبك .
آدم ياحفيدى انت دلوقتي آدم العدوي شبهي لكن زمان جدا .
.لما كنت بغضب كنت هخسر بسبب غبائى واستسلامى للغضب ..
.لأ انا عايزك آدم العدوي دلوقتي الامبراطور. عايزك تستخدم النعم ال ربنا ميزك بيها صح .
. اشتري للآخر يبنى ومتبعش . انت عندك صبر وعقل وقوه وذكاء . استخدمهم مع بعض . وخلى ذكائك وصبرك يتفوق ع الغضب والتسرع . ومتنساش فهد . لو عرف هيعمل ايه ف آرين وعمتك وكمان آركان .. وخصوصا أنت!!!…
آدم مراد : مسح الدم من ع جبينه . وبص قدامه . وقال أنا مش هيفرق معايا انا خالو يعمل معايا ايه..
.. لكن عمتو لارين و آرين هيكونو ف آمان وده وعد منى لحضرتك يا بابا .
آدم العدوي : ابتسم . وهز راسه . وبص ف الساعه وقال تمام . فهد حاليا ساعتين ويكون ف المزرعه . لما اشوف حفيد آدم العدوي . هيتصرف ازاى.!!!؟
——————بقلمي مريم نصار.
ف اسكندريه ..
تيم : جاب المدونه . وبيقرا العنوان بفضول . وقال بتعجب .
(ميراث العشق)
وفتح صفحه من بين الصفحات . وبيقرأ بعنيه .
ع فكره .انا مش ضعيفه .. ايوه تيم نقطة ضعفي. وبعشقه حد الانهيار .
.لكن انا عمرى ما هفكر اهين نفسي. وابقى مجرد إحتمال ف حياة حد .
. يا اكون آكيد يا يااكون بعيد ..لكن مش ضعيفه. انا عمرى ما هقول ل تيم انى بحبه لأ. هو الل يقولى . انا لازم احس واعيش الاعتراف ده .هههه ده لو يعنى بيحبنى .
تيم : انهردا كان جميل جدا معايا. حسيته مختلف . وفجاءه يقولى انتى اختى. كلمه سخيفه محبتهاش منه. بس عادي .
. هو سالنى انا مخبيه عنه حاجه؟ طيب ياترى السؤال ده مقصود فعلا ؟
.ولا لمجرد شايف انى متغيره. اااه ياترى جواك ايه ياتيم ؟
ف حاجه عايزه اقولهالك ياتيم .
”لا نحتاج سوى الرأفه ببعضنا البعض، الرأفه ف الحديث، ف الفعل، ف التمسّك، وحتى ف التّخلي .
المهم اليوم انهردا كان حلو لقلبى . M/T
تيم : بيقرأ وعينيه مفتوحه . بزهول . معقول ؟ وفجاءه سمع صوت باب الحمام . وبسرعه رجع المدونه مكانها . وحط الفستان مكانه وقفل الدولاب . واتحرك كام خطوه .
ميرو : افتكرت انها ما اخدتش لبس ليها . وخرجت من الحمام .بتعب . ومركزتش مع تيم . لانها زعلانه بكسره .
وحاسه انها مكسوره وقلبها حقيقي مقسوم . وفتحت الدولاب بيأس وطلعت بيجامه .
تيم : واقف عينيه وقلبه عليها. ومش مصدق نفسه ولا ال قراه بعنيه . وخصوصاً جملة بعشقه حد الانهيار .
.ومسح وشه بايديه . وجواه مشاعر كتيره من فرحه وسعاده وزعل وحزن . وقرب منها . تحبى اساعدك ؟
ميرو : …………..
تيم : ابتسم . ميرو تحبي اساعدك ف حاجه؟
ميرو : …………… مردتش ..ودمعه نزلت ع خدها ومسحتها . وسابته ودخلت الحمام ..
تيم : مسح ع شعرو .ونفخ بخنقه كبيره . وقال لازم اصلح كل حاجه . لازم .
. مريم اوعدك انى هخليكى مبسوطه ع طول .. وخرج وقف ف التراس .. وبيفكر ازاى يعملها مفجأه تليق بعشقه ليها.
——————بقلمي مريم نصار
ف نفس الوقت ف فيلا عزيز.
الكل بعد الغدا قاعدين مع بعض.
چود : قاعده ساكته ع غير طبيعتها .
مريم : چود ياحبيبتي . لو عايزه تخرجي تتمشي ف الجنينه شويه.
چود : ماصدقت . وقالت ياريت والله ياخالتو. بعد اذنك طبعا يابابي .
فارس : هز راسه تمام ياحبيبتى خدى معاكي چواد .
چود : قامت بابتسامه . وخرجت ومعاها چواد .
مصطفى : عايز يخلع وراها . بس هنشوف هيعمل ايه ؟
رودي : فونها رن .
فارس : مين ياحبيبتي ؟
رودي : ثوانى ياحبيبي وطلعت الفون من الشنطه . وضحكت بسعاده كبيره . ده اخويا بسام يافارس . بيتصل من امريكا .
فارس : فرح لفرحتها. طيب ياحبيبتى . قومي كلميه . وسلميلى عليه .
رودي : بضحكه كلها حماس . وقالت حاضر .بعد اذنكم ياجماعه . ومشيت بسرعه وردت بسعاده الو بسام اخويا . عامل ايه ياحبيبي ؟
بسام : بتكبر اذيك يا دكتوره انا كويس .
رودي : وحشتنى اوى اوى يابسام . انا هموت واشوفك انت وولادك واكمل ابنك عامل ايه اكيد كبر دلوقتي وخلص جامعه مش كدا؟ .بقالى ١٥ سنه نفسي اشوفك . مش ناوى تنزل مصر قريب .؟
بسام : مش وقته . وبعدين ما انتى بتشوفي صورتي ع الميديا . المهم خلينا ف المهم . انا بتصل ع بابا مبيردش ليه ؟
رودي : بحزن من أسلوبه . بابا تعبان شويه . واكيد كان نايم وقت اتصالك .
بسام : ايه تعبان ماله يعنى ؟
رودي : انت عارف أنه بابا كبر واتقدم ف العمر . ومبقاش قادر ع إدارة الشركه .وف يوم تعب واغمى عليه . وحاليا بيتابع علاج طبيعي .
بسام : والله انا ياما قولتله يبعتلى كل الملفات وانا هتصرف . المهم يارودي . عايز منك دلوقتي تروحي ل بابا . وتطلبي منه ملفات الشركه والسجلات . وتبعتيلى نسخه ع ميل شركتى . انتى عارفه لو جراله حاجه اكيد مراته دي هتكوش ع كل حاجه . وانا طبعا اولا بكل ده .
رودي : كشرت عينيها بعدم فهم . وقالت تقصد ايه بكلامك ده يابسام ؟
بسام : ياحبيبتي مقصدش حاجه . انا عايز اضمن حقى وحقكم ف التركه كلها . وهي حلال عليها العماره . إكراما ل بابا مش اكتر .
رودي : فتحت عينيها بصدمه كبيره . وهزت راسها . ده ال انت بتفكر فيه؟ انت حتى مطمنتش ع بابا يابسام؟
بسام : انتى ليه فهمتى كلامي غلط . وبعدين انا اخوكي الكبير ومن حقي احافظ ع كل حاجه. وبابا انا هتصل عليه . مع السلامه ..
رودي : بحزن حقيقي قفلت وخافت من المستقبل .
مصطفى : قام اتسحب بطريقته ..ودخل المطبخ . داده ثريا .
ثريا : نعم ياسي مصطفى . عايز حاجه يابنى ؟
مصطفى : كشر عينيه عايز طبق مانجا وطبق عنب يكونو محترمين كدا .
ثريا : حاضر . ثواني اجبلك ..
چود : ماشيه ف الجنينه . واد ياچواد انت عايز لما تخلص ثانوي تدخل كلية ايه؟
چواد : والله ياچود يختى انا لسه رايح تانيه ثانوي .. بس حلمي بجد ادخل اكاديميه بحريه .. نفسي ابقى قبطان بحري .
چود : امممم ياجامد . لا حلو ياض استمر ع كدا .
چواد : يامسهل الحال . احم بقولك تعرفي إن ياسين وحياه عند عمو مالك .
چود : امم عارفه كارما قالتلى .
چواد : بلخبطه هي كويسه ؟
چود : هي مين دي ياض ؟ كارما ؟
چواد : بلع ريقه بتوتر . لأ لأ احم انا قصدى طنط ساره وعمو مالك .
چود : كشرت عينيها بتعجب . ورفعت حاجبها بمكر . امممم وايه ال جاب القلعه عند البحر ياقبطان . هههههههه الهوى اجدعان . انت منمر ع كارما ياض هههههههه ..
چواد : نفخ بغيظ انتى مستفزه بجد . كارما زي اختى الصغيره . وبعدين انا بكلمك ع ياسين انتى ال قولتى كارما .
چود : بغمزه . قلبك ابيض ياقبطان متزعلش . بس انت اخويا حبيبى وانا افرحلك يعنى. ولو عايزنى اظبط الكلام واعرف التمام . انا معاك يا نجم .
چواد : قلبه دق وقال قصدك ايه؟ يعنى انتى ممكن تقوليلها عنى ؟
چود : ياض متبقاش غشيم . بس قولى انت ايه حوارك عشان نكون ف السليم . ونلحقها مش يمكن حد تانى منمر عليها .؟
چودا : فتح عينيه بصدمه . لاا استحاله . وكمل بتوتر . بصي انا مش عارف.
چود : صارحني بس والله العظيم هروقك . انت مش واثق ف اختك؟ دا انا رجوله وصاحب صاحبه . قولى بس انت بتحبها ؟
چواد : اتنهد . بصي هو انا مش عارف . وابتسم بحب وافتكر جمالها الهادي الجميل . وقال ف اللاوعي ..بس انا ف حاجه بتحصلي اول ما اشوف كارما قدامي . قلبى ده بيفضل يدق . وببقى عايز اتكلم معاها . رقتها واحترامها جميله جدا. يوم الفرح كانت جميله خيال . وطول الوقت غصب عني بلاقى عينى بتدور عليها . ولما بتقولى اذيك ياچواد . مش عارف بحس ان نطق اسمى منها مختلف عن باقى الناس . مش عارف ياچود . انا بقالى سنه واكتر ع الحال ده. وبقول لنفسي ممكن يكون إعجاب مش اكتر . زي ما بسمع من صحابي ف المدرسه . بس اكيد لأ . لانى مش شايف غيرها. ومش عارف اعمل ايه انا لسه صغير وهي لسه ف ٣ اعدادي . يعنى صغيرين . وخايف لما تكبر متكونش من نصيبى. بجد خايف ..
چود : ربعت ايديها الاتنين وبتسمع چواد . وشافت لمعت الحب ف عينيه. وابتسمت بحب كبير . ولعبت ف شعرو. وقالت مش عايزاك تخاف من حاجه . وانا هشوف الحوار ايه .
چواد : انتبه . وقال هتعملى ايه؟
چود : يغمزه. مالكش دعوه انت بقى . انا هتصرف . بس مش دلوقتي . ولو كارما حسيت ان من ناحيتها اعجاب ليك . انا هريح قلبك .
چواد : يتفائل احلا چووووود دي ولا ايه؟
مصطفى : من بعيد .چووااد يا چواد .
چواد : لف ليه وابتسم نعم يامصطفى.
مصطفى : تعالى عايزك .
چواد : هز راسه تمام جاي . وساب چود ومشي .
چود : عينيها ع مصطفى . وحطت أيدها ع قلبها اول ما سمعت صوته . واتوترت . ولفت ضهرها ليه وبصت للبيسين ..
چواد : نعم يادرش .
مصطفى : بمكر عامل ايه ياض ياچوچو .
چواد : بغيظ . أسمى چواد مش چوچو . ماشي.
مصطفى : ههههه يبنى فين عضلاتك ال يبان منها انك چواد . ده عيب ع اسمك. اقولك ع حاجه . تعالى معايه .
چواد : بعدم فهم معاك ع فين؟
مصطفى : تعالى بس . وشدو من ايدو . وراحو ع صالة الجيم بتاعة كريم .
چواد : امممم عند بابا زيها ايه الجديد بقى ؟
مصطفى : لازم تتدرب وتتمرن وتعمل كام عضله كدا تلفت انظار البنات . الواحده التافهه من دول تبص ع ابو عضلات . أما عضلة القلب دي طلعت ولا ليها لازمه غير ضخ الدم وبس .
چواد : بتفكير اممم . صدق كلامك صح . وكمان بابا طارق . تعب منى ف انى اتمرن . واقوله ف تالته ثانوي . لا انا هتمرن من بكره إن شاء الله . تسلم يادرش .
مصطفى : بخبث وليه من بكره .عندك صالة الجيم اهو . تحت امرك وتتمرن وتسخن اول يوم كدا ع خفيف.
چواد : بس كدا مش هينفع .
مصطفى : ده لازم ينفع . لانى لازم أخرج ناو . اسمع منى . واتمرن من دلوقتي . يلا سلام اسيبك انا مع الباى والتراي يابطل . وسابه وخرج .
چود : واقفه قدام البيسين. فرحت لاخوها . وقالت انا هتكلم مع كارما كتير ع چواد اخويا . وأشوف رد فعلها . ويارب بقى تحبه هي كمان . ونظبط الجي ونعلى الدي يامااان ..
مصطفى : من وراها . بسبس بسبس . چوداء
چود : حطت ايدها ع قلبها الل بيدق . ولفت بتوتر وفتحت عينيها بدهشه . وقالت كل دي مانجا؟
مصطفى : طيب وبالنسبه للعنب ده . ماشيفتهوش . وغمز ولا المانجا مايشوفش غير المانجا . يامانجا انت . يخربيت جمال امك . ايه ياچود الحلاوه دي .
چود : صكت ع أسنانها بغيظ . انا مانجا . ياعديم الزوق انت .؟
مصطفى : حط الصينيه ع التربيزه . وبعدين بقى معاكى انتى فرهدتى امي ف حبك .
. ومالها المانجا يختى ؟ دول هيموتو وياكلو مانجا معانا .
چود : كشرت عينيها هما مين دول ؟
مصطفى : رقص حواجبه . مش هقولك غير لما تعترفي . قولى يلا بحبك يامصطفى .
چود : بلخبطه . امشي من هنا . انت جاي ورايا ليه؟
مصطفى : اييييه يابت جاى وراكي دي؟ انتى فاهمانى صح ع فكره ..
چود : هههههههههههه.
مصطفى : يخربيت جمال ام ضحكتك . تهبل .. ياتراب القمر .
چود : ببلاها .. ها.؟ تراب ايه؟
مصطفى : قرب منها وبص ف عينيها وقال بحُب . انتى ياچودي ببشرتك الخمريه ال مجننه قلبى .. انتى (تراب القمر) . انتى من عالم تانى .
انتى من القمر نفسه. انتى تراب القمر ل مصطفى عزيز ياچودي .
چود : غمضت وفتحت عينيها ببلاها . وقلبها بيدق بسرعه كبيره جدا ..وسرحت ف عينيه وهمست يتوهان مصطفى…
مصطفى : ضيع سحر اللحظه . وقال بصوت عالى يااااالهوي يانا ياما ع مصطفى وجمال مصطفى منك يابت . اخرابي أعرابي.
چود : اتخضت منه . وانتبهت . ونفخت بتوتر . وبصت ليه بغيظ كبير . بص بقى ياجدع انت؟ . انت تخفى من وشي عشان متغباش عليك اشطا ؟
مصطفى : يابت اعترفي بحبك ليا يابت. دول بيغنو لمصطفى . انتى مش هتغنى لحبيبك؟
چود : بتريقه غنو لمصطفى؟ وغنو ايه إن شاء الله؟
مصطفى : بيرقص حواجبه .وقال بغمزه . مصطفى يامصطفى انا بحبك يامصطفى .
چود : اووووف استغفر الله العظيم يااااارب . اتكل ع الله يبنى انت .
مصطفى : طيب تعالى كلى مانجا يلا .
چود : ببرود مش عايزه حاجه منك .
مصطفى : وانا بطرح مانجا؟ دي من الشجر مش منى .
چود : هههههههه يبنى حرام عليك انت عايز منى ايه؟
مصطفى : ببرود تاكلى مانجا .
چود : بتمثيل .. احم …لأ لأنها مش متقطعه ف طبق . ولا جاهزه للأكل .
مصطفى : كشر عينيه نعم يختي؟ مش ايه؟ وهي المانجا بتتقطع؟
.انتي هتعمليهم عليا ياچوود.؟ وهتمثلى زي بنات اليومين دول ؟
. تقولك ياااااي ايييه ضااااه . زي ما بيعملو مع الرنجه كدا .
. وهي اصلا هتاكل الرنجه وهي ف حالة صرع من طريقة اكلها .
.وتقولك لأ لأ أنا مبحبش الحاكات تي ..
. المانجا بتتلهط كدا بتمسكى المانجايا تفترسيها والبذر يطلب الرحمه منك .
.ياچود دا انتى بتاكلي المانجا زي اللمبى مع فيحاء ههههههههه.
چود : قبضت ع ايديها بغضب وقالت . لمبي؟ وفيحاء ورنجه ؟ امممممشي من وششششي .
مصطفى : لمح يوسف وفارس خارجين من باب الفيلا . وقال طيب طيب ماشي وبرحتك . بس عايزك تعرفي حاجه مهمه جدا .
چود : نفخت بنفاذ صبر اييه هي بقى؟
مصطفى : قرب من وشها . وهمس . لو معترفتيش بعشقك ليا قريب هتندمى اوى اوى ياچودى . تراب القمر . واتعدل بسرعه .
چود : بلعت ريقها بتوتر . وقلبها بيدق ..
مصطفى : غمز ليها يلا سلام . ولف ضهرو ليها وابتسم وماشي .
چود : بتوهان ولخبطه . مصطفى انت كنت بتشرب بؤصمات ع أنها سجاير ليه؟
مصطفى : من غير ما يبصلها . ماشي وقال كنت بولع ف جتتك …
——————بقلمي مريم نصار.
ف بيت المزرعه ..
ف الليفنج .
آدم : قاعد جمب مريم. وماسك كف أيدها بيطمنها . وقالها متقلقيش..
مريم : بصتله . طيب قولى آدم حفيدى فين؟ وفهد شويه وجاي . ورينو زي ما انت شايف .
آدم : بص ع رينو . ال عيونها حمرا. والتوتر واضح عليها . وقال بابتسامه تعالى يانوتيلا جمبي هنا ..
رينو : قامت بسرعه وقعدت جمبه . وقالت بابي فهد لما يعرف ……..
آدم : ضمها لقلبه هششش بس ياقلب ابوكي . انا مش عايز اشوف دموع نوتيلا البيت . وبعدين اهدى فهد مش هيعرف اى حاجه ..
رينو : خرجت من حضنه وبصت ليه ف سؤال ازاى مش هيعرف ؟
آدم : مسد ع حجابها بحنان . اهدى ياروحي . انا هتصرف .
رينو : ضحكت بدموع . يعنى فهد مش هيعرف ؟ وبعدها كشرت بخوف . بس . بس آرين مبتخبيش عليه حاجه . وانا كمان . مبعرفش اخبي عليه . علشان لو خبيت وعرف بعدها . فهد بيكون واحد تانى ..انا بجد قلقانه ع آرين اوي يا بابي .
آدم : ع فكره بقى انتى ظالمه فهد . فهد حنين جدا . ولو شاف آرين وعرف مش هيتحمل يشوفها كدا . وانا قولتلك اهدي انا هتصرف .وانا مكان فهد ومكان الكل .
. وبعدين مش معنى إن آرين متقولش ولا حد يقول لفهد . إننا كدا بنغلط ؟
.لأ ف حجات ماينفعش تتقال ف وقتها ع الاقل . وممكن مع الوقت تتنسي خالص. انتى بس قومي اغسلى وشك ده . وعايز منك لما فهد يرجع بالسلامه تكونى ع طبيعتك .
رينو : اترمت ف حضنه تانى ميرسي جدا لحضرتك بجد . ربنا يديمك ف حياتنا ..
آدم : ابتسم .وضمها لقلبه بحب كبير . حبيبتي يارينو ..
رينو : قامت . تغسل وشها . وبتدعي بحماس كبير ..
مريم : بصت ل آدم ……..
آدم : فهم .وباس كف ايدها وقال حورية قلبى مش عايزها تفكر كتير .
مريم : ربتت ع ايدو . وقالت طيب ريح قلبى وقولى .
آدم : ابتسم . وغمز ليها . حفيدك هيتصرف ..
مريم : فتحت عينيها بدهشه . وضحكت وقالت لأ قول بالله عليك . انت قصدك إن آدم بيحب آر……
آدم : هشش وطي صوتك . ايوه يا روحي . وهو جاي دلوقتي . عشان يتكلم مع آرين .
.ويقنعها متقولش ل فهد . لأنه بجد لو عرف مش هيسكت . وخصوصاً اننا عارفين آرين عندو ايه؟ والحصان مش ضعيف . وفهد هيتجنن ع بنتك وبنته من خوفه عليهم .
. وممكن يحصل فيها مشكله ليهم . و آدم هيتصرف عشان الموضوع يعدى ..
مريم : ضحكت بسعاده . اللهم بارك يارب . طيب . طيب و آرين .ها ؟ طمنى يا آدم الله يرضي عليك.
آدم : ضحك . طيب مافيش واحده سكر تحت الحساب .وانا اقولك هههههههه ..
مريم : بحرج .بصت حواليها. الله يهديك يا آدم انت ف اى مكان كدا تقول حاجه زي كده. بالله بقى قولى. ..
آدم : ابتسم بحب وباس ع أيدها وهمس ف ودنها. آدم و آرين . ف ميراث العشق حاليا. ..
مريم : ضحكت بدموع . اللهم بارك يارب ماشاء الله .
آدم : بص قدامه وقال جواه . لعنة ميراث العشق بدأت من انهردا . يا اميرتي .
——————بقلمي مريم نصار.
بعد شويه .
آدم مراد : داخل عليهم بجمود .
فريحه : بخوف قامت بسرعه . وشهقت ابنى؟ ايه ال حصلك ؟ وعيطت .
آدم مراد : غمض عينيه واتنهد . امي انا كويس جدا . دي خبطه بسيطه .
رينو والكل اتخضو .
آدم : بص ليه .. ايه ال جرحك يا آدم؟
آدم مراد : ابدا العربيه اتخبطت ف شجره .
الكل شهق بخوف .
مريم : بدموع . اسم الله عليك يا نور عيني .حاسس بايه اتأذيت؟ حاجه حصلت لجسمك؟ طيب قولى حاسس بتعب .تعالى اقعد هنا ..
آدم مراد : ارجوكي يا ماما ماتعيطيش انا كويس ياجماعه . المهم دلوقتي انا عايز اتكلم مع الكل . خالو فهد ياريت مبعرفش بال حصل انهردا ابدا .وقبض ع ايديه ..وكمل عشان آرين غلطت وممكن تحصل مشكله ..
فريحه : بدموع تعالى طيب اعقملك جرحك الاول .
آدم مراد : بجمود لأ . انا عايز لوسمحتو اتكلم مع آرين ضرورى . قبل ما خالو فهد يرجع . لأنها اكيد هتقوله ..
فريحه : طيب ياحبيبى . هعقملك جرحك تكون عمتك رينو صحتها ولبستها الحجاب
آدم مراد : بنفاذ صبر يا امي انا……
فريحه : بتحذير . وبعدين معاك بقى . انا قولت هعقملك جرحك يبقى تسمع كلامى . واقعد .
آدم العدوي : هز راسه ليه . يسيطر ع غضبه ويهدى .
آدم مراد : صك ع أسنانه . وقعد .
مريم : قامت بسرعه وراحت ع المطبخ
رينو : انا هطلع ل آرين .. وطلعت .
فريحه : جابت علبة الاسعافات وعقمت الجرح وقالت الحمد لله الجرح سطحي ومش محتاج خياطه .
مريم : جت من المطبخ ومعاها كوباية عصير ل آدم . وقالت الحمد لله . امسك يانبض قلبى . اشرب العصير ده .
آدم مراد : غصب عنه . اخدو شكرا ياماما .
آدم العدوي : استنى ف الجنينه يا آدم . و آرين هتجيلك . ماينفعش تطلع فوق .
آدم مراد : وده الل انا عايزه . وقام وقف بسرعه وخرج .
. وشاف دارلي أرابيان . وقبض ع ايديه بغضب ونفسه يقتله .
. ومشي بسرعه عشان مايرتكبش جريمه . ووقف قدام البيسين .
. ورفع راسه للسما . وبيحاول يسمع كلام جدو . وياخدو بعين الاعتبار . ولازم يكون اهدا من كدا .
آرين : صحيت وغيرت فستانها .وجواها خايفه جدا من آدم .وفهد . وبتعيط بشهقات بسيطه .. ورينو لبستها حجابها . وقالت خلاص يا آرين بطلى عياط ياحبيبتى . ال حصل حصل مش هنغير منه حاجه . لكن عايزاكي تسمعى كلامي وكلام آدم . لو بابي عرف بجد هتحصل مشكله كبيره ..
آرين : هزت راسها برجفه . وتالين ساعدتها وخرجوا ..
رينو : غمضت عينيها بتعب وقالت سامحنى يافهد . انت بس لو عرفت إن آدم شال بنتك دى لوحدها ممكن تعمل فجوه كبيره بينك وبيني .
.وانا مقدرش اعيش من غيرك .. وانهردا شوفت ف آدم مراد فهد تانى .. وابتسمت . وقالت بإذن الله خير . وربنا يستر منك يافهد .
آرين : خارجه ..وتالين سانداها . وبتفكر اكيد آدم انها ماسمعتش كلامه ومكسوفه جدا من آدم واكيد هيزعقلها . وهتتحرج قدام تالين . وقالت بتعب. انا كويسه ياتوتا . انا هروح ل آدم . خليكى انتى .
تالين : متاكده يا آرين انك كويسه . انا ممكن اوصلك وارجع عادى ..
آرين : لأ انا كويسه ياحبيبتي .
تالين : ابتسمت ماشي ياحبيبتى . ربنا معاكي . ودخلت البيت .
آرين : ماشيه برجفه . وشافت دارلي أرابيان . وغمضت عينيها بسرعه وخافت . وحست الحادثه تانى . وداخت .
آدم مراد : ضهرو ليها وحس بيها . وغمض عينيه واخد نفس عميق ..
آرين : قربت منه ووقفت وراه . ونزلت راسها ف الارض بحرج كبير . ودموعها نازله .
آدم مراد : قبض ع ايديه بغضب ولف ليها بسرعه
آدم مراد : ضهرو ليها وحس بيها . وغمض عينيه واخد نفس عميق ..
آرين : قربت منه ووقفت وراه . ونزلت راسها ف الارض بحرج كبير . ودموعها نازله .
آدم مراد : قبض ع ايديه بغضب ولف ليها بسرعه
لكن. قلبه دق بخفقان واضايق جداا من شكلها وهي واقفه بالطريقه دي . كأنها طفله ومنتظره العقاب.
.
. اااه ع الل دوبت قلبك يا آدم من طريقتها . سندريلا . ومسح وشه بايديه .
وشاف ايديها ملفوفه بشاش . وجرح ايديها صعب قلبه يتحمله .
. (آرين بنتك اتجرحت يا آدم . ضي القمر وضي عيونك وضي عتمة الليل ايديها مجروحه يا آدم )
آرين : واقفه بنفس الطريقه . ودموعها نازله. وخايفه من زعل فهد . ورد فعل آدم عليها . وطلعت شهقه بتنهيده . وجعت قلب ال آدم ..
آدم مراد : نفسه ف الوقت ده تكون آرين .حلاله وملكه . نفسه يضمها لقلبه .
صدق الامبراطور ف كل كلمه قالها .. وحس قد ايه إن آرين ف احتياج ولازم ليها امان . وانت امانها يا آدم . دى بنوتك طفلتك . حبيبتك وضيك . اوعا تقسي عليها .. اوعا تخوفها ..
آرين : بلعت ريقها بصعوبه . وخافت اكتر من سكوته . وقررت انها تتكلم .. وقالت من بين الشهقات . آ . آ .. آدم .ا.انا ……..
آدم مراد : قرب منها خطوه . وقال بلين . انا اول مره اخاف . وكمل بعتاب .. خوفت اوي يا آرين.
آرين : هزت راسها بدموع ندم . ا.انا اسفه ..
آدم مراد : اخد نفس عميق واتنهد بتعب . ومسح وشه بايديه .. وشافها بتترجف . وشد ليها كرسي . تعالى اقعدي ..
آرين : هزت راسها ببراه. لأ مش عايزه ..
آدم مراد : بلين .. عايز اتكلم معاكى شويه .ممكن؟
آرين : كشرت عينيها بعدم فهم . واستغربت هدوءه ع غير طبيعته .. وقعدت من غير ماترفع راسها وتبصله .
آدم مراد : قعد قدامها . وعيونه عليها وبيرسم ملامحها البريئه . وخوفه عليها فعلا مش من فراغ. انتى تستاهلي يتخاف عليكى . برائتك وطفولتك وكل حاجه فيكى .. وقال عامله ايه دلوقتى؟
آرين : بندم . انا زعلانه أوي وخايفه ..و…..
آدم مراد : بهدوء عكس الل جواه .. آرين انا قولتلك طول ما انا جمبك ومعاكي مش عايزك تخافى ..و مش هنتكلم ف اي حاجه من ال حصلت دلوقتي .. لأن مفيش وقت . خالو فهد وبابا ع وصول . ولازم محدش يعرف ..
آرين : مسحت دموعها ..وقالت بزعل . بس انا غلطت يا آدم . وكمان مبعرفش أخبي حاجه عن بابي . كدا غلط . وانا مش هينفع اكدب واخبي عليه . بابي بيثق فيا . وكملت بدموع وانا زعلته اوى اوى. وهيخاصمني. وانا كده هاكون بكدب يا آدم .. ومامي والعيله كمان ..
واحنا مش متعودين ع كده وكمان حرام ..ده ذنب كبير يا آدم وانا مقدرش اعمل كده ماما مريم علمتنا نقول الصدق مهما كان هايكلفنا
…..
آدم مراد : غصب عنه ابتسم من جمال اخلاقها رغم طفولتها .. وقال طيب جميل اوى .
لكن يا آرين انتي فاهمه غلط .. الكذب فعلا غلط ودرجه من درجات النفاق .. إذا حدث كذب.
..بس يا ارين ف حالات ممكن يكون الكذب فيها مباح مش حرام .
.زي الكذب ع الأعداء عشان نضللهم ونفسد عليهم مخططاتهم .
.والكذب من أجل الإصلاح كأنك تقولي بالكذب كلام كويس للطرف التاني المتخاصم تخليه يرضي عن الطرف الأول الل ممكن يكون مايعرفش حاجه عن كلامك ده..
.وفي كمان الكذب بين الازواج عشان مانوصلهومش للخراب وممكن يتفرقوا بسبب كذبه…وده ال انا عايز اعمله خالو فهد لو عرف الحقيقه هاتحصل مشكله كبيرة بينه وبين عمتو لارين …
آرين : بقلق . بس يا آدم ..انا…….
آدم : آرين . لازم تقتنعي . والنبي عليه الصلاة والسلام قالنا..
آرين : عليه افضل الصلاة والسلام.
آدم : “الْكَذِبِ يَكْتُبُ عَلَى ابْنِ آدَمَ إِلَّا ثَلَاثَ خِصَالٍ: رَجُلٌ يَكْذِبُ امْرَأَتَهُ لِتَرْضَى عَنْهُ، وَرَجُلٌ يَكْذِبُ فِي خُدْعَةِ حَرْبٍ، وَرَجُلٌ يَكْذِبُ بَيْنَ امْرَأَيْنِ مُسْلِمَيْنِ لِيُصْلِحَ بَيْنَهُمَا» صدق رسول الله..
رواه الطبراني في “المعجم الكبير”،
آرين : بحيره كبيره . ومردتش ……..
آدم : حس بيها …وقال ..طيب تعالى نفكر مع بعض شويه ف ال هيحصل بعد ما خالو يعرف بال حصل وال ريبونزل قلبه عملته؟ . ايه ال هيحصل .؟
آرين : فتحت عينيها بدهشه . وبصتله ايه؟ ريبونزل؟ انت عرفت ازاى؟ وشهقت بصدمه كبيره . وحطت أيدها ع بوقها . آدم انت اتجرحت؟
آدم مراد : حط ايدو ع جبينه . وقال ده جرح بسيط .
آرين : عيطت بصوت عالى طفولى. عاااااا انا السبب . انا السبب عااااا .ياريتنى سمعت كلامك . آدم مراد اتجرح بسببي . عاااااااا .
آدم مراد : مش عايز يضحك ..و مط شفايفه وبص بعيد . لكن صعب. وغصب عنه ابتسم . وهز راسه. وقلبه بيقول . ضي عمري كله . مجنونه.
آرين : عاااااااا انا . انا اسفه جدا . وانا هعاقب نفسي . انا مش هسامح نفسي ابدا . انا اذيتك يا آدم عاااااااا .
آدم مراد : بشبح ابتسامه . بس يا آرين خلينى اكمل كلامي .
آرين : عاااااااا . ودموعها نازله وهزت راسها لأ انا هفضل اعيط لحد متقولى انك مش زعلان مني . انا بسببي انت اتجرحت عاااااا ..
آدم مراد : سند بايديه ع التربيزه قدامها . وقال أنا زعلان .
.وقولت مش هنتكلم ف اي حاجه دلوقتي . هنأجل كلامنا ف الموضوع ده لبعدين .
.. لكن دلوقتي بجد يا آرين خالو فهد مش لازم يعرف . ليه؟
أولا لو عرف . هيتصدم ف بنته حبيبته . ال مبتسمعش الكلام . وممكن فعلا مايتكلمش معاكي .
. ده غير أنه هيزعق ل آركان عشان مخدش باله منك . وممكن يحرمه من الحربيه كمان ..ويتعصب عليه وعليكي ..
ثانياً والأهم ..عمتو لارين . تخيلى كدا لما يعرف . اكيد هيزعق ويتخانق مع مراته حبيبته عشان سابت بنتها ف الجنينه . وطبعا مش هيتكلم معاها فتره كبيره . ووممكن يقطع اجازته ويسافر . ويسيب البيت .
وكمان . هيزعل من أخته . لانها برضو ما اخدتش بالها من بنت اخوها .
وكمل بمكر . ولما بقى خالو فهد يعرف إن ال انقذك آدم وشالك بين ايديه . هو انا .. وقتها طبعا خالو فهد ممكن يزعق .
. وده خالو وصاحب بابا . وصعب جدا انى ارد عليه . واقول حاجه …
.لكن كل ال هقدر اعمله انى هبعد .. وكدا الكل هيكون زعلان من التانى ..
وانتى وقتها هتحسي بالزنب اكبر من كدا . لأن غلطتك ال عملتيها . زعلت كل الناس ال انتى بتحبيهم من بعض . ها لسه عايزه تقولى لخالو فهد؟
آرين : فتحت عينيها بزهول . وهزت راسها لأ لأ لأ . بابي هيدمر حلم آركان بسببى . وهيبعد عني انا ومامي؟ لأ لأ . وانت؟ . وقلبها دق بقلق .. لأ لأ بابي مش هقوله حاجه . خلاص لأ ..
آدم مراد : اتنهد بحب .وبص ف عينيها .. توعدينى انك متقوليش حاجه ؟
آرين : رفعت عينيها ليه وقلبها دق .وقالت اوعدك يا آدم .. . وقالت بخوف .. بس…بس بابي لو سالنى عن سبب جرح ايدي . هقوله ايه؟
آدم مراد : هز راسه ليها . متقلقيش . لو سألك قوليله كان ف قطه صغيره كانت ع شجره . وانتى حاولتي تنزليها وايدك اتجرحت.
آرين : بتوتر … اوكي .
آدم مراد : رغم أنه زعلان جدا منها . لكن قلبه دق . وقال .. ايدك عامله ايه دلوقتى؟
آرين : ببراه . اه يا آدم . ايدي بتوجعنى اوي .
آدم مراد : سلامتك ياضي آدم ..
——————بقلمي مريم نصار.
وبعد شويه .
ف الطريق .
فهد : ف العربيه . وجاله اتصال مهم . وابتسم . ايه ياوحش عامل ايه ..؟
= تمام يا فهد . انت مبعتش طلبي ليه؟
فهد : انا دلوقتي ف الطريق ودقايق هكون ف البيت . اول ما اوصل هبعتلك كل حاجه ..
= تمام جدا . لازم انهردا .ارجوك .
فهد : يسلام ومالك مستعجل كدا ليه؟
= معلش انت عارف انا قولتلك السبب . مفاجاه.
فهد : هز راسه تمام اول ما اروح هبعتلك كل حاجه.
= وف حاجه تانيه مهمه جدا عايز اخد رايك فيها . وكمان عايزها منك .
فهد : سايق . وقال بتركيز . خير قول سامعك.
= انا عارف انى تاقلت عليك طلبات الفتره الاخيره لكن …….
فهد : ياعم أنجز . وقول طلباتك وبطل كلامك الخايب ده .
= ابتسم . تمام هقولك …………..
بعد شويه .
ف بيت المزرعه .
آدم مراد : جمع كل العيله . ونبه عليهم . وقالهم ع كل حاجه لو فهد ومراد سألو .
آدم العدوي : كان قاعد . وفخور بحفيدو .. انه خايف ع عمته والعيله . وبيداوى اى مشكله . وشاف أنه بدأ يهدا ..
ومريم : قاعده مبسوطه اوى . بحب آدم و آرين ..
مراد وفهد وصلو ..
فهد : سلم ع رينو . وسألها مالك ؟
رينو : بتوتر . ابتسمت ابدا . احم بس قلقانه من السباق بينكم مش اكتر ..
فهد : بغمزه نجمتى القمر . وهمس ف ودنها . مسيرى ف يوم هاخدك ف جوله ع الحصان . انا وانتى وبس ومفيش مخلوق يكون موجود .. انا عايز اكون انا ونجمتى وبس ..
رينو : قلبها دق بقلق . وقالت جواها ربنا يستر ..و آرين متقعش بالكلام ..
فهد : باستغراب آرين فين؟
آرين : من وراه . انا هنا يابابي . وجريت عليه واترمت ف حضنه . وبترمي خوفها ف حضنه .
فهد : ضحك بحب . وضمها لقلبه .. ريبونزل قلب فهد انتى. وحشتينى ياروحي .
آرين : ف حضنه وخايفه م المواجهه . وأنها هتكدب لأول مره . وغمضت عينيها. وافتكرت كلام آدم . إن فهد والعيله كلها هتزعل من بعض.
فهد : كشر عينيه بعدم فهم . مالك يا آرين؟
آرين : فتحت عينيها . وخرجت من حضنه ابتسمت بمرح . ابدا حضرتك كنت وحشنى اوى اوى ..
فهد : بغضب ايديكى مالها يا آرين؟
آرين : قلبها دق بخوف . وحاولت تتكلم وقالت ..بتلعثم . ا.انا…..
آركان : طبعا اضطر يوافق . لانه بيعشق امه . وكمان مش عايز العيله تزعل .
.وانقذ الموقف برجوله . وشجاعه . وقال ابدا يابابا بنتك عامله فيها بطله ..
آرين ورينو وفريحه وتالين ومريم قلبهم وقع ف رجليهم ..
فهد : قبض ع ايديه بغضب ازاااى يعنى ماتتكلم؟
آركان : آرين شافت قطه صغيره كانت ع شجره وهتقع . وآرين حاولت تنزلها وايديها اتجرحت بالشكل ده .. وانا عقمت ليها الجروح بس سطحيه يعنى . محصلش حاجه.
فهد : مسح وشه بايديه ونفخ بخنقه . طيب يا آرين ليه ياحبيبتي مقولتيش ل آركان وهو كان اتصرف .
آرين : نزلت وشها ف الارض بحرج وقالت بحزن حقيقي . أسفه جدا يا بابي .
مراد : تالين ف حضنه .. وقال . خلاص ياعم فهد . الحمدلله انها كويسه. قوليلى يابت يا آرين . ايديكي بتوجعك؟
آرين : هزت راسها لأ انا كويسه ياخالو ..
مراد : وده المطلوب . يلا بقى نتغدي عشان السباق . اومال آدم ابني فين يافريحه ؟
فريحه : بزعل حقيقي . بياخد شاور . انا هطلع اديله خبر انكم وصلتو . وطلعت … وافتكرت وهو طالع ع السلم وشافت التيشرت عليه دم من ضهرو . وطلعت تجري عليه . وشافت أنه مجروح من ضهرو . واكيد من وقت حادثة الحصان ..
فهد : ضم بنته لحضنه.. واخدها وقعد جنبها
.واطمن ع جرح أيديها ..
رينو : ابتسمت بحب كبير . وممنونه ل آدم مراد ..
آدم مراد : اخد شاور . وفريحه خبطت .
آدم مراد : ادخلى يا امي .
فريحه : دخلت . ومعاها علبة الاسعافات . وعقمت جرح ضهرو . وجبينه .. وقالت طيب حادثة آرين والحمد لله عدت ع خير ومحدش عرف .. تقدر تقولى جرحك ده وكمان العربيه هتقول ليهم ايه؟
آدم مراد : ابتسم وباس ع أيدها . متقلقيش ياست الكل . اهم حاجه عندى إن الكل بخير. وانا هتصرف عادى . وال حصل الحقيقه إن عربيتى اتخبطت فين المشكله ..؟
بعد شويه . الكل اتغدي . وفهد قاعد ومحتوى آرين وواخدها ف حضنه .. وبعت كل حاجه قال عليها ف المكالمه وقت العربيه . وهز راسه وابتسم .
——————بقلمي مريم نصار.
مراد : وآدم والكل خرجو ع الجنينه .للمسابقه.
فهد : ماسك ريڤان الحصان. وقال مراد ؟
مراد : ماسك ضرغام الحصان وقال ايه يصحبى.؟
فهد : بص ع آركان . وهو متحمس جدا . رغم صغر سنه وماسك دارلي أرابيان .وفهد عايزو يكسب عشان يديله دفعه للامام ويزود ثقته بنفسه. وقال بلاش احنا نكسب . ماشي .
مراد : بص ع اتجاه نظرته . وابتسم . وقال وماله يعم . آركان لازم يكسب مع آدم . يلا بينا . وركبو الخيل ..
آدم مراد : ركب الحصان ساهيل . وافتكر آرين والحادثه ..
آركان : رغم أنه مضايق من الحصان .وأنه اتسبب ف خوف أخته . لكن قرر أنه يتحكم ف دارلي ويكسب ..
المسابقه ابتدت . والكل اتحرك ..
آدم العدوي : قاعد وجمبه اميرته .
مريم : بتدعي بكل جوارحها . إن ربنا يحفظهم .. وقالت آدم انا خايفه عليهم ..
آدم : ابتسم ايه يا اميرتي؟ هي أول مره تحصل . ورفع عينيه ع آدم مراد وشافه كأنه بينتقم …
آرين : حاسه بتأنيب الضمير . لكن ف نفس الوقت عيونها ع آدم وخافت عليه من طريقته وهو متحكم ف ساهيل بغضب واضح ..
آركان : متحكم ف دارلي . وضغط ع السرج بغيظ . والحصان طار بيه ..
فهد ومراد بصو لبعض بتعجب . من قوة آركان وتحكمه ف دارلي أرابيان .. وكأنه متدرب من سنين . رغم أنه هوايته السباحه . والتايكوند .. واتاكدو انه هيكسب من غير مخطط من فهد .
وفهد : ابتسم بفخر . واتأكد إن آركان اكيد ليه دور كبير . ولسه مجاش ..
آدم مراد : ساهيل طاير بيه . وآدم شاف آرين قدامه وهي هتقع . وضغط ع السرج بقوته كلها . وساهيل أتألم . ورفع رجليه لفوق بصهيل عالى جدا.
الكل انتبه . ومريم وفريحه قامو وقفو بخوف.
وآرين : شهقت بخوف . وقالت آدم وعيطت .
تالين : غمضت عينيها ودعت بقلبها ..
ساهيل : خرج عن السيطره . من غلظة آدم . ومش متعود منه ع القسوه دي . وعايز يوقع آدم من عليه ..
مراد : بقلق . شد اللجام . وراح عند آدم .. ونده عليه ..بصوت عالى آداااام . وفهد راح معاه ..
آدم مراد : انتبه . لصوت مراد .. وشاف أنه ضاغط ع السرج . وسابه .. ومسد ع شعر ساهيل .. وآدم شافهم جايين عليه . وقال ل ساهيل. جاهز نكسبهم .؟
ساهيل : رجع لطبيعته وعمل صهيل . وجري بسرعه كبيره جدا .
مراد وفهد . رجعو لطبيعتهم .
وبعد شويه. كان طبعا ال فاز ف المسابقه آدم مراد و آركان .
وعدا الوقت ..
. وكل واحد جواه افكار كتيره متلخبطه .
آدم مراد : جواه زعلان من آرين .
ولكن آدم العدوي . كان مبسوط من إن حفيدو قد المسؤليه . واتأكد إن عشقه ل آرين هيغير من غضبه . لأن طفولة وبرأة آرين مهدئ ل غضب الديزل ..
——————بقلمي مريم نصار.
بعد فتره كبيره . الساعه ١١ مساءا ..
ف اسكندريه ..
ميرو : قاعده ع السرير . ولابسه بيجامه لاول مره قدام تيم .
. واطلقت لشعرها العنان .. وطول الوقت قاعده ساكته . ورافضه تتكلم . او بالمعنى الحقيقي هي مش قادره تتكلم .
.حتى لو تيم مايعرفش بحبها ليه . مش من حقه يتهمها بحُب شخص تانى .
وعيلتها اتصلت عليها واطمنت عليهم ..
تيم : طالع من مكتب مدير الفندق . لانه كان بيعتذر عن الفوضى ال اتعملت بسبب السحليه فادى عديم النخوه والرجوله .
.والمدير تفهم الأمر لأنه عارف تيم والعيله . وصديق للامبراطور ..
تيم : فتح باب الجناح ..
ميرو : سمعت صوت الباب . وبسرعه شدت عليها الغطا . ومثلت انها نامت.
تيم : دخل . ولمحها بطرف عينه وهي بتشد الغطا . وفهم انها لسه رافضه تكلمه . ولكن استغل الفرصه . وقرب منها . وقعد ع طرف السرير جمبها . وهمس مريم انتى نمتى ياحبيبتى؟
ميرو : ف التمثيل صفر. وبلعت ريقها بتوتر . ورموشها . بتتحرك ….
تيم : ابتسم بحب . ورفع ايدو مسد ع شعرها . وقال زى الملايكه ياروحي .
. عارفه نفسي بجد تسمعينى . طيب بما انك نايمه دلوقتي .
. انا هقولك ع حاجه ف قلبى من زمان جدا من ٩سنين بالظبط .
. وبص ل ملامحها البريئه بحب كبير وقرب من خدها وباسها برقه وقال .من ٩ سنين .. عشقتك.
تيم : شاف وشها بقى احمر جدا . وبتتنفس بسرعه. وقلبها دقاته عاليه . وابتسم وقال تصبحي ع جنة تيم يامريم.
.وقام وسابها وسط ارتباكها . ودخل الحمام ..
ميرو : طبعا من وقت ما قرب منها وباسها من خدها . وهي مكسوفه جدا .
. وبتتغلب ع مشاعرها لكن صعب جدا .. واول ما قام . فتحت عينيها واتعدلت . واتنفست بسرعه ..وحطت أيدها ع قلبها . وهمست ٩ سنين؟
بعد شويه . تيم ف الحمام . بيحلق دقنه . وصمم أنه يتأخر ف الحمام علشان ميرو تنام .
.لانه ملهوف يقرأ ميراث العشق .. وبعدها اخد شاور . ولبس وخرج . وشاف ميرو واتأكد انها نامت فعلا . وحاول بشويش وفتح الدولاب وعيونه ع ميرو.
. واخد المدونه . وخرج التراس . وقعد ع الكنبه . وفتح المدونه . وبدأ يقرأ من ١٠ سنين فاتو ..
——————بقلمي مريم نصار.
تاني يوم الصبح .
ميرو : نايمه . وبدأت تفوق . وفتحت عينيها ببطء مره واتنين . واتنهدت. وبتتاوب . ولفت وشها . واتخضت . هييي بسم الله ..وحطت أيدها ع قلبها.
تيم : قاعد جنبها وبيتملا منها بعشق كبير جدا . وقال صباح الإدمان .
ميرو : كشرت عينيها بتعجب ..وقالت جواها . إدمان؟ . واتعدلت ..وتجاهلته. وقامت ورايحه الحمام. .
تيم : ابتسم . وقام جري عليها وشدها من دراعها جامد . وخبطت ف صدره . وشعرها جه ع وشه . وقلبه بيدق..
ميرو : شهقت . بصوت عالى. وقلبها دقاته عاليه جدا . وبتنهج من قربه منها ..
تيم : رفع ايدو وشال شعرها من ع وشه . ورجع شعرها ورا ودنها . وحرك ايدو ع خدها وهمس . مش ناويه تسامحينى ؟
ميرو : جسمها اتشد وغمضت عينيها بتوتر . واتكلمت بتلعثم .ل ..لو س…سمحت ممكن تسبنى ..
تيم : بتملك . تؤ مش ممكن . بس ممكن أقرب اكتر وده المسموح .. لكن بموافقتك انتى .. انتى وبس ..ياعشق تيم ..
ميرو : بتوتر كبير .. مسكت البيجامه بايدها وبتنهج . وخلاص ع حافة الاستسلام . وقالت بتوهان سبنى ياتيم ..
تيم : سمع اسمه بنبرة صوتها . وعشقه ليها بيزيد . وقرب منها واستنشق شعرها بحب كبير وقال . والله تيم بيموت فيكى . موافقه نتكلم ..وخطف بوسه رقيقه من خدها . وهمس وافقي ..
ميرو : هيغمى عليها خلاص. وهزت راسها ف اللاوعي . تؤ لأ مش موافقه ..انا مش عايزاك ..
تيم : ابتسم بمكر . وبنفس القرب منها . وقال بنفس الهمس يعنى دا آخر قرار ياقلب تيم ؟
ميرو : رجليها مش قادره تشيلها . وكانت هتقع . وتيم حاوطها من وسطها وقربها منه . وده كفيل يخلى ميرو تموت مكانها. وقالت بتخدير . اء…ايوه …
تيم : مستمتع بحالة العشق ال هما فيها . وكمان مبسوط جدا واكتر من فرحان بعد ما قرأ مدونه ميراث العشق .
. وشاف معشوقته بتعشقه قد ايه ؟ واتجرأ . ورفع دقنها وباسها برقه بسرعه ..
ميرو : جسمها اتشد . وفتحت عينيها بصدمه. وشافت نفسها ف حضنه تقريباً. وبتنهج . وبصت حواليها . وحاولت تزقه وتخرج من حضنه لكن شتان .. وقالت برجفه . ابعد عني ..انا مش عايزاك ..
تيم : بنفس الابتسامه . قربها اكتر ليه. وطلع منديل من جيبه. وقالها خلاص . يبقى مفيش غير الحل ده ..
ميرو : رفعت عينيها ليه بتوتر كبير وخافت يقرب منها بالاجبار وقالت بخوف . تقصد ايه؟
تيم : رفع كتافه وهز راسه ليها امممم . آسف ياملاكي ..
——————بقلمي مريم نصار..
بعد فتره كبيره من الوقت .
ميرو : فتحت عينيها بتعب شديد . ومسكت راسها من الصداع . وبصت حواليها . واستغربت ..وحاولت تفتكر اخر حاجه .. وافتكرت تيم . وفتحت عينيها بدهشه .
. لكن بصت ع الديكور ال حواليها . وسمعت صوت طيور . وميا . وقامت بتعب .. وشدت السِتاره . وفتحت عينيها بانبهار . وقالت إيه ده انا فين؟
تيم : من وراها .. منوره جزر المالديف ياعشق تيم ———-
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جريمة عشق 4)