Uncategorized
رواية ليل الفصل الثاني والعشرون 22 بقلم ياسمين خالد
رواية ليل الفصل الثاني والعشرون 22 بقلم ياسمين خالد
 |
| رواية ليل الفصل الثاني والعشرون 22 بقلم ياسمين خالد |
رواية ليل الفصل الثاني والعشرون 22 بقلم ياسمين خالد
_ الو ..إيه!!طب إهدي أنا جايلك ..متقلقش
“بيقفل الموبايل ب ارتباك وبيقوم “.
_ ليل بنبره تُصاحبها خوف”: فِ إيه يامؤمن !
= ماجد بيقولي إن مراته بتولد وده مش معادها وهو قلقان عليها وميعرفش أي مكان هنا ف هروحلهم اوديهم المستشفي .
_ يوسف: طب انا هوصلك بعربيتي.
= ليل: انا هاجي معاك عشان لو إحتاجت اي حاجه أكون معاها.
_مؤمن بخوف: لأ لأ خليكي إنتي ياحبيبتي ،لازم ترتاحي.
= أنا كويسه متقلقش ،هاجي معاك .
_ خليكي ياليل متتعبنيش .
= قولتلك هاجي معاك انا كويسه متقلقش
_ خلاص ماشي يلا .
= ليل بتوجهه كلامها ل عائشه : متغليبهومش ياعائشه وأنا وبابي مش هنتأخر .
_ حاضر يامامي .
= أنس: متقلقيش دي ف عيني .
_ أه ربنا يسترها ،خلي بالك منها ياأنس وبلاش تنكُش فيها
= متخافيش والله .
_ معتز : أجي معاكم !
= مؤمن: خليك إنت كل بس ده إللي فالح فيه ،لو الجماعه إحتاجوا حاجه جيبها ولما اجي هحاسبك .
= عيب علي فكره بتغلط فيا ،سيب الفلوس قبل ماتمشوا عشان لو احتاجوا.
_لميس: تتوكس ..تتوكس يامعتز زي ماإنت واكسني قدام اهلي .
= ياستي بهزر الله.
_ طب نقطنا بسُكاتك ونبي كل وانت ساكت.
= ماشي
_تيتا فاطمه بلغُه كلها دفا وإطمئنان: متقلقوش ياولاد إتوكلوا علي الله ،وانتي ياليل متعمليش مجهود كتير وطمنونا عليكوا
_ حاضر ياتيتا
_______________
“ليل ومؤمن ويوسف بينزلوا وبيركبوا العربيه وف طريقهم لفيلا فرغلي اللي ف التجمع اللي بقوا خلاص مُستقرين فيها
_ بتتنفضي كده ليه ياليل!
= مش عارفه حاسه اني خايفه يامؤمن كإني اعرفها .
_ متقلقيش إن شاء الله خير ،هيفضل قلبك حنين وخوفك علي غيرك سواء كُنتي تعرفيه او لأ ملازمك طول حياتك .
_ حقيقي فعلًا،إن شاء الله تكون كويسه
_____________
ساره: ليل ومؤمن دول تحسوا حياتهم زي الافلام إللي كلها مُغامرات وطول الوقت مشغولين ف إنهم يحلوا مشاكلهم ومشاكل غيرهم..وقت الفرحه والراحه إللي بيمروا بيه يتعد علي الصوابع.
_ لميس: والله عندك حق ..حتي ايام ماكانوا لسه مخطوبين كانوا بيمروا بمواقف صعبه كتير بس كانوا بيعدوها سوا
= تيتا فاطمه: مع كل مشكله حب مؤمن ف قلب ليل بيزيد وكذلك مؤمن ف كل مشكله بتواجهه ليل او هو حبها جوا قلبه بيزيد وده إللي مخلي علاقه حبهم بتقوى اكتر ..لغه عيونهم والتفاهم إللي بينهم ده أساس علاقتهم بيفهموا بعض حتي لو كانوا ساكتين ..ليل ومؤمن لو مكانوش متفاهمين ف كل موقف مروا بيه كان زمانهم إنفصلوا ..هنعتبر إن الحُب ده هرَّم ..أول طوبه هنبنيها هتكون التفاهم إن لازم الطرفين يكونوا فاهمين بعض وف اي مشكله او حوار بيدور بينهم لغه التناقش هتفضل هي لغه التناقش مش هتتحول لخناق شخص مش محتاجه معاه تبرري كُل كلمه قولتيها بدون قصد حتي لو هتتفهم بمعني تاني بس هو عارف المعني إللي إنتي تقصديه ..تاني طوبه الثقه الحُب من غير ثقه مش هينفع يِكمَل ينفع الساعه تشتغل من غير حجاره! اكيد لا كذلك الثقه لازم تكون من أهم بناء تكوين العلاقه ونجاحها الطوبه إللي بعدها الراحه شخصين مُريحين علاقتهم رغم المشاكل بس حضنهم ركن هادي بيهربوا لبعض بعد يوم مُهلك وضوضاء الناس، شخصين مبيستنفذوش طاقتهم علي الفاضي وفِ مشاكل تافهه ..الطوبه إللي بعدها عدم الإستسلام إن دايمًا الشخص يحسس اللي قدامه انه هيتمسك بيه وان لو الشخص ده حس انه مهزوم او طاقته بتستنفذ يحس ان الشخص إللي قصادوا متمسك بيه ويحسسوا إنه من غيروا الدنيا مش هتمشي وقتها الشخص ده بيبقي محتاج يطمن ان مهما حس انه عاوز ينسحب هيلاقي إللي قدامه بيمسك إيدو الطوبه اللي بعدها واهم طوبه الأمان ..إن الشخص يحس إنه مطمن إن غلاوته عمرها ما هتقل ف قلب الشخص ده إنه مطمن إن الشخص ده مهما حصل هيفضل موجود ان الشخص ده عمروا مايبين بكلام او بأفعال إنه مستغني عن الشخص ده ميحسش بخوف وهو معاه ميحسش إنه إتغير معاه وإتبدل بشخص تاني خالص عن إللي عرفوا فِ البدايه يبقي مطمن علي نفسه وهو معاه ميسالش نفسه هو انا وحش! هو ليه الشخص ده مش حاسس بقيمتي وشايف ان ف غيري كتير احسن، والطوبه اللي قبل الاخيره وهي التقدير إن الشخص ده يكون مقدر قد إيه أنا عملت عشانه ويحسسه ب ده لو شال ورقه من علي الارض بدالهُ يحسسه إنه عمل إنجاز كبير أوي عشانهُ لو كلمهُ ف عز شغله وإنشغاله وقاله عامل إيه يفضل يفكروا بيها وإن قد إيه الموقف ده فرحوا حتي لو كان بسيط بالنسباله حتي لو غيروا هيشوف ان ده واجب علي الشخص ده إنه يعمل كده بس هو يحسسوا إنه إنجاز لو عدا مواقف كتير مؤذيه لو بكِيت عينهُ ف يوم يفكروا إنه مش ناسي إنه أستحمل وإن دموعه غاليه عندوا وعزيزه عليه بس لولا الضغط ويقول اي اسباب تطيب بخاطروا ،وقتها هيحس إنه مستعد يستحمل أكتر وأكتر عشان بس هو قدر ده لكن لو محسسهوش ب انه معملش أي حاجه ولا عدا أي موقف وقتها هيحس إن الصفر بيساوي الواحد عندو ف ليه أبذل طاقتي ف الواحد لما هيتساوي بالصفر !.. وأخر طوبه إللي هنقفل بيها الهرم هو الحُب ،ليل ومؤمن مروا بكل ده وقدروا يبنوا الهرم ده كله عشان يوصلوا لراس الهرم وهو “الحب”..عشان كده هما لسه محافظين علي الحُب ده ..
لميس: انت ليه مش بانيلي هرم زي ده تنشك ف قرعتك يامعتز
= إبنيه إنتي وأنا هبقي أناولك الطوب .
_ نينيني إيه ياواد السكر ده
= واد !.
_بنظره شك: هتشككني فيك ولا إيه انت مش واد يامعتز
= هقوم أجيبك من شعرك.
_ إيه .
= بقولك تعالي ألعبلك ف شعرك ياحبيبتي عاوزه تنامي صح!
_” بتضيق عينيها”: أه بحسب ..لا مش عايزه انا هتفرج علي الفيلم
=تاكلي فشار!
_ هات فشار إللي يجي منك احسن منك.
= شكرا ياام محمد ياأصيله .
_ الله يكرمك حبيبي تسلم .
= لؤي: حاسس إني قاعد علي القهوه مع صحابي ..
_ معتز بصوت خافت : مبتصدقش لما بقولها متجوز واحد صاحبي .
=لؤي: كلهم كده .
_ حور : بتقول حاجه ياحبيبي.
= لأ ياحبيبتي ولا حاجه.
_ كلهم كده ها !
= إنتي عارفه إني مش بقارنك بحد
_ بكاش اوي .
= بس بحبك صح!
_ صح ..انا كمان بحبك
= الهوا مخليني عاوز أنام.
_ طب حط راسك علي رجلي وإفرد رجلك علي جمب كده
= ممكن الجماعه يتضايقوا.
_ ياحبيبي هما قاعدين علي جمب ومش هياخدوا بالهم أصلا وبعدين هما عارفين إنت كنت جاي من الشغل وتعبان
_ طب غطيني بالطرحه اللي علي كتفك دي .
= ماشي نام .
“بينام وهي بتغطيه ” ..
“عائشه نامت ف حضن تيتا فاطمه وانس نام علي رجل ساره هو ورودينا ومعتز ولميس بيتفرجوا علي التلفزيون.
_ لميس: مش عارفين ليل ومؤمن عملوا ايه ياساره ..ايه ده بسم الله الرحمن الرحيم كلهم ناموا ليه كده!
= الهوا يابنتي بعد الاكل كمان خلاهم يناموا..كمان شويه هنتصل بيهم.
_ خلاص ماشي،البت ألاء اختي معرفش عنها حاجه بقالي فتره هي وليلي بنت خالتي .
_ ليلي أختي مشغوله دايما بعيالها وجوزها وتحسيها غلبانه كده ملهاش ف حاجه لازم احنا نكلمها ونتصل بيها وكذلك الاء هما الاتنين زي بعض
_ اه والله يابنتي فعلا ..هتصل بيهم بكره عشان تقلت ف الاكل ومش قادره اتنفس .
= معتز:ومن امتي متقلتيش
_ يابني انت ليه حشوره! حاشر مناخيرك ف حياتي ليه فهمني!
= عشان مراتي .
_ ايه مراتك يعني تدخل ف كرشي وأكلي !
= خايف علي السرير ليجي ف يوم ويميل بيكي يبقي جمب طالع وجمب نازل.
“ساره وحور بيضحكوا”.
_ بجد والله بتضحكوا يعني شايفين كده بدل م تنصفوني !
= معتز: بيضحكوا عشان شايفين ان دي الحقيقه ..سيكا كمان ومش هلاقي ليكي لبس .
_ اه صح انا بردو اللي بروح للترزي واعمل هدوم عموله عشان مش لاقيه مقاسي صح!
= سيحتيلي يالميس الله يكرم اصلك والله..بس علي فكره بقي انا هخس
_ عايزلك قنبله مُفخخه تفجر الكرش ده مفيش فوار ولا حاجه هتنفع معاك
_ وانتي عايزالك سيخ سخن يسيح دهونك دي مش هينفع معاكي حاجه برضو
= تيتا فاطمه : كرامتكم بقت ف الارض ياولاد ليه كده فضحتوا بعض .
_ هو اللي بدء ياتيتا
= يانصابه انا بردو !
_ لينا بيت يلمنا يامعتز .
=حور:كمان دقيقه محكمه الاسره هي اللي هتلمكم .
_ صالحني يامعتز .
=وانتي صالحيني .
_مش هصالحك انا
= بحبك ياكرشوا
_ بحبك ياقرعتي
= ساره:علاقه مُقززه ياربي مليئه بالإهانات
_ بس يابت إيش فهمك ف الحب إنتي هو ده هرم حُبنا.
= ماشي ياأم هرم إتفرجي وإنتي ساكته .
_لميس: هات المخده اللي ساند عليها ايدك دي يامعتز
= ليه !
_ هات بقول .
= خدي
_اتفضلي ياتيتا ريحي ضهرك .
= لا ياحبيبتي أنا مرتاحه كده .
_ لا مينفعش دي كمان عائشه نايمه علي كتفك
“بصت بعيونها علي معتز بمعني إنها مينفعش تنام وهو موجود ..لميس فهمتها .
_ لميس: معتز ..م تنزل تشوف عمر انت مش قولت هتشوفه عشان عاوزك ف موضوع مزعله .
_”بيبص ف الساعه” أه والله عندك حق انا هنزل عن إذنكم ..سلام عليكم.
= وعليكم السلام .
_ يلا ياتيتا معتز نزل نامي شويه لحد ما ليل ومؤمن يجوا.
= ماشي يابنتي بس لو لؤي صحي صحوني أتعدل علي طول ..
_ عيني حاضر
“بتنام علي المخده وبتاخد عائشه علي كتفها وبيناموا “.
______________
علي الجانب الأخر ..
ليل ومؤمن ويوسف بيوصلوا عند الفيلا ..
_مؤمن ب اطمئنان: متقلقش ياعم فؤاد هتكون كويسه .
= ماجد وفؤاد علامات الخوف والرهبه باينه علي ملامحهم ماجد بخوف: المستشفي قريبه !
_ اه قريبه متقلقش معايا عربيه يوسف أخويا هناخدها ونطلع بسرعه بيها هناك.
= ليل : وانا اتصلت بالدكتوره بتاعتي لاقيتها موجوده ف المستشفي متقلقش حضرتك هتكون كويسه .
_يارب
_ سعد: نيجي معاك انا وسمير ياعمي !
_ لا خليكوا يابني ف البيت هروح انا وماجد ربنا يسترها.
= سمير: لو احتاجت حد فينا رن فورًا ياعمي
_ حاضر يابني متقلقوش.
= سعد بيقرب علي ماجد وبيديلوا فلوس ف ايدوا. : خليهم معاك
_ معايا متقلقش لو احتاجت حاجه هكلمك.
= خليهم ولو احتاجت تاني كلمني ..خير عمي مغرقني الله يرحمه .
_ “بياخد منهُ الفلوس ” كتر خيرك ياابن عمي
“بيحط الفلوس ف جيبهُ”
“ماجد بيشيل أسيل لحد العربيه وقتها كانت أسيل بتتوجع من شده الألم كانت بتضغط ب إيديها علي ليل وبتميل عليها وقتها ليل كانت بتحاول تطمنها إن المستشفي قربت كانت بتقرألها أدعيه وقرآن ..لكن الليل الرهبه والخوف كانوا مالين قلبها
_ ليل بخوف: زود السرعه شويه يايوسف .
= فاضل 3 دقايق ونكون قدام المستشفي.
_ ماشي ..خلاص يااسيل متقلقيش .
= أسيل بنبره مليانه بُكا : حاسه إني هموت بجد .
_ بعد الشر متقلقيش خلاص هانت اهو .
______________
“بعد مرور 3 دقايق..ماجد ومؤمن بينادوا الممرضين بيجيبوا السرير المُتحرك بيشيلوا أسيل عليه وتدخل غرفه العمليات .
_ ليل: دكتوره هي هتولد !
= للاسف اه حالتها مينفعش تستني اكتر من كده .
_ بس كده ولاده مُبكره!
= بالظبط كده
” الدكتور دخلت بإستعجال لغرفه العمليات
الكل كان رايح جاي بتوتر
_ ماجد بصوت مسموع : يارب مش محتاج حاجه غير تقوم بالسلامه أي حاجه تتعوض هي لأ ..يارب قومهالي بالسلامه
_____________
بعد مرور ساعه الدكتور خرجت من العمليات ..شالت الكمامه والجوانتي ..خدت نفس طويل إبتلعت ريقها وردت علي السؤال المتكرر من الكُل ..
_ ياجماعه إهدوا متقلقوش الحمدلله المدام والولد كويسين بس الولد هيحتاج يتحط ف الحضَانة عشان الرئه مش مُكتمله الولد نازل ف الشهر السابع .
_ ماجد: طب إعملوا كل اللازم وانا تحت امرك ف أي فلوس.
= الامر لله يافندم حمدلله علي سلامه المدام وربنا يطمنك علي إبنك.
_ “ماجد بفرحه تصاحبها دموع ” يارب الله يسلمك يادكتوره ..الحمدلله ..”بيحضن عمهُ ومؤمن “.
_ ليل بفرحه: الف الف مبروك
= الله يبارك فيكي ،شكرا تعبتكم معايا والله.
= مؤمن :ولا تعب ولا اي حاجه متقولش كده حمدلله علي سلامتهم.
_ ماجد:الله يسلمك يارب،بس انا عاوز اشوف الولد
= مؤمن بيوجهه سؤال ل ليل: تعرفي فين مكان الحضَانة !
_ اه ،أخر الطُرقه يمين .
= طب يلا نروح نشوفه ..
“بيروحوا عند الحضَانة.
_الممرضه:اسم حضرتك ايه!
= ماجد فرغلي .
_تمام ممكن تستني برا وأقف قصاد ازاز الاوضه لسلامه الاطفال من اي عدوى وانا هشاور لحضرتك علي إبنك.
_ ماشي .
“بيقف قصاد ازاز الاوضه “
_بيبتسم اول ما بتشاروله علي ابنه ..
_ بيقول بصوت مليان فرحه: شايف ياعمي عمر حلو إزاي!
= زي القمر ،هتسميه عمر!
_ اه علي اسم اخويا .
= جميل ياحبيبي شبه اسيل.
_ لأ شبهي علي فكره.
= مؤمن بمشاكسه: لا شبهك ولا شبهه اسيل شبه فؤاد بيه .
_ فؤاد وهو مبتسم:والله يابني فيك الخير ..اتصدق شبهي فعلا
= ماجد: أنا أطول يكون شبهك
_ أيوه يابكاش ماشي ماشي ..
مبروك يابني
_ الله يبارك فيك ياعمي
________________
بعد مرور نص ساعه ..
______________
ماجد بيتجه لغرفه أسيل .
_ حمدلله علي سلامتك ياحبيبتي .
= الله يسلمك ياحبيبي ،الولد كويس!
_ اه كويس وزي الفل كمان وقمر شبهك .
= عايزه أشوفه.
_ حاضر،بس تبقي كويسه الاول والجرح يلم عشان تقدري تقعدي وتشيليه .
_ انت بتتهرب مني والولد تعبان صح!
= ليه التشاؤم ده!الولد كويس جدا كمان.
_الحمدلله
= ارتاحي انتي دلوقتي .
_ حاضر ،بابا برا!
= اه برا
_ ماشي ياحبيبي خلي بالك من الولد
= متقلقيش هنا الممرضين كويسين جدا..مفيش احسن ولا اجدع من ناس بلدنا يابنتي .
_ يعني مش هنسافر تاني!
= لما تقومي بالسلامه نتكلم ف الموضوع ده .
_ ماشي ياحبيبي .
” بيخرج برا ويطمنهم علي اسيل ..
________________
“بعد مرور وقت”
يوسف ومؤمن وليل بيركبوا العربيه
______________
_ كنت قلقانه عليها .
= عارف والحمدلله اطمنا عليها .
_ الحمدلله ..كانت صعبانه عليا اوي ..هو كده ماجد وعم فؤاد هيروحوا !
= لا هيقعدوا معاها مُرافق
_ هينفع شخصين!
= اه ينفع هيدفعوا فلوس والدنيا هتمشي.
_ طب كويس علي الاقل يخلوا بالهم منها .
_هي المستشفي كويسه والدكاتره كويسين بصراحه .
_ اه فعلا .
_يوسف: زمان معتز خلص كل المقرمشات والحلويات
_ همك علي بطنك انت ومعتز
= قاعد بتخيل دلوقتي هل البطيخه مسكره ولا ماسخه !
_طب ركز ف الطريق بدل ما نلبس ف شجره .
=عيب عليك .
______________
علي الجانب الاخر ف فيلا فرغلي
______________
_ طب الحمدلله الف الف مبروك ياابن عمي.
= الله يبارك فيك ياحبيبي
_ والله لولا الظروف كنت خليت امي او سميه يزغرطوا .
_ عارف والله ..
= طب هتعملوا ايه !
_ هنبات معاها .
= طب معاك فلوس .
_ اه الحمدلله ،انتو خدوا راحتكم ياسعد البيت بيتكم .
_ حاضر ياابو عمر ..هنيجي بكره نطمن علي أسيل
= إن شاء الله ،تصبحوا علي خير .
_ وانت من اهل الخير.
_ سميه : ها اسيل عملت ايه !
= ولدت الحمدلله .
_ بفرحه: الحمدلله مبروك.
= “بيغمزلها”عقبالنا
_ ابتسمت وبصت ف الارض بخجل : ان شاء الله .
_ سمير: الحمدلله عاوزين نروح نطمن عليها بكره .
= ان شاء الله .
_ام سمير وسعد: طب هي هتيجي البيت امتي!
= مش عارف ياامي ليه!
_ لازم يابني اعملها أكله تصلُب بيها طولها.
= حاضر قبل م تطلع هبقي اقولك .
_ ماشي يابني .
______________
علي الجانب الاخر
_____________
ندي: طب وانتي عملتي ايه يامي!
= معملتش ياندي
_ ليه حساكي مش زعلانه ،ولا زعلانه وبتحاولي تباني بالثبات ده! انا مش شايفاكي عشان احكم عليكي بس نبره صوتك أكدتلي ده
_ زعلانه الزعل الهادي إللي اي حد يشوفني يقول إني بخير
_ طب وانتي من جواكي مش بخير صح!
= مش عارفه !
_ ازاي مش عارفه!
= متلغبطه ياندي متلغبطه ..متشتته اوي..تعبت من كوني ببان ثابته وصامده وبضحك وكإن مفيش حاجه تعبت من كوني بكدب طول الوقت علي نفسي بضحك وبهزر حتي لو بحكي وجعي ف بحكيه بضحكه كإنه مسببليش اي وجع أو شرخ ..شرخ صعب يتداوى..
_ هو السبب صح!
= مش طايقه حتي إسمه يتجاب قصادي هو السبب ..هو السبب ف كل حاجه وجعتني وأذيتني
_ بس هو بيحبك
=بسخريه: بيحبني !كان ..فعل ماضي ياحبيبتي .
_ ممكن يكون مَل أو زهق لكن بيحبك والله.
= متحلفيش بالله ،إللي بيحب مبيزهقش ..مبيملش ..طاقته خلصت ! ف هو إللي خلى طاقتنا إحنا الإتنين تخلص،
هو كان بيحبني ..كنت حلم بالنسباله ووصلهُ وخلاص بقي يعني حاجه كنت عايزها وبقت معايا ايه تاني بقي!ولو علي كلامك انه خلاص زهق ف هو كده محبنيش ..انا مش زعلانه انه مشي او سابني أمشي وممسكش فيا.. او ممكن اكون زعلانه فعلا علي رد فعله علي رحيلي من حياته وهو كان “الإستسلام” سابني بسهوله وكإنه متعبش عشان يوصلي!..إسلوبه وأفعاله إللي بينهالي بعد مامشيت شككتني فيه، وفِ انه حبني ف يوم اصلا،لو كان شخص ناضج فِ بُعدي عنهُ مكنش اتصرف بالتصرفات إللي خليتني أتقفل منهُ بالطريقه دي ولا كان عَمل كام حاجه تثبتلي إني فعلا ولا حاجه عندو كده..اتبدل ياندي..حسيت إني بقارن شخص حبيته ب شخص تاني خالص معايا دلوقتي رغم انه هو هو نفس الشخص لكن اتغير تمامًا إحساس إني هونت عليه يسيبني أمشي وبقي هو يكرر كلمه امشي..ياإما يقول أنا اللي همشي ..حسسني انه خلاص بايعني ومش عايزني واني كنت جبل فوق قلبه وما صدق اني فضفضت بكلام تعرفي لما كتبت الكلام ده كنت مستنيه منهُ رد فعل تاني خالص رد عليا ب “امشي”..احساس انك كنتي عاوزه رد فعل معين ويحصل عكسه احساس صعب ،افعاله اكدتلي كده مش مجرد كلمه اللي هو امشي وخلاص لا ده اثبتلي بحاجات كتير اوي عملها، انا مش زعلانه علي فكره بالعكس خالص والله ،بس مكنتش عاوزاه هو بالذات يكون من ضمن الناس اللي حسستني بالهزيمه ف يوم ..مكنتش عايزاه يمشي ولسه جوايا أساله كتير محيراني !
_ طب اعتبريني انا هو واساليني
= ليه دخلت حياتي من البدايه ! ليه محسستنيش اني عملت عشانك حاجات زي ما كنت كل مره هاين عليا اسقفلك لو قولتلي كلمه حلوه وبقدرك ..ليه دايما كنت بتدققلي علي الكلمه والحرف ليه مفضلتش زي ماانت بتاع زمان اللي كان بيعدي ويصالح ويطبطب حتي لو كنت غلطانه ليه معاملتنيش ك بنتك فعلا! ليه زرعت جوايا خوف ورهبه منك ومن الناس ..انا حطيت كل ثقتي فيك ليه دلوقتي بتقولي ده اختيارك وانتي مشيتي ليه حسستني انك بقيت مش عاوزني بعد ما كنت بتمسك فيا ب ايديك وسنانك!ليه مكنتش الشخص اللي اتكلم معاه علي راحتي من غير خوف انه هيدققلي علي الحرف! ليه مفضلتش انت! ليه دايما شايفني انا غلطانه حتي لو مش غلطانه والموضوع ممكن يعدي ..ليه زمان كنت بتعدي الاصعب ودلوقتي حتي السهل مش بتعديه! ليه بايع بسهوله! ليه دموعي رخيصه عندك ! ليه معززتش كرامتي !
_ عشان باختصار البدايات دايما لطيفه يامي وكل شخص بيحاول يطلع أجمل ماعنده عشان يعلق الطرف التاني بيه ويحبهُ ..بعدها خلاص كل حاجه بتبان كل حاجه اتزيفت بانت علي حقيقتها ..بس الشخص البايع ويسببلك رهبه ورعب وخوف منهُ ويخليكي تخافي تثقي ف حد تاني لازم تنسيه .
_ الذكريات ..هتصدقيني لو قولتلك لسه بفتكرله الحلو ..الحلو بتاعه كتير ورغم زعلي منهُ إلا إني بفتكرله الحلو ..الذكريات دايما هي العامل اللي مسيطر عليا ف الوقت ده ..أنا هنساه يابنتي مع الوقت وعادي هو اختار او انا اختارت.. اللي حسسهوني واللي قلبي حاسس بيه لا هو هيعرف يداويه ولا حتي غيروا ..انا بس اللي هعرف اقف علي حيلي من تاني ..وأسند نفسي بس من غير ناس ومن غير حب ومن غير أي حاجه.
_ مينفعش تعيشي من غير ناس .
= هاخد حذري منهم ..مش هآمن لحد تاني مش هسلم قلبي لحد تاني ياندى.
_ لو رجعلك هتوافقي !
= ارجع بعد المده دي كلها ! انا هونت عليه ..يابنتي انا مكنتش بهون عليه يسيبني زعلانه خمس دقايق دلوقتي مفارقني بقاله مُده وميعرفش عني حاجه وزي مااكون حمل كان علي قلبه وإنزاح خلاص عادي
= هتحني لو رجع!
_ “ضحكت بسخريه:” مبرجعش بمزاج حد ياندى .
= خلاص خدي فتره مع نفسك كده وادي فرصه لحد جديد.
_ الفرصه اللي هديها لحد جديد هيكون شخص يخبط علي باب بيتي ويقول انا عايزها غير كده مش عايزه..وبردو مش هآمن بسهوله ..محدش بيتعلم ببلاش .
= مسامحاه !
_ اه مسامحاه ..عشان مش عايزه اقابلهُ حتي يوم القيامه ..هو شايف انه مأذنيش وإني ظالماه وإني مفتريه وشايف إنسحابه من حياتي وعدم تمسكهُ بيا وانه بيقولي امشي ده أمر عادي ..لكن ميعرفش ده سبب إيه ليا وأنا إللي ميحسسنيش إني حاجه غاليه يخاف يخسرها عمروا ما هيطولني تاني .
_ مش عايزه اشوفك كده
= كده إيه يابنتي! انا بجد كويسه وحقيقي فوقت لنفسي وإتعلمت حاجات كتير أوي.
_ إتعلمتي إيه!
= متعشمش فِ حد
_ هتخليني أعيط
= وليه تعيطي ! يابنتي انا اللي قادره علي التحدي والمواجهه بجد مش هزار .
_ ياسلام !
_ اه ياباشا والله
= باشاا!
_ندي انا مش رقيقه ف مش هعاملك علي انك انثي والجو ده .
= طب قولي التيك توك بتاع الولد اللي بيقول انت منين ياصاحبي .
_ “بتضحك ” طب حافظه عشان تقولي معايا !
= اه ..يلا .
“بيتقمصوا صوت الولد”.
_ إيه يازميلي هطلعلي صوره!
= أه 4×6
_ يازميلي أصلك انت بصتلي كتير وده ف علم النفس حاجتين اي واحد يبصلك ياما ياإما بيحبك ياإما مش جاي معاك سكه وعاوز يعورك ف وشك
_ لا أجدع أعورك إيه أجدع عيب عليك إنت قاعد جمب راجل كويس
=لا يابا يكرم من أجل نفسهُ
_أخويا الكبير يحبني ويخاف عليا
=إنت منين بقي ياصاحبي!
_ ياابا أنا من أي جيهه تخاف تجيها .
= ياأجدع إنت قول كلام غير ده منين بجد واللهِ
_من كارموز ياصاحبي
_مُربع موووت،عارف إستاد الطرانش
=روح قوله بس كنت قاعد معايا إمبارح روح قوله التوت أبو شارون بس
_ ياأجدع إنتتتَ!
=لأ عيب عليك لا يابا انت تجيلي الجيها تنور وأتشرف بيك
_خلاص فصلتيني والله عمر ما شوفت واحده زعلانه هي اللي تضحكني .
= ليه مصممه اني زعلانه أجدع إنت قول كلام غير ده
_ “بتضحك”طب هقفل حسام بيتصل .
= طب روحي ياست المخطوبه وسلميلي عليه .
_ حاضر ،الله يسلمك ..باي
= باي ياحبيبتي .
” مي فتحت الموبايل ..فتحت الشات إللي كان مابينهم ضحكت بسخريه علي الذكريات والكلام والوعود إللي متنفذتش ..بصت علي صوره البروفايل إللي إختفت بسبب البلوك إللي كان نهايه علاقتهم ..بصت علي جُمله ..كانت قايلهالهُ.
_” متسبنيش أنا هتعب من غيرك أنا عمري ماكنت ضعيفه كده قدام حد ولا عمري قولت لحد خليك عشاني وقولتلهالك ف متمشيش.”
_ مش هسيبك وعد ..مش هيفرف بينا غير الموت.
فتحت المسدجات المميزه وقلبت فيها وعينيها جت علي مسدج من 2018 .
_ مش هتقولي ف النهايه امشي ! ومفيش نصيب .
= مش هسيبك ..خليكي فاكراها كويس اوي انا مش زي حد مش هسيبك .
ضحكت بهستيريه فضلت تقلب ف الشات كإنها كانت بتودع كلماتهُ المُزيفه ووعودهُ ..
إتنهدت تنهيده طويله ..
داست علي زر مسح الشات ..الخطوه مكنتش سهله ..لكنها قررت تتخطاه من قلبها زي ماهو عَمل ..مسحت صورهم سوا وصوروا الشخصيه ..مسحت الإسكرينات اللي كانت بتحتوي علي كلامه الحلو ..
قفلت تليفونها وحضنت مخدتها ونامت .
“مي كانت صاحبه ندى وجيران من صغرهم وفرقتهم الدنيا لما كبروا ،مي عزلت لمكان تاني وجمعتهم صدفه وخدوا ارقام بعض ..وكانت اول مكالمه بعد غياب هي ان مي تحكي اللي جواها لندى ..”
_____________
علي الجانب الأخر
_____________
ليل ومؤمن ويوسف،بيوصلوا البيت
_____________
_ سلام عليكم .
= وعليكم السلام .
_ ايه ده كلهم ناموا!
= اه مفيش غيري انا وحور وساره..المهم البنت عملت ايه.
_ ولدت الحمدلله .
= طب الحمدلله .
_ معتز راح فين!
= مشي راح لعمر علي القهوه .
_ طب انا هنزله ..هتنزل يامؤمن معايا !
= ماشي ..هتعوزي حاجه من تحت ياليل !
_ لا ياحبيبي سلامتك.
= مش هتاخر
_ ماشي هقعد مع البنات هنا وخلص قعدتك وتعالي .
= ماشي .
“لؤي بيفوق علي صوتهم وبصوت غالبه النعاس”: هاتي المفتاح ياحور اقوم اكمل نومي تحت.
_ خد اهو وخد مازن معاك
= لحسن أقع بيه يابنتي
_ لا فوق كده بس وانت هتنزل بالسلامه ده هو دور بس .
= ماشي ..بسم الله تعالي ياحبيب بابا ..متنسيش الهدوم تجيبيها وانتي نازله .
_ حاضر.
= ليل: مين جاب البطانيه دي !
_ ساره: انا نزلت جيبتها وغطيت بيها عائشه وتيتا فاطمه والبطانيه دي التانيه غطيت بيها انس ورودينا ومروان.
_ والله جدعه ،هاتي طبق البطيخ ده كده .
= خدي ،البت قامت بالسلامه.!
_ اه الحمدلله يالميس والله كنت قلقانه عليها ..
= الحمدلله ..وانتي ابن اخويا عامل ايه !
_ ابن اخوكي مين !
= وكسه توكسك اكتر ماانتي موكوسه نسيتي انك حامل!
= اه والله نسيت اتصدقي ،اهو كويس الحمدلله بس انتي ايش عرفك انه ولد!
= احساسي مبيكدبش ياختي ..ربنا يقومك بالسلامه.
= يارب ..البطيخ مسكر ف تاني ليوسف ومؤمن !.
= اه ف الطبق التاني مليان كلي ،اهم حاجه الواد .
_ ماشي ،ايه الفيلم اللي هيجي بقي !.
= والله ماعارفه بقالها ساعه الاعلانات ومفيش حاجه عدله ولا فيلم عدل حتي .
_ حولي طيب اكيد هتلاقي ..
_ ماشي .
_____________
بعد مرور إسبوع ..معاد جلسه ممدوح هو نفس اليوم اللي هتخرج ف اسيل ..بعد محاولات كتير من الدكاتره بخروج عمر مع اسيل وانه يروح معاها ..وكم التحذيرات إن الولد ممكن يكون ف خطر إلا إن ماجد وأسيل أصروا علي إن عمر يخرج معاهم وهيجيبولهُ كل الاجهزه اللازمه وممرضه ترافقه بس يكون قصادهم ..
_ حمدلله علي سلامتك ياحبيبتي اما انا بقي عاملالك بط وفراخ ولا تقوليلي بقي مطاعم والكلام ده.
_ تسلم ايدك يامرات عمي تعبتي نفسك.
_ تعب ايه بس انتي بنتي .
= سميه : حمدلله علي سلامتك يااسيل.
_ الله يسلمك ياحبيبتي عقبالك ،بس ان شاء الله تكوني احسن مني يارب ..ويكمل فرحتك ب ابنك علي خير .
_ ربنا يخليكي يارب .
_ ماجد : يلا ادخلي استريحي .
_ اسيل بخوف: طب وعمر!
= متقلقيش ..هروح أجيبوا كمان ساعه متقلقيش هو والممرضه ويكون الجهاز بقي موجود
_ اوعي الوقت يفوتك ياماجد
= هنسى ابني ياهبله! ..ادخلي استريحي يلا.
_ حاضر .
______________
سعد ملامح وشه اتغيرت .
_ سميه بقلق: مالك ياسعد.
= معاد جلسه ابويا النهارده
_ هتروح !
= اه هروح ..هتيجي معايا ياسمير !
_ لا .
= وانتي ياامي !
_ لا يابني مش طايقه عيني تيجي ف عينه
= وانت ياماجد !
_ ابني اهم ياسعد ..ووجودي قصاد عمي هيفتكر اني شمتان وانا بالعكس والله زعلان عليه وعلي كل اللي حصل .
_ وانت ياعمي فؤاد!
= هاجي معاك .
_ ماشي ياعمي يلا نتحرك يادوب نلحق.
______________
“بيتحركوا بالعربيه ” ..سعد كان طول الطريق سرحان ومهموم .
_ مالك يابني !
= خايف اواجهه!
_ مفروض هو اللي يكون خايف ويهرب من المواجهه.
= وثق فيا وانا خدعته.
_ كنت هتتعب لو معملتش كده ..انت معملتش غير الصح.
= أذيته أوي ..
_ كما تدين تدان.
= مكنتش عاوز اكون انا السبب ياعمي
_ ندمان!
= مش عارف ..بس زعلان وتعبان..
_ زعلان عشان الانتقام جيه منك انت ..تفتكر لو كان حد تاني انتقم من ابوك مكنتش هتزعل .
_ كنت هزعل.
= دي الفِطره يابني حتي لو كان بينك وبين ابوك ايه وحد اذاه هتيجي عليه هو بالعكس كنت هتحس بالانتقام تجاه الشخص ده ..وكنت هتحس انك شخص مؤذي
_تفتكر .
_ اه ياابني ،كلنا هنموت وابوك هو اللي اختار الموته بتاعته تكون كده كان فاكر ان الموت بعيد عنه وانه هيفضل يإذي الناس وميتأذيش ..ربنا كان لازم يعرفوا ويدوقوا من نفس الكاس اللي دوق اخويا فرغلي منه كان واثق فيه وهو اللي كان السبب ف موتوا .
_عندك حق ياعمي .
_____________
“بيوصلوا المحكمه ..”.
سعد بيقرب علي القفص اللي ابوه محبوس جواه والحديد كان الفاصل بينهم.
ابوه كان بيبصله نظرات خيبه ظن فيه .
_ ليه ياسعد!
= كان نفسي أسالك إنت السؤال ده ليه عملت كل ده !
_ عشانكم ..عشان مكنتش عاوز احسسكم انكم اقل من حد
= عشانك ،عملت كل ده عشانك انت عشان مش عاوز حد احسن ولا أعلي منك.
_ انا مش اناني .
= كل ده ومش اناني !
_ طعنتني ف ضهري ..اللي مزعلني ان الخنجر جيه منك انت .
_ نفس الخنجر اللي قتلت بيه عمي .
= ليه بتهاجمني .
_ ليه مش معترف بغلطك!
= عشان اتظلمت .
_ اتظلمت ف ايه!
= مخدتش نصيبي ولا اي حاجه عاوزها ف الدنيا ف كان لازم احارب واخدها.
_ تاخدها بالقتل ! والحاجه دي لو نصيبك ربنا هيكتبهالك من غير حرب وقتل وموت .
” قاطع كلامهم صوت المستشار وهو بيقول “..
كله يقعد مكانه لو سمحت .
” ابتدوا يقعدوا وممدوح باصص ل سعد وفؤاد بخوف رغم محاولاته بإظهاروا انه قوى ومش ندمان ..غمض عيونه جامد وضَم علي إيدوا ..
حكمت المحكمه حضوريًا علي المتهم ممدوح سعيد بالإعدام شنقًا ..رُفعت الجلسه “.
“فتح عيونه وإتحررت دموعه ..قرب عليه سعد وفؤاد “.
_ فؤاد: استفادت ايه بس ياأخويا .! ليه كده بس !
= …..
_ سعد بلغه ممزوجه ببكاء:استغفر ربنا ..قول انا ندمان ..قول عشان متروحلوش وانت كده .
“بيفقد وعيهُ”.
_ ابويااااا.
يتبع..
لقراءة الفصل الثالث والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران