رواية الليل وسماه الفصل السادس عشر 16 بقلم ليل أحمد

رواية الليل وسماه الفصل السادس عشر 16 بقلم ليل أحمد

رواية الليل وسماه البارت السادس عشر

رواية الليل وسماه الجزء السادس عشر

رواية الليل وسماه الحلقة السادسة عشر

“الليل وسماه”
البارت السادس عشر والأخير”
أما عنى فلست بحاجه الى العالم مادُمت بأحضانى، أعظم انتصاراتى، سيظل قلبى مُتيماً بك ينبض عشقاً لك…..
فى منزل سهير والدة رغد
كان موجود آسر ولين وسامر ورغد ووالدتها
متجمعين على السفره، فبعد قرائه الفاتحه انتقلت لين لقضاء هذا الشهر مع رغد ووالدتها وانتقل اسر للعيش مع سامر
سهير:جهزوا بقى نفسكم لان المفروض بكره كتب كتابكوا
آسر: ماتشيليش هم انتى يا سوسو كل شئ تمام
سامر: والله مانا خايف غير منك يا جدع طول عمرك وش مصايب.
آسر بتحذير: صدقنى لو قمت لك مش هاخليهم يعرفوا لك ملامح واطن انت جربت قبل كده.
سهير: نفسى اعرف انتم الاتنين هاتفتحوا بيوت وتشيلوا مسؤليه اسره ازاى بس.
رغد بتأييد: صح يا ماما انا بقول نصبر شويه علشان مانكونش اتدبسنا
لين: وانا معاها

سامر:ده طلب جمهورى بقى
آسر بمرح: اركن على جنب كده يا وش المصايب، بقولكوا ايه هو كتب الكتاب بكره والفرح بعد اسبوعين مع سليم انا مش زيه والله انا عاقل.
سامر: هو انا كده بتشتم صح ولا انا غلطان
آسر: انت بتسال، ثم انت نفسك عارف انك تافه، فيه شخص عاقل علشان ينتقم من صاحبه يحط له دقيق فى شنطه العربيه ويبلغ عنه لاء والمشكله ان صاحبه ظابط كنت هاتضيع مستقبلى يا كلب لولا ما واحد صاحبى شافه وقال انه دقيق.
سُهير: لاء ده انا اخاف على بنتى.
آسر: طبعاً بقولك بلغ عنى، ده انا كنت فى نص هدومي لما سيادة اللواء سألنى ايه الدقيق ده قلت له هاعمل بيه كيك لانى بحبها، منك لله يا سامر كل ده علشان عايز اتجوز اختك.
رغد: امال لو انا زعلتك فى يوم هاتعمل ايه؟
سامر: هاعاقبك
رغد: تعاقبني! ليه هو انا عيله صغيره؟ وهاتعاقبنى ازاى بقى؟
سامر: لاء وقتها هاتعرفى.
بص له آسر بخبث وانفجر فى الضحك
سامر بص لآسر: اهدى يا كابتن
سهير: بطلوا غلبه بقى وخلصوا اكل على ما اعمل لكوا الشاى وتشربوه فى البلكونه.
بص لها اسر بسعاده من اول يوم وهى اعتبرته ابنها
لاول مره يحس بدفى العيله من بعد وفاة والده، لاول مره يدوق طعم سعاده الاسره كان دايماً عايش وحيد معندوش صحاب غير سليم وسامر يمكن عوضوه شويه وملوا عليه حياته، بس الانسان من غير أم زى البيت من غير عِمدان من غير اساس مُهدد بالانهيار فى اى لحظه، ببساطه حُضن الاُم ودفى الاب والاحساس بالامان فى وجودهم ولا كنوز الدنيا تعوضهم..
__________________________________
فى البيت الكبير للعائله
كانوا متجمعين فى الصالون

عبدالعزيز: مالك مقالش هيجى امتى؟
محمد: هايجى قبل فرح سليم بيومين.
عبدالعزيز:ي عنى مش هايحضر كتب الكتاب، طب ليه كده.
سليم: عريس بقى وفى شهر عسل وأكمل بضحك مع ان زمانه بيدعى عليا والله.
طارق: ليه يعنى؟ وبعدين هو فى تركيا ايه اللى وصله لك.
سليم بضحك وهو بيفتكر رد فعل مالك: ماهو انا نزلته الفرع اللى هناك من يومين كان فيه شويه شغل كده.
طارق بغيظ: حتى شهر العسل مش مهنيه عليه، والله لايطلع عليك.
رد أحمد: مش لو عرفنا له مكان الاول ده خبيث.
سليم: هاقوم لك
أحمد: بمدح فيك
سليم: لا والله.
عبدالعزيز: سيبك منه يا سليم وخليك معايا، جهزت كل حاجه؟
سليم: اها كل حاجه تمام، حجزت المكان وعملت كروت دعوه بس للقرايب والزملاء وكده يعنى مش هايكونوا كتير
عبدالعزيز: تمام، وآسر وسامر اخبارهم
سليم: جهزوا هنا كمان، هاقوم انا بقى اظبط الشغل بتاع بكره.
كلهم: اتفضل
قام سليم وأخد الابتوب بتاعه وطلع مكانه المفضل لانه مفضل او ممكن نقول مفضل لشخصه المُفضل.
قعد على الترابيزه وبدأ شغل بعدها بعشر دقايق سمع صوت خرفشه جايه من وراه بس بعيده شويه
بيبص لقى حد قاعد وعاطي له ضهره لما قرب من المكان لاقها ليل اللى اول مالمحت انعكاس شخص وراها خبت اللى فى ايديها.
سليم وهو بيمد ايديه: اطلعى باللى مخبياه.
ليل: مش مخبيه حاجه دى دى هوهوز اها حتى شوف وطلعت له منها
سليم: تؤ تو اللى خبيتيه يلااا
ليل بخوف: مش هاتزعق زى ماما.
سليم: لاء
ليل: وعد! اها اوعدني ماتبصليش كده كلكوا فالاول كده واول ماتشوفوا اللى معايا يتخلفوا وعدكم
سليم: وعد
خرجت ليل من شنطه فى ايديها كيسين اندومى وهى موطيه راسها
سليم باستغراب وهدوء: اندومى!
بصت له ليل:اها ماهو انت لازم تتعود عليه علشان مش بعرف اعمل غيره اصلاً
سليم: اصلاً! شكلى اتخميت ولا ايه
ليل: بتقول ايه؟ لا سمعنى معلش تانى كده
سليم: بقول مش مشكله يا حبيبتى هانطلب دليفري، طب اقولك سر انا بحب الاندومى
ليل بحماس: بجد! ده كده فل قوى
سليم: يلا قومى انزلى تحت
ليل: ممكن اقعد معاك شويه؟
سليم: المشكله انى قلت عندى شغل…لو باباكى عرف انك هنا ممكن يلغى الجوازه وهو ما هايصدق اصلاً
ليل بضحك: طب اقعد تعالى.
سليم:على الارض؟

ليل: بقولك ايه بلاش تناكه معلش مالها الارض مافيه نجيله اهه وبعدين مان…
سليم: باااااس مقصدش انتى ايه بالعه راديو افصلى
قعد سليم وهو بيبص لها بطرف عينيه بغيظ: كتماها ليه طلعيها.
انفجرت ليل من الضحك وهو باصه للسما، قلبه رقص بعد ضحكتها واترسمت ابتسامه بسيطه على شفايفه وسرح فى ضحكتها
انتبهت ليل لنفسها وانه سرح فى ملامحها وشها احمر من الكسوف فشاورت بإيديها قدام وشه: انت يا كابتن روحت فين؟
سليم بتوهان: ماتضحكيش تانى.
ليل باستغراب: اشمعنا؟
سليم: بتكلم جد والله لغايه مانكتب الكتاب بس، تعرفى انى بفرح لضحكتك حتى لو شايل هم الدنيا فوق كتافي
ضحكت ليل على كلامه: مين كان يصدق ان ليل وسليم اللى كان وقتهم كله خناق وهما صغيرين انهم ومش بيطيقوا بعض هايتجوزوا بكره لاء والمصيبه انهم بيحبوا بعض.
سليم: تعديل بسيط مين قالك انى ماكنتش بطيقك بالعكس انا كنت بحبك من وانتى طفله بضفاير لسه وكنت بغير عليكى من مالك علشان كده كنت بتخانق معاكى، للاسف سليم عاشق لـ ليل من صغره وكبر على حبه ليها وانه يدعى بيها فى كل صلاه له.
ليل: تعرف ان انا اول ماتكلمت معاك حسيت ان فيه شئ غريب بيحركنى تجاهك، انا للاسف بخاف من الناس والعالم ماتعاملتش مع اى راجل غير جدو وبابا وعمو واحمد وابيه مالك بس الغريبه انى ماحسيتش بالخوف ده تجاهك وكأن قلبى بيقول لى هو ده النص التانى اللى هايكملنى حسيت بأمان غريب محاوطنى فى وجودك.
ابتسم لها سليم بحب وباس ايديها وبصوا للسماء و
شكل القمر والنجوم
الليل وسماه ونجومه وقمره، قمره وسهره
وإنت وأنا يا حبيبي أنا يا حياتي أنا
__________________________________
جه تانى يوم على ابطالنا ما بين ترتيبات وفرحه
كانت ليل لابسه دريس بيبى بلو وطرحه اوف وايت.
وسليم بدله باللون الاسود وقميص أبيض مفتوح اول زرارين وجزمه باللون الاسود.
لين كانت لابسه دريس ازرق بلون عيونها وطرحه اوف وايت وميكب سيمبل (كانت شبه اميرات ديزنى)
أسر كان لابس بدله كحلى وقميص ابيض من غير جرافت ورافع شعره الاسود مع تسريحه كلاسيك.
رغد كانت لابسه دريس رصاصى لامع وطرحه بدرجه اعمق وميكب هادى جداً
سامر كان لابس بدله بنفس لون بدله سليم ورافع شعره البنى الناعم.
سلمى كانت لابسه دريس بيبى بلو هادى جداً ورقيق وطرحه من نفس اللون.
أحمد كان لابس بدله باللون البنى وقميص ابيض وجزمه باللون الاسود وساعه بنفس لون البدله ورافع شعره الاسود.
كانوا موجودين فى قاعه فخمه ومتجمع القرايب والصُحاب .
بدأت الحفله بتلبيس دبل الخطوبه الخاصه بأحمد وسلمى.
عبدالعزيز:انا هاكون وكيل رغد ومحمد وكيل لين وطارق وكيل ليل يلا ابدأ يا شيخنا
وضع الجد يده بيد سامر وظلوا يرددوا وراء المأذون الى ان سمعوا مقولته الشهيره
“بارك الله لكما وبارك عليكما وجمع بينكما فى خير”
حضنت سهير بنتها بدموع: مبروك يا قلب ماما اخيرا عشت للحظه دى.
رغد وهى بتمسح لها دموعها:الله يبارك فيكى يا ماما ويطول لى فى عمرك يارب

كان سامر واقف قدامها.
سهير:خلى بالك منها يا سامر بنتى مالهاش غيرك من بعدى فى الدنيا دى.
سامر بحب وهو بيبص لرغد: فى قلبى والله
ضحكت سهير: يابنى انا اللى بكلمك، يلا اسيبكم واروح اقابل قرايبنا.
حضنها سامر بقوه وتملك: مبروك عليا انتى.
رغد بكسوف: الله يبارك فيك
فى الجهه الاخرى
كان يجلس طارق وهو يضع يده فى يد سليم ويرددان وراء المأذون الي ان استمعا الي مقولته:
“بارك الله لكما وبارك عليكما وجمع بينكما فى خير”
وصل سليم عند ليل.
وقف طارق قدامه بتحذير: انا عطيت لك اغلى ما املك عارف لو زعلتها.
سليم بمُقاطعه: من غير ماتكمل ماقدرش ازعلها والله عن اذنك بقى.
واخدها من ايدها وخرج من القاعه وسط صدمه طارق والموجودين.
فاق طارق من صدمته واتكلم بعصبيه: خد يلا انت واخدها ورايح على فين.
مسكه الحد من ايده:اسكت بقى وبطل دى بقت مراته.
اتنهد طارق بغيظ من سليم ومن والده اللى واقف فى صفه.
عند المأذون مره ثالثه
كان محمد يضع يده بيد آسر لعقد قرانه على حبيبته لين وسط فرحه لين وآسر وسامر بأخته
كانا يرددان وراء المأذون الا ان استمعا:
“بارك الله لكما وبارك عليكما وجمع بينكما فى خير”
سامر وهو بيحضن آسر: مبروك يا صاحبى، مش محتاج اقولك خلى بالك منها وراح حضن اخته وعيونه دمعت
مبروك يا قلب اخوكى.
لين بدموع: الله يبارك فيك يا حبيبى واكملت بمرح..بس بقى هاقلب زومبى والله.
ضحك سامر وعطاها لاسر بعد تحذيرات سامر لاسر
آسر بحُب وهو بيحضنها: أخيراً انا مش مصدق انك خلاص بقيتى ملكى بعت التعب ده كله
لين بحب وخجل: ولا انا مصدقه انى بقيت ملكك وعلى اسمك.
آسر:بحبك
لين:بعشقك وتبتت فى حضنه اكتر
عند سليم وليل
ليل: طب فهمينى انت رايح فين
ركز سليم فى السواقه: خمس دقايق وهاتعرفى

نفخت ليل بضيق وبصت قدامها
وصلوا عند مطعم فخم ونزل فتح لها الباب ومسك ايدها ودخلوا
ليل بتفاحؤ، المكان مُزين بطريقه جميله وموجود ترابيزه واحده عليها الاكل المُفضل لـ ليل، وموسيقى هاديه جداً: الله المكان تحفه بجد.
حضنها سليم من ضهرها وحط راسه على كتفها:عجبك
ليل بخجل: جداً
لفها له وحضنها جامد: طيب تعالى ناكل بقى.
قعدوا على الترابيزه وكان سليم بيأكل ليل بنفسه وهو بيبص لها بحب، خلصوا فمد ايده ليها:نرقص؟
ليل بفرحه: نرقص.
احتضنها سليم بتملك وهو يتمايل معها وكانت ليل تضع رأسها على صدره مُحتضنه اياه بقوه
سليم:بعشقك يا ليلي
ليل بحُب وهى بتبص فى عيونة: حين تمكن الهوى منى فهوى قلبى اسيراً لعينيك

“الليل وسماه”
حلقة خاصه🖤✨
في منطقه راقية من مناطق القاهره…
فى مساحه شاسعه تتوه العين فيها، خمس فيلات ضخمه على مستوى عالى من التصميم والرُقى
مُحاطين بسور عالى
(فيلا سليم عُمران)
الاشخاص:-
الاب:سليم عُمران ٧٥سنه اتعرفنا عليه الجزء الاول
الاُم:ليل سليم عُمران ٥٢ سنة بطلة الجزء الاول
الابناء
اركان سليم عُمران الابن الاكبر لسليم عُمران ٢٨ سنه،حاصل على ماجستير فى ادارة الاعمال من الجامعه الامريكيه، يمتلك بشره برونزيه كوالده وعيون باللون العسلى كوالدته، طوله ١٨٧ سم يمتلك جسد رياضى، عصبى الى حد كبير، يُدير شركات والده)
جيان سليم عُمران: ٢٢ سنه قصيره الى حد ما تمتلك بشره بيضاء وعيون رماديه تدرس بكلية الهندسه مرحه وتمتلك شخصيه طفوليه
حبيبه سليم عُمران: ٢٠ سنه تدرس بكليه الالسن تمتلك نفس ملامح جيان مع اختلاف لون العيون فعيونها باللون العسلي قصيره بعض الشئ مرحه وتمتلك شخصيه طفوليه
(فيلا مالك الشافعى)
الاب: مالك ٥٦ سنة، اتعرفنا عليه فى الجزء الاول
الام: رهف مالك ٥١سنه اتعرفنا عليها الجزء الاول
الابناء
آدهم مالك الشافعى: الابن الاكبر لـ مالك الشافعى ٢٨ سنه، خريج كلية هندسه، يمتلك بشره بيضاء وعيون بنيه، طوله مُقارب من طول اركان، يمتلك جسد رياضى، حنون جداً مع عائلته وبالاخص أخته، عصبى ومرح بعض الشئ)
ليل مالك الشافعى: ٢٤ سنه، طويله الى حد ما ١٦٣ سم، تمتلك بشره بيضاء وعيون باللون الاسود، مرحه ولكنها جاده فى بعض الاحيان، كلية طب
(فيلا آسر الشرقاوى)
الاب:آسر الشرقاوى ٥٧سنه اتعرفنا عليه الجزء الاول
الام:لين الشرقاوى ٥٤ سنه اتعرفنا عليها البارت الاول
الابناء
يامن الشرقاوى: ٢٧ سنه ظابط فى المخابرات المصريه، يمتلك بشره برونزيه وعيون زرقاء كوالدته، طوله ١٨٩ سم يمتلك جسد رياضى، شخصيه جاده تماماً.
ادم الشرقاوى: ٢٥ سنه، خريج كلية طب يشبه خاله سامر فى الشكل والطباع فيتملك بشره بيضاء وعيون زرقاء وجسد رياضى، مرح وحنون
(فيلا سامر المُحمدى)
الاب:سامر المُحمدى:٥٧ سنه اتعرفنا عليه الجزء الاول
الام:رغد المُحكمدى ٥٣ سنه اتعرفنا عليها الجزء الاول
الابناء
عمر المُحمدى : ٢٧ سنه ظابط فى المُخابرات المصريه ايضاً، طوله ١٨٧ سم يمتلك بشره قمحيه وعيون زرقاء ورثها عن ابيه، يمتلك جسد رياضى وشخصيه جاده وعصبيه، يعمل ايضاً بشركات والده
الين المُحمدى: ٢٤ سنه قصيره بعض الشئ تمتلك بشره بيضاء وعيون عسلى مرحه وحنونه تدرس بكلية الطب مع ليل.
يارا المُحمدى ٢٢ سنة قصيره تمتلك بشره قمحيه وعيون زرقاء تدرس بكلية الهندسه مع جيان، مجنونه مرحه
(فيلا احمد الشافعى)
الاب:احمد الشافعى ٤٩ سنه اتعرفنا عليه الجزء الاول
الام:سلمى الشافعى ٤٩ سنه اتعرفنا عليها البارت الاول.
الابناء
انس الشافعى، ونس الشافعى : توأم ٢٣ سنه يدرسان بكلية الهندسه فى سنتهما الاخيره يمتلك انس بشره برونزيه وعيون باللون العسلي طوله ١٨٤سم، يمتلك ونس الشافعى بشره بيضاء وعيون رماديه نفس طول أخيه)
جوان الشافعى: ٢٠ سنه كلية السن قصيره تمتلك بشره بيضاء وعيون باللون الاسود واسعه مرحه تُحب ابيها بشده)

تمت.

• لقراءة باقي حلقات الرواية اضغط على (رواية الليل وسماه)