رواية التضحية الفصل الثامن والعشرون 28 بقلم آية حسن

رواية التضحية الفصل الثامن والعشرون 28 بقلم آية حسن

رواية التضحية البارت الثامن والعشرون

رواية التضحية الجزء الثامن والعشرون

رواية التضحية الحلقة الثامنة والعشرون

فعلا عرس شهد جي كامل وكل شي الله واحد عليه 🧿
حلفة توديع العزوبية كانت هدية من ندى، جت حلوة علي قد نية شهد وندى الطيبة 🔥🥀🦋
يوم الحفلة بان علي وجه شهد انها متحسرة، مش زي البنات لافرحانه لا راهبة الموضوع لاشي، كأنها ماشية لحوش تاني بس وهو اصلا حوشها 🥲🥲🦋
مرام ومريم وزينب رفعو البتات ستفوه في الحوش جوهم حلو وفرحانين 🥰😍
ليال وندى مشو مع شهد للمزين، مكيجت وطلعت تجنن🦋
كانت احلى حفلة في هالرواية حرفياا من ناحية الكل ❤🥺
اكرم اول ما خش للصالة وشافها انصدم من لجمال اللي ربي حطه فيها 😯🤤
شهد ماتحبش المكياج ولما حطت مكياجها حطاته ع الخفيف حتى ولو عروسة، وماتبيش تبتسمله بكل، حتى ولو في التصوير الا بعد طلوع روح صاحباتها 😒🤌🏻
روحو العرسان، هني شهد توترت لان اكرم خلاص معاها في حوش واحد، سهام كانت بتاخد وتين تبات عندها🥺❤
شهد: خليها مش ح تضايقنا، اصلا عي نعسانة بترقد 🥺🦋
سهام: حتى اليوم تفكري فيها؟ ربي يهديك وخلاص🥲🥲
اكرم: خلاص خليها زي ماقالت شهد، ليلتك سعيدة امي🤞🏻
خشت شهد نحت الفيلو والدار مسكرة عليها، دموعها علي خدها بس، حلمت باليوم هدا طول عمرها وفي الاخير “زواج مصلحة” 💔
غسلت وجهها جاها خيال عبد الرحمن تعوذت من الشيطان واعتبرتها خيانة لزوجها حتى ولو ع الورق بس، لبست توتة وردية حريرية وطلعت💕💕🥺
لقت اكرم في دار وتين يرقد فيها، لما خشت شافلها حسها باكية من وجهها كيف كله احمر، واللي زاده عاكسة عليه التوتة، علقت قفطان وتين لانها رقدت وخلاته ملوح🥲
اكرم: علاش هكي درتي؟ ظلمتيني وظلمتي روحك، علاش قبلتي تعيشي مع واحد كسرك، علاش تبكي؟ 🥺💔🔥
شهد: اللي درته اني كله علي خاطر وتين، هالملاك ماليشي دنب يتشرد في المحاكم واني متاكدة قراري صح، نبكي علي قلبي اللي عطيتهولك وانت ماتستاهلاش 💔🥺😔
اكرم: اسف علي كل شي، وربي بعد ماسافرتي طول ندمت وزدت لما حققتي كل ماتمنيتي وكملتي قرايتك، شهد اني نادم وهلبا🥺💔😔

شهد: ماينفعش الندم توا بعد 8سنين، ضحكت عليا وخنتني، سيبتني وتزوجت غيري، توا نادم؟ ليلتك سعيدة 🤌🏻💔🔥
رقدت شهد جنب وتين، اكرم مارقدش، مع الساعة3 ناض خش للدار لقاهم راقدين، غطى وتين وقعد يشوف لشهد كيف راقدة، وشعرها علي وجهها، تنهد وولى رقد في داره💔
تاني يوم غيرو مكان نومتهم لان وتين قعدت تسال وخايفين تتكلم علي موضوعهم لحد، شهد في دار النوم واكرم في الصالون ولما وتين تسال يقوللها خداني النوم واني نتفرج ع الفيلم🤌🏻🔥💔
فات الاسبوع الاول بصعوبة لان مش متعودين علي بعض، من ناحيتهم ك عيلة كله تمام، يطلعو ويخشو، وواجباتهم علي اكمل وجه، وكله تمام، لكن الروتين ملخبط 🤌🏻🤌🏻🔥
الاسبوع التاني بدي الانسجام والروتين تعدل، شهد بدت تهدرز مع اكرم وجوهم بادي حلو، الا نومهم وزواجهم اللي متفركس الله غالب 🥲🥲💔
بدت جلسات وتين عند الدكتورة النفسية المبعوثة من المحكمة، بتعرف وضع وتين مع عيلة بوها، كان كل شي تمام وايجابي، وفي مرة خشت شهد معاها للدكتورة قعدت تهدرز الدكتورة معاها💕🥲
شهد: بدت مرة مرة تقولي ماما لكن حسيتها مترددة، ولا خايفة مني مانبيش نسمعها منها 🥲💔
الدكتورة: اقبليها منها وعامليها كانها بنتك، عاقبيها ع الخطا واسمعيلها وحاولي تشاركيها نشاطاتك اليومية زي غسل الماعين، المكياج، ضمان الحوش، اهم شي الضرب لا🥲🔥
شهد: وتين ماتستحقش الضرب، تسمع في كلامي ومريحة هلبا، حتى مرة تعاركت مع بوها وكانت بصارة وقفت معاي ضده هو🤞🏻😂
الدكتورة: الوضع ممتاز، مزال لو صار حمل ليك انتي بس مرات ردة فعلها تكون مش متوقعة 🥲💔🤌🏻
شهد: اهم شي وتين توا احني مش مفكرين فيه الموضوع حاليا 🥲🦋🤌🏻

شهد تتكلم: لما قالتلي الكلمة هادي حسيت بروحي قداش ماخاطري نجرب كوني ام مش مجرد حاضنة بس، حسيت روحي بديت نحن لاكرم هلبا وخطر عليا لما دمعو عيونه يوم عرسنا وهو يعاتب فيا علاش تزوجته، اني وربي نحبه لكن مش قادرة ننسى اللي صار، وخفت نحن ونكون زوجة فعلية وتين تتازم حالتها النفسية لو اني حملت🥺💔🦋
استمر الوضع 6شهور، جي يوم المحكمة والكل حاضر، كان حكمها ان حضانة وتين عند بوها لعمر15سنة وبعدها هي تقرر وين تبي تعيش، مع منع طلاق شهد واكرم، والا خالتها اولى بيها لانها بنت ولازم من ام بديلة، هدا مايمنعش انها تزور خالتها وحناها واهل امها طبعا🥀🔥
وبعد هالفرحة شهد ارتاحت ان خلاص وتين بنتها واكرم بالرغم من انه مكسور علي خاطر شهد لكن في قمة السعادة حاليا وتفرغ لشهد لازم ما يرجع حبها ليه🥺🔥❤
اكرم: وتين خلاص توا حني عيلة وحدة معش عندك شي عند خالتك وحناك، عندك نينا سهام وامل بس🔥🤞🏻
شهد: لا اكرم عيب علينا بنرفعها مرة مرة لنوال عيب🥺💔
اكرم: لا بنتي معشنبيها تمشيلهم، هما مادارو فيا خير، بهدلوني ع خاطرها وبيحرموني منها وبنعطيهالهم؟ لا😒
شهد: اكرم، مهما كان نوال حناها وفاقدة بنتها عيب وربي🥺
اكرم تعفلق: شهد انتي اطلعي منه الموضوع هدا وتين بنتي واني حر فيها 😒
شهد حستها كلمة جارحة في وسط قلبها، ناضت وخلاته خشت للدار وقعدت تبكي، اكرم جرحها، هو طول لحقها 🥺
اكرم: شهد مش قصدي نجرحك اسف وربي اسف، خلاص اني نرفعها لخالتها مانبيهاش اضايقك بكلامها، لانهم عيلة لسانها طويل كلهم 🥺💔

شهد: انت حر بترفعها ولا بتخليها هي بنتك مش بنتي💔🔥
اكرم حضن شهد بكل حب، شهد ذابت في حضنه، لكن بعدين تحشمت ناضت، دارت وتين سبلة بتوكلها وهكي😏
اكرم: وربي علي قد مانحبك حتشوفي ايامات حلوة 🤌🏻❤
مر شهر والكل مرتاح، جي يوم زيارة وتين لرقية ونوال🤞🏻
في الليلة السابقة 🔥
اكرم: كلمني المحامي وقالي رقية تبي وتين تبات عندها يومين ولا تلاتة 😒🥲
شهد: اي عادي خليها، لكن كيف بنقعد من غيرها، ماليا عليا الحوش، كساد بلاها🥲🥲🦋
اكرم: تعرفي كيف غدوة نرفعوها لرقية الهم ونمشو لامي عازمتنا ع الغدي، بعدين نحطك في حوش امك لو تبي🥲
شهد: اي قالتلي تعالو مدامها وتين سلامتها مهناش، تو نكلم ماما تقوللها بنجيك🦋🔥🥀🤞🏻
تاني يوم 🔥
طلعو الصبح مشو لحوش سهام خشت شهد معاها واكرم رفع وتين لنوال، مايبيش رقية اضايق شهد 🥲🤞🏻🔥
شهد مع سهام في الكوجية شوية وجي اكرم، شهد تحب سهام وكلامها هلبا🦋❤
اكرم خش: وربي علي خاطر شهد كنهادة معش يشوفوها البنت طول عمرهم وربي 😒🔥
سهام: عادي ياولدي كل واحد واصله، جاتك مرة في الشهر مش مشكلة 🤌🏻❤
شهد: وربي قلتله عادي وخالتها شن بتودلها متلا 🥺🦋

سهام: صحة لسانك يابنيتي، قوليلي حقا مافيش حاجة منك في الطريق؟ ماحملتيش مزال؟ 🥲🥺🤔
شهد توترت: مزال ماسخرش ربي الحال ي امي 🥺💔🦋
اكرم في داخله: امتا يسخر ربي وتولي مرتي حق، وربي مانحب زيك في هالدنيا🥺💔
سهام: معليشي انتي مزال صغيرة والعمر قدامك توا يسخر ربي، اني سالتك يا بنتي لاني مافرحتش بوتين لماجت، هدا علاش نبيلها خو ولا اخت، ولو ياشهودة تجبيلي ولد بنديرلك سبوع في الصالة بادن الله ❤🤌🏻🔥
شهد للمرة التانية حست ان من حقها تكون ام، من حقها تكون زوجة اكرم مش مرت بو وتمتل انها زوجة، حست روحها ارتخت من ناحيته🥺💔🦋
اكرم مش علي بعضه، زي اللي راسه يوجع فيه ودايخ🥲💔
طلع اكرم وشهد حطت يدها علي راسه سخون زي النار وهو صقعان هلبا 🥺💔
شهد: اكرم حرارتك مرتفعة، شن تحس؟ من شنو صارلك هكي؟ 🥺💔
اكرم: مش عارف وربي، خلي نوصلك وبعدين نروح نرقد تو تمشي عادي🥺

شهد: لالا هات توا اني نسوق، ونروح معاك مش حنخليك بروحك وانت مريض، انت تعبان هلبا راهو💔🥺
اكرم اتكى عليها معش قدر يمشي من المرض، داخ عليها، رفعاته للسيارة، رقدت الكرسي وفتحت الدفاية وروحو🥺
طول الطريق شهد تسوق بيدها اليسار واليمين علي جبينه ومرة مرة تشد يديه ❤🔥🦋
نزلت للصيدلية خدتله خافض حرارة وفيتامين ومسكن، وصلت للعمارة نزلت هي وياه وركبو للحوش بالشوية في الدروج 🥺❤🔥🦋
شهد: وحدة وحدة عليك لو تعبان نمشو للمستشفى 🥺🦋
اكرم حضنها: دواي انتي وحضنك وريحتك، وشفاي انك تقعدي معاي وترجعي تحبيني زي مانحبك وربي اسف💔
شهد عيونعا دمعو ونزلت دمعتها: تعالا نحطك ع السرير💔
اكرم بصوت تعبان: شهد انتي مرتي واني نحبك، انتي تحبيني؟ 🥺💔
شهد: نكدب لو نقولك لا، لكن مش قادرة ننسى اللي صار😔
اكرم قربها من حضنه وهي استسلمت: ح نعوضك عاللي صار كله وهدا وعد من اكرم 🤌🏻❤🥺
بعدين ايده ارتخت وعيونه تسكرو، شهد خافت عليه هلبا، ناضت لقت حرارته زادت هلبا 🔥💔
بكل لهفة قعدت تعطي فيه في الدواء وكمادات لين حست حرارته نزلت🤌🏻❤
كان الوقت مع الساعة 11في الليل شهد غفوت جنبه منغير ماتحس بروحها، تعبت رقدت💔