رواية قلبي مرهق من الخذلان الفصل الخامس 5 بقلم إيمان عبدالحميد

رواية قلبي مرهق من الخذلان الفصل الخامس 5 بقلم إيمان عبدالحميد

رواية قلبي مرهق من الخذلان البارت الخامس

رواية قلبي مرهق من الخذلان الجزء الخامس

رواية قلبي مرهق من الخذلان الحلقة الخامسة

Flash back
_أنا عاوز أتكلم معاك فـ موضوع بس مش عاوز ريناد تعرفه دلوقت
=إتفضل يا عمي سامعك
_أنا كنت تعبان بقالي فترة وريناد فـ الشغل نزلت عملت تحاليل وطلع عندي سرطان فـ المخ حاد وأيامي الباقية تتعد على صوابع الإيد، أنا شفت وقفتك جنب بنتي وأنا مش هلاقي ليها أحسن منك يحافظ عليها ويحميها من بعدي
=هتكمل يعمي وهتعيش وربنا قادر على كل حاجة
_مفيش أمل خلاص إتأخرت، أنا عاوزك تتجوز ريناد حتى لو هتتجوزها على الورق، أنا عارف إني بضغط عليك أنا بخيرك لو مش هتوافق عادي، ولو وافقت لو ربنا نجدني بمعجزة وخفيت أوعدك تطلقها ومش هعرفها حاجة
=طب ممكن تديني وقت أفكر
_خد وقتك بس متتأخرش عليا
=تمام يعمي
Back
_خدت رقم والدك وكلمته وقلتله إني موافق ورحتله وخلصنا الورق وإنتِ مش موجودة، أنا آسف إني مأخدتش رأيك بس باباكِ اللي طلب مني

=ولا يهمك، لو إنتَ إتجوزتني عشان إتفاق وعشان بابا فـ أنا بعفيك من الجوازة دي
_أنا موافقتش عشان باباكِ، أنا وافقت عشان مرتاح ليكِ، تعالي نعطي علاقتنا فرصة جايز تنجح بدل ما نحكم على سبب الجوازة ونتطلق، ها إيه رايك؟
فكرت شوية ورديت عليه وقولت:
_معنديش مشكلة
=اتفقنا يا زوجتي العزيزة
إبتسمت على كلامه وقمنا عشان ناكل، خلصنا وقمت جهزت عشان نروح المقابر، نزلت أنا وعماد ورحنا المقابر قعدت قدام قبر بابا وفضلت أعيط وأدعيله، عدى ساعتين وأنا فـ مكاني ومكنش في غيري أنا وعماد فـ المكان، قومني عماد ورجعنا البيت، دخلت أوضتي وصليت فروضي وغيرت وخرجت لقيت عماد جايب أكل
_يلا عشان تاكلي
=مش جعانة
_مفيش نقاش
قال كده وزقني وقعدني ع الكرسي وقعدنا ناكل، خلصت أكل وقولتله:
_مفيش داعي تجيب أكل من برا كل يوم أنا بعرف أطبخ والأكل دا بيوجع معدتي
=لو كنت بعرف أطبخ كنت عملت وإنتِ في ظرف مش عاوز أتعبك فـ الطبخ
_أنا كويسة متقلقش، من بكرا أكلنا هيبقى بيتي
=إتفقنا، عاوز اقولك حاجة
_قول

=مفيش داعي تكتفي نفسك فـ البيت وتلبسي طرحة وعباية أنا من محارمك
_بصراحة أنا مش متعودة أطلع قدام حد بلبس البيت، أنا عارفة إني يحل ليا أطلع قدامك عادي بس أنا لسة مش مستوعبة اللي بيحصل مع الوقت هستوعب فاهمني؟
=فاهمك وأنا كل اللي يهمني تكونِ مرتاحة
_تمام هقوم أنام
=أنا هنزل الشركة بكرا
_هاجي معاك
=لا إنتِ فـ أجازة
_مش عاوزة أجازة كده كده مش هتفيد
=مفيش نقاش، أما أحس إنك تعافيتي هتنزلي الشغل
_حاضر، تصبح على خير
=وإنتِ من أهله
رحت نمت وصحيت تاني يوم جهزت الفطار وصحيت عماد فطرنا ونزل الشركة ونا قعدت أروق البيت، عدى تلت أسابيع وأنا مش بنزل من البيت إلا لو رايحة أزور بابا، حبيت وجود عماد اللي كان خفيف على قلبي، وإتعودت عليه وبقيت باخد راحتي ف لبسي بس مش أوي
_جيت بدري لسة ساعتين على ما شغلك يخلص
=عشان متفضليش لوحدك

_طيب خش غير وصلي وأنا هجهز الأكل
=حاضر
سبته ورحت جهزت السفرة وخلصت وقعدنا ناكل وشلت الأكل ودخلت أغسل الأطباق
_أساعدك؟
=قربت أخلص
_ممكن تخلصي ونقعد سوا حبة بدل ما كل واحد يقعد لوحده
=هعمل عصير وأجي
_هتشربيني عصير إيه
=اللي تحبه
_أنا بحب المانجا لا بحب الموز بالفراولة باللبن
=تعرف إن دا عصيري المفضل
_كويس مفيد وجميل، بس مفيش موز واللبن الباقي خلص ع الفطار
=طب أنا هنزل اجيب عما تخلصي
_تمام

نزل عماد جاب موز وفواكه كتير ولبن وشيبسي وشوكلاته وطلع
_إيه كل دا مش إنتَ نازل تجيب فراولة ولبن بس
=قلت أجيب فواكه تانية بدل ما تنزلي وجبت شيبس وكده ناكله وإحنا قاعدين وشوكلاتة عشان أكيد بتحبيها لو إحتاجتي حاجة تاني قوليلي
_إنتَ أول مرة تنزل تشتري حاجة صح؟
=بصراحة آه، تعرفي فرحان وأنا بجرب حاجات جديدة
_زي إيه
=وقفتي فـ المطبخ مثلًا، حاولت أطبخ إمبارح وفشلت بس ساعدتك، ونزلت اجيب طلبات البيت، حاجات كتير عمري ما جربتها، حتى أول مرة اقعد ع الكورنيش كانت معاكِ وأما جبت درة بطاطا كانت أول مرة أعمل كده
_عجبتك حياة البسطاء
=جميلة أوي، وفرحان بيها
_طب كويس، خد بقا قشر الموز وأنا هعمل الفراولة
= حاضر، بتعرفي تعملي فشار ولا بتحرقيه
_لا أنا شيف شاطر
=طب إعمليلي فشار عشان بعمله باللون الإسود مش محروق لا

ضحكت عليه وكملت العصير والفشار وخرجنا نقعد برا ف الريسبشن وقعدنا نتكلم وأنا ناسية كل همومي بوجوده
_هاجي معاك الشغل بكرا
=مستعدة
_آه بقيت أحسن، هيا رغد بتيجي؟
=لا أنا قلتلهم يوقفوا الصفقة فترة لحد رجوعك
_عطلت شغلك كل دا
=فداكِ الدنيا
إبتسمت ليه ووشي بقى طماطم وبصيتله وقمت جبت فيلم كنت هرجع مكاني بس عماد سدني وقعدني جنبه
_الجو برد خليكي هنا دفيني
=طب إستنى هجيب دفاية
_لا الفيلم هيبدأ
ضحكت على حجته وفضلت جنبه، كنت حاسة بأمان وانا جنبه ومطمنة، نمنا مكاننا وصحيت لقيتني نايمة ورأسي على رجل عماد وإيده على شعري، فضلت باصة ليه قد إيه ملامحه هادية وهو ناي، هادية وجميلة وتتحب، أيوة تتحب أنا حبيته ومش هقدر أبعد عنه بس يا ترى هو حبني ولا لا؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية قلبي مرهق من الخذلان)