رواية بنت العدو 2 الفصل العشرون 20 بقلم ندى علي

رواية بنت العدو 2 الفصل العشرون 20 بقلم ندى علي

رواية بنت العدو 2 البارت العشرون

رواية بنت العدو 2 الجزء العشرون

رواية بنت العدو 2 الحلقة العشرون

” الكل وصلو وكانت الساعه ٥ الفجر حرفيا الكل كان نايم علي نفسه بس المكان كله كان عباره عن اكواخ علي البحر بس المشكله ان الجو برد شويه بس منظر الاكواخ والاشجار والبحر والرمله مخلي الجو ولا في الاحلام ”
خالد نزل من العربيه وماسك ضهره : دااا علقه مش مشوار ابدااا دا انا ضهري قافش قفشه بنت كلب
اميمه سندت علي دراعه : هدلكهولك ياسي خالد وهيبقي دي الفل
مصطفي بضيق : وحيااات عيالك مش ناقص محن الواحد عايز ينام ومش فايق يلا شوفو هنام ازاي
غالب بتوقيع بينهم : انت مالك يلااا مش طايق ابوك وامك لييه يا عاااق انت دا هما الخير والبركه مالو الواد دا يبااا خالد
مصطفي بصله بغضب : مالك يا روح امك طالبه معاك توقيع بينا يعني ولا عايز ايه في ميتين ام يومك دا
جمال بضحك : صلو علي النبي كدا يجماعه عايزين تكون رحله زي الفل وكلنا نتبسط
” ليلي وبسمله ومروه وقفين عند شنط العربيه بيشوفو الاكل ”
ليلي بحيره وهي مسكه ضهرها : في مشكله الاكل دا مستحيل يفضل كويس يومين محتاجين تلاجه واكيد الاكواخ دي مفيش فيها تلاجات
مروه وهي بتحاول تدفي نفسها : ياستي تلاجات ايه الجو هنا متلج خلقه اهووو
ليلي : هو متلج بس برضو هنحتاج تلاجه برضو تحفظ الاكل
مصطفي راح ليهم وهو شايل سلمي : مالكم واقفين هنا ليه في حاجه ولا ايه ؟
ليلي : الاكل دا مستحيل يفضل كويس يومين يا مصطفي محتاجين تلاجات علشان يتحفظ
مصطفي بستغراب : طيب ما هو في تلاجات جوا وفي كل اللي هتحتاجيه محدش يشتال هم ادخلو يلا علي جوا علشان البرد وانتو مشاء الله كلكم حوامل
ليلي بضحك : وامك اولنااا يا ابو سلمي
اميمه من وراهم بغيظ : ومالها بقاا امه يا ست ليلي
ليلي برقت وبصت لمصطفي اللي ابتسم بخبث وقال : والله ما انا شايل عنك خليها تاكلك بقاا
ليلي ضحكت وبصتلها : بقوله حماتي مفيش زيهاا اتنين وايه يعني لما تحمل دا انتي لسه في عز شبابك
” الكل ضحك علي كلامها ”
مصطفي رفع حاجبه وضحك عليها ومشي : يلااا اخلصو وادخلو الجو تلج
” كل واحد عرف الكوخ بتاعه وكل واحد اخد مراته وعياله ودخل علي كوخه ينامو شويه علشان يصحو ويلحقو اليوم من بدايته ”
……………………………..
” مصطفي نايم بعمق بسبب انه سايق طول الطريق ومنمش ولا دقيقه ليلي كانت نايمه في حضنه لحد ما فونها رن بصت عليه وابتسمت وقامت براحه من جنبه وراحت قدام الشباك وردت ”
ليلي : اخص عليك كل دا متتصلش بيا ولا تطمن عليا وحشتني اوووي
: حبيبة قلبي وحشتيني اكترر بجد مضغوط جدا في الشغل ومش عارف اكلمك خالص حقك عليا
ليلي ببتسامه : ماشي هسامحك المره دي علشان بحبك بس
مصطفي من وراها : بتكلمي مين يا ليلي ؟
ليلي بصتله : بكلم صفوان صحيت ليه
مصطفي بهدوء بعد ما اخد منها الفون يشوف بتكلم مين : مكنتيش عيزاني اصحي ولا ايه ” واتكلم في الفون ” ازيك يا باشااا
صفوان ببتسامه : ابوو نسب اللي وحشني عامل ايه يحب
مصطفي : كله تمام يباا والله انت اخبارك واحوالك ايه كدا ” وفضلو يتكلمو كتير وليلي راحت تغسل وشها وطلعت لقيته واقف قدام الشباك ايده في جيبه ”
ليلي : خلصت كلام مع صفوان ولا ايه بعدين قالع التيشيرت ليه هتاخد برد
مصطفي بهدوء : مش عيب لما تقولي لراجل غريب عنك بحبك ووحشتني ؟
ليلي بستغراب : راجل غريب مين دا صفوان ابن خالتي يا مصطفي
مصطفي بغضب : ابن خالتك اخوكي خالك بنسبالي راجل غريب وهعدي انا الموضوع داا بنزاجي بس وديني لو حصل لتزعلي مني
ليلي : مالك فيي ايه انا عملت ايه علشان تقولي كداا ولا انت مش لاقيلك حوار علي الصبح ” ولسه هتمشي مسكها من دراعها جامد ”
مصطفي بغضب : قسماً بالله ادفنك مكانك لو لسانك طول اللي اقولك عليه يتسمع ويتعمل من غير ولا كلمه انتي فاهمههه ؟!
ليلي الدموع اتجمعت في عيونها : سيب دراعي لو سمحت وبعدين انا عارفه حدودي كويس مش انت اللي هتعرفني
مصطفي بغضب : اماال مين اللي هيعرفك معلش ؟ لاء انطقيي بدل ما اكسرك مكانك
ليلي صرخت فيه : في ايييه مالك انا عملتلك حااجه صاحي تخانق في دبان وشك لييه
مصطفي مسك شعرها بخفه : اتكلمي بحترام علشان قلة الادب هتزعلك مني جامد ” وساب شعرها وطلع بعد ما اخد علبة السجاير و رزع باب الاوضه ”
” ليلي عيطت جامد بسبب كلامه اللي زعلها رمت الفون علي السرير وقلعت هدومها ودخلت تاخد شور ومصطفي قاعد قدام البحر بيشرب شجاير بغضب وغيره ”
مصطفي بغضب : ايوا انا غيران متكلمش غيري ولا تحب غيري ولا حد يوحشهاا غيري
خالد من وراه : الغيره بتعمل اكتر من كدا ” وراح قعد جنبه ” مالك يا درش ؟
مصطفي عزم عليه بسجاره فرفض : مفيش انا كويس متشغلش بالك
خالد : هتكلم معاك كأنك اخوياا مش ابني المره الوحيده اللي غيرت فيها كانت علي ام مراتك ؟!
مصطفي بصلها بعدم فهم : مش فاهم ام مراتي ازاي ؟
خالد بص قدامه : كانت فيها شبه من ليلي كدا بس علي اجمل بقا كنت لما بشوفها يومي بيبدء كنت بحس انها الوحيده اللي في الدنيا اللي تخليني طفل من تاني كنت بنسي همومي تعبي حزني مجرد ما اشوف ابتسامتها لحد ما اتجوزت ” دمعه من عينه نزلت مسحها بسرعه ”
مصطفي : متقدمتش ليها ليه ؟
خالد بصله : وغفران الحبيب يكسر قلبي ازاي ؟
مصطفي حس انه تايه فعلا ومش فاهمه حاجه : غفران الحبيب يكسر قلبك ليه هو كان عارف انك بتحبها ؟
خالد بوجع : محمود ابو ليلي نفسه كان عارف كان طيب اووي بس كان ماشي ورا ابوه لحد ما قاله هتتجوزها وزي ما هو اتجبر يسيب احلام اللي عشقها طول حياته هي سابتني واتجوزته غصب عنها وخلفت غصب عنها ماتت ومشافتش ساعه سعاده وهو وقتها اتجوز احلام اللي فضلت طول عمرها تستني محمود ومتجوزتش غيره
مصطفي بلخبطه : انا حاسس ان بسمع روايه يباا طب انت محبتس امي ليه اتجوزتها ؟!
خالد مسح عينه : امك طيبه بس غشيمه حبتين واتجوزتها وقولت عيشه والسلام واتقلبت الوحش منها قبل الحلو بس تعرف عمري ما فكرت احب بعد حماتك ؟
مصطفي : ولا حتي امي علي الرغم من انها بتموت فيك محاولتش تحبها خالص ؟
خالد : ليلي مش موجوده معاك وفي وحده جوا مكانها هتحبها ؟!
مصطفي سكت شويه : التخيل نفسه وجعني مقدرش ابص لغيرها حتي
خالد ابتسم : انا بقا شوفت حبيبتي لابسه دبلة واحد غيري شايف كسرتها ليلة فرحها شايف كل نظرة ليا وهي حامل وبتقولي مش عدل ان محمود يكون مكانك واكون حامل من غيرك تخيل وجعي لما صحيت علي خبر موتها انا اتقبل عدم وجودها معايا لكن متقبلش عدم وجودها في الحياه
مصطفي بصله وحس ان ابوه في وجع الدنيا والاخره ابتسم بحزن عليه : الظاهر انك اتعذبت يابن غالي الجبراني
خالد بصله : اتعذبت دا انا اتحرقت من الغيره اتحرقت من الوجع اتحرقت من الخذلان انا اتحرقت من كل واجع في الدنيا دي بس هل الحياه وقفت موقفتش بس كملت من غير قلب كملت من غير حب رسميات الحياه انت كملت من غيرها ف لازم تحافظ علي اللي معاك وتعرف قيمته اوعي تأمن بجملة البعيد عن العين بعيد عن القلب اللي قال الجمله دي مستحيل يكون حب من قلبة ابدا
” مصطفي حس ان ليلي وحشاه ومش عارف ليه حاسس ان خايف عليها يجري ليها حاجه وهي بتولد سرح بخياله في كلام ابوه ابوه كمل وهي مش موجوده معاه بس مقدرش يكمل وهي مش في الحياه لكن مصطفي ميقدرش يكمل وليلي مش مراته ولا معاه اصلا الفكره نفسها توجع قام وقف ”
مصطفي : انا رايح لمراتي علشان مزعلها جامد قلبت المواجع عليك انا عارف
خالد بضحك : هي المواجع دي اصلا بتنام جوايا دي زي فيام كل ليله بسمعه لحد ما اتعودت روح لمراتك روح
” مصطفي راح علي مراته واول ما دخل بصتله بزعل وهو من غير مقدمات راح باسها بشتياق مش عارف سببه وهي اتجاوبت معاه ورحبت بيه بصدر مرحب وقضى ليلة من اجمل الليالي اللي اتحفرت في ذاكرة الاتنين ”
……………………………….
” الصبح الكل اتجمع قدام البحر وفرشو فرشه علي الارض وحطو الفطار عليها ”
اميمه : مصطفي وليلي فين يولاد اتأخروو كدا ليه ؟
بسمله : هما جايين ينامو ولا ايه حد يروح يخبط عليهم
جمال جيه عليهم : الباب مفتوح وسلمي واماندا طلعو بس الواحد محرج يخبط عليهم
غالب قام من جنب امه : محرج طب اسكت يا محرج واتفرج هصحيهن ازاي ” وراح علي الباب وقف برا ونزل رزع علي الباب ” ولااااااا يااا ديشاااا
خالد : براحه يبني ليكونو نايمين ؟
غالب وهو بيخبط : ما هما اكيد نايمين احنااا بقا بنصحيهم ” وفضل يخبط لحد ما مصطفي صحي بضيق ”
مصطفي بزعيق من جوا : عايزز ايه يلعن ميتين اهلك علي الصبح بتكسر في ام الباب ليه
غالب : اصحي يروحي متأخر في النوم ليه وحشتني يابيبي الله
مصطفي بغضب : عيل شاذ زباله امشي يلاااا شويه وجاااي وراك
غالب : بجد يلا الفطار جاهز وسخن ولو برد يبقي فاتك نص عمرك
” غالب مشي هو وجمال ميتين من الضحك غالب بص لقي بسمله واقفه قدام البحر مربعه اديها ومغمضه عيونها ساب جمال وراح وقف جنبها ”
غالب حط ايده علي كتفها وقال : بحر وجبال وبرد والقمر بتاعي هعوز ايه كدا من الدنيا
بسمله ابتسمت ليه وغمضت عيونها تاني : غالب انت بتحبني قد ايه ؟
غالب : اممم بحبك قد البحر وسمكاته قد السماا ونجومهاا
بسمله بصتله : ايه دا كل واحده لما تقول لجوزها بحبك قد ايه بيقولها زي ما انت بتقول كدا انا عايزه حاجه جديده
غالب ضحك بعدين مسك اديها ومشو علي شطئ البحر : بما ان عايزه حاجه جديد ف اقولك ان انا معنديش نسبه لحبك يا بسمله انا بحبك من غير سبب ومن غير معاد ومن غير وقت انا حبيتك ازاي اصلا معرفش هاا مرضيه كدا
بسمله بصتله : انت بتقول كدا علشان تراضيني ؟!
غالب بعد عنها وكشر : ياشيخه ابقي ابن كلب لو حبيت فيكي تاني دا انتي جمعتي نكد نسوان الدنيا كله
بسمله بصت علي بدايه الميه ورشت منها عليه : اوريك النكد اللي بحق وحقيقي بقا
غالب طلع يجري منها : بتت الدنيااا ساقعه مترشيش ميه
بسمله طلعت تجري ورا وترش ميه : انا جمعت نكد نسوان الدنيااا بقااا هوريك لما النكد يطلب معايا بعمل ايه بجد
اميمه : سي خاالد انت مبتجريش ورايا بالميه كدا ليه يا اخويااا
خالد : اسكتي يا اميمه انا قادر امشي علشان اطلع اجري وراكي بالميه بعدين دا للي لسه عرسان
اميمه : واني ومش شاكله عروسه ولا ايه يا سي خالد ؟!
جمال بهمس لمروه : قصة حب مدفونه تستحق الدفن اكتر
مروه ضحكت بهمس : اسكت يا جماال عييب ملناش دعوه
جمال بغمزه : امال ابقي ليا دعوه بمين ؟
مروه : اتلم متفضحناش قدام الناس خليهم وخدين عننا فكره حلوه
جمال بضحك : و انتي مين اللي قالك ان هما وخدين عننا فكرة حلوه
مروه بهمس : يعم محدش قالي خليني مفكره كدا علشان اعرف اتعامل
زينب بنفاذ صبر : لاء ما هو يا صوتكم يعلي يا تسكتو مش عارفه افهم بتقولو اييه
جمال : بت يا زينب انا جايبلك عريس والله العظيم دي العسل
زينب بغيظ : انا مش متجوزه يا اخوياا انا هكمل تعليم
جمال بلوية بوز : اتنيلي الكل بيقول كدا
زينب : انت عايز ايه يعني انا مرتاحه كدا يعم
جمال : انتي الخسرانه كنت عايز استتك واسترك بس انتي مش عايزه الستر
انصاف : دي لو اتجوزت هتطلق يا جمال يا بني دي ولا بتعرف تطبخ ولا تغسل وان نضفت خبطه شمال وخبطه يمين وحاجه هم
مروه بضحك : يا طنط والله مامتي كانت تفضل تقولي كدا والاخر غصب عنك تغسلي وتطبخي وكل حاجه
خالد بلوية بوز : علشان اتحطيتو قدام الامر الواقع غير كدا وربي ما هتقومو من مكانكم
جمال : واخيراا شرفو الثنائي المثالي
” الكل بص علي ليلي ومصطفي اللي جايين مع بعض ليلي مكشره شويه ومصطفي مكشر خااالص ”
خالد : شوفو يولاد الولا صاحي مكشرر ازاي اضحككك يا قفل اضحك
مصطفي راح نام علي رجل امه بتذمر : بالله العظيم بطوط وحشتني اووي
اميمه حطت اديها علي شعره وفضلت تمشي ايدها عليه : ما انا اهو يقلب امك مكانها لحد ما نروح ليها
مصطفي : شوفي لو الدنيا كلها حننت عليا متسحيل حد يقدر يعوضني حنان بطوط الواحد كان لازم قبل ما ينام يبوس دماغها ويحضنها ويطلع ينام ويصحي يبوس دماغها ويروح شغله
جمال : الحاجه فاطمه ربنا يديها طولة العمر مثال لزوجة العاقله والحنينه حقيقي ام حنينه وكل حاجه كويسه
خالد : امي دي جبل قسماً بالله امي دي كانت مع ابويا هو مفيش معاه جنيه واحد وكان شغال مزارع في ارض لحد ما ربنا رضي عليه استحملت كل حاجه تتخيلها
جمال : مالك يا ام سلمي ساكته لييه ؟
ليلي حسه ان بطنها بتوجعها بس اتكلمت عادي : هتكلم اقول ايه انا يعني ؟
مصطفي : متتكلميش يماااا هنتكلم احنااا تصدق وتأمن بالله افشل قرار في الدنيا دي الجواز
سلمي جريت علي ابوهاا حضنته تستخبي فيه : بلبا بابا بوسني زي اماندا عمو غالب باس خدها وانا لاء
مصطفي ضحك وباسها : ودا احسن قرار تتجوز علشانه
سلمي جريت علي اماندا : بابا باسني ٨ بوسههه وانتي لااء
ليلي بصتله بضيق : انت سايب البت تجري علي البحر افرض غرقت
مصطفي بلا مبالاه : البت قدامك اهي وكويسه ريحي كداا
خالد : مالكم محدش طايق كلمه لتاني ليه كدا ؟
مصطفي : معرفش النسوان جري ليها اييه والله
” ليلي بصتله وقامت راحه علي الكوخ بتاعهم ودموعها سابقه خطواتها ”
اميمه : انت مزعلها ليه يا مصطفي قوم راضي مراتك يا مصطفي ومتزعلهاش وتنكد عليها في الرحله دي
مصطفي قام وقف : خلي بالكم من سلمي واوعو تروح عند الميه تغرق عليا النعمه ما يكفيني فيكم حد
اميمه : روح يلااا متخفش قدام عيني اهو
” قام مصطفي يروح يشوف مراته واتصدم لما دخل شاف منظر مراته ”
ليلي ماسكه بطنها وقاعده في الارض وكتمه الصريخ : اهدي يحبيبي مش عايزين نقلق حد علينااااااااا ااااااااه بموووت الحقوووني

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت العدو 2)