رواية الشقة المسكونة الفصل الأول 1 بقلم Shádòw Helal
رواية الشقة المسكونة الفصل الأول 1 بقلم Shádòw Helal
رواية الشقة المسكونة البارت الأول
رواية الشقة المسكونة الجزء الأول
رواية الشقة المسكونة الحلقة الأولى
صحيت علي صوت حد بينادي عليا افتكرتها ماما ومن هنا بتبدأ الحكايه ..💔
ساره : انتي ندهتي عليا يا ماما
مديحه ( الام ) : لا ي حبيبتي انا عارفه انك نايمه
ساره : اومال انا سمعت حد بينادي عليا
الام : ممكن يكون بيتهيألك روحي اغسلي وشك وتعالي يالا علشان نتغدي
ساره : حاضر
بتروح ساره تغسل وشها وترجع تتغدي مع مامتها وهي قاعده ع السفره بتلاقي حاجه ذي فرو بتلمس رجليها
ساره وهي مرعوبه : ماما فيه حاجه تحت السفره عااااااااااااا
الام بتبص تحت السفره وهي خايفه بتلاقيها قطه بتجمع بين اللون الرمادي والابيض
ساره : عاااااااا قطه ؟؟؟ دخلت ازاي دي ؟
الام :اهدي ي حبيبتي ممكن تكون دخلت واحنا بندخل الفرش متخافيش انا هطلعها بره
ساره : ماشي
ساره لاقت القطه بتبصلها جامد حاست ان فيها حاجه بتشدها ليه بالرغم من انها بتخاف من القطط اصلا
ساره : استني ي ماما ممكن نخليها معانا وتونسنا ف البيت
الام بإستغراب : لا والله اللي يشوفك من شويه وانتي ميته ف جلدك منها ميشوفكيش دلوقتي
ساره : دي شكلها لطيف اوي وباين عليها هاديه بالله عليكي يا ماما سبيها علشان خاطري
الام : امري لله خليها بس نحميها الاول ونوديها لدكتور بيطري لتكون فيها مرض ولا حاجه
ساره : حاضر
اها نسيت اقولكوا احنا لسه ناقلين الشقه دي امبارح بعد ما بابا اتوفي سيبنا اسكندريه وروحنا نعيش ف القاهره ونقلت ورقي ف الجامعه هناك وانا معنديش اخوات ولاقينا ان الشقه دي مناسبه ليا انا وماما
………………………………………….
بعد ما ساره ومامتها يرجعوا البيت بعد ما توديها للدكتور ويجيبوا اكل ليها
ساره : خلاص كده اطمنتي
الام : اها الحمد لله .. روحي هاتيلي كوبايه مايه
ساره : حاضر
بتدخل ساره المطبخ وبتيجي تملي الكوبايه بتلاقي نازل من الحنفيه دم
ساره : عااااااااا وبترمي الكوبايه
الام بتجري ع المطبخ مخضوضه : ساااااره فيكي ايه
ساره وهي خايفه : بتشاور ناحيه الحوض دم دم ي ماما الحنفيه بتنزل دم
الام بتروح ناحيه الحوض مش بتلاقي حاجه غير الكوبايه مكسوره ف الحوض
الام : مفيش حاجه تلاقيكي مرهقه بس علشان تعبتي اليومين دول من تنظيف البيت والنقل
ساره : يا ماما انا متأكده انا شوفت دم
الام بتاخدها للحوض: بصي مفيش حاجه
ساره بتقتنع انها فعلا مرهقه
الام : يلا غيري هدومك ونامي علشان عندك جامعه الصبح
ساره : حاضر
بتدخل ساره اوضتها وبتغير هدومها وبتروح تنام
ف منتصف الليل بتحس ساره بأيد حد ع رجلها
ساره بتفتكر انها مامتها : ماما انتي منمتيش ليه لحد دلوقتي
مفيش حد رد عليها
ساره بتبص حواليها مبتلاقيش حد بتخاف جدا وبتفضل مش عارفه تنام طول الليل بس النوم غلبها لما النهار طلع وصحيت ع صوت مامتها بتصحيها للكليه
الام : ساره ي حبيبتي يالا اصحي هتتأخري ع الجامعه
ساره : حاضر ي ماما ( ساره بتفكر تقول لمامتها ع اللي حسيته بليل بس بترجع تخاف تقلق والدتها وخصوصا انها مريضه قلب وبتحاول تبرر انها تخيلات من الارهاق )
الام : هروح احضر الفطار ع ما تجهزي
ساره بتقبل يد والدتها : تسلم ايديكي ي حبيبتي
بتخرج الام وساره بتقوم تدخل الحمام وبتتصمر مكانها من المنظر اللي شافته
ساره : ماماااااا وبيغمي عليها
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية الشقة المسكونة)