رواية ربما النهاية الفصل الثاني 2 بقلم هنداوي

رواية ربما النهاية الفصل الثاني 2 بقلم هنداوي

رواية ربما النهاية البارت الثاني

رواية ربما النهاية الجزء الثاني

رواية ربما النهاية الحلقة الثانية

قعدت نهي قدامي وقولتلها انا مش عايز اعرف الحقيقه غير منك انتي ، انتي وحيده اللي هتقوليلي . . .
لقيتها بتعيط وبتقولي:
_ انت وحيد اللي مش هينفع اقوله ..
_ مش احنا متعودين نقول كل حاجه لبعض مهما كانت ..
_ الا الحاجه دي مش هعرف اقولها . .معرفش انت هتستقبلها ازاي
_ طب قولي يمكن استقبلها بطريقه انتي مكنتش حاسبها في دماغك لكن مينفعش اسيبك كده ، وانا عارف ومتاكد انك مش عايزه قرار ده …
_ انا عندي سرطان رحم ….
رغم ان جمله دخلت عليا بسكوت تام وعدم القدره علي الرد، مع نظرات عدم تصديق اللي هي بتقوله . . . من جوايا بقول ياريتني ماغصبت عليها انها تقول ، مش نداله مني ، بس مكنتش قادر استحمل جمله دي ، والمرض ده بالذات يكون عندها هي ، غمضت عيني لحظات مع دموع بسيطه نزلت من عيني مقدرتش اكتمها جوايا ، حسيت اني روحت في عالم تاني من كتر تفكير ، بس هتصدقوني لو قولتلكوا ….إن التفكير اللي كان في دماغي ولا حاجه ….دماغي عماله تفكر بس مش عارف في اي ..مش لاقي حاجه معينه بفكر فيها زي مايكون دماغي هنجت مبقتش عارفه تفكر ازاي …
_ حسام …. انا اسفه انا مكنتش عايزه اقولك حاجه بس انت اللي ضغطت عليا اني اقول….
كلامها رجعني تاني لادراك اللحظه اللي انا فيها وملقتش حاجه اقولها غير :
_ متقلقيش يانهي هنعدي المحنه دي سوا مع بعض ، ومتقلقيش مش هسيبك حتي لو عندك اي ، اهم حاجه انتي ازاي عرفتي ان عندك مرض ده اي اللي خلاكي تروحي تكشفي اصلا . . .
دخلت علينا امها وانا بسالها . . وقالتلي وهي قلقانه علي بنتها :
_ مرض اي ياحسام . . .في اي وتروح تكشف ليه . . متردي يانهي مرض اي ده . . رد ياحسام
_ اي يا حماتي في اي بس انتي بتاخدي الحاجه قفش كده ليه . . . اصل عندها مرض متخلف بيخليها تزعلني من غير سبب ولما اجي ابقا عايز اسيبها تقعد تعيط كده ….فانا خلاص قررت انا هعالجها من المرض ده واسيبها….
_ بتقول حاجه يا حسام. ….
_ ياحبيبتي قصدي هعالجها ….متقلقيش ياحماتي انا بس هاخد نهي وانزل هخليها تصالحيني في اي كافيه او حاجه اصل انا زعلي مش بيروح بسهوله كده . . .

_ والله انت اللي عايز تتعالج مش نهي . . .روح يابني ربنا يهديكوا انتوا الاتنين ……
خدتها ونزلنا قعدنا في كافيه جمب البيت علطول وخليت نهي تحكي من الاول خالص وقد اي عرفت هي شايله حمل كبير اوي لوحدها وانا معرفش عنه اي حاجه خالص . . .كانت بتحارب لوحدها في صمت ولما لاقت نفسها في خطر مرضيتش اني اخاطر معاها وكانت عايزه تخاطر لوحدها . ….
ابتدت تحكي وانا قاعد بسمعها وماسك ايديها بحسسها بالأمان ابتدت انها تحكي ….
_ بص اسمع من غير متعلق خالص غير لما اخلص كلامي كله عشان منساش حاجه …
انا موضوع ابتدي معايا وانا عندي ١٨ سنه . . .
_ نعم انتي تعبانه من ٣ سنين وانا معرفش …ده قبل منتخطب كمان …
_ حسام بعد اذنك متقاطعنيش يأما مش هحكي ومش مكمله ….
_ كملي يا نهي كملي ….
_ كنت بحس اني عندي ألم جامد في بطني ومكنش احساس ده كان فعلا في الم جامد في بطني …كنت باخد مسكنات او مطهرات معويه …معرفش سبب اي بالظبط . . منكرش ان وجع كان بيروح فعلا …بس مكنش بيروح خالص …كان ألم مزمن معايا…طنشت ..ولا كشفت ولا حاجه يعني هو انا اول ولا اخر واحده بطنها بتوجعها …في زيي كتير بيكونوا بنفس الوجع ده . . . . ووجع بيخف وبعدين يجي تاني اتعودت عليه مبقتش احط في دماغي ، بقا لما بيجيلي التعب اخد مسكن وخلاص علي كده ، بس انا كنت فاكره انه خلاص علي كده، فتره كبيره عدت عليا كده بس الأعراض بقت تزيد عن الاول ، بقيت احس اني عايزه ارجع اللي بطني كله بس مكنتش برجع كنت بحس بس ، وكان في نزيف بسيط ابتدي يظهر لما بخش الحمام ، عايز اقولك اني رغم كل ده انا فاكراه عادي انا بنت برضوا وطبيعي احس بالاعراض دي …
بس اللي مش طبيعي ، يوم ما صاحبتي عملت حادثه وفقدت دم كتير وطلبوا في ساعتها حد يتبرعلها بدم مكنش في غيري معاها ، وانا مقدرش اشوف صاحبتي كده واصبر، قولتلهم تعالوا اسحبوا دم مني انا ، سحبوا مني كيس الدم وطلعت نفس فصيله بتاعتها …
بس لقيتهم بيندهوا ع اسمي
” نهي محمد عبد الرحمن ” فين …
لقيتهم ماسكين كيس الدم بتاعي ولسه معلقهوش لصاحبتي ….
قولتلهم : ايوه انا اهو خير في اي صاحبتي بتموت وانتوا لسه معلقتوش الدم. . .
_ حضرتك نهي عبد الرحمن
_ ايوه ياسيدي انا نهي زفت … ممكن تنجز تدوها الدم …
_ حضرتك الدم ده فيه مؤشر لوجود سرطان عندك في الرحم . . .انتي عندك علم بده . . . .
. . . . . . . . . . . . . .
بس يا حسام من اول هنا ابتديت بقا الحرب اللي بجاد عارف انت شعور … انك داخل حرب وعارف انك هتنتصر في الحالتين…
اللي هو لو قتلت العدو هتبقا بطلت وانتصرت…

ولو اتقتلت من العدو هتبقا شهيد وبرضوا انتصرت…
انا دخلت الحرب دي يأما احارب السرطان وابقا انا البطل يأما هو اللي يقضي عليا وابقا انا الشهيد . . .اقولك اي بقا واحكيلك ازاي ليه احطك في موقف ام الشهيد . . .معلشي منا مضمنش انك تبقا في موقف ام البطل …
لاني مش قادره استحمل ومش قادره اكمل اكتر من كده انا جيت قولتلك سيبني وبعدت عن كل الناس اللي بحبهم عشان خلاص نويت اني اكون الشهيد . . .
عمرك سمعت عن شهيد كافر . . .
انا هبقا كده انا المرض لو كان هو قتلني كنت هبقا شهيد . . .لكن انا اللي هموت نفسي . . مش قادره اكمل . .مش قادره اتخيل شعور اني مش هبقا ام . . .غير كده مش قادره اتخيل اني هظلمك معايا ومش هخليك اب . .
ذنبك اي تظلم معايا …وتعيش وحيد …ويمكن كمان اموت في اي لحظه وهتبقا فعلا وحيد . . هتستفاد اي . . .ولا حاجه . . غير اني واحده انانيه عايزاك تبقا جمبي وبعدين امشي واسيبك لوحدك تتوجع . . تتكسر . . .مش مهم . .المهم اني مبقتش لوحدي في تعبي . .
لاء يا حسام انا مش كده ….ولا انت تستاهل كل ده . . .
_ خلصتي يا نهي ، تشربي اي بقا عشان انا هموت واشرب حاجه صراحه وانتي تشربي اي بدل مانتي خلصتي السوائل اللي في جسمك كلها بدموعك دي …..
شاورت للجرسون وانا ايدي بتترعش من كلام اللي هي قالته وطلبت حاجه نشربها…وبحاول اتماسك ع قد ماقدر ومبينش اللي جوايا كفايه اللي جواها…..
بصي يانهي هقولك علي حاجه اولا كده ابعدي عم دماغك خالص موضوع الشهيد الكافر دي لأنك مش هتنتحري ومش هسيبك تنتحري . . ومفيش حاجه اسمها شهيد كافر اصلا….انتي بتحاربي زيك زي العسكري . . بس خليكي في نفس قوه العسكري مش في شهادته بس . . . حاربي ….ممكن رصاصه تيجي فيكي وتقعي…بس هتيجي في كتفك ..هتقدري تقومي …لو خدتي رصاصه تاني في رجلك . . هتستلمي لاء …ازحفي….لحد متوصلي للعدو وتقتليه. . . وانا واثق انك هتقدري عليه…وانا معاكي وهكون ام البطل متقلقيش مش هبقا في موقف ام الشهيد دي ابدا . . ولو حسيت انه هيبقا شهيد هقف وهدافع انا كمان لحد مايبقا بطل …متقلقيش هنعدي مرحله دي سوا بإذن الله تعالي……
………….
خدتها وطلعنا علي الدكتور اللي هي متابعه معاه واللي كانت مفهماني انها بتروح تاخد كورسات تنميه بشريه . . .كان كلام دكتور مطمئن حبتين…وحسيت بأمل كبير جدا لما قال :
_ الورم لما خدنا منه عينه ، للاسف كان ورم خبيث مش حميد بس من ستر ربنا انه لسه مش في أشد مراحله وممكن بالعلاج نقدر نشفي منه بالكامل قبل مينتشر في عضو تاني في جسمها ويبقا خطر اكبر….واهم حاجه واللي اهم من العلاج النفسيه . . لان نفسيه بتلعب معانا بدور مهم جدا بتزود مناعه بتاعتها وفي نفس الوقت قابليتها لاخذ العلاج والنظام الغذائي اللي كاتبهولها….قعدت اقولها عرفي حد عشان يسند معاكي النفسيه ، بس هي أثرت انها تدخل معايا الحرب لوحدها ….مرضتش اعارضها علشان احنا في وقت محتاجين في الإنجاز، لأن تطور الخلايا السرطانية بيكون سريع جدا ……
_ طب دلوقتي احنا في امل اننا نلحق موقف قبل مايتطور اكتر من كده وندخل في مضاعفات احنا مش قدها
_ اسمك اي ؟

_ حسام يا دكتور..
_ بص ياحسام لو مشينا ع كلامي بالظبط ان شاء الله مش هيكون في اي مضاعفات نهائي وهأكد عليك تاني اوعاك ونفسيه انت خاطبها صح . . .اوعا تزعلها ….اوعا اهم حاجه نفسيه…..
قطع كلام الدكتور صوت رنه تلفون نهي مسكت التلفون وكان اللي ييتصل امها…فتحت وردت عليها …
وانا انشغلت مع دكتور في كلام :
– متقلقش يا دكتور انا مش هسيبها ابدا وهعدل نفسيتها ع قد ماقدر ومش هخلي حاجه تؤثر ع نفسي……
لسه مكملتش جمله سمعت صرخه من نهي قطعت قلبي بعديها علطول جالها حاله هستيريه مم عياط وعدم قدره ع كلام . ..
-في اي يانهي مالك اي اللي حصل في اي …
– يلا بسرعه ع البيت …..بسرعه
-قومت بسرعه وانا حتي ملحقتش اسلم ع دكتور وخدت حاجتي ومسكتها من ايديها ومشينا قولتلها في اي طيب مامتك قالتلك اي ….
– بابا مات ياحسام ….بابا مااااات

يتبع…