رواية دمعه من سمراء الفصل الثالث 3 بقلم آيات عبدالرحمن

رواية دمعه من سمراء الفصل الثالث 3 بقلم آيات عبدالرحمن

رواية دمعه من سمراء البارت الثالث

رواية دمعه من سمراء الجزء الثالث

رواية دمعه من سمراء الحلقة الثالثة

كنت عايز احطمها بأي طريقه عمري ما شوفت حد عاقل ومطيع للدرجه دي مالقيتش غير ان اتزوج غيرها اكيد بعد زواجي عليها مستحيل تفضل معايا
#دمعه_من_سمراء 3
وبالفعل روحت واتزوجت صديقه معايا في المستشفى هي دكتوره وطبعا اقل حاجه تتقال علي كمية الجمال اللي فيها دي ان دي تكون ملكة جمال العالم
اخدتها بعد ما غبت عن نرمين يومين واول ما نرمين شافتها وقفت مكانها ما قدرتش تتحرك ومستنيه اعرفها مين دي
احب اعرفك دي نسمه زوجتي اتزوجتها عليكي وزي ما انتي عارفه بقي الجمال كل حاجه وانتي مش من مودي يعني وبصراحه اتكسف اخرجك معايا او اعرف حد عليكي من صحابي
اما نسمه فهي نسمه فعلا وحطيت ايدي علي كتفها وقولت : اقدر اتشرف بيها قدام اي حد يلا يا بيبي واخدتها ومشينا من قدامها كانت واقفه مصدومه مش مستوعبه اللي حصل دا كله
كانت بتبكي وكاتمه صوت بكاؤها في الوقت دا انا قولت لنسمه ما تعملش اي حاجه في البيت هي بس تؤمر وتعتبر نرمين هنا خدامه وطبعا هي ما صدقت وبقيت تعامل نرمين بأسوء المعامله
ودي كانت حاجه بتفرحني لحد ما مر سنه وانا رافض اطلق نرمين حاسس بتشفي فيها عايز اجي عليها اكتر تعذ..يبها كان بالنسبه ليا المصدر الوحيد لسعادتي الغريبه ان برغم كل دا لما كانت تكلم اهلي تفهمهم ان هي اسعد
خلق الله معايا وفي يوم كنت بكلم اهلي ووالدتي قالت ان نفسها تفرح وتشوف اولادي وطبعا هما كانوا عارفين بزواجي من نسمه
لان قولت وقتها ان نرمين هي اللي قررت ان اتزوج من غيرها بعد الحاحات منها عليا اقتنعوا بعد ما سمعوا الكلام دا منها
المهم والدتي زرعت في رأسي فكرة ان اكون اب كلام والدتي وحكاياتها عن الاطفال شجعتني اوي فضلت طول اليوم افكر لما هكون اب هعمل اي هلعب معاهم ومش هخليهم يحتاجوا حاجه
وافكر رجعت البيت وانا فرحان جدا واول ما دخلت لقيت نرمين
يووووه انتي عارفه ان اول ما بشوفك بحس ان عايز اتقئ ابعدي عن وشي ودفعتها بعيد
دخلت اوضتي كانت نسمه بتتكلم مع والدتها ولما دخلت قفلت ورحبت بيا كعادتها بطريقه تخطف القلب
اتكلمت معاها شويه وبعدين فتحت معاها الموضوع لقيتها وقفت مره واحده وقالت انا مش مستعده دلوقتي الاطفال بتحتاج وقت ومجهود وانا لسه يا دوب بعمل لنفسي كيان
يعني اي
يعني يا رامز انا مش مستعده ولو مستعجل اوي عندك نرمين برا هاتجيب ليك اللي انت عايزه بس نصيحه خلي بالك لتجيبهم نص ونص زيها
وسابتني وخرجت من غير ما تسمع ليا قعدت علي السرير بخنقه وقررت اهد…دها لو ما سمعتش كلامي هطلقها وفعلا لما رجعت قولت ليها كدا وكان ردها دي حاجه ترجع ليك
مش عارف اتصرف ازاي او اعمل اي لو كنت اتزوجت بنت حلوه من الاول ما كانش زمان كل دا حصل قومت ودخلت عند نرمين
كانت قاعده في اوضتها وبتكتب في نوت بوك واول ما دخلت حطيتها تحت المخده ووقفت تسألني بإرتباك لو عايز حاجة
انتي كنتي بتكتبي اي ومرتبكه كدا
ها ابدا ولا حاجه
دفعتها وجيت اخد النوت بوك عشان اشوف اي اللي مكتوب فيها مسكت ايدي
انتي اتجننتي ازاي تمسكي ايدي كدا اي مش عايزاني اعرف اسرارك وكملت بسخريه يا نرمين هانم
كملت بنفس الارتباك: دي مش اسرار بس دي
دي اي يا ست نرمين هانم
ارجوك يا رامز دي حاجه خاصه بيا
رامز ياه دا انتي اخدتي عليا بقي انا اسمي دكتور رامز يا متخ…لفه والمره دي دفعتها واخدت النوت بوك وفتحتها
وياريتني ما فتحتها لقيت مكتوب فيها حاجات انا عمري ما تخيلتها تحصل من نسمه كان مكتوب

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية دمعه من سمراء)