Uncategorized
رواية خطة رنا الفصل الثالث عشر 13 بقلم روني محمد
رواية خطة رنا الفصل الثالث عشر 13 بقلم روني محمد
 |
| رواية خطة رنا الفصل الثالث عشر 13 بقلم روني محمد |
رواية خطة رنا الفصل الثالث عشر 13 بقلم روني محمد
امجد : وحشتيني
رنا : ——
امجد : طب ردي عليه طيب…
رنا : روح يا امجد عشان انا ورايا مذاكره مش فاضية..
أمجد : بحبك
رنا : ——
امجد : رنرون حبيبتي خلاص بقى
رنا : امجد بجد انا اتخنقت انا قلتلك خلاص كل حاجه انتهت..
أمجد : حلو اوي شعرك كده انتي ضرباه فالخلاط ولا متكهربة
رنا : انت ايه فهمك انت فالموضة..
أمجد : مانا عاوزك انتي تفهميني
رنا : انسا يا أمجد ده كان زمان.. خلاص روح شوفلك حد يستحملك غيري…
امجد : زمان ايه ودلوقتي ايه… انا عن نفسي لسه بحبك يمكن اكتر من الاول كمان وبعدين مين دي ممكن تاخد مكانك في يوم من الأيام !!!!
رنا : كداب اوي
أمجد : لا مش كداب.. لو كنت كداب مكنتش هستحمل تجاهلك ليه طول الشهر الي فات ده كله وفلوسي الي خلصت عالورد الي ببعتهولك كل يوم ، مكنتش هستحمل ان الزفت الي اسمه مراد يجي يبات عندي شهر بحاله عشان اسيبك تنامي براحتك هنا .، رنا انا عمري ما كنت بايعك ولا عمري خنتك ولا اقدر ، كل الحكاية ان دي ظروف غصب عني اتحطيت فيها وانتي مقدرتيش ده..
رنا : شوفت اهو هتقلب الترابيزه وتجيب العيب فيه..
أمجد : لأ يا حبيبتي انا الي غلطان من الاول لما مصرحتكيش بكل حاجه…
رنا : ايه علاقتك بالناس الي كانوا خاطفني والحيزبونه نرمين رجعت تاني ليه والزفته الخواجيه…
أمجد : دي غيرة بقى..
رنا : لأ وانت الصادق مرارة مفقوعه وغيظ.. انطق بقى قول عشان قربت أطق من جنابي…
أمجد : ههههههههه لا براحه مش كده المهم بصي يا سيتي انا من سنتين وقع في ايدي ناس بينقبوا عن الاثار كانوا عاوزني أشتغل معاهم ، كلمت واحد صاحبي ظابط قالي بلاش نكشفهم دلوقتي خلينا وراهم عشان نشوف هما فعلا هيلاقوا اثار ولا لأ ..
رنا : وبعدين..
امجد : انا مكنش عندي خبرة بأي حاجه فالاول لما حفروا كانوا بيلاقوا حاجات صغيره ملهاش قيمة ، فكانوا محتاجين خبير أثار فعرفتهم على العقيد ” سارة الراوي ” الي هي نرمين على أساس انها خبيرة اثار وكده ، وكان لازم نعمل تمثيلية الخطوبة عشان ابين ان علاقتي بيها قوية ، انا كنت هبعد بس لقيت حبي للمغامرة خلاني اوافق اني اكمل في القصة بعدين بداوا يلاقوا مقابر ملكية وفيها كمية أثار رهيبه ويوم ما كان البوليس بيهجم …. الغريب بقى الاثار كانت بتختفي في نفس يوم الحفر، فالاول بدأوا يطلعوا اشاعات ان المقابر مسكونه ولعنه الفراعنه وهكذا لدرجه ان في اتنين من العمال ماتوا بالصدفة يوم حفر المقبرة….
رنا : وهما فعلا ماتوا بسبب كدة ؟
امجد : لأ طبعا واحد منهم كان كبير فالسن وكان مريض اصلا والمرض اشتد عليه ومات والتاني مات بحادثة عربيه… السببين ملهمش علاقة
رنا : تمام طب وبعدين
امجد : كان لازم اكمل انا ونرمين فاللعبة عشان نعرف الاثار راحت فين واختفت ازاي بعد كام شهر لقيوا مقبرة تانيه والمرة دي عرفنا ان الأثار بتتهرب عن طريق سرداب بيتحفر تحت الارض بعمق اكبر من الي احنا حفرينة…
رنا : طب وبعدين الاثار دي مين بياخدها…
أمجد : هو ده مربط الفرس. الاثار دي هتروح فين بعد كده… اتعاونا مع ناس اجانب وجبناهم على اساس انهم تجار أثار الي من ضمنهم ” ماريتا ” الي شوفتيني معاها يوم المطعم ودي مفكرة اني خاطب نرمين وجيتي انتي عكيتي الدنيا …..
رنا : متفكرنيش عشان انا كان نفسي اعضك متخلنيش اخليك تاخد واحد وعشرين حقنه…
أمجد : وعلى ايه الطيب احسن بدأوا الاجانب يعرضوا اسعارهم ورست البيعه عليهم ، ورغم كده معرفوش يخرجوا الاثار دي بره البلد
رنا : ليه
أمجد : الراس الكبيرة كان عاوز نصيبه وهو ان البيعة تمت من وراه…
رنا : الراس الكبيرة الي هو مين يعني
امجد : وزير الثقافة!!! حاميها حراميها…
رنا : يا نهار أبيض!!
أمجد : اه وده الي الشرطة اكتشفته وتم القبض عليه من أسبوعين ، اكيد شوفتي ده فالأخبار….
رنا :.امممممم صح
أمجد : عرفتي بقى انك طلعتي ظلماني…
رنا : انا بردو الي ظلماك !!!! طب حتى بردو بعد الي حكيته ده كله انا مش عاوزه ارجعلك…
أمجد :طب قومي يلا غيري هدومك ويلا بينا ، لينا بيت نتكلم فيه…
رنا : لأ… انا لسه أعصابي تعبانة هعد كمان اسبوعين…
أمجد : لا بقولك ايه انا مش هستحمل الي اسمه زفت مراد ده أكتر من كده ده لبس كل شرباتي ، بقيت امشي من غير شربات بسببه…
رنا : ميهمنيش
أمجد : ده بيشخر طول الليل ولا الغسالة
رنا : بردو ميهمنيش تستاهل
أمجد : حيث كده خلاص من النهاردة انا هبات هنا …
رنا : ههههههههه طب ومراد!!
أمجد : خليه يشبع بسريري يلا منه لله
رنا : ههههههههه ولله انت مجنون
امجد : انا مش مجنون غير بيكي…
يتبع…..
لقراءة الفصل الرابع عشر والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي