رواية عقدة حياتي الفصل الأول 1 بقلم آلاء محمد

رواية عقدة حياتي الفصل الأول 1 بقلم آلاء محمد

رواية عقدة حياتي البارت الأول

رواية عقدة حياتي الجزء الأول

رواية عقدة حياتي الحلقة الأولى

=انا بكرهك يا يونس ولو رجع بيا الزمن عمري مهحبك ربع الحب اللي حبتهولك ده انت متستاهلش قلبي انت متستاهلنيش اصلا انت شخص معقد وخلتني معقده زيك منك لله يايونس منك لله
_أيه متسبنيش انا محتاجلك
=ولما انا احتجتلك كنت موجود يعني
كرهت نفسي والدنيا بسببك كرهت قلبي اللي حبك كرامتي اتبعطرت بسببك ياشيخ مش عايزه اشوف وشك تاني انت فاهم وانا وماما من بكره هنروح بيت تاني انا بكرهك يا يونس بكرهك اتفووووو عليك
خرجت وانا منهاره من العياط بدون مبالغه انا سمعت صوت قلبي وهو بيتكسر من الخذلان (الخيانه)افظع حاجه ف الحياه انك تحس انك قليل انك ناقص أنك مش كافي للي بيحبك احساس مؤلم
***********************
انا ايه عندي ٢١سنه ف حقوق عايشه مع ماما وخالتو ويونس
بابا متوفي من وانا عندي ٥سنين وماما قررت انها متتجوزش وتربيني تربيه سليمه تخليني انسان سوي بس للاسف الدنيا دي كده عمر متلاقي فيها حد سوي
اللي عنده عقده من أهله
اللي عنده عقده من حبيبه
اللي عنده عقده من الصحاب
وهكذا كل واحد عنده العقده بتاعته عنده وجعه

كل الناس كانت عارفه قد ايه انا بحب يونس قد ايه هو الحياه بالنسبه ليا وكمان عارفين أن انا ولا حاجه بالنسبه ليونس تجاهل تلاقي إهانه تلاقي استحقار تلاقي بس المشكله مش فيه المشكله فيا انا انا اللي ضعيفه ساكته راضيه معنديش كرامه
مشكلتي اني حبيته ومحبتش قبل كده حد زيه تنازلت عن كل حاجه علشانه علشان بحبه
ماما وخالتو دايما كانوا يحرضوني عليه علشان اتلحلح من مكاني واقف قصاده بس انا مكنتش بعمل اي حاجه غير العياط اول أما يكلمني وهو استحلاها استحلي التقليل مني
قبل اليوم اللي غير حياتي ٣٦٠درجه كان اتغير معايا كان يجي يقعد جنبي علي المرجيحه اللي ف الجنينه بعد ميخلص شغل ينام علي رجلي ويحكيلي يومه ويقولي قد ايه اني جميله واني مختلفه وطبعا علشان انا مغفره كنت بصدقه كنت بحبه اكتر واكتر ف الليله اللي قبل لوحش يوم ف حياتي ختم قعدته معايا بكلام لمس قلبي _انتي اسم علي مسمي يا ايه خليكي كده دايما اوعي تتغيري انتي اجمل حد انا شوفته ف حياتي انتي اطيب قلب شوفته اوعديني انك تفضلي تحبيني مهما حصل
وطبعا لاني اكتر واحده عديمه كرامه قولت بكل الحب اللي ف قلبي ليه =اوعدك يا حته من ايه
نو كرامه علي الاخر يعني
طلعت نمت وانا اول مره في حياتي ابقي مبسوطه كده صحيت الصبح بسال عنه قالولي راح الشغل اليوم مشي عادي جدا زي اي يوم جه بليل سلم عليا بحب وقالي _عامله ايه يا أيتي
ببهجه وحب =الحمدلله انت عامل ايه يا يونس
_بخير طول ما انتي بخير ياقلب يونس
ضحكت وبصيت ف الارض قلبي وعقلي وروحي بيرقصوا
_انا هدخل اخد شور ونطلع نقعد بره
=ماشي
استنيته لقيته طالع لابس بدله

_معلش يا ايه ورايا مشوار ضروري لما ارجع نبقي نتكلم
=تمام ماشي خلي بالك من نفسك
وهو بيبص عليا وهو ماشي _حاضر وانتي كمان
سمعت صوت تليفون بيرن وانا طالعه لدور الغرف وكعاده يونس بينسي حاجته دايما وانا اللي بمشي وراه اشوف حاجته تمام ولا لا
دخلت أوضته لقيت الفون بتاعه علي السرير مسكته لقيت الاتصال خلص ولقيت رساله اتبعتت
-تعالي بسرعه مستنياك اوعي تتأخر من اميره
ودي السكرتيره بتاعته وصاحبتي المقربه
دماغي اتشلت وجسمي كمان يونس بيخوني ومع مين مع اميره صاحبت عمري ياربي لا
نزلت جري ركبت عربيتي وروحت شقت اميره هي ابوها وامها مسافرين امريكا وهي اللي قاعده ف الشقه لوحديها
طلعت وانا بدعي ربنا أن ملاقيهوش اني متكسرش الكسره دي خبط علي الباب لقيته بيفتح وهو بيقولها _الاكل وصل ياروحي وهي وراه لابسه لبس مش احسن حاجه
بصيت عليهم وانا خلاص تكه وهيغمي عليا يونس اميره مع بعض لا اكيد انا شايفه غلط الاتنين عارفين اني بحبهم قد ايه الاتنين مع بعض ازاي يعني انا بتخيل اكيد يونس لا
اميره صاحبتي حبيبت عمري لا يارررررررررب
_أيه متفهميش غلط بالله عليكي استني اشرحلك
-ايوه يا ايه

=افهمكم غلط ده انا فاهمه صح وصح اوي كمان
انتي يا اميره تعملي فيا انا كده ده انتي اكتر واحده عارفه أنا بحب يونس قد ايه انتي اكتر واحده عارفه انا بحبك قد ايه
عيطت- ايه علشان خاطري انا اميره حبيبتك صاحبتك اختك علشان خاطري سامحيني
=انا مش عايزه اشوفك تاني انسيني انتي كسرتيني منك لله يا اميره علي وجع قلبي
_ايه
=انت تخرس خالص مش عايزه اسمع صوتك انت اكبر خدعه انا اتخدعتها ف حياتي انا بكرهك يا يونس ولو رجع بيا الزمن عمري مهحبك ربع الحب اللي حبتهولك ده انت متستاهلش قلبي انت متستاهلنيش اصلا انت شخص معقد وخلتني معقده زيك منك لله يايونس منك لله
_أيه متسبنيش انا محتاجلك
=ولما انا احتجتلك كنت موجود يعني
كرهت نفسي والدنيا بسببك كرهت قلبي اللي حبك كرامتي اتبعطرت بسببك ياشيخ مش عايزه اشوف وشك تاني انت فاهم وانا وماما من بكره هنروح بيت تاني انا بكرهك يا يونس بكرهك اتفووووو عليك
نزلت وانا ف حاله ميؤس منها بموت من جوايا
نزلت ركبت العربيه وانا مش شايفه قدامي ومره واحده……….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عقدة حياتي)