رواية وأغواهم الشيطان الفصل الثامن 8 بقلم عادل عبدالله

رواية وأغواهم الشيطان الفصل الثامن 8 بقلم عادل عبدالله

رواية وأغواهم الشيطان البارت الثامن

رواية وأغواهم الشيطان الجزء الثامن

رواية وأغواهم الشيطان الحلقة الثامنة

ايمن : هو ناصر بييجي هنا وانا مش موجود ؟
ياسمين ؛ انت هتعمل فيها مش عارف تاني ؟
ايمن : يبقي بييجي هنا يا فاجرة .
ياسمين : انا فاجرة بعد ما اتجوزتك علشان اتجوزت واحد بقرنين .
ايمن ضربها علي وشها فجريت وقفلت اوضتها علي نفسها .
ايمن قعد مع نفسه شعر ان حياته اتدمرت وخسر نفسه وبيته ومراته و بيتعجب وصل للوضع ده ازاي !!!! وبدأ يفكر ازاي ينتقم من ناصر اللي استغل ظروفه واحتياجه للمال ونال من شرفه بدل ما يساعده ويقف جنبه مثل اي صديق مخلص .
ايمن نادي علي ياسمين وقالها : افتحي يا ياسمين .
: مش هفتح .
: افتحي هقولك حاجة .خلاص معلش حقك عليا .
: بتضربني يا ايمن !! بعد كل ده بتضربني !!
: خلاص معلش محستش بنفسي .
: انت عاوز ايه دلوقتي ؟ انا تعبانه وعاوزة انام .
: هقولك كلمتين وبعدين نامي . فتحت ياسمين الباب و ايمن قالها : تعالي اقعدي عاوزين نتفق اتفاق .
: اتفاق ايه ؟
: هننسي موضوع ناصر ده وكأنه محصلش بس بشرط مش تتكرر تاني .
: ولو انا وافقتك علي كلامك ده هنصرف منين ؟
: هنصرف ونعيش من شغلي .
: وهو انت هتستمر في شغلك ؟!! دا انت مش بتعمر في شغلانة .
: لأ خلاص انا مش هقعد من الشغل تاني .
: و هتجيب كيفك منين ؟
: انا نويت ابطل شرب مخدرات ولو شربت هتبقي مرة واحدة يوم الاجازة بس مش اكتر .
: مش هنضحك علي نفسنا انت مش هتبطل يا ايمن .
: هو انتي مش عاوزاني ابطل مخدرات ولا ايه ؟
: مش هتفرق كتير .
: ياسمين قوليلي انتي عايزة ايه ؟
: انا نفسي مش عارفة انا عاوزة ايه .
: قوليلي بصراحه ناصر ….معاكي كام مرة ؟
: بالذمة انت عندك دم وانت بتسألني السؤال ده ؟!!
: انا قولتلك اني لازم انتقم لك من ناصر وبكره تشوفي .
: ادينا عايشين لما نشوف اخرتها ايه ؟
: طيب تعالي بقي علشان وحشتيني اوي .
: لأ .
: ليه ؟
: اصل هو كان هنا النهارده وبصراحه تعبانه اوي .
ايمن كان هيقوم يموتها بعد الكلمة دي لكنه قعد و قرر انه ينتقم منهم هما الاتنين ، ينتقم منها بعد اهانتها له ومن ناصر اللي استغل ظروفه .
ناصر كل يوم يرجع من شغله ويروح لياسمين اللي كانت بتنتظره بشغف ويقضوا مع بعض وقت في الحرام وينزل قبل رجوع جوزها ايمن من شغله .
ايمن فكر انه يعمل مصيدة ويرجع في يوم بدري علشان يمسكهم متلبيسين ويقتلهم وتخلص القضية دفاع عن الشرف ويطلع براءة !!
فهمي كمان لاحظ ان ناصر مش بيظهر بعد رجوعه من شغله وشك انه بيروح لياسمين وبيخبي عنه .
فهمي قرر يراقب ناصر علشان يتأكد ، وفعلا فهمي شاف ناصر وهو طالع لياسمين !! انتظر نص ساعة واتصل بناصر اللي مردش عليه !!!
فهمي اتصل كتير وبعد اكتر من ساعة ناصر اتصل به ..
ناصر : ايه يا فهمي فيه ايه ؟ اتصلت عليا كتير اوي كده ليه النهارده ؟
فهمي : كنت عاوز اقعد معاك شوية ، اتصلت عليك كتير مردتش عليا ؟
: رجعت من الشغل تعبان نمت شوية .
: طيب انزلي علي القهوة علشان عاوزك .
فهمي اشتعلت النار في رأسه واتأكد ان ناصر بيضحك عليه .
فهمي وناصر اتقابلوا علي القهوة واول لما قعدوا ناصر قاله : ايه يا بني مالك ؟ منزلني علي ملا وشي ليه ؟
: مش احنا طول عمرنا اصحاب يا ناصر ؟
: ايوه اصحاب فيه ايه بقي ؟؟
: فيه انك عارف اني عاوز ياسمين والموضوع كله في ايدك وبتنفضلي !!
: ياض يا خايب بنفضلك ايه !! مش انا قولتلك ان مش هينفع نروح هناك وايمن مش موجود ؟ استني بس ايمن مسيره هيقعد من الشغل وهنطلع عنده تاني وساعتها ابقي اعمل اللي انت عاوزه يا عم .
: انت لسه هتضحك عليا وتثبتني يا ناصر ؟؟
: اضحك عليك ليه ياض يا اهبل انت ؟؟
: علشان انت بتطلعلها كل يوم وبتكدب عليا ؟
: ومين اللي قالك كده ؟
فهمي (بخبث) : ياسمين نفسها اللي قالتلي .
ناصر : ياسمين !!! وانت شوفت ياسمين فين ؟؟
: شوفتها وخلاص .
: اتكلم ياض وانطق شوفتها فين ؟
فهمي (بضحكة خبث ) : لما كنت معاها ؟
ناصر (بدهشة ) : كنت معاها فين ؟
: ما انا لما لقيتك بتنفضلي هددتها اني هفضحكم فوافقت وطلعت …. معها .
: انت هتستعبط يا روح امك !!! ياسمين هتبصلك انت يا معفن !!
: ما انا لما هددتها خافت وافقت وطلعت عندها اكتر من مرة. بس الصراحة البت دي ملهاش حل .
: انت بتشتغلني ياض انت !!! انت كداب .
: خلاص انا بكدب عليك يا عم انسي اللي انا قولته ده خالص ومحصلش حاجة .
: طيب بافتراض اني هصدقك رغم اني عارف انك كداب ، قالتلك الكلام ده انت ليه ؟
: اصلها فضفضت لي لما كانت معايا وقالتلي كل حاجة .
: قالتلك كل حاجة ازاي يعني ؟
: قالتلي انها بتشتغلك وبتضحك عليك علشان تاخد منك الفلوس و انها بتكرهك اوي من ساعة ما اغتصبتها غصب عنها ، ومستنية لما تاخد منك مبلغ كويس وبعدين هتوديك في داهيه وتحبسك علشان تخلص منك .
: انت ايه الكلام اللي بتقوله ده !!
: زي ما بقولك كده . تحب اقولك أمارة اني ….. معها ؟؟
: قول .
((فهمي افتكر اثتاء ما حاول مع ياسمين وصدته انه شاف في ضهرها شامة كبيرة ))
فهمي : ياسمين عندها شامة سودا كبيرة في ضهرها من تحت .
ناصر : تبقي ….. معها يا ابن الجزمة .
: مش بقولك يا ناصر ، وانا هكدب عليك ليه ؟!
: يعني بنت ال….. خلتك انت يا معفن ……. معها ؟!!!
: بلاش غلط يا ناصر علشان مغلطش فيك .
: غلط ايه يا ابن ال …. !! هو انت فاكر نفسك بني ادم ؟!!! ده انت الاراجوز بتاعنا اللي بيضحكنا .
: بقي كده يا ناصر ؟؟؟
: ايوه اومال انت فاكر نفسك ايه !!
: ماشي يا ناصر .
قام فهمي ومشي وهو بيغلي من كلام ناصر واهانته له المستمرة والسخرية منه وقرر انه يتربص بناصر وياسمين ويشوف هيعملوا ايه مع بعض بعد ما وقعهم في بعض .
ناصر قعد و كله نار و غل من ياسمين اللي بتضحك عليه وقرر انه لازم ينتقم منها .
تاني يوم ناصر رجع من شغله واتصل بياسمين علشان يطلعلها .
ناصر شرب مخدرات كتير و اخد مطواة وطلعلها وكان فهمي شايفه وهو طالع عندها .
بمجرد ما طلع ناصر قالها (بخبث) : وحشتيني اوي يا ياسو .
ياسمين : وحشتك !! ده احنا كل يوم مع بعض .
ناصر : برضو وحشتيني اوي .
ياسمين : وانت كمان .
ناصر اخد ياسمين ودخلوا اوضة النوم واثناء قلع البنطلون وقعت المطواة علي الارض .
ياسمين اول لما شافتها سألته (بتعجب وخوف) : انت شايل مطواة ليه يا ناصر ؟
ناصر (بارتباك) : لا اصل انا متخانق مع واحد و شايلها احتياطي .
ياسمين ( حسيت بالغدر منه ) قالتله : المطواة دي خليها معايا منعا للشر .
ناصر : لأ هاتيها .
ياسمين : لأ مش هسيبهالك علشان متوديش نفسك في داهية .
ناصر : يعني انتي بجد خايفة عليا ؟
ياسمين : ايوه طبعا علشان بحبك .
ناصر : اومال بتخونيني ليه ؟
ياسمين : بخونك ؟!! مين اللي قالك كده ؟
ناصر : يعني انتي مش ….. مع فهمي ؟
ياسمين : فهمي !! فهمي مين المعفن ده اللي هبص له !!!
ناصر : اومال فهمي شاف الشامة اللي في ضهرك ازاي ؟!!
راح ناصر مسكها بعنف وكتفها وشل حركتها وكمم فمها بمنديل وهي بتحاول تترجاه يسيبها !!
ناصر قالها : بقي انتي عاوزة تضحكي عليا وتحبسيني !!!
وبعدها قلعها هدومها و بدأ …… غصب عنها .واثناء العلاقة خنقها !!!
فهمي كان طلع علي المواسيروقدر يدخل الشقة من شباك المطبخ .
فهمي مشي بالراحه جوه الشقة لحد ما وقف علي باب اوضة النوم وشاف ناصر مع ياسمين .
فهمي اول لما شافهم مع بعض دخل جري وطلع سكين كانت معاه وطعن بيها ناصر في ضهره !!
ناصر اتلفت لفهمي وروحه بتطلع ، فهمي ضحك اوي وقاله : ايوه يا ناصر انا قتلتك ، فهمي المعفن الاراجوز اللي بتسخر منه هو اللي قتلك يا ناصر ، وبعدها طعنه عدة طعنات بالسكين حتي لفظ انفاسه الاخيرة .
ياسمين كانت لسه مش ماتت بعد خنق ناصر لها ، فهمي قلع هدومه وبدأ …… معها .
في الوقت ده ايمن رجع من الشغل علشان يظب ناصر وياسمين متلبسين !!
ايمن فتح باب الشقة وجري علي المطبخ اخد سكين المطبخ ودخل جري علي اوضة النوم وفي لحظة كان دبح فهمي ( ظنا منه انه ناصر ) ثم اجهز علي ياسمين طعنا حتي فارقت الحياة .
وقف ايمن و في ايده السكين الملطخة بالدماء !! واتفاجئ بأن اللي اتقتل فهمي مش ناصر ثم اتفاجئ بجثة ناصر علي الارض !!!
ايمن ارتبك لما شاف جثث التلاتة قدامه !!!
وبعد لحظات دخل افراد الشرطة ومسكوه وهو واقف وسط جثث التلاتة !!!
*******
وهنا سألني هاشم بيه : هو ده كل اللي حصل يا محسن ؟
: ايوه يا فندم .
: ماشي يا فهمي عموما انت كلامك كله مطابق تقريبا لشهادة باقي الشهود .
: وهو في شهود تانيين غيري يا فندم ؟
: ايوه طبعا اومال تفتكر مين اللي بلغ الشرطة لما وصلت بعد الجريمة ؟؟
: ايوه يا فندم صحيح مين اللي بلغكم لما روحتوا وقبضتوا علي ايمن بعد الجريمة ؟
: الجيران يا محسن كانوا لاحظوا اللي بيحصل لما ناصر كان بيطلع بيت ايمن وهو مش موجود ، ولما قرفوا من اللي بيحصل بلغونا علشان نمسك ناصر وياسمين متلبسين ، و بالصدفة ايمن مخطط للجريمة وحصلت كل الاحداث دي في نفس اليوم .
: وايمن يا فندم ؟؟
: ماله يا محسن ؟
: ممكن ياخد سجن ولا اعدام ؟
: القانون هو اللي هيقول كلمته لكن اكيد هيكون مصيره الاعدام علشان يكون عبرة لأمثاله .

لقراءة باقي حلقات الرواية اضغط على : (رواية وأغواهم الشيطان)