رواية البنت غير الشرعية الفصل المائة واثنان 102 بقلم ياسمين
رواية البنت غير الشرعية الفصل المائة واثنان 102 بقلم ياسمين
رواية البنت غير الشرعية البارت المائة واثنان
رواية البنت غير الشرعية الجزء المائة واثنان
رواية البنت غير الشرعية الحلقة المائة واثنان
دخلنا عند الحفافة خدمت لاميمة أولا قتلها معليش باش إذا بكاو ولادك روحيلهم قاتلها أميمة لاغوب جاية غير كتف والآخر عريان ديريلها حرقوس قتلها اكتبيلي يوسف ولاو يضحكو عليا خدمتهولي ممبعد مشطتلي شعري دارتهولي بجهة ودارتلي مساك شباب نتاع طاوس وبقات تمكييلي حتى دخلت واحدة معمرة الله يبارك بيضاء وعينيها خضورا شعرها بليماش صفورا ومعاها بنت تكون عندها 4 سنين هكاك شافت أميمة سلمت عليها ممبعد قاتلها مبروك على مروى زواج الدهر قاتلها الله يسلمك حتى قاتلها عقبال عند يوسف والله فرحت حسبت هو راح يزوج يا خسارة قاتلها بعيد الشر علاه حتى يتزوج عندو لالات النسا واش يدير بلخرين دهشت قاتلها علاه يوسف تزوج ووقتاه قاتلي ايه تزوج راه عندو قريب عامين وهاهي مرتو والحمد لله راهي بالحمل هذيك خلاص تخيلو كامل باركولي وانا نشوف مع أميمة وهي والله مخرجت منها بقات تكيل غيا من فوق لتحت همستلي هذيك الحفافة هذي مرتو القديمة ياه هذي هيا الصح يقال شابة بزاف من زهري لقيتو يعيط هزيت عليه
واه حبيبي كملت تقدر تجي ليا توحشتك حتى أنا لقيتها باغية تاكلني خلصنا وخرجنا بقى غير يشوف معايا قتلو هيا قلع ولات أميمة تضحك علينا قالتو وقيلا حرمت عليك قاللها علاه معيطتيش لراجلك جا داك رحنا نضحكو وصلنا طلعنا للسويت لقينا محمد جابلنا حوايجنا لبسنا مع بعض لاغوب روعة جاية فالبلو غوا ساتان قلاصي سيغي من فوق ولارج من تحت كتف كاين وكتف لالا وشلق في النص حتى نص الفخض لبستها ودرت باغوغ البندقة هي لبست غوب نواغ دونتال قصيرة من قدام وطويلة من اللور دخل عندنا يوسف هو الأول قالنا راكم شابين غمز اميمة خرجت جا عندي تحضني من اللور وبقى يبوس فالحرقوس قالي حاطة اسمي قتلو مالا ندير اسم شكون ولا يضحك قالي نحي صياغتك قتلو علاه قالي نحيها قبل نحيتها لبسلي واحدوخرين شحال شابين هههه جاين عقاش حتى ممبعد عرفت بلي لؤلؤ الله غالب منيش موالفة قالي خليك معايا ولا مع أميمة ردي بالك تبقاي وحدك قتلو اوكي هبطنا مع بعض في 4 كان محمد جا دخلنا للصالة لقيناهم مزال يخملو فيها زدنا دخلنا لوحدة صغيرة لقيناهم كامل تما ووحدين خالاتهم بقاو كامل يشوفو معايا مصدومين عجوزتي الوحيدة لي جات
عنقتني وترحب وتعاود قاتلي وأخيرا رجعتي قتلها واه رجعت مسكينة شحال فرحت بيا هي وخوه أيوب الصغير ولا يقوللهم كيفاه هذي مرت يوسف هذي راها صغيرة حتى ضربو على راسو قالو اخطيها جوزنا العرس صراحة جاني سامط موش كيما عراسنا زدقزدق ولومبيوس والو تحسب حفلة تعارف غير هذا فلان وهذي فلان وسي يوسف عاجبو الحال لي يلقاه ولا يلقاها يقوللها هاهي المدام مجا يكمل عرسهم حنى كرهت قتلو يوسف مليت ضحك قالي روحي مع أميمة منطولش ونجي قعدت مع أميمة واحد ربع ساعة جا قالي هيا بقينا يماه على خير صايي راحو لي انفيتي نتاعهم بقاو غير صحاب الدار حتى العروسة وراحت مع راجلها لا كورتاج لا والو عرس سامط رهج المهم طلعنا كنت عيانة قتلو نفوت طول نرقد قالي شدي هذاك الخيط فتحلي الباب مع دخلت ونلقى الحالة ورد وشموع وبالونات غلق الباب وحشرني معاه قالي بسومتي هنا وخلاص منيش قادر نزيد نصبر بليز مديلي فرصة والله راح نعوضك هزيتلو راسي بايه بقى يبوس فيا من وجهي من عينيا باسني من شواربي تفاعلت معاه حطيت يديا ورا رقبتو هبل حتى ضاقت فينا النفس قتلو يوسف معليش ندوش ونجي قالي للعمر يتنحى
هذاك الوشام ضحكت قتلو منخليهش يتنحى قالي هيا مالا دخلت غسلت لقيتو يطبطب قلت سيغ طولت قتلو واش قالي هاكي حليت غير شوية لقيتو عطاني ديزابي بلون كملت ولبستهم مع فتحت الباب لقيتو واقف مع البوتاجي مقابلني جاني يجري هبل كلاني ماكلة ورفدني للبيت حطني على السرير وبقى معايا بالفعل والكلام طيرني للسما السابعة لدرجة وليت انا ندوموندي فيه وهو هبل خلاص كان حنين معايا فوق التصور عشت معاه اروع ليلة نعم هذي كانت ليلة عرسي .
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)