رواية غرام الفصل الثالث والثلاثون 33 بقلم زهرة الربيع

رواية غرام الفصل الثاني والثلاثون 32 بقلم زهرة الربيع

رواية غرام البارت الثالث والثلاثون

رواية غرام الجزء الثالث والثلاثون

رواية غرام الحلقة الثالثة والثلاثون

اتفاجأت باتنين شباب نزلو من العربيه مسكوها بالقوه عايزين ياخدوها غرام حاولت تصرخ لاكن للاسف خدروها وحطوها في العربيه وطلعو بسرعه
بدر كان راجع القصر والحرس اتصلو عليه قلولو ان غرام خرجت ومقدروش يمنعوها بدر قفل معاهم وهو خايف جدا على غرام وصل القصر بسرعه وبقى ينادي على اهلو بزعر
صفاء ومحمود طلعو من الاوضه ومستغربين محمود قال…فيه ايه يا بدر مالك
بدر بخوف…غرام …غرام قلتلكم رايحه فين
صفاء …ليه هيه غرام مش في اوضتها
بدر قعد بصدمه ورعب كده اتأكد انها خرجت من غير م تقول رايحه فين
نزلو عصام وسحر وعصام قال…فيه ايه مالك با بدر
…بس بدر كان مش بيرد وقاعد مكانو بخوف حقيقي
عصام استغرب وقال فيه ايه يا جماعه
محمود بقلق….غرام خرجت ومقالتش رايحه فين
عصام قلق شويه بس حاول يهدي بدر قال….طب اهدى يمكن نتقصها حاجه حبت تجبها…
بدر مكانش مهتم لكل الي بيدور حواليه وكان بيتصل على غرام برعب بس تلفوانها مغلق حس الارض بتدور بيه ونفسو ضاق فجأه وبقى يحاول هو وعصام يشوفو كاميرات القصر والكاميرات الي حواليه لحد ما شافو العربيه الي خطفت غرام بس العربيه مكانش لها ارقام
بدر اول ما شافهم بياخدوها وهيه بتحاول تفلت منهم بضعف نزلت دموعو وحس بعجز محسوش قبل كده عصام حط ايده على كتفو وقال…ان شاء الله هنلاقيها
استمرو اليوم كلو في محاولات واتصلات بيحاولو يلاقو اي طريقه توصلهم ليها بس بدون فايده حتى انهم بلغو البوليس بس مكانش قدامهم غير انهم يستنو الي خطفها يتصل ويقول على طلباتو
في مكان تاني كانت غرام بتفوق وتفتح عنيها بضعف اول ما فتحت عنيها اتخضت لما لقت نفسها مربوطه في كرسي في مكان غريب وفيه حرس مسلحين حواليها
غرام كان بترتعش بخوف قالت…انا فين…انتو ..انتو جبتوني هنا ليه…حد يرد عليا
بس مكانوش بيردو عليها وهيه كانت مرعوبه حرفيا
بعد شويه دخل راجل في اواخر الخمسينات بشكل وسيم مش متأثر بعوامل السن وقال باستهزاء…اهلا…اهلا بالغرام المستحيل الي عذب القلوب
غرام بصتلو باستغراب وقالت بخوف…انت …انت مين .وجبتني هنا ليه
المجهول…انا مين دي مش شرط تعرفيها بس هقولك جبتك ليه ..جبتك علشان احرق قلبك وقلب جوزك هخليكم تتمنو لو متو معشتوش الايام دي دخل الدكتوره يا ابني
اول ما قال كده دخلت دكتورة غرام وغرام اتصدمت بشده قالت…انتي …انتو عصابه بقى..عايزين مني ايه اوعو حد يقربلي
المجهول ضحك بشده وقال…عارفه من زمان برسملك في بالي صور واخمن شكل البنت الي تعبت قلوب ووقعت كل شاب بيشوفها بس انتي اجمل بكتير من تخيلاتي حتى عصبيتك الي مش في وقتها خالص حلوه وبصلها بصه ترعب وقال شايفه الحقنه الي في ايد الدكتوره دي
غرام بصت عليها بخوف وهو كمل …هتاخدي ٣ حقنات منها بالكتير والي في بطنك تترحمي عليه مش بس كده هتاخدي كمان ٢ تاني وتبقي مدمنه يعني بدال ما كنتي في مصحه عقليه هتدخلي مصحة ادمان يلا العد بدأ انهارده هتاخدي الحقنه الاولي وبعد يومين هتاخدي التانيه وهتفضلي كل يومين تاخدي واحده لحد ما اخد حقي منكم
غرام اترعبت من فكرة ان ابنها ينزل قالت برعب…طب نتفاهم انت اطلب الي انت عايزه بس سبني ارجوك متأذيش ابني
المجهول بغضب… ائذيه كلمه ائذيه قليله قوي على الي هعملو فيه وفيكي شايفه المكان الحلو ده… ده مخبأ الطفوله انا وأبوكي يا ما لعبنا هنا وكان يكره المكان ده قوي وعلشان كده جبتك فيه علشان الحاجه الي هو بيكرها انا بحبها
غرام استغربت قوي قالت…انت تعرف بابا
المجهول…طبعا اعرفه ده حبيبي انا فضلت محافظ على المكان ده لحد دلوقتي علشان اجيبك هنا محدش هيعرف يلاقيكي هيفضلو يدورو ومش هيوصلو لحاجه لحد ما انا اخلص على ابنك واخليكي مدمنه تبوسي ايدي ورجلي علشان تاخدي حقنه واحده ….. يلا يا دكتوره شوفي شغلك
الدكتوره قربت عليها والحرس مسكو غرام بقوه وغرام كانت بتصرخ برعب وبتقول حرام عليكو …حرام…انا عملتلكم ايه…حرام متأذوش ابني حرام
الدكتوره ادتها الحقنه والمجهول قال بغضب …خايفه على ابنك انا كمان خفت على ابني وانتو مرحمتهوش انتي وجوزك هتدفعو التمن غالي قوي
غرام كانت بتبكي بس استغربت كلامو قالت ببكاء ورعب
..ابنك.. احنا عملنا ايه لابنك…واصلا مين ابنك ده
المجهول بصلها وقرب عليها وقال…ركذي كويس في وشي..في ملامحي مش بتفكرك بحد متعرفيش حد بالملامح دي…حد حبك اوي ومات بسببك يا بنت القاضي
بقلمي…زهرة الربيع
غرام اتصدمت لما ركذت في وشو وقالت برعب …انت…مين
عند بدر فضل اليوم كلو مهديش دقيقه مبطلش يدور ثانيه واحده حاسس بنار جواه كل ما يفكر انها لوحدها مش عارف مين دول الي خطفوها وعايزين ايه ماسك التليفون في ايده بيتمنى يتصلو بيتمنى لو يطلبو عمره ويسيبوها قال بيأس ودموع…يا ترى انتي فين يا غرامي
مرو يومين على نفس الحال وجيه معاد الحقنه التانيه وغرام لسه مخطوفه وبدرقالب الدنيا عليها و مستني اي خبر عنها مبطلش يدور عليها وعمل اعلان في الصحافه والاعلام عن خطفها رغم انو متأكد انو مش هيلاقيها لاكن كان بيحاول بكل الطرق لحد ما جالو عصام وقال بلهفه…بدر فيه واحد تحت عايز يقابلك ضروري
بدر قال بعصبيه شديده …قولو مش عايز اشوف حد ..كام مره هقولكم مش قادر اكلم حد
عصام قال بسرعه…بيقول انو يعرف حاجه عن غرام
يدوب قال كده وبدر نزل بسرعه بس وقف مكانو على السلم بصدمه واتحولت ملامحو لغضب شديد وقال…انت …انت ايه الي جابك هنا
سامي قال…انا قريت ان غرام اتخطفت و
بدر قرب عليه بغضب مهلك وقال…وانت مالك بغرام افرض انخطفت انت دخلك ايه..شوف انا حاليا مش قادر اتخانق مع حد امشي من هنا احسنلك وسابو ولسه هيطلع اتجمد مكانو لما سامي قال بسرعه…انا كنت تقريبا اعرف مين الي خطفها
بدر رجع تاني بلهفه وقال…تعرفو ..طب هو مين..اطلب الي انت عايزه هديهولك بس تقولي على مكانها
سامي قال بحزن…انا صدقني معرفش اسمو ولا اخدها على فين بس قابلتو مرتين تلاته كل الحكايه انو اجرني ودفعلي فلوس علشان اخليكم ترجعو القاهره مكانش عايزكم تفضلو في شرم الشيخ وانا كنت بعمل الي هو طلبو مني بس لما انتو فضلتو هناك ومرضتوش ترجعو هو عمل حاجه خلاكم نزلتو بسرعه معرفتش عمل ايه كل الي قالهولي انو اتصرف
بدر هنا افتكر لما ساب الشاليه علشان عصام اتصاب وفهم كل الحكايه ان عصام انضرب عليه علشان يسيب الشاليه وطبعا كل ده علشان غرام ترجع المصحه حب يساير سامي ويعرف منو اي معلومه توصلو لغرام قال..طب هو اتعرف عليك فين
سامي قال….هو جالي مخصوص لان الشاليه الي جمبكم بتاع مرات ابويا وهو عرف ان في بينا مشاكل عائليه واني مش بطيقها لان امي اتطلقت بسببها ومرات ابويا دي تبقى والدة غرام وعلشان كده انا وافقت على اذيت غرام قلت انا اضايقها وانتقم منها في بنتها بس لما شفت غرام
سامي سكت لما خد بالو انو بيحكي لجوزها وبدر ضم ايدو بغضب شديد بس في الوضع الحالي معندوش اهم من انو يلاقي غرام قال بضيق وغضب… وبعدين كمل
سامي ابدا…انا لما شوفت غرام حسيت ان حرام اعمل معاها كده ولما عرفت انها اتخطفت اتأكدت انو هو ورا خطفها فجيت اقولك
بدر اتضايق جدا واتحولت ملامحو لغضب اعمي وقال…تقولي على ايه …هو انت قولت حاجه مفيده..غير انك حكيتلي قصة حياتك يعني لا تعرف اسمو ولا تعرف اخدها على فين امال تعرف ايه وكان عايز يضربو بس عصام مسكو وبقة يمنعو ويقول….اهدى بس يا بدر اهدى
ومحمود قال…ما تهدى يا بدر مش وقت عصبيتك دي احنا في ايه ولا في ايه وبص لسامي وقال…انت مش بتقول انك قابلتو طب مقلكش هو بيكره غرام ليه
سامي قال…لا هو مشكلتو مع بدر بيقول ان بدر حرمو من ابنو الوحيد
بدر وقف شويه وقال ابنو الوحيد…كده وضحت كمال هرب من السجن واكيد هو ورا الي بيحصل
عصام قال……خلاص انا هتصل اشوف ازا كان هرب او لا
محمود قال بسرعه وتتصل ليه انا عندي صوره ليا مع صحاب الدفعه وشكلنا متغيرش فيها هجيبها وازا فعلا كمال هو الي عمل كده سامي هيتعرف عليه
سامي قال…اصلا شكلو مميز وانا اطلعو من وسط الف
محمود بعت الخدامه جابت البوم الصور وطلع صوره له مع اصحابو وشاور على صورة كمال وقال…هو ده يا ابني
سامي مسك الصوره ودقق فيها وقال لا مش ده وشاور على شخص تاني في نفس الصوره وقال…. اهو ده..ده هو الي كنت بقابلو
بدر ومحمود بصو على الشخص الي شاور عليه ومحمود قال بسخريه…انت بتستعبط علينا انا غلطان اني سمعتك اصلا
سامي قال والله ما بكدب …هو ده الي كان بيقابلني ودفعلي فلوس كمان
بدر قال بغضب…. ازاي يعني…ده رأفت السيوفي ده ميت من عشر سنين ووووووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)